దుబాయ్‌: తొలి టెస్టులో చెత్త పిచ్‌ రూపొందించి విమర్శలు ఎదుర్కొన్న బీసీసీఐకి రెండో టెస్టు పిచ్‌ ద్వారా ప్రశంసలు దక్కుతున్నాయి. భారత్, ఆస్ట్రేలియా మ్యాచ్‌ను నిర్వహించిన చిన్నస్వామి స్టేడియం వికెట్‌ను ‘చాలా బాగుంది’ అని అంతర్జాతీయ క్రికెట్‌ మండలి (ఐసీసీ) ప్రశంసించినట్లు సమాచారం.
 
 ఐసీసీ పిచ్‌ నియమావళి ప్రకారం ఇచ్చే వేర్వేరు రేటింగ్‌లలో ఈ మైదానానికి ‘అద్భుతం’కంటే కాస్త తక్కువ రేటింగ్‌ దక్కినట్లు తెలిసింది. ఈ మ్యాచ్‌లో భారత్‌ గెలవగా, అంతకుముందు చెత్త పిచ్‌గా విమర్శలు ఎదుర్కొన్న పుణేలో భారత్‌ చిత్తుగా ఓడింది.