సెయింట్‌ జాన్స్‌: నాలుగేళ్ల నుంచి వెస్టిండీస్‌ టెస్టు జట్టుకు కెప్టెన్‌గా ఉన్న క్రెయిగ్‌ బ్రాత్‌వైట్‌ ఆ బాధ్యతల నుంచి వైదొలిగాడు. 32 ఏళ్ల బ్రాత్‌వైట్‌ 2021లో జేసన్‌ హోల్డర్‌ నుంచి పూర్తిస్థాయిలో టెస్టు పగ్గాలు అందుకున్నాడు. తాను టెస్టు ఫార్మాట్‌కు గుడ్‌బై చెప్పేలోపు విండీస్‌ జట్టుకు నిలదొక్కుకున్న కెప్టెన్‌ ఉండాలనే ఉద్దేశంతో బ్రాత్‌వైట్‌ ఈ నిర్ణయం తీసుకున్నాడని విండీస్‌ బోర్డు తెలిపింది. జూన్‌ నెలలో స్వదేశంలో ఆ్రస్టేలియాతో జరిగే మూడు టెస్టుల సిరీస్‌ కోసం విండీస్‌ టెస్టు జట్టుకు త్వరలోనే కొత్త కెప్టెన్‌ను ఎంపిక చేస్తామని విండీస్‌ బోర్డు ప్రకటించింది. ఇప్పటికే 98 టెస్టులు ఆడిన బ్రాత్‌వైట్‌ ఆ్రస్టేలియాతో జరిగే సిరీస్‌ సందర్భంగా 100 టెస్టుల మైలురాయిని అందుకోనున్నాడు. బ్రాత్‌వైట్‌ 98 టెస్టులు ఆడి 5,935 పరుగులు సాధించాడు. ఇందులో 12 సెంచరీలు, 31 అర్ధ సెంచరీలు ఉన్నాయి. బ్రాత్‌వైట్‌ సారథ్యంలో 39 టెస్టులు ఆడిన విండీస్‌ 10 టెస్టుల్లో గెలిచి, 22 టెస్టుల్లో ఓడిపోయి, 7 టెస్టులను ‘డ్రా’ చేసుకుంది. బ్రాత్‌వైట్‌ నాయకత్వంలోని విండీస్‌ జట్టు 27 ఏళ్ల నిరీక్షణకు తెరదించుతూ గత ఏడాది ఆ్రస్టేలియా గడ్డపై టెస్టు విజయాన్ని అందుకుంది. ఈ ఏడాది ఆరంభంలో బ్రాత్‌వైట్‌ సారథ్యంలో పాకిస్తాన్‌లో పర్యటించిన విండీస్‌ జట్టు 34 ఏళ్ల తర్వాత పాక్‌ జట్టుతో సిరీస్‌ను 1–1తో ‘డ్రా’ చేసుకుంది. మరోవైపు ప్రస్తుతం వెస్టిండీస్‌ వన్డే జట్టుకు కెప్టెన్‌గా ఉన్న షై హోప్‌ను టి20 ఫార్మాట్‌ నాయకత్వ బాధ్యతలు అప్పగించారు. 2023 మే నుంచి విండీస్‌ టి20 జట్టుకు రావ్‌మన్‌ పావెల్‌ కెప్టెన్‌గా వ్యవహరిస్తున్నాడు. పావెల్‌ స్థానంలో ఇక నుంచి టి20ల్లో విండీస్‌ జట్టుకు షై హోప్‌ కెప్టెన్‌గా ఉంటాడు.

సాక్షి, హైదరాబాద్‌: కాంగ్రెస్‌ నేత, ప్రముఖ సినీ నిర్మాత బండ్ల గణేష్‌.. సంచలన నిర్ణయం తీసుకున్నారు. తాను రాజకీయాలకు గుడ్‌ బై చెబుతున్నట్టు కీలక ప్రకటన చేశారు. ఈ మేరకు ట్విట్టర్‌ వేదికగా తన నిర్ణయాన్ని ప్రకటించారు.  కాగా, బండ్ల గణేష్‌ ట్విట్టర్‌ వేదికగా.. ‘నమస్కారం.. నా కుటుంబ బాధ్యతల వల్ల నా ఉమ్మడి కుటుంబ సభ్యుల నేపథ్యంలో.. వారి కోరికపై మా పిల్లల భవిష్యత్ గురించి ఆలోచిస్తూ నాకున్న పనులు వల్ల వ్యాపారాల వల్ల నేను రాజకీయాలకు దూరంగా ఉండాలని నిర్ణయించుకున్నాను. నాకు ఏ రాజకీయ పార్టీతో శత్రుత్వం గానీ, మిత్రుత్వం గానీ లేదు. అందరూ నాకు ఆత్మీయలే.. అందరూ నాకు సమానులే.. ఇంతకుముందు నావల్ల ఎవరైనా ప్రత్యక్షంగా పరోక్షంగా బాధపడి ఉంటే నన్ను పెద్ద మనసుతో క్షమిస్తారని ఆశిస్తూ మీ బండ్ల గణేష్’ అంటూ వ్యాఖ్యలు చేశారు. కాగా, 2018లో బండ్ల గణేష్‌ కాంగ్రెస్‌ పార్టీలో చేరిన విషయం తెలిసిందే.  నమస్కారం.. నా కుటుంబ బాధ్యతల వల్ల నా ఉమ్మడి కుటుంబ సభ్యుల నేపథ్యంలో.. వారి కోరికపై మా పిల్లల భవిష్యత్ గురించి ఆలోచిస్తూ నాకున్న పనులు వల్ల వ్యాపారాల వల్ల నేను రాజకీయాలకు దూరంగా ఉండాలని నిర్ణయించుకున్నాను. నాకు ఏ రాజకీయ పార్టీతో శత్రుత్వం గానీ, మిత్రుత్వం గానీ లేదు….2 — BANDLA GANESH. (@ganeshbandla) October 29, 2022 …..అందరూ నాకు ఆత్మీయలే.. అందరూ నాకు సమానులే.. ఇంతకుముందు నావల్ల ఎవరైనా ప్రత్యక్షంగా పరోక్షంగా బాధపడి ఉంటే నన్ను పెద్ద మనసుతో క్షమిస్తారని ఆశిస్తూ మీ బండ్ల గణేష్..🙏 — BANDLA GANESH. (@ganeshbandla) October 29, 2022

న్యూఢిల్లీ: సామాజిక మాధ్యమం ట్విట్టర్‌ ఇటీవల నియమించిన తాత్కాలిక ఫిర్యాదుల స్వీకరణ అధికారి ధర్మేంద్ర చాతుర్‌ పదవికి గుడ్‌ బై కొట్టేశారు. భారత్‌లో ట్విట్టర్‌ వినియోగదారుల œర్యాదుల కోసం మన దేశానికి చెందిన వారినే గ్రీవెన్స్‌ ఆఫీసర్‌గా నియమించాలని కొత్త ఐటీ నిబంధనలు చెబుతున్నాయి. దీంతో ఇటీవల ట్విట్టర్‌ సంస్థ ధర్మేంద్ర చాతుర్‌ని గ్రీవెన్స్‌ అధికారిగా నియమించింది. కానీ ఇప్పుడు ట్విట్టర్‌ వెబ్‌సైట్‌లో ఆయన పేరు కనిపించడం లేదు. ధర్మేంద్ర ఆ పదవికి రాజీనామా చేశారు. భారత్‌ కొత్త డిజిటల్‌ చట్టం  అమలులో ట్విట్టర్‌కు, కేంద్రానికి మధ్య ఘర్షణాత్మక వాతావరణం నెలకొన్న నేపథ్యంలోనే ట్విట్టర్‌కి గ్రీవెన్స్‌ ఆఫీసర్‌  లేకపోవడం గమనార్హం.


 ఊపిరితిత్తుల సమస్య కారణంగా ఏడాదికిపైగా ఆస్పత్రిలో చికిత్స పొందిన ఓ యువతి జీవితం విషాదాంతమైంది. ఊపిరితిత్తుల మార్పిడి చేసినా ఆరోగ్యం మెరుగుకాదని వైద్యులు చెప్పడంతో విరక్తి చెందిన ఆమె.. 'చనిపోవాలని నిర్ణయించుకున్నా.. అందరికీ బై' అంటూ ఫేస్బుక్లో పోస్ట్ చేసింది. చికిత్సను నిరాకరించి కుటుంబ సభ్యుల మధ్య కన్నుమూసింది. ఇంగ్లండ్లోని సౌత్వేల్స్కు చెందిన 28 ఏళ్ల కిర్స్టీ బ్రిడ్జెస్ విషాద జీవిత కథ ఇది.  
 
 బ్రిడ్జెస్ చిన్నతనం నుంచే ఊపిరితిత్తుల సమస్యతో బాధపడుతోందని ఆమె తల్లి చెప్పారు. సమస్య తీవ్రంకావడంతో ఏడాది నుంచి ఆస్పత్రిలోనే చికిత్స పొందుతోంది. అయితే ఆరోగ్యం మెరుగయ్యే అవకాశం లేదని వైద్యులు చెప్పడంతో బ్రిడ్జెస్ తీవ్ర నిర్ణయం తీసుకుంది. బ్రిడ్జెస్ ఫేస్బుక్ పోస్ట్ చూసి వందలాది మంది ఫాలోవర్స్ స్పందించారు. చనిపోవాలన్న నిర్ణయాన్ని మార్చుకోవాలని, చికిత్స చేయించుకోవాలని కోరారు. అయినా బ్రిడ్జెస్ తన నిర్ణయాన్ని మార్చుకోలేదు. ఈ పోస్ట్ చేసిన కొన్ని గంటల తర్వాత అన్ని రకాల చికిత్సలను ఆపివేసింది. ఆస్పత్రిలోనే కుటుంబ సభ్యుల సమక్షంలో చనిపోయింది. డిసెంబర్ చివర్లో ఈ ఘటన జరిగింది.