నానుమ్‌ రౌడీదాన్‌ చిత్రం సాధించిన విజయం గురించి ఇప్పుడు ప్రత్యేకంగా చెప్పనక్కర్లేదు. ఆ చిత్రానికి ఆది నుంచి ప్రత్యేకత సంతరించుకోవడానికి కారణం టాప్‌ కథానాయకిగా వెలుగొందుతున్న నయనతార యువ నటుడు విజయ్‌సేతుపతికి జంటగా నటించడమే. కేవలం నయనతార కారణంగానే ఆ చిత్రం తెలుగు ప్రేక్షకుల ముందుకు అనువాద చిత్రంగా వెళ్లిందని చెప్పడంలో ఎంత మాత్రం అతిశయోక్తి ఉండదు. అలాంటి కాంబినేషన్‌ను తమిళ ప్రేక్షకులు మరోసారి చూడబోతున్నారన్నది తాజా సమాచారం. నయనతార తాజాగా ఇమైక్కా నోడిగళ్‌ అనే చిత్రంలో నటిస్తున్నారు.
 
  ఇంతకు ముందు డిమాంటికాలనీ వంటి సక్సెస్‌ఫుల్‌ చిత్రాన్ని తెరకెక్కించిన అజయ్‌ జాన్‌ముత్తు ఈ చిత్రానికి దర్శకుడు. ఇందులో హీరోగా అధర్వ నటిస్తున్నారు. నయనతార ఆయనకు అక్కగా నటిస్తున్నారని సమాచారం. ఆమెకు పెయిర్‌గా విజయ్‌సేతుపతి నటించనున్నారన్నది తాజా సమాచారం. అయితే ఇందులో విజయ్‌సేతుపతి గెస్ట్‌గానే కనిపించనున్నారట. అయినా తన పాత్రకు ప్రాముఖ్యత ఉండడంతోనే ఈ చిత్రంలో నటించడానికి అంగీకరించినట్లు ఆయన పేర్కొన్నారు. మొత్తం మీద నయనతార, అధర్వలకు విజయ్‌సేతుపతి తోడవడంతో ఇమైక్కా నోడిగళ్‌ చిత్రానికి మరింత క్రేజ్‌ పెరిగిందనే చెప్పవచ్చు.


 విజయ్‌సేతుపతి, నయనతారలది హిట్ ఫెయిర్ అన్న విషయం తెలిసిందే. నానుమ్ రౌగీదాన్ చిత్రంలో వీరిద్దరూ తొలిసారిగా కలిసి నటించారు. నిజం చెప్పాలంటే ఆ చిత్రంతోనే విజయ్‌సేతుపతి కమర్శియల్ హీరోగా ఎదిగారు. ప్రస్తుతం వరుస విజయాలతో దూసుకుపోతున్న విజయ్‌సేతుపతి నటిస్తున్న తాజా చిత్రం కవన్. ఇందులో మడోనా సెబాస్టియన్ నాయకిగా నటిస్తున్నారు. టీ.రాజేందర్ ముఖ్య పాత్రలో నటిస్తున్న ఈ చిత్రానికి కేవీ.ఆనంద్ దర్శకుడు.చిత్ర నిర్మాణం చివరి దశకు చేరుకుంది. ఈ సంగతి అటుంచితే నయనతార నటిస్తున్న తాజా చిత్రం ఇమైక్కా నోడిగళ్. ఇందులో యువ నటుడు అధర్వ హీరోగా నటిస్తున్నారు.
 
 ఆయనకు జంటగా నటి రాశీఖన్నా నాయకిగా కోలీవుడ్‌కు పరిచయం అవుతున్నారు. ప్రముఖ బాలీవుడ్ దర్శకుడు, నటుడు అనురాగ్ కశ్యప్ ఈ చిత్రంలో విలన్‌గా నటిస్తూ కోలీవుడ్‌కు పరిచయం అవుతుండటం విశేషం. కాగా ఇందులో మురో కీలక పాత్రకు నటుడు విజయ్‌సేతుపతిని ఎంపిక చేసినట్లు సమాచారం. క్యామియో ఫింలిస్ పతాకంపై సీ.జయకుమార్ నిర్మిస్తున్న మల్టీస్టారర్ చిత్రానికి అజయ్ జ్ఞానముత్తు దర్శకత్వం వహిస్తున్నారు. ఇటీవలే చిత్రీకరణ ప్రారంభం అరుున ఈ చిత్రానికి సంగీతాన్ని హిప్ హాప్ తమిళా, ఆర్‌డీ.రాజశేఖర్ ఛాయాగ్రాహణం, మాటల్ని పట్టుకోట ప్రభాకర్ అందిస్తున్నారు.
  


 సాధారణంగా కొన్ని చిత్రాలు ప్రేక్షకులకు ఉత్సాహాన్నిస్తాయి. మరికొన్ని వినోదాన్ని అందిస్తాయి. ఇక తక్కువ చిత్రాలు మాత్రమే థియేటర్లలో ప్రేక్షకుల్ని కదలకుండా కట్టి పడేస్తాయి. అలాంటి చిత్రంగా ఇమైక్కా నోడిగళ్ ఉంటుందంటున్నారు ఆ చిత్ర దర్శకుడు అజయ్ జ్ఞానముత్తు. తొలి చిత్రం డిమాంటీ కాలనీతోనే అనూహ్య విజయాన్ని సొంతం చేసుకున్న ఈయన దర్శకుడు ఏఆర్.మురుగదాస్  స్కూల్ నుంచి వచ్చిన విషయం తెలిసిందే. యువ నటుడు అధర్వ హీరోగా నటిస్తున్న ఈ చిత్రంలో టాలీవుడ్ పాపులర్ నటి రాశీఖన్నా హీరోయిన్‌గా తమిళ చిత్ర సీమకు పరిచయం అవుతున్నారు.
 
 కాగా ప్రముఖ నటి నయనతార కీలక పాత్రలో నటించడం విశేషం. క్యామియో ఫిలింస్ పతాకంపై సీజే.జయకుమార్ నిర్మిస్తున్న ఈ చిత్రం శుక్రవారం ఉదయం చెన్నైలోని ఎంజీఆర్ ఫిలిం సిటీలో పూజా కార్యక్రమాలతో ప్రారంభమైంది. ఈ సందర్భంగా చిత్ర నిర్మాత మాట్లాడుతూ ఎంజీఆర్ ఫిలింసిటీలో ఈ చిత్రం కోసం బ్రహ్మాండమైన సెట్‌ను వేసి చిత్రీకరణ జరుపుతున్నట్లు వెల్లడించారు. అత్యుత్తమ సాంకేతిక నిపుణులు పనిచేస్తున్న ఈ చిత్రాన్ని భారీ బడ్జెట్‌లో నిర్మిస్తున్నట్లు తెలిపారు. ప్రారంభానికి ముందే ఇమైక్కా నోడిగళ్ చిత్రం ఇటు చిత్ర వర్గాల్లోనూ, అటు అభిమానుల్లోనూ భారీ అంచనాలను ఏర్పరచిందన్నారు. వాటిని కచ్చితంగా రీచ్ అవుతుందనే విశ్వాసాన్ని నిర్మాత సీజే.జయకుమార్ వ్యక్తం చేశారు.