సాక్షి, మైసూరు (కర్ణాటక): ఐదేళ్ల బాలికపై సవతి తండ్రి సయ్యద్‌ ముజీబ్‌ (45) అఘాయిత్యానికి ఒడిగట్టాడు. ఇతడు రెండున్నర నెలల క్రితం భార్యతో విడిపోయి ముగ్గురు పిల్లల తల్లిని రెండవ వివాహం చేసుకున్నాడు. మంగళవారం రాత్రి ఆమె కూతురిపై అత్యాచారం చేశాడు. బుధవారం ఉదయం బాలిక అనారోగ్యానికి గురి కావడంతో విషయం వెలుగు చూసింది. చామరాజనగర ఇన్‌స్పెక్టర్‌ మహదేవశెట్టి నిందితుడిని అరెస్టు చేశారు.   లైంగికదాడి కేసులో అరెస్టు   బాగేపల్లి: బాలికపై లైంగిక దాడికి పాల్పడిన ట్రాక్టర్‌ డ్రైవర్‌ను బాగేపల్లి పోలీసులు అరెస్టు చేశారు. గూళూరు హోబళికి చెందిన 15 ఏళ్ల విద్యార్థినిపై 21 ఏళ్ల ట్రాక్టర్‌ డ్రైవర్‌ అత్యాచారానికి ఒడిగట్టినట్లు ఫిర్యాదు రావడంతో ఇన్‌స్పెక్టర్‌ డీఆర్‌ నాగరాజు పోక్సో చట్టం కింద అరెస్టుచేసి జైలుకు తరలించారు. 

సాక్షి, నవాబుపేట (మహబూబ్‌నగర్‌): కన్న కూతురిపైనే ఓ తండ్రి లైంగిక వేధింపులకు పాల్పడ్డాడు. దీంతో బాధితురాలు ఏకంగా షీటీంను ఆశ్రయించిన సంఘటన ఆలస్యంగా వెలుగులోకి వచ్చింది. వివరాలిలా ఉన్నాయి. మహబూబ్‌నగర్‌ జిల్లా నవాబుపేట మండలం మల్కాపూర్‌ గ్రామపంచాయతీ పరిధిలోని ఒక గిరిజన తండాలో నివాసముంటున్న 15ఏళ్ల బాలిక తల్లిదండ్రులతో పాటు కూలి పనికి వెళుతోంది. కొన్ని రోజులుగా ఆ బాలికను తండ్రే లైంగికంగా వేధించసాగాడు. దీంతో బాధితురాలు నాలుగు రోజుల క్రితం 100 నంబర్‌కు కాల్‌ చేసి షీటీంకు ఫిర్యాదు చేసింది. వారు అక్కడికి చేరుకుని బాలికను చేరదీసి మహబూబ్‌నగర్‌లోని స్టేట్‌హోంకు తరలించారు. అంతకుముందు మెడికల్‌ టెస్టు చేయించారు. మెడికల్‌ రిపోర్ట్‌ ఆధారంగా కేసు దర్యాప్తు చేస్తామని ఎస్‌ఐ శ్రీకాంత్‌ తెలిపారు.  


 మధుర: పెళ్లయి ఇద్దరు పిల్లలున్న కుమార్తెపై ఓ హెడ్‌కానిస్టేబుల్‌ అత్యాచారానికి పాల్పడ్డాడు. రిటైర్మెంట్‌ మరో రెండు రోజులుందనగా పోలీస్‌ ఔట్‌పోస్ట్‌లోనే ఈ దారుణానికి పాల్పడటంతో అతడిని అధికారులు అరెస్ట్‌ చేయటంతోపాటు సస్పెండ్‌ చేశారు. ఉత్తరప్రదేశ్‌ రాష్ట్రం మంత్‌ పోలీస్‌ ఔట్‌ పోస్ట్‌లో ఈ ఘటన చోటుచేసుకుంది.
 
 బిజేంద్ర అనే వ్యక్తి యమునా ఎక్స్‌ప్రెస్‌వే పై ఉన్న మంత్‌ పోలీస్‌ ఔట్‌పోస్ట్‌లో హెడ్‌ కానిస్టేబుల్‌గా పనిచేస్తున్నాడు. అతనికి భార్య, నలుగురు పిల‍్లలు ఉన్నారు. వారికి పెళ్లిళ్లు కూడా అయ్యాయి. తీవ్ర అనారోగ్యానికి గురైన బిజేంద్ర భార్య పక్కనే ఫిరోజాబాద్‌లో ఉన్న పుట్టింట్లో ఉంటోంది. ఆమెను వైద్యునికి చూపించేందుకు బిజేంద్ర కుమార్తె డాక్టర్‌ అపాయింట్‌ కోసం సోమవారం ఆగ్రా వెళ్లింది. అక్కడి నుంచి తిరిగివస్తూ తండ్రి పనిచేస్తున్న మంత్‌ పోలీస్‌ ఔట్‌పోస్ట్‌ వద్దకు చేరుకుంది. తండ్రి అడగటంతో అక్కడే ఆగిపోయింది. రాత్రి సమయంలో ఆమెపై బిజేంద్ర లైంగికదాడికి పాల్పడ్డాడు.
 
 బాధితురాలు రోదిస్తూ భర్తకు ఫోన్‌ చేసి ఈ విషయం తెలిపింది. అక్కడికి చేరుకుని ప్రశ్నించిన ఆమె భర్తపై కూడా బిజేంద్ర దాడికి పాల్పడ్డాడు. దీనిపై బాధితురాలు పోలీసు ఉన్నతాధికారులకు ఫిర్యాదు చేసింది. ఈనెల 30వ తేదీన బిజేంద్ర రిటైర్‌ కావాల్సి ఉన్న బిజేంద్రను పోలీసు అధికారులు వెంటనే సస్పెండ్‌ చేస్తూ ఉత్తర్వులు జారీ చేశారు. ఈ ఘటనపై విచారణకు ఆదేశించటంతో పాటు నిందితుడిని అదుపులోకి తీసుకున్నారు. బాధితురాలికి ఇద్దరు పిల్లలు కూడా ఉన్నారు.