సాక్షి, హైదరాబాద్‌: తూనికలు కొలతల శాఖలోని ఇద్దరు ఉన్నతాధికారులకు విజిలెన్స్‌ అండ్‌ ఎన్‌ ఫోర్స్‌మెంట్‌ ఉచ్చు బిగుసుకుంది. సాక్షాత్తు మాజీ అధికారుల ఫిర్యాదులో రంగంలోకి దిగిన విజిలెన్స్‌ విభాగం.. ఆ అధికారులు అధికార దుర్వినియోగం చేశారని, చేతివాటం ప్రదర్శించారని, అక్రమంగా పదోన్నతులు కల్పించారని, ఫోర్జరీ చేశారని నిగ్గు తేల్చింది. ఆ ఇద్దరు ప్రాంతీయ డిప్యూటీ కంట్రోలర్లు (ఆర్‌డీసీ)లతో పాటు ఓ టెక్నికల్‌ అసిస్టెంట్‌లపై క్రిమినల్‌ కేసులు, శాఖాపరమైన చర్యలు తీసుకోవాలని సర్కారుకు సిఫార్సు చేసింది. దీనిపై సమగ్ర నివేదక ఇవ్వాలని ఏసీబీని ప్రభుత్వం ఆదేశించింది.  అధికారం ఉందని.. రెండేళ్ల క్రితం హైదరాబాద్‌ నగరానికి చెందిన తూనికలు, కొలతల పరికరాలకు సంబంధించిన మూడు సంస్థలు తమ లైసెన్స్‌ల పునరుద్ధ్దరణ కోసం దరఖాస్తు చేసుకున్నాయి. అప్పట్లో లైసెన్స్‌ రెన్యువల్‌ అధికారం రాష్ట్ర కంట్రోలర్‌కే ఉండగా ప్రాంతీయ డిప్యూటీ కంట్రోలర్‌ (హెడ్‌ క్వార్టర్స్‌) అధికార దుర్వినియోగం చేసినట్టు బహిర్గతమైంది. దీంతో ఐపీసీ సెక్షన్‌ కింద క్రిమినల్‌ కేసులు, అవినీతి నిరోధక చట్టం సెక్షన్ల కింద చర్యలు తీసుకోవాలని ప్రభుత్వానికి విజిలెన్స్‌ బృందం సిఫార్సు చేసింది. లేనిది ఉన్నట్లుగా...: కారుణ్య నియామకాల కింద భర్తీ అయిన చౌకిదార్‌కు లేని ధ్రువీకరణ పత్రం ఉన్నట్లు సృష్టించి మ్యానువల్‌ టెక్నికల్‌ అసిస్టెంట్‌గా డబుల్‌ పదోన్నతి కల్పించడాన్ని విజిలెన్స్‌ విభాగం తప్పుబట్టింది. 2013లో జడ్చర్లలో పనిచేసే చౌకిదార్‌కు సాంకేతిక (వర్క్‌ షాప్‌) అనుభవం లేకున్నా అప్పటి డిప్యూటీ కంట్రోలర్‌ (ప్రస్తుతం ప్రాంతీయ డిప్యూటీ డైరెక్టర్, హెడ్‌ క్వార్టర్స్‌).. లేని అధికారాన్ని వాడి సర్వీస్‌ బుక్‌లో ఆ విషయాలు నమోదు చేసినట్లు విజిలెన్స్‌ విచారణలో బయటపడింది. అప్పటి నల్లగొండ– మహబూబ్‌నగర్‌ ఉమ్మడి జిల్లాల ఇన్‌చార్జి (ప్రస్తుతం డిప్యూటీ కంట్రోలర్, హైదరాబాద్‌ రీజియన్‌) పైనా ఒత్తిడి చేసినట్లు వెల్లడైంది. సర్వీస్‌ బుక్‌లో ఏమైనా నమోదు చేసే అధికారం జిల్లా అసిస్టెంట్‌ కంట్రోలర్‌కే ఉంటుంది. దీంతో ఆ ఇద్దరు అధికారులతో పాటు అక్రమంగా పదోన్నతి పొందిన టెక్నికల్‌ అసిస్టెంట్‌ (ఇటీవల మృతి చెందారు)పై చర్యలు తీసుకోవాలని విజిలెన్స్‌ సిఫార్సు చేసింది. ఇంతవరకూ నివేదిక ఏదీ? తూనికలు, కొలతల శాఖ అధికారులపై విజిలెన్స్‌ అండ్‌ ఎన్‌ఫోర్స్‌మెంట్‌ ఆగస్టు 5న సమర్పించిన నివేదికను పరిశీలించిన ప్రభుత్వ ఎక్స్‌ అఫీషియో కార్యదర్శి (పౌరసరఫరాల విభాగం) విజిలెన్స్‌ సిఫార్సులపై సమగ్ర నివేదిక సమర్పించాలని సెప్టెంబర్‌ 14న అవినీతి నిరోధక శాఖ డైరెక్టర్‌ జనరల్‌ను కోరారు. కానీ ఇంతవరకూ ఏసీబీ నివేదిక ప్రభుత్వానికి అందనట్లు తెలుస్తోంది. దీంతో అవినీతి నిరోధక శాఖ నివేదిక ఆలస్యంపై అనుమానాలు కలుగుతున్నాయి. 

నిలువ నీడలేక మాడిపోవాలి. గుక్కెడు నీళ్లు దొరక్క అల్లాడిపోవాలి. భద్రత లేక బంకుల్లో బిక్కుబిక్కుమనాలి. ఇంధనం తక్కువ పోసినా.. చిల్లర దోపిడీ సాగుతున్నా భరించాలి. పెట్రోలు బంకుల్లో కొలతల్లో మోసాలు సాగిపోతున్నాయి. అధికారుల దాడులు అరుదై పోతున్నాయి. ఫలితంగా వినియోగదారుల జేబుకు చిల్లులు పడుతున్నాయి. సాక్షి, విజయనగరం : పెట్రోలు బంకుల్లో కొలతల్లో మోసాలకు అంతులేకపోవటంతో వినియోగదారులు దోపిడీకి గురవుతున్నారు. బంకుల్లో కనీసం తాగునీరు, మరుగుదొడ్లు, నీడ లేకపోయినా అధికారులు పట్టించుకోవటంలేదు. నిర్ణీత మొత్తానికి డిజిటల్‌ మీటర్లు ఫిక్స్‌ చేసినా.. ఇంధనం పోసే సమయంలో చేతివాటం చూపుతున్నారు. లీటరుకు కనీసం 25 మిల్లీలీటర్లు నుంచి 100 మిల్లీలీటర్లు వరకు తరుగు వస్తుందని వినియోగదారుల ఆరోపణ. ఇలా ప్రతీ బంకులో రోజూ పదుల లీటర్లలోనే దోపిడీ యథేచ్ఛగా సాగిపోతోంది. మరికొన్ని చోట్ల చిల్లర దోపిడీ జరుగుతోంది. వాహన టైర్లలో గాలి ఒత్తిడి సరిగా లేకపొతే ఇంధనం అధికంగా వినయోగమవుతోంది. ఇంధన వృథాను అరికట్టేందుకు గాలి నింపే యంత్రాలను కచ్చితంగా నెలకొల్పాలి. ఎక్కడా వీటి జాడే లేదు. చాలా చోట్ల స్పీడ్, పవర్‌ పెట్రోలు అంటూ... లీటరుకు రూ.5 వరకు అదనంగా వసూలు చేస్తున్నారు. కానరాని భద్రత జిల్లా వ్యాప్తంగా 98 పెట్రోలు బంకులున్నాయి. వీటిలో కనీస భద్రత చర్యలు తీసుకోవటం లేదు. బంకుల్లో అలంకార ప్రాయంగా ఇసుక బకెట్లు, అగ్ని నివారణ పరికరాలు కనిపిస్తున్నాయి. కొన్ని చోట్ల మరుగుదొడ్లు నిర్వహణ ఘోరంగా ఉండటంతో వినియోగదారులు అవస్థలు పడుతున్నారు. బంకుల్లో సెల్‌ఫోన్లను నిషేధించినా అమలు కావటంలేదు. సాక్షాత్తు సిబ్బంది ఫోన్లను విచ్చలవిడిగా వినియోగిస్తున్నారు. పెట్రోలు కొట్టే సమయంలో మొబైల్‌ వాడితే అగ్ని ప్రమాదాలు జరిగే అవకాశం ఎక్కువ. చెత్త డబ్బాలు సైతం కానరావు. తూకాల్లో తేడాలపై జిల్లా అధికారులకు పలుమార్లు ఫిర్యాదు చేసినా పట్టించుకోవటం లేదన్న విమర్శలు వినిపిస్తున్నాయి. 

సాక్షి సిటీబ్యూరో: గ్రేటర్‌లో పెట్రోల్‌ బంకుల యజమానులు రూట్‌ మార్చి మోసాలకు పాల్పడుతున్నారా, పెద్ద ఎత్తున ఒకేసారి కాకుండా ఒక లీటర్‌కు 5 నుంచి 10 మిల్లీ లీటర్లు తక్కువగా పోస్తూ రూపాయి రూపాయి వెనుకేసుకుంటున్నట్లు ఆరోపణలు వినిపిస్తున్నాయి.  ఇటీవల తూనికలు, కొలతల శాఖ అధికారుల దాడుల్లో బయట పడుతున్న విషయాలే ఇందుకు నిదర్శనం. రాష్ట్ర తూనికలు కొలతల శాఖ కంట్రోలర్‌ సందీప్‌ కుమార్‌ సుల్తానియా ఆదేశాల మేరకు మూడు రోజులుగా గ్రేటర్‌ పరిదిలోని పెట్రోల్‌ బంకులపై తూనికలు, కొలతల శాఖ అధికారులు దాడులు నిర్వహిస్తున్నారు. ఈ సందర్భంగా కొలతలలో తేడాలు వస్తున్న బంకులపైన కేసులు నమోదు చేస్తున్నారు. తనిఖీల్లో ఒక్కో నాజిల్‌ నుంచి 5 లీటర్ల పెట్రోల్‌ లేదా డీజిల్‌ను పరిశీలించగా 35 నుంచి 30 మిల్లీ లీటర్ల వరకు తక్కువగా వస్తున్నట్లు గుర్తించారు.   వరుసగా తనిఖీలు హైదరాబాద్‌ జిల్లాలో 176, రంగారెడ్డి జిల్లా రీజియన్‌లో 375 పెట్రోల్‌ బంకులు ఉన్నాయి. కొన్ని రోజులుగా తూనికలు, కొలతల శాఖ అధికారులు స్థబ్ధుగా ఉండటంతో పెద్దగా కేసులు నమోదు కాలేదు. ఇటీవల జరిగిన సమావేశంలో ఆ శాఖ ఉన్నతాధికారులు గ్రేటర్‌లోని పెట్రోల్‌ బంకులపై ఫిర్యాదులు వస్తున్నందున తనిఖీలు చేపట్టి అక్రమాలకు పాల్పడుతున్న బంకుల నిర్వాహకులపై చర్యలు తీసుకోవాలని ఆదేశించారు. దీంతో ఈ నెల 25న హస్తినాపురంలోని ఇండియన్‌ పెట్రోల్‌ బంకులో లీటరుకు 6 మిల్లిలీటర్ల చొప్పున తక్కువగా వస్తున్నట్లు గుర్తించారు.  బీఎన్‌ రెడ్డి నగర్, ఇంజాపూర్‌లోని మరో రెండు బంకుల్లోనూ  తక్కువగా వస్తుండటంతో వాటిని సీజ్‌ చేశారు. ఈ నెల 26న అత్తాపూర్, కూకట్‌పల్లి, ఆరాంఘర్, కర్మాన్‌ ఘట్‌తో పాటు పలు ప్రాంతాల్లో తనిఖీలు చేపట్టి మూడు  బంకుల్లో తక్కువగా వస్తున్నట్లు గుర్తించారు.   చిల్లర మోసం పెట్రోల్‌ బంకుల యజమానులు ఒక లీటర్‌కు 6 మిల్లీలీటర్ల చొప్పున తక్కువగా వచ్చేలా నాజిల్‌లో సెట్‌ చేసుకున్నట్లు తెలుస్తోంది. లీటరు పెట్రోల్‌ ధర రూ. 74.45 కాగా ఒక లీటరు కొనుగోలుపై 50 పైసల వరకు దోపిడీకి పాల్పడుతున్నట్లు తెలుస్తోంది. ఒక బంకులో ఒక రోజు  సుమారు 5వేల లీటర్ల అమ్మకాలు జరిగితే అదనంగా రూ. 2500 వరకు ఆదాయం వస్తుంది. ఈ తరహా మోసాల వల్ల లీటరు, రెండు లీటర్లు పోయించుకునే వారికి పెద్దగా నష్టం ఉండకపోయినా పెద్ద వాహనాలైన లారీలు, బస్సులు, కార్లలో ఒక్కోసారి 100 లీటర్ల వరకు డీజిల్‌ పోయిస్తుంటారు. ఇలాంటి వినియోగదారులు బంకుల యజమానులు చేసే చిల్లర మోసాలకు అధికంగా నష్టపోతున్నారు.   దాడులతో అప్రమత్తం గ్రేటర్‌లోని పలు బంకుల్లో పెట్రోల్, డీజిల్‌ పోయించుకుంటే మైలేజీ రావడం లేదని తూనికలు, కొలతల శాఖ అధికారులకు ఫిర్యాదులు అందుతున్నాయి. దీంతో రంగంలోకి దిగిన అధికారులు మొదటి రోజు, రెండో రోజు మూడు కేసులు నమోదు చేశారు. అధికారుల దాడులతో అప్రమత్తమైన బంకుల యజమానులు కొలతల్లో తేడాలు రాకుండా జాగ్రత్తలు తీసుకున్నారు. దీంతో మూడవ రోజు మేడ్చల్, ఆదిభట్ల, కర్మాన్‌ ఘట్, శామీర్‌పేట. షాద్‌నగర్‌ ప్రాంతాల్లోని 17 బంకుల్లో తనిఖీలు చేసిన పెద్దగా తేడాలు రాలేదని తూనికలు, కొలతల శాఖ అధికారులు తెలిపారు.   రిమోట్‌ సహాయంతో సరిచేస్తూ పెట్రోల్‌ బంకుల్లో ఎక్కువ శాతం మోసాలు అధునాతన చిప్‌లను వినియోగించి చేస్తుంటారనే విషయం తెలిసిందే. కారు రిమోట్‌ తరహాలో ఉండే ఈ రిమోట్‌ల సహయంతో దూరం నుంచి కూడ వీటిని ఆపరేట్‌ చేసి నాజిల్‌లోని రీడింగ్‌ను సెట్‌ చేయవచ్చు. అధికారులు దాడులకు వస్తే వెంటనే అప్రమత్తమయ్యే బంకుల యజమానులు రీడింగ్‌లో తేడాలు రాకుండా జాగ్రత్తలు పడుతున్నట్లు సమాచారం. పలు బంకుల్లో లీటరుకు30 నుంచి 50 మిల్లీలీటర్ల వరకు తక్కువ వస్తున్నా అధికారుల దాడులతో జాగ్రత్త పడినట్లు సమాచారం.   అర్ధరాత్రి తరువాత దాడులు   మూడు రోజులుగా దాడులు చేస్తుండటంతో బంకుల నిర్వాహకులు అప్రమత్తమైనట్లు తెలుస్తోంది. మేము కూడ తెలివిగా వ్యవహరించి తనిఖీలు చేపడుతాం. అర్ధరాత్రి దాటిన తర్వాత దాడులు చేయాలని భావిస్తున్నాం. అక్రమాలకు పాల్పడే వారికి జరిమానాలు విధించడంతో పాటు, నాజిల్‌లను సీజ్‌ చేస్తున్నాం. వరుసగా పట్టుబడిన బంకుల యజమానులపై కేసులు నమోదు చేస్తాం.                                                                                   – జగన్‌ మోహన్‌ రెడ్డి  తూనికలు, కొలతల శాఖ అసిస్టెంట్‌ కంట్రోలర్‌

సాక్షి, హైదరాబాద్‌: తప్పుడు తూనికలు, కొలతలు వాడుతున్న వ్యాపారులపై ఎప్పటికప్పుడు తనిఖీలు చేసి కేసులు పెట్టి పెనాల్టీలను వసూలు చేస్తున్నామని తూనికలు, కొలతల శాఖ హైదరాబాద్‌ రీజియన్‌ రీజినల్‌ డిప్యూటీ కంట్రోలర్‌ వి.శ్రీనివాస్‌ తెలిపారు. గురువారం ‘సాక్షి’లో ‘తూచేస్తున్నారా.. దోచేస్తున్నారా..?’ శీర్షికతో ప్రచురితమైన కథనంపై ఆయన వివరణ ఇచ్చారు. సూపర్‌మార్కెట్, కిరాణా దుకాణాల్లో కాంటాలు ఏడాదికి ఒకసారి విధిగా సరిచూసి ముద్రవేస్తామని చెప్పారు. తూకం పరికరంపై ముద్ర వేయకుండా వినియోగిస్తే గుర్తించి కేసులు పెడుతున్నట్లు చెప్పారు. తూనికలు, కొలతలు వాడుతున్న ప్రతి దుకాణదారుడు విధిగా  ఒక సెట్‌ తూనికలు దుకాణ ప్రాంగణంలో పెట్టాలని, కొనుగోలుదారుడికి అనుమానం వస్తే ఆ దుకాణదారుడి ప్రాంగణంలో గల తూనికలపై ఆ వెయిట్స్‌ పెట్టి సరిగా ఉందో లేదో నిర్ధారించుకోవచ్చన్నారు.  ఒకవేళ ఎవరైనా దుకాణాదారుడు నిర్థారిత వెయిట్స్‌ని ఆయా ప్రాంగణాల్లో ఉంచకపోతే దానిపై అధికారులు చర్యలు తీసుకుంటారని చెప్పారు. వ్యాపారులపై నిఘా పెంచడానికి ప్రతి వారంలో రెండు రోజులు ప్రత్యేక క్షేత్ర తనిఖీలు చేస్తున్నామని, ఏదైనా ప్రత్యేక ఫిర్యాదు వస్తే హైదరాబాద్‌లోని ఫ్లయింగ్‌ స్క్వాడ్లను ఘటనాస్థలికి పంపి తనిఖీ లు నిర్వహిస్తున్నామని చెప్పారు.


 
      జిల్లా నుంచి తరలిపోతున్న ఎర్రచందనం
 
      పోలీసుకాల్పుల్లో కూలీ మృతే నిదర్శనం
 
 
 చిత్తూరు (క్రైమ్), భాకరాపేట, న్యూస్‌లైన్: జిల్లా నుంచి ఎర్రచందనం అక్రమ రవాణా ఆగలేదని మరోమారు రుజువైంది. ఎర్రావారిపాళెం మండలంలోని బొవ్మూజీకొండవద్ద పోలీసుల కాల్పు ల్లో ఎర్రకూలీ మృతిచెందడమే ఇందుకు నిదర్శనం. ఇటీవల అటవీశాఖ అధికారుల హత్యతో ప్రభుత్వం కన్నెర్ర చేసింది. అటవీశాఖ ఉద్యోగులకు ఆయుధా లు ఇవ్వడానికి అంగీకరించింది. అటవీ, ఎస్‌టీఎఫ్ బలగాలు కూంబింగ్ ముమ్మరం చేశాయి. దీంతో ఎర్రచందనం స్మగ్లర్లు వెనక్కు తగ్గారన్న భావన అధికారులు, ప్రజల్లో నెలకొంది.
 
 అయితే ఈ అంచనా తప్పని ఎర్రావారిపాళెం మండలంలో బుధవారం చోటు చేసుకున్న ఘటన రుజువు చేసింది. కల్యాణిడ్యామ్ సమీపంలోని పులిబోనువద్ద నుంచి కూంబిం గ్‌కు బయులుదేరిన ఎస్‌టీఎఫ్ బలగాలు నాలుగు బృందాలుగా విడిపోయూయి. పులిబోను నుంచి బయులుదేరిన పార్టీ ఎర్రావారిపాళెం వుండల పరిధిలోని బొవ్మూజీకొండ వైపు వెళ్లింది. ఇక్కడ సుమారు 70 మంది ‘ఎర్ర’ కూలీలు కంటపడ్డారు. వారిని వెంబడించేందుకు వెళ్లిన పోలీసులపై తిరగబడి రాళ్లవర్షం కురిపించారు. ఈ దాడిలో ఆర్‌ఎస్‌ఐ మురళి, వురో కానిస్టేబుల్‌కు గాయూలయ్యూయి. ఎస్‌టీఎఫ్ బలగాలు ఆత్మరక్షణ కోసం జరిపిన కాల్పుల్లో ‘ఎర్ర’కూలీ(35) మృతి చెందాడు.
 
  రెండో ఘటన
 
  రెండేళ్ల క్రితం చంద్రగిరి సమీపంలోని  శ్రీవారి మెట్టు వద్ద 300 మంది కూలీలు కూంబింగ్ చేస్తున్న పోలీసులపై రాళ్ల వర్షం కురిపించారు. తప్పనిసరి పరిస్థితుల్లో పోలీసులు కాల్పులకు దిగారు. తిరువళ్లూర్ జిల్లాకు చెందిన ఓ తమిళుడు కాల్పుల్లో గాయపడి మృతి చెందాడు. తాజాగా బొమ్మాజికొండ వద్ద జరిగిన కాల్పుల్లో ఓ కూలీ మృతి చెందాడు.
 
  ఆయుధాలు సిద్ధం చేసుకున్న కూలీలు
 
  పోలీసులు, అటవీ అధికారులపై దాడులు చేసి తప్పించుకోవడానికి తమిళ కూలీలు వ్యూహం పన్నినట్లు తెలుస్తోంది. అడవిలో ఓ వైపు దుంగలు మోస్తూనే మరోవైపు కొడవళ్లు, గొడ్డళ్లు చేతపట్టుకుని ప్రతిదాడికి పూనుకుంటున్నారు. ఇందుకు బుధవారం నాటి ఘటనే నిదర్శనం. పోలీసులకు ఎదురుబడ్డ తమిళ తంబీలు కొడవళ్లు, గొడ్డళ్లను పోలీసులపైకి విసిరేశారంటే వారు ఎంతకు తెగిస్తున్నారో అర్థమవుతోంది.
  
 గాలింపు ముమ్మరం
  
 కాల్పుల ఘటన చోటుచేసుకోవడంతో పోలీసులు అప్రమత్తమయ్యారు. చిత్తూరు ఎస్పీ రామకృష్ణ, తిరుపతి ఎస్పీ రాజశేఖర బాబు ఆధ్వర్యంలో ప్రత్యేక బలగాలు శేషాచలం అడవుల్లో గాలింపు ముమ్మరం చేశాయి.


 
      జననేత భరోసా
 
      10వ రోజూ సమైక్య, ఓదార్పుయాత్రలకు అపూర్వ స్పందన
 
      రైతుకూలీలు, కార్మికులు, రైతులతో మాట్లాడిన వై.ఎస్.జగన్
 
      జీవాగ్రంలో ఓదార్పు
 
      మహానేత వైఎస్‌ఆర్ విగ్రహాల ఆవిష్కరణ
 
  ‘నాలుగు నెలల తర్వాత మన ప్రభుత్వం వస్తుంది. కొంచెం ఓపిక పట్టండి. మీ కష్టాలన్నీ తీరుతాయి’ అంటూ వైఎస్‌ఆర్‌సీపీ అధినేత వై.ఎస్.జగన్‌మోహన్ రెడ్డి ప్రజలకు ధైర్యం చెప్పారు. నాలుగో విడత సమైక్య శంఖారావం, ఓదార్పు యాత్ర 10వ రోజు బుధవారం శ్రీకాళహస్తి, చంద్రగిరి నియోజకవర్గాల్లో సాగింది. జనం అడుగడుగునా అపూర్వ స్వాగతం పలికారు. మహిళలు, వృద్ధులు, వికలాంగులు, రైతు కూలీలు, కార్మికులు ఇలా అన్ని వర్గాల ప్రజలు తమ సమస్యలను జననేత దృష్టికి తీసుకొచ్చారు.            
  
  సాక్షి, తిరుపతి:  వైఎస్‌ఆర్‌సీపీ శ్రీకాళహస్తి నియోజకవర్గ సమన్వయకర్త బియ్యపు మధుసూదన్‌రెడ్డి ఇంటి నుంచి బుధవారం   జననేత సమైక్య, ఓదార్పు యాత్రను ప్రారంభించారు. అంతకు ముందు ఇంట్లో శ్రీకాళహస్తీశ్వర దేవస్థానం నుం చి వచ్చిన వేదపండితులు  జగన్‌ను ఆశీర్వదించారు. అక్కడ తన కోసం వేచి ఉన్న ప్రజలను జననేత కలుసుకున్నా రు. అనంతరం రామ్‌నగర్ కాలనీ సమీపంలో ఉన్న ఇటుకబట్టీ మహిళా కార్మికులు జగన్‌ను కలిశారు. వారి సమస్యలను ఆయన తెలుసుకున్నారు.
 
 ఇక్కడే ఒక అంధ బాలుడిని ఆప్యాయంగా పల కరించారు. బిడ్డకు చూపు వచ్చే అవకాశం ఉందా అని బాలుడి తండ్రిని అడిగారు. ఆపరేషన్ చేస్తే రావచ్చని ఆ యన తెలిపారు. ‘నాలుగునెలల్లో మన ప్రభుత్వం రాగానే ఆపరేషన్ చేయిద్దాం నువ్వు మెడికల్ రిపోర్టు సిద్ధం చేసుకో’ అని జననేత హామీ ఇచ్చారు. అనంతరం రోడ్‌షో నిర్వహిస్తూ ఏపీ సీడ్‌‌స ఆ ర్‌‌చ వద్దకు చేరుకున్నారు. అక్కడ వేచి ఉన్న మహిళలు జగన్‌ను కలుసుకున్నా రు. హౌసింగ్‌బోర్డు కాలనీ వద్దకు రాగా నే అభిమాన నేతను చూసేందుకు మహిళలు పోటీపడ్డారు. ఆటోగ్రాఫ్ తీసుకున్నారు. ఇక్కడ నుంచి సమైక్యాంధ్ర సిం హం వై.ఎస్.జగన్ అని రాసున్న బని యన్లు ధరించిన యువకులు మోటారు సైకిళ్లపై జగన్ కాన్వాయ్ వెంట వచ్చా రు.
 
 నాగళ్ల బహూకరణ
  
 బూరగమానుకండ్రిగలో జగన్ రోడ్‌షో నిర్వహించారు. అభిమాన నేతను చూ సేందుకు గ్రామస్తులు రోడ్డుపైకి చేరుకున్నారు. బాణసంచా కాలుస్తూ ఘన స్వాగతం పలికారు. ఇక్కడ మూడు నాగళ్లను రైతులు జననేతకు బహూకరించారు. వైఎస్‌ఆర్‌సీపీ జెండా రంగులతో కూడిన పెయింట్ చేసిన పారలను రైతులు పెకైత్తి చూపుతూ జై జగన్ అం టూ నినాదాలు చేశారు. రాజన్న బిడ్డను చూసేందుకు రైతులు పోటీపడ్డారు. అంతకు ముందు రైల్వేస్టేషన్, పానగల్ సెంటర్లలో తన కోసం వేచివున్న ప్ర జలను జననేత పలకరించారు.
 
  చిన్నారికి విజయమ్మగా నామకరణం
 
  మిట్టకండ్రిగ వద్దకు చేరుకోగానే వృద్ధులు, మహిళలు జగన్‌ను కలిసేం దుకు పోటీపడ్డారు. ఇక్కడ జననేతను చూసేందుకు బస్టాప్‌లపైకి ఎక్కిన యు వకులు జై సమైక్యాంధ్ర అంటూ నినాదాలు హోరెత్తించారు. ఇక్కడ సురేష్, పోలయ్య అనే ఇద్దరు వికలాంగులతో జగన్ మాట్లాడారు.   పింఛన్ అందుతోందా అని వారిని వాకబు చేశారు. ఒక మహిళ తన పాపకు నామకరణం చేయాలని కోరారు. ఆ చిన్నారికి విజయమ్మ అని జగన్ నామకరణం చేశారు. హైవే పెట్రోల్ బంకుల్లో, రెస్టారెంట్లలో, వడ్లమిషన్‌లలో పనిచేస్తున్న కార్మికులు పరుగున వచ్చి కరచాలనం చేశారు.   హైవే లో వైఎస్‌ఆర్‌టీయూసీ నాయకులు  స మస్యలపై జననేతకు వినతిపత్రం సమర్పించారు.
  
 ట్రాక్టర్లలో వచ్చిన జనం
 
  చెర్లోపల్లె ఎస్సీ కాలనీ, చెర్లోపల్లెల్లో మహిళలు, యువకులు పెద్ద సంఖ్యలో కాన్వాయ్‌కి ఎదురొచ్చి తమ అభిమాన నేతకు స్వాగతం పలికారు. ఈ గ్రామంలోనే మూడుచోట్ల మహిళలు జగన్ కాన్వాయ్‌ను ఆపారు. ఎగువవీధి క్రాస్ (తొండమనాడు) వద్ద చుట్టుపక్కల పల్లెల నుంచి ట్రాక్టర్లు వేసుకుని వచ్చిన ప్రజలు జగన్‌ను చూసేందుకు కాన్వాయ్ ఆపారు. దీంతో జననేత ఇక్కడ గం టకుపైగా ఉండి ప్రతి ఒక్కరినీ పలకరిం చి కదిలారు. సంప్రదాయ వాయిద్యాలు వాయిస్తూ గిరిజనులు స్వాగతం పలి కారు.
 
 హైవేలో నిలిపిన బస్సుల పెకైక్కి ఆర్‌టీసీ కార్మికులు, ప్రయాణికులు జగన్‌ను చూడడం కనిపించింది. కాపుగున్నేరి వద్ద స్కిమ్స్ మేనేజ్‌మెంట్ కళాశాల విద్యార్థులు జగన్‌ను కలిశారు. అభివృద్ధి ఎలా చేయాలనే దానిపై ఒక విద్యార్థిని తన సొంత సూచనలతో కూడిన రచనను అందజేశారు. జననేత దీనిని ఆసక్తిగా చదివారు. ఇక్కడ జగన్‌ను కలిసిన మహిళలు తమకు పావలా వడ్డీ తిరిగి ఇవ్వకుండా బ్యాంకులు ఇబ్బంది పెడుతున్నాయని చెప్పారు.
 
  జననేతను కలిసిన  కోకోకోలా కార్మికులు
 
  కోకోకోలా ఫ్యాక్టరీ కార్మికులు వై.ఎస్.జగన్‌ను కలిసి తమకు ఇస్తున్న వేతనాలు చాలడం లేదని ఆవేదన వ్యక్తం చేశారు. గిరిజ అనే అంగన్‌వాడీ వర్కర్   అంగన్‌వాడీ వర్కర్స్ సమస్యలను వచ్చే ఎన్నికల్లో పార్టీ అజెండాలో ఒక అంశంగా చేర్చాలని కోరారు. ఇక్కడ తిరుపతి నుం చి ద్విచక్రవాహనానికి ఫ్యాన్ గుర్తు తగిలించుకుని వచ్చిన పార్టీ నాయకులు దుద్దేలబాబు అందరినీ ఆకట్టుకున్నారు.
 
 ఇసుకగుంట వద్ద వేచి ఉన్న మహిళలను జననేత పలకరించారు. చల్లపాళెం, చల్లపాళెం బీసీ కాలనీల వద్ద మహిళలు, గ్రామస్తులు పెద్ద ఎత్తున స్వాగతం పలికారు. వరుసలో నిలబడిన మహిళలందరినీ జననేత ఆశీర్వదించారు. రాచగున్నేరి, ల్యాంకో ఫ్యాక్టరీ వద్ద కార్మికులు, గ్రామస్తులు జగన్‌ను ఆపి స్వాగ తం పలికారు. మన్నసముద్రం వద్ద ఏర్పేడు సింగిల్‌విండో అధ్యక్షుడు నాగార్జునరెడ్డి ఆధ్వర్యంలో గ్రామస్తులు ఘన స్వాగతం పలికారు. మహిళలు మంగళహారతులు పట్టారు. మేర్లపాక ఎస్సీకాలనీలో దళిత మహిళలను జగన్ పలకరించారు. వారి సమస్యలు అడిగి తెలుసుకున్నారు.
  
 మహానేత విగ్రహాల ఆవిష్కరణ
  
 ఏర్పేడులో మహానేత వై.ఎస్.రాజశేఖర రెడ్డి విగ్రహాన్ని జగన్ ఆవిష్కరించారు. ఏర్పేడు సభలో యాదవులు జననేతకు కంబళికప్పి, గొర్రెపిల్లను బహూకరిం చారు. ఇక్కడ జననేతను చూసేందుకు జనం బారులు తీరడంతో హైవే కిక్కిరిసింది. అనంతరం సీతారాంపేటలో మహిళలు మంగళహారతులతో  ఆహ్వానించారు. అంజిమేడు క్రాస్‌లోనూ జగన్‌కు ఘన స్వాగతం లభించింది. అం జిమేడు గ్రామంలో మహానేత వైఎస్.రాజశేఖరరెడ్డి విగ్రహాన్ని  ఆవిష్కరించారు. మూడేళ్ల క్రితమే విగ్రహాన్ని సిద్ధం చేసుకున్న గ్రామస్తులు జగన్ చేతనే ఆవిష్కరింపజేయాలని ఇన్ని రోజులూ వేచి ఉన్నారు.
  
 అవ్వా ఆరోగ్యం ఎలా ఉంది
  
 ఇసుకతాగేలిలో వై.ఎస్.జగన్‌కు ఆత్మీయ స్వాగతం లభించింది. ఇక్కడ వందేళ్లకుపైగా వయసున్న వృద్ధురాలిని జననేత పలకరించారు. ఆమె ఆరోగ్యం గురించి వాకబు చేశారు. గోపాలపురంలో మహిళలు   శాలువతో సత్కరించారు. మల్లవ రం, గుత్తివారిపల్లె, వెదళ్లచెరువు, గురవరాజుపల్లెలో ఘన స్వాగతం లభిం చిం ది. తర్వాత  రేణిగుంట గాంధీ బొమ్మసెంటర్ వరకు నిర్వహించిన రోడ్ షోలో జనం భారీ సంఖ్యలో పాల్గొన్నారు.