గౌహర్‌ ఖాన్.. బాలీవుడ్‌లో ఆమె పేరు చాలా పాపులర్‌. బిగ్‌బాస్‌ సీజన్‌-7 విన్నర్‌,టీవీ స్టార్‌,మోడల్‌,హీరోయిన్‌ ఇలా పలు రంగాల్లో రాణించిన ఆమె కొరియోగ్రాఫర్‌ జైద్‌ దర్బార్‌ను 2020లో ప్రేమించి వివాహం చేసుకుంది. గతేడాది పండంటి బిడ్డకు వారు జన్మనిచ్చి జెహాన్ అనే పేరు పెట్టుకున్నారు. కానీ ఇప్పటి వరకు బాబు ఫోటోలను వారు విడుదల చేయలేదు. రంజాన్‌ మాసం సందర్భంగా ముస్లింలకు పరమ పవిత్రమైన నగరం మక్కా క్షేత్రంలో బాబు ఫోటోను రివీల్‌ చేసి వారి ఆనందాన్ని పంచుకున్నారు. మెగాస్టార్‌ చిరంజీవి నటించిన సూపర్‌ హిట్ సినిమా శంకర్‌ దాదా ఎంబీబీఎస్‌తో తెలుగు వారికి గౌహర్‌ ఖాన్ సుపరిచయమే. ఇందులో 'నాపేరే కాంచనమాల' అనే స్పెషల్‌ సాంగ్‌తో అభిమానులను ఓ రేంజ్‌లో ఆమె అలరించింది. ఈ పాటతో తెలుగు కుర్రాళ్ల మనసులు కొల్లగొట్టింది బాలీవుడ్‌ బ్యూటీ గౌహార్‌ ఖాన్‌. 18 ఏళ్ల వయసులో మోడల్‌గా కెరీర్‌ ఆరంభించిన గౌహర్‌ఖాన్‌ పలు అందాల పోటీల్లోనూ పాల్గొన్నారు. యాంకర్‌గా కెరీర్‌ను ఆరంభించిన ఆమె పలు సీరియల్స్‌లోనూ నటించారు. గేమ్‌, రాకెట్‌ సింగ్‌, ఫీవర్‌, బేగం జాన్‌ వంటి చిత్రాలతో పాటు తాండవ్‌ వెబ్‌ సిరీస్‌ ఆమెకు మంచి పేరును తెచ్చాయి. ఆమె పెళ్లి నాటికి వారి వయసు గౌహర్‌ ఖాన్(37)‌, కొరియోగ్రాఫర్‌ జైద్‌ దర్బార్‌(25).  గౌహర్‌ ఖాన్‌ కంటే జైద్‌ దర్బార్‌ 12 ఏళ్లు చిన్నవాడు కావడంతో వారి పెళ్లి గురించి పలు విమర్శలు వచ్చాయి. కానీ పెళ్లి తర్వాత వారు ఎంతో సంతోషంగా గడుపుతున్నట్లు పలు ఫోటోలతో పంచుకుంటూ వచ్చారు. గతేడాది మే నెలలో ఒక బాబుకు జన్మనిచ్చినట్లు వారు ఎంతో సంతోషంగా ఆ వార్తను పంచుకున్నారు. బాబును తొలిసారిగా పవిత్ర స్థలమైన మక్కాకు తీసుకుని రావడం చాలా సంతోషంగా ఉంది. అతనికి నిరంతర సానుకూలత, ప్రేమ, ఆశీర్వాదం ఇవ్వాలని ఫ్యాన్స్‌ను వారు కోరారు. View this post on Instagram A post shared by Gauahar Khan (@gauaharkhan)

ప్రముఖ నటి 'గౌహర్ ఖాన్' (Gauahar Khan) ఇటీవల ఖరీదైన జర్మన్ లగ్జరీ కారుని కొనుగోలు చేసింది. దీనికి సంబంధించిన ఫోటోలు సోషల్ మీడియాలో తెగ వైరల్ అవుతున్నాయి. ఇంతకీ ఈమె కొన్న ఆ కారు ఏది? దాని ధర ఎంత అనే మరిన్ని వివరాలు ఈ కథనంలో తెలుసుకుందాం. నా పేరే కాంచనమాలా పాటతో శంకర్ దాదా MBBS సినిమాలో చిరంజీవితో స్టెప్పులేసి తెలుగు ప్రేక్షకులను అలరించిన 'గౌహర్ ఖాన్' కొనుగోలు చేసిన లగ్జరీ కారు 'మెర్సిడెస్ బెంజ్' కంపెనీకి చెందిన 'జీఎల్ఈ'. ఈ కారు ధర సుమారు రూ. కోటి కంటే ఎక్కువ అని తెలుస్తోంది. ఈ కారుని డెలివరీ చేసుకోవడానికి సంబంధించిన ఫోటోలను ముంబైలోని కంపెనీ అధీకృత మెర్సిడెస్-బెంజ్ డీలర్ అయిన ఆటోహంగర్ అండ్ గ్లామర్ డైరీస్ ఫోటోలను, వీడియోను సోషల్ మీడియాలో షేర్ చేసింది.  వీడియోలో గమనించినట్లైతే గౌహర్ ఖాన్ తన భర్త జైద్ దర్బార్‌తో కలిసి ముంబైలోని మెర్సిడెస్-బెంజ్ డీలర్‌షిప్‌లోకి వెళ్లడాన్ని చూడవచ్చు. లగ్జరీ కారుని మాత్రమే కాకుండా వీరు తమ పిల్లల కోసం ఓ బొమ్మ బెంజ్ కారుని కొన్నట్లు తెలుస్తోంది. వీడియోలో ఈ చిన్న కారు కూడా పార్క్ చేసి ఉండటం చూడవచ్చు. గౌహర్ ఖాన్ తన భర్త జైద్ దర్బార్‌ ఇద్దరూ బొమ్మ కారుని ఆవిష్కరించిన తరువాత, బెంజ్ కారుని ఆవిష్కరించారు. ఇది బెంజ్ GLE300d LWB వెర్షన్ అని తెలుస్తోంది. ఇది మంచి డిజైన్ కలిగి లేటెస్ట్ ఫీచర్స్ కలిగి ఉంటుంది. ఇవన్నీ వాహన వినియోగదారులకు చాలా ఉపయోగకరంగా ఉంటాయి. ఇదీ చదవండి: ఆ రోజు మీటింగ్‌‌లో కూడా సత్య నాదెళ్లకు అదే ధ్యాస.. బ్లాక్ షేడ్‌లో కనిపించే ఈ కారు 2.0 లీటర్ ఫోర్ సిలిండర్ టర్బోచార్జ్డ్ ఇంజన్ కలిగి 245 పీఎస్ పవర్, 500 న్యూటన్ మీటర్ టార్క్ ప్రొడ్యూస్ చేస్తుంది. ఇది 9జీ ఆటోమేటిక్ ట్రాన్స్‌మిషన్‌తో ఉత్తమ పనితీరుని అందిస్తుంది. ఎక్కువ సేఫ్టీ ఫీచర్స్ కలిగిన ఈ కారు వాహన వినియోగదారుల భద్రతకు పెద్ద పీట వేస్తుంది. View this post on Instagram A post shared by Mercedes-Benz Auto Hangar India Pvt Ltd (@autohangar)

బాలీవుడ్‌ నటి, బిగ్‌బాస్‌ బ్యూటీ గౌహర్‌ ఖాన్‌ త్వరలో తల్లి కాబోతోంది. డిసెంబర్‌లో ఈ గుడ్‌ న్యూస్‌ను అభిమానులతో పంచుకుందీ బ్యూటీ. మేము త్వరలో ముగ్గురం కాబోతున్నాం అంటూ గౌహర్‌, ఆమె భర్త జైద్‌ దర్బార్‌.. ఇద్దరూ ఇన్‌స్టాగ్రామ్‌లో వీడియో పోస్ట్‌ చేశారు. ఆదివారం నటి సీమంతం ఘనంగా జరిగింది. తాజాగా అందుకు సంబంధించిన ఫోటోలను గౌహర్‌ సోషల్‌ మీడియాలో పోస్ట్‌ చేసింది. 'ప్రత్యేకమైన వ్యక్తుల మధ్య, రుచికరమైన భోజనంతో, అమితమైన ప్రేమాభిమానాల మధ్య నా సీమంతం వేడుక సంతోషంగా జరిగింది' అని చెప్పుకొచ్చింది. ఈ సెలబ్రేషన్స్‌లో గౌహర్‌ మల్టీకలర్‌ లెహంగా ధరించగా జైద్‌ అందుకు మ్యాచింగ్‌ షర్ట్‌ వేసుకున్నాడు. ఫ్రెండ్స్‌తో, అలాగే బోలెడన్ని కేక్స్‌ మధ్య వీరు దిగిన ఫోటోలు ప్రస్తుతం నెట్టింట వైరల్‌గా మారాయి. కాగా గౌహర్‌ ఖాన్‌ రాకెట్‌ సింగ్‌: సేల్స్‌మెన్‌ ఆఫ్‌ ద ఇయర్‌ సినిమాతో నటిగా కెరీర్‌ ఆరంభించింది., గేమ్‌, 14 ఫెరే.. వంటి పలు చిత్రాల్లో నటించింది. ఝలక్‌ దిఖ్‌ లాజా 3, బిగ్‌బాస్‌ 7, ఫియర్‌ ఫ్యాక్టర్‌: ఖత్రోన్‌ కే ఖిలాడీ 5 వంటి రియాలిటీ షోలలనూ పాల్గొంది. తాండవ్‌, సాల్ట్‌ సిటీ, శిక్షా మండల్‌ వెబ్‌ సిరీస్‌లలో నటించింది. ఇటీవలే నెట్‌ప్లిక్స్‌లో ప్రసారమైన ఇన్‌ రియల్‌ లవ్‌  షోలో రణ్‌విజయ్‌ సింగ్‌తో కలిసి వ్యాఖ్యాతగా వ్యవహరించింది. ప్రముఖ గాయకుడు, కంపోజర్‌ ఇస్మాయిల్‌ దర్బార్‌ కుమారుడైన జైద్‌ దర్బార్‌ను 2020 డిసెంబర్‌లో పెళ్లాడింది.‌ View this post on Instagram A post shared by Gauahar Khan (@gauaharkhan) చదవండి: నేను చనిపోలేదు, బతికే ఉన్నా: ధనుస్‌ సోదరుడు అల్లరి నరేశ్‌ ఉగ్రం ట్విటర్‌ రివ్యూ

మోడల్‌, నటి గౌహర్‌ ఖాన్‌ త్వరలో తల్లి కాబోతోంది. ప్రస్తుతం రంజాన్‌ మాసం కావడంతో తను ఉపవాసం ఉంటుందా? లేదా? అని అభిమానులు సందేహం వ్యక్తం చేశారు. దీనికి గౌహర్‌ స్పందిస్తూ.. గర్భంతో ఉన్నందున ఈ ఏడాది రంజాన్‌ మాసంలో ఉపవాసం ఉండటం లేదని తెలిపింది. దానికి బదులుగా నిరుపేదలకు ఆహారం పంపిణీ చేయాలనుకుంటున్నట్లు పేర్కొంది. ఇకపోతే హాలీవుడ్‌​ పాప్‌ సింగర్‌ జస్టిన్‌ బీబర్‌ దంపతులు రంజాన్‌ మాసంలో ఉపవాసం చేయడంపై సెటైర్లు విసిరారు. 'మేమైతే ఎప్పుడూ ఉపవాసం ఉండలేదు. మా శరీరాలకు పోషకాలు కావాలి. అందుకే ఆ ఆలోచన కూడా చేయం. అయినా ఇలా కడుపు మాడ్చుకుని ఉపవాసాలు చేయడమేంటో మాకిప్పటికీ అర్థం కాదు. అంతగా అవసరమైతే టీవీ చూడటం, సెల్‌ఫోన్‌ వాడటం మానేయండి. అంతే తప్ప తిండి మానేయడమేంటి? మరీ తెలివి తక్కువ వాళ్లలా ఉన్నారనిపిస్తోంది' అని వెకిలిగా మాట్లాడారు. ఈ వీడియోను ఇన్‌స్టాగ్రామ్‌ స్టోరీలో షేర్‌ చేసిన గౌహర్‌ ఖాన్‌ సింగర్‌ జంటపై ఆగ్రహం వ్యక్తం చేసింది. 'మీకేం తెలుసని మాట్లాడుతున్నారు. దాని వెనక ఉన్న సైన్స్‌ గురించి, ఆరోగ్య ప్రయోజనాల గురించి కాస్తైనా తెలుసా? ముందు అవి తెలుసుకోండి. మీకంటూ ఓ అభిప్రాయం ఉండటం తప్పనడం లేదు. కానీ వాటిని ఎలా వ్యక్తీకరించాలనే తెలివి కూడా ఉంటే బాగుంటుంది' అని చురకలంటించింది. ఇక గౌహర్‌ ఖాన్‌ విషయానికి వస్తే.. ఆమె సరుకులు కొనడానికి షాపింగ్‌కు వెళ్లినప్పుడు జైద్‌ దర్బార్‌ను కలిసింది. అలా వీరిద్దరి మధ్య పరిచయం ఏర్పడగా అది స్నేహానికి దారి తీసింది. కొంత సమయానికే అది ప్రేమగా మారింది. 2020 నవంబర్‌ 5న వీరి నిశ్చితార్థం జరగ్గా డిసెంబర్‌ 25న పెళ్లి చేసుకున్నారు. 2022 డిసెంబర్‌లో తాను గర్భం దాల్చిన విషయాన్ని అభిమానులతో పంచుకుంది నటి. ఆమె చివరగా శిక్షా మండల్‌ సినిమాలో నటించింది.

మరో బాలీవుడ్ జంట త్వరలోనే తల్లిదండ్రులు కాబోతున్నారు. నటి, బాగ్‌బాస్ కంటెస్టెంట్ అయిన గౌహర్ ఖాన్ ప్రెగ్నెన్సీ విషయాన్ని తాజాగా సోషల్ మీడియా వేదికగా పంచుకున్నారు. 'మేము త్వరలోనే ముగ్గురం కాబోతున్నాం' అంటూ ఆమె భర్త జైద్ దర్బార్‌తో కలిసి ఈ విషయాన్ని వెల్లడించారు. ఈ సందర్బంగా ఇన్‌స్టాలో ఓ వీడియోను పోస్ట్ చేశారు. ఈ శుభవార్త తెలుసుకున్న అభిమానులు, ప్రముఖులు కంగ్రాట్స్ చెబుతూ కామెంట్లతో నింపేస్తున్నారు.  నటి ,మాజీ బిగ్ బాస్ కంటెస్టెంట్ గౌహర్ ఖాన్, ఆమె భర్త జైద్ దర్బార్ మంగళవారం తమ మొదటి బిడ్డ కోసం ఎదురుచూస్తున్నట్లు ప్రకటించారు. ఇన్‌స్టాలో వీడియోలో రాస్తూ..' గౌహర్ ఖాన్, జైద్ దర్బార్ కలిసి ఇద్దరయ్యాం.  ఇప్పుడు మేము త్వరలో ముగ్గురం అవుతాం. ఈ సాహసం మరింత ముందుకు సాహసం సాగుతుంది. ఈ కొత్త ప్రయాణంలో మీ అందరి ఆశీస్సులు కోరుతున్నాం.' అని రాసుకొచ్చారు.  గౌహర్, జైద్ ప్రేమకథ: కొవిడ్ లాక్‌డౌన్ సమయంలో గౌహర్, జైద్ ఒక కిరాణా దుకాణంలో మొదటిసారి కలుసుకున్నారు. ఆ తర్వాత ఇన్‌స్టాగ్రామ్‌లో స్నేహితులుగా ఉన్నారు.  లాక్‌డౌన్ సమయంలో ఇద్దరు డేటింగ్ కొనసాగించారు. కొంతకాలం డేటింగ్ చేసిన ఈ జంట చివరకు డిసెంబర్ 2020లో పెళ్లి చేసుకోవాలని నిర్ణయించుకున్నారు. సినీ కెరీర్:  గౌహర్ ఖాన్, మాజీ మోడల్, ఆమె సోదరి నిగర్ జీవితాలను ప్రదర్శించిన 'ది ఖాన్ సిస్టర్స్' షోలో ప్రముఖంగా కనిపించారు. గౌహర్ 'రాకెట్ సింగ్', 'గేమ్', '14 ఫేరే', 'ఇషక్జాదే' వంటి చిత్రాలలో కూడా నటించారు. ఆమె 'ఝలక్ దిఖ్లా జా 3', 'బిగ్ బాస్ 7', 'ఫియర్ ఫ్యాక్టర్: ఖత్రోన్ కే ఖిలాడీ 5' వంటి రియాలిటీ టీవీ షోలలో పాల్గొన్నారు. ఆమె 'తాండవ్' వెబ్ సిరీస్‌లో కూడా కనిపించింది. జైద్ దర్బార్ ప్రముఖ గాయకుడు-కంపోజర్ ఇస్మాయిల్ దర్బార్ కుమారుడు. అతను వృత్తి రీత్యా కొరియోగ్రాఫర్. View this post on Instagram A post shared by Gauahar Khan (@gauaharkhan)  

Gauahar Khan: బాలీవుడ్‌ నటి, మోడల్‌ గౌహర్‌ ఖాన్‌ తన కంటే 12 ఏళ్లు చిన్నవాడైన కొరియోగ్రాఫర్‌ జైద్‌ దర్బార్‌ను పెళ్లాడిన విషయం తెలిసిందే. గతేడాది డిసెంబర్‌ 25న వీరి వివాహం జరిగింది. ఈ ఏడాది ప్రారంభంలో హనీమూన్‌కు కూడా వెళ్లొచ్చారు. అందరిలాగే ఈ నటికి కూడా ఓ ప్రశ్న తరచూ ఎదురవుతోంది. పెళ్లైంది, మరి పిల్లల్ని ఎప్పుడు కంటావు? అన్న క్వశ్చన్‌తో నెటిజన్లు ఆమెను ఎటాక్‌ చేస్తున్నారు. తాజాగా ఈ ప్రశ్నకు గౌహర్‌ ఖాన్‌ ఇన్‌స్టాగ్రామ్‌ వీడియో ద్వారా సమాధానమిచ్చింది. ఆ దేవుడు కరుణించినప్పుడు తప్పకుండా తల్లినవుతానని చెప్పుకొచ్చింది. మీ అత్తామామలతో ఎందుకు కలిసుండవు? అన్నదానికి నాకు, నా భర్తకు ఏది మంచి అనిపిస్తే అదే ఫాలో అవుతామని తెలిపింది. పెళ్లయ్యాక కూడా ఎందుకు పని చేస్తున్నావు? అన్న క్వశ్చన్‌కు 20 ఏళ్లుగా పని చేస్తున్నాను. 80 ఏళ్లు వచ్చేదాకా కూడా చేస్తూనే ఉంటా అని బదులిచ్చింది. కాగా మాజీ మోడల్‌ అయిన గౌహర్‌ ఖాన్‌ 'ది ఖాన్‌ సిస్టర్స్‌ షో'లో ప్రముఖంగా కనిపించింది. రాకెట్‌ సింగ్‌, గేమ్‌, ఇషాక్జాడే వంటి చిత్రాలతో పాటు రియా‍ల్టీ టీవీ షోలైన జాహాలక్‌ దిఖ్లా జా3, బిగ్‌బాస్‌7, ఫియర్‌ ఫాక్టర్‌: ఖత్రోస్‌ కే ఖిలాడి5, ఇటీవల బిగ్‌బాస్‌14లో కూడా పాల్గొంది. జైద్‌ దర్బార్‌ విషయానికి వస్తే.. ప్రముఖ సంగీత దర్శకుడు ఇస్మాయిల్ దర్బార్ కుమారుడైన ఈయన వృత్తిరీత్యా కొరియోగ్రాఫర్‌గా పనిచేస్తున్నాడు. View this post on Instagram A post shared by Gauahar Khan (@gauaharkhan)

ముంబై: బాలీవుడ్‌ నటి, మోడల్‌ గౌహర్‌ ఖాన్‌పై బృహన్ ముంబై మున్సిపల్ కార్పొరేషన్ (బీఎంసీ) కేసు నమోదు చేసింది. ఆమెకు కరోనా వైరస్‌ సోకిందని, తమ సిబ్బందితో సహరించకుండా నిబంధనలు ఉల్లంఘిస్తూ చాలా నిర్లక్ష్యంగా ప్రవర్తించిందని బీఎంపీ అధికారులు తెలిపారు. హోం క్వారంటైన్‌ స్టాంప్‌ వేయడానికి ఆమె ఇంటికి బీఎంసీ సిబ్బంది వెళ్లారని ఆ క్రమంలో తన ఇంటి తలుపులు మూసినట్లు పేర్కొన్నారు. దీంతో బీఎంసీ అధికారులు గౌహర్‌ ఖాన్‌పై ఓషివారా పోలీస్ స్టేషన్‌ ఫిర్యాదు చేయగా పోలీసులు ఎఫ్ఐఆర్ నమోదు చేసినట్లు పోలీసులు తెలిపారు. కోవిడ్‌-19 పాజిటివ్‌కు గురైన గౌహర్‌ ఖాన్‌ ఇంట్లో ఉండకుండా బయట తిరిగిందని ఓ వ్యక్తి ఫిర్యాదు కూడా చేసినట్లు బీఎంసీ అధికారి తెలిపారు. ఆమెను తన ఇంటికి తిరిగి రావాలని కోరిగా, వచ్చి కోవిడ్‌ నిర్థారణ పరీక్ష చేయించుకుందని పేర్కొన్నారు. ఆమెకు నెగటివ్‌ వచ్చిందని, కానీ చాలా బాధ్యతారాహిత్యంగా వ్యవరించిందని తెలిపారు. తాము ఆమె ఫోన్‌ చేసినా సరిగా స్పందించలేదన్నారు. బీఎంసీ తన ట్విటర్‌ ఖాతాలో ఆమెపై నమోదు చేసిన ఎఫ్‌ఐఆర్‌ను జత చేసింది. చదవండి: భర్తను ఎత్తుకున్న నటి.. ఫోటో వైరల్‌

హిందీ బిగ్‌బాస్‌ ఏడో సీజన్‌ విన్నర్‌ గౌహర్‌ ఖాన్‌ తండ్రి అస్వస్థతకు లోనయ్యారు. దీంతో అతడిని హుటాహుటిన ఆస్పత్రికి చేర్పించారు. ఈ విషయాన్ని గౌహర్‌ ఖాన్‌ తన ఇన్‌స్టాగ్రామ్‌ స్టోరీస్‌లో వెల్లడించింది. 'నా జీవితం నా పప్పా..' అంటూ అతడి చేయి పట్టుకుని ఉన్న ఫొటోను అభిమానులతో పంచుకుంది. తన తండ్రి వెంటనే కోలుకోవాలని ప్రార్థించండి అని ఫ్యాన్స్‌ను కోరింది. ఇక తండ్రిని చూసుకునేందుకు ఆమె షూటింగ్‌కు బ్రేక్‌ చెప్పినట్లు తెలుస్తోంది. ఈ క్రమంలో రాత్రి రెండు గంటలైనా కంటి మీద కునుకు లేకుండా తండ్రిని అంటిపెట్టుకుని ఉన్నానని ఓ ఫొటోను పంచుకుంది. కాగా ఈ బాలీవుడ్‌ నటి, కొరియోగ్రాఫర్‌ జైద్‌ దర్బార్‌ను డిసెంబర్‌ 25న పెళ్లాడింది. కోవిడ్‌ కారణంగా అత్యంత సన్నిహితుల సమక్షంలో వీరి నిఖా జరిగింది. జైద్‌ కంటే గౌహర్‌ ఎనిమిదేళ్లు పెద్దదైనప్పటికీ వారిది స్వచ్ఛమైన ప్రేమ అని, పెళ్లికి వయసుతో పని లేదంటూ వారి షాదీ దగ్గరుండి జరిపించాడు జైద్‌ తండ్రి, బాలీవుడ్‌ కంపోజర్‌ ఇస్మాయిల్‌ దర్బార్. కాగా మాజీ మోడల్‌ అయిన గౌహర్‌ అనేక టీవీ షోలలో కనిపించింది. హిందీ బిగ్‌బాస్‌ ఏడో సీజన్‌లో పాల్గొని విజేతగా అవతరించిన ఆమె 14వ సీజన్‌లోనూ హౌస్‌లోకి వెళ్లి వచ్చింది. ఇటీవలే ఆమె తాండవ్‌ వెబ్‌ సిరీస్‌లో నటించగా దానికి ప్రేక్షకుల నుంచి మిశ్రమ స్పందన వస్తోంది. అమెజాన్‌ ప్రైమ్‌లో ప్రసారమైన ఈ వెబ్‌ సిరీస్‌లో సైఫ్‌ అలీఖాన్‌ ప్రధాన పాత్రలో నటించాడు. చదవండి:  భర్తను ఎత్తుకున్న నటి.. ఫోటో వైరల్‌ మండుటెండల్లో బాలీవుడ్‌ నటి డెడికేషన్‌, 4 రోజులుగా బిగ్‌బాస్‌ ఐదో సీజన్‌లో శ్రీరెడ్డి!

ఉదయ్‌పూర్‌: బాలీవుడ్‌ నటి గౌహర్‌ ఖాన్‌- కొరియోగ్రాఫర్‌ జైద్‌ దర్బార్‌ ఇటీవలే పెళ్లి చేసుకుని వివాహ బంధానికి ఆరంభం పలికారు. డిసెంబర్‌ 25న షాదీ జరపుకున్న ఈ జంట తాజాగా హనీమూన్‌కు రాజస్తాన్‌లోని ఉదయ్‌పూర్‌ వెళ్లింది. తొలిసారి భర్తతో కలిసి ప్రయాణం చేసినందుకు గౌహర్‌కు గాల్లో తేలినట్లుంది. ఈ విషయాన్ని ఆమె స్వయంగా అభిమానులతో పంచుకుంటూ 'నేను నా భర్తతో కలిసి వెళ్తున్న ఫస్ట్‌ హాలీడే ఇది. చాలా హ్యాపీగా ఉంది' అంటూ వీడియోను షేర్‌ చేశారు. ఇందులో గౌహర్‌ ఎక్కడలేని ఆనందంతో స్టెప్పులేస్తున్నారు. భర్తతో కలిసి ఎంజాయ్‌ చేస్తున్న ఫొటోలను సైతం పోస్ట్‌ చేశారు. కాగా మాజీ మోడల్‌ అయిన గౌహర్‌ అనేక టీవీ షోలలో కనిపించారు. హిందీ బిగ్‌బాస్‌ ఏడో సీజన్‌లో పాల్గొని విజేతగా అవతరించిన ఆమె 14వ సీజన్‌లోనూ హౌస్‌లోకి వెళ్లి వచ్చారు. ఇటీవలే ఆమె తాండవ్‌ వెబ్‌ సిరీస్‌లో నటించగా దానికి ప్రేక్షకుల నుంచి మిశ్రమ స్పందన వస్తోంది. ఈ సిరీస్‌లో బాలీవుడ్‌ హీరో సైఫ్‌ అలీఖాన్‌ ప్రధాన పాత్రలో నటించారు. (చదవండి: ప్రేమ విషయాన్ని అధికారికంగా ప్రకటించిన నటి) ఇక జైద్‌ దర్బార్‌ విషయానికి వస్తే.. ప్రముఖ సంగీత దర్శకుడు ఇస్మాయిల్‌ దర్బార్‌ కుమారుడు అయిన జైద్‌ కొరియోగ్రాఫర్‌గా పని చేస్తున్నాడు. కాగా గౌహర్‌కు, జైద్‌కు ఎనిమిదేళ్ల వ్యత్యాసం ఉంది. కానీ ప్రేమకు వయసుతో పని లేదని, ఇద్దరం పరిణతి చెందినవారమని, ఒకరికొకరం బాగా అర్థం చేసుకోగలమంటూ పెళ్లి చేసుకుని నిరూపించారు. (చదవండి: అలనాటి స్టార్‌ హీరో బ్రేకప్‌ స్టోరీ) View this post on Instagram A post shared by GAUAHAR KHAN (@gauaharkhan) View this post on Instagram A post shared by Zaid Darbar (@zaid_darbar) View this post on Instagram A post shared by GAUAHAR KHAN (@gauaharkhan)

న్యూఢిల్లీ: కొంత కాలంగా సహాజీవనం చేస్తున్న టీవీ స్టార్‌ గౌహర్‌ ఖాన్(37)‌, కొరియోగ్రాఫర్‌ జైద్‌ దర్బార్‌(25)ల జంట డిసెంబర్‌ 25న వివాహం చేసుకోనున్నారు. మంగళవారం ఈ జంట తమ పెళ్లి తేదీని ఇన్‌స్ట్రాగ్రామ్‌ ద్వారా ప్రకటించారు. ప్రస్తుత పరిస్థితులను దృష్టిలో ఉంచుకుని కుటుంబసభ్యులు, సన్నిహితులతో తమ వివాహ వేడుకను జరుపుకోనున్నట్లు తెలిపారు. కాగా గౌహర్‌ ఖాన్‌ కంటే జైద్‌ దర్బార్‌ 12 ఏళ్లు చిన్నవాడు. మీడియాలో వస్తున్న వార్తలపై గౌహర్‌ స్పందిస్తూ..‘మా ఇద్దరి మధ్య 12 సంవత్సరాల వ్యత్యాసం పెద్ద సమస్య కాదు.  దీన్ని వార్త చేయడం చాలా సులభం. కానీ జైద్‌ నాకంటే పరిణితి చెందినవాడు, నన్ను బాగా అర్థం చేసుకుంటాడు. వయస్సు మా బంధానికి అడ్డుకాదు.’ అని ఆమె పేర్కొన్నారు. దీనిపై జైద్‌ స్పందిస్తూ.. మేమిద్దరం పరిణతి చెందనవారమే భావిస్తున్నాను. ఒకరికొకరం బాగా అర్థం చేసుకోగలమన్నారు.(చదవండి: సహజీవనం చేయాల్సిందే) కాగా మాజీ మోడల్‌ అయిన గౌహర్‌ ఖాన్‌ ది ఖాన్‌ సిస్టర్స్‌ షోలో ప్రముఖంగా కనిపించింది. రాకెట్‌ సింగ్‌, గేమ్‌, ఇషాక్జాడే వంటి చిత్రాలతో పాటు రియా‍ల్టీ టీవీ షోలైన జాహాలక్‌ దిఖ్లా జా3, బిగ్‌బాస్‌7, ఫియర్‌ ఫాక్టర్‌: ఖత్రోస్‌ కే ఖిలాడి5, ఇటీవల బిగ్‌బాస్‌14 లో కూడా నటించారు. ఇక జైద్‌ దర్బార్‌ విషయానికి వస్తే .. ప్రముఖ సంగీత దర్శకుడు ఇస్మాయిల్ దర్బార్ కుమారుడైన ఈయన వృత్తిరీత్యా కొరియోగ్రాఫర్‌గా పనిచేస్తున్నాడు.

మోడల్‌‌, నటి గౌహర్‌ ఖాన్‌ ఎట్టకేలకు తన ప్రేమ విషయాన్ని అధికారికంగా ప్రకటించారు. కొన్ని నెలల నుంచి ఈ భామ ప్రేమలో ఉన్నట్లు ప్రచారం కొనసాగుతున్న విషయం తెలిసిందే. తాజాగా ఈ వార్తలకు ఫుల్‌స్టాప్‌ పెట్టారు. సోషల్‌ మీడియా స్టార్‌ జైద్‌ దర్బార్‌తో రిలేషన్‌షిప్‌లోఉన్నట్లు వెల్లడించారు. అంతేగాక దర్బార్‌తో నిశ్చితార్థం చేసుకున్నట్లు ఇన్‌స్టాగ్రామ్‌లో పోస్టు చేశారు. దీనికి ఉంగరం, హార్ట్‌ సింబల్‌ను జత చేశారు. ఇదే ఫోటోను జైద్‌ కూడా తన ఇన్‌స్టాగ్రామ్‌లో షేర్‌ చేశారు. ఈ ఫోటోలో బెలూన్లతో ఏర్పాటు చేసిన లొకేషన్‌లో గౌహర్‌, జైద్‌ ఒకరినొకరు ప్రేమగా చూసుకుంటూ ఉన్నారు. దీంతో పెళ్లి పీటలెక్కనన్న గౌహర్‌ ఖాన్‌, జైద్‌ దర్బార్‌ జంటకు అభిమానులు, సెలబ్రిటీల నుంచి శుభాకాంక్షలు వెల్లువెత్తుతున్నాయి. ఈ క్రమంలో గల నెలలో పెళ్లి చేసుకున్న నేహా కక్కర్‌ స్పందిస్తూ తమను ఇలా చూడటం ఆనందంగా ఉందని, ఇరువురికి శుభాకాంక్షలు తెలిపారు. చదవండి: బిగ్‌బాస్‌ కంటెస్టెంట్‌ రెండో వివాహం కాగా వీరు డిసెంబర్ 25న ముంబైలో వివాహం చేసుకోబోతున్నారు. వివాహ వేడుకలు డిసెంబర్ 22 నుండి ప్రారంభం కానున్నట్లు సమాచారం. కోవిడ్‌ కారణంగా కేవలం కుటుంబ సభ్యులు, అత్యంత సన్నిహితులను మాత్రమే పెళ్లికి ఆహ్వనించానున్నారు. ఇదిలా ఉండగా గౌహర్‌ ఖాన్‌ హిందీ బిగ్‌బాస్‌ సీజన్‌ 7లో పాల్గొని విజేతగా నిలిచారు. ప్రస్తుతం గౌహర్ ఖాన్‌కు 37 సంవత్సరాలు కాగా జైద్ దర్బార్‌కు 29. వీరిద్దరికి వయసులో ఎనిమిది సంవత్సరాల తేడా ఉంది. కానీ జీవితంలోకి సరైన వ్యక్తి వచ్చినప్పుడు వయసుతో సంబంధం లేదని ఈ జంట పేర్కొన్నారు. చదవండి: ‘నాగిని’ ఎంగేజ్‌మెంట్‌ అయ్యిందా? View this post on Instagram 💍♥️ @zaid_darbar A post shared by GAUAHAR KHAN (@gauaharkhan) on Nov 4, 2020 at 9:38pm PST

ముంబయి: తొలిసారిగా నిర్వహించిన తెలుగు రియాల్టీ షో బిగ్ బాస్ సజావుగా సాగింది. దాదాపు అదే సమయంలో ప్రారంభమైన తమిళ బిగ్‌బాస్‌ షోతో పాటు ప్రస్తుతం సల్మాన్‌ఖాన్ వ్యాఖ్యాతగా వ్యవహరిస్తున్న హిందీ బిగ్‌బాస్‌ సీజన్‌ 11 వివాదాలకు కేంద్ర బిందువులుగా మారాయి. ‘నీకు గట్స్‌ ఉంటే ఇంకోసారి బిగ్‌బాస్‌ షో కంటెస్టెంట్ల పేర్లను ట్యాగ్ చేస్తూ కామెంట్ చెయ్.. నీ సంగతి చూస్తానంటూ’  బిగ్‌బాస్‌ సీజన్ 7 విజేత, మోడల్ గౌహర్‌ ఖాన్‌కు బిగ్‌బాస్ మాజీ కంటెస్టెంట్, నటుడు రోహన్ మెహ్రా వార్నింగ్ ఇచ్చాడు. అసలు వివాదం ఏంటంటే.. ప్రస్తుత సీజన్లోని కంటెస్టెంట్లలో హీనా ఖాన్‌, ఆకాశ్ డాడ్లానీలున్నారు. ఇటీవల శిల్పా షిండేకు మద్ధతు తెలిపిన గౌహర్‌ ఖాన్‌.. మరో కంటెస్టెంట్ ఆకాశ్‌ను ప్రశంసిస్తూ శుక్రవారం ఎపిసోడ్ తర్వాత ట్వీట్ చేశారు. ‘ఏ-కాశ్, ఆకాశ్ నువ్వు నిజం, నిజాయితీగా ఉన్నావు. నువ్వెవరో కూడా నాకు తెలియదు కానీ బిగ్‌బాస్‌ హౌజ్‌లో చాలాకాలం ఉంటావంటూ’ గౌహర్‌ ఖాన్ ట్వీట్ చేయగా.. బిగ్‌బాస్‌ మాజీ కంటెస్టంట్‌ దానిపై స్పందించాడు. ఆకాశ్‌ డడ్లానీ ఓవర్‌ కాన్ఫిడెంట్‌ అని హీనాఖాన్‌ అన్నందుకే ట్వీట్ చేశావంటూ గౌహర్‌పై మండిపడ్డాడు రోహన్‌. ఈ క్రమంలో ‘ఆకాశ్‌కు మద్ధతు తెలిపిన గౌహర్‌ ఖాన్.. నీకు గట్స్ ఉంటే మరోసారి ట్వీట్ చేసినప్పుడు హీనాఖాన్‌ పేరును ట్యాగ్ చెయ్ ఏం జరుగుతుందో చూద్దామంటూ’ ట్వీట్ లో వార్నింగ్‌ ఇచ్చాడు రోహన్‌ మెహ్రా. ఆ ట్వీట్‌పై స్పందించిన గౌహర్‌ వరుస ట్వీట్లు చేస్తూ రోహన్‌కు కౌంటర్ ఇచ్చారు.  మరోసారి తన ట్వీట్లలో ఎవరి పేరునైనా ట్యాగ్ చేస్తానని, తనతో పాటు అభిమానులకు ట్వీట్లు చేయాలని సూచిస్తానని ట్వీట్ చేశారు. ఇందుకోసం నీ పిర్మిషన్ నాకు అక్కర్లేదు. ఇతరులను అసహ్యించుకోవడం ఆపేయాలి. ఇలాంటి ఆలోచనలకు స్వస్తి చెప్పాలంటూ’  రోహన్‌ మెహ్రాకు కౌంటర్ ఇస్తూ వరుస ట్వీట్లు చేశారు గౌహర్‌. ఇటీవల బిగ్‌బాస్‌ 11 నుంచి ఎలిమినేట్‌ అయిన జుబైర్‌ ఖాన్‌.. ఆ షో హోస్ట్‌ సల్మాన్‌ ఖాన్‌పై పోలీసులకు ఫిర్యాదు చేయడం దుమారాం రేపింది. థానెలోని అంటాప్‌ హిల్‌ పోలీసు స్టేషన్‌లో ఆయన సల్మాన్‌పై ఫిర్యాదు చేసిన సంగతి తెలిసిందే. షో సందర్భంగా సల్మాన్‌ తనను హెచ్చరించడాని జుబైర్‌ తన ఫిర్యాదులో ఆరోపించాడు. అతని ఫిర్యాదు కాపీ సోషల్‌ మీడియాలో హల్‌చల్‌ చేసింది.


 కోల్‌కతా: దేశం వెనక్కు వెళుతోందని నటి, మోడల్‌ గౌహర్‌ ఖాన్‌ ఆందోళన వ్యక్తం చేశారు. దేశంలో నానాటికీ అసహనం విపరీతంగా పెరిగిపోతుందన్నారు. ‘ముందుకెళుతున్నాం అనే పేరిట భారతదేశం మరింత వెనక్కు వెళుతుండటాన్ని చూసి నేను ఎంతో ఆశ్చర్యపోతున్నాను. దేశంలో విపరీతంగా అసహనం ఉంది. రాజకీయాల్లో ఉన్న వ్యక్తులు తప్పకుండా శాంతంగా ఉండాలి’  అని ఆమె చెప్పారు.
 
 మహిళలపై జరుగుతున్న నేరాలను నిలువరించేందుకు కఠినమైన చట్టాలు రావాల్సిన అవసరం ఉందని సూచించారు. ‘ప్రభుత్వం కఠినమైన చట్టాలు చేయలేకుంటే మహిళలపై నేరాలు ఆగవు. 70 ఏళ్లలో చాలా మార్పులొచ్చాయి. ఇప్పుడు మహిళలు మాట్లాడగలుగుతున్నారు. నేను నా గురించి మాట్లాడగలిగితే నాకు ఏం కావాలో అది ఎంపిక చేసుకుంటాను. ఈ విషయంలో కొంతమంది ఆలోచన విధానం మారితే బాగుంటుంది’ అని ఆమె చెప్పుకొచ్చింది.


 
 సంచలన పాత్రలు పోషించడంలో ఎప్పుడూ ముందుంటుంది విద్యాబాలన్‌. 'డర్టీ పిక్చర్‌', 'కహానీ' వంటి సినిమాల్లో అద్భుతమైన నటనతో శెభాష్‌ అనిపించుకుంది ఆమె. తాజాగా మరో బోల్డ్‌ క్యారెక్టర్‌తో ప్రేక్షకుల ముందుకు వచ్చేందుకు సిద్ధమవుతోంది. తన తాజా చిత్రం 'బేగం జాన్‌'లో ఆమె వ్యభిచార గృహ (బ్రోతల్‌) నిర్వాహకురాలి పాత్ర పోషిస్తున్నది. ఈ సినిమా ఫస్ట్‌ లుక్‌ను తాజాగా విడుదల చేశారు. ఇందులో బ్రోతల్‌ నిర్వాహకురాలి పాత్రలో లీనమైపోయిన ఆమె ఆహార్యం అదుర్స్‌ అనిపిస్తున్నది. సినిమాపై అంచనాలు పెంచుతున్నది.
 
 బెంగాలీ దర్శకుడు శ్రీజిత్‌ ముఖర్జీ బాలీవుడ్‌లో ఎంట్రీ ఇస్తూ తెరకెక్కిస్తున్న సినిమా ఇది. బెంగాలీలో 'రాజ్‌కహిని' పేరిట శ్రీజిత్‌ రూపొందించిన ఈ సినిమాకు విమర్శకుల నుంచి ప్రశంసలు అందాయి. దేశ విభజన సమయంలో భారత్‌-పాకిస్థాన్‌ సరిహద్దు రేఖ వద్ద ఉన్న బ్రోతల్‌ హౌస్‌ను నిర్వహించే పాత్రలో విద్య కనిపించనుంది. ఈ సినిమాలో గౌహార్‌ఖాన్‌, పల్లవీ శార్దా వంటి ప్రముఖ తారాగణం నటిస్తోంది.


 మెగాస్టార్ చిరంజీవి 149వ సినిమా 'శంకర్ దాదా జిందాబాద్' చూశారా? 2007లో విడుదలైన ఆ సినిమాలో 'నా పేరే కాంచనమాల.. నా వయసే గరం మసాలా..' అంటూ ఐటం సాంగ్ లో నర్తించిన గౌహర్ ఖాన్ గుర్తుందా? యశ్ రాజ్ బ్యానర్ లో రణ్ బీర్ కపూర్ హీరోగా నటించిన 'రాకెట్ సింగ్' సినిమాతో వెండితెరకు పరిచయం అయిన ఈ మరాఠీ భామకు 'చిరు సాంగ్' తర్వాత అడపాదడపా అవకాశాలు వచ్చినా అంతగా రాణించలేకపోయింది. బ్రేక్ కోసం ఎదురు చూస్తోన్న ఆమెకు ఇటీవలే 'బేగం జాన్'లో అవకాశంతో బంపర్ ఆఫర్ తగిలింది.
 
 దేశ విభజన సమయంలో కొందరు బెంగాలీ వేశ్యల జీవితం ఇతివృత్తాంతంగా రూపొందుతోన్న 'బేగం జాన్'లో విద్యాబాలన్ లీడ్ రోల్ చేస్తోండగా, మరో వేశ్యగా గౌహర్ ఖాన్ నటిస్తోంది. జూన్ లో షూటింగ్ ప్రారంభమైన ఈ సినిమాలో ఆమెది డీ గ్లామరస్ రోల్. మేకప్ లేనిదే బయటికి అడుగుపెట్టని తాను.. వేశ్య పాత్ర కోసం ఎన్ని పాట్లు పడుతోంది చెప్పుకొచ్చింది గౌహర్. 'బేగం జాన్'లో నా క్యారెక్టర్ సహజంగా కనిపించాలి. దర్శకుడు శ్రీజిత్ ముఖర్జీ సూచన మేరకు మేకప్ వేసుకోవడం పూర్తిగా మానేసిందట. గ్లామర్ ఫీల్డ్ లో ఉన్న తాను ఇలాంటి(మేకప్ వేసుకోకుండా ఉండే) రోజులు వస్తాయని ఊహించలేదని గౌహర్ ఖాన్ చెప్పింది. 'బేగం జాన్' బెంగాలీ సినిమా 'రాజ్ కహిని'కి రీమేక్. (చదవండి: నటిపై చేయి చేసుకున్న యువకుడు)