ప్రముఖ డైరెక్టర్‌ శంకర్‌ వారసురాలు ఆదితి శంకర్‌. ఆమెకు ఒక అక్క ఐశ్వర్య శంకర్, ఒక తమ్ముడు అర్జిత్ శంకర్ ఉన్నారు. ఈమె  శ్రీరామచంద్ర యూనివర్సిటీలో  వైద్య విద్య చదివింది. కానీ రాణిస్తోంది మాత్రం సినీ రంగం. మధ్యలో సంగీతంలో కూడా శిక్షణ తీసుకున్నారు. ఈమెలోని గాయని చలాకీ తనానికే బ్రాండ్‌ అంబాసిడర్‌ అని చెప్పొచ్చు. (ఇదీ చదవండి: ఆ యాడ్‌ చేస్తే.. రూ. కోట్లలో ఇస్తామన్నారు: స్మృతి ఇరానీ) నటనపై ఆసక్తితో  హీరోయిన్‌గా మారి తొలి చిత్రం కోలీవుడ్‌లో విరుమాన్‌లో గ్రామీణ యువతిగా జీవించారు. ఆ సినిమా భారీ విజయాన్ని సాధించింది. తాజాగా వస్తున్న చిత్రం మావీరన్‌. ఇందులో పాత్రికేయురాలిగా నటించారు. శివకార్తికేయన్‌ కథానాయకుడు. జాతీయ ఉత్తమ అవార్డు దర్శకుడు అశ్విన్‌ మడోనా దర్శకుడు. చిత్రం ఈ నెల 14వ తేదీన తెరపైకి రానుంది. (ఇదీ చదవండి: ప్రభాస్‌ 'ప్రాజెక్ట్‌ కే' టీషర్ట్‌ కావాలంటే ఉచితంగా ఇలా బుక్‌ చేసుకోండి) ఇది 'మహావీరుడు' పేరుతో తెలుగులోనూ విడుదల కానుంది. అలా రెండవ చిత్రంతోనే ఆదితి శంకర్‌ తెలుగు ప్రేక్షకులకు పరిచయం అవుతున్నారు. కాగా ఈ బ్యూటీ జులై 6వ తేదీన తన 26వ పుట్టినరోజును ప్రత్యేకంగా జరుపుకున్నారు. ఆ ఫొటోలను తాజాగా సామాజిక మాధ్యమాల్లో పోస్ట్‌ చేశారు. అందులో ఇది తనకు ప్రత్యేక పుట్టిన రోజు అని పేర్కొన్నారు. ఆ ఫొటోలు ఇప్పుడు సామాజిక మాధ్యమాల్లో వైరల్‌ అవుతున్నాయి. అదేవిధంగా మావీరన్‌ చిత్రంలో ఆదితి శంకర్‌ పాడిన బంగారుపేటలోనా... అనే పాట నెట్టింట్లో ట్రెండింగ్‌గా మారింది. View this post on Instagram A post shared by Aditi Shankar (@aditishankarofficial)

ప్రస్తుతం సినీ ఇండస్ట్రీలో భాష హద్దులు దాటేస్తున్నారు. ఏ వుడ్‌ హీరో ఆ వుడ్‌లోనే సినిమా చేయాలనేది ఒకప్పటి మాట. డైరెక్టర్లు కూడా మార్కెట్‌ ఉన్న హీరో అయితే చాలు ఏ వుడ్‌ అయితే ఏంటి అంటున్నారు. పాన్‌ ఇండియా పేరుతో అన్ని భాషల్లో సినిమాలు చేస్తున్నారు. ఇప్పటికే తమిళ డైరెక్టర్స్‌ మన తెలుగు హీరోల వెనక పడుతున్నారు. మన హీరోలు కూడా మార్కెట్‌ పెంచుకునేందుకు తమిళ డైరెక్టర్లతో జతకడుతున్నారు. కానీ ఒక్కోసారి ఇవి దెబ్బకొడుతున్నాయి. ఈ మధ్య అయితే తమిళ డైరెక్టర్లను నమ్మి చేతులు కాల్చుకుంటున్నారు మన తెలుగు హీరోలు. కోలీవుడ్‌ డైరెక్టర్లను నమ్మి బొక్కబోర్లా పడ్డారు.  దాంతో ఇప్పుడు మెగా ఫ్యాన్స్‌లో కొత్త టెన్షన్‌ మొదలైంది. భారీ అంచనాలతో తెరకెక్కుతున్న గేమ్‌ ఛేంజర్‌ పరిస్థితి ఏంటా? అని భయపడుతున్నారు. ఒకప్పుడు తమిళ ఇండస్ట్రీకి సెన్సేషనల్‌ హిట్‌ ఇచ్చిన శంకర్‌ గ్రాఫ్‌ ఈ మధ్య పడిపోయిందనే చెప్పాలి. అందుకే ఎలాగైనా ఓ భారీ హిట్‌ కొట్టాలని రామ్‌ చరణ్‌ మార్కెట్‌ను వాడుకుంటున్నారు.. ఇక ట్రిపుల్‌ ఆర్‌తో గ్లోబల్‌ స్టార్‌గా మారాడు చరణ్‌. ప్రస్తుతం తెలుగు హీరోల మధ్య గ్లోబల్‌ స్టార్‌ వార్‌ నడుస్తోంది. ఈ క్రమంలో శంకర్‌తో చరణ్‌ మూవీ వర్కవుట్‌ అవుతుందో లేదోనని అనుమానాలు వస్తున్నాయి. దీనికి కారణం రీసెంట్‌గా వచ్చిన బైలింగువల్‌ మూవీ రిజల్ట్సే. తెలుగు హీరో-తమిళ డైరెక్టర్స్‌ కాంబోలో వచ్చిన సినిమాలన్నీ నిరాశ పరిచినవే ఉన్నాయి.  (ఇది చదవండి: శింబుకి షాక్‌ ఇచ్చిన దీపికా పదుకొణె.. ఆ కండీషన్స్‌కి దిమ్మతిరిగిపోయిందట) పాన్‌ ఇండియా క్రేజ్‌లో పడి మన తెలుగు హీరోలు తమిళ్‌ డైరెక్టర్స్‌కి డేట్స్‌ ఇస్తున్నారు. అలా లింగుస్వామి ది వారియర్‌తో రామ్‌కు డిజాస్టర్‌ ఇచ్చాడు. తాజాగా వెంకట్‌ ప్రభు కస్టడీతో నాగచైతన్యకు ఫ్లాప్‌ను ఖాతాలో వేశాడు. కస్టడీకి తమిళంలో మంచి రెస్పాన్స్‌ వచ్చింది. కానీ తెలుగులోనే మెప్పించలేకపోయింది. ఇదంతా చూస్తుంటే తమిళ డైరెక్టర్స్‌ మన తెలుగు ఆడియన్స్‌ పల్స్‌ పట్టలేకపోతున్నారనిపిస్తోంది. తెలుగు నేటివిటికి తగ్గట్టుగా స్క్రిప్ట్‌ రాయలేకపోతున్నారేమోనన్న చర్చ నడుస్తోంది. ఖుషితో ఇండస్ట్రీకి మంచి హిట్‌ ఇచ్చిన ఎస్‌జే సూర్య కూడా కొమరం పులి, నానితో మన సూపర్‌స్టార్స్‌కు డిజాస్టర్‌ ఇచ్చాడు.  కోలీవుడ్‌లో తుపాకి, కత్తి, గజిని లాంటి మూవీస్‌తో భారీ హిట్స్‌ ఇచ్చాడు ఏఆర్‌ మురుగదాస్‌. కానీ తెలుగు హీరోలతో స్టాలిన్‌, స్పైడర్‌ చేసి హిట్‌ కొట్టలేకపోయాడు. ముఖ్యంగా స్పైడర్‌ సినిమాతో సూపర్‌ స్టార్‌ ఫ్యాన్స్‌ని భయపెట్టినంత పని చేశాడు. అలాగే రీసెంట్‌గా వచ్చిన ది వారియర్‌, కస్టడీలు తెలుగులో పెద్దగా ఆకట్టుకోలేకపోయాయి. దీంతో తమిళ డైరెక్టర్స్‌ తెలుగు ఇండస్ట్రీకి అచ్చిరావడం లేదా! అనే వాదనలు వస్తున్నాయి. అదే సెంటిమెంట్‌ ఉన్నట్టయితే శంకర్‌-చరణ్‌ కాంబినేషన్‌ ఏమవుతుందోనని మెగా ఫ్యాన్స్‌లో టెన్షన్‌ పట్టుకుంది. మరి అందరి డైరెక్టర్స్‌ లాగే శంకర్‌ కూడా షాకిస్తాడా? లేక ఫేట్‌ మార్చి హిస్టరీ క్రియేట్‌ చేస్తాడా? చూడాలి. కానీ గేమ్‌ ఛేంజర్‌ పోస్టర్స్‌, లుక్‌, హైప్‌ చూస్తుంటే చరణ్‌కు మరో పాన్‌ ఇండియా హిట్‌ ఖాయమనే అనిపిస్తుందంటున్నారు. (ఇది చదవండి: బాలీవుడ్‌ హీరో ఇం‍ట్లో తీవ్ర విషాదం..!)

గ్లోబర్ స్టార్ రామ్ చరణ్, కియారా అద్వానీ జంటగా నటిస్తున్న మూవీ 'గేమ్ ఛేంజర్'. ఈ చిత్రానికి శంకర్ దర్శకత్వం వహిస్తున్నారు.  శ్రీ వెంక‌టేశ్వ‌ర సినీ క్రియేష‌న్స్ బ్యాన‌ర్‌పై భారీ బడ్జెట్‌తో దిల్‌ రాజు ఈ చిత్రాన్ని నిర్మిస్తున్నారు. సోమవారం మార్చి 27న రామ్‌చరణ్‌ పుట్టినరోజు సందర్భంగా చెర్పీ అభిమానులకు డబుల్ సర్‌ప్రైజ్‌ ఇచ్చింది. ఫ్యాన్స్ ఎంతో ఆసక్తిగా చూస్తున్న ఈ చిత్రానికి సంబంధించిన ఫస్ట్‌ లుక్ పోస్టర్‌ను మేకర్స్‌ రిలీజ్ చేశారు. దీంతో ఇప్పటికే టైటిల్‌ను కూడా రివీల్ చేశారు. శ్రీ వెంక‌టేశ్వ‌ర సినీ క్రియేష‌న్స్ బ్యాన‌ర్ ఈ మూవీని నిర్మిస్తోంది. భారీ బ‌డ్జెట్‌తో నిర్మాత‌లు దిల్ రాజు, శిరీష్ అన్ కాంప్ర‌మైజ్డ్‌గా అంచ‌నాల‌కు ధీటుగా గేమ్ చేంజ‌ర్‌ను నిర్మిస్తున్నారు. గేమ్‌ ఛేంజర్‌ మూవీ ఫస్ట్ లుక్ పోస్టర్‌ చూస్తే రామ్ చరణ్‌ బైక్‌పై కళ్లద్దాలు పెట్టుకుని కూర్చొని ఉన్న లుక్ అదిరిపోయింది. తాజా పోస్టర్‌ను చూసిన మెగా ఫ్యాన్స్ ఫుల్ ఖుషీ అవుతున్నారు. ఇప్పటికే టైటిల్ రివీల్ చేయడంతో చెర్రీ అభిమానులు పండగ చేసుకుంటున్నారు. ఇవాళ రామ్ చరణ్ బర్త్‌డే సందర్భంగా ఫ్యాన్స్‌కు డబుల్ ధమాకా ఇచ్చారు డైరెక్టర్ శంకర్. రామ్ చ‌ర‌ణ్ పుట్టిన‌రోజు సంద‌ర్భ‌ంగా గేమ్ చేంజ‌ర్ టైటిల్, ఫస్ట్ లుక్‌ను చిత్ర యూనిట్ రిలీజ్ చేసింది. మెగా ప‌వ‌ర్‌స్టార్ ఇమేజ్‌కు త‌గ్గ  టైటిల్‌ను స్టార్ డైరెక్ట‌ర్ శంక‌ర్ ఖ‌రారు చేశారు. టైటిల్, ఫస్ట్ లుక్‌కు అభిమానుల నుంచి విపరీతమైన రెస్పాన్స్ వస్తోంది. కాగా.. ఈ చిత్రంలో అంజ‌లి, సముద్ర‌ఖ‌ని, ఎస్‌.జె.సూర్య‌, శ్రీకాంత్‌, సునీల్‌, న‌వీన్ చంద్ర త‌దిత‌రులు ప్రధాన పాత్రల్లో నటిస్తున్నారు. I couldn’t have asked for a better birthday gift !! #GameChanger Thank you @shankarshanmugh sir!! @SVC_official @advani_kiara @DOP_Tirru @MusicThaman pic.twitter.com/V3j7svhut0 — Ram Charan (@AlwaysRamCharan) March 27, 2023

రామ్‌ చరణ్‌ హీరోగా తెరకెక్కుతున్న లేటెస్ట్ మూవీ 'ఆర్‌సీ15'. డైరెక్టర్ ఈ చిత్రాన్ని ప్రతిష్ఠాత్మకంగా తెరకెక్కిస్తున్నారు. పూర్తిస్థాయిలో పొలిటికల్ యాక్షన్ థ్రిల్లర్‌గా ఆ సినిమా రూపొందిస్తున్నారు.  శ్రీ వెంకటేశ్వర క్రియేషన్స్ పతాకంపై ఈ సినిమాను దిల్​ రాజు నిర్మిస్తున్నారు. ఈ చిత్రంలో రామ్ చరణ్​ సరసన కియారా అద్వానీ నటిస్తోంది. తాజాగా రామ్ చరణ్ ఫోటోలు సోషల్ మీడియాలో వైరల్‌గా మారాయి. స్టన్నింగ్‌ లుక్‌లో ఉన్న పిక్స్ చెర్రీ తన ఇన్‌స్టాలో పోస్ట్ చేశారు. అంతే కాకుండా 'స్టిల్ ఇన్ థాట్స్' అనే క్యాప్షన్ కూడా ఇచ్చారు. చరణ్‌ లుక్‌ చూసి ఫిదా అయినా బాలీవుడ్ కత్రినా కైఫ్ లైక్ చేసింది. ఇక మెగా ఫ్యాన్స్ అయితే క్రేజీ కామెంట్స్ చేస్తున్నారు. ఇటీవలే న్యూజిలాండ్‌లో షూట్‌లో ఉన్నా ఫోటోను కియారా అద్వానీ అతని సోషల్ మీడియాలో షేర్ చేసింది.  కాగా.. ఈ చిత్రంలో ప్రముఖ తమిళ నటుడు ఎస్‌జే సూర్య కీలకపాత్రలో నటిస్తున్నారు. కార్తిక్‌ సుబ్బరాజు ఈ చిత్రానికి కథ అందించగా.. తమన్‌ స్వరాలు సమకూరుస్తున్నారు. జానీ మాస్టర్ ​కొరియోగ్రాఫర్‌గా వ్యవహరిస్తున్నారు. ఈ సినిమాలో అంజలి, జయరామ్, సునీల్, శ్రీకాంత్, నవీన్ చంద్ర ప్రధాన పాత్రల్లో నటిస్తున్నారు. ఈ చిత్రలో రామ్ చరణ్‌ ఐఏఎస్ అధికారిగా కనిపించనున్నట్లు సమాచారం.  View this post on Instagram A post shared by Ram Charan (@alwaysramcharan)

రామ్‌చ‌ర‌ణ్‌, శంక‌ర్ కాంబినేషన్‌లో తెరకెక్కుతున్న పాన్ ఇండియా చిత్రం 'ఆర్‌సీ15'. ప్రస్తుతం ఈ సినిమాను న్యూజిలాండ్‌లో చిత్రీకరిస్తున్నారు. తాజాగా ఈ మూవీ షూటింగ్‌ సంబంధించిన ఫోటోలు సోషల్ మీడియోలో హల్‌ చల్‌ చేస్తున్నాయి. నటి కియారా అద్వానీ తన ఇన్‌స్టాలో పిక్స్ షేర్‌ చేయడంతో వైరలవుతున్నాయి.  (చదవండి: Kantara OTT : కాంతార ఓటీటీలో బిగ్‌ ట్విస్ట్‌.. బాలేదని ట్వీట్స్‌ చేస్తున్న నెటిజన్లు) షూటింగ్ గ్యాప్‌లో చ‌ర‌ణ్‌తో క‌లిసి బ‌ర్గ‌ర్ తింటున్న ఫొటోల‌ను కియారా తన సోష‌ల్ మీడియాలో షేర్ చేసింది. ప్ర‌స్తుతం ఈ చిత్రానికి సంబంధించిన ఓ రొమాంటిక్ సాంగ్‌ను తెర‌కెక్కిస్తున్నారు. డ్యూన్‌డీన్‌సిటీ బీచ్‌తో పాటు స‌ముద్ర తీర ప్రాంతాల్లోని బ్యూటీఫుల్ లొకేష‌న్స్‌లో ఈ పాట‌ను చిత్రీక‌రిస్తున్నారు. అదే సమయంలో చిత్రబృందంతో  క‌లిసి స‌ర‌దాగా గ‌డుపుతున్న ఫొటోల‌ను కియారా సోష‌ల్ మీడియాలో పంచుకుంది.  కియారా తన ఇన్‌స్టాలో రాస్తూ..'తర్వాత సాంగ్ షూట్ కోసం డైట్‌లో ఉన్నామంటూ' రాసుకొచ్చింది. కియారా పోస్ట్‌కు ఫొటోల‌ను ఉద్దేశించి రామ్‌చ‌ర‌ణ్ స‌తీమ‌ణి ఉపాస‌న కామెంట్‌ చేసింది. మీ అంద‌రిని మిస్ అవుతున్నానంటూ రిప్లై ఇచ్చింది. పొలిటిక‌ల్ యాక్ష‌న్ ఎంట‌ర్‌టైన‌ర్‌గా తెలుగుతో పాటు త‌మిళం, మ‌ల‌యాళం, క‌న్న‌డ హిందీ భాష‌ల్లో ఈ చిత్రం రిలీజ్ కానుంది. భారీ బ‌డ్జెట్‌తో ఈ సినిమాను దిల్‌రాజు నిర్మిస్తున్నారు. న‌వీన్‌చంద్ర‌, సునీల్‌, అంజ‌లి కీల‌క పాత్ర‌లు పోషిస్తున్నారు. View this post on Instagram A post shared by KIARA (@kiaraaliaadvani)       

విశ్వనటుడు కమల్‌హాసన్‌ హీరోగా రూపొందుతున్న తాజా చిత్రం ‘ఇండియన్‌ 2’. శంకర్‌ దర్శకత్వం వహిస్తున్నారు. 1996లో వీరి కాంబినేషన్‌లో వచ్చిన ‘ఇండియన్‌’ (తెలుగులో ‘భారతీ యుడు’) సినిమాకు ఇది సీక్వెల్‌. ఇందులో కాజల్‌ అగర్వాల్‌ హీరోయిన్‌గా నటిస్తున్నారు. సోమవారం కమల్ హాసన్ పుట్టినరోజు సందర్భంగా క్రేజీ అప్‌ డేట్‌తో ముందుకొచ్చింది చిత్రబృందం. ఈ మూవీలో కమల్ హాసన్ పోస్టర్‌ను రిలీజ్‌ చేసింది.  (చదవండి: తిరుపతిలో 'ఇండియన్‌-2' షూటింగ్‌) కమల్ తాజా పోస్టర్ సోషల్ మీడియాలో తెగ వైరలవుతోంది. ఈ పోస్టర్‌లో కమల్ వృద్ధుడి గెటప్ అభిమానులను విపరీతంగా ఆకర్షిస్తోంది. ఇటీవలే తిరుపతిలో కొన్ని కీలకమైన సీన్లు కూడా తెరకెక్కించారు. ఈ చిత్రంలో సిద్ధార్థ్, రకుల్‌ ప్రీత్‌సింత్, బాబీ సింహా కీలక పాత్రలు పోషిస్తున్నారు. అనిరుద్‌ రవిచంద్రన్‌ సంగీతం అందిస్తున్న ఈ చిత్రం వచ్చే ఏడాది విడుదల కానుంది. To the one who’s versatility is beyond comparison, wishing the legend of Indian cinema a very happy birthday from team #Indian2#Ulaganayagan @ikamalhaasan #HBDKamalHaasan pic.twitter.com/rlwxnJmRbd — Red Giant Movies (@RedGiantMovies_) November 7, 2022

విలక్షణ నటుడు కమల్ హాసన్ హీరోగా తెరకెక్కుతున్న చిత్రం  'ఇండియన్-2'. ఇప్పటికే ఈ చిత్రానికి సంబంధించిన షూటింగ్ కూడా మొదలైంది. ఈ సినిమాకు శంకర్‌ దర్శకత్వం వహిస్తున్నారు. 1996లో వీరి కాంబినేషన్‌లో వచ్చిన ‘ఇండియన్‌’ (తెలుగులో ‘భారతీయుడు’) సినిమాకు ఇది సీక్వెల్‌గా వస్తోంది. ఇందులో కాజల్‌ అగర్వాల్‌ హీరోయిన్‌గా నటిస్తున్నారు. తాజాగా ఈ సినిమాకు సంబంధించిన క్రేజీ అప్‌డేట్ వచ్చిది.  ఇవాళ చెన్నైలో ఈ సినిమా షూటింగ్ ప్రారంభమైంది. ఈ మూవీలో పంజాబ్‌కు చెందిన ప్రముఖ నటుడు కనిపించనున్నారు. టీమిండియా స్టార్ క్రికెటర్ యువరాజ్ సింగ్ తండ్రి యోగ్‌ రాజ్ కీలక పాత్రలో నటిస్తున్నారు. ఆయన మేకప్ వేసుకుంటున్న ఓ ఫోటోను తన ఇన్‌స్టాలో పోస్ట్ చేశారు. యోగ్‌ రాజ్.. తన ఇన్‌స్టాలో రాస్తూ...' ఈ చిత్రంలోని నటీనటులందరికీ నా ధన్యవాదాలు. నన్ను ఇంత అందంగా తయారు చేస్తున్న మేకప్‌ మ్యాన్‌కు థ్యాంక్స్. కమల్‌ హాసన్ ఇండియన్‌-2 సినిమాలో నటించేందుకు పంజాబ్ సింహం సిద్ధంగా ఉంది.' అంటూ రాసుకొచ్చారు. అది కాస్తా సోషల్ మీడియాలో తెగ వైరలవుతోంది.  ఇప్పటికే తిరుపతిలో మొదటి షెడ్యూల్ పూర్తి చేసుకుంది. ఈ చిత్రంలో సిద్ధార్థ్, రకుల్‌ ప్రీత్‌సింత్, బాబీ సింహా కీలక పాత్రలు పోషిస్తున్నారు. అనిరుద్‌ రవిచంద్రన్‌ సంగీతం అందిస్తున్న ఈ చిత్రం వచ్చే ఏడాది విడుదల కానుంది.  View this post on Instagram A post shared by Yograj Singh (@yograjofficial)

మెగాపవర్ స్టార్ రామ్ చరణ్ తాజా చిత్రం క్రేజీ అప్‌డేట్ వచ్చింది. దర్శకుడు శంకర్ తెరకెక్కిస్తున్న ఈ మూవీ షూటింగ్ షెడ్యూల్ రేపటి నుంచి ప్రారంభం కానుందని సోషల్ మీడియాలో ఓ వార్త వైరలవుతోంది. రాజమండ్రిలో జరగనున్న షూటింగ్‌ కోసం రామ్‌చరణ్‌ ఇప్పటికే అక్కడికి చేరుకున్నట్లు తెలుస్తోంది. వీరిద్దరి కాంబినేషన్‌లో వస్తున్న ఈ చిత్రం రామ్‌చరణ్‌ 15వ సినిమాగా నిలవనుంది. ఆరు రోజుల పాటు రాజమండ్రిలో షూట్‌ జరగనున్నట్లు సమాచారం.  ఈ సినిమాలో పాన్‌ ఇండియా స్థాయిలో భారీ  అంచనాలు నెలకొన్నాయి. అయితే ఈ సినిమాలో రామ్‌ చరణ్ డ్యూయల్ రోల్ అయితే తాను చేస్తున్నాడు. ఈ మూవీలో రామ్ చరణ్ సరసన కియారా అద్వాణీ కనిపంచనుంది. శ్రీ వెంకటేశ్వర క్రియేషన్స్‌ పతాకంపై దిల్‌రాజు నిర్మిస్తున్న ఈ చిత్రానికి తమన్‌ సంగీతం అందిస్తున్నారు. దీపావళి కానుకగా చరణ్‌ ఫస్ట్ లుక్ విడుదల చేసేందుకు చిత్రబృందం ప్లాన్‌ చేస్తోంది. అయితే ఈ సినిమా వచ్చే ఏడాది ప్రేక్షకుల ముందుకు రానున్నట్లు తెలుస్తోంది. #RamCharan Latest 📸 Instagram Post 🤩 Rajahmundry schedule for #RC15 starts from Tomorrow (6 Days Schedule for Father role)#RamCharanForOscars 💥 #RRRInJapan pic.twitter.com/74fDlBAe76 — Ujjwal Reddy (@HumanTsunaME) October 9, 2022

సాక్షి, గుంటూరు(తెనాలి): సాయిమాధవ్‌ బుర్రా.. తెలుగు సినిమాకు స్టార్‌ రైటర్‌. లెజండరీ దర్శకుల చిత్రాలెన్నింటికో తన మాటలతో వన్నెలద్దెన రచయిత. ఆయన రాసిన మాటలు బాక్సాఫీసు వద్ద తూటాల్లా పేలడమే కాదు.. ప్రజల నోళ్లల్లో నిత్యం నానుతున్నాయి. ప్రస్తుతం ఆర్‌ఆర్‌ఆర్‌ విజయానందంలో ఉన్న సాయిమాధవ్‌ సుప్రసిద్ధ దర్శకుడు శంకర్‌ సినిమాతోపాటు నటుడు, దర్శకుడు అర్జున్‌ తొలిసారిగా తెలుగులో తీస్తున్న సినిమాకు రచయితగా పనిచేస్తున్నారు. సాయిమాధవ్‌ స్వస్థలం తెనాలి అన్న విషయం తెలిసిందే. ఏటా ఆయన ఇక్కడ జాతీయస్థాయి సాంఘిక, పద్యనాటక పోటీలను నిర్వహిస్తారు. ప్రస్తుతం ఎన్టీఆర్‌ శత జయంతి మహోత్సవాలను జరుపుతున్నారు. ఈ సందర్భంగా  ఆయన ‘సాక్షి’తో కొద్దిసేపు ముచ్చటించారు. ఆ వివరాలు ఆయన మాటల్లోనే..   ►‘జెంటిల్‌మెన్‌’ చూశాక దర్శకుడు శంకర్‌ను ఒక్కసారైనా కలిసి ఫొటో దిగితే చాలనుకున్నాను. తెలుగులో తొలిసారిగా ఆయన తీస్తున్న సినిమాకు సంభాషణలు రాస్తానని ఊహించలేదు. జరుగుతోంది. సింపుల్‌గా ఉండే గొప్ప మనిషి శంకర్‌. అర్జున్‌ తన కుమార్తె ఐశ్వర్య అర్జున్‌ హీరోయిన్‌గా తెలుగులో తీస్తున్న మొదటి సినిమాకు అవకాశం రావటం సంతోషం.  ►ప్రసిద్ధ దర్శకులతో విభిన్నమైన సినిమాలకు పనిచేస్తున్నందుకు గర్వపడటం లేదు. వారి నుంచి కొత్త విషయాలు తెలుసుకోవచ్చని సంతోషిస్తున్నా. క్రిష్, రాజమౌళి దగ్గర ఎన్నో విషయాలు నేర్చుకున్నా. ఇప్పుడు శంకర్‌ దగ్గర మరికొన్ని నేర్చుకున్నా. అర్జున్‌ సినిమా స్క్రిప్టు అద్భుతం.   చదవండి: (విజయ్‌ దేవరకొండ ఫ్యాన్‌ గర్ల్‌.. వీపుపై టాటూ.. వీడియో వైరల్‌) ►ఏ సినిమాకైనా బడ్జెట్‌ను కథ నిర్ణయిస్తుంది. సంసారం సాగరం సినిమాకు భారీ బడ్జెట్‌ అవసరముండదు. రాజమౌళి, శంకర్‌ కథలకు బడ్జెట్‌ ఎక్కువ. నా వరకు కథ, ప్రొడక్షన్‌ హౌస్, రెమ్యూనరేషను ముఖ్యం. ఇటీవల ఆకాశవాణి, గమనం సినిమాలకు రాశాను. కథలు నచ్చాయి. చేశాను. కమ ర్షియల్‌గా ఆలోచిస్తే అలాంటి సినిమాలు తీయరు. అలాంటి ప్రొడక్షన్స్‌లో పనిచేయటం నాకు అవసరం. స్వార్థమే. చిన్న సినిమా చేస్తే త్యాగాలు చేసినట్టేమీ కాదు. నేను రాసే కథలూ త్వరలో వెండితెరపై రాబోతున్నాయి.   ►చిన్ననాటి నుంచి నాటకరంగంతో అనుబంధముంది. తల్లిదండ్రులు నాటక కళాకారులే. హైస్కూలు రోజుల్లోనే ముఖానికి రంగేసుకున్నా. బుల్లితెరకు రచనలు చేయడం సినిమా అవకాశాలు తెచ్చిపెట్టింది. నాటకానికి చేతనైనంత చేయాలనే కళల కాణాచి పేరుతో జాతీయస్థాయి నాటకోత్సవాలను జరుపుతున్నాం. భారీ పారితోషికాలతో వీణా అవార్డులు ఇస్తున్నాం.   ►నేను ఎన్టీఆర్‌ ఆరాధకుణ్ణి. అందుకే తెనాలిలో ఆయన శతజయంతి మహోత్సవాలను ఏడాదిపాటు నిర్వహిస్తున్నా. వారంలో ఐదురోజులు ఎన్టీఆర్‌ సినిమాలను ఉచితంగా ప్రదర్శిస్తున్నాం. వారాంతాల్లో సదస్సులు, ఎన్టీఆర్‌ పేరుతో రంగస్థల, సినిమా అవార్డులను బహూకరిస్తున్నాం. ఎన్టీఆర్‌ రాజకీయాలకు అతీతమైన వ్యక్తి. నేను స్వతహాగా కమ్యూనిస్టును.


 సూపర్‌స్టార్‌ రజనీకాంత్‌ హీరోగా శంకర్‌ దర్శకత్వంలో ‘రోబో’కి సీక్వెల్‌గా రూపొందుతున్న ‘2.0’ చిత్రంలో విలన్‌ ఎవరు? అనడిగితే... బాలీవుడ్‌ హీరో అక్షయ్‌కుమార్‌ అని ఎవరైనా టక్కున జవాబు చెప్పేస్తారు. ఇది నిజమని నమ్మితే పప్పులో కాదు... తప్పులో కాలేసిట్లే! అదేంటీ... అక్షయ్‌ విలన్‌ కాదా? మరి, ఎవరు విలన్‌గా నటిస్తున్నారు? అనేగా మీ డౌట్‌. ఎవరో కాదు... రజనీయేనట! ‘2.0’లో సైంటిస్ట్‌గా, రోబోగా, విలన్‌గా, ఇద్దరు మరుగుజ్జులుగా... మొత్తం ఐదు గెటప్పుల్లో రజనీకాంత్‌ కనిపిస్తారని కోలీవుడ్‌ టాక్‌. ‘రోబో’లో చిట్టి (రోబో)గా నెగిటివ్‌ షేడ్స్‌ ఉన్న పాత్రలో రజనీ అదరగొట్టారు.
 
 సీక్వెల్‌లోనూ అలాంటి పాత్రలో కనిపిస్తారన్నమాట. మరి, అక్షయ్‌కుమార్‌ ఏ పాత్ర చేస్తున్నారు? అనడిగితే... ఆయనదీ విలన్‌ పాత్రే. అక్షయ్‌ 12 గెటప్పుల్లో కనిపిస్తారని టాక్‌. ఆల్రెడీ ‘క్రౌమేన్‌’గా అక్షయ్‌ ఫస్ట్‌ లుక్‌కి మంచి రెస్పాన్స్‌ వచ్చింది. మిగతా గెటప్పులు ఎలా ఉంటాయో చూడాలి. ఇందులో అమీ జాక్సన్‌ కథానాయికగా నటించారు. భారీ బడ్జెట్‌తో లైకా ప్రొడక్షన్స్‌ నిర్మిస్తున్న ఈ చిత్రానికి ఏఆర్‌ రెహమాన్‌ సంగీత దర్శకుడు. ఇప్పటికే డబ్బింగ్‌ కార్యక్రమాలు పూర్తయ్యాయట. దీపావళికి సినిమాను విడుదల చేయాలనుకుంటున్నారు.


 టాలీవుడ్ ఫిల్మ్ ఛాంబర్‌లో కోలీవుడ్‌ టాప్ డైరెక్టర్‌ శంకర్‌, వైవిద్యమైన పాత్రలకు ప్రాధాన్యత ఇచ్చే హీరో విక్రమ్‌ కాంబినేషన్లో వచ్చే 'ఐ' సినిమాపై పెద్ద వివాదం చెలరేగినట్లు తెలుస్తోంది.  మనదేశంలోనే కాకుండా, ప్రపంచ వ్యాప్తంగా ఈ మూవీ కోసం అత్యంత ఆసక్తిగా ఎదురు చూస్తున్నారు.  
 
  భారీ చిత్రాల నిర్మాత ఆస్కార్ రవి చంద్రన్ నిర్మాతగా 180 కోట్ల రూపాయలతో రూపొందుతున్న ఈ సినిమా ఇప్పటికే ప్రత్యేకమైన క్రేజ్‌ను సంపాదించుకుంది. ఎమిజాక్సన్ హీరోయిన్‌గా నటిస్తున్న ఈ చిత్రానికి ఏఆర్ రెహ్మాన్ సంగీతం అందించారు.  సినీ దిగ్గజాలతో పాటు సాధారణ ప్రేక్షకులు  కూడా ఎప్పుడెప్పుడా అని ఈ మూవీ రిలీజ్ కోసం ఉత్కంఠతో ఎదురుచూస్తున్నారు. ఇటీవల తెలిసిన సమాచారం ప్రకారం  సంక్రాతికి ఈ చిత్రం విడుదల కానుంది. అయితే తెలుగు ప్రేక్షకులకు మాత్రం ఈ సినిమాకు సంబంధించిన ఓ వార్త నిరాశపరిచే విధంగా ఉండనుంది.
 
 ఈ మూవీ ప్రపంచ వ్యాప్తంగా జనవరి రెండవ వారంలో విడుదల కానుంది. టాలీవుడ్‌లో మాత్రం ఆ తేదీన విడుదలయ్యే అవకాశం లేదంటున్నారు. ఇక్కడ విడుదల వాయిదా పడే అవకాశం ఉన్నట్లు తెలుస్తోంది. టాలీవుడ్ ఫిల్మ్ ఛాంబర్‌ రూల్స్‌ ప్రకారం పండగ సమయాల్లో కేవలం డైరెక్ట్‌ తెలుగు చిత్రాలనే విడుదల చేయాలి.  'ఐ' డబ్బింగ్‌ మూవీ కావడంతో దానీ విడుదలను వాయిదా వెయ్యాలని ఛాంబర్‌లో పెద్ద వివాదమే చెలరేగుతున్నట్లు సమాచారం.
 
 ఇదిలా ఉంటే ఇప్పటికే గోపాల గోపాల, టెంపర్‌, రుద్రమదేవి వంటి భారీ చిత్రాలు సంక్రాతి బరిలో ఉన్నాయి.  ఈ పరిస్థితులలో 'ఐ' కూడా విడుదలైతే థియేటర్స్‌ కొరత ఏర్పడే అవకాశం ఉంది. దాంతో ఈ సినిమా విడుదల తేదీ వాయిదా పడితేనే మంచిదనే అభిప్రాయం టాలీవుడ్‌ ట్రేడ్‌ వర్గాలలో వినిపిస్తోంది. అదే నిజమైతే తెలుగు ప్రేక్షకులకు సంక్రాంతికి 'ఐ' సినిమా చూసే అవకాశం ఉండదు.