దుబాయ్‌లో బ్రెజిలియన్ ఫుట్‌బాల్ క్రీడాకారుడు నేమార్ జూనియర్ అత్యంత ఖరీదైన ఇంటిని కొనుగోలు చేశాడు. దుబాయ్‌లోని బుగాట్టి రెసిడెన్స్‌లో ఉన్న ఈ పెంట్‌హౌస్‌ విలాసవంతమైన జీవన కళాఖండ మంటున్నారు నిపుణులు.తాజా కొనుగోలుతో ఈ ఫుట్‌బాల్ సూపర్‌స్టార్ తన రియల్ ఎస్టేట్ పోర్ట్‌ఫోలియోలో లగ్జరీ పెంట్‌హౌస్‌ను కూడా జోడించాడు. దీని ధర రూ.456 కోట్లు. అంతేకాదు దుబాయ్‌లోని బిజినెస్ బే ప్రాంతంలో నిర్మిత మవుతున్న ఇది ప్రపంచంలోని తొలి బుగాట్టి బ్రాండెడ్ రెసిడెన్షియల్ ప్రాజెక్ట్‌లలో భాగం. ఫ్రెంచ్ రివేరా- ఆధారిత ప్రైవేట్ బీచ్‌తో పాటు ఇందులో నివసించేందుకు వీలుగా లగ్జరీ ఫీచర్లను అందించారు. ఈ ఆకాశహర్మ్యం (స్కై మాన్షన్) 44,000 చదరపు అడుగుల విస్తీర్ణంలో విస్తరించి ఉంది. ఇక్కడి నుంచి దుబాయ్‌ అందాలను వీక్షించడమే కాదు, మార్బుల్ బార్ కౌంటర్, కుషన్డ్ కుర్చీలతో కూడిన హై-ఎండ్ బార్, ప్రైవేట్ పూల్‌తోపాటు లగ్జరీ కార్లను నేరుగా అతని పెంట్ హౌస్‌లో పార్క్‌ చేయడానికి వీలుగా ప్రత్యేక కార్ లిఫ్ట్ లాంటి అత్యాధునిక సౌకర్యాలున్నాయి. ఐవరీ అండ్‌ బ్లాక్-థీమ్‌తో బెడ్‌రూమ్స్‌, గ్రిల్స్‌, కర్టెన్లు, కుషన్లు సోఫా మరింత ఆకర్షణగా నిలుస్తున్నాయి. View this post on Instagram A post shared by AZR (@azrorganization)

ప్రపంచంలో అత్యంత వేగవంతమైన కారును అభివృద్ధి చేసిన సుమారు ఎనిమిది సంవత్సరాల తరువాత 'బుగాటి' (Bugatti) మరో సూపర్ కారును లాంచ్ చేయడానికి సిద్ధమవుతోంది. దీని వేగం 500 కిమీ/గం. ఈ కారుకు సంబంధించిన యాక్సలరేషన్ వీడియోను కంపెనీ ఇప్పటికే తన ఎక్స్ ఖాతాలో షేర్ చేసింది.స్పీడోమీటర్‌కు ఎడమవైపున మూడు గేజ్‌లు సెట్ చేసి ఉండటం ఇక్కడ గమనించవచ్చు. ఇందులో రీడింగ్ గరిష్టంగా 350 కిమీ/గం మాత్రమే చూపిస్తుంది. అయితే వీడియోలో గేజ్‌లు ఈ వేగాన్ని అధిగమించడం చూడవచ్చు. బుగాటి రిమాక్ సీఈఓ మేట్ రిమాక్ కొత్త బుగాటి హైపర్‌కార్‌లో హైబ్రిడ్ పవర్‌ట్రెయిన్ ఉంటుందని ఇప్పటికే ధ్రువీకరించారు.ఐకానిక్ క్వాడ్ టర్బో డబ్ల్యూ16 స్థానంలో.. న్యాచురల్లీ ఆస్పిరేటెడ్ వీ16 ఇంజిన్ మాత్రమే కాకుండా మూడు ఎలక్ట్రిక్ మోటార్‌లను పొందనున్నట్లు సమాచారం. కారు ముందు భాగంలో రెండు మోటార్లు, వెనుక భాగంలో ఒక మోటార్ ఉంటుంది. ఇవన్నీ 25 కిలోవాట్ సామర్థ్యంతో ఉన్నట్లు సమాచారం.బుగాటి కంపెనీ లాంచ్ చేయనున్న ఈ కారు ఇప్పటికే మార్కెట్లో ఉన్న చిరోన్ కంటే కొంచెం బరువుగా ఉంటుంది. పవర్ అవుట్‌పుట్ కూడా దాని స్టాండర్డ్ మోడల్ కంటే ఎక్కువగానే ఉంటుంది. కంపెనీ సరికొత్త హైపర్ కారు గురించి మరిన్ని వివరాలను జూన్ 21న అధికారికంగా వెల్లడించే అవకాశం ఉంది.Engineered for speed.Pour l’éternité.Watch ‘La Grande Première’ live: https://t.co/D4Er3Kg34c20.06.2024#BUGATTI #PourLÉternité pic.twitter.com/29Wj6G1M6Y— Bugatti (@Bugatti) June 20, 2024

ఒక సాధారణ సైకిల్ ధర ఎంత ఉంటుంది? మహా అయితే ఓ 20,000 రూపాయలు ఉండొచ్చు. కానీ ఇక్కడ కనిపించే సైకిల్ ధర మాత్రం ఏకంగా రూ. 32 లక్షలు. సైకిల్ ఏంటి? రూ. 32 లక్షలు ఏంటి? అని చాలామంది ఒక్కసారిగా షాకవొచ్చు! అయితే మరిన్ని వివరాల కోసం ఇక్కడ చూసెయ్యండి. ప్రపంచ మార్కెట్లో అత్యంత ఖరీదైన కార్లను తయారు చేసే 'బుగాటీ' (Bugatti) కంపెనీ 'పీజీ ఎక్స్' తయారు చేసింది. ఇది చూడటానికి సాధారణ సైకిల్ మాదిరిగా అనిపించినప్పటికీ ఇది చాలా ప్రత్యేకమైంది. ఎందుకంటే ఇది బుగాటీ చిరోన్ కారు నుంచి ప్రేరణ పొంది ఖరీదైన మెటీరియల్ అండ్ మ్యానుఫ్యాక్చరింగ్ టెక్నిక్‌లను ఉపయోగించి తయారైంది. 2017 జెనీవా ఇంటర్నేషనల్ మోటార్ షోలో కనిపించిన ఈ పీజీ ఎక్స్ బుగాటీ కేవలం 667 యూనిట్లకు మాత్రమే పరిమితం. దీని ధర రూ.  39000 డాలర్లు (భారతీయ కరెన్సీ ప్రకారం రూ. 32 లక్షల కంటే ఎక్కువ).  ఈ సైకిల్ తయారీలో అగ్రశ్రేణి స్పోర్ట్స్ ఆటోమొబైల్స్, నాసా, ఏరోనాటిక్ దిగ్గజాలలో ఉపయోగించే హై-ఎండ్ మెటీరియల్స్ ఉపయోగించారు. ఈ సైకిల్‌ను 95 శాతం అధిక శక్తి కలిగిన కార్బన్ ఫైబర్‌తో తయారు చేశారు, కాబట్టి ఇది ఐదు కిలోల కంటే తక్కువ బరువును కలిగి ఉంది. ఇదీ చదవండి: రూ. 700లకు థార్ అడిగిన బుడ్డోడు.. ఫ్యాక్టరీలో హల్‌చల్‌ చేశాడు - వీడియో ప్రపంచంలో అత్యంత ఖరీదైన, తక్కువ బరువున్న సైకిల్ బహుశా ఇదే అయి ఉంటుందని పలువురు భావిస్తున్నారు. ఒక సీటు కలిగిన ఈ సైకిల్ సింగిల్ వీల్ బ్రేక్ మాత్రమే కలిగి ఉంటుంది. పీజీ బుగాటీ సైకిల్ కార్బన్ ఫ్రేమ్‌ను ఫార్ములా వన్ కార్లను తయారు చేసే అదే కార్మికులు తయారు చేశారు. ఈ కారణంగానే దీని ధర చాలా ఎక్కువ.

లగ్జరీ కార్ల తయారీ సంస్థ బుగట్టి రియల్ ఎస్టేట్ రంగంలో కూడా  ఒక బ్రాండ్‌ క్రియేట్‌ చేయ నుంది.  దుబాయ్‌లో 42-అంతస్తుల ఆకాశహర్మ్యం విశేషాలు, విలాసవంతమైన సౌకర్యాలను తాజాగా ఆవిష్కరించింది. ఇటీవల ప్రకటించిన రెసిడెన్షియల్ తన ప్రారంభ వెంచర్‌కు సంబంధించిన ప్రణాళికలను వెల్లడించింది. కనీవినీఎరుగని ఫీచర్లు, సౌకర్యాలతో వీటిని తీర్చిదిద్దుతున్నట్టు ప్రకటించింది.  ఇదీ చదవండి: మనవరాలికోసం అంబానీ ఏం చేశారో తెలుసా? ఇంటర్నెట్‌లో వీడియో వైరల్‌ దుబాయ్ ఆధారిత రియల్ ఎస్టేట్ డెవలపర్ బింఘట్టి భాగస్వామ్యంతో, ఆర్ట్‌ ఆఫ్‌ లివింగ్‌కి కొత్త అర్థంతో ఫ్రెంచ్ "ఆర్ట్ డి వివ్రే"ని అందించడం లక్ష్యంగా ఈ  రెసిడెన్షియల్‌ టవర్స్‌ను రూపొందించి నట్టు అధికారిక ఇన్‌స్టాలో వెల్లడించింది. రిసార్ట్‌లో ఉన్న ఫీలింగ్‌ కలిగేలా బెస్పోక్ లేఅవుట్‌తో ప్రత్యేకంగా రూపొందించింది. ప్రతీ హౌస్‌లో.. హై-ఎండ్ ఫినిషింగ్స్‌​, అధునాతన సౌకర్యాలతో నభూతో నభిష్యతి అన్నట్టు ఉంటుందని కంపెనీ వెల్లడించింది. (యావద్దేశం మూగగా..ఫెయిల్-సేఫ్ మెకానిజంపై ఆనంద్‌ మహీంద్ర వ్యాఖ్యలు) రూఫ్‌టాప్ పూల్ ,కార్‌ లిప్ట్‌  ఫ్లోర్-టు-సీలింగ్ విండోలు, అందమైన పెద్ద బాల్కనీల ద్వారా దుబాయ్ స్కైలైన్ భవనాలను వీక్షించ వచ్చు.  ప్రైవేట్ పూల్, జాకుజీ స్పా, ఫిట్‌నెస్ క్లబ్, చెఫ్ టేబుల్, ప్రైవేట్ వాలెట్, ప్రైవేట్ మెంబర్స్ క్లబ్, రెండు గ్యారేజ్-టు-పెంట్‌హౌస్ కార్ లిఫ్ట్‌లు వంటి అత్యాధునిక సౌకర్యాలున్నాయని తెలిపింది.  అంతేనా సన్‌బాత్‌ కోసం ఎయిర్‌ బీచ్ కూడా ఉందనీ, మాన్‌హట్టన్ ఆఫ్ దుబాయ్‌గా  కాస్మోపాలిటైన్ ప్రాంతం నడిబొడ్డున ఉందని  కంపెనీ పేర్కొంది. కాగా దుబాయ్‌లోని బిజినెస్ బే ప్రాంతంలో నిర్మిస్తున్న ఈ టవర్స్‌లో ప్రతి అపార్ట్‌మెంట్ ఒక విలక్షణమైన లేఅవుట్‌తో రూపొందిస్తోంది. బుగట్టి బ్రాండ్‌కి పర్యాయపదంగా ఉండేలా రివేరా మాన్షన్స్ పేరుతో 171 అపార్ట్‌మెంట్లు , 11 విలాసవంతమైన స్కై మాన్షన్ పెంట్‌హౌస్‌లు ఉంటాయి . View this post on Instagram A post shared by BUGATTI Newsroom (@bugatti_newsroom)

పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డోకు కార్లంటే పిచ్చ క్రేజ్‌. తన గ్యారేజీలో ఉన్న కార్ల లెక్కకు కొదువే లేదు. అయితే తాజాగా దాదాపు రూ. 70 కోట్ల విలువైన బుగాట్టి కారులో రొనాల్డో చక్కర్లు కొట్టడం సోషల్‌ మీడియాలో వైరల్‌గా మారింది. ఇటలీకి చెందిన లగ్జరీ కార్ల తయారీ సంస్థ బుగాట్టి.. సెంటోదియాచీ పేరుతో లిమిటెడ్ ఎడిషన్ కారును మార్కెట్‌లోకి తీసుకొచ్చింది. దీని ఖరీదు 80 లక్షల యూరోలు. అంటే మన కరెన్సీలో సుమారు రూ.71 కోట్లు.  తాజాగా ఖరీదైన బుగాట్టి కారులో తన పార్ట్‌నర్ జార్జినా రోడ్రిగ్స్ తో కలిసి రొనాల్డో రెస్టారెంట్‌కు వచ్చాడు. డిన్నర్‌ అనంతరం బయటికి వచ్చిన రొనాల్డో బుగాట్టి కారు ఎక్కడం చూసి స్థానిక అభిమానులు ఫోటోలు క్లిక్‌ మనిపించారు. ఒక వ్యక్తి ఇదంతా తన కెమెరాలో బంధించి వీడియోను షేర్‌ చేయగా దానికి రొనాల్డో రీట్వీట్‌ చేయడం విశేషం. గతేడాది ఇదే రెస్టారెంట్ బయట ఒక రోల్స్ రాయిస్ కారులో రొనాల్డో కనిపించాడు. ఆ కారును జార్జినానే రొనాల్డోకు క్రిస్మస్ గిఫ్ట్ గా ఇవ్వడం విశేషం. మరి ఖరీదైన బుగాట్టిని రొనాల్డో కొన్నాడా లేక గిఫ్ట్‌గా వచ్చిందా అని అభిమానులు కామెంట్‌ చేశారు. 2024 యురోపియన్ ఛాంపియన్‌షిప్‌ క్వాలిఫయింగ్ కోసం రొనాల్డో తన సొంతజట్టు పోర్చుగల్‌ తరపున ఆడుతున్నాడు. ఇక జట్టు తరపున తొలి రెండు మ్యాచ్‌లు కలిపి నాలుగు గోల్స్‌ చేసిన రొనాల్డో విజయాల్లో కీలక పాత్ర పోషించాడు. పోర్చుగల్ తన తర్వాతి రెండు క్వాలిఫయింగ్ మ్యాచ్ లను జూన్ లో ఆడనుంది. ప్రస్తుతం గ్రూప్ జేలో పోర్చుగల్ టాప్ లో ఉంది. ప్రస్తుతం హాలిడే మూమెంట్‌ను ఎంజాయ్ చేస్తున్న రొనాల్డో ఏప్రిల్‌ మొదటివారంలో అల్-నసర్ క్లబ్‌తో కలవనున్నాడు. ఏప్రిల్ 5న అల్‌-నసర్‌ క్లబ్.. అల్ అదాలాతో జరిగే మ్యాచ్‌లో రొనాల్డో ఆడనున్నాడు.  Cristiano in Madrid last night. ❤️ pic.twitter.com/RChrK0ewmz — The CR7 Timeline. (@TimelineCR7) March 29, 2023 చదవండి: 'ఆడేది మెగాటోర్నీ.. అలా కుదరదు'; ప్లాన్‌ బెడిసికొట్టిందా? హ్యాట్రిక్‌ గోల్స్‌తో రికార్డు.. సెంచరీ కొట్టిన మెస్సీ

పారిస్ : ఫ్రాన్స్ కు చెందిన ప్ర‌ముఖ కార్ల సంస్థ బుగట్టి త‌న లేటెస్ట్ కార్ (ల వొఇతురు నిర్)ను మార్కెట్ లో విడుద‌ల చేసింది.రూ.100కోట్ల విలువైన కారును త‌యారు చేసేందుకు 60వేల గంట‌ల స‌మ‌యం ప‌ట్టింద‌ని ఆ సంస్థ ప్ర‌తినిధులు తెలిపారు. ఫ్రెంచ్ భాష‌లో ల వొఇతురు నిర్ అని పిలిచే ఈ కారును ఇంగ్లీష్ లో  ద బ్లాక్ కార్ అని పిలుస్తారు.  ఈ కారు ప్ర‌త్యేక‌త‌ల్ని ఒక్క‌సారి గ‌మ‌నిస్తే క్వాడ్ ట‌ర్బో ఛార్జింగ్‌, 1,479 గంట‌ల హార్స్ ప‌వ‌ర్‌, 8 లీట‌ర్ల పెట్రోల్ డ‌బ్ల్యూ-16 పిస్ట‌న్ ఇంజిన్ సామ‌ర్ధ్యాన్ని క‌లిగి ఉంది. అయితే  బెస్పోక్ డిజైన్ మరియు ఎక్స్‌టెండెడ్ వీల్‌బేస్ దీనికి భిన్నంగా ఉంటాయి. బ్లాక్ క‌ల‌ర్ స్పోర్ట్స్ కారు.  కారు నాలుగు చక్రాల వెనుక భాగంలో 6 బ్లేడ్ ఎక్సహౌస్ ను కలిగి ఉంది.  ఈ 6బ్లేడ్ ఎక్స హౌస్ లు వేగాన్ని ఆస్వాధించేలా చేస్తోంది.  కారు టాప్ కార్బన్ ఫైబర్ బ్లాక్ క‌ల‌ర్ కోటింగ్ ను క‌లిగి ఉంది. నివేదికల ప్రకారం, లా వోయిచర్ నోయిర్ ప్రతి అల్ట్రా-వైడ్లైట్ స్ట్రిప్స్‌లో 25  యూనిట్ల అత్యంత శక్తివంతమైన ఎల్‌ఇడి బల్బులను కలిగి ఉంది. కారు ముందు గ్రిల్‌లో 3-డి ప్రింటెడ్ సౌక‌ర్యం కలిగి ఉంది. కారు పొడ‌వు 17.7 కాగా, వీల్‌బేస్ 9.8 అంగుళాలు ఇప్పటివరకు కారు క్యాబిన్ ఫోటోలు విడుదల చేయకపోయినా హవానా బ్రౌన్ లెద‌ర్ తో  సీట్లను డిజైన్ చేసిన‌ట్లు తెలుస్తోంది.  

ప్రపంచంలోనే అత్యంత వేగంగా ప్రయాణంచే కార్లలో ఒకటైన బుగాటి  ఒక కొత్త లగ్జరీ కారును లాంచ్‌ చేసింది.  ప్రపంచంలో అత్యంత ఖరీదైన కారుగా  పేరొందిన ఈ కారు ధర  సుమారు  రూ. 88కోట్లు (12.47మిలియన్ల డాలర్లు).  2019 జెనీవా  మెటార్‌ షోలో  బుగాటి  ‘లా వోయర్‌ నోయర్‌’  పేరుతో దీన్ని ఆవిష్కరించింది. 16 సిలిండర్‌ ఇంజీన్‌తో ఎలిగెంట్‌లుక్‌లో  ఆకట్టుకుంటున్న ఈ ఖరీదైన కారును జర్మనీకారు  మేకర్‌  ఫోక్స్‌ వ్యాగన్‌  మాజీ ఛైర్మన్‌ ఫెర్డినాండ్‌ పీచ్‌ సొంతం చేసుకున్నట్టు తెలుస్తోంది.