నైరోబి: సాధారణంగా వేసవి కాలంలో కొన్ని ఇళ్లలోని బోర్లు, బావులు ఇంకిపోవడం మనకు తెలిసిందే. దీని కోసం ఆయా ప్రాంతాల్లోని మున్సిపల్‌ అధికారులు నీటి ట్యాంకర్ల ద్వారా నీటి కోరత ఉన్న కాలనీల్లోకి నీటిని సరఫరా చేస్తుంటాయి. అయితే, ఇంటి ముందు నీళ్ల ట్రాక్టర్‌ రాగానే.. మహిళలు బిందేలతో నీటిని పట్టుకొవడానికి పొటీపడుతుంటారు. నాకంటే.. నాకు.. అని వాదులాడుకుంటుంటారు. ఈ క్రమంలో వారి మధ్య నీటి కోసం.. చిన్నపాటి ‘పానిపట్టు’ యుద్ధమే జరుగుతుంది. అయితే, ఇక్కడ వీడియోలో ఏనుగులు.. నీరు తాగటం కోసం ఏ మాత్రం.. పోటి పడకుండా..  తమ వంతు వచ్చే వరకు క్రమశిక్షణగా, వేచి చూస్తున్న వీడియో నెటిజన్లను ఏంతగానో ఆకట్టుకుంటుంది. ప్రస్తుతం ఈవీడియో సోషల్‌ మీడియాలో చక్కర్లు కొడుతుంది.   వివరాలు.. ఈ సంఘటన కెన్యాలోని అడవిలో జరిగింది. ఇక్కడ రెండు ఏనుగులకు దాహం వేసినట్టుంది. నీటి కోసం వేతికాయి. కాసేపటికి, అడవికి దగ్గరలోని ఒక పార్క్‌లో నీటిని చిమ్ముతున్న స్ప్రింక్లర్‌ను చూశాయి. అవి రెండూ కూడా నెమ్మదిగా అక్కడికి చేరుకున్నాయి. అయితే, మొదటి ఏనుగు ఆ స్ప్రింక్లర్‌ వద్ద నిలబడి తన తొండంతో నీళ్లను తాగి  దాహన్ని తీర్చుకుంది.  రెండొ ఏనుగు.. ఏమాత్రం తొందర పడకుండా.. తన వంతు కోసం ఓపిగ్గా ఎదురుచూస్తోంది. మొదటి ఏనుగు వెళ్లి పోయాక మెల్లగా.. స్ప్రింక్లర్‌ వద్ద వెళ్లి అది కూడా కడుపు నిండా నీటిని తాగింది. కాగా, నీటి కోసం ఆరెండు ఏనుగులు ఏమాత్రం పోటీపడలేదు. దీంతో ఈ వీడియో కాస్త నెట్టింట వైరల్‌ గా మారింది. దీన్ని చూసిన నెటిజన్లు ‘మనుషుల కంటె గజరాజులే నయం’, ‘వావ్‌.. ఏనుగు ఎంత ఓపిగ్గా వేచి చూస్తోంది..’, ‘వాటి క్రమశిక్షణకు హ్యట్సాఫ్‌..’ అంటూ ప్రశంసలు కురిపిస్తున్నారు. అయితే, షెల్డ్రిక్ వైల్డ్‌ లైఫ్ ట్రస్ట్ అనే సంస్థ కెన్యాలోని వన్య ప్రాణుల రక్షణ, ఏనుగుల పునారవాస కార్యక్రమాన్ని నిర్వహిస్తోంది. ఏనుగుల శరీర ఉష్ణోగ్రత చాలాఎక్కువ.  అందుకే,  అవి నీటిలో ఏక్కువగా గడపటానికి ఇష్టపడతాయి. అదే విధంగా, ఒక ఏనుగు రోజుకు 50 గ్యాలన్ల వరకు నీటిని తాగుతుంది. Nothing beats…a fresh and cooling drink from the tap (or sprinkler) pic.twitter.com/TBnorTJN8n — Sheldrick Wildlife (@SheldrickTrust) June 27, 2021


 దక్షిణాఫ్రికా: ఫొటో చూడగానే నాటి గజేంద్రమోక్షం సీన్ గుర్తుకురావడం లేదూ.. అయితే.. ఇక్కడ మొసలి కాస్త కన్ఫ్యూజ్ అయి ఈ గజేంద్రుడి కాలికి బదులు తొండాన్ని పట్టుకున్నట్లుంది. అప్పట్లో అంటే ప్రార్థించగానే విష్ణుమూర్తి విచ్చేశారు.
  
 ఇది కలియుగం కదా.. అందుకే విష్ణుమూర్తి కోసం వెయిట్ చేయకుండా గజేంద్రుడే తన బలమంతా ఉపయోగించి.. తొండాన్ని లేపి ఇలా విసిరికొట్టడంతో మొసలి అల్లంత దూరాన ఎగిరి పడింది. ఈ సీన్ దక్షిణాఫ్రికాలోని సబీ శాండ్స్ గేమ్ రిజర్వు పార్కులో చోటుచేసుకుంది.
  


 ఎర్ర గులాబీ పూల మొక్క.. చక్కని పెయింటింగ్.. అయితే దీన్ని వేసింది ఓ ఏనుగంటే మీరు నమ్మగలరా? ఏదో పిచ్చిపిచ్చి గీతలు తప్ప అవేమి వేయగలవు అని భావించేవారు.. థాయ్‌లాండ్‌లోని చియాంగ్ మాయ్‌లో ఉన్న ఎలిఫెంట్ క్యాంప్‌లో ఉన్న గజరాజులను చూసి డంగైపోవాల్సిందే.. ఒక్కోటి.. ఒక్కో ఎంఎఫ్ హుస్సేన్ తరహాలో బ్రష్ పట్టుకుని.. చిత్రాలు ఎడాపెడా గీసేస్తాయి. ఇక్కడ మొత్తం ఏడు ఏనుగులు చిత్రకళలో ఆరితేరాయి. ఈ చిత్రాలను అమ్మితే.. ఒక్కోటి రూ.1.3 లక్షల దాకా పలికాయి.


 అబ్బాయిలు కానీ, అమ్మాయిలు కానీ పెళ్లి సంబంధాల్లో తెల్లగా ఉండేవాళ్లనే కోరుకుంటారు. తప్పేం లేదు. తెలుపంటే అందరికీ క్రేజ్. (తెల్లగా ఉండేవాళ్లకి కూడా!)  white supremacy  అనే మాట ఈ క్రేజ్ నుండి వచ్చిందే. విశేషం ఏమిటంటే ఈ నలుపు తెలుపులను ‘పెళ్లి’కి పట్టించుకుంటారే కానీ, ‘ప్రేమ’లో పట్టించుకోరు. ఇంతకీ వైట్ సుప్రిమసీ అంటే ఏమిటి? నల్లగా ఉండేవాళ్ల కన్నా, తెల్లగా ఉండేవాళ్లే అన్నిటా అధికులనే భావన.
  
  White అనే పదంతో ఉన్న పదబంధాలన్నీ దాదాపుగా ఇలాంటి ఆధిక్య భావననుంచి పుట్టుకొచ్చినవే. ఉదా: white collar. కాయకష్టం చేసే అవసరం లేకుండా చక్కగా ఆఫీసులో కూర్చుని మైండ్‌తో పనిచేసుకుంటూ పోయే ఉద్యోగులను white collar workers  అంటారు. ఇలాంటి ఉద్యోగాలే వైట్ కాలర్ జాబ్స్.
  అలాగే white hope అనేది ఇంకో మాట. అంటే ఆశాదీపం, ఆశాజ్యోతి.  ఈ దీపాలు, జ్యోతులు... వ్యక్తులు కావచ్చు లేదా వస్తువులైనా కావచ్చు. ఈ వాక్యం చూడండి. This new car is seen as the great white hope of the Indian motor industry.
  
  అదేంటో White తో కలిస్తే చెడ్డవి కూడా మంచివి అయిపోతుంటాయి. white lie అనే మాట మీరు వినే ఉంటారు. ఇందులో lie అంటే అబద్ధం అని కదా అర్థం. white lie అంటే ‘మంచి అబద్ధం’ అని. కొన్నిసార్లు మంచి కోసం... లేదా నిజం చెప్పడం వల్ల జరగబోయే అనర్థాలను నివారించడం కోసం... అబద్ధాలు చెప్పవలసి వస్తుంది. వాటిని వైట్ లైస్ అంటారు. మరక మంచిదే అంటున్నారు కదా ఏదో సర్ఫ్ వాళ్లు. అలాగన్నమాట.
  అదేవిధంగా white magic. అంటే మంచి పనులకోసం చేసే మ్యాజిక్. ఉదా: సమాజాన్ని మేల్కొలపడానికి, జాగృతం చేయడానికి చేసే మ్యాజిక్.  దీనికి పూర్తిగా వ్యతిరేకం black magic. హాని తలపెట్టేందుకు చేసే మాయలు, మంత్రాలు ఈ కేటగిరీలోకి వస్తాయి.
  
  ఇప్పుడు మరికొన్ని white ల గురించి చకచకా తెలుసుకుందాం. white goods  అంటే విద్యుత్ గృహోపకరణాలు. (కుక్కర్లు, వాషింగ్ మెషీన్‌లు, ఫ్రిజ్‌లు వగైరా). white horses  అంటే ... ఉపరితంలో తెల్లగా ఉండే అలలు. ఈ white horses నే యు.ఎస్.లో whitecaps అంటారు.     white knight అంటే.. గట్టెక్కించే వ్యక్తి. ఆపద్బాంధవుడు. ఒక కంపెనీ ఆర్థిక ఇబ్బందుల్లో ఉందనుకుందాం.  ఆ కంపెనీ మూత పడకుండా లేదా చేతులు మారకుండా కాపాడే వ్యక్తిని లేదా సంస్థను white knight అనొచ్చు. white trash అంటే... చదువు లేని, నిరుపేద తెల్లజాతీయులు. (అలాంటి వారు ఉంటారా?). తమలోనే డబ్బు లేనివాళ్లను అమెరికన్లు అనే మాట... వైట్ ట్రాష్. black-and-white అని ఇంకోమాట ఉంది. ‘స్పష్టంగా అర్థమయ్యేది’ అని దీని అర్థం. (Disarmament isn't a black-and-white issue for me). ఆయనెవరికో నిరాయుధీకరణ అనేది అంతుబట్టని సబ్జెక్ట్ అట. అలాగే in black and white అనే మాట. అంటే లిఖితపూర్వకంగా (రాతపూర్వకంగా) అని. (I could not believe it was true, but there it is, in black and white).
  
  ఇవండీ... white తో వచ్చే కొన్ని పదాలు.
  అన్నట్లు... whiter than white అనే మాట విన్నారా? అంటే... ఎప్పుడూ అసలు తప్పన్నదే చెయ్యకపోవడం.
  (I never was convinced by the whiter than white image of her portrayed in the press).
  
  
  White elephant నడపడానికి భారమైపోయిన కంపెనీలను, డబ్బును పదేపదే ఖర్చుపెట్టిస్తున్న వస్తువులను వైట్ ఎలిఫెంట్‌తో పోలుస్తారు. హిందూ పురాణాల ప్రకారం white elephant (ఐరావతం) అనేది ఇంద్రుడి ఏనుగు. తెల్లగా ఉంటుంది. పాల సముద్రాన్ని చిలికినప్పుడు లక్ష్మీదేవి, కల్పవృక్షం, కామధేనువులతో పాటు ఐరావతం కూడా ఉద్భవించిందని పురాగాథ.