‘డ్యాన్స్‌ వయసు ఎరగదు’ అనే సామెత ఉందో లేదోగాని ఈ వీడియో చూస్తే ‘నిజమే సుమీ’ అనిపిస్తుంది. ప్రముఖ డ్యాన్స్‌ రియాలిటీ షో ‘డ్యాన్స్‌ దివానే’లో 73 సంవత్సరాల బామ్మ డ్యాన్స్‌ వైరల్‌ అయింది. ఛోబీ అనే బామ్మ ‘దేవదాస్‌’ సినిమాలోని మాధురి దీక్షిత్‌ పాపులర్‌ పాట ‘మార్‌ డాలా’కు అద్భుతంగా డ్యాన్స్‌ చేసింది. రియాల్టీ షో జడ్జీలు మాధురి దీక్షిత్, సునీల్‌షెట్టీలకు ఛోబీ డ్యాన్స్‌ బాగా నచ్చింది. ‘మనసులో ఏది అనిపిస్తే అది చేయాలి. భయం అవసరం లేదు... అని మీరు మాకు చెబుతున్నట్లుగా ఉంది’ అని బామ్మను ప్రశంసించింది మాధురి. ఆ తరువాత బామ్మతో కలిసి మాధురి దీక్షిత్‌ డ్యాన్స్‌ చేసింది. ‘మాధురి అంటే డ్యాన్స్‌కు మరో పేరు. ఆమె పాపులర్‌ పాటకు డ్యాన్స్‌ చేయాలంటే సాహసం మాత్రమే కాదు. ప్రతిభ కూడా ఉండాలి. ప్రతిభ, సాహసం మూర్తీభవించిన ఛోబీజీకి అభినందనలు’. ‘మాధురితో పోటీపడి డ్యాన్స్‌ చేయడం మామూలు విషయం కాదు’... ఇలాంటి కామెంట్స్‌ ఎన్నో సోషల్‌ మీడియాలో కనిపించాయి.

ప్రముఖ డ్యాన్స్‌ రియాలిటీ షో 'ఆట' మొదటి సీజన్‌ విన్నర్‌ టీనా సాధు మరణం ఇండస్ట్రీలో చర్చనీయాంశంగా మారింది. ఎంతో ఫిట్‌గా ఉండే టీనా 38ఏళ్ల వయసులోనే మరణించడంతో ఆమె మృతి పట్ల పలు అనుమానాలు వ్యక్తమవుతున్నాయి. తాజాగా టీనా మరణంపై ఆట సందీప్‌ అనుమానం వ్య​క్తం చేశారు. ఓ యూట్యూబ్‌ ఛానెల్‌కి ఇచ్చిన ఇంటర్వ్యూలో ఆయన మాట్లాడుతూ పలు షాకింగ్‌ విషయాలను షేర్‌ చేసుకున్నారు. 'టీనా లేదన్న విషయం ఇంకా నమ్మబుద్ది కావట్లేదు. 5రోజుల క్రితం హైదరాబాద్‌కు వచ్చి ఎంతో సరదాగా గడిపిన టీనాకు అంత సడెన్‌గా హార్ట్‌ స్ట్రోక్‌ ఎలా వచ్చిందో అర్థం కావట్లేదు. ఆమె చాలా ఫిట్‌గా ఉంటుంది. ఇది గుండెపోటు అయ్యిండదనిపిస్తుంది. నాతో మాట్లాడినప్పుడు డిప్రెషన్‌లో ఉన్నాను. పర్సనల్‌ లైఫ్‌లో ప్రాబ్లమ్స్‌ ఉన్నాయని చెప్పింది. కలిసినప్పుడు వీటిపై మాట్లాడతానని చెప్పింది. కానీ అంతలోనే ఇలా జరిగిపోయింది. చాలా షాకింగ్‌గా అనిపిస్తుంది' అని పేర్కొన్నారు. దీంతో టీనా మృతిపై మరిన్ని అనుమానాలు వ్యక్తం అవుతున్నాయి. కాగా ఆట సీజన్‌-1లో సందీప్‌-టీనాల జోడి టైటిల్‌ విన్నర్‌గా గెలిచిన సంగతి తెలిసిందే.  చదవండి: ఆట' డ్యాన్స్‌ షో విన్నర్‌ టీనా కన్నుమూత చదవండి: డ్యాన్స్‌ షో విన్నర్‌ టీనా మృతిపై అనుమానాలు, లిక్కర్‌ ఎక్కువవడం వల్లే..

డ్యాన్స్‌ రియాలిటీ షో 'ఆట' మొదటి సీజన్‌ విన్నర్‌ టీనా సాధు మరణం ఇండస్ట్రీలో చర్చనీయాంశంగా మారింది. చిన్నవయసులోనే టీనా మరణించడంతో ఆమె మృతి పట్ల పలు అనుమానాలు వ్యక్తమవుతున్నాయి. కాగా ఆట మొదటి సీజన్‌కు విన్నర్‌గా నిలిచిన ఆమె ఆ షో నాలుగో సీజన్‌కు జడ్జిగానూ వ్యవహరించారు. కొంతకాలంగా ఇండస్ట్రీకి దూరంగా ఉంటున్న టీనా గోవాలో రఘు అనే వ్యక్తిని వివాహం చేసుకుని అక్కడే నివసిస్తోంది. అయితే నాలుగైదు రోజుల క్రితం హైదరాబాద్‌కు వచ్చిన టీనా యాంకర్‌ శిల్పాచక్రవర్తిని కలిసిందని, తిరిగి డ్యాన్స్‌ షోల్లో రీఎంట్రీ ఇవ్వాలని ఉందని మనసులోని మాట బయటపెట్టినట్లు తెలుస్తోంది. ఆ తర్వాత గోవా వెళ్లిపోయిన ఆమె ఇంట్లో ఉన్న సమయంలో మద్యం సేవించిందని, అయితే ఎక్కువ మోతాదులో మద్యం తీసుకోవడం వల్ల ఆమెకు గుండెపోటు వచ్చిందని కుటుంబీకులు తెలుపుతున్నట్లుగా ఓ వార్త వైరల్‌గా మారింది. మరి ఇదెంతవరకు నిజమన్నది తెలియాల్సి ఉంది. ఇక టీనా సోషల్‌ మీడియాలో చివరిసారిగా షేర్‌ చేసిన వీడియో ప్రస్తుతం నెట్టింట వైరల్‌ అవుతోంది. View this post on Instagram A post shared by tina sadhu (@tinathestar18) View this post on Instagram A post shared by 𝐀𝐚𝐭𝐚 𝐒𝐚𝐧𝐝𝐞𝐞𝐩 𝐃𝐚𝐧𝐜𝐞 𝐌𝐚𝐬𝐭𝐞𝐫🇮🇳 (@aata_sandeep) చదవండి: 'ఆట' డ్యాన్స్‌ షో విన్నర్‌ టీనా కన్నుమూత

ఓంకార్‌ యాంకర్‌గా బుల్లితెరపై ఎంతో పాపులర్‌ అయిన డ్యాన్స్‌ రియాలిటీ షో ఆట. ఈ షో మొదటి సీజన్‌ విన్నర్‌ టీనా మృతి చెందింది. ఈ విషయాన్ని ఆట సందీప్‌ తన ఇన్‌స్టాగ్రామ్‌ అకౌంట్‌ ద్వారా వెల్లడించారు. టీనా సాధు మరణవార్త తెలిసి షాక్‌ అయ్యాను. ఆట సీజన్‌లో నా పార్టనర్‌ అయిన టీనా మరణవార్త చాలా బాధిస్తుంది. ఆమె కుటుంబానికి నా ప్రగాఢ సానుభూతి. టీనా ఆత్మకు శాంతి చేకూరాలి అంటూ ఆట సందీప్‌ ఇన్‌స్టాగ్రామ్‌లో పోస్ట్‌ చేశారు. ఇది చూసిన నెటిజన్లు టీనా మరణవార్త తెలిసి షాక్‌ అవుతున్నారు. ఆమె మృతి పట్ల సంతాపం వ్యక్తం చేస్తున్నారు. కాగా ఆట సీజన్‌-1విన్నర్‌గా నిలిచిన టీనా ఆ తర్వాత సీజన్‌-4కి జడ్జిగా వ్యవహరించారు. అయితే కొన్నాళ్లుగా ఇండస్ట్రీకి దూరంగా ఉంటున్న టీనా ఇలా హఠాన్మరణం చెందడం షాకింగ్‌గా అనిపిస్తుంది. ఆమె మరణానికి గల కారణాలు ఇంకా తెలియరాలేదు.    View this post on Instagram A post shared by 𝐀𝐚𝐭𝐚 𝐒𝐚𝐧𝐝𝐞𝐞𝐩 𝐃𝐚𝐧𝐜𝐞 𝐌𝐚𝐬𝐭𝐞𝐫🇮🇳 (@aata_sandeep)

ప్రముఖ డ్యాన్స్‌ కొరియోగ్రాఫర్స్‌ టెరెన్స్‌ లూయిస్‌, గీతా కపూర్‌, నటి మలైకా అరోరా‌ సోనీ ఛానల్‌లో ప్రసారమవుతున్న ‘ఇండియాస్‌ బెస్ట్‌ డ్యాన్స్‌ర్‌’ షోకు న్యాయ నిర్ణేతలుగా వ్యవహరిస్తున్న విషయం తెలిసిందే. ఇటీవల నటి మలైకా కరోనా బారిన పడటంతో ఆమె స్థానంలో ప్రముఖ డ్యాన్స్‌ నోరా ఫతేహి న్యాయమూర్తిగా వ్యవహరించారు. ఈ క్రమంలో కొరియోగ్రాఫర్‌ టెరెన్స్‌, డ్యాన్సర్‌ నోరాతో అనుచితంగా ప్రవర్తించాడని వార్తలు వినిపించాయి. ఇద్దరు కలిసి స్టేజ్‌పై నృత్యం చేస్తుండగా నోరాను అభ్యంతకరంగా తాకినట్లు ఓ వీడియో నెట్టింట్లో తెగ వైరల్‌ అయ్యింది. చదవండి: ఇద్దరు ముద్దుగుమ్మల డాన్స్‌.. అదుర్స్‌ తాజాగా ఈ వీడియోపై టెరెన్స్‌ లూయిస్‌ స్పందించాడు. అది అసలైన వీడియో కాదని, మార్ఫింగ్‌ చేసిన వీడియోనని స్పష్టం చేశారు. ఓ ఇంటర్వ్యూలో ఆయన మాట్లాడుతూ.. నోరాపై తనకు చాలా గౌరవం ఉందని పేర్కొన్నాడు. ఒకవేళ ఈ క్లిప్‌ వాస్తవమైతే నోరా ఎందుకు స్పందించకుండా ఉంటుందని అన్నాడు. ఆడవాళ్లపై అమిత గౌరవం ఉందని, ఇలాంటి చెడు పనులు జీవితంలో చేయలేదని, చేయనని పేర్కొన్నాడు. ఇలా చేయడానికి తనేం 17 ఏళ్లలో లేనని తన వయస్సు 45 సంవత్సరాలని క్లారిటీ ఇచ్చాడు. కాగా ప్రస్తుతం కరోనా నుంచి కోలుకొని నటి మలైకా తిరిగి డ్యాన్స్‌షో సెట్లో అడుగు పెట్టారు. చదవండి: సినిమాల‌కు 'క‌త్తి' హీరోయిన్ గుడ్‌బై


 న్యూఢిల్లీ:  ప్రొఫెషనల్ డాన్సర్ గా రాణించాలనుకున్న ఓ మైనర్ బాలుడు వరుసగా హత్యలకు పాల్పడ్డం  ఆందోళన రేపింది. పాపులర్ డ్యాన్స్‌ రియాల్టీ షో లో పాల్గొనాలనే కోరికను నెరవేర్చుకునేందుకు గతేడాది  బాలుడిని హత్య చేసినవాడే  తాజాగా మరో దారుణానికి పాల్పడ్డాడు. ఒంటరిగా వున్న వృద్ధురాలిని అంతమొందించాడు.
 
 ఢిల్లీలోని బికె దత్తా కాలనీలో నివసించే మితిలేష్ జైన్(65) తన నివాసంలో  చనిపోయివుండగా బంధువులు గమనించారు. మొదట సహజ మరణంగానే అందరూ భావించారు.  కానీ ఆమెకు సంబంధించిన, నగదు, నగలు, సెల్  ఫోన్స్ కనపించకపోవడంతో  అనుమానం వచ్చిన బంధువులు పోలీసులకు ఫిర్యాదు చేశారు.  అనుమానాస్పద మృతిగా కేసు నమోదు చేసుకున్న పోలీసులు ఆమె మృతదేహాన్ని పోస్ట్ మార్టానికి పంపించారు.  గొంతు నులిమి హత్య చేసినట్టుగా పోస్ట్మార్టం నివేదికలో తేలింది. ఈ లోపు కనిపించకుండా పోయిన ఆమె మొబైల్ ఆన్ అయింది. దీని ఆధారంగా కూపీ లాగిన పోలీసులు నిందితుడి వివరాలు తెలుసుకొని షాక్ అయ్యారు.
 
 గత సెప్టెంబర్ లో 13 ఏళ్ల స్వప్నేష్ గుప్తాను హత్య చేసిన డాన్సర్ ఈ దారుణానికి ఒడిగట్టాడని తెలిసి నివ్వెర పోయారు. ఫరీదాబాద్ లోని అతని నివాసంలో గురువారం నిందితుడిని అరెస్ట్ చేశారు. రియాల్టీషో లో  పాల్గొనడానికి అవసరమైన డబ్బుల కోసమే ఆమెను హత్యను చేసినట్టు విచారణలో  నేరాన్ని అంగీకరించాడు.   
 
 కాగా గతంలో ఈ డాన్సర్ , మరో అమ్మాయితో కలిసి పథకం ప్రకారం సప్నేష్ ను మభ్యపెట్టి ఉత్తరాఖండ్‌ తీసుకెళ్లి, గొంతు నులిమి చంపేసి  కొండమీదనుంచి తోసేశారు. అనంతరం 60 వేల రూపాయలు ఇవ్వాలంటూ బాలుడి తండ్రిని డిమాండ్ చేయడంతో విషయం వెలుగులోకి వచ్చింది. ఈ ఘటనలో  విచారణ అనంతరం జువైనల్ హోంకు తరలించారు. మంచి ప్రవర్తన కారణంగా కరెక్షన్ హోం నుంచి ఇటీవలే  విడుదలయ్యాడు. దాదాపు ఆరు నెలల కాలంలో రెండు హత్యలకు పాల్పడడం బాల నేరస్థుల సంస్కరణ వ్యవస్థకు సవాలుగా నిలిచింది.


 ముంబై: మైదానంలో బ్యాటుతో విరుచుకుపడే టీమిండియా బ్యాట్స్ మన్ శిఖర్ ధావన్ డాన్స్ చేసేందుకు రెడీ అవుతున్నాడు. తన భార్య అయేషాతో కలిసి డాన్స్ ఆడేందుకు సిద్దమవుతున్నాడు. స్టార్ ప్లస్ సెలబ్రిటీ డాన్స్ రియాలిటీ షో 'నచ్ బలియే 7' వైల్డ్ కార్డ్ ఎంట్రీతో థ్రిల్ చేసేందుకు సమాయత్తమవుతున్నాడు.
 
 స్పెషల్ వెల్డ్ కార్డ్ ఎంట్రీతో షోలో పాల్గొనాలని ధావన్, అయేషా దంపతులను సంప్రదించినట్టు షో నిర్వాహకులు వెల్లడించారు. వీరిద్దరూ డాన్స్ చేస్తే అదనపు ఆకర్షణ అవుతుందని పేర్కొన్నారు. 'నచ్ బలియే 7' రియాలిటీ షోను ఏక్తాకపూర్ నిర్మిస్తున్నారు. ఈసారి పోటీదారులందరూ ఒకే ఇంట్లో ఉంటారు. ప్రేక్షకులకు ఓటింగ్ చేసే అవకాశం లేదు. నటి ప్రీతి జింతా, రచయిత చేతన్ భగత్, కొరియోగ్రాఫర్ మార్జి పెస్టోన్జీ న్యాయనిర్ణేతలుగా వ్యవహరిస్తారు.