తమిళ సూపర్ స్టార్ రజనీకాంత్ స్టయిలే వేరు. వినూత్న గెటప్లు, తనదైన స్టయిల్తో అభిమానులకు కనువిందు చేస్తుంటాడు. ప్రముఖ దర్శకుడు శంకర్ ప్రతిష్టాత్మకంగా తెరకెక్కిస్తున్న రోబో సీక్వెల్ రోబో 2 చిత్రంలో రజనీకాంత్ సరికొత్తగా కనిపించనున్నారు.
 
 ఈ చిత్రంలో రజనీకాంత్కు ఫ్యాషన్ డిజైనర్ రాకీ కాస్ట్యూమ్స్ అందిస్తున్నారు. రోబో 2 సెట్స్పై రజనీకాంత్తో దిగిన ఫొటోను రాకీ ట్విట్టర్లో పోస్ట్ చేశాడు. ఈ ఫొటోలో రజనీకాంత్ గళ్ల చొక్కా, జాకెట్ ధరించి.. చిన్న గడ్డం, మాంచి హెయిర్ స్టయిల్తో కనిపిస్తాడు. ఈ చిత్రంలో రజనీకాంత్ సరసన ఎమీ జాక్సన్ హీరోయిన్గా నటిస్తుండగా, బాలీవుడ్ యాక్షన్ హీరో అక్షయ్ కుమార్ విలన్ పాత్ర పోషిస్తున్నాడు. శంకర్ దర్శకత్వంలోనే రజనీకాంత్, ఐశ్వర్యా రాయ్ జంటగా నటించిన సైంటిఫిక్ మూవీ రోబో ఘనవిజయం సాధించిన సంగతి తెలిసిందే. కాగా రోబో 2 లో ఐశ్వర్యా రాయ్ బదులు ఎమీ జాక్సన్ రజనీ  కాంత్ సరసన నటిస్తోంది. భారత చిత్ర పరిశ్రమలోనే 350 కోట్ల రూపాయల భారీ బడ్జెట్తో ఈ సినిమాను ప్రతిష్టాత్మకంగా నిర్మిస్తున్నారు.


 ఎందిరన్-2కు సన్నాహాలు జరుగుతున్నాయా? సూపర్‌స్టార్ రజనీకాంత్‌తో మాజీ ప్రపంచసుందరి మరోసారి జోడీ కట్టనున్నారా? బ్రహ్మాండ చిత్రాల సృష్టికర్త శంకర్ ఈ క్రేజీ జంటతో మరోసారి సెల్యులాయిడ్‌పై వండర్స్ సృష్టించడానికి సిద్ధమవుతున్నారా? వీటన్నింటికీ స్పష్టమైన సమాచారం రాకపోయినా, ఆ ప్రయత్నాలు ముమ్మరంగా జరుగుతున్నట్లు కోలీవుడ్‌లో వినిపిస్తున్న మాట. ఎందిరన్ రజనీకాంత్ కెరీర్‌లో అత్యంత వసూళ్లు సాధించిన చిత్రం. అలాంటి చిత్రం కొనసాగింపుపై చాలాకాలంగా చర్చ జరుగుతోంది.
 
 దర్శకుడు శంకర్ ఏ విషయాన్ని తుది రూపం దాల్చేవరకు బహిరంగ పరచరు. తన చిత్రాల విషయాల్లోనూ చాలా లో ప్రొఫైల్ మెయిన్‌టెయిన్ చేస్తారు. అలాగే ఐ చిత్రం తరువాత చేసే చిత్రం గురించి ఇంతవరకు నోరు మెదపలేదు. కథాచర్చలు జరుగుతున్నాయన్నమాటే ప్రస్తుతానికి ఆయన నోట పలుకుతున్న మాట. అయితే ఆయన ఇటీవల సూపర్‌స్టార్‌ను కలిసినట్లు ఎందిరన్-2 చిత్ర విషయమై చర్చలు జరిపినట్లు కోలీవుడ్‌వర్గాల భోగట్టా. ఎందిరన్ సీక్వెల్‌కు రజనీ కూడా పచ్చజెండా ఊపినట్లు సమాచారం.
 
 కాగా ఈ చిత్రంలో ఆయన సరసన నటించే కథా నాయకి ఎవరన్న చర్చ వచ్చినప్పుడు పలువురు పేర్లు పరిశీలనలోకి వచ్చినా, చివరికి ఎందిరన్ హీరోయిన్ ఐశ్వర్యారాయ్ పేరే ఫైనల్‌కు వచ్చినట్లు సమాచారం. దీంతో ప్రస్తుతం స్టార్ డైరక్టర్ శంకర్ ఆ అందాల సుందరిని ముగ్గులోకి దింపే పనిలో ఉన్నట్లు తెలిసింది. అంతేకాదు ఐశ్వర్యరాయ్ కూడా సూపర్‌స్టార్‌తో మరోసారి నటించడానికి సుముఖంగా ఉన్నట్లు పరిశ్రమ వర్గాల మాట. కాగా ఎందిరన్ చిత్రం తమిళం, తెలుగు వంటి భాషల్లో విజయం సాధించినా బాలీవుడ్‌లో ఆశించిన ప్రజాదరణను పొందలేదు. ఈసారి దక్షిణాది సినీ అభిమానులతో పాటు ప్రపంచ సినీ ప్రేక్షకులను అలరించే విధంగా రజనీకాంత్‌తో పాటు బాలీవుడ్ బాద్‌షా షారూఖ్‌ఖాన్‌ను ఎందిరన్ సీక్వెల్‌లో నటింపజేసే పనిలో శంకర్ ఉన్నట్లు సమాచారం.