బాలీవుడ్‌ నటి, బిగ్‌బాస్‌ బ్యూటీ గౌహర్‌ ఖాన్‌ పండంటి మగబిడ్డకు జన్మనిచ్చింది. తాజాగా ఈ విషయాన్ని ఆమె ఇన్‌స్టాలో షేర్ చేసింది. ఈ విషయం తెలుసుకున్న పలువురు బాలీవుడ్ ప్రముఖులు శుభాకాంక్షలు చెబుతున్నారు.  (ఇది చదవండి: బీస్ట్‌ మోడ్‌లో హీరో సూర్య.. వైరల్‌ అవుతున్న లేటెస్ట్‌ ఫోటో) కాగా.. గతేడాది డిసెంబర్‌లో తల్లి కాబోతోన్నట్లు ప్రకటించింది బాలీవుడ్ భామ. ఇటీవలే సీమంతానికి సంబంధించిన ఫోటోలను కూడా గౌహర్‌ సోషల్‌ మీడియాలో పోస్ట్‌ చేసింది. గౌహర్‌ ఖాన్‌ రాకెట్‌ సింగ్‌: సేల్స్‌మెన్‌ ఆఫ్‌ ద ఇయర్‌ అనే సినిమాతో నటిగా కెరీర్‌ ఆరంభించింది. అంతే కాకుండా గేమ్‌, 14 ఫెరే వంటి పలు చిత్రాల్లో నటించింది. ఝలక్‌ దిఖ్‌ లాజా 3, బిగ్‌బాస్‌ 7, ఫియర్‌ ఫ్యాక్టర్‌: ఖత్రోన్‌ కే ఖిలాడీ 5 వంటి రియాలిటీ షోలలనూ పాల్గొంది. తాండవ్‌, సాల్ట్‌ సిటీ, శిక్షా మండల్‌ వెబ్‌ సిరీస్‌లలో నటించింది. ఇటీవలే నెట్‌ప్లిక్స్‌లో ప్రసారమైన ఇన్‌ రియల్‌ లవ్‌  షోలో రణ్‌విజయ్‌ సింగ్‌తో కలిసి వ్యాఖ్యాతగా వ్యవహరించింది. ప్రముఖ గాయకుడు, కంపోజర్‌ ఇస్మాయిల్‌ దర్బార్‌ కుమారుడైన జైద్‌ దర్బార్‌ను 2020 డిసెంబర్‌లో పెళ్లాడింది.‌  (ఇది చదవండి: ఓ ఆర్టిస్ట్‌గా మాత్రమే చూడండి.. కామంతో కాదు.. బిగ్ బాస్‌ బ్యూటీ!) View this post on Instagram A post shared by Gauahar Khan (@gauaharkhan)

బిగ్ బాస్ నటి, విన్నర్ గౌహర్ ఖాన్ ఇటీవలే గర్భం ధరించిన సంగతి తెలిసిందే. గత నెలలోనే తన భర్త జైద్ దర్బార్ తో కలిసి ఈ విషయాన్ని సోషల్ మీడియాలో పంచుకున్నారు. ఆ సమయంలో ఓ వీడియోను విడుదల చేసిన నటి తాజాగా బేబీ బంప్ తో ఉన్న ఫోటోను షేర్ చేసింది. గోవాలోని ఓ రిసార్ట్ లో దిగిన ఫోటోను అభిమానులతో పంచుకుంది బాలీవుడ్ భామ.  గత నెలలో గౌహర్, భర్త జైద్ దర్బార్ సోషల్ మీడియాలో గర్భం దాల్చినట్లు ప్రకటించారు. వీరు డిసెంబర్ 2020లో ఘనంగా వివాహం చేసుకున్నారు. జైద్ ప్రముఖ సంగీత స్వరకర్త ఇస్మాయిల్ దర్బార్ కుమారుడు జైద్ దర్బార్. ఇటీవల బిగ్ బాస్ బ్యూటీ గౌహర్ మాట్లాడుతూ.. "జైద్, నేను ఉత్సాహంగా ఉన్నాం. నేను కొన్ని విషయాలను సాధ్యమైనంత తక్కువగా చెప్పాలనుకుంటున్నా. ఇది మా ఇద్దరికీ పూర్తిగా కొత్త ప్రయాణం. నేను ఎలా ఫీల్ అవుతున్నానో మాటల్లో చెప్పలేను. ఈ సందర్భంలో మేమిద్దరం చాలా సంతోషంగా ఉన్నాం.' అని అన్నారు.  కాగా.. గౌహర్ ఖాన్ రాకెట్ సింగ్:సేల్స్‌మ్యాన్ ఆఫ్ ది ఇయర్, ఇష్క్ ‌జాదే, బేగం జాన్, పొలిటికల్ వెబ్ సిరీస్ తాండవ్ తో పాటు అనేక చిత్రాలలో నటించారు. ఆమె బిగ్ బాస్ సీజన్- 7 టైటిల్‌ను సొంతం చేసుకుంది. తాజాగా ఆమె శిక్షా మండల్ అనే వెబ్ సిరీస్ లో కీలక పాత్రలో కనిపించింది. జూన్ 2022లో విడుదలైన సాల్ట్ సిటీలో కూడా ఆమె కనిపించింది. View this post on Instagram A post shared by Gauahar Khan (@gauaharkhan)

ముంబై: బాలీవుడ్‌ నటి, మోడల్‌ గౌహర్‌ ఖాన్‌ ఇంట తీవ్ర విషాదం నెలకొంది. ఆమె తండ్రి జాఫర్‌ అహ్మద్‌ శుక్రవారం తుదిశ్వాస విడిచారు. గత కొద్ది రోజులుగా అనారోగ్యంతో బాధపడుతున్న ఆయన ముంబైలోని ఆస్పత్రిలో చికిత్స తీసుకుంటున్నారు. ఈ క్రమంలో తీవ్ర అస్వస్థతకు లోనై మరణించారు. కోలుకొని తిరిగొస్తాడనుకున్న తండ్రి తిరిగి రాని లోకాలకు వెళ్లిపోవడంతో గౌహర్‌ ఖాన్‌ దుఃఖ సాగరంలో మునిగిపోయింది. ఈ మేరకు ఇన్‌స్టాగ్రామ్‌లో భావోద్వేగ లేఖను పంచుకుంది. View this post on Instagram A post shared by GAUAHAR KHAN (@gauaharkhan) నువ్వు నా హీరో. నీలా ఎవరూ ఉండలేరు. మా నాన్న చనిపోయారు. ఆయన ఒక ఒక దేవదూతగా వెళ్లిపోయారు. ఐ లవ్‌ యూ సోమచ్‌ పప్పా.. మీరు నాలోనే ఉన్నారు.మై ఫరెవర్‌ షైనింగ్‌ స్టార్‌ అంటూ తండ్రి ఫొటోను షేర్‌ చేసింది. తన పెళ్లిలో తండ్రి ఆప్యాయంగా ముద్దు పెడుతున్న ఫొటోను సైతం ఇటీవలే పోస్ట్‌ చేసింది. కాగా ఈ బాలీవుడ్‌ నటి, కొరియోగ్రాఫర్‌ జైద్‌ దర్బార్‌ను డిసెంబర్‌ 25న పెళ్లాడింది.  చదవండి: ఉదయ్‌పూర్‌లో తాండవ్‌ నటి హనీమూన్‌ రోడ్డు ఏమైనా నీ సొంతమా.. మలైకపై ట్రోలింగ్‌

బాలీవుడ్‌ నటి, హిందీ బిగ్‌బాస్‌ కంటెస్టెంట్‌ గౌహర్‌ ఖాన్‌, కొరియెగ్రాఫర్‌ జైద్‌ దర్బార్‌ను పెళ్లి చేసుకున్న సంగతి తెలిసిందే. డిసెంబరు 25న అత్యంత సన్నిహితుల సమక్షంలో వీరి నిఖా జరిగింది. ఇక వివాహం అయిన నాటి నుంచి పెళ్లి ఫోటోలు సోషల్‌ మీడియాలో షేర్‌ చేస్తూ.. అభిమానులను ఖుషి చేస్తున్నారు గౌహర్‌ జంట. ఇక తాజాగా నేడు ఇన్‌స్టాగ్రామ్‌లో షేర్‌ చేసిన ఫోటోలు తెగ వైరలవుతున్నాయి. ‘ఇంతవరకు ఇలాంటి ఫీట్‌ ఎవ్వరు చేయలేదు మేడం.. మీరు సూపర్బ్’‌ అంటూ కామెంట్‌ చేస్తున్నారు నెటిజనులు. ఇంతకు ఆ ఫీట్‌ ఏంటో తెలియాలంటే ఇది చదవండి. సాధారణంగా సినిమాల్లో, రియల్‌గా కూడా అబ్బాయి.. అమ్మాయిని చేతలతో ఎత్తుకుంటాడు. ఫోటోలకు ఫోజులు ఇస్తాడు. (చదవండి: ‘మా లవ్‌స్టోరీని గుండెలపై లిఖించుకుంటున్నాం’) ఇక సినిమాలో అప్పుడప్పుడు హీరోయిన్‌, హీరోను ఎత్తుకునే సన్నివేశాలు వచ్చినా.. అవి గ్రాఫిక్స్‌ తప్ప రియల్‌ కాదనే విషయం అందరికి తెలిసిందే. ఈ నేపథ్యంలో గౌహర్‌ ఓ సాహసోపేతమైన ఫీట్‌ చేశారు. భర్తను చేతుల్లోకి ఎత్తుకుని ఫోటోలకు ఫోజిచ్చారు. పోస్ట్‌ వెడ్డింగ్‌ ఫోటో షూట్‌లో భాగంగా గౌహర్‌ తన భర్త జైద్‌ను ఎత్తుకున్నారు. మంచి-చెడు, బలం-బలహీనం అనే క్యాప్షన్‌తో షేర్‌ చేసిన ఈ ఫోటోలు ప్రస్తుతం తెగ వైరలవుతున్నాయి. ఇక ప్రస్తుతం గౌహర్‌, తాండవ్‌ సినిమాతో బిజీగా ఉన్నారు. View this post on Instagram A post shared by GAUAHAR KHAN (@gauaharkhan)

ముంబై: బాలీవుడ్‌ నటి, హిందీ బిగ్‌బాస్‌ కంటెస్టెంట్‌ గౌహర్‌ ఖాన్‌, కొరియెగ్రాఫర్‌ జైద్‌ దర్బార్‌ను పెళ్లి చేసుకున్న సంగతి తెలిసిందే. డిసెంబరు 25న అత్యంత సన్నిహితుల సమక్షంలో వీరి నిఖా జరిగింది. ఇక వివాహ అనంతరం కొత్త పెళ్లికూతురు గౌహర్‌ ఆదివారం విమానంలో లక్నోకు పయనమయ్యారు. ఈ క్రమంలో అదే విమానంలో  ప్రయాణిస్తున్న ఆమె మాజీ ప్రియుడు, నటుడు కుశాల్‌ టాండన్‌.. ‘‘నేనేమీ తనను వెంటాడం లేదు’’ అంటూ ఓ సరదా వీడియోను షేర్‌ చేశాడు. ‘‘ఓకే గయ్స్‌.. ఈ విచిత్రాన్ని చూడండి! నా గమ్యస్థానాన్ని చేరుకునే ప్రయాణంలో నా పాత మిత్రురాలిని కలుసుకున్నాను. ఇటీవలే తన పెళ్లి జరిగింది. ప్రస్తుతం తను నా పక్కనే కూర్చుంది. మేం అనుకోకుండా కలిశాం. నేనేమీ తన వెంటపడటం లేదు. తను చాలా అందంగా కనిపిస్తోంది కదా. ఆమె గౌహర్‌ ఖాన్‌. నేను నీకు నేరుగా శుభాకాంక్షలు తెలపాలని విధిరాతలో ఉందేమో’’ అంటూ సరదాగా వ్యాఖ్యానించాడు. ఇక గౌహర్‌ సైతం కుశాల్‌ వ్యాఖ్యలకు బదులుగా నవ్వుతూ అతడితో ఫొటోలకు ఫోజులిచ్చారు. కాగా వీరిద్దరు బిగ్‌బాస్‌ సీజన్‌ 7లో పాల్గొన్నారు. ఆ సమయంలోనే వీరి మధ్య ప్రేమ చిగురించింది. అలా కొన్నాళ్లపాటు డేటింగ్‌ చేసిన ఈ జంట ఖత్రోంకి ఖిలాడి 5తో పాటు జరూరీ థా మ్యూజిక్‌ వీడియోలో కలిసి కనిపించారు. అయితే ఏడాదికాలంలోనే విభేదాలు తలెత్తడంతో బ్రేకప్‌ చెప్పుకొన్నారు. ఇక ప్రస్తుతం గౌహర్‌, తాండవ్‌ సినిమాతో బిజీగా ఉండగా, కుశాల్‌ నటించిన అన్‌లాక్‌, బెబాకే వంటి వెబ్‌ సిరీస్‌లు ఈ ఏడాది విడుదలయ్యాయి. (చదవండి: మా ప్రేమకథ చిరస్థాయిగా నిలిచిపోయేలా..) కుశాల్‌ టాండన్‌- గౌహర్‌ ఖాన్‌ View this post on Instagram A post shared by CelebMantra (@celebmantraofficial)

ముంబై: ‘‘మా కుటుంబ సభ్యులు, స్నేహితులు.. అన్నింటికీ మించి ఆ అల్లాహ్‌ ఆశీర్వాదంతో.. మా ప్రేమ కథను ఇరువురి గుండెలపై చిరస్థాయిగా నిలిచిపోయేలా లిఖించుకుంటున్నాం’’ అంటూ తమ మధుర క్షణాలకు సంబంధించిన విశేషాలను నటి గౌహర్‌ ఖాన్‌(37) అభిమానులతో పంచుకున్నారు. ప్రీ వెడ్డింగ్‌ వేడుకల్లో మెరిసిపోతున్న ఫొటోలను సోషల్‌ మీడియాలో షేర్‌ చేశారు. కాగా టీవీ స్టార్‌ గౌహర్‌, కొరియోగ్రాఫర్‌ జైద్‌ దర్బార్‌(25) శుక్రవారం వివాహ బంధంతో ఒక్కటి కానున్నారు. కరోనా వ్యాప్తి నేపథ్యంలో ఇరు కుటుంబాల సన్నిహితుల మధ్య వీరి పెళ్లి జరుగనుంది. ఈ మేరకు ఇరువురు తమ సోషల్‌ మీడియా అకౌంట్ల ద్వారా వెల్లడించారు. (చదవండి: తనే నా గర్ల్‌ ఫ్రెండ్‌, త్వరలోనే పెళ్లి : హీరో)   కాగా మోడల్‌గా కెరీర్‌ ఆరంభించిన గౌహర్‌ ఖాన్‌ ది ఖాన్‌ సిస్టర్స్‌ షోతో గుర్తింపు దక్కించుకున్నారు. రాకెట్‌ సింగ్‌, గేమ్‌, ఇష్క్‌జాదే వంటి సినిమాల్లో నటించారు. అంతేగాక హిందీ బిగ్‌బాస్‌ 7లో పాల్గొన్న ఆమె.. ది ఆఫీస్‌, ఝలక్‌ దిఖల్‌ ఆజా వంటి రియాలిటీ షోల్లో కూడా మెరిశారు. ఇక జైద్‌ దర్బార్‌ ప్రముఖ బాలీవుడ్‌ కంపోజర్‌ ఇస్మాయిల్ దర్బార్ కుమారుడన్న సంగతి తెలిసిందే. అతడు కొరియోగ్రాఫర్‌గా పనిచేస్తున్నాడు.

ముంబై: తన పెళ్లి గురించి వస్తున్న వార్తలన్నీ వట్టి పుకార్లేనని కొట్టిపారేశారు బాలీవుడ్‌ నటి గౌహర్‌ ఖాన్‌. ఏదైనా విశేషం ఉంటే తానే స్వయంగా వెల్లడిస్తానని, వదంతులు నమ్మవద్దంటూ అభిమానులకు విజ్ఞప్తి చేశారు. కాగా బాలీవుడ్‌ కంపోజర్‌ ఇస్మాయిల్‌ దర్బార్‌ కుమారుడు, కొరియోగ్రాఫర్‌ జైద్‌ దర్బార్‌ను గౌహర్‌ వివాహమాడనున్నారంటూ గత కొన్నిరోజులుగా బీ-టౌన్‌లో టాక్‌ వినిపిస్తోంది. ఈ ఏడాది నవంబరులో వీరిద్దరు పెళ్లి బంధంతో ఒక్కటి కానున్నారనే వార్తలు ప్రచారమవుతున్నాయి. ఇటీవల సోషల్‌ మీడియాలో వీరిద్దరు పోస్ట్‌ చేసిన ఓ డాన్సింగ్‌ వీడియోలు, ఫొటోల ఆధారంగా గాసిప్‌ రాయుళ్లు కథనాలు అల్లేస్తున్నారు.(చదవండి: ‘నాతో మాట్లాడటానికే భయపడింది.. కానీ’)  ఇక ప్రస్తుతం బిగ్‌బాస్‌ హౌజ్‌లో ఉన్న గౌహర్‌ ఖాన్‌, అక్కడికి వెళ్లడానికి ముందు ఓ జాతీయ మీడియాతో మాట్లాడుతూ జైద్‌తో తన పెళ్లి అంటూ వస్తున్న వార్తలన్నీ అసత్యాలని స్పష్టం చేశారు. ఈ విషయం గురించి జైద్‌ తండ్రి ఇస్మాయిల్‌ దర్బార్‌ తాజాగా స్పందించారు. జైద్‌, గౌహర్‌ ప్రేమలో ఉన్నారని, అయితే వారు ఇప్పుడే పెళ్లికి సిద్ధంగా ఉన్నారా లేదా అన్న విషయం గురించి తమకు తెలియదన్నాడు. ‘‘గౌహర్‌ అంటే తనకు అభిమానమని, ఆమె కూడా తనంటే ఇష్టపడుతుందని జైద్‌ నాకు చెప్పాడు. వారి బంధం పట్ల మాకు ఎలాంటి అభ్యంతరాలు లేవు. నిజానికి గౌహర్‌ అంటే నాకూ, నా భర్య అయేషాకు ఎంతో ఇష్టం. (చదవండి: ఈ ఏడాది చివర్లో శ్వేతతో నా పెళ్లి: నటుడు అయితే గౌహర్‌, జైద్‌ కంటే సుమారు ఐదేళ్లు పెద్దది. అంతకంటే ఎక్కువే కావొచ్చు కూడా. ఓ తండ్రిగా ఈ విషయం గురించి నా కొడుకు వద్ద ప్రస్తావించాను. నీది నిజమైన ప్రేమ అయితే వయసు అడ్డంకి కాదని, అయితే పెళ్లి చేసుకోవడానికి ముందే బాగా ఆలోచించి నిర్ణయం తీసుకోవాలని చెప్పాను. జైద్‌ ఇలాంటి పట్టించుకోనని చెప్పాడు. తనకు ఎలాంటి పట్టింపు లేదని చెప్పాడు. అప్పటి నుంచి గౌహర్‌ మాతో మరింత ఆప్యాయంగా మెలుగుతోంది. వాళ్ల జంట బాగుంటుంది. గౌహర్‌ నా కుమారుడి పట్ల చూపించే అనురాగం, ఆప్యాయతలు తను చూపే శ్రద్ధ మమ్మల్ని కట్టిపడేశాయి’’అని చెప్పుకొచ్చాడు.(వయస్సులో చిన్నవాళ్లను పెళ్లాడిన సెలబ్రిటీలు)


 ముంబై: సెలిబ్రెటీలు ఎక్కడకు వెళ్లినా అభిమానులు పోటెత్తడం.. ఆ క్రమంలోనే అభిమానులపై నటీ నటులు చేయి చేసుకోవడం తరుచు జరుగుతూ ఉంటుంది. అయితే ఇక్కడ మాత్రం పరిస్థితి భిన్నం. ఒక టీవీ షోకు హాజరైన ఓ యువకుడు బాలీవుడ్ నటి గౌహర్ ఖాన్ ను చెంపపై కొట్టిన ఘటన కలకలం సృష్టించింది. ఆదివారం రాత్రి ఓ టీవీ షోకు హాజరైన గౌహర్ ఖాన్ షూటింగ్ లో ఉన్న సమయంలో అకిల్ మాలిక్(24) అమాంతం స్టేజ్ పైకి వెళ్లాడు. అంతటితో ఆగకుండా ఆమెను తాకేందుకు యత్నించాడు. ఆ క్రమంలోనే అతను ఆమెపై చేయి చేసుకున్నాడు. అసలు ఈ షోకు కురచ దుస్తుల్లో ఎందుకొచ్చావంటూ ఆమెను ప్రశ్నించాడు.   దీంతో అప్రమత్తమైన అక్కడి సిబ్బంది అతన్ని అక్కడి నుంచి తీసుకొచ్చి పోలీసులకు అప్పజెప్పారు.
 
 దీనిపై కేసు నమోదు చేసుకున్న పోలీసులు లైంగిక వేధింపుల చట్టం కింద కేసు నమోదు చేసే పనిలో ఉన్నారు.  గత మూడు -నాలుగు రోజుల నుంచి ఆడియన్స్ లో సభ్యుడిగా ఉన్న మాలిక్ ఆ షోలో నటిపట్ల ప్రవర్తించాడని ఓ పోలీస్ అధికారి తెలిపాడు. అతను హీరోయిన్ పట్ల అసభ్యంగా ప్రవర్తించిన సమయంలో మద్యం సేవించి ఉన్నాడా?అనే దానిపై ఇంకా స్పష్టత రాలేదని, అందుకోసం అతన్ని వైద్య పరీక్షలకు పంపినట్లు పోలీసులు తెలిపారు.


 ముంబై: బిగ్‌బాస్ రియాలిటీ షో విజేతగా నిలిచిన నటి గౌహార్ ఖాన్ తాను తన చివరి ప్రత్యర్థిని ఓడిస్తానని అనుకోలేకపోయానని చెప్పింది. ‘పోటీలో నేను గెలుస్తాననే ధీమాతో ఉన్నాను. నలుగురు ఫైనలిస్టులు బరి నుంచి వెళ్లిపోయాక తనిషా ముఖర్జీ, నేనే మిగిలాం. నేను తనీషాపై గెలవలేనని అనుకున్నాను. తనీషా అమ్మ తనూజాజీని చూడగానే విజయం తనూషాదేనని అనుకున్నాను. అయితే నేనే విజేతనని ప్రకటించగానే షాక్‌తో నమ్మలేకపోయాను’ అని పేర్కొంది.
  
 శనివారం ముగిసిన బిగ్‌బాగ్ టీవీ రియాలిటీ షో-7లో గౌహార్ ఖాన్ విజేతగా నిలిచింది. ఈ షోలో పోటీదారులను 104 రోజులపాటు ఓ ఇంట్లో ఉంచి వివిధ అంశాల్లో వారి ప్రతిభ ఆధారంగా విజేతను ఎంపిక చేస్తారు.