టైటిల్‌ : గల్లీ రౌడీ నటీనటులు : సందీప్‌ కిషన్‌, నేహా శెట్టి, బాబీ సింహ, రాజేంద్ర ప్రసాద్‌, నాగినీడు, వెన్నెల కిషోర్‌, పొసాని కృష్ణ మురళి, మైమ్‌ గోపి తదితరులు నిర్మాణ సంస్థ: కోనా ఫిల్మ్ కార్పోరేషన్, ఎంవీవీ సినిమాస్ నిర్మాతలు :  యమ్‌.వి.వి సత్యనారయణ, కోన వెంకట్‌ దర్శకత్వం:  నాగేశ్వర రెడ్డి  సంగీతం : రామ్‌ మిరియాల, సాయి కార్తీక్‌ సినిమాటోగ్రఫీ : సుజాత సిద్ధార్థ్‌ ఎడిటింగ్‌: చోటా కె. ప్రసాద్‌ విడుదల తేది : సెప్టెంబర్‌ 17,2021 సినిమా.. సినిమాకి తన నటనతో విలక్షణత చూపిస్తూ.. ప్రేక్షకులను మెప్పిస్తుంటాడు యంగ్‌ హీరో సందీప్ కిషన్. హిట్లు, ఫ్లాపులతో సంబంధం లేకుండా.. ప్రయోగాలు చేయడంలో మాత్రం అతను వెనకడుగు వేయడు. అయితే కొద్దికాలంగా ఈ యువ హీరో కెరీర్‌ పరంగా ఒడిదుడుకులు ఎదుర్కొంటున్నాడు. ఇటీవల ఆయన చేసిన సీనిమాలేవి బాక్సాఫీస్‌ వద్ద ఆశించిన స్థాయిలో వసూళ్లను రాబట్టలేకపోయాయి. అయితే ఈ సారి ఎలాగైనా సాలిడ్ హిట్ కొట్టాలన్న కసి తో ఉన్న సందీప్.. ‘గల్లీ రౌడీ’గా ప్రేక్షకుల ముందుకు వచ్చాడు. ఇటీవల విడుదలైన  ట్రైలర్‌, చిత్రంలోని పాటలకు పాజిటివ్‌ రెస్పాన్స్‌  రావడంతో పాటు మూవీ ప్రమోషన్స్‌ గ్రాండ్‌గా చేయడం ఈ సినిమాపై అంచనాలు పెంచాయి. మరి అంచనాలను ఈ మూవీ ఏ మేరకు అందుకుంది? చొక్కా , బుగ్గ మీద గాటు పెట్టుకొని కాకుండా కొంచం స్టైలిష్‌గా వచ్చిన ఈ ‘గల్లీ రౌడీ’ని ప్రేక్షకులు ఏ మేరకు ఆదరించారో రివ్యూలో చూద్దాం. గల్లీరౌడీ కథేంటంటే..? విశాక పట్నానికి చెందిన వాసు(సందీప్‌ కిషన్‌)ని పెద్ద రౌడీని చేయాలని కలలు కంటాడు తాత మీసాల సింహాచలం(నాగినీడు). దానికి కారణం తన శత్రువు బైరాగి నాయుడు(మైమ్‌ గోపి)తో ఉన్న పాత కక్షలే. అయితే వాసుకు మాత్రం కొట్లాటలు అంటే అసలు నచ్చదు. కానీ తాత కోరిక మేరకు చదువు మధ్యలోనే ఆపేసి మార్షల్‌ ఆర్ట్స్‌లో శిక్షణ పొందుతాడు. అయినప్పటికీ గొడవలకు దూరంగా ఉంటాడు. అయితే తను ఇష్టపడిన అమ్మాయి సాహిత్య(నేహా శెట్టి) కోసం ఓ వీధి రౌడీని కొట్టడంతో వాసుపై రౌడీ షీట్‌ ఓపెన్‌ అవుతుంది. ఇలా సాహిత్య కోసం రౌడీగా మారిన వాసు.. ఆమె కుటుంబం కోసం బైరాగిని కిడ్నాప్‌ చేయడానికి రెడీ అవుతాడు. ఈ క్రమంలో అనుకోకుండా బైరాగి హత్యకు గురవుతాడు. ఈ కేసు విచారణ ఎన్‌కౌంటర్‌ స్పెషలిస్ట్‌, సీఐ రవి(బాబీ సింహ) చేతికి వెళ్తుంది. ఈ కేసును సీరియస్‌గా తీసుకున్న రవి తనదైన శైలీలో విచారణ సాగిస్తాడు. ఇంతకీ హంతకుడిని సీఐ రవి పట్టుకున్నాడా లేదా? అసలు ఆ హత్య చేసిందెవరు? హెడ్‌ కానిస్టేబుల్‌ పట్టపగలు వెంకటరావు(రాజేంద్ర ప్రసాద్‌) ఫ్యామిలీకి , బైరాగి హత్యకు ఏం సంబంధం? సీఐ రవి ఈ కేసును ఎందుకు సీరియస్‌గా తీసుకున్నాడు? బైరాగికి మీసాల సింహాచలంకు మధ్య ఉన్న పాత కక్షలు ఏంటి? తాత కోరికను వాసు ఎలా తీర్చాడు అనేదే మిగతా కథ ఎవరెలా చేశారంటే..? గల్లీరౌడీ వాసుగా సందీప్‌ కిషన్‌ అదొరకొట్టేశాడు. వంశంపారంపర్యంగా వస్తున్న రౌడీ వృత్తి నచ్చక సాఫ్ట్‌వేర్‌ కావాలనుకొని, తాతకోసం మళ్లీ రౌడీగా మారడం, ఇష్టపడిన అమ్మాయి కోసం రిస్క్‌ చేయడం.. ప్రతి సీన్‌లో చాలా నేచురల్‌గా నటించాడు. హీరోగా కాకుండా చాలా సింపుల్‌గా ఉంటుంది అతని పాత్ర. ఫైట్స్‌ సీన్స్‌లో చక్కగా నటించాడు. ఇక సాప్ట్‌వేర్‌ సాహిత్య పాత్రలో నేహా శెట్టి అద్భుత నటనను కనబరిచింది. తెరపై చాలా అందంగా కనిపించింది. హెడ్‌ కానిస్టేబుల్‌ పట్టపగలు వెంకటరావుగా రాజేంద్ర ప్రసాద్‌ తనదైన నటనతో నవ్వులు పూయించాడు. రౌడీ సీఐ రవిగా బాబీ సింహా మరోసారి తన అనుభవాన్ని చూపించాడు. భూకబ్జాలకు పాల్పడే రౌడీ బైరాగి నాయుడిగా మైమ్‌ గోపి తనదైన నటనతో మెప్పించాడు.  హీరో ఫ్రెండ్‌గా వైవా హర్ష, చిత్ర కళాకారుడిగా వెన్నెల కిషోర్‌ తమదైన పంచులతో నవ్వించే ప్రయత్నం చేశారు. పొసాని, నాగినీడు తదితరులు తమ పాత్రల పరిధి మేర నటించారు. ఎలా ఉందంటే..  ‘గల్లీ రౌడీ’మూవీ అందరికి తెలిసిన పాత కథే. తండ్రి మరణానికి కారణమైన వ్యక్తిపై పగ తీర్చుకునే కొడుకు, మరో తండ్రికి పుట్టిన ఇద్దరి కొడుకుల మధ్య భిన్నాభిప్రాయలనేపథ్యంలో ఈ మూవీ తెరకెక్కింది. ఇలాంటి కథలో తెలుగు చాలానే వచ్చాయి. కథలో బలమైన పాయింట్‌ ఉన్ననప్పటికీ.. కథనం హెడ్‌ కానిస్టేబుల్‌ పట్టపగలు వెంకటరావు ఫ్యామిలీ చుట్టూ తిరుగుతుంది. కిడ్నాప్‌ డ్రామా కూడా రోటీన్‌గా, సినిమాటిక్‌గా సాగుతుంది. నెక్స్ట్‌  ఏం జరుగుతుందనేది సగటు ప్రేక్షకుడి ఊహకు అందుతుంది. అయినప్పటికీ తనదైన స్క్రీన్‌ప్లేతో కొంతవరకు మ్యానేజ్‌ చేశాడు కోన వెంకట్‌. ఇంటర్వెల్‌ సీన్‌ కొంత ఆసక్తిని కలిగిస్తుంది. రౌడీలుగా ముసలి బ్యాచ్‌ను పెట్టడం కామెడీకి స్కోప్‌ దొరికింది.సెకండాఫ్ కాస్త సాగదీశారేమో అనిపిస్తుంది. ‘పప్పా వెర్రి పప్పా’అంటూ వెన్నెల కిషోర్‌ చేసే కామెడీ థియేటర్లలో నవ్వులు పూయిస్తుంది.  రామ్‌ మిరియాల, సాయి కార్తీక్‌ సంగీతం బాగుంది. పాటలు అంతంత మాత్రమే అయినా రీరికార్డింగ్‌ అదిరిపోయింది. సుజాత సిద్ధార్థ్‌ సినిమాటోగ్రఫి పర్వాలేదు. ఎడిటర్‌ చోటా కె. ప్రసాద్‌ సెకండాఫ్‌లో కొన్ని సీన్స్‌కి కత్తెర వేయాల్సింది. నిర్మాణ విలువలు సినిమా స్థాయికి తగినట్లుగా ఉన్నాయి.  - అంజి శెట్టె, సాక్షి వెబ్‌డెస్క్‌

హిట్టు ఫ్లాపులతో సంబంధం లేకుండా దూసుకుపోతున్న టాలీవుడ్‌ యంగ్‌ హీరో సందీప్‌ కిషన్‌. ‘స్నేహ గీతం’ సినిమాతో తెలుగు తెరకు పరిచయం అయిన ఈ నటుడు ప్రస్తుతం కోలీవుడ్‌లోనూ అవకాశాలు దక్కించుకుంటున్నాడు. కెరీర్‌ తొలినాళ్లలో ‘రోటీన్‌ లవ్‌స్టోరీ’ ‘వెంకటాద్రి ఎక్స్‌ప్రెస్‌’ లాంటి మంచి హిట్లను అందుకున్నా ఈ కుర్ర హీరో అనంతరం ఎన్నో సినిమాల్లో నటించిన ప్రేక్షకులను మెప్పిచడంలో మాత్రం విఫలమయ్యాడనే చెప్పాలి. దీంతో మంచి హిట్‌ కొట్టాలనే కసితో గట్టి ప్రయత్నాలే చేస్తున్నాడు. ఈ తరుణంలో తన కొత్త సినిమా ‘గల్లి రౌడీ’పై సందీప్‌ భారీ ఆశలే పెట్టుకున్నాడు. ఈ సినిమా ట్రైలర్‌ని మెగాస్టార్‌ చిరంజీవి చేతుల మీదుగా శనివారం (సెప్టెంబర్‌ 11న)  సాయంత్రం 5:04 నిమిషాలకు లాంచ్‌ చేయనున్నారు. ఈ విషయాన్ని తెలుపుతూ ప్రొడ్యూసర్‌ బీవీ రాజ్‌ టీం అఫిషీయల్‌ ట్విటర్‌లో పోస్ట్‌ చేసింది. ‘గల్లీ రౌడీ’ ట్రైలర్‌ లాంచ్‌ చేయనున్న ‘స్టేట్‌ రౌడీ’ అంటూ ఎనౌన్స్ మెంట్ పోస్టర్‌ రిలీజ్‌ చేశారు. జి. నాగేశ్వరరెడ్డి దర్శకత్వం వహించిన ఈ చిత్రంతో నేహా శెట్టి హీరోయిన్‌గా పరిచయం అవుతోంది. కోన వెంకట్‌ సమర్పణలో ఎంపీ ఎంవీవీ సత్యనారాయణ నిర్మించారు. రాజేంద్రప్రసాద్, వెన్నెల కిషోర్‌, పోసాని కృష్ణమురళీ, తమిళ నటుడు బాబీ సింహ ముఖ్య పాత్రల్లో నటిస్తున్నారు. సెన్సార్‌ పనులు పూర్తి చేసుకున్న ఈ మూవీని ఈ నెల 17న థియేటర్లలో విడుదల చేస్తున్నారు. Laugh riot #GullyRowdy trailer launch by our own #StateRowdy Megastar @KChiruTweets garu on 11th sept at 5:04PM#GullyRowdyOnSept17th@sundeepkishan @actorsimha #NehaShetty @Ram_Miriyala @iamsaikartheek #GNageswaraReddy @konavenkat99 @MVVCinema_ @KonaFilmCorp pic.twitter.com/WT6Vfk8o0p — BA Raju's Team (@baraju_SuperHit) September 9, 2021

సందీప్‌ కిషన్‌ హీరోగా నటించిన తాజా చిత్రం ‘గల్లీరౌడీ’ విడుదల తేదీ ఖరారైంది. ఈ నెల 17న సినిమాని విడుదల చేయనున్నట్లు చిత్రబృందం అధికారికంగా ప్రకటించింది. జి. నాగేశ్వర్‌ రెడ్డి దర్శకత్వం వహించిన ఈ సినిమాలో నేహాశెట్టి హీరోయిన్‌గా నటించగా, రాజేంద్ర ప్రసాద్‌ కీలక పాత్రధారి. ప్రముఖ రచయిత కోన వెంకట్‌ సమర్పణలో కోన ఫిల్మ్‌ కార్పొరేషన్, ఎంవీవీ సినిమా పతాకాలపై విశాఖపట్నం ఎంపీ ఎంవీవీ సత్యానారాయణ ఈ చిత్రాన్ని నిర్మించారు. కోన వెంకట్‌ స్క్రిన్‌ ప్లే కూడా అందించిన ఈ  సినిమాకు జీవీ సహ నిర్మాత. ‘‘ప్రేమించిన అమ్మాయిని పెళ్లి చేసుకోవడానికి తానొక పెద్ద రౌడీనని బిల్డప్‌ ఇచ్చుకున్న ఓ యువకుడి ప్రేమకథ చివరకు ఏమైంది? అన్నదే ఈ చిత్రం కథాంశం’’ అని చిత్రయూనిట్‌ పేర్కొంది.

‘పోటీ వద్దు.. స్నేహమే ముద్దు’ అన్నట్లుగా ‘గల్లీ రౌడీ’ నిర్మాతలు ఇండస్ట్రీలో స్నేహపూరిత వాతావరణం ఉండాలని తమ చిత్రం విడుదలను వాయిదా వేసుకున్నారు. సందీప్‌ కిషన్, నేహా శెట్టి జంటగా రూపొందిన చిత్రం ‘గల్లీ రౌడీ’. రచయిత కోన వెంకట్‌ ఈ చిత్రానికి సమర్పకుడిగా వ్యవహరించడంతో పాటు స్క్రీన్‌ ప్లే కూడా అందించారు. జి. నాగేశ్వర రెడ్డి దర్శకత్వంలో విశాఖపట్నం ఎంపీ ఎంవీవీ సత్యనారాయణ నిర్మించిన ఈ చిత్రం సెప్టెంబర్‌ 3న విడుదల కావాల్సింది. (చదవండి: బుల్లెట్‌ బండి పాట: ఎవరీ మోహన భోగరాజు?) అయితే ఇప్పుడు వాయిదా వేశారు. నిర్మాతలు మాట్లాడుతూ – ‘‘ఇప్పుడిప్పుడే ప్రేక్షకులు థియేటర్లకు వస్తున్నారు. ఇలాంటి సమయంలో ఒకేరోజు సినిమాలు పోటీపడకుండా వేరే రిలీజ్‌ డేట్‌ కోసం ఆగితే మంచిదనుకున్నాం. అందుకే మా సినిమాను సెప్టెంబర్‌ 3న విడుదల చేయట్లేదు. అయితే సెప్టెంబర్‌లోనే రిలీజ్‌ చేస్తాం. త్వరలోనే కొత్త డేట్‌ ప్రకటిస్తాం’’ అన్నారు.  

సందీప్‌ కిషన్‌ హీరోగా నటించిన తాజా చిత్రం ‘గల్లీ రౌడీ’. జి. నాగేశ్వరరెడ్డి దర్శకుడు. నేహా శెట్టి హీరోయిన్‌గా నటించగా, రాజేంద్ర ప్రసాద్, బాబీ సింహా ముఖ్య పాత్రల్లో నటించారు. కోన వెంకట్‌ సమర్పణలో కోన ఫిల్మ్‌ కార్పొరేషన్, ఎంవీవీ సినిమా పతాకాలపై విశాఖపట్నం ఎంపీ ఎంవీవీ సత్యనారాయణ నిర్మించారు. ఈ చిత్రంలోని ‘ఛాంగురే ఐటమ్‌ సాంగురే...’ అంటూ సాగే పాటను హీరోయిన్‌ రకుల్‌ప్రీత్‌ సింగ్‌ గురువారం విడుదలచేయనున్నారు. ఈ పాటకు సంబంధించిన ప్రోమోను సోమవారం విడుదల చేశారు. సాయికార్తీక్‌ స్వరపరిచిన ఈ పాటకు భాస్కరభట్ల సాహిత్యాన్ని అందించారు. మంగ్లీ, సాయికార్తీక్, దత్తు ఆలపించారు. సందీప్, స్నేహా గుప్తాలతో డ్యాన్స్‌ మాస్టర్‌ ప్రేమ్‌ రక్షిత్‌ హుషారైన స్టెప్పులు వేయించారని ప్రోమో చూస్తే తెలుస్తోంది. కోన వెంకట్‌ స్క్రీన్‌ప్లే అందించిన ఈ చిత్రానికి సంగీతం: చౌరస్తా రామ్, సాయికార్తీక్‌.

‘పుట్టినే ప్రేమ పడగొట్టెనే ప్రేమ.. ఏం చేశావో ఏమో కదమ్మా, ఇంతలో ప్రేమ అంతలో కోమా, అతలాకుతలం అవుతున్నానమ్మా..’ అంటూ ప్రేయసిని చూసి పాడేస్తున్నాడు గల్లీరౌడీ. ఈ రౌడీ ప్రేమ కహానీ తెలుసుకోవాలంటే మా ‘గల్లీరౌడీ’ సినిమా చూడాల్సిందే అంటున్నారు ఎంవీవీ సత్యనారాయణ, కోన వెంకట్‌. సందీప్‌ కిషన్, నేహా శెట్టి జంటగా జి. నాగేశ్వర్‌ రెడ్డి దర్శకత్వంలో రూపొందుతోన్న చిత్రం ‘గల్లీ రౌడీ’. కోన వెంకట్‌ సమర్పణలో ఎంవీవీ సత్యనారాయణ నిర్మించిన ఈ సినిమాలోని ‘పుట్టినే ప్రేమ..’ పాటను సందీప్‌ కిషన్‌ పుట్టినరోజు సందర్భంగా  విడుదల చేశారు. రామ్‌ మిర్యాల సంగీతం అందించిన ఈ పాటకు భాస్కరభట్ల సాహిత్యాన్ని అందించారు. ‘‘పోస్ట్‌ ప్రొడక్షన్‌ దశలో ఉన్న మా సినిమాను త్వరలోనే ప్రేక్షకుల ముందుకు తీసుకువస్తాం’’ అన్నారు ఎం.వి.వి.సత్యనారాయణ, కోన వెంకట్‌.

‘బాబు రావాలి... రౌడీ కావాలి అని విశాఖపట్నం ప్రజలంతా ఎదురుచూస్తున్నారు’, ‘ఎవరన్నా వాళ్ల మనవణ్ణి ఇంజనీర్‌ చేస్తాడు, డాక్టర్‌ చేస్తాడు... ఈ రౌడీ చేయడమేంట్రా?’, ‘నెపోటిజమ్‌ రా’.. వంటి  డైలాగులు ‘గల్లీ రౌడీ’ టీజర్‌లో ఆకట్టుకుంటున్నాయి. సందీప్‌ కిషన్, నేహా శెట్టి జంటగా జి. నాగేశ్వర రెడ్డి దర్శకత్వంలో తెరకెక్కిన చిత్రం ‘గల్లీ రౌడీ’. కోన వెంకట్‌ సమర్పణలో విశాఖపట్నం ఎంపీ ఎంవీవీ సత్యనారాయణ నిర్మించిన ఈ సినిమా పోస్ట్‌ ప్రొడక్షన్‌ కార్యక్రమాలు జరుపుకుంటోంది. సోమవారం ‘గల్లీ రౌడీ’ టీజర్‌ను హీరో విజయ్‌ దేవరకొండ విడుదల చేశారు. ‘‘కోన వెంకట్‌ కథను ఫన్‌ రైడర్‌గా మలిచిన విధానం ఆకట్టుకుంటుంది. కామెడీ ఎంటర్‌టైనర్స్‌ను తెరకెక్కించే నాగేశ్వరరెడ్డి తనదైన స్టైల్లో తెరకెక్కించాడు. వైవిధ్యమైన పాత్రలో రాజేంద్ర ప్రసాద్‌ నవ్వులు పంచుతారు’’ అన్నారు ఎంవీవీ సత్యనారాయణ. చదవండి: ఆ సినిమాను 267 సార్లు చూశాను: హీరోయిన్‌