టెలికాం దిగ్గజం రిలయన్స్ జియో తన ఐఎస్‌డీ రీఛార్జ్ ప్లాన్‌లను పునరుద్ధరించింద. కొత్త ప్లాన్‌లు కేవలం రూ.39 నుంచి ప్రారంభమవుతాయి. కొత్త ప్లాన్‌లతో 7 రోజులపాటు ఐఎస్‌డీ కాల్స్‌ చేసుకోవచ్చని, అత్యంత తక్కువ ధరలకు ఐఎస్‌డీ మినిట్స్‌ అందిస్తున్నట్లు జియో పేర్కొంది.జియో బంగ్లాదేశ్, యూకే, సౌదీ అరేబియా, నేపాల్, చైనా, జర్మనీ, నైజీరియా, పాకిస్తాన్, ఖతార్, న్యూజిలాండ్, శ్రీలంక, స్విట్జర్లాండ్, స్పెయిన్, ఇండోనేషియా కోసం ఐఎస్‌డీ రీఛార్జ్ ప్లాన్ రేట్లను సవరించింది.యూఎస్‌, కెనడా కోసం జియో ఐఎస్‌డీ ప్లాన్ రూ.39 నుండి ప్రారంభమవుతుంది. 7 రోజుల చెల్లుబాటుతో 30 నిమిషాల టాక్ టైమ్‌ని అందిస్తోంది. అదే విధంగా బంగ్లాదేశ్‌కు రూ.49 ప్లాన్ 20 నిమిషాల టాక్ టైమ్‌, సింగపూర్, థాయ్‌లాండ్, మలేషియా, హాంకాంగ్‌లకు రూ.59 ప్లాన్ 15 నిమిషాల టాక్ టైమ్‌ని అందిస్తోంది.ఇక ఆస్ట్రేలియా, న్యూజిలాండ్‌లకు 15 నిమిషాల టాక్ టైమ్‌తో రూ.69 రీఛార్జ్ ప్లాన్, యూకే, జర్మనీ, ఫ్రాన్స్, స్పెయిన్‌లకు 10 నిమిషాల టాక్ టైమ్‌తో రూ.79 రీఛార్జ్ ప్లాన్‌ను అందుబాటులోకి తెచ్చింది.


 న్యూఢిల్లీ: టెలికాం దిగ్గజాలు ఎయిర్‌టెల్, ఐడియాలు అంతర్జాతీయ కాల్ రేట్లను పెంచాయి. రూపాయి పతనం ప్రభావం కారణంగా రేట్లను పెంచాల్సి వచ్చిందని ఆ కంపెనీలు పేర్కొన్నాయి. ఎయిర్‌టెల్ 80 శాతం, ఐడియా 25 శాతం వరకూ ధరలను పెంచాయి. ఈ రెండు కంపెనీల వెబ్‌సైట్ల ప్రకారం, అమెరికా, ఇంగ్లాండ్, కెనడాలకు స్టాండర్డ్ కాల్ రేట్లు నిమిషానికి రూ.6.40 నుంచి రూ.8కు పెరిగాయి. పలు దేశాలకు నిమిషానికి రూ.10గా ఉన్న కాల్ రేట్లు రూ.12కు, రూ. 15గా ఉన్న రేట్లు రూ.17-20కు, రూ.50 నుంచి రూ.60కు, రూ.100 నుంచి రూ.120కు పెరిగాయి.  
  
  ఆస్ట్రేలియాకు 6113, 6114లతో మొదలయ్యే నంబర్లతో చేసే ఇంటర్నేషనల్ కాల్ రేట్లను నిమిషానికి రూ.100 నుంచి రూ.180కు పెంచామని ఎయిర్‌టెల్ పేర్కొంది. డాలర్ బలపడటంతో ఐఎస్‌డీ సెగ్మెంట్లో తమపై భారీగానే భారం పడిందని, ఇప్పటివరకూ భరించగలిగామని ఎయిర్‌టెల్ ప్రతినిధి ఒకరు చెప్పారు. ఇటీవల కాలంలో రూపాయి మారకంలో తీవ్రమై ఒడిదుడుకులు చోటు చేసుకోవడంతో ధరలు పెంచక తప్పలేదని పేర్కొన్నారు. ఈ పెరుగుదల ఈ నెల 10 నుంచే అమల్లోకి వచ్చిందని తెలిపారు. జర్మనీ కాల్ రేట్ల విషయంలో కొన్ని నిర్దిష్టమైన కోడ్‌లకు పాత ధరలనే కొనసాగిస్తున్నామని వివరించారు.  జర్మనీలోని కొన్ని ప్రాంతాలకు కాల్ రేట్లలో ఎయిర్‌టెల్ కంటే ఐడియా కాల్ రేట్లు 88% తక్కువగా ఉన్నాయి.