ఆర్‌ఆర్‌ఆర్‌ సినిమాతో దర్శకధీరుడు రాజమౌళి రేంజ్ పెరిగిపోయింది. హాలీవుడ్ డైరెక్టర్స్ లిస్ట్ లో చేరిపోయాడు. ఇప్పటికే రాజమౌళితో సినిమా తీసేందుకు హాలీవుడ్ గ్రేట్ డైరెక్టర్ జేమ్స్ కెమెరూన్ సిద్దంగా ఉన్నాడు. హాలీవుడ్ లో సినిమా తీసే ఆలోచన ఉంటే తనని అప్రోచ్ కావాలంటూ రిక్వెస్ట్ కూడా చేశాడు. ఇక ఆర్‌ఆర్‌ఆర్‌ కి ఆస్కార్ వచ్చిన తర్వాత హాలీవుడ్ నిర్మాతలే కాదు...హాలీవుడ్ యాక్టర్స్ రాజమౌళి తో వర్క్ చేసేందుకు రెడీ గా ఉన్నారు.  ఆర్‌ఆర్‌ఆర్‌ తర్వాత రాజమౌళి తన నెక్ట్స్ మూవీ కి సూపర్ స్టార్ మహేశ్‌ బాబుతో ఎప్పుడో కమిట్‌ అయ్యాడు. అంతే కాదు ఈ సినిమా జోనర్ కూడా ఫిక్స్ అయిపోయింది. టోరెంటో ఇంటర్నేషనల్ ఫిలిం ఫెస్టివల్ మీడియా ఇంటరాక్షన్ లో జక్కన్న మాట్లాడుతూ.. మహేశ్ తో గ్లోబ్ ట్రాటింగ్ యాక్షన్ అడ్వెంచర్ థ్రిల్లర్ చేయనున్నట్లు తెలిపారు. హాలీవుడ్ లో రేంజ్ లో తెరకెక్కించబోయే ఈ సినిమా కోసం రైటర్ విజయేంద్రప్రసాద్ టీమ్ ఈ మూవీ స్క్రిప్ట్ మీదే వర్క్ చేస్తోంది.  ఇప్పటికే ప్రీ ప్రొడక్షన్ వర్క్‌ స్టార్ట్ అయిన ఈ మూవీ ఓపెనింగ్ ఆగస్టులో ఉంటుందట. అప్పటికి మహేశ్‌ త్రివిక్రమ్ కాంబోలో తెరకెక్కుతున్న #ssmb 28మూవీ షూటింగ్ కూడా కంప్లీట్ అవుతుంది. ఇక రాజమౌళి-మహేష్‌ బాబు  మూవీ రెగ్యులర్ షూటింగ్ వచ్చే ఏడాది జూన్ తర్వాత ప్రారంభం అయ్యే ఛాన్స్ ఉందట. అలాగే ఈసినిమాలో హీరోయిన్ గా ఆస్కార్ వేదిక పై నాటు నాటు పాటని పరిచయం చేసిన బాలీవుడ్ స్టార్ హీరోయిన్ దీపికా పదుకునే ఫైనల్ చేసే ఛాన్స్ ఉందనే మాట బలంగా వినిపిస్తోంది.  ఈ సినిమాకి సంబంధించి టెక్నీషియన్స్...యాక్టర్ కోసం రాజమౌళి  హాలీవుడ్ లీడింగ్ క్రియేటివ్ ఆర్టిస్ట్స్ ఏజెన్సీ తో ఒప్పందం కూడా కుదుర్చుకున్నాడు. ఆర్‌ఆర్‌ఆర్‌ కి ఆస్కార్ వచ్చిన తర్వాత మహేశ్‌ సినిమా విషయంలో రాజమౌళి ఆలోచన  మారిపోయింది. పాన్ వరల్డ్ మూవీగా కాకుండా...హాలీవుడ్ మూవీ గా తెరకెక్కించాలనుకుంటున్నాడు. ఇప్పటికే యాక్షన్‌ సీక్వెన్స్ కోసం ఓ హాలీవుడ్ టీమ్ తో మాట్లాడిన రాజమౌళి...సిజి వర్క్ కోసం కూడా అక్కడి టీమ్ తోనే డిస్కషన్స్ చేస్తున్నాడట.  మహేశ్‌తో తెరకెక్కించే సినిమా కూడా ఆస్కార్ బరిలో దించేందుకు ఇప్పటి నుంచే ప్లాన్ చేసుకుంటున్నాడు. ముందుగానే ఈ సినిమా బడ్జెట్ లోనే ఆస్కార్ ప్రమోషన్స్ బడ్జెట్ కూడా కలిపేశాడట. అలాగే ఈ సినిమాలో మహేష్‌ బాబు పక్కన మరో హీరోయిన్ గా హాలీవుడ్ స్టార్‌ యాక్ట్రెస్ ను తీసుకుంటారనే మాట రాజమౌళి టీమ్ నుంచి వినిపిస్తోంది. ఆస్కార్ దక్కించుకున్నఆర్‌ఆర్‌ఆర్‌ లో కూడా హాలీవుడ్ యాక్టర్ ఒలీవియా మోరిస్ ఓ హీరోయిన్ గా నటించింది. హాలీవుడ్ బ్యూటీ తమ అభిమాన హీరోకి జోడిగా నటిస్తుందని తెలియటంతో మహేష్‌ బాబు ఫ్యాన్స్ ఆనందంతో సంబరాలు చేసుకుంటున్నారు.

అమెరికాలో కురుస్తున్న మంచు తుపాను కారణంగా హాలీవుడ్ స్టార్‌ నటుడు ప్రమాదానికి గురయ్యారు. ది అవెంజర్స్ నటుడు​, కెప్టెన్​ అమెరికా ఫేమ్​ స్టార్​ యాక్టర్​ జెరెమి రెన్నర్‌కు ఈ ఘటనలో తీవ్ర గాయాలయ్యాయి. గాయపడిన నటుడిని వెంటనే స్థానికులు అతడిని సమీప ఆస్పత్రికి తరలించినట్లు స్థానిక వర్గాలు వెల్లడించాయి.   ప్రస్తుతం ఐసీయూలో చికిత్స పొందుతున్నట్లు సమాచారం. ప్రస్తుతం అతడి పరిస్థితి విషమంగా ఉన్నట్లు వైద్యులు చెప్పారు. ఈ వార్త విన్న ఆయన అభిమానులు తీవ్ర ఆందోళన చెందుతున్నారు. జెరెమి రెన్నర్ త్వరగా కోలుకోవాలని ప్రార్థిస్తున్నారు. ఇటీవల అమెరికాలో మంచు తుపాను కారణంగా దారుణ పరిస్థితులు నెలకొన్న సంగతి తెలిసిందే.  భారీగా ఆస్తి, ప్రాణ నష్టం సంభవించింది. పలు ప్రాంతాల్లో రోడ్లన్నీ మంచుతో నిండిపోయాయి.  దీంతో అవి తొలగించటానికి అక్కడి ప్రజలు తీవ్రంగా శ్రమిస్తున్నారు. ఈ నేపథ్యంలోనే మంచును తొలగిస్తుండగా హాలీవుడ్‌ స్టార్ యాక్టర్​, అవెంజర్స్​ ఫేమ్​ జెరెమి రెన్నర్‌ ప్రమాదానికి గురయ్యారు. తన భారీ వాహనంతో మంచును తొలగిస్తుండగా ఘటన జరిగినట్లు తెలుస్తోంది.   

Kirsten Dunst  Jesse Plemons Get Married: వివాహబంధంలోకి అడుగు పెట్టే జంటల్లో వరుడి కన్నా వధువు వయసు తక్కువగా ఉంటుంది. కానీ ఇటీవల కాలంలో ఈ హెచ్చుతగ్గులు మారాయి. తన కన్నా తక్కువ వయసు ఉన్న అబ్బాయిలను ప్రేమించి పెళ్లాడుతున్నారు. అలాగే పదుల వయసు తేడా ఉ‍న్నా పురుషులను కూడా మనువాడుతున్నారు నేటితరం యువతులు. ఇక ఏజ్ గ్యాప్‌ పెళ్లి తంతులు సెలబ్రిటీల్లో సర్వసాధారణం.  ఇప్పటికే ప్రియాంక చోప్రా, అనుష్క శర్మ, కత్రీనా కైఫ్‌, నయన తార వంటి పలువురు స్టార్‌ హీరోయిన్స్‌ తమకన్నా చిన్న ఏజ్‌ వాళ్లని పెళ్లాడారు. తాజాగా ఓ హాలీవుడ్ బ్యూటీ తనకన్నా ఆరేళ్లు చిన్నవాడైన సహానటుడిని పెళ్లి చేసుకుంది. టోబే మాగైర్ నటించిన 'స్పైడర్‌ మ్యాన్' ట్రైయాలజీ ద్వారా పేరు తెచ్చుకుంది హాలీవుడ్‌ హీరోయిన్‌ కిరిస్టెన్‌ డంస్ట్. 40 ఏళ్ల క్రిస్టెన్‌ తనకన్నా ఆరేళ్లు చిన్నవాడైన జెస్సీ ప్లెమోన్స్‌ (34)ను వివాహమాడింది. 'పవర్‌ ఆఫ్‌ ది డాగ్‌' లో కలిసి నటించిన కిరిస్టెన్‌ డంస్ట్, జెస్సీ ప్లెమోన్స్‌ 2016 నుంచి డేటింగ్‌లో ఉన్నారు. 2017 జనవరి 34న వీరిద్దరికీ ఎంగేజ్‌మెంట్‌ కూడా అయింది. వీరు  2018లో కుమారుడు ఎన్నిస్‌, 2021లో జేమ్స్‌ రాబర్ట్‌కు జన్మనిచ్చారు.  చదవండి: స్టార్‌ నటుడి భార్యపై కేసు.. రూ. 31 లక్షలు తిరిగి ఇవ్వట్లేదని ఫిర్యాదు ఇదిలా ఉంటే ఇదివరకు హాలీవుడ్‌లో తమకంటే చిన్నవాళ్లైన పురుషులతో రిలేషన్‌షిప్‌లో ఉన్న నటీమణులు చాలానే ఉ‍న్నారు. గేబ్రియెల్‌ యూనియన్‌- డ్వేన్‌ వాడే దంపతులు(9 ఏళ్ల వ్యత్యాసం), షకీరా- గెరాడ్‌ పిక్‌(10 ఏళ్లు), కోర్ట్‌నీ కర్దాషియాన్‌- యూనస్‌ బెడ్జిమా(14 ఏళ్లు), జడా పింకెట్‌ స్మిత్‌- ఆగస్ట్‌ అల్సీనా(21 ఏళ్లు), లీసా బానెట్‌- జాసన్‌ మొమోవా దంపతులు(12 ఏళ్లు) తదితరులు ఈ జాబితాలో ఉన్నారు. చదవండి: విక్రమ్‌ ఆరోగ్య పరిస్థితిపై హెల్త్‌ బులిటెన్‌ విడుదల..

సినిమా సెట్‌లో ఎన్ని జాగ్రత్తలు తీసుకున్నప్పటికీ అప్పుడప్పుడు అనుకోని ప్రమాదాలు జరుగుతుంటాయి. ఇలాంటి ప్రమాదమే తాజగా మెక్సికోలోని బాజా కాలిఫోర్నియా సుర్‌ ద్వీపకల్పంలో జరిగింది. ఈ ప్రమాదంలో ఇద్దరు నటులు చనిపోగా, ఆరుగురు గాయాల పాలయ్యారు. ప్రముఖ ఓటీటీ సంస్థ నెట్‌ఫ్లిక్స్‌ తెరకెక్కిస్తున్న ఒరిజినల్ సిరీస్‌ 'ది చూసెన్‌ వన్‌'. ఈ సిరీస్‌ చిత్రీకరణకు సంబంధించిన పనులు బాజా కాలిఫోర్నియా సమీపంలోని శాంటా రోసాలియా ప్రాంతంలో జరుగుతున్నాయి.  అయితే ఎడారి ప్రాంతంలో రోడ్డుపై వెళ్తున్న వ్యాన్‌ పల్టీలు కొడుతూ షూటింగ్ స్పాట్‌లోకి దూసుకువెళ్లింది. దీంతో ఇద్దరు నటులు రేముండో గుర్డానో, జువాన్‌ ఫ్రాన్సిస్కో అగ్యిలర్‌ మరణించగా, అక్కడ పని చేస్తున్న ఆరుగురికి గాయాలైనట్లు బాజా కాలిఫోర్నియా డిపార్ట్‌మెంట్‌ ఆఫ్‌ కల్చర్‌ తెలిపింది. ఈ సంఘటన గురువారం (జూన్ 16) జరిగిందని వాల్‌ స్ట్రీట్‌ జర్నల్‌ శనివారం (జూన్‌ 18) వెల్లడించింది. అయితే ఈ ప్రమాదంపై నెట్‌ఫ్లిక్స్ ఇంకా ఎలాంటి ప్రకటన విడుదల చేయలేదు. చదవండి:👇 వికటించిన సర్జరీ.. గుర్తుపట్టలేని స్థితిలో హీరోయిన్‌ చెత్త ఏరిన స్టార్‌ హీరోయిన్‌.. వీడియో వైరల్‌ థియేటర్‌లో అందరిముందే ఏడ్చేసిన సదా.. వీడియో వైరల్‌ కాగా 'ది చూసెన్‌ వన్‌' బ్రెజిలియన్‌ థ్రిల్లర్‌ సిరీస్‌. ఈ సిరీస్‌ మొదటి సీజన్‌ 2019లో విడుదలైంది. ఇప్పటివరకు రెండు సీజన్‌లు రిలీజ్‌ అవ్వగా, ప్రస్తుతం మూడో సీజన్ షూటింగ్‌ జరుగుతోంది. ఈ సిరీస్‌ అమెరికన్‌ జీసస్‌ కామిక్‌ బుక్‌ ఆధారంగా తెరకెక్కింది. ఈ సిరీస్‌ తాను తిరిగి వచ్చిన యేసు క్రీస్తు అని, మానవజాతిని రక్షించడానికి పుట్టినవాడుగా భావిస్తున్న 12 ఏళ్ల బాలుడి కథగా తెలుస్తోంది.  చదవండి:👇  సైలెంట్‌గా తమిళ హీరోను పెళ్లాడిన తెలుగు హీరోయిన్‌.. ఆ హీరోలా ఎఫైర్స్‌ లేవు.. కానీ ప్రేమలో దెబ్బతిన్నా: అడవి శేష్‌ డేటింగ్‌ సైట్‌లో తల్లి పేరు ఉంచిన కూతురు.. అసభ్యకరంగా మెసేజ్‌లు

Samantha Reacts To Christian Bale Gorr Look In Thor Love And Thunder: స్టార్‌ హీరోయిన్‌ సమంత ఓ పక్క చేతినిండా సినిమాలతో బిజీగా ఉంటోంది. మరోపక్క సోషల్‌ మీడియాలోనూ ఫుల్‌ యా​క్టివ్‌గా ఉంటుంది. తనకు సంబంధించిన అప్‌డేట్స్‌ని షేర్‌ చేస్తూ మోటివేషనల్‌ కొటేషన్స్‌ పోస్ట్ చేస్తూ ఉంటుంది. తాజాగా సామ్‌ పెట్టిన స్టోరీ ఆసక్తి కలిగించింది. మార్వెల్‌ సినిమాటిక్‌ యూనివర్స్‌ నుంచి 'థోర్' సిరీస్‌ నాలుగో మూవీ 'థోర్‌: లవ్‌ అండ్‌ థండర్‌' సినిమా వస్తున్న విషయం తెలిసిందే. తైకా వైటిటి దర్శకత్వంలో తెరకెక్కిన ఈ చిత్రం జూలై 8న ప్రపంచవ్యాప్తంగా విడుదల కానుంది. ఈ నేపథ్యంలో తాజాగా ఈ సినిమా ట్రైలర్‌ను రిలీజ్‌ చేశారు.  ఈ ట్రైలర్‌ చూసిన సామ్‌ తన ఇన్‌స్టా గ్రామ్‌ స్టోరీలో 'డెడ్‌' అని రాస్తూ ఫైర్ ఎమోజీస్‌ను పెట్టి థోర్‌ సినిమా పోస్టర్‌ను షేర్‌ చేసింది. అయితే తర్వాత కొద్దిసేపటికి సామ్‌ స్టోరీలో ఆ పోస్టర్‌ కనిపించట్లేదు. దానికి బదులు 'థోర్‌: లవ్‌ అండ్‌ థండర్‌'లో సూపర్‌ విలన్‌గా నటిస్తున్న క్రిస్టియన్‌ బాలే లుక్‌ను షేర్‌ చేస్తూ 'ది గాడ్‌ ఆఫ్‌ యాక్టింగ్‌' అని రాసింది. ఈ పోస్ట్‌లు చూస్తుంటే సమంత కూడా ఈ సూపర్‌ హీరో సినిమాలకు విపరీతమైన అభిమానిగా తెలుస్తోంది.  అయితే ఇందులో విలన్‌గా నటిస్తున్న క్రిస్టియన్‌ బాలే 'ది ​డార్క్‌ నైట్‌', 'ది డార్క్ నైట్‌ రైజెస్‌' చిత్రాల్లో బ్యాట్‌ మ్యాన్‌గా అదరగొట్టాడు. ప్రస్తుతం థోర్‌లో బాలే విలన్‌గా చేయడం, నటాలియా పోర్ట్‌మన్‌ లేడీ థోర్‌గా మారడంతో మూవీపై అంచనాలు విపరీతంగా పెరిగాయి. ఇక ఈ మూవీ గురించి డైరెక్టర్‌ తైకా వైటిటి 'నేను చేసిన అత్యంత క్రేజీ థింగ్‌' అని చెప్పుకొచ్చాడు. 

Sean Penn And Leila George Finalized Divorce After 2 Years Of Marriage: సినీ తారల ప్రేమాయణాలు, బ్రేకప్‌లు, పెళ్లిల్లు, విడాకులు ఎప్పు​డు హా​​ట్‌ టాపిక్‌గానే ఉంటాయి. ప్రేమలో మునిగితేలుతూ పోస్ట్‌లు పెట్టే సెలబ్రిటీలు హఠాత్తుగా విడిపోయామంటూ షాక్‌ ఇస్తారు. అలాగే ఎంతో వైభవంగా పెళ్లి చేసుకున్న దంపతులు అంతే తేలిగ్గా విడాకులు తీసుకున్న సంఘటనలు కూడా మనం చూశాం. తాజాగా హాలీవుడ్‌ తారలు సీన్‌ పెన్‌, లీలా జార్జ్‌లు తమ వివాహం బంధానికి స్వస్తి పలికారు. వివాహం బంధంతో ఒక్కటిగా జీవించిన ఈ జంటకు తాజాగా విడాకులు మంజూరు అయ్యాయి.  61 ఏళ్ల సీన్‌ పెన్‌ 2016 నుంచి 30 ఏళ్ల లీలా జార్జ్‌తో డేటింగ్ చేశాడు. ప్రేమలో మునిగితేలిన ఈ జంట జూలై 2020లో కొవిడ్‌ సమయంలో వివాహం చేసుకున్నారు. పెళ్లి జరిగిన కేవలం ఒక ఏడాది తర్వాత అక్టోబర్‌ 2021లో విడాకుల కోసం దాఖలు చేసుకుంది ఈ జంట. తాజాగా వారికి విడాకులు మంజూరు చేసింది న్యాయస్థానం. అయితే వారు అధికారికంగా సెప్టెంబర్‌ 2021 నుంచే విడిగా ఉంటున్నారని పలువురు పేర్కొన్నారు. వారి విడాకులకు సరైనా కారణాలు తెలియరాలేదు. ఇప్పటికీ లీలా జార్జ్‌తో ప్రేమలో ఉన్నాని, కానీ వివాహ బంధంతో విసిగిపోయానని చెబుతున్నాడు సీన్‌ పెన్‌.  కాగా పెన్ గతంలో రాబిన్ వ్రైట్‌ను పెళ్లి చేసుకున్నాడు. వారికి 31 ఏళ్ల కుమార్తె డైలాన్, 28 ఏళ్ల కుమారుడు హాప్పర్‌ ఉన్నారు. రష్యా-ఉక్రేయిన్ యుద్ధం నేపథ్యంలో ఉక్రేయిన్‌లో డ్యాక్యుమెంటరీ చిత్రీకరణ కోసం వెళ్లి వార్తల్లో నిలిచాడు సీన్‌ పెన్. ఆ సమయంలో పెన్‌ ఉక్రెయిన్‌ ప్రెసిడెంట్‌ వ్లాదిమిర్‌ జెలెన్‌స్కీని కూడా కలుసుకున్నట్లు సమాచారం.      var request = 'https://www.sakshi.com/knowwidget/kwstr_1551342029.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

గ్లోబల్ స్టార్ ప్రియాంక చోప్రా తన భర్త నిక్ జొనాస్ నుంచి విడిపోతున్నట్లుగా వచ‍్చిన వార్త షికారు కొట్టిన సంగతి తెలిసిందే. గత రెండు మూడు రోజులుగా ఈ వార్తపై తెగ చర్చ జరిగింది. ఇందుకు కారణం ప్రియాంక తన ఇన్‌స్టా గ్రామ్‌ ఫ్రొఫైల్‌లో నిక్ జోనాస్‌ పేరు తొలగించడమే. దీంతో ఒక్కసారిగా నెటిజన్స్‌ అవాక్కయ‍్యారు. ప్రియాంక కూడా నటి సమంతలా విడాకులు తీసుకోబోతుందా అని గుసగుసలు వినిపించాయి. దీంతో ఈ వార్తలను ఖండించింది ప్రియాంక తల్లి మధు చోప్రా. అవన్ని వట్టి పుకార్లే అని స్పష్టం చేసింది. అయితే తాజాగా ఆ రూమర్స్‌కు చెక్‌ పెట్టింది ప్రియాంక.    ఇదీ చదవండి: భర్త పేరు తొలగించిన ప్రియాంక... అసలేం జరిగింది? తాజాగా ప్రియాంక తన ఇన్‌స్టా గ్రామ్‌లో ఓ వీడియో షేర్‌ చేసింది. ఆ వీడియోలో నిక్‌ జొనాస్‌ను తన కామెంట‍్లతో ఓ ఆట ఆడేసుకుంది. నిక్ జొనాస్‌కు, ఆయన సోదరుల కంటే ఎక్కువ మంది ఫాలోవర్స్‌ తనకే ఉ‍న్నారని తెలిపింది. ఓటీటీ దిగ్గజం నెట్‌ఫ్లిక్స్‌ వేదికగా జరిగిన జొనాస్‌ బ్రదర్స్‌ ఫ్యామిలీ రోస్ట్ అనే షోలో జొనాస్‌ కుటుంబం పాల్గొంది. ఈ షోకి జొనాస్‌ బ‍్రదర్స్‌తోపాటు వారి సతీమణులు కూడా హాజరయ్యారు. ప్రముఖ కమెడియన్‌ కెనన్‌ థాంప్సన్‌ హోస్ట్‌గా వ్యవహరించారు.  ఇదీ చదవండి: కూతురి విడాకుల వార్తలపై మధు చోప్రా స్పందన 'నేను సంస్కృతి, వినోదం, సంగీతానికి గొప్ప స్థానం ఉన్న భారతదేశం నుంచి వచ్చాను. నా కంటే 10 ఏళ‍్లు చిన్నవాడు నిక్‌. మేమిద్దరం అనేక విషయాలు మాట్లాడుకుంటాం. నాకు టిక్‌టాక్ ఎలా ఉపయోగించాలో నిక్‌ నేర్పితే, సక్సెస్‌ఫుల్‌ యాక్టింగ్‌  కెరీర్‌ ఎలా ఉంటుందో నేను చూపించాను. నాకు నిక్‌పై చాలా ప్రేమ ఉంది. నా జీవితాన్ని అతను పూర‍్తిగా మార్చేశాడు. జొనాస్‌ బ్రదర్స్‌కు పిల్లలున్నారు. మాది మాత్రమే పిల్లలు లేని జంట. కానీ ఇవాళ అందరిముందు ఒక్క విషయం చెప్పాలనుకుంటున్నా. మేమిద్దరం ఈరోజు రాత్రి డ్రింక్ చేసి, రేపు ఉదయం ప్రశాంతంగా నిద్రపోవాలి అనుకుంటున్నాం. ఈ షోలో జొనాస్‌ బ్రదర్స్‌ను రోస్ట్‌ చేయడం థ్రిల్లింగ్‌గా ఉంది'. అని ప్రియాంక చెప్పుకొచ్చింది.  View this post on Instagram A post shared by Priyanka (@priyankachopra)

చురుకైన చూపులు, బులెట్లకు ఎదురెల్లే నైజం, దిగాలన్నా, దూకాలన్నా మరో ఆలోచన చేయని ధైర్యం, శత్రువుల ఎత్తుల మీద ఎక్కిÐð ళ్లే సాహసం... ఇలా చెప్పుకుంటూ పోతే ఎన్నో. అన్నీ జేమ్స్‌ బాండ్‌కి నిర్వచనాలే. ‘మై నేమ్‌ ఈజ్‌ బాండ్‌. జేమ్స్‌ బాండ్‌. 007’ అంటూ 58 ఏళ్లుగా స్క్రీన్‌ మీద సీక్రెట్‌ ఏజెంట్‌గా ఎన్నో ఆపరేషన్స్‌ విజయవంతం చేస్తున్నాడు బాండ్‌. ఇయాన్‌ ఫ్లెమింగ్‌ సృష్టించిన ఈ సీక్రెట్‌ ఏజెంట్‌ ఆన్‌ స్క్రీన్‌ సూపర్‌ సక్సెస్‌ఫుల్‌. 58 ఏళ్లలో 25 బాండ్‌ చిత్రాలు తెరకెక్కాయి. ఆరుగురు హీరోలు జేమ్స్‌ బాండ్‌గా ఈ బ్రాండ్‌ను ముందుకు తీసుకెళ్తూ వచ్చారు. తాజాగా మరోసారి బాండ్‌ ముఖం మారనుంది. జేమ్స్‌ బాండ్‌గా కొత్త హీరో తెరమీదకు రానున్నాడు.  ఇప్పటివరకు కనిపించిన బాండ్‌లు 1962లో విడుదలయిన ‘డాక్టర్‌ నో’తో తొలి బాండ్‌గా కనిపించారు షాన్‌ కానరీ. ఆ తర్వాత వచ్చిన ఐదు జేమ్స్‌ బాండ్‌ సినిమాల్లో బాండ్‌గా చేశారాయన. ‘ఫ్రమ్‌ రష్య విత్‌ లవ్, గోల్డ్‌ఫింగర్, తండర్‌బాల్, యూ ఓన్లీ లివ్‌ ట్వైస్, డైమండ్స్‌ ఆర్‌ ఫరెవర్‌’ సినిమాల్లో బాండ్‌గా కనిపించారు షాన్‌ కానరీ. ఆ తర్వాత  ‘ఆన్‌ హర్‌ మెజెస్టిక్‌ సీక్రెట్‌ సర్వీస్‌’ సినిమాలో జార్జ్‌ లెజెన్బీ బాండ్‌ అయ్యారు. ఆ తర్వాత రోజర్‌ మూరే రికార్డు స్థాయిలో ఏడు సినిమాల్లో బాండ్‌ అవతారమెత్తారు. ‘లివ్‌ అండ్‌ లెట్‌ డై, ది మ్యాన్‌ విత్‌ ది గోల్డెన్‌ గన్, ది స్పై హూ లవ్డ్‌ మీ, మూన్‌రాకర్, ఫర్‌ యువర్‌ ఐస్‌ ఓన్లీ, ఆక్టోపస్సీ, ఏ వ్యూ టు ఏ కిల్‌’ సినిమాల్లో రోజర్‌ మూరే నటించారు. ఓ రెండు సినిమాల్లో (ది లివింగ్‌ డే లైట్స్, లైసెన్స్‌ టు కిల్‌) తిమోతీ డాల్టన్, నాలుగు సినిమాల్లో (గోల్డెన్‌ ఐ, టుమారో నెవర్‌ డైస్, ది వరల్డ్‌ ఈజ్‌ నాట్‌ ఎనఫ్, డై అనదర్‌ డే) పీర్స్‌ బ్రోస్నన్‌ బాండ్‌గా కనిపించారు. ప్రస్తుతం బాండ్‌గా ఉన్న డేనియల్‌ క్రెగ్‌ తాజాగా విడుదలవనున్న ‘నో టైమ్‌ టు డై’తో కలిపి ఐదు సినిమాల్లో జేమ్స్‌ బాండ్‌ పాత్రలో కనిపించారు. ‘కాసినో రాయల్, క్వాంటమ్‌ ఆఫ్‌ సోలస్, స్కై ఫాల్, స్పెక్ట్రే’ గతంలో ఆయన బాండ్‌గా చేసిన సినిమాలు. ‘నో టైమ్‌ టు డై’ విడుదలకు సిద్ధమవుతోంది. నవంబర్‌లో ప్రకటన? బాండ్‌ 25వ సినిమా ‘నో టైమ్‌ టు డై’ విడుదల సందర్భంగా నెక్ట్స్‌ బాండ్‌  ప్రకటన ఉంటుందని టాక్‌. జూన్‌లో టామ్‌ హార్డీ బాండ్‌ పాత్ర కోసం ఆడిషన్‌ చేశారని టాక్‌. తదుపరి బాండ్‌ ఆయనే అని హాలీవుడ్‌ పత్రికలు రాసేస్తున్నాయి. ‘మ్యాడ్‌ మాక్స్‌ ఫరీ రోడ్, ది డార్క్‌ నైట్‌ రైసస్, వెనమ్, ది రెవనంట్‌’ వంటి సినిమాల్లో పాపులారిటీ పొందారు హార్డీ. మరి రాబోయే కొత్త బాండ్‌ ఈ జేమ్స్‌ బాండ్‌ ఇమేజ్‌ను ఎలా ముందుకు తీసుకెళతాడన్నది కాలమే చెబుతుంది. బాండ్‌ రేసులో ఎవరున్నారు? ‘ఇక నేను బాండ్‌ సినిమాల్లో నటించను’ అని డేనియల్‌ క్రెగ్‌ ప్రకటించేశారు. మరి.. తదుపరి బాండ్‌ చిత్రాల్లో జేమ్స్‌ బాండ్‌ ఎవరు? అనే చర్చ జరుగుతోంది. హాలీవుడ్‌ నటులు టామ్‌ హార్డీ, టామ్‌ హిడిల్స్‌టన్, ఇద్రిస్‌ ఎల్బా వంటి నటులు నెక్ట్స్‌ బాండ్‌గా కనిపించేందుకు రేసులో ఉన్నారు. ఈ ముగ్గురిలో ఒకరికి చాన్స్‌ ఉందని హాలీవుడ్‌ టాక్‌. ఈ ముగ్గురూ కాకుండా హెన్రీ కావిల్‌ పేరు కూడా వినిపిస్తోంది. మరి.. నెక్ట్స్‌ బాండ్‌ ఎవరు?  

హాలీవుడ్‌ సింగర్‌ రీటా విల్సన్, తన భర్త టామ్ హాంక్స్‌కు కరోనా వైరస్‌ పాజిటివ్‌ వచ్చినట్లు మంగళవారం ఆమె  వెల్లడించారు.  మార్చిలో ఆస్ట్రేలియాలో జరిగిన ‘న్యూ గర్ల్‌’ అల్బమ్‌ పాటల ప్రదర్శన కార్యక్రమానికి వెళ్లినప్పడు వారిద్దరికీ  కరోనా సోకినట్లు తెలిపారు. ప్రస్తుతం మహమ్మారి నుంచి కోలుకున్నామని, తమ ఆరోగ్యం నిలకడగా ఉందని కూడా చెప్పారు. ఈ సందర్భంగా అమెరికాలోని ఓ ఛానెల్‌ నిర్వహించిన టాక్‌షోలో ఆమె మాట్లాడుతూ.. ఆస్ట్రేలియాలో క్వారంటైన్‌లో ఉన్న తను, తన భర్త హాంక్స్‌(60) కరోనా వైరస్‌తో ఎలా పోరాటం చేశారో వివరించారు. ‘‘ ఆ సమయంలో నేను చాలా అలసటకు లోనయ్యాను. ఆ తర్వాత తేలికపాటి జ్వరం కూడా ప్రారంభమైంది. ఆహరం రుచిని, వాసనను కూడా కోల్పోవడంతో అసౌకర్యానికి లోనయ్యాను. ఇక అక్కడి ఆసుపత్రికి వెళ్లి పరీక్షలు చేయించుకోగా కరోనా పాజిటివ్‌ వచ్చింది. పాజిటివ్‌ వచ్చిన 9 రోజులకు జ్వరం తీవ్రత అధికమైంది’ అని చెప్పుకొచ్చారు. అయితే కరోనా తనకు ఎలా వచ్చింది, ఎవరి వల్ల సోకిందనే విషయంపై స్పష్టత లేదని తెలిపారు. (కరోనా కలకలం: నిర్బంధంలోకి సీఎం) ఈ క్రమంలో మలేరియాను అరికట్టే క్లోరోక్విన్‌ డ్రగ్‌ను కరోనా వైరస్‌ చికిత్సలో భాగంగా తీసుకున్నట్లు వెల్లడించారు. ఆ డ్రంగ్‌ తీసుకున్న తర్వాత తన జ్వరం తగ్గిందని తెలిపారు. అయితే క్లోరోక్విన్‌ వల్లే తన ఫీవర్‌ తగ్గిందని ఖచ్చితంగా చెప్పలేన్నారు. ‘ఆ ఔషధం నిజంగా పనిచేసిందా లేదా ఆ సమయంలో కేవలం నా జ్వరాన్ని మాత్రమే తగ్గించిందో నాకు తెలియదు. కానీ అది వాడిన తర్వాత నా జ్వరం తగ్గిపోయింది. అయితే క్లోరోక్విన్‌ అధిక డ్రగ్‌ను కలిగి ఉండటం వల్ల సైడ్‌ ఎఫెక్ట్స్‌ చాలా ఉంటాయి. ఇది తీసుకున్న తర్వాత వికారంగా అనిపించింది. ఒక్కోసారి వాంతులు కూడా వచ్చాయి. అంతేగాక నా కండరాలు బలహీనంగా అనిపించి నడవలేక పోయాను’ అని చెప్పారు. (2022 వరకు భౌతిక దూరం పాటిస్తేనే..) ఇక క్లోరోక్విన్‌పై ప్రజలు చాలా జాగ్రత్తగా ఉండాలన్నారు. ఈ ఔషధం కరోనా చికిత్సకు ఉపయోగపడుతుందో లేదో కచ్చితంగా చెప్పలేనని పేర్కొన్నారు. ఇక తన భర్త, హాంక్స్‌ కూడా  కరోనా పాజిటివ్‌ ఉన్నప్పటికీ ప్రస్తుతం భయపడాల్సిన పరిస్థితి రాలేదు. కాస్తా జ్వరంతో ఆసుపత్రిలో చేరిన ఆయన ఐదు రోజుల్లోనే కోలుకున్నారని చెప్పారు.ఆయన ఆస్ట్రేలియాలోని క్వీన్ల్సాండ్‌ ఆసుపత్రిలో చికిత్స తీసుకున్నట్లు తెలిపారు. ప్రస్తుతం తమ ఆరోగ్యం నిలకడగా ఉందని  ఆమె తెలిపారు.


 నల్లని వెంట్రుకల నడుమ తెల్ల వెంట్రుక కనపడితే విలవిల్లాడిపోయి, ఆ ఒక్కటి కాస్తా తన ఫ్యామిలీని పెంచుకుంటూ పోతే.. వేటాడడానికి కత్తెరతో వీలైనంత కాలం విఫలయత్నం చేసి చివరికి రంగుల లోకంలోకి ‘డై’వర్ట్ అయిపోవడం అందరూ చేసే పని. ఈ రోజులకు బై బై అంటూ, ‘బ్లాక్’ మ్యాజిక్ మాటున దాగిపోకుండా వైట్‌హెయిర్‌కు వెలుగొస్తోంది. నలుపు తెలుపు మిశ్రమమైన వెరైటీ లుక్ సాల్ట్ అండ్ పెప్పర్‌కు సిటీ సైతం వెల్‌కమ్ చెబుతోంది.
  - ఎస్.సత్యబాబు
  
 యూరప్‌లో మెచ్యూర్డ్ మెన్‌ని అమ్మాయిలు ఎక్కువగా ఇష్టపడుతున్నారని కొన్ని సర్వేల్లో వెల్లడైంది. పరిణతి కలిగిన మగవాళ్ల నుంచి బెస్ట్ సెక్యూరిటీ లభిస్తుందని అమ్మాయిలు భావిస్తున్నారట. ఏజ్ కవర్ చేసుకోవడానికి తంటాలు పడడాన్ని వాళ్లు సెల్ఫ్ కాన్ఫిడెన్స్ లేకపోవడంగా ట్రీట్ చేస్తున్నారట. వుమెన్ నుంచి ఈ తరహా అభిప్రాయాలు వ్యక్తం కావడంతో మెన్ లుక్స్‌ని అవి సహజంగానే ప్రభావితం చేశాయి. దీంతో నెరసిన వెంట్రుకలను అలాగే ఉంచేసే ధోరణికి అది నాంది పలికిందట.
  
 హాలీవుడ్‌తో క్రేజ్...
 పాశ్చాత్య ఆడవాళ్ల ఆలోచనల్లో మార్పు లేదా మరొకటి కావచ్చు.. హాలీవుడ్ నటీనటులు నెరసిన జుత్తుతోనే తెరపై కనిపించడం మొదలైంది. మిడిల్ ఏజ్డ్ మగవాళ్ల ముఖాల మీద కనిపించే తమాషా బ్లాక్ అండ్ వైట్ మిక్స్‌డ్ హెయిర్‌కి సాల్ట్ అండ్ పెప్పర్ అని ఫ్యాషనీతిజ్ఞులు పేరు పెట్టేశారు. అది తర్వాత తర్వాత హాలీవుడ్ నటుల ఏజ్‌తో పాటు పెరిగి పూర్తి గ్రే హెయిర్‌స్టైల్‌కు రూపాంతరం చెందడం తర్వాతి సంగతి. హాలీవుడ్ నటుడు జార్జ్ క్లూనీ, రాబర్ట్ డౌనీ వంటి హీరోలు, జెమ్మీ లూ కర్టిస్ వంటి హీరోయిన్ల ద్వారా బాగా పాప్యులరై అక్కడ యువ నటీనటులు, టాప్ మోడల్స్ అనుకరించే దశకు చేరుకుందీ స్టైల్. మేగజైన్ షూట్స్‌కు, ర్యాంప్‌వాక్‌కు సైతం గ్రే హెయిర్ ఆకర్షణగా మారింది. అక్కడ ఈ సాల్ట్ అండ్ పెప్పర్ స్టైల్ సరికొత్త ఫ్యాషన్ అనిస్టైలిస్ట్‌లు అంటుంటే కొన్ని శతాబ్దాల క్రితమే ఉందని మరికొందరు వాదిస్తూ చర్చలు సాగిస్తున్నారు.
  
 బాలీవుడ్, కోలీవుడ్‌లకూ వైట్నర్...
 ఆ తెల్ల నల్లని హవా... మెల్లగా మన బాలీవుడ్‌కీ అంటుకుంది. ప్రస్తుతం బాలీవుడ్ ప్రముఖులు పలువురు సాల్ట్ అండ్ పెప్పర్ లుక్‌ని ఫాలో అవుతున్నారు. మిడిల్ ఏజ్డ్ మోడల్ కమ్ యాక్టర్ మిలింద్ సోమన్ వంటివారు ఈ స్టైల్‌ని పూర్తిగా ఫాలో అవుతూ పరోక్షంగా దీన్ని గ్లామరైజ్ చేస్తున్నారు. దీంతో ఇండియన్ హెయిర్‌స్టైలిస్ట్‌లూ సాల్ట్ అండ్ పెప్పర్‌కు సై అంటున్నారు. నసీఫా అలీ వంటి బాలీవుడ్ స్టార్స్ ఈ ఫ్యాషన్ విజృంభణతో సంబంధం లేకుండా ఎప్పటి నుంచో తెల్లని కేశాలతో నిండుగా కనిపించేవారు. అయితే ఈ లుక్‌కు వచ్చిన క్రేజ్‌ను కొందరు వారికీ ఆపాదించేస్తున్నారు.
 
 మరోవైపు ఈ తరహా లుక్‌కు సూపర్‌స్టార్ డమ్ తెచ్చాడు తమిళ హీరో అజిత్. ఈయన గత కొన్ని సినిమాల నుంచి ఈ ఫ్యాషన్‌ను ఫాలో అవుతూ.. తమిళనాడులో యూత్‌ను ఇన్‌స్పైర్ చేస్తున్నాడు. దీంతో అక్కడి యువత వెంట్రుకలు నెరవకున్నా సిల్వర్ కలర్ కోసం పార్లర్‌లకు క్యూ కడుతున్నారట. మన టాలీవుడ్‌లో ప్రస్తుతం ఈ లుక్ గురించి చెప్పాలంటే వైవిధ్య నటుడు జగపతిబాబునే చెప్పుకోవాలి. ఆయన విలన్‌గా మారి నటించిన లెజండ్ ద్వారా సాల్ట్ అండ్ పెప్పర్‌ని టాలీవుడ్‌లో తెరంగేట్రం చేయించారు. ఈ నేపథ్యంలో నగరంలో డై కు బై చెబుతున్నారు కొందరు మిడిల్ ఏజ్డ్ మెన్.
 
  ‘గ్రే’ట్ ఫ్యూచర్...
 ఆహారపు అలవాట్లు, పొల్యూషన్.. కారణాలేవైనా గత తరంతో పోలిస్తే ఇప్పటి తరంలో జుత్తు నెరసిపోవడమనేది చిన్న వయసులోనే సంభవిస్తోంది. అదే సమయంలో నలభైల్లోనూ ఫిట్‌నెస్ పరంగా బాగుంటున్నారు. ఫిజికల్‌గా ఎనర్జిటిక్‌గా కనపడుతూ, బాగున్నప్పుడు నెరసిన జుత్తు గురించి వర్రీ అవడం దేనికనే ఆలోచన ఈ సాల్ట్ అండ్ పెప్పర్ ట్రెండ్‌కు మరింత ఊతమిస్తోంది. మరోవైపు సెల్ఫ్ కాన్ఫిడెన్స్‌కు ఇంపార్టెన్స్ పెరిగింది. అందంగా, యంగ్‌గా కన్నా కాన్ఫిడెంట్‌గా కనపడేవాళ్లే త్వరగా నలుగురినీ ఆకర్షించగలుగుతున్నారు. ఈ సాల్ట్ అండ్ పెప్పర్ లుక్ మరింతగా తమ కాన్ఫిడెన్స్‌ను ప్రొజెక్ట్ చేస్తుందని ‘సిటీ’జనులు భావిస్తుండడంతో నగరంలో ఈ తరహా లుక్‌కు మంచి భవిష్యత్తు కనిపిస్తోంది.
  
 పర్‌ఫెక్ట్ అంటున్నారు..
 కొంతకాలంగా డై వేసుకోవడం లేదు. ఇప్పుడు అందరూ చాలా బాగుందంటున్నారు. నేచురల్‌గా ఉందంటున్నారు. నా భార్య, సన్నిహితులు మొదట్లో డై వేసుకోమని బలవంతం చేశారు. అయితే పార్టీ సర్కిల్‌లో నా సాల్ట్ అండ్ పెప్పర్ లుక్‌కి వచ్చిన క్రేజ్ వారిని కూడా ఇంప్రెస్ చేసింది. ఇప్పుడు ఇదే బాగుందని వాళ్లు కూడా అంటున్నారు.
  - అమీర్ అలీ, వ్యాపారి
  
  
 కాన్ఫిడెన్స్ ఇంపార్టెంట్
 యూరప్ దేశాల్లో సాల్ట్ అండ్ పెప్పర్ లుక్‌ని బాగా లైక్ చేస్తున్నారు. అయితే అక్కడ ఫ్యాషన్‌గా కాకుండా నేచురల్‌గా స్టార్ట్ అయిందీ ట్రెండ్. ఆ తర్వాత వరల్డ్ అంతా ఫ్యాషన్‌గా మూవ్ అయింది. చెన్నై వంటి నగరాల్లో యూత్ సైతం తమ హెయిర్స్‌ను ఎక్స్‌ట్రీమ్ లెవల్‌కు  బ్లీచ్ చేయించుకుని మరీ ఈ లుక్‌ని ఫాలో అవడం కనిపిస్తోంది. మన దగ్గర యూత్ ఇంకా అంతగా ఆసక్తి చూపడం లేదు కానీ, మిడిల్ ఏజ్డ్ వాళ్లు బాగా కనెక్ట్ అవుతున్నారు.
  - సచిన్, మేనియా సెలూన్