సాక్షి, హైదరాబాద్‌: చూడ్డానికి అందంగా ఉంటాయి.. తాకితే మెత్తగా ఉంటాయి.. కానీ, కప్పుకొంటే మాత్రం కంపు కొడుతుంటాయి. రైళ్లలోని ఏసీ కోచ్‌లలో ప్రయాణికులకు అందిస్తున్న దుప్పట్ల పరిస్థితి ఇది. ఈ ఉన్ని దుప్పట్లను వరు సగా 30 రోజులపాటు 30 మంది ప్రయాణికులు వాడుకున్నాకగానీ ఉతకడం లేదు. అయితే, వాటిని నిత్యం మడత నలగకుండా బ్రౌన్‌ కలర్‌ కవర్‌లో పెట్టి అందిస్తుండటంతో శుభ్రం చేసినవే అని ప్రయాణికులు భ్రమపడుతున్నారు. కొన్ని సందర్భాల్లో వాటిని శుభ్రం చేయకుండా 30 రోజులకంటే ఎక్కువే వాడాల్సి వస్తోంది. ఎప్పటికప్పుడు శుభ్రం చేసే లాండ్రీ వ్యవస్థ లేకపోవటమే దీనికి కారణం.మూడు నెలల నుంచి నెలకోసారి..గతంలో ఉన్ని దుప్పట్లను మూడు నెలలకోసారి ఉతికేవారు. 2010లో దాన్ని రెండు నెలలకు మార్చారు. అవి అపరిశుభ్రంగా ఉంటున్నాయన్న ఫిర్యాదులతో కనీసం నెలకోసారి ఉతకాలన్న నిర్ణయం తీసుకుని అమలులోకి తెచ్చారు. ఉన్ని దుప్పట్లను కనీసం పక్షం రోజులకోమారైనా ఉతకాలన్నది రైల్వే బోర్డు సూచన. కానీ దాన్ని అమలు చేసే పరిస్థితి లేదు. పాడయ్యే అవకాశం.. ⇒ ఉన్ని దుప్పట్లను నిత్యం ఉతకటం సాధ్యం కాదు. అలా చేస్తే అవి వెంటనే పాడైపోతాయి. రెండు నెలలకోసారి ఉతికే పద్ధతి ఉన్న సమయంలో ఉన్ని దుప్పటి జీవితకాలాన్ని నాలుగేళ్లుగా లెక్కగట్టారు. నెలకోసారి ఉతకటంతో రెండేళ్లకు తగ్గించారు. 15 రోజులకోమారు ఉతికితే ఏడాదే మన్నుతుంది. ఈ కారణంతో ఉతకటం లేదన్న అభిప్రాయం కూడా ఉంది. అయితే, డ్రైక్లీనింగ్‌తోపాటు ఇతర ఆధునిక పద్థతుల్లో నాణ్యత దెబ్బతినకుండా తరచూ శుభ్రం చేయాలన్న సూచనలను రైల్వే అధికారులు పట్టించుకోవటం లేదు. త్వరలో సమస్యకు పరిష్కారం: దక్షిణ మధ్య రైల్వే ⇒ భవిష్యత్తులో పెద్ద సంఖ్యలో బెడ్‌రోల్స్‌ వినియోగించాల్సి రానున్నందున, వాటిని ఎప్పటికప్పుడు ప్రమాణాల మేరకు శుభ్రం చేసే వ్యవస్థను అందుబాటులోకి తేబోతున్నట్టు దక్షిణ మధ్య రైల్వే ప్రకటించింది. కొత్తగా బీఓఓటీ పద్ధతిలో భారీ సామర్థ్యంతో ఆధునిక లాండ్రీలను ఏర్పాటు చేస్తున్నట్టు వెల్లడించింది. హైదరాబాద్‌/సికింద్రాబాద్, కాచిగూడల్లో 48 టన్నుల సామర్థ్యంతో, విజయవాడ, మచిలీపట్నం, గుంటూరు, నర్సాపూర్‌లలో 10 టన్నుల సామర్థ్యంతో, తిరుపతిలో 22 టన్నులు, కాకినాడలో 6 టన్నులు, నాందేడ్, పూర్ణాలలో 8 టన్నుల సామర్థ్యంతో వీటిని ఏర్పాటు చేయనున్నట్టు వెల్లడించింది.‘సాధారణ బెడ్‌రోల్స్‌ను నిత్యం ప్రమాణాల ప్రకారం శుభ్రం చేసి అందిస్తున్నాం. శుభ్రపరిచే క్రమాన్ని సీసీటీవీల ద్వారా పర్యవేక్షిస్తున్నాం. ఉన్ని దుప్పట్లను మాత్రం నెలకోసారి శుభ్రం చేస్తున్నాం. అవి దుర్వాసనతో ఉన్నా, ఇతర అపరిశుభ్రతతో కనిపించినా వెంటనే శుభ్రం చేస్తున్నాం. రెండు బెడ్‌ïÙట్లు ఇస్తున్నందున.. వాటిల్లో ఒకదాన్ని ఈ దుప్పటితో కలిపి వాడటం వల్ల ఉన్ని దుప్పటి అంత తొందరగా అపరిశుభ్రంగా మారదు’అని దక్షిణ మధ్య రైల్వే వెల్లడించింది. శుభ్రమైన బెడ్‌ రోల్స్‌ను అందించేందుకు వాటి చార్జీని రైలు టికెట్‌ ధరలో భాగంగా వసూలు చేస్తుండటం కొసమెరుపు. ఎందుకీ పరిస్థితి?దక్షిణ మధ్య రైల్వే పరిధిలో నిత్యం 116 రైళ్లలోని ఏసీ కోచ్‌లలో ఈ బెడ్‌ రోల్స్‌ సరఫరా చేయాల్సి ఉంది. నిత్యం ప్రతి బెర్త్‌కు రెండు బెడ్‌ïÙట్లు, ఒక టవల్, దిండు కవర్‌ అందిస్తారు. నిత్యం 38 వేల దుప్పట్లు, 1, 52,000 బెడ్‌షీట్స్‌ సరఫరా చేస్తున్నారు. వీటిని ఉతికించి శుభ్రపరిచేందుకు దక్షిణ మధ్య రైల్వే పరిధిలో ఏడు చోట్ల మెకనైజ్డ్‌ లాండ్రీలున్నాయి. రోజుకు 2 టన్నుల బెడ్‌రోల్స్‌ను శుభ్రపరిచే సామర్థ్యంతో సికింద్రాబాద్‌లో డిపార్ట్‌మెంటల్‌ లాండ్రీ ఉంది. ఇది రైల్వే సొంత లాండ్రీ. కాచిగూడలో 12 టన్నుల సామర్థ్యం, తిరుపతిలో 2.5 టన్నులు, కాకినాడలో 4 టన్నులు, విజయవాడలో 1.5 టన్నులు, నాందేడ్‌లో 1.5 టన్నుల సామర్థ్యం కలిగిన లాండ్రీలున్నాయి. ఇవన్నీ ప్రైవేట్‌ సంస్థలు బీఓఓటీ (బిల్ట్‌ ఓవన్‌ ఆపరేట్‌ ట్రాన్స్‌ఫర్‌) పద్ధతిలో ఏర్పాటు చేసినవి. అయితే, ఇవి దక్షిణ మధ్య రైల్వే అవసరాలను తీర్చలేకపోతున్నాయి. ఇటీవల రద్దీకి అనుగుణంగా దక్షిణ మధ్య రైల్వే నడిపిన కొన్ని ప్రత్యేక రైళ్లలోని ఏసీ కోచ్‌లలో బెడ్‌ రోల్స్‌ సరఫరా చేయలేదు. ఈ విషయాన్ని ముందుగానే రైల్వేశాఖ ప్రకటించింది. క్రమంగా ప్రయాణికుల రద్దీ పెరుగుతుండటంతో రైళ్ల సంఖ్య కూడా పెంచాల్సి వస్తోంది. ఇటీవల థర్డ్‌ ఏసీ ఎకానమి పేరుతో కొత్త క్లాస్‌ను సృష్టించటంతో రైళ్లలో ఏసీ కోచ్‌ల సంఖ్య పెరిగింది. ఫలితంగా బెడ్‌ రోల్స్‌ సంఖ్య కూడా పెంచాల్సి వచి్చంది. కానీ, వాటిని ఎప్పటికప్పుడు శుభ్రపరిచే సామర్థ్యం లేకుండాపోయింది.

ఆట ఏదైనా సెలబ్రేషన్స్‌ చేసుకోవడం సహజం. అయితే ఆ సెలబ్రేషన్స్‌ కాస్త కొత్తగా అనిపిస్తే వెంటనే సోషల్‌ మీడియాలో వైరల్‌గా మారుతుంటాయి. తాజాగా ఈజిప్ట్‌ స్టార్‌ ఫుట్‌బాలర్‌ మహ్మద్‌ సాలా.. సహచర ఆటగాడు ట్రెజెగ్యుట్ మధ్య జరిగిన సెలబ్రేషన్‌ మూమెంట్‌ నిమిషాల వ్యవధిలో వైరల్‌ అయింది. సాధారణంగా సాకర్‌ గేమ్‌ చూసేవారికి షూ పాలిష్‌ సెలబ్రేషన్‌ తెలిసే ఉంటుంది. ఇలాంటివి ఎక్కువగా ఫిఫా వరల్డ్‌కప్‌లో ఎక్కువగా చూస్తుంటాం. తాజాగా ఆఫ్రికన్‌ కప్‌ ఆఫ్‌ నేషన్స్‌లో(ఆఫ్‌కాన్‌) అలాంటి సెలబ్రేషన్స్‌తో మెరిశారు.. మహ్మద్‌ సాలా, ట్రెజెగ్యుట్‌.  చదవండి: Mason Greenwood: ఫుట్‌బాల్‌ ఆటగాడి మెడకు బిగుస్తున్న ఉచ్చు.. ఇక కష్టమే ఆఫ్‌కాన్‌ లీగ్‌లో భాగంగా ఈజిప్ట్‌, మొరాకొల మధ్య క్వార్టర్‌ ఫైనల్‌ మ్యాచ్‌ జరిగింది. అయితే మ్యాచ్‌ నిర్ణీత సమయం ముగిసేసరికి ఇరుజట్లు 1-1తో సమానంగా నిలిచాయి. దీంతో అంపైర్లు ఎక్స్‌ట్రా టైమ్‌కు(30 నిమిషషాలు) అవకాశం ఇచ్చారు. ఫెనాల్టీ షూటౌట్‌లో మహ్మద్‌ సాలా మెరుపువేగంతో బంతిని పాస్‌ చేయగా.. ట్రెజెగ్యుట్ దానిని సూపర్‌ గోల్‌గా మలిచాడు. ఇంకేముంది 2-1 ఆధిక్యంతో ఈజిప్ట్‌ సెమీస్‌లో అడుగుపెట్టింది. ఈజిప్ట్‌ విజయంలో కీలకపాత్ర పోషించిన మహ్మద్‌ సాలా, ట్రెజెగ్యుట్‌లు ఒకరినొకరు అభినందించుకున్నారు. ఆ తర్వాత ట్రెజెగ్యుట్  మొకాళ్లపై నిలబడి.. సాలా షూ పాలిష్‌ చేస్తున్నట్లుగా స్టిల్‌ ఇచ్చాడు. దీనికి సంబంధించిన వీడియోపై లుక్కేయండి. ఇక అంతకముందు మొరాకో తరపున ఆట 7వ నిమిషంలో సోఫియాన్ బౌఫాల్ గోల్‌తో మెరిసి జట్టుకు శుభారంభం అందించాడు. అయితే ఫస్ట్‌ ఆఫ్‌లో గోల్‌ చేయడంలో విఫలమైన ఈజిప్ట్‌.. రెండో అర్థభాగంలో మెరిసింది. ఆట 53వ నిమిషంలో మహ్మద్‌ సాలా గోల్‌తో మెరవడంతో స్కోరు 1-1తో సమమైంది. ఆ తర్వాత నిర్ణీత సమయంలో రెండు జట్లు గోల్‌ కొట్టకపోవంతో ఎక్స్‌ట్రా టైమ్‌ ఇచ్చారు. దీనికి ఈజిప్ట్‌ చక్కగా వినియోగించుకుంది. ఇక సెమీస్‌లో అడుగుపెట్టిన ఈజిప్ట్‌తో కామెరున్‌తో ఫిబ్రవరి 4న అమితుమీ తేల్చుకోనుంది. మరో సెమీస్‌లో బుర్కినా ఫాసో, సెనెగల్‌లు తలపడనున్నాయి. చదవండి: Andre Russell: ప్రాక్టీస్‌ సమయంలో వింత అనుభవం.. మళ్లీ బుక్కైన రసెల్‌ pic.twitter.com/LEp6X59UwX — . (@dontinterac) January 31, 2022

సన్ని హిందూస్తానీ ఎక్కడా సంగీతం నేర్చుకోలేదు. సిడీల్లో విని ప్రఖ్యాత సంగీతకారుడు నుస్రత్‌ ఫతే అలీ ఖాన్‌ పాటలు నేర్చుకున్నాడు. నుస్రత్‌ ఫతే అలీఖాన్‌ని తన గురువుగా భావించాడు. ఆయనకు భక్తుడిగా మారాడు. సన్ని హిందూస్తానీ పాడుతుంటే నుస్రత్‌ పోలికలు కనపడతాయి. ఫ్రెండ్స్‌ తమకు తోచినప్పుడల్లా అతని చేత పాడించుకునేవారు. కాని సన్నికి జీవితంలో ఏదైనా సాధించాలని ఉండేది. కాని ఎలా సాధిస్తాడు? 12 ఏళ్ల వయసులో తండ్రి చనిపోయాడు. ఇంట్లో తల్లి, చెల్లెలు ఉంటారు.వారి పోషణ కోసం చదువు మానేసి బూట్‌ పాలిష్‌ చేస్తున్నాడు సన్ని. కాని కాలం ప్రతి ఒక్కరి కోసం కిరీటం మోసుకుని తిరుగుతూ ఉంటుంది. ఆ కిరీటం దగ్గరకు తలను చేర్చాలంతే! సోనీ టీవీలో ‘ఇండియన్‌ ఐడల్‌11’ ఆడిషన్స్‌ జరుగుతున్నాయని ఒక ఫ్రెండ్‌ ద్వారా సన్నికి తెలిసింది. ముంబై వెళ్లాలంటే డబ్బులు కావాలి. వెళ్లి తల్లిని అడిగితే ఆమె కంగారుగా చివాట్లు పెట్టింది. ‘మనకు అవసరమా... అదేమైనా వచ్చేదా చచ్చేదా’ అన్నది. ‘ఇంట్లో రూపాయి లేదు’ అని కూడా అంది. దాంతో సన్ని మూడు వేల రూపాయలు అప్పు చేసి ముంబై చేరుకున్నాడు. కాని ఈ దేశం చాలా పెద్దది. ప్రతిభ ఉన్న వాళ్లు ఎప్పుడూ క్యూలో ఉండేలా చేయగలిగేది. ఇండియన్‌ ఐడల్‌లో సన్ని నంబర్‌ ‘1072’. అంటే వెయ్యి మందిలో మనవాడు ఒకడు. పిచ్చి టీషర్టు, స్లిప్పర్లు వేసుకొని లోపలికి వెళ్లిన సన్ని జడ్జిలుగా ఉన్న అనూ మలిక్, నేహ కక్కర్, విషాల్‌ దద్లానిలను మెప్పించాడు. అతడు పాడిన పాట ‘ఆఫ్రిన్‌.. ఆఫ్రిన్‌’. పోటీ కొనసాగింది. రాను రాను సన్నికి అభిమానులు పెరిగారు. భటిండా ఊరు మొత్తం ప్రతి వారం అతనికి ఓటు వేయడం మొదలుపెట్టింది. ఫైనల్స్‌లో మొత్తం ఐదు మంది గాయకులు మిగిలితే సన్ని హిందూస్తానీ విన్నర్‌గా నిలిచాడు. బహుమతిగా 25 లక్షల రూపాయలు, ఒక కారు దక్కాయి. ‘నా పేరు విజేతగా ప్రకటించిన క్షణాన మా అమ్మ ముఖంలో కనిపించిన చిరునవ్వు నాకెంతో సంతోషాన్నిచ్చింది’ అంటాడు సన్ని. అతడు తనకొచ్చిన డబ్బులో కొంత తల్లికోసం, కొంత చెల్లెలి కోసం ఉపయోగించనున్నాడు. నిజానికి సన్ని ఈ కాంటెస్ట్‌లో ఉండగానే సినిమా వాళ్ల దృష్టి పడింది. ‘గల్లీబాయ్‌’ సినిమాలో పాడే చాన్స్‌ వచ్చింది. ఇప్పుడు టి–సిరీస్‌తో కాంట్రాక్ట్‌ కుదిరింది. కలలు కంటే అవి తీరేదాకా పరిశ్రమించాలి అని సన్ని గెలుపు తెలియజేస్తోంది. 


 చిత్తూరు: రాష్ట్ర విభజనకు నిరసనగా తిరుపతి ఎమ్మెల్యే భూమన కరుణాకర్‌రెడ్డి వినూత్నంగా నిరసన తెలిపారు. తుడా సర్కిల్‌లో ఆయన బూట్‌ పాలిష్‌ చేస్తూ నిరసన తెలిపారు. రాష్ట్రం విడిపోతే సీమాంధ్రకు చెందిన విద్యావంతులు కార్మికులుగా మారతారని హెచ్చరించారు.
 
  రాష్ట్రానికి హైదరాబాద్ తలమానికంలాంటిదని చెప్పారు.  హైదరాబాద్‌ లేని సీమాంధ్ర ఎడారిగా మారుతుందన్నారు. సీమాంధ్ర మరో హితోఫియాలా మారుతోందన్నారు. రాష్ట్ర విభజనకు టీడీపీ, కాంగ్రెస్‌లే కారణం అన్నారు.