బాలీవుడ్‌లో రణ్‌బీర్‌ కపూర్, ఆలియా భట్‌ల మధ్య ప్రేమాయణం నడుస్తోందంటూ వార్తలు చక్కర్లు కొడుతున్న సంగతి తెలిసిందే. అయితే ప్రస్తుతం వీరిద్దరు బ్రహ్మాస్త్ర సినిమా షూటింగ్‌లో బిజీగా ఉన్న సంగతి తెలిసిందే. యాక్షన్‌ సన్నివేశాలను చిత్రీకరిస్తున్న వీడియో లీక్‌ అయింది.  ఈ వీడియో ప్రస్తుతం వైరల్‌ అవుతోంది. గోడ మీదనుంచి రోప్స్‌ సహాయంతో.. రణ్‌బీర్‌ కపూర్ ముందుకు వెళ్తుండం.. ఆలియా భట్‌ కూడా తన వెనక రావడం.. అయితే ఆలియా ఎక్కడ జారి పడుతుందో అంటూ జాగ్రత్తగా చేయి పట్టుకోవడం.. లాంటి దృశ్యాలతో ఈ వీడియో హల్‌చల్‌ చేస్తోంది. ఈ సినిమాలో నాగార్జున ఓ పాత్రలో నటించనున్న సంగతి తెలిసిందే. తన పాత్రకు సంబంధించిన షూటింగ్‌ను ఇటీవలే పూర్తిచేసినట్లు నాగ్‌ తెలిపాడు. 

ఫ్యామిలీ ట్రిప్‌ కోసం ఇటీవల స్పెయిన్‌ తీరాలకు వెళ్లొచ్చారు నాగార్జున. ఇప్పుడు ఆయన లండన్‌కి బై బై చెప్పారు. ఇంతకీ.. నాగార్జున లండన్‌కి ఎందుకు వెళ్లారు? మళ్లీ హాలిడే కోసమేనా? అనే కదా మీ సందేహం. కాదు.. కాదు.. నాగార్జున లండన్‌ వెళ్లింది హిందీ చిత్రం ‘బ్రహ్మాస్త్ర’ షూటింగ్‌ కోసం. అయాన్‌ ముఖర్జీ దర్శకత్వంలో అమితాబ్‌ బచ్చన్, రణ్‌బీర్‌ కపూర్, ఆలియా భట్, నాగార్జున, డింపుల్‌ కపాడియా ముఖ్య తారలుగా ‘బ్రహ్మాస్త్ర’ సినిమా రూపొందుతోన్న సంగతి తెలిసిందే. ‘‘బ్రహ్మాస్త్ర’లోని స్మాల్‌ షూటింగ్‌ కోసం లండన్‌ వెళ్లాను. ఇప్పుడు తిరిగి ఇంటికి వెళ్తున్నాను’’ అని పేర్కొన్నారు నాగార్జున. తెలు గులో ‘సోగ్గాడే చిన్ని నాయనా’ ఫేమ్‌ కల్యాణ్‌ కృష్ణ దర్శకత్వంలో ఓ సినిమా, ‘చి.ల.సౌ’ ఫేమ్‌ రాహుల్‌ రవీంద్రన్‌ దర్శకత్వంలో మరో సినిమాలో నాగార్జున నటించబోతున్నారు.  

సూపర్‌ స్టార్‌ ఫ్యామిలీ నుంచి టాలీవుడ్ ఎంట్రీ ఇచ్చిన యంగ్ హీరో సుధీర్‌ బాబు. తెలుగుతో పాటు బాలీవుడ్ ప్రేక్షకులకు కూడా సుపరిచితుడైన ఈ యంగ్ హీరో ఇటీవల ఓ భారీ బాలీవుడ్ సినిమాకు నో చెప్పాడట. ప్రస్తుతం ప్రతిష్టాత్మకంగా తెరకెక్కుతున్న బాలీవుడ్ మూవీ బ్రహ్మాస్త్ర. అమితాబ్‌ బచ్చన్‌, రణబీర్‌కపూర్‌, నాగార్జున లాంటి స్టార్స్‌ నటిస్తున్న ఈ సినిమాలో మెయిన్‌ విలన్స్‌లో ఒకరిగా సుధీర్ బాబు నటించాల్సిందిగా సుధీర్‌బాబును సంప్రదించారట. అయితే బ్రహాస్త్ర 2020లో రిలీజ్‌ కానుంది. అదే సమయంలో పుల్లెల గోపిచంద్‌ బయోపిక్‌కు కూడా రిలీజ్‌ అయ్యే అవకాశం ఉందన్న కారణంతో సుధీర్‌ ఆ ప్రాజెక్ట్‌ను రిజెక్ట్ చేశాడట. ఫిజికల్‌ గా కూడా రెండు సినిమాలకు వేరియేషన్స్‌ చూపించాల్సి వస్తుందని అది కూడా బ్రహాస్త్రను రిజెక్ట్ చేయడానికి ఓ కారణం అని తెలిపారు. ఇటీవల రిలీజ్‌ అయిన నన్ను దోచుకుందువటే మూవీ ప్రమోసన్‌ సందర్భంగా ఈ విషయాన్ని వెల్లడించారు సుధీర్‌ బాబు.

ప్రస్తుతం ‘బ్రహ్మాస్త్ర’ సినిమా కోసం బల్గేరియాలో ఉన్నారు కథానాయిక ఆలియా భట్‌. ఈ షెడ్యూల్‌ కంప్లీట్‌ అవ్వగానే ఆమె ఏం చేస్తారంటే ‘కళంక్‌’ సినిమా సెట్‌లో జాయిన్‌ అవుతారు. ‘2 స్టేట్స్‌’ ఫేమ్‌ అభిషేక్‌ వర్మన్‌ దర్శకత్వంలో రూపొందుతున్న మల్టీస్టారర్‌ మూవీ ‘కళంక్‌’. సంజయ్‌దత్, మాధురీ దీక్షిత్, వరుణ్‌ ధావన్, ఆదిత్యారాయ్‌ కపూర్, సోనాక్షీ సిన్హా ముఖ్య పాత్రలు చేస్తున్నారు. ఈ పీరియాడికల్‌ మూవీలో మాధురీ దీక్షిత్, ఆలియా భట్‌ కాంబినేషన్‌లో కథక్‌ డ్యాన్స్‌ బ్యాక్‌డ్రాప్‌లో ఓ సాంగ్‌ ఉందట. ఆల్రెడీ పండిట్‌ బిర్జు మహారాజ్‌ వద్ద మాధురి కథక్‌ నేర్చుకున్నారు. ఇక ఆలియా భట్‌ కూడా ఈ సాంగ్‌ కోసం ఎప్పటి నుంచో కథక్‌ నేర్చుకుంటున్నారట. అంతేకాదు సాంగ్‌ షూట్‌ టైమ్‌ దగ్గర పడుతుండటంతో రెండు నెలలుగా కఠోర సాధన చేస్తున్నారట ఆలియా. ఏమైనా డౌట్స్‌ వస్తే మాధురి దగ్గర క్లారిఫై చేసుకోవాలనుకుంటున్నారట. సీనియర్‌తో ఈ పోటీలో ధీటుగా నిలవాలనుకుంటున్నారట. మరి.. ఈ సాంగ్‌ ఏ రేంజ్‌లో ఉంటుందనేది వెండితెరపై చూడాల్సిందే. ‘కళంక్‌’ సినిమా వచ్చే ఏడాది రిలీజ్‌ కానుంది. అలాగే అయాన్‌ ముఖర్జీ దర్శకత్వంలో అమితాబ్‌ బచ్చన్, రణ్‌బీర్‌ కపూర్, ఆలియా భట్, నాగార్జున, డింపుల్‌ కపాడియా ముఖ్య తారలుగా నటిస్తున్న ‘బ్రహ్మాస్త్ర’ ఫస్ట్‌ పార్ట్‌ వచ్చే ఏడాది ఆగస్టులో రిలీజ్‌ కానుంది.

డైరెక్టర్‌ ప్యాకప్‌ చెప్పారు. వెంటనే కారెక్కి లొకేషన్‌ నుంచి తుర్రుమన్నారు హీరోయిన్‌ ఆలియా భట్‌. ఇంటికి పోలేదు. షాపింగ్‌కి వెళ్లలేదు. మీరు ఊహిస్తున్నట్లు పార్టీలోనూ జాయిన్‌ అవ్వలేదు. డైరెక్ట్‌గా ఇంకో మూవీ లొకేషన్లోకి ‘ఐ యామ్‌ రెడీ’ అంటూ అడుగుపెట్టారు. అంటే... ఆలియా డబుల్‌ షిఫ్ట్‌ చేస్తున్నారు. అయాన్‌ ముఖర్జీ దర్శకత్వంలో అమితాబ్‌ బచ్చన్, రణబీర్‌ కపూర్, ఆలియా భట్‌ ముఖ్య తారలుగా రూపొందుతోన్న సినిమా ‘బ్రహ్మాస్త్ర’. మార్నింగ్‌ ఈ సినిమా షూట్‌ను కంప్లీట్‌ చేసుకుని నెక్ట్స్‌ ‘కళంక్‌’ మూవీ సెట్‌లో జాయిన్‌ అయ్యారు. అభిషేక్‌ వర్మన్‌ దర్శకత్వంలో రూపొందుతోన్న మల్టీస్టారర్‌ మూవీ ఇది. ఇందులో సంజయ్‌దత్, మాధురీ దీక్షిత్, సోనాక్షీ సిన్హా, ఆలియా భట్, వరుణ్‌ ధావన్, అదిత్యారాయ్‌ కపూర్‌ ముఖ్య తారలుగా నటిస్తున్నారు. గురువారంతో ఆలియా ఈ సినిమా సెట్‌లోకి అడుగుపెట్టి 20 రోజులైంది. ‘బ్రహ్మాస్త్ర’, ‘కళంక్‌’ చిత్రాలు వచ్చే ఏడాది రిలీజ్‌ కానున్నాయి. అందుకే రెండు సినిమాలకు డేట్స్‌ ఇచ్చేసి, మార్నింగ్‌ ఒక లొకేషన్‌తో ఈవెనింగ్‌ ఇంకో లొకేషన్‌కి మారుతూ ఆలియా బిజీ బిజీగా ఉంటున్నారు.  మరోవైపు రణబీర్‌ కపూర్‌తో ఆలియా భట్‌ డేటింగ్‌ చేస్తోందన్న వార్తలు బీటౌన్‌లో  హాట్‌టాపిక్‌గా మారాయి.

బాలీవుడ్ బడా నిర్మాత కరణ్ జోహార్ ఓ భారీ ప్రాజెక్ట్ ను ప్రకటించారు. బాహుబలి సినిమాకు బాలీవుడ్ ప్రచార కర్తగా వ్యవహరించిన కరణ్, ఇప్పుడు అదే స్థాయిలో ఓ ఫాంటసీ విజువల్ వండర్ ను బాలీవుడ్ తెరపై ఆవిష్కరించేందుకు రెడీ అవుతున్నారు. బ్రహ్మాస్త్ర పేరుతో తెరకెక్కుతున్న రూపొందించనున్న ఈ విజువల్ వండర్ లో అమితాబ్ బచ్చన్, రణబీర్ కపూర్, అలియా భట్ లు కీలక పాత్రల్లో నటిస్తున్నారు. ధర్మా ప్రొడక్షన్స్ బ్యానర్ లో మూడు భాగాలుగా నిర్మించనున్న ఈ సినిమాకు అయాన్ ముఖర్జీ దర్శకుడు. ఫాక్స్ స్టార్ స్టూడియోస్, నమిత్ మల్హోత్రాలు సహ నిర్మాతలుగా వ్యవహరిస్తున్న ఈ సినిమా 2019 ఆగస్టు 15న రిలీజ్ చేయనున్నట్టుగా ప్రకటించాడు కరణ్. A TRILOGY ...A FANTASY ADVENTURE....A LABOUR OF LOVE.....”BRAHMĀSTRA” pic.twitter.com/8yQ2Y0yWaD — Karan Johar (@karanjohar) 11 October 2017