Disha Patani Hilarious Reply Who Asked Her Bikini Photo: డ్యాషింగ్ డైరెక్ట్ చేసిన 'లోఫర్‌' సినిమాతో తెలుగు తెరకు పరిచయమైంది ఫిట్‌నెస్ బ్యూటీ దిశా పటానీ. మెగా హీరో వరుణ్‌ తేజ్ సరసన హీరోయిన్‌గా ఆడి పాడి తన గ్లామర్‌తో అలరించింది. తర్వాత బాలీవుడ్‌లో ఫుల్‌ బిజీగా మారింది. ఎంఎస్‌ ధోనీ, భాగీ చిత్రాలతో మంచి గుర్తింపు తెచ్చుకుంది. బాలీవుడ్‌ హీరో టైగర్‌ ష్రాఫ్‌తో ప్రేమాయణం సాగిస్తున్నట్లు పుకార్లు కూడా ఎదుర్కొంటోంది. కాగా దిశాకు సోషల్ మీడియాలో విపరీతమైన ఫాలోయింగ్‌ ఉంది. హాట్‌ ఫొటోస్‌, వర్క్‌ అవుట్‌ వీడియోస్‌తో అభిమానులను ఎప్పుడూ అలరిస్తూ ఉంటుంది. చదవండి: హాట్‌ ఫొటోషూట్స్‌ ఎందుకు చేయరన్న నెటిజన్‌.. దిమ్మతిరిగేలా హీరోయిన్ రిప్లై  చదవండి: టైగర్‌ ష్రాఫ్‌ యాక్షన్‌ సీన్స్‌ కోసం ఖరీదైన కార్లు ! ఈ క్రమంలోనే తన ఇన్‌స్టా హ్యాండిల్‌లో 'ఆస్క్‌ మీ ఎనిథింగ్‌ (నన్ను ఏదైనా అడగండి)' అనే సెషన్‌ నిర్వహించింది. ఈ సెషన్‌లో ఓ యూజర్ అడిగిన ప్రశ్నకు నవ్వు తెప్పించేలా రిప్లై ఇచ్చింది దిశా పటానీ. ఈ సెషన్‌లో ఆ యూజర్‌ దిశాను 'బికినీ వేసుకున్న మంచి ఫొటో'ను పోస్ట్‌ చేయాల్సిందిగా కోరాడు. దానికి దిశా బికినీ వేసుకున్న ఒట్టర్‌ (పాండాలాంటి జంతువు) ఫొటోను పెట్టి వ్యంగంగా సమాధానం ఇచ్చింది. దీంతో షాక్‌కు గురవడం ఆ యూజర్‌ వంతైంది. ఈ పోస్ట్ ప్రస్తుతం సోషల్‌ మీడియాలో వైరల్‌గా మారింది. ఇది చూసిన పులువురు నెటిజన్స్‌ దిశా స్పాంటెనిటీకి ఫిదా అవుతున్నారు. ఇవే కాకుండా తనకు ఇష్టమై బీటీఎస్‌ సాంగ్, గ్లామర్‌ సీక్రెట్‌ వంటి తదితర ప్రశ్నలకు సమాదానాలిచ్చింది దిశా పటానీ.

Varun Sandesh Hilarious Punch to RJ Kajal: తెలుగు బిగ్‌బాస్‌ ఐదో సీజన్‌ విన్నర్‌ వీజే సన్నీ హీరోగా చేసిన సినిమా  సకలగుణాభిరామ. ఇటీవలె ఈ సినిమా ట్రైలర్‌ లాంచ్‌ కార్యక్రమం హైదరాబాద్‌లో ఘనంగా జరిగింది.  ఇక ఈ ఈవెంట్‌కి శ్రీరామచంద్ర, వరుణ్‌తేజ్‌, సోహేల్‌, ఆనీ మాస్టర్‌, మానస్‌ సహా పలువురు బిగ్‌బాస్‌ కంటెస్టెంట్లు హాజరయ్యారు. ఈ కార్యక్రమానికి ఆర్జే కాజల్‌ హోస్ట్‌గా నిర్వహించింది. కాగా సన్నీతో అనుబంధం గురించి హీరో వరుణ్‌ సందేశ్‌ మాట్లాడుతతూ.. సన్నీ తనకు ఎన్నో సంవత్సరాల నుంచి తెలుసని, బిగ్‌బాస్‌తో అందరి మనసులు గెలుచుకున్నాడని అభినందించాడు. సకలగుణాభిరామ టీం అందరికి ఆల్‌ ది బెస్ట్‌ అంటూ తన స్పీచ్‌ని ముగించాడు. అయితే వరుణ్‌ మాట్లాడిన వెంటనే మైక్‌ అందుకున్న కాజల్‌.. నీ ఇందువదన సినిమాకి ఆల్‌ ది బెస్ట్‌ అని పేర్కొనగా సినిమా ఆల్రెడీ రిలీజ్‌ అయ్యిందంటూ వరుణ్‌ కౌంటర్‌ ఇచ్చాడు. దీంతో అక్కడుకున్న వారంతా కౌజల్‌ తప్పులో కాలేసిందంటూ తెగ నవ్వుకున్నారు.


 కోతులను ఆడించి ప్రజలను వినోదపరచడం కూడా ఓ కళ. ఇప్పటికీ ఊర్లలో గారడీ విద్య ప్రదర్శించేవాళ్లు, సర్కస్ నిర్వహించే వాళ్లు అప్పుడప్పుడు వస్తూనే ఉంటారు. కోతులను ఆడించి.. వాటితో రకరకాలు విన్యాసాలు చేయించి.. ప్రజల్ని ఆనందపరుస్తారు. వారిచే పదోపరకో తీసుకొని పొట్టపోసుకుంటారు.
 
 చైనాలో కూడా ఇలాగే ఓ కోతులు ఆడించే వ్యక్తి ప్రజల్ని వినోదపరచడానికి ప్రయత్నించాడు. తన కోతిమూకతో బజారులో ప్రదర్శన పెట్టాడు. కానీ అవి మామూలు కోతులు కాదు.. మహా ముదుర్లు. వాటిని ఆడించే క్రమంలో ఓ కోతి అతని జుట్టు పట్టుకొని పీకగా.. మరో కోతి వెనుక నుంచి వచ్చి అతని ప్యాంటును కిందకు లాగేసింది. అంతే అర్ధనగ్నంగా మారిన అతన్ని చూసి.. ప్రజలంతా నవ్వుల్లో మునిగిపోయారు. అయినా ఏమాత్రం చెదరకుండా తన ప్యాంటును తిరిగి పైకి లాక్కొని.. మర్కటాలతో విన్యాసాలు చేయించి భేష్ అనిపించుకున్నాడు ఆ సర్కస్ మనిషి. సెంట్రల్ చైనా హెనాన్ ప్రావిన్స్‌లోని లౌయంగ్‌ పట్టణంలో గత నెల 15న ఈ ఘటన జరిగింది. ఈ వీడియో ప్రస్తుతం ఆన్‌లైన్‌లో హల్‌చల్ చేస్తోంది.
 
 చైనాలో ఇటీవలికాలంలో జంతువుల వినియోగం బాగా పెరిగింది. కోతులకు శిక్షణ ఇచ్చి వాటిద్వారా చెట్లపైన ఉన్న పక్షుల గూళ్లను తొలగించే కార్యక్రమాన్ని అక్కడి అటవీశాఖ చేపట్టింది. విమాన రాకపోకలకు అంతరాయ కలుగకుండా ఇలా కోతుల సేవలను వినియోగించుకుంటోంది. అలాగే హెనాన్ ప్రావిన్స్‌లో పర్యాటకులను బాగా ఆకట్టుకునేందుకు కోతులు విన్యాసాలను పెద్ద ఎత్తున నిర్వహిస్తున్నారు.