భలే భలే మగాడివోయ్ సినిమాతో సక్సెస్ ట్రాక్ లోకి వచ్చిన నాని, ప్రస్తుతం సినిమాల విషయంలో చాలా సెలెక్టివ్ గా ఉంటున్నాడు. స్టార్ డైరెక్టర్ల నుంచి కొత్త దర్శకుల వరకు అందరూ నానితో సినిమా చేయడానికి రెడీగా ఉన్నా.. అతడు మాత్రం ఆచితూచి అడుగులు వేస్తున్నాడు. ముఖ్యంగా కృష్ణగాడి వీర ప్రేమగాథ సినిమాతో మంచి విజయం సాధించినా, ఆ సినిమా బ్లాక్ బస్లర్స్ లిస్ట్ లో చేరకపోవటంతో నెక్ట్స్ సినిమా విషయంలో మరింత జాగ్రత్తగా వ్యవహరిస్తున్నాడు.
 
 ప్రస్తుతం ఇంద్రగంటి మోహనకృష్ణ దర్శకత్వంలో తెరకెక్కుతున్న ఈ సినిమాలో హీరోగా నటిస్తున్నాడు నాని. ఆ తరువాత ఉయ్యాల జంపాల దర్శకుడు విరించి వర్మతో ఓ సినిమా చేస్తాన్న టాక్ వినిపిస్తున్నా, అఫీషియల్ గా మాత్రం ఎనౌన్స చేయలేదు. దీంతో తరువాత నాని చేయబోయే సినిమాపై ఇంత వరకు ఎలాంటి క్లారటీ రాలేదు. ఇప్పటికే 16 కథలు విన్న నాని వాటిలో ఏ ఒక్క కథకు ఓకె చెప్పలేదన్న టాక్ వినిపిస్తోంది. ఇలా నాని కాదన్న కథల్లో స్టార్ డైరెక్టర్లు తెచ్చినవి కూడా ఉండటంతో ఇండస్ట్రీ వర్గాలు షాక్ అవుతున్నాయి.


 హీరోగా మంచి ఫాంలో ఉన్న స్టైలిష్ స్టార్ అల్లు అర్జున్ కూడా త్వరలోనే నిర్మాతగా మారుతున్నాడు. ఇప్పటికే నితిన్, అఖిల్ సినిమాతో స్టార్ ప్రొడ్యూసర్ గా ప్రూవ్ చేసుకోగా, మహేష్ బాబు, పవన్ కళ్యాణ్ లాంటి టాప్ హీరోలు నిర్మాతలుగా తమ సినిమాలను తామే ప్రొడ్యూస్ చేసుకుంటున్నారు. మెగా పవర్ స్టార్ రామ్ చరణ్ కూడా చిరంజీవి 150వ సినిమాతో నిర్మాతగా మారడానికి ప్లాన్ చేసుకుంటున్నాడు. ఇదే బాటలో అల్లు అర్జున్ కూడా నిర్మాణ రంగంలోకి అడుగుపెట్టడానికి లైన్ క్లియర్ చేసుకుంటున్నాడట.
 
 తెలుగులో సూపర్ సక్సెస్ సాధించిన భలే భలే మగాడివోయ్ సినిమాను కన్నడంలో నిర్మించడానికి ప్లాన్ చేస్తున్నాడు బన్నీ. ఈ సినిమా తెలుగు వెర్షన్‌ను గీతా ఆర్ట్స్ బ్యానర్ పై అల్లు అరవింద్ నిర్మించగా, ఇతర భాషల్లో కూడా ఆయనే ప్రొడ్యూస్ చేస్తారని భావించారు. అయితే తాజా సమాచారం ప్రకారం కన్నడgలో మాత్రం ఈ సినిమాను అల్లు అర్జున్ ప్రొడ్యూస్ చేయాలని భావిస్తున్నాడట.
 
 హీరోగా తెలుగుతో పాటు మళయాళ, కన్నడ భాషల్లో కూడా మంచి మార్కెట్ ఉన్న బన్నీ ఈ సినిమాను నిర్మిస్తే అక్కడ సినిమాను ప్రమోట్ చేయటం కూడా ఈజీ అవుతుందని భావిస్తున్నారు. మరి హీరోగా సూపర్ సక్సెస్ అయిన బన్నీ నిర్మాతగా ఎలాంటి రిజల్ట్ ఇస్తాడో చూడాలి.


 టాలీవుడ్లో స్టార్ ప్రొడ్యూసర్గా మంచి క్రేజ్ సొంతం చేసుకున్నఅల్లు అరవింద్ శాండల్ వుడ్ ఎంట్ ఇస్తున్నాడు. ఇప్పటికే తెలుగుతో పాటు తమిళ, హిందీ సినిమాలను కూడా నిర్మించిన ఈ బిగ్ ప్రొడ్యూసర్ త్వరలో కన్నడ సినిమాకు  సిద్ధం అవుతున్నాడు. తెలుగులో ఘనవిజయం సాధించిన 'భలే భలే మొగాడివోయ్' సినిమాను కన్నడలో రీమేక్ చేయనున్నాడు అల్లు అరవింద్.
 
 భలే భలే మొగాడివోయ్ కన్నడ రీమేక్ రైట్స్ను రాక్లైన్ వెంకటేష్కు అమ్మేయాలని భావించినా,  తరువాత ఆ ఆలోచనను విరమించుకున్నాడు. ప్రస్తుతం రాక్లైన్ వెంకటేష్తో కలిసి తానే స్వయంగా ఈ సినిమాను కన్నడలో నిర్మించాలని భావిస్తున్నాడట. అయితే ఈ సినిమాలో హీరోగా ఎవరు నటిస్తారన్న విషయంపై మాత్రం క్లారిటీ రాలేదు.


 ఇటీవల కాలంలో సరైన హిట్ లేక కష్టాల్లో ఉన్న యంగ్ హీరో నానికి 'భలే భలే మగాడివోయ్' సక్సెస్ కొత్త కిక్ ఇచ్చింది. లో బడ్జెట్ తో డిఫరెంట్ కాన్సెప్ట్ తో తెరకెక్కిన ఈ సినిమా నాని కెరీర్ లోనే బిగెస్ట్ హిట్ గా నిలిచింది. అంతేకాదు.. కరెక్ట్ కంటెంట్ ఉంటే చిన్న సినిమా కూడా 50 కోట్ల వసూళ్లను రాబట్టగలదని ప్రూవ్ చేసింది ఈ సినిమా.
 
 భలే భలే మగాడివోయ్ సినిమాతో నాని మార్కెట్ రేంజ్ కూడా భారీగా పెరిగింది. ముఖ్యంగా ఈ సినిమా ఓవర్ సీస్ లో రికార్డు కలెక్షన్లు వసూళు చేయటం నానికి ప్లస్ అయ్యింది. ఇదే జోష్ తో నాని ప్రస్తుతం చేస్తున్న సినిమాకు షూటింగ్ కూడా పూర్తి కాకముందే బిజినెస్ జరిగిపోయిందట.
 
 ప్రస్తుతం నాని, అందాల రాక్షసి ఫేం హను రాఘవపూడి దర్శకత్వంలో ఓ రొమాంటిక్ ఎంటర్ టైనర్ లో నటిస్తున్నాడు. 14 రీల్స్ బ్యానర్ పై తెరకెక్కుతున్న ఈ సినిమా షూటింగ్ నవంబర్ లో పూర్తి కానుంది. ఇప్పటికే ఈ సినిమా బిజినెస్ పూర్తయ్యింది. ఈ డిసెంబర్ లేదా జనవరిలో రిలీజ్ చేయడానికి ప్లాన్ చేస్తున్నారు చిత్రయూనిట్.


 ఇటీవల కాలంలో వరుస అపజయాలతో కష్టాల్లో పడ్డ నాని తిరిగి ఫాంలోకి వచ్చాడు. ఎవడే సుబ్రమణ్యం సినిమాతో తిరిగి సక్సెస్ ట్రాక్ ఎక్కిన ఈ యంగ్ హీరో భలే భలే మగాడివోయ్ మంచి విజయం సాధించడంతో స్టార్ స్టేటస్ అందుకున్నాడు. ఈ సినిమాతో భారీ కలెక్షన్లను రాబట్టిన నాని.. చిన్న సినిమా నిర్మాతలకు స్టార్ హీరోగా మారిపోయాడు.
 
 అదే జోరులో ఇప్పుడు వరుస సినిమాలకు కమిట్ అవుతున్నాడు. ఇప్పటికే అందాల రాక్షసి ఫేం హను రాఘవపూడి దర్శకత్వంలో ఓ సినిమా చేస్తున్నాడు. దాదాపుగా షూటింగ్ పూర్తి కావచ్చిన ఈసినిమాలో బాలకృష్ణ అభిమానిగా నటిస్తున్నాడు నాని. ఈ సినిమా సెట్స్ మీద ఉండగానే మరో సినిమాను స్టార్ట్ చేయడానికి ప్లాన్ చేసుకుంటున్నాడు. దిల్ రాజు బ్యానర్ లో తెరకెక్కున్న ఈ సినిమా ద్వారా వెంకీ అట్లూరి దర్శకుడిగా పరిచయం అవుతున్నాడు.
 
 ఈ రెండు సినిమాలతో పాటు తనను హీరోగా పరిచయం చేసిన ఇంద్రగంటి మోహనకృష్ణ దర్శకత్వంలో కూడా ఓ సినిమా చేయడానికి రెడీ అవుతున్నాడు నాని. శివలెంక కృష్ణ ప్రసాద్ నిర్మిస్తున్న ఈ సినిమాలో నాని సరసన బీరువా ఫేం సురభి హీరోయిన్ గా నటిస్తుంది.


 చాలా రోజుల తరువాత హిట్ ట్రాక్ ఎక్కిన నాని భారీ వసూళ్లతో దూసుకుపోతున్నాడు. యంగ్ హీరోలలో ఇంతవరకు ఎవరికీ సాధ్యం కాని ఓ సరికొత్త రికార్డ్కు చేరువవుతున్నాడు. ఈ ఫీట్తో స్టార్ హీరోల లిస్ట్లో చేరడానికి ప్లాన్ చేసుకుంటున్నాడు. ఇటీవల 'భలే భలే మగాడివోయ్' సినిమాతో ప్రేక్షకుల ముందుకు వచ్చిన నాని రికార్డ్ కలెక్షన్లతో దూసుకుపోతున్నాడు.
 
 25 రోజుల్లో ఈ సినిమా 45 కోట్లకు పైగా కలెక్షన్లు సాధించి స్టార్ హీరోలకు షాక్ ఇచ్చింది. ఇప్పటికే ఓవర్సీస్లో టాప్ స్టార్స్కు కూడా సాధ్యం కాని భారీ వసూళ్లతో దూసుకుపోతున్న భలే భలే మగాడివోయ్ మొత్తం గ్రాస్ కలెక్షన్స్ విషయంలోనూ సంచలనాలు నమోదు చేస్తోంది. ఇప్పటికీ చాలా థియేటర్స్లో హౌస్ ఫుల్ కలెక్షన్లతో రన్ అవుతున్న ఈ సినిమా, త్వరలోనే 50 కోట్ల క్లబ్ లో చేరే ఛాన్స్ ఉందంటున్నారు ట్రేడ్ పండితులు.
 
 నాని, లావణ్య త్రిపాఠి హీరో హీరోయిన్లుగా మారుతి దర్శకత్వంలో తెరకెక్కిన భలే భలే మగాడివోయ్ కేవలం 6 కోట్ల బడ్జెట్తో రూపొందింది. కామెడీ ఎంటర్టైనర్గా తెరకెక్కిన ఈ సినిమా ఈ ఏడాది బిగెస్ట్ హిట్స్ లో ఒకటిగా నిలవటంతో పాటు నానిని స్టార్ హీరోల సరసన నిలబెట్టింది.


 ఇటీవల కాలంలో చిన్న సినిమాగా విడుదలై భారీ విజయం సాదించిన కామెడీ ఎంటర్టైనర్ 'భలే భలే మొగాడివోయ్'. నాని, లావణ్య త్రిపాఠి జంటగా తెరకెక్కిన ఈ అవుట్ అండ్ అవుట్ కామెడీ ఎంటర్టైనర్ ఓవర్సీన్ లో కూడా భారీ వసూళ్లను రాబడుతుంది. ముఖ్యంగా వరుస ఫ్లాప్లతో ఇబ్బందుల్లో ఉన్న నాని కెరీర్కు మంచి కిక్ ఇచ్చింది ఈ మూవీ.
 
 నాని కెరీర్కు మాత్రమే కాదు, దర్శకుడు మారుతికి కూడా ఈ సినిమా చాలా ప్లస్ అయ్యింది. ఇప్పటి వరకు అడల్ట్ కామెడీలు మాత్రమే చేస్తాడనే అపవాదు ఉన్న మారుతి ఈ సినిమాతో ఆ పేరు చెరిపేసుకున్నాడు. గతంలో స్టార్ ఇమేజ్ ఉన్న హీరోలతో వర్క్ చేయని మారుతి నానితో ఆ కోరిక కూడా తీర్చేసుకున్నాడు.
 
 భలే భలే మొగాడివోయ్ మూవీ ఇచ్చిన సక్సెస్తో ఇప్పుడు స్టార్ హీరోల మీద దృష్టిపెడుతున్నాడు మారుతి. తనకు పెద్దగా పరిచయం లేని హీరోలతో సినిమా చేసే కన్నా తన హోం బ్యానర్ లాంటి గీతా ఆర్ట్స్లోనే అల్లు అర్జున్ హీరోగా ఓ సినిమా చేయాలని ప్లాన్ చేసుకుంటున్నాడట. ఇప్పటి వరకు పెద్ద హీరోలను, భారీ బడ్జెట్ సినిమాలను డీల్ చేసిన అనుభవం లేని మారుతితో సినిమా అంటే బన్నీ డేట్స్ ఇస్తాడో లేదో చూడాలి.


 తెలుగు సినిమాకు ఇది వెరీ గుడ్ 'వీకెండ్' అని చెప్పొచ్చు. ఈ శుక్రవారం ప్రేక్షకుల ముందుకు వచ్చిన మూడు సినిమాలు మంచి టాక్ సొంతం చేసుకోవటంతో ఆడియన్స్తో పాటు ఇండస్ట్రీ వర్గాలు కూడా చాలా ఆనందంగా ఉన్నారు. అయితే మూడు సినిమాల్లో ఎక్కువగా కలిసొచ్చింది మాత్రం విశాల్కే. డైనమైట్, భలే భలే మొగాడివోయ్ సినిమాలు స్ట్రయిట్ తెలుగు సినిమాలు కావటంతో తెలుగు మార్కెట్ మీద తమ పట్టు చూపిస్తున్నాయి. డబ్బింగ్ సినిమాగా తెరకెక్కిన విశాల్ జయసూర్య కూడా ఈ రెండు సినిమాలకు పోటిగా మంచి ఓపెనింగ్స్ సాధిస్తుండటంతో విశాల్ ఆనందంలో తేలిపోతున్నాడు.
 
 క్రైం పొలిటికల్ థ్రిల్లర్గా తెరకెక్కిన జయసూర్య తమిళ తో పాటు తెలుగులో కూడా మంచి టాక్ సొంతం చేసుకుంది. విశాల్ కు బాగా కలిసొచ్చిన యాక్షన్ జానర్ లో, మల్లన ఫేం సుశీంద్రన్ దర్శకత్వంలో తెరకెక్కింది. గత కొంత కాలంగా యాక్షన్ సినిమాలు మాత్రమే చేస్తూ వస్తున్న విశాల్ మరోసారి తన డెసిషన్ కరెక్ట్ అని ప్రూవ్ చేసుకున్నాడు. కోలీవుడ్ స్టార్ హీరోలు కూడా తెలుగులో మార్కెట్ కోసం నానా తంటాలు పడుతుంటే విశాల్ మాత్రం టాలీవుడ్లో ఈజీగా హిట్ కొట్టేస్తున్నాడు.