యశవంతపుర: హెబ్బులి సినిమాలో హీరో సుదీప్‌ ప్రత్యేకమైన తలకట్టుతో కనిపిస్తాడు. అటువంటి కటింగ్‌ కావాలని పిల్లలు, యువత సెలూన్లలో పట్టుబడుతున్నారు. బాగలకోట జిల్లా జమఖండి తాలూకా కులహళ్లి ప్రభుత్వ పాఠశాల విద్యార్థుల్లో ఈ మక్కువ ఎక్కువైపోయింది. స్థానిక సెలూన్‌కు వెళ్లి అదే కటింగ్‌ కొట్టించుకుంటున్నారు. ఒకరిని చూసి మరొకరు వెళ్తుండడంతో స్కూల్లో పాఠాల కంటే ఇదే ఎక్కువ చర్చనీయాంశమైంది. దీంతో దయచేసి మా స్కూలు పిల్లలకు ఈ కటింగ్‌ చేయవద్దని సెలూన్‌ నిర్వాహకులకు ఉపాధ్యాయులు స్పష్టంచేశారు. పిల్లలు చదువుకోవడానికి బదులుగా అద్దం ముందు కటింగ్‌ చూసుకుంటూ గడుపుతున్నారని వాపోయారు. ఎవరైనా వచ్చి అడిగితే హెబ్బులి కటింగ్‌ చేయరాదని విజ్ఞప్తి చేశారు.


 తుమకూరు (కర్ణాటక): తన అభిమాన హీరోను దగ్గరగా చూసి మనసారా ఆలింగనం చేసుకున్న ఆ అభిమాని గుండె ఆ ఆనందాన్ని పట్టలేకపోయిందేమో... ఒక్కసారిగా ఆగిపోయింది. కన్నడ సినీ హీరో, బహుభాషా నటుడు సుదీప్‌ను వాటేసుకున్న అభిమాని కాసేపటికే కన్నుమూశాడు.
 సుదీప్‌ తన కొత్త సినిమా హెబ్బులి విజయయాత్ర ప్రారంభోత్సవం కోసం సోమవారం తుమకూరు పట్టణంలోని గాయత్రి థియేటర్‌కు వచ్చాడు. సుదీప్‌ను చూడటానికి భారీఎత్తున అభిమానులు తరలివచ్చారు. హోటల్‌ కార్మికుడైన శశిధర్‌(45)కు సుదీప్‌ అంటే వీరాభిమానం. అతడు సుదీప్‌తో కరచాలనం చేసి కార్యక్రమంలో సందడి చేశాడు. ఆ ఆనందంలో ఇంటికి వెళ్తుండగా, మార్గమధ్యలో గుండె పోటుతోకుప్పకూలిపోయాడు. ఆసుపత్రికి తరలించేలోగా శశిధర్‌ మరణించాడు.


 జిల్ సినిమాతో టాలీవుడ్ ఎంట్రీ ఇచ్చిన యంగ్ విలన్ కబీర్ సింగ్ దుహన్. తొలి సినిమాతోనే విలన్గా తానేంటో నిరూపించుకున్న కబీర్, కేవలం రెండేళ్ల సమయంలో 25కు పైగా సినిమాల్లో నటించి ఆకట్టుకున్నాడు. విలన్గా నటిస్తున్నా.. స్టైలిష్ లుక్స్తో హీరోలకు పోటి ఇచ్చే గ్లామర్ కబీర్ సొంతం. అందుకే ఈ యంగ్ విలన్.., హీరోగా ఓ సినిమా తెరకెక్కనుంది.
 
 అశ్విన్ దర్శకుడిగా పరిచయం అవుతూ తెరకెక్కిస్తున్న చిత్రంతో కబీర్ సింగ్ దుహన్ హీరోగా మారుతున్నాడు. సౌత్ ఇండస్ట్రీలో సక్సెస్ ఫుల్ జానర్గా పేరు తెచ్చుకున్న హర్రర్ జానర్లో తెరకెక్కుతున్న ఈ సినిమా తెలుగు, తమిళ, కన్నడ భాషల్లో ఒకేసారి రూపొందనుంది. ప్రస్తుతం సుధీప్ హీరోగా తెరకెక్కుతున్న హెబ్బులి సినిమాలో మెయిన్ విలన్గా నటిస్తున్న కబీర్ త్వరలోనే హీరోగానూ అలరించేందుకు రెడీ అవుతున్నాడు.


 బెంగళూరు: కన్నడ స్టార్ హీరో కిచ్చ సుదీప్ నటించిన కొత్త చిత్రం హెబ్బులి పోస్టర్ను గురువారం అధికారికంగా విడుదల చేసారు. హెబ్బులి ఫస్ట్ లుక్ పోస్టర్ చూసిన ఫ్యాన్స్ తమ అభిమాన హీరో తొలిసారి విభిన్నంగా కనిపించినందుకు అంచనాలు పెరిగిపోతున్నాయి. ఇందులో హీరో కిచ్చా సుదీప్ ఆర్మీ అధికారి పాత్రలో కనిపించనున్నాడు. ఈ సినిమాలో విభిన్నంగా కనిపించడానికి సుదీప్ పలు జాగ్రత్తలు తీసుకోవడానికి సిద్ధమయ్యాడు. విభిన్నమైన హెయిర్ స్టయిల్, సరికొత్త కాస్టూమ్ తో ప్రేక్షకులను అలరించనున్నాడు.
 
 ఇక హీరోయిన్ విషయానికి వస్తే తెలుగు, తమిళ చిత్రాల్లో మంచి నటిగా అటు అభినయంతోనూ, అందాల ఆరబోతతోనూ మంచి మార్కులు తెచ్చుకున్న అమలాపాల్ ఇందులో హీరోయిన్ గా నటించనుంది. పెళ్లయిన తర్వాత సెకండ్ ఇన్నింగ్స్ ప్రారంభించిన నటి మునుపటి జోరుతో సినిమాలు చేసుకుపోతోంది. అయితే హీరోయిన్ పాత్ర తీరు తెన్నులు ఏ విధంగా ఉంటుందన్న విషయాన్ని ఇప్పటి వరకు సినియా యూనిట్ గోప్యంగా ఉంచడం విశేషం. గజకేసరి చిత్రానికి దర్శకత్వం వహించిన కృష్ణ నిర్దేశకత్వంలో తెరకెక్కుతున్న ఈ చిత్రంలో క్రేజీ స్టార్ రవిచంద్రన్ కూడా ఓ ముఖ్య పాత్రలో కనిపించనున్నారని చిత్ర వర్గాలు తెలిపాయి.