విద్యార్థులు జవాబు పత్రాల్లో సరదగా చిత్ర విచిత్రమైన సమాధానాలు రాస్తూ కాలేజీ, లెక్చరర్ల దృష్టిలో పడుతూ ఉంటారు. ప్రశ్న పత్రంలో అడిగిన  ప్రశ్నకు బదులు ఫన్నీ జవాబు రాసి వైరల్‌గా మారిన సంఘటనలు కూడా చాలానే చూశాం. అయితే తాజాగా ఇటువంటి సరదా ఘటన రాజస్తాన్‌లో చోటు చేసుకుంది. దీనికి సంబంధించిన ఓ ట్వీట్‌ సోషల్‌ మీడియాలో వైరల్‌గా మారింది. రాజస్తాన్‌లోని దోల్‌పూర్‌ జిల్లాలో ఓ కాలేజీ పొలిటికల్‌ సైన్స్‌ పరీక్షలో భాగంగా ప్రశ్నపత్రంలో భారత్‌కు పాకిస్తాన్‌ మధ్య  ఏ బార్డర్‌ (హిందిలో ‘సీమా’) ఉంటుంది? దాని పొడవు ఎంత? అని ఉంది. దీంతో ఓ విద్యార్థి తన చిలిపితనానికి పని చెప్పాడు. ‘సీమా’ పేరుతో తన  క్లాస్‌లో ఓ ఆమ్మాయి ఉండటంతో.. భారత్‌-పాక్‌ మధ్య బోర్డర్‌గా‘సీమా హైదర్‌’ ఉంది. అంతే కాదు ఆమె ఎత్తు 5 అడుగలు 6 ఇంచులు కూడా ఉందని రాశాడు. Question - Bharat aur Pakistan ke bich kaun si seema hai, lambai batao? Answer - Dono desho ke bich Seema Haider hai, uski lambai 5 ft 6 inch hai, dono desho ke bich isko lekar ladai hai. pic.twitter.com/25d5AvUlwl — Narundar (@NarundarM) December 21, 2023 అక్కడిదాగా బాగానే ఉన్న.. భారత్‌- పాక్‌ దేశాల మధ్య సీమా హైదర్‌  5 అడుగుల 6 ఇంచుల ఎత్తులో ఉండటం వల్ల ఆమె కోసమే రెండు దేశాలు గొడవ పడుతున్నాయి అంటూ ఫన్నీగా ఆన్సర్‌ రాశారు.  దీనికి సంబంధించి జవాబు పత్రాన్ని ఓ ఎక్స్‌(ట్వీటర్‌) యూజర్‌ పోస్ట్‌ చేయగా.. సోషల్‌ మీడియాలో వైరల్‌గా మారింది. ‘అతను వాట్సాప్‌ యూనివర్సిటీకి చెందిన స్టూడెంట్‌’, ‘అతను రాసిన జవాబుకు ఒక మార్క్‌ ఎక్స్‌ట్రాగా వేయాలి’, పేపర్‌పై ఇన్విజిలేటర్‌ సంతకం లేదని.. అది నకిలీ పేపర్‌’ అని నెటజన్లు కామెంట్లు చేస్తున్నారు.   

70 hour work week remark hilarious video viral భారతీయు యువత వారానికి 70 గంటలు పని పనిచేయాలన్న ఇన్ఫోసిస్‌ నారాయణమూర్తి  వ్యాఖ్యలు పెను దుమారాన్నే రాజేశాయి. కొంతమంది కంపెనీల ప్రతినిధులు, నెటిజన్లు ఆయనపై విమర్శలు గుప్పించగా, పలువురు ఐటీ దిగ్గజాలు  ఇన్ఫీ మూర్తికి మద్దతుగా నిలిచారు. ఇవన్నీ ఒక ఎత్తయితే  ప్రధానంగా ఇండస్ట్రీలో  మహిళా ఉద్యోగులపై వివక్షపై ఎక్కువ చర్చ నడిచింది. ఇంటా బయటా  మహిళా ఉద్యోగుల పనిగంటలు,  వారికి  లభిస్తున్న గుర్తింపు, అందుతున్న వేతనం తదితర విషయాలు చర్చనీయాంశమైనాయి. ఈ నేపథ్యంలోనే ఇంటర్నెట్‌లో  ఒక వీడియో చక్కర్లు కొడుతోంది. ఇన్ఫీ ‘సిస్‌’ పేరుతో వైరల్‌ అవుతున్న  ఈ వీడియోను  వ్యాపారవేత్త హర్ష గోయెంకా ఎక్స్‌(ట్విటర్)లో షేర్‌  చేశారు.   70-80-90 గంటలు పనిచేస్తున్నారు గృహిణులు దగ్గర మొదలు పెట్టి.. నారాయణ ..నారాయణ.. అంటూ ఇన్ఫో ‘సిస్‌’ మీకు ఇన్ఫో ఇస్తోంది బ్రో.. అంటూ తనదైన యాక్సెంట్‌తో సాగిన ఈ వీడియో నెట్టింట్‌ హల్‌చల్‌ చేస్తోంది.  ఈ హిలేరియస్‌ వీడియోపై నెటిజన్లు  స్పందిస్తున్నారు. వావ్.. నిజం చెప్పారు.  గృహిణులు 70 నుండి 80 గంటలు పని చేస్తారు.. లవ్ యూ ఫర్ అండర్ స్టాండింగ్ .. ఇన్ఫో ‘సిస్‌’ అని ఒక యూజర్‌ కమెంట్‌ చేశారు.  ఇది  నూటికి నూరు శాతం, ఈ వీడియోను ఇన్ఫీ మూర్తి అంకుల్‌ చూడాలి అని మరొకరు వ్యాఖ్యానించడం విశేషం  Info sis giving you info on 70 hour week! 😂😂 pic.twitter.com/rh6Jw1n2TD — Harsh Goenka (@hvgoenka) November 6, 2023

సోషల్‌ మీడియా అంటేరు అనేక  విషయాల సమూహం. సెలబ్రిటీల నుంచి సాధారణ జనాల వరకు ఎన్నో అంశాలపై తమ తమ అభిప్రాయాలును ఈ వేదికగా పంచుకుంటున్నారు. నిత్యం వేలాది సరదా, ఆసక్తికర, విషయ పరిజ్ఞానాన్ని పెంచే కంటెంట్‌, వీడియోలు హల్‌చల్‌ చేస్తుంటాయి. తాజాగా ఓ ఫన్నీ వీడియో నెట్టింట్లో వైరల్‌గా మారింది. బిహార్‌లో ఓ లోకల్‌ న్యూస్‌ రిపోర్టర్‌ అక్కడున్న కొంత మంది విద్యార్థులను పిలిచి పలు ప్రశ్నలు అడిగాడు. అయితే రిపోర్ట్ర్‌ అడిగిన ప్రశ్నలను సరిగా అర్థం చేసుకోకుండానే ఓ పిల్లాడు తమకు తోచిన సమాధానాలు చెప్పాడు.  ఆరవ తరగతి చదువుతున్న విద్యార్థిని నీకు ఇష్టమైన సబ్జెక్ట్‌ ఏంటని ప్రశ్నించగా.. పూర్తిగా వినకుండానే బైగాన్‌(వంగాయ) అని సమాధానమిచ్చాడు. తరువాత ఆ రిపోర్టర్‌ అబ్బాయిని సబ్జెక్ట్‌ గురించి అడుగుతున్నానని చెప్పడంతో ‘ఓహ్ సారీ, ఇట్స్ ఇంగ్లీషు’ అని బదులిచ్చాడు. ‘నీకు ఇంగ్లీష్‌లో ఏవైనా పద్యాలు గుర్తున్నాయా?’ అని  అడిగితే.. బాలుడు కొంచెం కూడా తడబడకుండా ‘55 నుంచి 100 వరకు స్పెల్లింగ్‌ చెప్పగలను’ అంటూ సమాధానం చెప్పాడు.  చదవండి: షాకింగ్‌: సామాన్య పౌరుడిగా.. లండన్‌ మెట్రోలో దుబాయ్‌ యువరాజు అంతేగాక దేశ ప్రధాని ఎవరో చెప్పమని రిపోర్టర్‌ ప్రశ్నించగా..  మొదట నితీష్ కుమార్, ఆపై లాలూ యాదవ్ అని సమాధానం చెప్పాడు. దీంతో విసుగు చెందిన రిపోర్టర్‌ పీఎం అనే పదాన్ని నొక్కి చెప్పడంతో ‘మోదీ’ అని చెప్పాడు. పూర్తి పేరు అడిగినప్పుడు.. మోదీ సర్కార్! అంటూ గట్టిగా అరిచాడు. ఈ వీడియోను ఇన్‌స్టాగ్రామ్‌లో షేర్‌ చేయడంతో వైరల్‌గా మారింది.. ఇప్పటి వరకు వీడియోకు 9 లక్షలకు పైగా లైక్‌లు వచ్చాయి. అయితే పిల్లవాడు తెలిసీ తెలియక చెప్పిన సమాధానాలు నెటిజన్లచేత నవ్వూలు పూయించాయి. తనకు విషయ పరిజ్ఞానం లేదనే దాని కంటే అతడి అమాయకత్వపు జవాబులు విని పడిపడి నవ్వుతున్నారు.. కావాలంటే మీరూ ఈ వీడియోను చూడండి. చదవండి: Viral Video: కిల్లింగ్‌ స్టెప్స్‌తో అదరగొట్టిన డాక్టర్లు View this post on Instagram A post shared by 💯💯 Saur_kamalvanshi💯💯🙌🙌 (@its_saurabh_kamalvanshi)

ఇంట్లో పిల్లలు అన్నం తినకుండా మారాం చేస్తుంటే తల‍్లులు వారికి అన్నం తినిపించేందుకు నిన్ను పిచ్చోడికి పట్టిస్తా. డాక్టర్‌ను పిలుస్తా.. వచ్చి ఇంజక్షన్‌ వేస్తాడంటూ భయపెడ‍్తుంటారు. ఆ భయంతోనైనా పిల‍్లలు చెప్పిన మాట వింటారని వారి ఆశ. అయితే, కొంతమంది అల్లరి గడుగ్గాయిలు మాత్రం భయపడితే, మరింతగా రెచ్చిపోయి ఇల్లు పీకి పందిరి వేస్తుంటారు. ఇక ఇలాంటి వారిని జ్వరం వచ్చిందని ఆస్పత్రికి తీసుకెళ్తే పిల్లలకు ఇంజక్షన్‌ ఇచ్చేందుకు డాక్టర‍్లు పడే తిప్పలు అన్ని ఇన్ని కావు. ఆ మధ్య ఓ డాక్టర్‌ పిల్లాడికి ఇంజక్షన్‌ ఇస్తుంటే  సార్‌ మీరు చాలా మంచోళ్లు. నన్ను వదిలేయండి సార్‌ వెళ్లిపోతా అంటూ క్యూట్‌ గా మాట్లాడిన మాటలు నెటిజన్లను నవ్వులు పూయించాయి.  ఇలా పిల్లలే కాదండయో డాక్టర్లు ఇచ్చే ఇంజక్షన్‌ అంటే పెద్దోళ్లకు భయమే. దేశంలో 18 ఏళ్ల నుంచి 45 మధ్య వయస్సున్న వారికి కరోనా వ్యాక్సినేషన్‌ ప్రక్రియ కొనసాగుతుంది. అయితే ఈ క‍్రమంలో ఢిల్లీకి చెందిన సుకృతి తల్వార్‌ అనే మహిళ వ‍్యాక్సిన్‌ వేయించుకునేందుకు ఓ ఆస్పత్రికి వచ్చింది. వ్యాక్సిన్‌ వేసే క్రమంలో ఆమె చేసిన హడావిడి ప్రస్తుతం నెట్టింట్లో వైరల్‌ అవుతోంది. ఇంజక్షన్‌ ఇస్తుంటే వద్దని వారిస్తూ మమ్మీ అంటూ కేకలు వేసింది. ఆ కేకలతో  డాక్టర్‌ సైలెంట్‌  అవ్వడంతో పక‍్కనే ఉన్న యువతి కుటుంబ సభ్యుడు ఆమె నోరు తెరవకుండా చేయి అడ్డం పెట్టి, ఆమెను గట్టిగా పట్టుకోవడంతో వ్యాక‍్సిన్‌ ఇచ్చేశాడు. అమ్మో భయంకరమైన అనుభవం అంటూ సదరు మహిళ షేర్‌ చేసిన ఈ వీడియో నెటిజన్లను ఆకట్టుకుంటోంది. ఇంకెందుకు ఆలస్యం మీరూ చేసేయండి.   

ప‌నీపాటా లేకుండా కూర్చుండే బ‌దులు ఏదైనా చేయొచ్చు క‌దా అనే వాక్యాన్ని మ‌నం ఎన్నోసార్లు విన్నాం. కానీ క‌రోనా వ‌ల్ల ఇప్పుడు ఉన్న ప‌నులు కూడా బంద్ పెట్టి మ‌రీ ఖాళీగా తింటూ కూర్చుంటున్నాం. దీంతో పెద్ద‌వాళ్లు ఈ స‌మ‌యాన్ని స‌ద్వినియోగం చేసుకునేందుకు పాత పుస్త‌కాల‌ను దుమ్ము దులిపి ఓ ప‌ని ప‌డుతుంటే యువ‌త‌రం కొత్త వంట‌కాలు, కొత్త గేమ్స్‌ అంటూ ఎలాగోలా కాలాన్ని నెట్టుకొస్తోంది. పెళ్లైన‌వారి విషయానికొస్తే భార్య‌లు కొత్త వంట‌కాలు చేసి భ‌ర్త‌ల‌కు ప‌రీక్ష‌లు పెడుతున్నారు. అయితే ఇక్క‌డ చెప్పుకునే జంట మాత్రం అనుష్క‌, విరాట్ కోహ్లీల జంట‌ను అనుస‌రించింది. వీరిలాగే కొత్త హెయిర్‌స్టైల్ ట్రై చేసింది, కానీ బెడిసికొట్టింది. పాపం, జుట్టును స‌తీమ‌ణి చేతిలో పెట్టి బ‌లైపోయాడా భ‌ర్త‌. న‌టి ఎమిలీ పెండ‌ర్‌గాస్ట్ త‌న భ‌ర్త కోరీకి కొత్త హెయిర్‌స్టైల్ ప్ర‌య‌త్నించింది. ఎక్కడెక్క‌డ క‌త్తిరించాలో అత‌ను సూచ‌నలిస్తూ ఉండ‌గా ఆమె త‌న ప‌ని తాను చేసుకుంటూ పోయింది. ఎక్కువ‌గా క‌త్తిరిస్తున్నావు.. అని అప్పుడ‌ప్పుడు హెచ్చ‌రిస్తూ వ‌చ్చిన‌ప్ప‌టికీ ఫ‌లితం లేక‌పోయింది. చివ‌రాఖ‌రికి ఎటూ తేల‌ని, వ‌ర్ణించ‌డానికి వీలు లేని రీతిలో అత‌ని జుట్టు త‌యారైంది. దీంతో ఆమె ప‌డీప‌డీ నవ్వుతుండ‌గా, అత‌డు మాత్రం ఏడ్వ‌లేక న‌వ్విన‌ట్లు ఉంది. ఈ వీడియోను న‌టి ఫేస్‌బుక్‌లో పోస్ట్ చేయ‌గా సుమారు మూడు మిలియ‌న్ల మంది వీక్షించారు. "ఇందుకే నా జుట్టును ఎవ‌రి చేతులోనైనా పెట్టాలంటేనే వెన్నులోనుంచి ద‌డ పుడుతుంది" "నా హెయిర్ క‌త్తిరించ‌డానికి నిన్ను ఎందుకు అనుమ‌తించ‌నో ఇప్పుడ‌ర్థ‌మ‌వుతోందా?" "కాస్త‌ ఈ హెయిర్ స్టైల్ పేరు చెప్తారా?" అంటూ కామెంట్లు చేస్తున్నారు. మ‌రోవైపు కేశ ప్రేమికులు  ఎంత ఘోరం జ‌రిగిపోయిందంటూ విచారం వ్య‌క్తం చేస్తున్నారు.

ఆహారం కోసం బయల్దేరిందో ఎలుగుబంటి. కానీ ఎక్కడా ఏమీ కనిపించకపోవడంతో చెత్త డబ్బా దగ్గరికెళ్లి ఏమైనా దొరుకుతుందోమోనని దానిని తెరిచేందుకు ప్రయత్నించింది. అయితే ఎంతసేపటికి అది ఓపెన్‌ కాకపోవడంతో ఏకంగా డబ్బా మొత్తాన్ని తనతో పాటు తీసుకెళ్లింది. ఈ సరదా సంఘటన కొలెరెడోలో చోటుచేసుకుంది. ‘పాపం ఎలుగుబంటి దొంగగా మారింది. కానీ దురదృష్టవశాత్తు ఆహారం సంపాదించలేకపోయింది. కాబట్టి దానికి ఎటువంటి శిక్ష వేయబోము’ అంటూ కొలెరెడో పార్క్స్‌, వైల్డ్‌లైఫ్‌ తన ట్విటర్‌ ఖాతాలో ఎలుగుబంటి వీడియోను పోస్టు చేసింది. ప్రస్తుతం ఈ వీడియో సోషల్‌ మీడియాలో చక్కర్లు కొడుతోంది. ఈ క్రమంలో కొలెరెడో వైల్డ్‌లైఫ్‌ అధికారి మాట్లాడుతూ... ఆహారం కోసం ఎలుగుబంట్లు రాత్రుళ్లు ఎక్కువగా సంచరిస్తుంటాయి. కాబట్టి ప్రజలు అప్రమత్తంగా ఉండాలని సూచించారు.

వివిధ సందర్భాల్లో టీవీ చానెళ్లు, వాటి వ్యవహారంపై దుమారం రేగుతూనే ఉంటుంది. మరికొన్ని బ్లూఫర్స్‌లా నవ్వు పుట్టిస్తాయి కూడా. తాజాగా అలాంటి సంఘటన ఒకటి సోషల్‌ మీడియాలో వైరల్‌ అవుతోంది. ఒకవైపు లైవ్‌ టెలికాస్ట్‌ అవుతుండగా, మరోవైపు ఆత్రంగా పిజ్జా తింటూ అడ్డంగా బుక్కయిపోయాడో ఉద్యోగి. పని ఒత్తిడి, క్షుద్బాధకు ఓర‍్వలేక అలా కక్కుర్తి పడ్డాడో ఏమోగానీ , ఈ వీడియోతో మాత్రం పిజ్జా మ్యాన్‌ లక్షలాది వ్యూస్‌తో ఇంటర్నెట్‌ హీరో అయిపోయాడు.  తాజా ఘటనలో చానెల్ లైవ్‌లో రిపోర్టర్‌ రిపోర్టింగ్ చేస్తుండ‌గా.. చానెల్‌కు చెందిన మరో ఉద్యోగి పిజ్జా తింటూ  లైవ్‌లో కనిపించాడు. దొంగచాటుగా తింటూ.. సడన్‌గా అలా లైవ్‌ లో ప్రత్యక్షమయ్యే సరికి అతగాడు బిక్క చచ్చిపోయాడు. ఈ వీడియో ప్రస్తుతం సోషల్ మీడియాలో  సెన్సేషన్‌గా నిలిచింది.  సీబీఎస్‌ఎన్ చానెల్‌లో ఈ ఫన్నీ ఘటన చోటు చేసుకుంది. ఈ వీడియోను వీక్షించిన నెటిజన్లు  హాల్‌వే పిజ్జా గై అనే నిక్‌ నేమ్‌తో ఫన్నీ కామెంట్లతో హోరెత్తిస్తున్నారు. tfw you go to eat your hallway pizza and get told you’re in the live shot pic.twitter.com/ppkq9PJraO — Mike Uehlein (@MikeUehlein) February 27, 2019 Poor thing...Bless his heart....he's probably starving.😁 — kawfytawk (@kawfytawk) February 27, 2019

అది ఘనా పార్లమెంట్‌ హౌజ్‌. ఎంపీ ‘జాన్‌ ఫ్రిమ్‌పొంగ్‌ ఓసెయి’ తన సీటులోంచి నిల్చుని నియోజకవర్గంలోని సమస్యల ప్రస్తావన మొదలుపెట్టారు. దశాబ్దాలుగా విద్యుత్‌ కొరత ఎదుర్కుంటున్న గ్రామాల దుస్థితిని వివరించే యత్నం చేశారు. ఈ క్రమంలో కొన్ని గ్రామాల పేర్లను ఆయన చదివి వినిపిస్తుండగా.. సభలో ఒక్కసారిగా నవ్వులు విరబూశాయి. అందుకు వాటి అర్థాలంతా పచ్చి బూతులు కావటమే. ప్రసంగం కొనసాగుతున్నంత టివీ(అకన్‌ కాసా) భాషలో ఆయన తన ప్రసంగం కొనసాగించగా.. ఆంగ్లంలో వాటి అర్థాలు చాలా దారుణమైనవి. దీంతో ఆయన ప్రసంగం సాగినంత సేపు స్పీకర్‌తోపాటు, మహిళ ఎంపీలు, అంతా తలదించుకుని విరగబడి నవ్వారు. జాన్‌ ప్రసంగం ముగిసిన వెంటనే లేచిన విద్యుత్‌ శాఖా మంత్రి ‘బోయాకై అగ్యార్కో’ హిల్లేరియస్‌ సమాధానం ఇచ్చారు. ‘ వాళ్లకు విద్యుత్‌ సరఫరా చేస్తే రాత్రిపూట చేసే పనులను విఘాతం కలుగుతుందేమో’ అని బదులిచ్చారు. దీంతో సభ మరోసారి నవ్వులు విరబూశాయి. అయితే వెంటనే సీరియస్‌గా మారిపోయిన మంత్రిగారు.. అబిరెమ్‌ నియోజకవర్గానికి విద్యుత్‌ సరఫరా కోసం చేస్తున్న యత్నాలు వివరించటంతో సభ చల్లబడింది. గురువారం హౌజ్‌లో ఈ ఘటన చోటు చేసుకోగా.. ఇందుకు సంబంధించిన వీడియో ఇప్పుడు చక్కర్లు కొడుతోంది. Etwe nim Nyansa - "Vagina is Wise" Kote ye Aboa - "Penis is a Fool" Shua ye Morbor - "Testicles are Sad".   ఇదిలా ఉంటే ఘనాలో ఏళ్లకు పూర్వం కొన్ని తెగలు తమ ఊళ్లకు ఆయా పేర్లను పెట్టుకోగా.. ఇప్పటికీ అవే పేర్లతో చెలామణిలో ఉన్నాయి. 


 బీజింగ్‌: సాధరణంగా చిన్నపిల్లలే ఎక్కువగా భయపడుతుంటారు. వారికి పెద్దలు ధైర్యాన్ని నూరిపోస్తుంటారు. అయితే, చైనాలో మాత్రం అందుకు విరుద్ధమైన పరిస్థితి దర్శనం ఇచ్చింది. ఓ బాలుడు తన తండ్రికి ధైర్యం నూరిపోసే సంఘటన వెలుగులోకి వచ్చింది. భయంతో గజగజ వణికిపోతూ అతుక్కుపోయినా తన తండ్రిని తనతో రావాలని బుడిబుడి అడుగులు వేసే చిన్నారి లాగుతున్న ఆ వీడియో ఇప్పుడు ఫేస్‌బుక్‌లో తెగ పరుగులు పెడుతోంది. దీనిని చూస్తున్నవారంతా తెగ నవ్వుకుంటున్నారు.
 
 ఇంతకీ ఆ వీడియో ఏమిటంటే.. చైనాలో పెద్ద పెద్ద పర్వతాల చుట్టూ శిఖరాగ్రానికి కొంచెం కిందగా గాజు పలకలతో ఫుట్‌పాత్‌ మాదిరిగా స్కైవేలు ఏర్పాటుచేసిన విషయం తెలిసిందే. అందులో భాగంగా అక్కడ వాన్‌షెన్‌ నేషనల్‌ పార్క్‌లోని పర్వతం చుట్టూ ఏర్పాటుచేసిన గాజు స్కైవేపై నడిచేందుకు ఓ తండ్రి కొడుకు బయలుదేరి వెళ్లారు. అయితే, దాని మీదకు ప్రవేశించిన తర్వాత కేవలం రెండు అడుగులు మాత్రమే వేసిన ఆ తండ్రి అక్కడి నుంచి కిందకు చూసి వణికిపోయి ఇక తాను అంగుళం కూడా కదలబోనంటూ రాతికి అతుక్కుపోయాడు. ఆ సమయంలో అతడి కుమారుడు ఏం కాదని, తనతో రావాలని చేతిని, కాలును పట్టుకొని లాగుతుంటాడు. ఆ వీడియోనే ఇప్పుడు చూపరులను ఆకట్టుకుంటోంది.


 లండన్‌: ఒక విషయం గురించి తెలియనప్పుడు భయపడుతుంటాం. ఈ భయం జంతువులకు కాస్తంత ఎక్కువగా ఉంటుంది. అందుకే జన సంచారంలో ఉండే జంతువులుతప్ప మిగితావి తమ ఆ‍త్మరక్షణకోసం వెనుకాముందు చూడకుండా ప్రతిఘటించేందుకే ప్రయత్నిస్తుంటాయి. ఈ కోవలో సింహం మినహాయింపు కాదు. తొలుత కాస్తంత ఆగినట్లు కనిపించినా ఆ వెంటనే తన పంజా పవర్‌ ఏమిటో చూపిస్తుంది. కానీ, చిన్నపిల్లలు ఓ సింహాన్ని తోకముడిచేలా చేశారు. భయంతో పారిపోయేలా బెదిరించారు. అది కూడా ఓ నీటి బుడగతో. అదెలా అని అనుకుంటున్నారు.
 
 బ్రిటన్‌లోని పారాడైజ్‌ వైల్డ్‌ లైఫ్‌ పార్క్‌లో మోటో అనే ఒక తెల్ల సింహం ఉంది. దానిని చూస్తేనే ఒళ్లు గగుర్లు పొడుస్తుంది. అలాంటి సింహాన్ని చూసేందుకు వచ్చిన పిల్లలు ఆడుకుంటూ ఓ నీటి బుడగను వదిలారు. అది కాస్త సింహం ఉన్న బోనులోకి మెల్లగా జారిపడుతుండగా దానిని ఎంతో దగ్గరిగా ఆసక్తిగా చూసిన సింహం అది కిందపడి టప్‌మనే శబ్ధంతో పగిలిపోగానే భయంతో తోకముడిచింది. వెంటనే ఆ ప్రదేశాన్ని వదిలి తన గుహలోకి పారిపోయింది. దీనిని చూస్తున్నవారంతా మృగరాజుకు కూడా ఎంత భయం అనుకుంటూ పడిపడి నవ్వుతున్నారు. ఇప్పుడు ఈ వీడియో సోషల్‌ మీడియాలో, యూట్యూబ్‌లో తెగ హల్‌చల్‌ చేస్తోంది.


 కొత్త ఏడాది సందర్భంగా ఓ ఫన్నీ వీడియో ఆన్‌లైన్‌లో హల్ చల్ చేస్తోంది. దీన్ని చూసిన ఏ ఒక్కరికి నవ్వకుండా ఉండటం అస్సలు సాధ్యం కాదు. ఇద్దరు బాల భీములు బరువు తగ్గించే వైబ్రేట్‌ మిషన్‌ మీద నిల్చుని ఆ మెషిన్‌ వారి శరీరాన్ని వైబ్రేట్‌ చేసే సమయంలో వారు పలికిస్తున్న హావభావాలు కడుపుచెక్కలయ్యేలా నవ్విస్తున్నాయి.
 
 ఈ వీడియో ఎక్కడి నుంచి పోస్ట్‌ చేశారనే వివరాలు మాత్రం అందుబాటులో లేవుగానీ, ఆ బాల భీముల్ని చూస్తుంటే మాత్రం కచ్చితంగా వారు కొరియానో లేఖ చైనాకు చెందిన చిన్నారులో అయ్యుంటారనే విషయం అర్థమవుతుంటుంది. ఈ వీడియోలో ఏముందంటే ఇద్దరు చిన్నారులు.. ఒకరు రెడ్‌ డ్రెస్‌లో మరొకరు వైట్‌ డ్రెస్‌లో ఉన్నారు. వయసు తక్కువే ఉన్నప్పటికీ అంతకుమించిన బరువుతో ఉన్నారు. వారిని వెయిట్‌ లాస్‌ సెంటర్‌కు తీసుకొచ్చిన తల్లిదండ్రులు వైబ్రేట్‌ మిషన్‌పై వారిని నిలబెట్టి అనంతరం వారిని వీడియోతీశారు. ఆ సమయంలో చోటు చేసుకున్న ఫన్నీ ఎలా ఉందో తెలుసుకోవాలంటే ఈ వీడియోను మీరూ చూడండి..