బుల్లితెరపై బిగ్‌బాస్‌ రియాలిటీ షోకి ఉన్న ‍క్రేజ్‌ గురించి ప్రత్యేకంగా చెప్పనక్కర్లేదు. ఈ షోతో అప్పటిదాకా పెద్దగా గుర్తింపు లేని సెలబ్రిటీలకు కూడా పాపులారిటీ దక్కుతుంది. బిగ్‌బాస్‌ షోతో రాత్రికి రాత్రి స్టార్లు అయిన వాళ్లూ ఉన్నారు. అయితే ఈ క్రేజ్‌ వారి కెరీర్‌కు ఏమాత్రం ఉపయోగపడటం లేదనే చెప్పాలి. ఎందుకంటే గత సీజన్లలో విన్నర్స్‌గా బోలెడంత పాపులారిటీని దక్కించుకున్న కంటెస్టెంట్ల జాతకాల్లోనూ పెద్దగా మార్పులు ఉండట్లేదు. ​ తాజాగా బిగ్‌బాస్‌ సీజన్‌-5విజేత వీజే సన్నీ బిగ్‌బాస్‌ షోపై షాకింగ్‌ కామెంట్స్‌ చేశారు. ఓ ఇంటర్వ్యూలో ఆయన మాట్లాడుతూ... 'బిగ్‌బాస్‌ వల్ల నాకు ఒరిగిందేమీ లేదు. బిగ్‌బాస్‌ విన్నర్‌ అని చెప్పుకోవడం కూడా మనేశాను. ఎవరినైనా కలిసినపుడు నేను బిగ్‌బాస్‌ విన్నర్‌ అని చెప్తుంటే అంటే ఏంటి అని అడుగుతున్నారు. బిగ్‌బాస్‌ షో వల్ల నాకు ఫేమ్‌,నేమ్‌ వచ్చిన మాట నిజమే కానీ నా కెరీర్‌కు మాత్రం పెద్దగా ఉపయోగపడలేదు. దీంతో బిగ్‌బాస్‌ విన్నర్‌ అని చెప్పడం మానేసి ప్రస్తుతం నా సినిమాలు, సీరియల్స్‌ మీదే దృష్టి పెడుతున్నా' అంటూ చెప్పుకొచ్చాడు. ప్రస్తుతం సన్నీ చేసిన ఈ కామెంట్స్‌ నెట్టింట వైరల్‌గా మారాయి.  

Bigg Boss 5 Winner Vj Sunny gets Marriage Proposal With 100 Cr Dowry: బిగ్‌బాస్‌ సీజన్‌-5 విజేతగా నిలిచిన సన్నీకి సోషల్‌ మీడియాలో యమ క్రేజ్‌ ఉంది. ఎలాంటి అంచనాలు లేకుండా హౌస్‌లో ఎంట్రీ ఇచ్చిన సన్నీ తన ఆటతీరుతో, ఎంటర్‌టైన్‌మెంట్‌తో ట్రోపీని సొంతం చేసుకున్నాడు. బిగ్‌బాస్‌ టైటిల్‌ విన్నర్‌గా నిలిచి తెలుగు రాష్ట్రాల్లో మరింత పాపులర్‌ అయ్యాడు. ముఖ్యంగా అమ్మాయిల ఫాలోయింగ్‌ విపరీతంగా పెరిగిపోయింది. తాజాగా సన్నీకి ఓ ఎన్నారై మహిళ నుంచి బంపర్‌ ఆఫర్‌ వచ్చింది. అమెరికా నుంచి ఉష అనే మహిళ సన్నీకి వీడియో కాల్‌ చేసి తన కూతుర్ని పెళ్లి చేసుకో అని అడిగేసింది. అంతేకాకుండా కట్నంగా 100కోట్లు ఇస్తానని పేర్కొంది. దీంతో 'నన్ను భరించాలంటే చాలా ఓర్పు ఉండాలి. మీరు ఆ మాట అన్నారు చాలు' అంటూ సన్నీ ఆన్సర్‌ ఇవ్వగా.. నేను సీరియస్‌గా అడుగుతున్నా అంటూ ఆమె లైవ్‌లోనే పెళ్లి సంబంధం మాట్లాడింది. ​ప్రస్తుతం సన్నీకి వచ్చిన ఈ పెళ్లి ప్రపోజల్‌ నెట్టింట చక్కర్లు కొడుతుంది. 

VJ Sunny Comments On Shannu Siri Relationship: బిగ్‌బాస్‌ షో సిరి, షణ్ముఖ్‌ను బాగా దగ్గర చేసింది. ఎవరేమనుకున్నా మేమిద్దరం మంచి ఫ్రెండ్స్‌ మాత్రమే అని కుండ బద్ధలు కొట్టేశాడు షణ్ను. అదే సమయంలో సిరి వల్లే తను ఓడిపోయానని కూడా వెల్లడించాడు. ఇక షణ్ముఖ్‌ ఆల్‌రెడీ దీప్తి సునయనతో పీకల్లోతు ప్రేమలో ఉండగా.. సిరికి శ్రీహాన్‌తో నిశ్చితార్థం కూడా జరిగింది. కానీ వీరిద్దరూ ఆ విషయం మర్చిపోయి బిగ్‌బాస్‌ హౌస్‌లో ఒకరికొకరు హగ్గులిచ్చుకుంటూ, ముద్దులు పెట్టుకున్నారు. ఇది చాలామందికి మింగుడుపడలేదు. స్నేహం పేరుతో వీళ్లు అతిగా ప్రవర్తించారన్న విమర్శలు వచ్చాయి. అయితే సిరి తల్లి హౌస్‌లోకి వచ్చినప్పుడు సన్నీ వాళ్ల కోసం స్టాండ్‌ తీసుకున్నాడు. మానస్‌ది తనది ఎలాంటి ఫ్రెండ్‌షిప్పో.. సిరి, షణ్నులది కూడా అలాంటి స్నేహమేనని మద్దతుగా మాట్లాడాడు. తాజాగా సిరి- షణ్ముఖ్‌ల బంధంపై ఆసక్తికర వ్యాఖ్యలు చేశాడు సన్నీ. 'సిరికి ఒక మాట చెప్పాలనుకున్నాను. దోస్తాన్‌ దోస్తానే కానీ బయట నిన్ను నమ్ముకుని ఒక మనిషి(శ్రీహాన్‌) ఉన్నాడు. పాపం అతడు ఫీల్‌ అవుతాడు కదా అని చాలాసార్లు చెప్పాలనిపించింది. కానీ ఇది నేరుగా చెప్దాం అనుకున్నా వాళ్లు తీసుకోరు అనిపించింది. ఎందుకంటే వాళ్లను మాట్లాడిద్దాం అని వెళ్లినప్పుడల్లా.. మాకు కొంచెం సమయం కావాలి. ఇప్పుడు మాట్లాడాలనుకోవట్లేదు అంటారు. కనెక్షనే లేనప్పుడు ఇంకేం చెప్తాం' అని చెప్పుకొచ్చాడు సన్నీ.

Madhavi Latha Fires On Bigg Boss 5 Telugu Winner VJ Sunny: బిగ్‌బాస్‌ తెలుగు ఐదో సీజన్‌ ముగిసినప్పటికీ కంటెస్టెంట్ల హడావుడి మాత్రం ఇంకా కొనసాగుతోంది. ఫినాలేలో అడుగుపెట్టిన సిరి, శ్రీరామచంద్ర, సన్నీ, మానస్‌, షణ్ముఖ్‌.. ఇంటర్వ్యూలు, ఫ్యాన్స్‌ మీట్‌, గెట్‌ టు గెదర్‌ అంటూ తెగ సందడి చేస్తున్నారు. అయితే సన్నీ మాత్రం తనకు అండగా నిలబడ్డవాళ్లను కనీసం పట్టించుకోవట్లేదన్న విమర్శలు మొదలయ్యాయి. అతడి విజయంలో కీలక పాత్ర పోషించిన ఫ్యాన్‌ పేజీలు, కొన్ని యూట్యూబ్‌ ఛానళ్ల వంక తలెత్తి కూడా చూడటం లేదన్న ఆరోపణలు వెల్లువెత్తుతున్నాయి. కేవలం టీవీ ఛానళ్లకు మాత్రమే ఇంటర్వ్యూలు ఇస్తూ తన కోసం ఎంతగానో పోరాడిన యూట్యూబ్‌ రివ్యూయర్లకు, ఓట్ల కోసం కష్టపడ్డ ఫ్యాన్‌ పేజీలకు కనీసం కృతజ్ఞతలు కూడా చెప్పలేదట! దీంతో విన్నర్‌గా నిలిచిన సన్నీకి గర్వం తలకెక్కిందన్న కామెంట్లు వినిపిస్తున్నాయి. ఇక ఈ విషయం తెలిసిన నటి మాధవీలత అగ్గి మీద గుగ్గిలమైంది. సన్నీకి ఓట్లేయాలంటూ మద్దతుగా నిలిచిన ఆమె అతడి తలబిరుసును తీవ్రంగా తప్పుపట్టింది. 'సన్నీ కోసం సపోర్ట్‌ చేసిన ఫ్యాన్‌ పేజీలను వదిలేసి, రివ్యూయర్లను వదిలేసి, ఓట్లు వేయడానికి వాళ్లు పడ్డ కష్టాన్ని వదిలేసి, ఓట్లు వేయండని మొత్తుకునే వాళ్లను వదిలేసి బడా టీవీ ఛానళ్లకు, ఎక్కువ ఫాలోవర్లు ఉన్న యూట్యూబ్‌ ఛానళ్లకు అతడు ఇంటర్వ్యూ ఇస్తున్నాడు. కనీసం తనకు ఓట్లేయమని చెప్పనివాళ్లకు ప్రిఫరెన్స్‌ ఇచ్చి తప్పు చేస్తున్నాడు. బిగ్‌బాస్‌ షోలో సన్నీ నిజాయితీ మెచ్చి ఎంత ప్రమోట్‌ చేశానో, ఇప్పుడు తను చేస్తున్న తప్పుని కూడా ఎత్తి చూపిస్తాను. సన్నీ తప్పు చేస్తున్నాడు. కృతజ్ఞతాభావం లేనివాళ్లంటే నాకు చిరాకు. అతడి కోసం ఎంతమంది పీఆర్‌(పర్సనల్‌ రిలేషన్‌షిప్‌ మేనేజర్‌)లా మారిపోయారు. వాళ్లకు థ్యాంక్స్‌ అని ఒక మాట చెప్తే అయిపోతుందా? తన గురించి గొప్పగా చెప్పుకొచ్చిన యూట్యూబ్‌ రివ్యూయర్ల పేర్లయినా మెన్షన్‌ చేశాడా? పోనీ తనకు తెలీకపోతే అతడి ఫ్రెండ్స్‌కి తెలీదా? కళ్లు నెత్తికెక్కాయా? తొలి ప్రాధాన్యత ఎవడికి ఇవ్వాలి? మీడియా నుంచి వచ్చా కాబట్టి మీడియాకే ప్రాధాన్యతనిస్తానన్నే సన్నీ బిస్కెట్‌ బాగానే ఉంది.  నీకోసం పర్సనల్‌ పీఆర్‌లా పనిచేసిన వాళ్లకు లైవ్‌ అడిగితే దొరక్కుండా పెద్ద ఛానళ్లకు ఇంటర్వ్యూలిస్తున్నావు.. నీ ఫ్యాన్‌ పేజెస్‌ మెయింటెన్‌ చేసిన వాళ్లను కలవాలి, నీకోసం మామూలు అమ్మాయిలు ఎన్ని మాటలు పడ్డారు? నీ విజయం వాళ్లదని ఫీలయ్యారు. నీ పీఆర్‌ ఫ్రెండ్‌ కనిపిస్తే చెంప పగలగొడతాను. సాధారణ జనానికి విలువివ్వకపోతే అక్కడే ఆగిపోతావు గుర్తుంచుకో.. ఫ్యాన్‌ పేజీలను క్రియేట్‌ చేసిన ఒక్కరికీ సన్నీ నుంచి ఎటువంటి మెసేజ్‌, ఫోన్‌ రాలేదు. పాపం.. వాళ్లంతా సన్నీ ఏడిస్తే ఏడ్చారు, సన్నీ నవ్వితే నవ్వారు. వారం రోజులవుతున్నా ఇంకా టాప్‌ ఛానల్స్‌తోనే బిజీ ఉండటం తప్పు, నాకు నచ్చట్లేదు. నాకు కోపం వస్తే అదే మీడియాలో నిలబెట్టి కడిగేస్తా. నచ్చితే నెత్తిన పెట్టుకుంటాను, తిక్కలేస్తే తాట తీసి ఆరేస్తా' అని వార్నింగ్‌ ఇచ్చింది మాధవీలత. మరి దీనిపై సన్నీ ఏమైనా రియాక్ట్‌ అవుతాడేమో చూడాలి!

Bigg Boss 5 Telugu Winner VJ Sunny: బిగ్‌బాస్‌ షో మొదటి రోజు నుంచే తన ఎనర్జీతో, మాటలతో అందరినీ బుట్టలో వేసుకున్నాడు సన్నీ. దోస్తానాకి కేరాఫ్‌ అడ్రస్‌గా ఉండే అతడు ప్రేమొస్తే అందరివాడిలా కోపమొస్తే అర్జున్‌రెడ్డిలా మారిపోయేవాడు. కానీ హోస్ట్‌ నాగార్జున పెట్టిన చీవాట్లతో తనను తాను సరిచేసుకున్నాడు. నాగ్‌కు ఇచ్చిన మాట మేరకు తన కోపాన్ని కంట్రోల్‌ చేసుకుని మరో కొత్త సన్నీని చూపించాడు. ఇక రియాలిటీ షోలో ప్రధానంగా కావాల్సింది ఎంటర్‌టైన్‌మెంట్‌. మొదటి రోజు నుంచి 106వ రోజు వరకు వినోదాన్ని పంచడంలో ఎప్పుడూ వెనక్కి తగ్గలేదు. వచ్చిన ప్రతి అవకాశాన్ని సద్వినియోగం చేసుకున్నాడు. హోటల్‌ టాస్క్‌ను వన్‌ మ్యాన్‌ షోలా నడిపించాడు. లోబో వెళ్లిపోయాక తనే ఎంటర్‌టైనర్‌గా మారి అటు హౌస్‌మేట్స్‌తో పాటు ఇటు ప్రేక్షకులను సైతం కడుపుబ్బా నవ్వించాడు. తన పంచ్‌లకు, ఎక్స్‌ప్రెషన్స్‌కు, కామెడీ టైమింగ్‌కు అందరూ ఫిదా అయ్యారు. నవ్వడం ఒక భోగమైతే నవ్వించడం ఒక యోగం.. అందరినీ నవ్వించే శక్తి సన్నీలో ఉంది. ఇదే అతడిని గెలుపు తీరాలకు చేర్చిందంటారు ఆయన ఫ్యాన్స్‌. టాస్కుల్లో విజృంభించి ఆడే సన్నీ మొదట్లో అందరి మాటలను తేలికగా నమ్మేసేవాడు. ఈజీగా ఇన్‌ఫ్లూయెన్స్‌ అయ్యేవాడు. కానీ రానురానూ ఎవరేంటో తెలుసుకుని గేమ్‌ను తన స్టైల్‌లో ఆడటం మొదలు పెట్టాడు. ఎవరితో గొడవపెట్టుకున్నా వెంటనే దాన్ని పరిష్కరించుకుని కలిసిపోవాలనుకోవడం అతడిలోని మంచితనానికి దర్పణం పట్టాయి. పైగా సిరి, ప్రియలతో జరిగిన గొడవల వల్ల ప్రేక్షకుల్లో నెగెటివిటీకి బదులుగా అతడిపై సానుభూతి పెరగడం విశేషం. అయితే సన్నీలో కూడా కొన్ని మైనస్‌లు ఉన్నాయి. ఏ టాస్క్‌ అయినా తనే గెలవాలనుకునేవాడు. గెలవాలనుకోవడంలో తప్పులేదు కానీ ఇతరులు గెలిస్తే వాళ్లేదో తొండి ఆట ఆడారని, నిజానికి తాను గెలవాల్సిందంటూ పంచాయితీ పెట్టుకునేవాడు. ఓటమిని అంత ఈజీగా స్వీకరించకపోయేవాడు. కోపంలో ఎదుటివ్యక్తిని ఇమిటేట్‌ చేసేవాడు. ఆవేశంలో నోరు జారేవాడు. కానీ తనకున్న ఎన్నో ప్లస్‌ల ముందు ఈ మైనస్‌లు కొట్టుకుపోయాయి. సన్నీ మచ్చా మనవాడన్న అభిప్రాయం ప్రేక్షకుల్లో బలంగా నాటుకుపోయింది. అదే అతడిని విన్నర్‌గా నిలబెట్టింది.

Bigg Boss 5 Telug Winner Sunny Exclusive Interview: బిగ్‌బాస్‌ తెలుగు ఐదో సీజన్‌ విన్నర్‌ వీజే సన్నీ విజయానందంలో తేలియాడుతున్నాడు. ఏ క్షణమైతే తన తల్లి ట్రోఫీ తీసుకురావాలని చెప్పిందో అప్పుడే కప్పు తనదేనని ఫిక్సయ్యాడు. చివరికి అమ్మ కలను నిజం చేస్తూ బిగ్‌బాస్‌ ట్రోఫీ సొంతం చేసుకున్నాడు. షో నుంచి విన్నర్‌గా బయటకు వచ్చిన అనంతరం అతడు అరియానా గ్లోరీ వ్యాఖ్యాతగా వ్యవహరిస్తున్న బిగ్‌బాస్‌ బజ్‌ షోలో పాల్గొన్నాడు. ఈ సందర్భంగా తన సంతోషాన్ని అరియానాతో పంచుకున్న సన్నీ హౌస్‌లో తను బాధపడ్డ క్షణాలను, హౌస్‌మేట్స్‌ గురించి వివరంగా చెప్పుకొచ్చాడు. 'నేను చేయని తప్పుకు రెండుమూడుసార్లు నింద పడ్డాను. కానీ ఆ బాధతో వెనక్కి తగ్గకుండా టాస్కుల్లో మరింత గట్టిగా ఫైట్‌ చేశాను. బేటన్‌ టాస్కులో చాలా కష్టపడ్డాను కానీ అందరూ నన్ను వరస్ట్‌ పర్ఫామర్‌గా ఎన్నుకున్నారు. నేను కెప్టెన్సీ కోసం నిలబడ్డప్పుడు అందరూ ఏవేవో సిల్లీ రీజన్స్‌ చెప్పి కత్తితో కసాకసా పొడిచేశారు. చాలా బాధేసింది. ఎందుకో తెలీదు కానీ హౌస్‌లో నేను వాళ్లకు నచ్చలేదు. శ్రీరామ్‌ నామినేషన్స్‌లో ఒకలా ఉంటాడు, సాధారణసమయంలో ఇంకోలా ఉంటాడు. ఉమాదేవి.. సూర్యకాంతం..  బయటకు అరుస్తారు కానీ చాలా మంచావిడ. విశ్వ గేమ్‌ అంటే ప్రాణమిస్తాడు. నటరాజ్‌ మాస్టర్‌ హార్డ్‌ వర్కర్‌, అతడిని ముద్దుగా సింహం అని పిలుచుకుంటాం. సరయూను అర్థం చేసుకునే సమయంలోనే ఆమె వెళ్లిపోయింది. ప్రియాంక సింగ్‌ బంగారం, డాక్టర్‌ ప్రియాంక ఎవరు బాధపడినా తట్టుకోలేదు. పింకీలాంటి అమ్మాయి దొరకాలంటే రాసిపెట్టుండాలి. లహరి చాలా జెన్యూన్‌, యానీ మాస్టర్‌ స్వీట్‌, స్ట్రాంగ్‌ లేడీ. రవి ఫైటర్‌. కాజల్‌ స్మార్ట్‌, స్ట్రయిట్‌ ఫార్వర్డ్‌. ఆమెకు నాగిని, స్ట్రాటజీ క్వీన్‌ అని చాలా స్టాంపులు వేశారు. శ్రీరామచంద్ర హౌస్‌లో లేకపోతే చాలా బోర్‌ అయ్యేది. ఆయన టాలీవుడ్‌లో మంచి బెస్ట్‌ సింగర్‌గా ఎదుగుతాడు. సిరి షణ్ముఖ్‌ ఫ్రెండ్‌షిప్‌ బాగుండేది. వీళ్లిద్దరూ ఒకరిపై ఒకరు కేర్‌ తీసుకునేవారు. మానస్‌ నా డార్లింగ్‌, ఇద్దరం కుక్కపిల్లల్లా కొట్టుకుంటాం. అతడు నన్ను చాలా నడిపించాడు. అలాంటి ఫ్రెండ్‌ దొరకాలంటే అదృష్టం ఉండాలి. జెస్సీ చిన్నపిల్లోడు. మొదట్లో అందరూ టార్గెట్‌ చేశారు. లోబో మంచి వ్యక్తి, ఎంటర్‌టైనర్‌. ప్రియకు నాకు మధ్య అభిప్రాయబేధాలు వచ్చాయి. కానీ తర్వాత క్లోజ్‌ అయ్యాం. హమీదా ఫ్రెండ్లీ నేచర్‌, టాకెటివ్‌, టాలెంటెడ్‌. శ్వేత చాలా డిఫరెంట్‌. షణ్ను బ్రహ్మ బ్రెయిన్‌తో గేమ్‌ ఆడాడు. నిజానికి నాతో, మానస్‌తో పాటు కాజల్‌ లేదా శ్రీరామ్‌ టాప్‌ 3లో ఉంటారు అనుకున్నా. కానీ అది జరగలేదు' అని చెప్పుకొచ్చాడు సన్నీ.

Bigg Boss 5 Telugu Winner VJ Sunny Remuneration: బిగ్‌బాస్‌ తెలుగు ఐదో సీజన్‌ విన్నర్‌గా ఖమ్మం కుర్రాడు వీజే సన్నీ చరిత్ర సృష్టించాడు. ఇతడు హౌస్‌లో వెనక్కు తిరిగి చూసుకుంటే కత్తిపోట్లు, వరస్ట్‌ పర్ఫామర్‌ ట్యాగులు, గిల్టీ బోర్డు, సిరితో గొడవలు, నాగార్జునతో చీవాట్లు.. ఇవే ప్రధానంగా కనిపిస్తాయి. కానీ అతడి అభిమానులకు మాత్రం అతడు చేసిన ఎంటర్‌టైన్‌మెంట్‌, అమాయకత్వం, టాస్కులు గెలిచే ధీరుడిగానే ప్రముఖంగా కనిపిస్తాడు. తనకు మైనస్‌లుగా ఉన్నవాటిని ప్లస్‌లుగా మార్చుకుని గెలుపు తలుపు తట్టాడు సన్నీ. కల్మషం లేని మనసు, ఫ్రెండ్‌షిప్‌లో నిజాయితీ అతడిని ఉన్నత స్థానంలో నిలబెట్టాయి. ఆప్నా టైం ఆయేగా అంటూ ఉండే సన్నీకి నిజంగానే తన టైం వచ్చేసింది. విజయతీరాలను ముద్దాడటం కోసం తీవ్రంగా కష్టపడ్డ అతడు చివరకు అనుకున్నది సాధించాడు. (ఫొటో గ్యాలరీ కోసం ఇక్కడ క్లిక్ చేయండి) సన్నీ విన్నర్‌గా ఎలాగో రూ.50 లక్షల ప్రైజ్‌మనీ అందుకున్నాడు. దీనితో పాటు సువర్ణ భూమి ఇన్‌ఫ్రాస్టక్చర్‌ నుంచి రూ.25 లక్షల విలువ చేసే 300 చదరపు గజాల భూమిని సొంతం చేసుకున్నాడు. అలాగే టీవీఎస్‌ అపాచీ స్పోర్ట్స్‌ బైక్‌ కూడా గెలుచుకున్నాడు. వీటితో పాటు అతడు ఎంత రెమ్యునరేషన్‌ తీసుకున్నాడనేది హాట్‌ టాపిక్‌గా మారింది. తనకున్న పాపులారిటీని దృష్టిలో పెట్టుకుని బిగ్‌బాస్‌ టీం సన్నీకి వారానికి రెండు లక్షల రూపాయలు ఇచ్చారట! అంటే 15 వారాల్లో రూ.30 లక్షలు సంపాదించాడు.

సాక్షి, భద్రాచలం అర్బన్‌: ఓ ప్రముఖ తెలుగు టీవీ చానెల్‌లో ఆదివారం రాత్రి ముగిసిన బిగ్‌బాస్‌ షో విజేతగా నగరానికి చెందిన అరుణ్‌ రెడ్డి (సన్నీ) విజేతగా నిలిచారు. జిల్లా వాసి కావడంతో ఫైనల్‌ షోను అభిమానులు, జిల్లావాసులు అనేకమంది ఆసక్తిగా చూశారు. గెలిచాక పలుచోట్ల అభిమానులు సంబరాలు చేసుకున్నారు. సన్నీ తల్లి కళావతి స్టాఫ్‌నర్సుగా ఖమ్మంలో విధులు నిర్వర్తించారు. ఇద్దరు అన్నయలు ఉజ్వల్, స్పందన్‌ ఉన్నారు. ఇతను నిర్మల్‌ హృదయ హైస్కూల్‌లో పాఠశాల విద్య, ఖమ్మం స్టడీ సర్కిల్‌లో సీఈసీ గ్రూపుతో ఇంటర్‌ ఫస్టియర్‌ చదివారు.               విజేతగా నిలిచిన ఖమ్మంకు చెందిన సన్నీ అనంతరం తల్లి వృత్తి రీత్యా కరీంనగర్‌కు బదిలీ అవ్వడంతో సెకండియర్‌ అక్కడ పూర్తి చేశారు. బాల్యమంతా ఇక్కడే గడవడంతో జిల్లాతో విడదీయలేని అనుబంధం ఉంది. స్నేహితులు, బంధువులు ఉండడంతో జిల్లాలో బిగ్‌బాస్‌ షోను ఎంతో ఆసక్తిగా వీక్షించారు.  చదవండి: (బిగ్‌బాస్‌ విన్నర్‌ సన్నీ ఏమేం గెలుచుకున్నాడంటే?) ఓటింగ్‌ ఫ్లెక్సీలు.. సన్నీకి ఓటింగ్‌ చేయాలంటూ కోరుతూ నగరంలోని ప్రధాన కూడళ్లలో అతడి స్నేహితులు వారం పది రోజుల కిందటే ఫ్లెక్సీలు ఏర్పాటు చేశారు. దీంతో ఖమ్మం, భద్రాద్రి కొత్తగూడెం జిల్లాల నుంచి అధికంగా ఓటింగ్‌ నమోదైనట్లు తెలిసింది. జిల్లా వాసి కావడంతో ఆయన గెలుపొందాలని పలువురు ఆకాంక్షించి, ఉత్కంఠగా వీక్షించారు. చిన్నప్పటి నుంచి డ్యాన్స్‌ అంటే ఇష్టమని, వినాయక మండపాల వద్ద, ఈవెంట్లలో ఎంతో ఉత్సాహంగా వేసేవాడని మిత్రులు తెలిపారు. (ఫొటో గ్యాలరీ కోసం ఇక్కడ క్లిక్ చేయండి) హైదరాబాద్‌ వెళ్లాక కొంతకాలం మీడియా రిపోర్టర్‌గా చేశారు. ఆ తర్వాత సీరియల్‌ అవకాశాలను అందిపుచ్చుకున్నారు. బిగ్‌బాస్‌ షోలో సన్నీని చూశాక..అతడిని గుర్తించిన వాళ్లు మనోడే, మన జిల్లా వాసే అని..ప్రత్యేక అభిమానం పెంచుకున్నారు. ఫైనల్‌ దశకు చేరడం, చివరకు విజేతగా నిలవడంతో ఆయన అభిమానులు, బంధువులు హర్షాతిరేకాలు వ్యక్తం చేస్తున్నారు. మిత్రుల సందడి ఆదివారం రాత్రి బిగ్‌బాస్‌ షో విజేతగా సన్నీని ప్రకటించాక అతడి మిత్రులు పలువురు కేరింతలు కొట్టారు. విన్నర్‌ సన్నీ..అంటూ సోషల్‌ మీడియా ద్వారా శుభాకాంక్షలు తెలుపుకుంటూ ఆనందం వ్యక్తం చేశారు. సినిమాల్లోకి రావాలని అనేవాడని, పట్టుదలతో ఆ రంగంవైపు అడుగులు వేసి సీరియళ్లలో నటిస్తున్నాడని తెలిపారు. త్వరలోనే సన్నీని ఖమ్మంకు తీసుకొచ్చేందుకు సన్నిహితులు ఏర్పాట్లు చేసుకుంటున్నట్లు సమాచారం.  

Bigg Boss Telugu 5 Winner: VJ Sunny is the Title Winner of Bigg Boss 5 Telugu: బిగ్‌బాస్‌ తెలుగు ఐదో సీజన్‌ విన్నర్‌ ఎవరన్న ఉత్కంఠకు తెరపడింది. మోస్ట్‌ ఎంటర్‌టైనర్‌ సన్నీ బిగ్‌బాస్‌ విజేతగా అవతరించాడు. తనే విన్నర్‌ అని చెప్పగానే సంతోషంతో నాగార్జునను ఎత్తుకున్నాడు. ఇక తాను పడ్డ వంద రోజుల కష్టమంతా ట్రోఫీ అందుకోగానే మటుమాయమైపోయింది. ఎన్నో ఏళ్లుగా సన్నీ పడుతున్న కష్టానికి నేడు ప్రతిఫలం దక్కిందని అతడి తల్లి భావోద్వేగానికి లోనైంది. ఇక యూట్యూబ్‌ స్టార్‌ షణ్ముఖ్‌ గెలుపుకు ఒక్క అడుగు దూరంలో ఆగిపోయాడు. తనకున్న భారీ ఫ్యాన్‌ ఫాలోయింగ్‌తో పెద్ద మొత్తంలో ఓట్లు సాధించినప్పటికీ సన్నీని దాటలేకపోయాడు. దీంతో రన్నరప్‌ స్థానంతో సరిపెట్టుకున్నాడు.  విజేతగా అవతరించిన సన్నీకి కింగ్‌ నాగార్జున బిగ్‌బాస్‌ ట్రోఫీని బహుకరించాడు. అంతేకాక రూ.50 లక్షల చెక్‌ను అందజేశాడు. దీనితో పాటు సువర్ణ భూమి ఇన్‌ఫ్రాస్టక్చర్‌ నుంచి షాద్‌నగర్‌లో రూ.25 లక్షల విలువ చేసే 300 చదరపు గజాల భూమిని విన్నర్‌ సన్నీ సొంతం చేసుకున్నట్లు ప్రకటించాడు. టీవీఎస్‌ బైక్‌ కూడా గెలుచుకున్నాడని ప్రకటించాడు. గెలిచామా? లేదా అన్నది కాదు, ఎలా ఆడామన్నది ముఖ్యం అని చెప్పుకొచ్చాడు షణ్ముఖ్‌. ఇప్పుడు కాకపోతే తర్వాతైనా గెలవచ్చాన్నాడు. తర్వాత విన్నర్‌ స్పీచిచ్చాడు సన్నీ. ఈ సందర్భంగా నన్ను గెలిపించిన ఆడియన్స్‌ను ఎప్పటికీ ఎంటర్‌టైన్‌ చేస్తూ ఉంటానని మాటిచ్చాడు. మనమెంత కొట్టుకున్నా సరే హౌస్‌మేట్స్‌ అందరం కలిసే ఉందామన్నాడు సన్నీ. అమ్మ అడిగిన మొట్టమొదటి బహుమతి బిగ్‌బాస్‌ ట్రోఫీ అంటూ  దాన్ని ఆమె చేతుల్లో పెట్టి సంతృప్తి చెందాడు. తర్వాత షణ్ను గురించి మాట్లాడుతూ.. షణ్ను, సిరికి అంతమంచి ఫ్రెండ్‌షిప్‌ దొరకడం అదృష్టమని, తనకూ మానస్‌కూ మధ్య అలాంటి ఫ్రెండ్‌షిప్పే ఉందన్నాడు. నువ్వు చాలామంది మనసులు గెలుచుకున్నావ్‌ షణ్నూ అంటూ అతడిపై పొగడ్తలు కురిపించాడు. మరో ఇంట్రస్టింగ్‌ విషయం ఏంటంటే.. విన్నర్‌కు ప్లాట్‌ ఇచ్చిన సువర్ణ కుటీర్‌ డెవలపర్స్‌ రన్నరప్‌ షణ్నుకు కూడా ఎంతో కొంత ప్లాట్‌ ఇస్తామని ముందుకు రావడం విశేషం. ఇక ఐదో సీజన్‌కు గుడ్‌బై చెప్పిన నాగ్‌.. మరో రెండు నెలల తర్వాత కొత్త సీజన్‌ మొదలవుతుందని హింటిచ్చాడు. అది బిగ్‌బాస్‌ ఐదవ సీజనా? లేదా బిగ్‌బాస్‌ ఓటీటీనా? అన్నది మాత్రం స్పష్టతనివ్వలేదు. (ఫొటో గ్యాలరీ కోసం ఇక్కడ క్లిక్ చేయండి)

Bigg Boss Telugu 5 Winner And Runner up: బిగ్‌బాస్‌ షోలో నామినేషన్స్‌, ఎలిమినేషన్స్‌నే వదలిపెట్టని లీకువీరులు గ్రాండ్‌ ఫినాలేను మాత్రం వదులుతారా? ప్రసక్తే లేదని తేల్చిచెప్పారు. నిన్న సిరి, మానస్‌ ఎలిమినేట్‌ అయ్యారని వెల్లడించిన లీకువీరులు తాజాగా మిగిలిన ముగ్గురిలో విజేత ఎవరో తేలిపోయిందంటూ సోషల్‌ మీడియాలో హల్‌చల్‌ చేస్తున్నారు. అందరూ ఊహించినట్లుగా వీజే సన్నీ విజేతగా అవతరించాడని చెప్తున్నారు. ఇక రెండో ర్యాంకు కోసం శ్రీరామ్‌, షణ్ను మధ్య గట్టి పోటీ కనిపించినప్పటికీ షణ్ను రన్నరప్‌గా నిలవగా శ్రీరామ్‌ సెకండ్‌ రన్నరప్‌ స్థానంతో సరిపెట్టుకున్నాడట! ప్రస్తుతం ఈ వార్త సోషల్‌ మీడియాలో వైరల్‌గా మారింది. బిగ్‌బాస్‌ తెలుగు ఐదో సీజన్‌ ట్రోఫీని సన్నీ ఎగరేసుకుపోయాడోచ్‌ అంటూ అతడి అభిమానులు అప్పుడే సంబరాలు మొదలు పెట్టారు. దాదాపు ఇదే నిజమయ్యే అవకాశాలున్నాయి. మరి సన్నీ ట్రోఫీ అందుకున్న క్షణాలను ఆస్వాదించాలంటే కాసేపు ఆగాల్సిందే!

Bigg Boss 5 Telugu, Anchor Ravi Supports To Sreerama Chandra: బిగ్‌బాస్‌ జర్నీ.. 19 మందితో మొదలైన ప్రయాణంలో ఐదుగురు మాత్రమే మిగిలారు. వీళ్ల గురి ఇప్పుడు టైటిల్‌ మీదే ఉంది. వీరు లక్ష్యాన్ని చేరుకోవడానికి అటు ప్రేక్షకులు మాత్రమే కాదు, ఎలిమినేట్‌ అయిన కంటెస్టెంట్లు కూడా సాయం చేస్తున్నారు. అదెలాగంటారా? మరేం లేదు, ఎలిమినేట్‌ అయిన కంటెస్టెంట్లు వారికి నచ్చిన ఫైనలిస్టుల్లో ఒకరికి ఓట్లేయమంటూ ప్రచారం చేస్తున్నారు. ఈ మేరకు సోషల్‌ మీడియాలో పోస్టులు పెడుతున్నారు. తాజాగా యాంకర్‌ రవి సింగర్‌ శ్రీరామ్‌ కోసం రంగంలోకి దిగాడు. ప్రస్తుతం హౌస్‌లో ఉన్న ఐదుగురూ డిజర్వింగ్‌ అంటూనే ఆ టైటిల్‌ మాత్రం శ్రీరామ్‌కే దక్కాలంటూ ప్రచారం మొదలు పెట్టాడు. అందులో భాగంగా ఆటోను సైతం నడిపాడు. 'అన్నపూర్ణ స్టూడియో హౌస్‌, బిగ్‌బాస్‌ హౌస్‌.. బిగ్‌బాస్‌ హౌస్‌..' అని అరుస్తూ ఆటోవాలాగా మారిపోయాడు. 'బిగ్‌బాస్‌ సీజన్‌ 5 గెలిచేది ఒకే ఒక్కరు.. అది శ్రీరామచంద్ర మాత్రమే.. అతడికే ఓటేయండి' అంటూ ఆటో నడిపాడు. ఈ ఆటో వెనకాల శ్రీరామ్‌ను గెలిపించాలంటూ పోస్టర్‌ కూడా ఉంది. ఇక ఈ వినూత్న ప్రచారం చూసి అభిమానులు యాంకర్‌ రవిపై ప్రశంసలు కురిపిస్తున్నారు. 'నువ్వు లోపలుండి ఆడు, నీకోసం నేను బయటనుంచి ఆడతా' అన్న మాటను రవి నిజం చేశాడంటూ కామెంట్లు చేస్తున్నారు. (చదవండి: షణ్ముఖ్‌లో ఆ విషయం నచ్చేది కాదు, అతడే పక్కా గెలుస్తాడు.. కాజల్‌) View this post on Instagram A post shared by Sreerama Chandra (@sreeramachandra5)

VJ Sunny In Bigg Boss 5 Telugu: 'కళ్యాణ వైభోగమే' సీరియల్‌తో బాగా పాపులర్‌ అయ్యాడు సన్నీ. ఈ సీరియల్‌ నుంచి ఆయనకు అమ్మాయిల ఫాలోయింగ్‌ విపరీతంగా పెరిగిపోయింది. ఇతడిని ఫ్యాన్స్‌ అంతా బుల్లితెర జూనియర్‌ ఎన్టీఆర్‌ అని ప్రేమగా పిలుచుకుంటారు. గతంలో యాంకరింగ్‌ చేసిన అతడు కళ్యాణ వైభోగమే సీరియల్‌తో వచ్చిన పాపులారిటీతో ఏకంగా సినిమా ఛాన్స్‌ అందుకున్నాడు. 'సకలగుణాభిరామ' సినిమాలో నటించిన ఈ మోడల్‌ బిగ్‌బాస్‌ ఐదో సీజన్‌లో రెండో కంటెస్టెంట్‌గా ఎంట్రీ ఇచ్చాడు. తెలుగమ్మాయిలు అందంగా, ముద్దుగా ఉంటారన్న సన్నీ అచ్చ తెలుగమ్మాయే తనకు భార్యగా రావాలని ఆశపడ్డాడు. వస్తూ వస్తూనే తన డ్రీమ్‌ గర్ల్‌ గురించి వెతికాడు. కానీ అతడికి ఆ స్వప్న సుందరి జాడ దొరకలేదు. ఇక హౌస్‌లో అందరినీ ఎంటర్‌టైన్‌ చేస్తూ, టాస్కులు రఫ్ఫాడిస్తూ అందరి అభిమానాన్ని చూరగొన్నాడు. ప్రేక్షకుల మనసులు గెలుచుకుని ఈ సీజన్‌కు విజేతగా నిలిచాడు.