టీవీ రియాల్టీ షో బిగ్‌బాస్ మాంచి మాస్ మసాల సినిమాను మించి జనాన్ని ఊపేస్తోంది. ‘రియాల్టీ’ షోలో ‘రియల్’గా పాత్రలు పోషించేస్తున్నారు. చాలా రోజులుగా యమ కిక్కిస్తున్న గౌతమ్ గులాటీ, దియాంద్రా సోర్స్‌ల లవ్ అఫైర్ కొత్త టర్న్ తీసుకుంది.
 
 షోలో ఇద్దరూ ఒక్కటిగా బతికేస్తున్నారంటూ కథలు కుప్పలుతెప్పలుగా వస్తున్న క్రమంలోనే... బ్రేకప్ న్యూస్ బ్రేకింగ్‌లా వచ్చేసింది. ఇది అర్థం చేసుకునే లోపే... దియాంద్ర గర్భవతి అయిందన్న వార్త వైరస్‌లా పాకేసింది.
 
 పుట్టబోయే బిడ్డకు తండ్రి గౌతమే అని కొందరు.. అసలు గర్భవతే కాదని ఇంకొందరు... ఎవరికి తోచిన ప్రచారం వారు చేసేస్తున్నారు. అయితే.. కొద్ది రోజులుగా దియాంద్ర ఆరోగ్యం దెబ్బతిందని, వైద్యుడిని సంప్రదించిందని సమాచారం.


 చూస్తుంటే ‘బిగ్‌బాస్’ రియాల్టీ షోలో రొమాన్స్ కామన్ ఫ్యాక్టర్ అయిపోయినట్టుంది. భిన్న ధుృవాలు ఆకర్షించుకుంటాయన్న సూత్రంలా... హౌస్‌లో ఉన్న ఆడ- మగ ఒకరికొకరు ఠక్కున కనెక్ట్ అయిపోతున్నారు. చుట్టూ కెమెరాలు రెప్పలార్పకుండా ఉన్నా... వాటిని ఎవరూ పెద్దగా పట్టించుకుంటున్నట్టు లేదు. ప్రస్తుత సీజన్‌లో హౌస్‌లో ఉన్న గౌతమ్, దియాంద్రల మధ్య కెమిస్ట్రీ బాగా వర్కవుటవుతున్నట్టుంది... సాన్నిహిత్యం రోజురోజుకూ పెరిగిపోతుందట. వారి ప్రేమ కామన్ హాల్... బెడ్‌రూమ్‌లు దాటి బాత్‌రూమ్‌ల వరకు పాకిందన్నది గుసగుస. వీరే కాదు... ఇలా బిగ్‌బాస్ షోతో చాలామందే ఒంటరిగా వచ్చి జంటలుగా తేలుతున్నారు.