లాస్‌ వేగస్‌: కోపా అమెరికా కప్‌ ఫుట్‌బాల్‌ టోర్నీలో తొమ్మిదిసార్లు చాంపియన్‌ బ్రెజిల్‌ జట్టు కథ ముగిసింది. ‘షూటౌట్‌’ ద్వారా ఫలితం తేలిన క్వార్టర్‌ ఫైనల్లో ఉరుగ్వే 4–2తో బ్రెజిల్‌ జట్టును ఓడించి 2011 తర్వాత ఈ టోరీ్నలో మళ్లీ సెమీఫైనల్లోకి అడుగు పెట్టింది. నిర్ణీత సమయంలో రెండు జట్లు గోల్స్‌ చేయలేదు. ‘షూటౌట్‌’లో ఉరుగ్వే తరఫున నలుగురు ప్లేయర్లు వల్వెర్డె, బెంటాన్‌కర్, అరాసెటా, ఉగార్టె... బ్రెజిల్‌ తరఫున ఇద్దరు ప్లేయర్లు పెరీరా, మారి్టనెల్లి గోల్స్‌ సాధించారు. మరో క్వార్టర్‌ ఫైనల్లో కొలంబియా 5–0తో పనామా జట్టు ను ఓడించింది. బుధవారం జరిగే తొలి సెమీఫైన ల్లో కెనడాతో అర్జెంటీనా; గురువారం జరిగే రెండో సెమీఫైనల్లో ఉరుగ్వేతో కొలంబియా ఆడతాయి.

నందిగామ: ఆంధ్రప్రదేశ్‌లో పేదవారిని అభివృద్ధి పథంలో నడిపించేందుకు అమలు చేస్తున్న పథకాలు చాలా బాగున్నాయని బ్రెజిల్‌కు చెందిన సోషల్‌ సర్వీస్‌ బృందం ప్రతినిధి మలీష చెప్పారు. దారిద్య్ర రేఖకు దిగువన ఉన్న వారి పరిస్థితి, వారు ఆర్థికంగా ఎదిగేందుకు ప్రభుత్వాలు చేపడుతున్న చర్యలు, గ్రామీణ ప్రాంతాల్లోని పరిస్థితులను అధ్యయనం చేసేందుకు బ్రెజిల్‌కు చెందిన ఈ బృందం గురువారం ఎన్టీఆర్‌ జిల్లా నందిగామ మండలం మాగల్లు గ్రామానికి వచ్చింది. మలీష తదితరులు సహాయకుడు జయరాజు, కేడీసీసీబీ డైరెక్టర్‌ కొమ్మినేని రవిశంకర్‌తో కలిసి గ్రామంలో పర్యటించారు. గ్రామంలోని ప్రభుత్వ పాఠశాలలు, గ్రామ సచివాలయం, గ్రామీణ బ్యాంకులు, జగనన్న లేఅవుట్‌లో నిర్మిస్తున్న ఇళ్లు, ,గ్రామంలో ప్రజలు నివసిస్తున్న తీరు, దారిద్య్ర రేఖకు దిగువన ఉన్న వారి పరిస్థితులపై అధ్యయనం చేశారు. అనంతరం ఆమె మాట్లాడుతూ బ్రెజిల్‌లో ఉచితంగా స్థలం ఇచ్చి, ఇల్లు కట్టించే పద్ధతి లేదని చెప్పారు. ఆంధ్రప్రదేశ్‌లో దారిద్య్ర రేఖకు దిగువన ఉన్నవారికి ఉచితంగా ఇల్లు కట్టించి ఇవ్వడం అభినందనీయమన్నారు. ముఖ్యంగా ప్రభుత్వ పాఠశాలలు కార్పొరేట్‌ పాఠశాలలకు దీటుగా ఉన్నాయన్నారు. సచివాలయ వ్యవస్థ ద్వారా గ్రామాల్లోనే అన్ని ప్రభుత్వ సేవలు అందడం అభినందనీయమన్నారు. పేదవారి అభివృద్ధికి ప్రభుత్వం అమలు చేస్తున్న పథకాలను అడిగి తెలుసుకొని అభినందించారు.  


 హైదరాబాద్‌లో నేడు ‘ది డ్రీమ్ బుల్ షో’
  
  సాక్షి, హైదరాబాద్ : తెలుగు రాష్ట్రాల్లో కనుమరుగవుతున్న ఒంగోలు జాతి పశు సంతతిని పెంపొందించేందుకు చేపడుతున్న చర్యల్లో భాగంగా సోమవారం హైదరాబాద్‌లో ఏర్పాటు చేసిన సదస్సులో స్వదేశీ పశుసంతతి విధానంపై చర్చ జరగనుంది. అదే సమయంలో నెక్లెస్‌రోడ్డులోని జలవిహార్‌లో పశు ప్రదర్శనను కూడా నిర్వహిస్తున్నారు. ఇందులో ఒంగోలు గిత్తలు సందడి చేయనున్నాయి.  పాడి పరిశ్రమాభివృద్ధి రంగానికి చెందిన ప్రభుత్వ, ప్రైవేటురంగ ప్రముఖులు దీనికి హాజరవుతున్నారు. రైతులు, పశుసంరక్షకులు, దేశవాళీ పశుసంతతి పరిరక్షణకు కృషిచేస్తున్న సంస్థలు, వ్యాపారవేత్తలు, శాస్త్రవేత్తలు, కేంద్ర, రాష్ట్ర ప్రభుత్వాల ప్రతినిధులు హాజరవుతున్నట్టు సదస్సు నిర్వాహకులు ప్రకటించారు. బ్రెజిల్ నుంచి వచ్చిన ప్రత్యేక బృందం కూడా ఇందులో పాల్గొంటున్నది. ‘ది డ్రీమ్ బుల్ షో’ పేరిట సాయంత్రం 6.30 గంటల నుంచి రాత్రి 9.30 గంటల వరకు నెక్లెస్‌రోడ్డులోని జలవిహార్‌లో పశు ప్రదర్శన జరుగుతుంది.
 
  వైవీ సుబ్బారెడ్డి ఇంటికి బ్రెజిల్ బృందం..:  ఒంగోలు ఎంపీ వైవీ సుబ్బారెడ్డి ఆహ్వానం మేరకు బ్రెజిల్ మినాస్ గెరాయిస్ రాష్ట్ర వ్యవసాయశాఖ మంత్రి జొయావో క్రూజ్ రీస్ ఫిల్హో నాయకత్వంలో వచ్చిన బృందం ఆదివారం సాయంత్రం హైదరాబాద్‌లోని ఆయన ఇంటికి వెళ్లింది. ఒంగోలు జాతి పశు సంతతి సంరక్షణకు తీసుకోవాల్సిన చర్యలపై ఈ సందర్భంగా చర్చ జరిగింది. బ్రెజిల్ బృందం గౌరవార్థం వైవీ సుబ్బారెడ్డి విందు ఏర్పాటు చేశారు.


 * రిఫరీ తప్పిదంతో తొలి రౌండ్‌లో నిష్ర్కమణ
 * కోపా అమెరికా కప్ క్వార్టర్స్‌లో పెరూ
 ఫాక్స్‌బరో (యూఎస్): కోపా అమెరికా కప్‌లో బ్రెజిల్ జట్టును దురదృష్టం వెంటాడింది. ఐదుసార్లు ప్రపంచ చాంపియన్‌గా నిలిచిన ఈ జట్టు పాలిట రిఫరీ విలన్‌గా మారారు. ప్రత్యర్థి జట్టు ఆటగాడి చేతికి తాకి నెట్‌లోనికి వెళ్లిన బంతిని గోల్‌గా ప్రకటించడంతో ఈ ప్రఖ్యాత జట్టు లీగ్ దశలోనే ఇంటిముఖం పట్టాల్సి వచ్చింది. ఆదివారం జరిగిన గ్రూప్ ‘బి’ మ్యాచ్‌లో పెరూ ఈ వివాదాస్పద గోల్‌తో 1-0తో నెగ్గింది.
 
 31 ఏళ్లలో బ్రెజిల్‌పై పెరూకిదే తొలి విజయం. మ్యాచ్ తొలి అర్ధభాగం బ్రెజిల్ హవా కనిపించింది. అయితే ద్వితీయార్ధం 74వ నిమిషంలో బ్రెజిల్‌కు ఊహించని షాక్ తగిలింది. బై లైన్ నుంచి పెరూ ఆటగాడు ఆండీ పోలో ఇచ్చిన క్రాస్‌ను రౌల్ రూడియాజ్ గోల్ చేసేందుకు ప్రయత్నించాడు. అయితే ఈ క్రమంలో బంతి అతడి చేతిని తాకి గోల్‌పోస్టులోకి వెళ్లింది. అనూహ్యంగా ఉరుగ్వేకు చెందిన రిఫరీ ఆండ్రెస్ కున్హా దీన్ని గోల్‌గా ప్రకటించడంతో బ్రెజిల్ ఆటగాళ్లు నిశ్చేష్టులయ్యారు.
 
 రిఫరీతో వాగ్వాదానికి దిగి తమ నిరసన వ్యక్తం చేశారు. రీప్లేలోనూ ఈ విషయం స్పష్టంగా కనిపించినప్పటికీ రిఫరీ తన నిర్ణయాన్ని మార్చుకోలేదు. ఇంజ్యూరీ సమయం (90+2)లో బ్రెజిల్‌కు స్కోరును సమం చేసే అవకాశం వచ్చినా విఫలమైంది. గ్రూప్‌లో టాపర్‌గా నిలిచిన పెరూ క్వార్టర్స్‌కు చేరింది. ఈ మ్యాచ్‌కు ముందు బ్రెజిల్ ఆడిన రెండింటిలో ఒకటి గెలిచి, ఒకటి డ్రా చేసుకుంది. ఈ మ్యాచ్‌ను డ్రా చేసుకున్నా క్వార్టర్స్‌కు చేరేది. కానీ ఓటమితో టోర్నీ నుంచి నిష్ర్కమించాల్సి వచ్చింది.
  
 క్వార్టర్స్‌కు చేరిన ఈక్వెడార్
 ఈస్ట్ రూథర్‌ఫోర్డ్ (యూఎస్): గ్రూప్ ‘బి’లోనే జరిగిన మరో మ్యాచ్‌లో ఈక్వెడార్ 4-0తో హైతీని ఓడించింది. ఎన్నెర్ వాలెన్సియా (11), అయోవి (20), నొబోవా (57), ఆంటోనియో వాలెన్సియా (78) గోల్స్ చేశారు. దీంతో ఈ గ్రూపులో రెండో స్థానం పొందిన ఈక్వెడార్ క్వార్టర్స్‌లో 16న అమెరికాతో తలపడనుంది.


 సాంటియాగో: నిషేధం కారణంగా కెప్టెన్ నెయ్‌మర్ లేకపోయినా... సమష్టిగా ఆడిన బ్రెజిల్ జట్టు కోపా అమెరికా కప్ ఫుట్‌బాల్ చాంపియన్‌షిప్‌లో క్వార్టర్ ఫైనల్లోకి ప్రవేశించింది. చివరి లీగ్ మ్యాచ్‌లో బ్రెజిల్ 2-1 గోల్స్ తేడాతో వెనిజులాను ఓడించి గ్రూప్ ‘సి’ టాపర్‌గా నిలిచింది. బ్రెజిల్ తరఫున థియాగో సిల్వా (9వ నిమిషంలో), రొబెర్టో ఫిర్మినో (51వ నిమిషంలో) ఒక్కో గోల్ సాధించగా... వెనిజులాకు నికొలస్ ఫెడరో 84వ నిమిషంలో ఏకైక గోల్‌ను అందించాడు. నాలుగు మ్యాచ్‌ల నిషేధం కారణంగా ఇక కోపా అమెరికా కప్‌లో ఆడే అవకాశం లేని నెయ్‌మార్‌కు ఈ విజయాన్ని అంకితం ఇస్తున్నామని సిల్వా తెలిపాడు.
 క్వార్టర్ ఫైనల్స్ షెడ్యూల్
 జూన్ 24: చిలీ  =ఉరుగ్వే
 జూన్ 25: బొలివియా=  పెరూ
 జూన్ 26: అర్జెంటీనా = కొలంబియా
 జూన్ 27: బ్రెజిల్ = పరాగ్వే
  


  కోపా అమెరికా కప్
  టెముకో (చిలీ): అంతా తానై ఆడిన కెప్టెన్ నెమార్ కోపా అమెరికా కప్‌లో బ్రెజిల్ జట్టుకు శుభారంభాన్ని అందించాడు. భారత కాలమానం ప్రకారం ఆదివారం అర్ధరాత్రి దాటాక జరిగిన గ్రూప్ ‘సి’ లీగ్ మ్యాచ్‌లో బ్రెజిల్ 2-1 గోల్స్ తేడాతో పెరూ జట్టుపై విజయం సాధించింది. 23 ఏళ్ల వయస్సులోనే నాయకత్వ బాధ్యతలు చేపట్టిన నెమార్ ఆట ఐదో నిమిషంలో గోల్ చేసి స్కోరును సమం చేయడంతోపాటు... ఇంజ్యూరీ టైమ్‌లో (90+2వ నిమిషంలో) సహచరుడు డగ్లస్ కోస్టా గోల్ చేసేందుకు తోడ్పడ్డాడు.
  
   నెమార్ అద్వితీయ ఆటతీరు కారణంగా ‘డ్రా’ చేసుకోవాల్సిన మ్యాచ్‌ను బ్రెజిల్ జట్టు విజయం తో ముగించింది. ఆట మూడో నిమిషంలోనే క్యూ వా చేసిన గోల్‌తో పెరూ 1-0 ఆధిక్యంలోకి వెళ్లిం ది. అయితే ఆ ఆనందం రెండు నిమిషాల్లోనే ఆ విరైంది. ఐదో నిమిషంలో కుడివైపు నుంచి డానీ అల్వెస్ కొట్టిన క్రాస్ పాస్‌ను డి బాక్స్ ముందున్న నెమార్ తలతో గోల్‌పోస్ట్‌లోనికి పంపించాడు. ఈ గోల్‌తో నెమార్ అంతర్జాతీయ కెరీర్‌లో 44 గోల్స్ చేసినట్టయింది. బ్రెజిల్ దిగ్గజం పీలే 24 ఏళ్ల వయస్సులో 44 గోల్స్ చేయగా... నెమార్ 23 ఏళ్లకే ఈ ఘనత సాధించడం విశేషం.
  
  మరోవైపు ఇదే గ్రూప్‌లోని మరో మ్యాచ్‌లో వెనిజులా 1-0తో కొలంబియా జట్టుపై నెగ్గి సంచలనం సృష్టించింది. 60వ నిమిషంలో సాలమన్ రాన్‌డాన్ గోల్‌తో వెనిజులా ఆధిక్యంలోకి వెళ్లింది.


  నెయ్‌మార్ ‘డబుల్’  
  తొలి మ్యాచ్‌లో చెలరేగిన ఆతిథ్య జట్టు
  
  ఆడుతున్నది తొలి ప్రపంచకప్... వయసు కేవలం 22 సంవత్సరాలు... స్వదేశంలో టోర్నీ ఆడటమే ఒత్తిడయితే, స్టార్ హోదా తలమీద ఉండటం మరింత ఒత్తిడి.... దీనిని అద్భుతంగా జయించాడు బ్రెజిల్ స్టార్ నెయ్‌మార్. ప్రపంచకప్ ఆరంభ మ్యాచ్‌లో సంచలన ఆటతీరు ప్రదర్శించాడు. ఏకంగా రెండు గోల్స్ చేసి కోట్లాది మంది అభిమానుల అంచనాలను నిలబెట్టుకున్నాడు.
  
  సావోపాలో: స్వదేశంలో జరుగుతున్న ప్రపంచకప్ ఫుట్‌బాల్ టోర్నీలో బ్రెజిల్ జట్టు శుభారంభం చేసింది. కెరీర్‌లో తొలి ప్రపంచకప్ ఆడుతున్న యువ సంచలనం నెయ్‌మార్ తన సత్తా ఏమిటో చాటి చెప్పాడు. ప్రపంచ వ్యాప్తంగా అందరి దృష్టీ తనపైనే ఉన్నా ఏమాత్రం ఒత్తిడికి లోను కాకుండా రెండు గోల్స్‌తో అభిమానులను ఆనందంలో ముంచెత్తాడు. ఫలితంగా గ్రూప్ ‘ఎ’లో భారత కాలమానప్రకారం గురువారం అర్ధరాత్రి క్రొయేషియాతో జరిగిన మ్యాచ్‌ను బ్రెజిల్ 3-1తో గెలుచుకుంది.
  
   మిడ్ ఫీల్డర్ ఆస్కార్ అద్భుతంగా రాణించడంతో పాటు ఓ గోల్ చేశాడు. ప్రత్యర్థి ఖాతాలోని ఒక్క గోల్ కూడా బ్రెజిల్ ఆటగాడు మార్సెలో చేసిన సెల్ఫ్ గోల్ కావడం గమనార్హం. ఇది ప్రపంచకప్ చరిత్రలోనే బ్రెజిల్ చేసిన తొలి సెల్ఫ్ గోల్. మరోవైపు బ్రెజిల్‌కు లభించిన పెనాల్టీ కిక్ వివాదాస్పదమైంది.
  
  టోర్నీలో తొలి మ్యాచ్‌తో పాటు.. ఆడుతుంది సొంత మైదానంలో కావడంతో ఆరంభంలో బ్రెజిల్ జట్టు కాస్త ఒత్తిడికి లోనైంది. దీంతో క్రొయేషియా ఆటగాళ్లు చెలరేగారు. ఏడో నిమిషంలో ఇవికా ఒలిక్ హెడర్ గోల్ చేసేందుకు యత్నించినా కుడి వైపు వైడ్‌గా వెళ్లింది.
  హా11వ నిమిషంలో బ్రెజిల్ అభిమానులకు షాక్ తగిలింది. క్రొయేషియా మిడ్ ఫీల్డర్ ఇవాన్ రాకిటిక్ అందించిన పాస్‌ను ఇవికా ఒలిక్.. పిచ్‌కు ఎడమ వైపు నుంచి ధాటిగా షాట్ ఆడగా గోల్ పోస్ట్ ముందున్న బ్రెజిల్ డిఫెండర్ మార్సెలో కాలితో బంతిని టచ్ చేసి సెల్ఫ్‌గోల్ చేశాడు.
  హామ్యాచ్ 29వ నిమిషంలో  నెయ్‌మార్ తన మేజిక్‌ను ప్రదర్శించాడు. మిడ్ ఫీల్డ్ నుంచి నేరుగా కొట్టిన షాట్ గోల్ పోస్ట్‌కు కుడివైపు తగిలి లోనికి వెళ్లింది. స్కోరు సమం అయింది.
  హాద్వితీయార్థంలో ఇరు జట్లు గోల్ కోసం బాగానే శ్రమించాయి. 71వ నిమిషంలో బ్రెజిల్‌కు పెనాల్టీ కిక్ అవకాశం దక్కింది. క్రొయేషియా ఆటగాడు డేజాన్ లోరెన్.. బ్రెజిల్ స్ట్రయికర్ ఫ్రెడ్‌ను కింద పడేశాడనే కారణంతో రిఫరీ పెనాల్టీ కిక్ అవకాశం ఇచ్చాడు. అయితే రీప్లేలో వెనకాల ఉన్న లోరెన్‌ను తాకి తనకు తానే ఫ్రెడ్ కిందపడినట్టు స్పష్టమైంది. దీంతో రిఫరీపై విమర్శలు వెల్లువెత్తాయి.
  
  హాతమకు లభించిన పెనాల్టీ కిక్‌ను నెయ్‌మార్ పొరపాటు చేయకుండా గోల్ చేయడంతో జట్టు 2-1తో ఆధిక్యంలోకి వెళ్లింది. ఇది బ్రెజిల్ తరఫున నెయ్‌మార్‌కు 33వ గోల్ కావడం విశేషం. ఇక్కడి నుంచి బ్రెజిల్ మరింత జోరు పెంచింది. 90 నిమిషాలు ముగిసిన తర్వాత లభించిన ఇంజురీ టైమ్‌లో తొలి నిమిషంలో ఆస్కార్ గోల్‌తో బ్రెజిల్ 3-1తో విజయం సాధించింది.
  
  స్కోరు బోర్డు
  బ్రెజిల్ : 3
  (నెయ్‌మార్ 29వ, 71వ ని.; ఆస్కార్ 91వ ని.)
  క్రొయేషియా : 1
  (మార్సెలోసెల్ఫ్‌గోల్, 11వ ని.)
  
  నేటి టాప్ మ్యాచ్...
  ఇటలీ  xఇంగ్లండ్
  ప్రపంచ కప్‌లో అందరూ ఆసక్తిగా ఎదురుచూస్తున్న మ్యాచ్‌ల్లో ఇదొకటి. మాజీ విశ్వవిజేతలైన ఈ రెండు జట్లకు ఈ లీగ్ మ్యాచ్ ఎంతో కీలకం. గెలిచిన జట్టుకు గ్రూప్ ‘డి’ నుంచి నాకౌట్ అవకాశాలు మెరుగ్గా ఉంటాయి.
  
  వేన్ రూనీ, గెరార్డ్, లాంపార్డ్‌లాంటి స్టార్ ఆటగాళ్లతో ఇంగ్లండ్... ఆండ్రియా పిర్లో, బలోటెలి, మేటి గోల్‌కీపర్ బఫన్‌లతో ఇటలీ సమతూకంగా కనిపిస్తున్నాయి. అంతర్జాతీయస్థాయిలో ఇప్పటివరకు ఈ రెండు జట్లు 24 సార్లు తలపడ్డాయి. 9 మ్యాచ్‌ల్లో ఇటలీ, 8 మ్యాచ్‌ల్లో ఇంగ్లండ్ గెలుపొందగా... 7మ్యాచ్‌లు ‘డ్రా’గా ముగిశాయి.
 
  


 నేటి నుంచి సాకర్ ప్రపంచకప్   
  అందరి దృష్టి బ్రెజిల్ పైనే
  
  బ్రెజిల్ xక్రొయేషియా
  రాత్రి గం. 1.30 నుంచి
  సోనీ సిక్స్‌లో ప్రత్యక్ష ప్రసారం
  
  సావో పాలో: ఇప్పటివరకు ఐదుసార్లు ప్రపంచ చాంపియన్లు... గత 12 ఏళ్లుగా తమ గడ్డపై ఓటమి ఎరుగని ఘన చరిత్ర... ప్రపంచంలో ఏ మూలన సాకర్ టోర్నీ జరిగినా టైటిల్ ఫేవరెట్లలో ముందుండే జట్టు... ఫుట్‌బాల్ ప్రపంచంలో బ్రెజిల్ జట్టు గురించి చెప్పడానికి ఈ ఉపమానాలు సరిపోతాయి. కానీ సొంతగడ్డపై ప్రతిష్టాత్మక ప్రపంచకప్‌ను గెలవలేదన్న ఒకే ఒక్క లోటు మాత్రం బ్రెజిల్‌ను పీడిస్తోంది. అలాంటి జట్టుకు వరల్డ్‌కప్‌ను గెలుచుకునే అరుదైన అవకాశం ఇప్పుడు వచ్చింది.
  
  నేటి నుంచి ప్రారంభం కానున్న ఫుట్‌బాల్ ప్రపంచకప్ తొలి మ్యాచ్‌లో పటిష్టమైన బ్రెజిల్.. ప్రపంచ 18వ ర్యాంకర్ క్రొయేషియాతో తలపడనుంది. ప్రస్తుత ఫామ్‌ను చూస్తే ఈ మ్యాచ్‌లో బ్రెజిల్ ఫేవరెట్‌గా బరిలోకి దిగుతోంది. అయితే సొంతగడ్డపై టోర్నీ జరుగుతుండటంతో జట్టుపై అంచనాలు అమాంతం పెరిగిపోయాయి. దీంతో సహజంగానే జట్టుపై ఒత్తిడి పెరిగింది.
  
  నెమార్ చుట్టే వ్యూహాలు
  బ్రెజిల్ జట్టులో స్టార్ ప్లేయర్లకు కొదువలేదు. పటిష్టమైన లైనప్.. ఫార్వర్డ్స్ అటాకింగ్.. అంచనాలకు మించి ఆడే ఆటగాళ్లు... ప్రత్యర్థి వ్యూహాలను క్షణంలో పసిగట్టే కోచ్..ఇలా ప్రతి అంశంలోనూ బ్రెజిల్ ప్రత్యేకత చాటుకుంది. దీంతో గత కొన్నేళ్లుగా సాకర్‌లో ఆధిపత్యం చెలాయిస్తోంది. అయితే ఓవరాల్‌గా బ్రెజిల్ ప్రణాళికలన్నీ నెమార్ చుట్టే తిరుగుతుంటాయి. ఇతన్ని అడ్డుకుంటే ప్రత్యర్థి జట్టు విజయావకాశాలు సగంపైగా మెరుగుపడతాయి. గ్రూప్-ఎలో బ్రెజిల్‌కు ఎదురులేకున్నా... తొలి మ్యాచ్ కోసం మాత్రం అందరూ ఆత్రుతగా ఎదురుచూస్తున్నారు.   
  
  తక్కువ అంచనా వేస్తే...
  మరోవైపు క్రొయేషియా జట్టు కూడా సమతుల్యంగా ఉంది. అనుభవజ్ఞులు, యువకులతో జట్టు మేళవింపు బాగుంది. అయితే కీలక ఆటగాళ్లు మారియో మండ్‌జుకిచ్, బెరైన్ మునిచ్‌లు ఈ మ్యాచ్‌కు అందుబాటులో ఉండటం లేదు.
  
  రానున్న
  ఐదు వారాల్లో...
  ఓ వ్యక్తి గాల్లోకి చూస్తూ తనలో తానే ఏదో మాట్లాడుతుంటే ఆశ్చర్యపోవద్దు.
  రోడ్డు మీద పిల్లాడు కాలితో బలంగా రాళ్లను తంతుంటే విస్తు పోవద్దు.
  అర్ధరాత్రి హాల్లో టీవీలు హోరెత్తుతుంటే విసుక్కోవద్దు...
  
  ఎందుకంటే...
  ప్రపంచంలో చాలా దేశాల అధ్యక్షులు తమ పనులనే వాయిదా వేసుకుంటున్నారు.
  చాలా దేశాల్లో ఆలుమగలు సంసారం మానేసి టీవీలకే అతుక్కుపోతారు.
  ఫుట్‌బాల్ పిచ్చి అలాగే ఉంటుంది మరి. ‘సాకర్’ అనే మూడక్షరాలతో ప్రపంచం ఊగిపోతుంది. రేడియోలు, టీవీలలో ఆ ఆటే హోరెత్తుతుంది. ఏ ఇద్దరు క్రీడాభిమానులు కలిసినా స్కోరు గురించే చర్చ జరుగుతుంది. మామూలుగానే ఫుట్‌బాల్ ప్రపంచకప్ అంటే గ్లామర్. ఇక బ్రెజిల్ లాంటి సాంబా నృత్యాలతో హోరెత్తే దేశంలో ఈ పండగ జరిగితే... చూడటానికి రెండు కళ్లూ చాలవేమో..!
  
  32 జట్లు... 64 మ్యాచ్‌లు... ఒక్క విజేత. జులై 13న బ్రెజిల్‌లో కప్ అందుకోవాలనే లక్ష్యంతో ఆటగాళ్లు... తమ జట్టు ఓడిపోతే ప్రాణాలు తీసుకునే అభిమానులు... ముసలోళ్లను కూడా పసిపిల్లలుగా మార్చేదే ఫుట్‌బాల్ ప్రపంచకప్. ఈ మెగా క్రీడా సంరంభానికి సావోపాలోలో నేడు తెరలేవనుంది. ఇక ఈ ఐదు వారాలూ
  కావలసినంత ‘కిక్’...
  
  ప్రపంచకప్ విశేషాలు
  ఇప్పటివరకు 19 ప్రపంచకప్‌లలో ఆతిథ్య జట్టు 6 సార్లు టైటిల్ నెగ్గింది.
  ప్రపంచకప్ గెలిచిన జట్లలో సొంతగడ్డపై టైటిల్ సాధించని ఒకే ఒక జట్టు బ్రెజిల్
  1930లో జరిగిన తొలి ప్రపంచ కప్‌లో 13 జట్లు పాల్గొంటే... 2014లో 32 జట్లు బరిలోకి దిగుతున్నాయి.
  
  బ్రెజిల్ ఒక్కటే ఇప్పటివరకు అన్ని ప్రపంచకప్‌లు ఆడింది.
  
  దక్షిణ అమెరికా, యూరోప్ ఖండాలకు చెందిన దేశాలే ఇప్పటి వరకు ప్రపంచకప్‌లు గెలిచాయి.
  
  అత్యధిక సార్లు ప్రపంచ కప్ గెలిచిన జట్టు బ్రెజిల్ (5). ఇటలీ (4), జర్మనీ (3) ఆ తర్వాతి స్థానాల్లో ఉన్నాయి.
  
  ప్రపంచకప్‌లో అత్యధిక గోల్స్ చేసిన ఆటగాడు రొనాల్డో (బ్రెజిల్-15). ఒకే టోర్నీలో అత్యధిక గోల్స్ రికార్డు (13) జస్ట్ ఫాంటెయిన్ (ఫ్రాన్స్-1958) పేరిట ఉంది.
  
  ప్రపంచ కప్ మ్యాచ్‌లలో ఎక్కువ సార్లు నమోదైన స్కోరు 1-0.
  ప్రపంచకప్‌లో ఫాస్టెస్ట్ గోల్ 11వ సెకన్లో నమోదైంది. హకన్ సుకుర్ (టర్కీ) 2002లో దక్షిణ కొరియాపై సాధించాడు.
  
  ఎక్కువ వయసులో (42 ఏళ్ల 39 రోజులు) ప్రపంచ కప్ బరిలోకి దిగిన ఆటగాడు రోజర్ మిల్లా (కామెరూన్)
  ఫుట్‌బాల్, క్రికెట్ ప్రపంచకప్‌లలో తమ దేశానికి ప్రాతినిధ్యం వహించిన ఏకైక ఆటగాడు వివియన్ రిచర్డ్స్ (వెస్టిండీస్, ఆంటిగ్వా)
 
  


 రియో: సొంతగడ్డపై ఈసారి కచ్చితంగా టైటిల్ గెలవాలన్న కసితో ఉన్న బ్రెజిల్ జట్టు కోసం అక్కడి ప్రభుత్వం కూడా మంచి ఏర్పాట్లే చేస్తోంది. తమ ఆటగాళ్లకు ఎలాంటి ఇబ్బంది కలగకుండా వారికోసం ప్రత్యేకంగా ఒక బోయింగ్ 737 విమానాన్ని సిద్ధం చేసింది. ఇందులో కేవలం బ్రెజిల్ జట్టు ఆటగాళ్లు, సిబ్బంది మాత్రమే ప్రయాణిస్తారు. వీరికోసం విమానం లోపల అన్ని రకాల సౌకర్యాలు సమకూర్చారు.
  
  ఆ విమానానికి ప్రత్యేకంగా గ్రాఫిటీతో ఆర్ట్ వేయించారు. బ్రెజిల్ సంప్రదాయాన్ని ప్రతిబంబించే ఈ ఆర్ట్ ఆటగాళ్లలో స్ఫూర్తిని నింపుతుందని భావిస్తున్నారు. గ్రాఫిటీ కళాకారుల ద్వయం ఓజ్ జెమియోస్ ఇందుకోసం 1200 క్యాన్ల స్ప్రే పెయింట్‌ను వినియోగించారు. ఇక బ్రెజిల్ జట్టు జూన్ 12న మొదలయ్యే ప్రపంచకప్ కోసం ఇదే విమానంలో ప్రయాణించనుంది. జట్టులోని ఆటగాళ్లంతా ఈ విమానంలో ఎప్పుడెప్పుడు ప్రయాణిస్తామా అని ఆలోచిస్తున్నారట.