ప్రముఖ బాలీవుడ్ నటుడు హిమాన్షు కోహ్లీ వివాహబంధంలోకి అడుగుపెట్టారు. ఢిల్లీలోని ఓ ఆలయంలో ఆయన పెళ్లి వేడుక ఘనంగా జరిగింది. తన పెళ్లికి సంబంధించిన ఫోటోలను ఇన్‌స్టాలో షేర్ చేశారు. ఈ విషయం తెలుసుకున్న అభిమానులు హిమాన్ష్ కోహ్లీకి కంగ్రాట్స్ చెబుతున్నారు.అయితే చిన్ననాటి స్నేహితురాలైన బంధువుల అమ్మాయినే పెళ్లాడినట్లు తెలుస్తోంది. కోహ్లి తన పెళ్లికి సంబంధించిన ఫోటోలు షేర్ చేస్తూ మీ అందరీ దీవెనలు పుష్కలంగా ఉన్నాయని రాసుకొచ్చాడు.అంతకుముందు ప్రీ వెడ్డింగ్‌ వేడుకలను గ్రాండ్‌గా నిర్వహించారు. మెహందీ వేడుకకు సంబంధించిన ఫోటోలు సోషల్ మీడియాలో వైరలయ్యాయి. ఈ వేడుకల్లో హిమాన్ష్ కోహ్లీ కూడా డ్యాన్స్‌ చేస్తూ కనిపించారు.కాగా.. హిమాన్ష్ కోహ్లీ మొదటి హమ్‌ సే లైఫ్ సీరియల్‌తో కెరీర్ ప్రారంభించాడు. ఆ తర్వాత రకుల్ ప్రీత్‌ సింగ్‌తో యారియాన్‌ అనే చిత్రంలో నటించారు. ఈ సినిమాతోనే హిమాన్ష్ బాలీవుడ్ ఎంట్రీ ఇచ్చారు. ఈ చిత్రానికి దివ్య ఖోస్లా కుమార్ దర్శకత్వం వహించారు. హిమాన్ష్ ప్రస్తుతం జూలియా అండ్ కలియా చిత్రంలో కనిపించనున్నారునేహా కక్కర్‌తో డేటింగ్..కాగా.. హిమాన్ష్ గతంలో బాలీవుడ్ సింగర్‌ గాయని నేహా కక్కర్‌తో రిలేషన్‌షిప్‌లో ఉన్నారు. ఇండియన్ ఐడల్ 10 సందర్భంగా తమ రిలేషన్‌ను అధికారికంగా ప్రకటించారు. దాదాపు ఏడాది పాటు డేటింగ్‌లో ఉన్న వీరిద్దరు డిసెంబర్ 2018లో విడిపోయారు. ఆ తర్వాత నేహా.. రోహన్‌ప్రీత్ సింగ్‌ను వివాహం చేసుకుంది.

ప్రముఖ గాయని నేహా కక్కర్ పంజాబీ గాయకుడు, నటుడు రోహన్‌ప్రీత్‌ను వివాహం చేసుకోబోతున్నట్లు ప్రచారం జరుగుతోంది. అధికారికంగా ఇప్పటివరకు ఎలాంటి సమాచారం లేనప్పటికి అక్టోబర్‌లోనే వీరి వివాహం జరగనుందని బీటౌన్‌లో పుకార్లు షికార్లు చేస్తున్నాయి. నేహా గతంలో చాలా మందితో డేటింగ్‌లో ఉన్నట్లు కథనాలు ఉన్నాయి.  గత సంవత్సరం ఇండియన్ ఐడల్ 10 హోస్ట్ ఆదిత్య నారాయణ్‌తో డేటింగ్ చేస్తున్నట్లు చెప్పగా, అది పీఆర్‌ స్టంట్ అని తేలింది. దీనికి ముందు, నేహా, నటుడు హిమాన్ష్ కోహ్లీ రిలేషన్లో ఉన్నట్లు కథనాలు బయటకు వచ్చాయి. అప్పట్లో ఈ విషయం చాలా మందిని ఆకర్షించింది.   నేహా వివాహానికి సంబంధించి పుకార్లు రావడంతో ఈ విషయం గురించి హిమాన్ష్‌ కోహ్లీని ప్రశ్నించగా  రోహన్‌ ప్రీత్‌తో ఉన్న సంబంధం గురించి తనకు తెలియదని, కానీ ఆమె జీవితంలో ముందుకు సాగడంపట్ల తనకు ఆనందంగా ఉందని ఆయన చెప్పారు. హిమాన్ష్‌ మాట్లాడుతూ, ‘నేహా నిజంగా వివాహం చేసుకుంటే, నేను సంతోష పడతాను. దాని తరువాత ఆమె జీవితంలో ముందుకు సాగుతోంది, ఆమెకంటూ ఒకరుంటారు. అది చూడటానికి చాలా బాగుటుంది’ అని అన్నారు. ఇక నేహాను వివాహం చేసుకోబోతున్న రోహన్‌ప్రీత్ తెలుసా అని అడిగినప్పుడు, లేదు, నిజంగా తెలియదు అని హిమాన్ష్‌ సమాధానం ఇచ్చారు. హిమాన్ష్, నేహా కక్కర్ 2014 నుంచి 2018 వరకు 4 సంవత్సరాలు సంబంధంలో ఉన్నట్లు సమాచారం. అంతేకాకుండా ఒక మ్యూజిక్ వీడియోలో కూడా కలిసి నటించారు. ఒక రియాలిటీ షోలో నేహా, హిమాన్ష్‌ పట్ల తనకున్న ప్రేమను కూడా ప్రకటించింది.  చదవండి: పాడినందుకు పైసా ఇవ్వ‌రు: ప్ర‌ముఖ‌ సింగ‌ర్‌

ముంబై : టాలీవుడ్‌.. బాలీవుడ్ అనే తేడా లేకుండా ఇప్ప‌టికే చాలా మంది సెల‌బ్రిటీలు క‌రోనా బారిన ప‌డ్డారు. తాజాగా యారియాన్ సినిమా ఫేం హిమాన్ష్‌ కోహ్లి క‌రోనా సోకిందంటూ శుక్ర‌వారం ఇన్‌స్టా ద్వారా స్వ‌యంగా వెల్ల‌డించాడు. 'ఈ మ‌ధ్య‌నే క‌రోనా ప‌రీక్ష చేయించుకున్నా.. శుక్ర‌వారం పాజిటివ్ అని తేలింది.. రెండు వారాలు  ఇంట్లోనే రెస్ట్ తీసుకుంటే స‌రిపోతుందని డాక్ట‌ర్లు చెప్పారు. ప్ర‌స్తుతం హోం క్వారంటైన్‌లో ఉన్నా.. అంద‌రూ జాగ్ర‌త్త‌గా ఉండండి' అంటూ కామెంట్ చేశాడు. అంతేకాదు క‌రోనాను నిర్ల‌క్ష్యం చేయొద్ద‌ని.. ల‌క్ష‌ణాల‌నేవి అంద‌రికి ఒకేలా ఉండ‌వంటూ ఒక సుధీర్ఘ పోస్టును ఇన్‌స్టాలో షేర్ చేశాడు. హిమాన్ష్ కుటుంబంలో మొద‌ట త‌న తండ్రి, త‌ల్లితో పాటు చెల్లికి క‌రోనా సోకింది. వారంద‌రూ హోం ఐసోలేష‌న్‌లో ఉండ‌గానే ఇప్పుడు హిమాన్ష్ కూడా క‌రోనా పాజిటివ్ అని తేలింది. హిమాన్ష్‌ కోహ్లి రాసిన సారాంశం ఇలా ఉంది. (చదవండి : అరెస్టు అయ్యేందుకు సిద్ధం.. ప్రేమించడం నేరం కాదు!) 'భ‌గ‌వంతుడి ద‌య వ‌ల్ల , మీ అంద‌రి ప్రార్థ‌నల కార‌ణంగా నా కుటుంబం ఇప్పుడిప్పుడే క‌రోనా నుంచి కోలుకుంటుంది. తాజాగా నేను క‌రోనా బారిన ప‌డ్డాను. క‌రోనా సోక‌క‌ముందు మేము చాలా దైర్యంగా ఉన్నాం.. ఇమ్యూనిటీ ప‌వ‌ర్ ఉందిగా.. మాకేం కాదులే.. క‌రోనాతో పోరాడుతుందిలే అని భావించేవాళ్లం దాంతో పాటు క‌రోనా రాకుండా అన్ని జాగ్ర‌త్త‌లు తీసుకునేవాళ్లం. కానీ మా అమ్మ, నాన్న‌, చెల్లికి క‌రోనా సోకిన త‌ర్వాత  ప‌రిస్థితులు పూర్తిగా మారిపోయాయి. వారిలో ఏ ఒక్క‌రికి ఒకే ర‌క‌మైన ల‌క్ష‌ణాలు క‌నిపించ‌లేదు. వారి ప‌రిస్థితి చూసి నేను టెస్ట్‌కు వెళితే  క‌రోనా పాజిటివ్‌గా నిర్థార‌ణ అయింది. అందుకే ఇప్పుడు మీకు ఒక విష‌యం చెప్పాల‌నుకుంటున్నా.. ద‌య‌చేసి క‌రోనా ప‌ట్ల నిర్ల‌క్ష్యంగా ఉండ‌కండి.. మాకేం కాదులే అన్న ధోర‌ణి వ‌దిలేయండి.. ల‌క్ష‌ణాలు అనేవి అంద‌రికి ఒకేలా క‌నిపించ‌డం లేదు. నేను ఏదో భ‌య‌పెట్టాల‌ని మాత్రం చెప్ప‌ట్లేదు.. నేను నిర్ల‌క్ష్యంగా వ్య‌వ‌హ‌రించానే కాబ‌ట్టే  ఇప్పుడు ఫ‌లితం అనుభ‌విస్తున్నా.. మీకు ఆ ప‌రిస్థితి రాకూడ‌ద‌నే కోరుకుంటూ ఇదంతా చెప్పా. అంద‌రూ జాగ్ర‌త్త‌గా ఉండండి.. స్టే సేఫ్‌.. బి హ్యాపీ.. అంటూ 'రాసుకొచ్చాడు. కాగా 2014లో యారియాన్‌ సినిమాతో బాలీవుడ్ ఎంట్రీ ఇచ్చిన హిమాన్ష్ కోహ్లి ఆ త‌ర్వాత రాంచీ డైరీస్‌, అభీ న‌హీ తోహ్ క‌బీ న‌హీ, బూందీ ర‌హితా, దిల్ జోనా కెమ్ సాకా వంటి చిత్రాలో న‌టించాడు. బాలీవుడ్ సింగ‌ర్ నేహా క‌క్క‌ర్‌తో ప్రేమాయ‌ణం న‌డిపిన హిమాన్ష్ .. గ‌తేడాది వారిద్ద‌రి మ‌ద్య జ‌రిగిన‌ బ్రేక‌ప్‌తో ఒక్క‌సారిగా వార్త‌ల్లో నిలిచాడు.

ప్రముఖ బాలీవుడ్‌ సింగర్‌ నేహా కక్కర్‌ తన మాజీ ప్రియుడు, నటుడు హిమాన్ష్‌ కోహ్లిపై విరుచుకుడ్డారు. తన పేరును వాడుకుని వార్తల్లోకెక్కాలని చూస్తే.. ఊరుకునేది లేదంటూ తన మాజీ ప్రియుడికి సోషల్‌ మీడియాలో క్లాస్‌ పీకారు. అది చూసి నేహా అభిమానులంతా ఎప్పుడు కూల్‌గా ఉండే ఆమె ఎందుకీంత కోపంగా ఉందా అని ఆశ్యర్యపోతున్నారు. ప్రస్తుతం నేహా ఇన్‌స్టాగ్రామ్‌ వేదికగా చేసిన ఘాటు వాఖ్యలు సోషల్‌ మీడియాలో వైరల్‌ అవుతోంది. నేహా ఓ చిన్నారితో సరదాగా డ్యాన్స్‌ చేస్తున్న వీడియోకు ‘హ్యాపీ లైఫ్‌’ అనే క్యాప్షన్‌తో షేర్‌ చేశారు. ఈ వీడియోకు నేహా ‘నేను చేసిన మంచి, కర్మ వల్లే సంతోషకరమైన జీవితాన్ని గడుపుతున్నాను. అయితే కొంత మంది నన్ను చూసి ఓర్వలేక నాపై చేడు ప్రచారం చేస్తున్నారు. అంతేగాక నాకున్న పలుకుబడిని ఉపయోగించుకుని వార్తల్లో నిలవాలని చూస్తున్నారు. అయితే కేవలం వారి గర్తింపు కోసమే నా పేరును వాడుకుంటున్నారు తప్ప వేరే కారణం లేదు. నా పేరును వాడుకొని ఎదగాలనుకునే వారికి నేను ఒక సందేశం ఇవ్వాలనుకుంటున్నాను. మీరు ఫేమ్‌ అయితే అవ్వండి అయితే అది మీ సొంత పని వల్ల అయ్యిండాలి.. తప్పా నా పేరుతో కాదు’ అంటూ తన ఇన్‌స్టాలో రాసుకొచ్చారు.  మేం విడిపోవడానికి కారణం తనే: హీరో అంతేగాక వారి గుర్తింపు కోసం మళ్ళీ తన పేరును వాడితే తీవ్ర పరిణామాలు ఎదుర్కొవాల్సి ఉంటుందని హిమాన్ష్‌ను హెచ్చారించారు. తాను నోరు తేరిస్తే.. తన తల్లిదండ్రులు, సొదరిలు కూడా ఏం చేశారో.. తనతో వారు చెప్పిన మాటలను కూడా బయటపెట్టాల్సి వస్తుందని గట్టిగా వార్నింగ్‌ ఇచ్చారు. ఇకనైనా నా పేరుకు, నాకు దూరంగా ఉంటేనే మంచిది అంటూ గట్టిగా సమాధానం ఇచ్చారు. కాగా ఇటీవల హిమాన్ష్‌ ఓ ఇంటర్యూలో మాట్లాడుతూ.. ‘మా బ్రేకప్‌కు కారణం నేహానే. తానే విడిపోదామని చెప్పి.. సోషల్‌మీడియాలో నేనే మోసం చేసినట్లు నేహా పోస్టులు పెట్టి నన్ను చెడ్డావాడిగా చిత్రీకరించింది’ అని చెప్పిన సంగతి తెలిసిందే.  View this post on Instagram Love You Guddu 😍😇 . Bhagwaan Ki Daya Se, By The Grace of God, I have Everything one wishes from Life 🙏🏼 Really Really Happy that I’m living a Happiest Life and that’s because of Good Deeds, Good Karma! ❤️💪🏼😇 Log Jo Bhi Bura Bolte Hain Mere Baare Mein They’re nothing but FAKE AND JEALOUS and USING MY FAME to appear in News. Pehle bhi Use Kiya, Mere Peeche se bhi Use Kar Rahe Hain. Oye! Get Famous coz of Your Work, Not bcz of Me. Don’t Use My Name to get famous again. If I open My Mouth............. I’ll bring here your Mother, Father and Sister’s deeds too.. What all they did and said to me. Don’t You Dare Use My Name and Dont become Bechaara in front of the world, making me look like a villain, Warning You!!!!! ⚠️ Stay Away from Me and My Name!!!!!! 🙏🏼 A post shared by Neha Kakkar (@nehakakkar) on Feb 17, 2020 at 9:50pm PST

బాలీవుడ్‌ నటుడు హిమాన్ష్‌ కోహ్లి ప్రముఖ సింగర్‌ నేహ కక్కర్‌తో విడిపోవడంపై వివరణ ఇచ్చారు. తాజాగా ఓ ఇంటర్వ్యూలో హిమాన్ష్‌ మాట్లాడుతూ.. వారిద్దరూ విడిపోవడం అనేది నేహా నిర్ణయమే అని స్పష్టం చేశాడు. కానీ నేహా సోషల్‌ మీడియా పోస్టులు, పలు షోలలో కన్నీరు పెట్టుకోవడం చూసి అందరూ తననే నిందించారని ఆవేదన వ్యక్తం చేశాడు. ఇక అసలు విషయం చెబుతూ.. ‘అసలు నేను నేహాతో విడిపోవాలనుకోలేదు. అది తన నిర్ణయమే. ఒక ప్రేమికుడిగా తన నిర్ణయాన్ని గౌరవించాను. అయితే మా బ్రేకప్‌ విషయాన్ని సోషల్‌ మీడియాలో ముందుగా నేహా వెల్లడిస్తూ.. ఇక మా మధ్య ఎలాంటి బంధం లేదని, తన హృదయం ముక్కలైందని, నిరాశలో కూరుకుపోయానంటూ చేసిన పోస్టు చూసి షాక్‌కు గురయ్యాను. ఇక అది చూసి నెటిజన్లంతా నన్ను నిందించడం మొదలు పెట్టారు. మా బ్రేకప్‌కు కారణం నేనేనని వారంతా నాపై విరుచుకుపడుతూ మోసగాడిగా చూడటం నాకు చాలా బాధను కలిగించింది. నిజం చెప్పాలంటే నా జీవితంలో అవి చాలా క్లిష్టమైన రోజులు కూడా’ అంటూ భావోద్వేగానికి లోనయ్యాడు. ఆ పోస్టులకు చాలాసార్లు స్పందిద్దామనుకుని.. మెసేజ్‌లు కూడా టైప్‌ చేసి ఆగిపోయిన రోజులు ఉన్నాయన్నాడు. ఒకప్పుడు తనని ప్రేమించాను కాబట్టే నేహాను చేడుగా చూపించడం ఇష్టం లేక రిప్లై ఇవ్వలేదని  చెప్పుకొచ్చాడు. ‘ఇప్పటికి ఆమెను గౌరవిస్తున్నాను’ అంతేగాక ‘నేహాను నా సినిమా కెరీర్‌ కోసం ప్రేమించానంటూ వార్తలు వచ్చాయి. నిజానికి చాలా మంది కూడా అదే అనుకున్నారు. అసలు విషయం వారికి తెలియదు. నేహాతో ప్రేమకు ముందు నా నాలుగు సినిమాలు విడుదలయ్యాయి. ఆ తర్వాత రెండు సినిమాలు మాత్రమే వచ్చాయి. కారణం నేహా మ్యూజిక్‌ షోల కోసం తనతో పాటు విదేశాలకు వెళ్లడం, తనతోనే ఎక్కువ సమయం గడుపుతూ సినిమాల్లో తక్కువగా నటించాను’ అని చెప్పాడు. ఇక నిజానికి ఏం జరిగిందన్న విషయం ప్రజలకు అవసరం లేదు. వారికి కనిపించిందే నిజమని నమ్ముతారు. దానితోనే ఇతరులను నిందిస్తారు తప్ప.. అసలు విషయం ఎవ్వరూ తెలుసుకోవాలనుకోరు అన్నాడు. ఇక ఏది ఏమైనా చివరకు నేహాను తాను మోసం చేయలేదని సోషల్‌ మీడియాలో స్పష్టం చేసినందుకు సంతోషంగా ఉందని హిమాన్ష్‌ పేర్కొన్నాడు.

మాజీ ప్రియురాలు నేహా కక్కర్‌ని ఇప్పటికి గౌరవిస్తున్నానని.. ఆమెకు అంతా మంచే జరగాలని కోరుకుంటున్నానని తెలిపాడు నటుడు హిమాన్ష్ కోహ్లీ. వీరిద్దరూ విడిపోయి దాదాపు సంవత్సరం అవుతుంది. ఈ క్రమంలో తాజాగా తమ బంధం గురించి మీడియాతో మాట్లాడారు హిమాన్ష్‌. హిందూస్తాన్‌ టైమ్స్‌కిచ్చిన ఇంటర్వ్యూలో ఆయన మాట్లాడుతూ.. ‘నేను దీని గురించి మాట్లాడతానని ఎప్పుడు అనుకోలేదు. జరిగింది ఏదో జరిగి పోయింది. నేను దాన్ని మార్చలేను. కానీ నేహా అంటే నాకు ఇప్పటికి గౌరవమే. ఆమెకు అంతా మంచే జరగాలని కోరుకుంటాను. క్లిష్ట పరిస్థితుల్లో కూడా మేం ఒకరికి ఒకరం మర్యాద ఇచ్చుకుంటాం. తనో గొప్ప వ్యక్తి. నేహా కోరుకున్న ప్రతీది ఆమెకు దక్కాలని మనస్పూర్తిగా కోరుకుంటున్నాను. ఆమె పూర్తి ఆయురారోగ్యాలతో ఆనందంగా జీవించాలని దేవుడిని వేడుకుంటున్నాను’ అని తెలిపారు. ఈ క్రమంలో వీరిద్దరు గత ఏడాది వచ్చిన ఓహ్‌ హమ్‌సఫర్‌ పాటలో కలిసి నటించారు. దీని గురించి ప్రస్తావిస్తూ.. ‘మళ్లీ నేహాతో కలిసి పని చేయడానికి మీరు సిద్ధంగా ఉన్నారా’ అని హిమాన్ష్‌ను ప్రశ్నించగా.. ‘ఎందుకు లేను. మంచి అవకాశాలను ఎందుకు జారవిడుచుకోవాలి. ఆసక్తికర ప్రాజెక్ట్స్‌ వస్తే.. తప్పకుండా నేహాతో కలిసి పని చేస్తాను. నా పనే నటించడం కదా’ అన్నారు హిమాన్ష్‌. గత ఏడాది ఇండియన్‌ ఐడిల్‌ రియాలిటీ షోలో వీరిద్దరు తాము రిలేషన్‌లో ఉన్నామని ప్రకటించారు. ఆ తర్వాత ఈ ఏడాది జనవరిలో తమ మధ్య బంధం ముగిసిపోయిందని తెలిపారు. తొలత నేహానే ఇన్‌స్టాగ్రామ్‌ వేదికగా తాము విడిపోయినట్లు వెల్లడించారు. తన హృదయం ముక్కలైందని.. నిరాశలో కూరుకుపోయానని తెలిపారు నేహా. దాంతో హిమాన్ష్‌, నేహాను మోసం చేశాడంటూ నెటిజన్లు తనను విమర్శించడం ప్రారంభించారు. అయితే ఈ విమర్శలపై నేహా స్పందించారు. హిమాన్ష్‌కు మద్దతివ్వడమే కాక తనపై అసత్య ప్రచారాలు చేస్తున్నారని మండిపడ్డారు. ఈ క్రమంలో హిమాన్ష్‌కు మద్దతుగా ట్వీట్‌ చేశారు నేహా. ‘నేను ఆన్‌లైన్‌లో కొన్ని వార్తలు చదివాను. అవి పూర్తిగా అవాస్తవం. అవును నేను బాధపడుతున్న మాట వాస్తవమే.. కానీ నేను మోసపోలేదు. నిజాయతీగా చెప్పాలంటే హిమాన్ష్‌ చాలా ఉత్తముడు. తనను విమర్శించడం.. అతనిపై తప్పుడు ఆరోపణలు చేయడం మానండి. వాస్తవాలు తెలియకుండా మేం ఎవరి పేరు చెడగొట్టలేదు’ అంటూ ట్వీట్‌ చేశారు. అంతేకాక తన వ్యక్తిగత జీవితం గురించి బయట ప్రపంచానికి వెల్లడించడం పట్ల నేహా బాధపడ్డారు. ‘నాకు భావోద్వేగాలు ఎక్కువ. అందుకే నా వ్యక్తిగత జీవితం గురించి ప్రపంచానికి వెల్లడించాను కానీ నేను అలా చేసి ఉండకూడదు’ అన్నారు నేహా.   I read some article online which was Fake & Disturbing. Yes I said I’m hurt but I NEVER said I got betrayed. When it comes to being Loyal, He’s TheBest! So plz Stop blaming him & putting Wrong Allegations. We just can’t spoil anybody’s reputation without even knowing the facts!🙏🏼 — Neha Kakkar (@iAmNehaKakkar) February 26, 2019

తన మాజీ ప్రేయసి నేహా కక్కర్‌తో కలిసి పనిచేయడానికి సిద్ధంగా ఉన్నట్లు బాలీవుడ్‌ నటుడు హిమాంశ్‌ కోహ్లి పేర్కొన్నాడు. విడిపోయిన తర్వాత కూడా ఆమెపై ఏమాత్రం గౌరవం తగ్గలేదని... తనను ఎల్లప్పుడూ గౌరవిస్తూనే ఉంటానన్నాడు. నేహా వంటి గొప్ప ఆర్టిస్టుతో వేదికను పంచుకోవడం ఎవరికైనా ఆనందంగానే ఉంటుందని ప్రశంసలు కురిపించాడు. సింగింగ్‌ ప్రోగ్రామ్‌ ‘ఇండియన్‌ ఐడల్‌’ ద్వారా వెలుగులోకి వచ్చిన నేహా కక్కర్‌.. తర్వాతి సీజన్‌లో అదే కార్యక్రమానికి న్యాయనిర్ణేతగా వ్యవహరించి అరుదైన ఘనతను సొంతం చేసుకున్న విషయం తెలిసిందే. కాలా చష్మా, దిల్‌బర్‌ రీమిక్స్‌ వంటి పలు బాలీవుడ్‌ హిట్‌ సాంగ్స్‌ ఆలపించిన నేహా.. నటుడు హిమాంశు కోహ్లితో ప్రేమలో ఉన్నట్టు ఇండియన్‌ ఐడల్‌ వేదికపై ప్రకటించారు. అయితే కొంతకాలంగా వీరి మధ్య అభిప్రాయ భేదాలు తలెత్తాయి. ఈ క్రమంలో తన సోషల్‌ మీడియా అకౌంట్లలో హిమాంశును అన్‌ఫాలో చేసిన నేహా.. తాను డిప్రెషన్‌లో ఉన్నానంటూ వరుస ట్వీట్లు చేశారు. దీంతో ఆందోళనకు గురైన ఆమె అభిమానులు హిమాంశును టార్గెట్‌ చేస్తూ విపరీతంగా ట్రోల్‌ చేశారు. అయితే నేహా మాత్రం తన పరిస్థితికి తానే కారణమని.. ఎవరినీ నిందించవద్దని వారికి విఙ్ఞప్తి చేశారు. ఈ నేపథ్యంలో మంగళవారం ఓ జాతీయ మీడియాతో మాట్లాడిన హిమాంశు...‘ నాకు నేహపై ఎటువంటి కోపం లేదు. జరిగిందేదో జరిగిపోయింది. గతాన్ని నేను మార్చలేను. అయితే ఒక విషయం.. నేను ఎల్లప్పుడూ నేహాను గౌరవిస్తూనే ఉంటాను. మేము గొడవ పడిన రోజుల్లో కూడా ఒకరినొకరం గౌరవించుకోవడం మానలేదు. తను అద్భుతమైన వ్యక్తిత్వం కలది. అంతకుమించి గొప్ప కళాకారిణి. తనకు ఆ దేవుడు అన్ని సంతోషాలు ఇవ్వాలని కోరుకుంటున్నా. ఆరోగ్యం పట్ల కూడా శ్రద్ధ వహించి తను తొందరగా కోలుకోవాలని ప్రార్థిస్తున్నా అని పేర్కొన్నాడు. అదే విధంగా తమ హిట్‌ సాంగ్‌...‘ఓహ్‌ హమ్ సఫర్‌’ గురించి చెబుతూ.. మేము రూపొందించిన ఈ సాంగ్‌ మిలియన్ల కొద్దీ వ్యూస్‌ సాధించింది. విడిపోయినంత మాత్రాన తనతో కలిసి పనిచేయకూడదని అనుకోను. మంచి ప్రాజెక్టు వస్తే ఇద్దరం కలిసి పనిచేస్తాం. ప్రస్తుతం నా జీవితంలో ప్రేమ, పెళ్లికి చోటులేదు. వాటి గురించి ఆలోచించడం లేదు. కేవలం నటన మీదే దృష్టి సారించాను అని వ్యాఖ్యానించాడు.

‘అవును.. నేను డిప్రెషన్‌లో ఉన్నాను. ఈ ప్రపంచంలో ఉన్న ప్రతికూల భావాలు గల ప్రతి ఒక్కరికీ నా ధన్యవాదాలు. నా జీవితంలో అత్యంత బాధాకరమైన, ఘోరమైన రోజులు కల్పించి మీరు విజయం సాధించారు. అందుకు మీకు శుభాభినందనలు’ అంటూ గాయని నేహా కక్కర్‌ తన మనసులోని భావాలను సోషల్‌ మీడియా వేదికగా పంచుకున్నారు. సింగింగ్‌ ప్రోగ్రామ్‌ ‘ఇండియన్‌ ఐడల్‌’ ద్వారా వెలుగులోకి వచ్చిన నేహా కక్కర్‌.. తర్వాతి సీజన్‌లో అదే కార్యక్రమానికి న్యాయనిర్ణేతగా వ్యవహరించి అరుదైన అనుభవాన్ని సొంతం చేసుకున్నారు. కాలా చష్మా, దిల్‌బర్‌ రీమిక్స్‌ వంటి పలు బాలీవుడ్‌ హిట్‌ సాంగ్స్‌ ఆలపించిన నేహా ప్రస్తుతం డిప్రెషన్‌లోకి వెళ్లిపోయాననడం ఆమె అభిమానులను ఆందోళనకు గురిచేస్తోంది. అయితే నేహా బాధ పడటానికి కారణం నటుడు హిమాంశ్‌ కోహ్లి అంటూ అతడిపై విమర్శలు రావడంతో... ‘ ఒకటి స్పష్టంగా చెప్పాలనుకుంటున్నాను. ఏ ఒక్కరి కారణంగానో నేను ఈ స్థితికి రాలేదు. నా ‍వ్యక్తిగత జీవితాన్ని ప్రశాంతంగా గడపడం ఈ ప్రపంచానికి ఇష్టం లేనట్టుంది. నాలో ఉన్న ప్రతిభను ప్రేమించే,  ప్రోత్సహించే ప్రతీ ఒక్కరికి రుణపడి ఉంటాను. కానీ కొంతమంది మాత్రం నా గురించి వారికి ఏమీ తెలియకపోయినా బురద చల్లాలని చూస్తున్నారు. మిమ్మల్ని అడుక్కుంటున్నా. దయచేసి నన్ను సంతోషంగా బతకనివ్వండి. ఒకరి జీవితాన్ని నిర్ణయించే అధికారం తీసుకోకండి. ప్లీజ్‌ నన్ను బతకనివ్వండి అంటూ ఇన్‌స్టాగ్రామ్‌ స్టోరీలో నేహా రాసుకొచ్చారు. కాగా నేహా కక్కర్‌, హిమాంశు ఇండియన్‌ ఐడల్‌ 10  వేదిక మీద తమ మధ్య ఉన్న అనుబంధం గురించి రివీల్‌ చేశారు. అయితే గత కొంతకాలంగా వీరిద్దరి మధ్య అభిప్రాయ భేదాలు తలెత్తాయనే రూమర్లు వస్తున్నాయి. ఈ క్రమంలో.. ఇటీవలే ఇన్‌స్టాగ్రామ్‌లో హిమాంశును అన్‌ఫాలో చేసిన నేహా... ప్రస్తుతం ఈ ఇన్‌స్టాగ్రామ్‌ స్టోరీతో ఆ రూమర్లకు మరింత బలాన్ని చేకూర్చారు.


 
  ఎట్టకేలకు తన కల నిజమైందని వర్ధమాన నటుడు హిమాన్ష్ కొహ్లీపేర్కొన్నాడు. యారియా సినిమా ప్రమోషన్ కోసం దర్శకుడు ఖోస్లా కుమార్, సహనటుడు రకుల్‌ప్రీత్‌సింగ్‌లతో కలసి హిమాన్ష్.. ఇటీవల సల్మాన్‌ఖాన్‌తో బిగ్‌బాస్ ధారావాహిక కార్యక్రమంలో వేదికను పంచుకున్నాడు. ఈ సందర్భంగా నటన బాగుందంటూ సల్మాన్ ప్రశంసించడంతో కొహ్లీ ఉబ్బితబ్బిబ్బయ్యాడు. నగరంలోని ఎస్‌ఎల్ వవరల్డ్‌లో మంగళవారం రాత్రి జరిగిన కార్యక్రమంలో పాల్గొన్న అనంతరం తన మనోభావాలను మీడియాతో పంచుకున్నాడు.‘బిగ్ బాస్‌కు వెళ్లడం అనేది ఓ కల లాంటిది. కొత్తగా బాలీవుడ్‌లోకి అడుగిడిన నాలాంటి వర్ధమాన నటుడు చేసిన నటనను సల్మాన్‌లాంటి గొప్ప నటుడు ప్రశంసించడమనేది గొప్ప విషయం. చిన్ననాటి నుంచి నాకు సల్మాన్ అంటే ఎంతో ఇష్టం.
 
  
 
  ఆయన సినిమాలే చూసేవాడిని. బిగ్‌బాస్ ధారావాహిక కార్యక్రమంలో ఆయనతో వేదిక పంచుకున్నా. దీంతో నా కల నిజమైంది’ అని అన్నాడు. ఇక సోషల్ నెట్‌వర్కింగ్ సైట్లలో సైతం అమితాబ్ బచ్చన్, సల్మాన్‌ఖాన్, సోనాక్షి సిన్హా తదితర నటులు యారియా సినిమా ట్రయలర్‌పై ప్రశంసల జల్లు కురిపించారు. ట్రయలర్ ఎంతో తాజాగా, వర్ణశోభితంగా ఉందని వారు ఆయా సైట్లలో వ్యాఖ్యానించారు. అటువంటి గొప్ప గొప్ప నటులు స్క్రీన్‌పై తనలాంటి వాళ్ల నటనాతీరుపై ప్రశంసల జల్లు కురిపిస్తే ఎంతో చక్కని అనుభూతి కలుగుతుందన్నాడు. కాగా చానల్ వీలో ప్రసారమయ్యే ‘హంసే హై లైఫ్’ ధారావాహికలో నటించిన హిమాన్ష్... అనతికాలంలోనే మంచి పేరు తెచ్చుకున్నాడు.