గడివేముల(కర్నూలు): ఉపాధి పనులకు వెళ్లిన వ్యక్తిపై తేనెటీగలు దాడి చేయడంతో.. అతను మృతిచెందాడు. ఈ సంఘటన కర్నూలు జిల్లా గడివేముల మండలం చెస్రవాయిలో బుధవారం చోటుచేసుకుంది. గ్రామానికి చెందిన దొరస్వామి ఉపాధి పనుల్లో భాగంగా జేసీ కెనాల్‌లో పూడిక తీయడానికి వెళ్లాడు.
 
 ఈ క్రమంలో పనులు చేస్తుండగా.. తేనె టీగలు దాడి చేశాయి. దీంతో అతడికి తీవ్ర గాయాలయ్యాయి. ఇది గుర్తించిన తోటి కూలీలు అతన్ని ఆస్పత్రికి తరలించగా.. చికిత్స పొందుతూ మృతిచెందాడు.