‘ఇచ్చట వాహనములు నిలుపరాదు’ సినిమాతో తెలుగు తెరకి పరిచయమైంది నటి మీనాక్షి చౌదరి. ఇక రెండవ సినిమాకే స్టార్‌ హీరో మాస్‌ మహారాజా రవితేజ సరసన నటించే చాన్స్‌ కొట్టేసింది. తాజాగా ఆమె నటించిన చిత్రం ఖిలాడి. రవితేజ హీరోగా రమేశ్ వర్మ రూపొందించిన ఈ సినిమా, ఈ నెల 11వ తేదీన ప్రేక్షకుల ముందుకు రానుంది. ఈ మూవీ ప్రమోషన్లో భాగంగా మీనాక్షి చౌదరి ఓ ఇంటర్వ్యూలో పాల్గొంది. ఈ సందర్భంగా సినిమా విశేషాలను పంచుకుంది. ఈ నేపథ్యంలో ఆమె మాట్లాడుతూ.. ‘నా రెండవ సినిమానే రవితేజ గారితో కలిసి చేస్తానని అనుకోలేదు.చదవండి: 2022 ఆగస్ట్‌ 7వ తేదీ ఉదయం 7గంటలకు బిడ్డకు జన్మనిస్తా: సామ్‌ కామెంట్స్‌ వైరల్‌ఆయన టైమింగ్ మామూలుగా లేదు. తెలుగు అంతగా రాకపోవడం వలన నేను కాస్త ఇబ్బంది పడ్డాను. కానీ కంగారు పడొద్దంటూ రవితేజ గారు కంఫర్టును ఇచ్చారు. అందువల్లనే నేను నా పాత్రను సరిగ్గా చేయగలిగాను. ఈ సినిమాలో లిప్ లాక్ ఉంది .. కథకు అవసరం కనుకనే అలా చేశాను’ అని చెప్పుకొచ్చింది. అలాగే సినిమాలో తన పాత్ర నిడివి గురించి పెద్దగా పట్టించుకోను, అయితే కథకు తన పాత్రకు ప్రాముఖ్యత ఉండేలా చూసుకుంటానని ఆమె పేర్కొంది. ‘మొదటి నుండి ఇంటిమేట్ సన్నివేశాల గురించి నాకు తెలుసు. దర్శకుడు రమేష్ వర్మ కథ చెప్పినప్పుడు ఈ సన్నివేశాల గురించి నాకు తెలియజేసారు.చదవండి: Karate Kalyani: మళ్లీ పెళ్లి చేసుకుంటా.. ఇప్పటికి ఆ ఆశ తీరలేదుఇలాంటివి కమర్షియల్ సినిమాల్లో భాగమేనని నాకు అర్థమైంది. ముద్దు సన్నివేశాల్లో నటించడంలో నాకు ఎలాంటి ఇబ్బంది లేదు’ అంటూ తన అభిప్రాయాన్ని వెల్లడించింది మీనాక్షి చౌదరి. ఇక డింపుల్ తో కలిసి స్క్రీన్ షేర్ చేసుకోవడం ఆనందంగా ఉందని, ఆమెకి సెల్ఫ్ కాన్ఫిడెన్స్ ఎక్కువ అనే విషయాన్ని తాను గమనించానంది. ఈ సినిమా కోసం చాలామంది సీనియర్ ఆర్టిస్టులు పనిచేశారని, తప్పకుండా ఖిలాడి పెద్ద హిట్ అవుతుందనే నమ్మకం ఉందంటూ ధీమా వ్యక్తం చేసింది. ఇక తాను చేసిన మరో తెలుగు మూవీ 'హిట్ 2', 'తమిళంలో చేసిన 'కొలై' సినిమాలు విడుదలకు రెడీగా ఉన్నాయని ఆమె చెప్పుకొచ్చింది.

మాస్​ మహారాజ రవితేజ వరుస సినిమాలతో ఫుల్​ బిజీగా ఉన్న సంగతి తెలిసిందే. జనవరి 26న రవితేజ పుట్టినరోజు సందర్భంగా వరుస సినిమా అప్​డేట్​లతో అభిమానులకు పెద్ద పండుగ విందు ఇచ్చాడు. ఇప్పటికే 'రామారావు ఆన్​ డ్యూటీ' పోస్టర్​ విడుదల కాగా తాజాగా ఖిలాడి సినిమాలోని నాలుగోపాట ఫుల్​ కిక్​ను విడుదల చేశారు మేకర్స్​. ఈ గీతాన్ని సాగర్​, మమత శర్మ ఆలపించగా శ్రీమణి సాహిత్యం అందించారు. అలాగే దేవిశ్రీ ప్రసాద్​ సంగీతమందించిన ఈ మాస్​ బీట్​కు శేఖర్ మాస్టర్​ కొరియోగ్రఫీ అలరిస్తున్నాయి. పాట ప్రారంభంలో రవితేజ చెప్పే డైలాగులు ఆకట్టుకుంటున్నాయి. ఇక ఖిలాడి సినిమా విషయానికొస్తే ఈ సినిమాను 'రాక్షసుడు' ఫేమ్​ రమేశ్​ వర్మ డైరెక్ట్ చేస్తున్నారు. సత్యనారాయణ కోనేరు నిర్మాతగా వ్యవహరించగా మీనాక్షి చౌదరి, డింపుల్​ హయాతిలు రవితేజ సరసన అలరించనున్నారు. అలాగే అర్జున్​, అనసూయ కీలక పాత్రలు పోషించగా, ఈ సినిమా ఫిబ్రవరి 11న విడుదలకు సిద్ధంగా ఉంది. 

మాస్ మహారాజా రవితేజ యాక్షన్‌ ఎంటర్‌టైనర్‌ ఖిలాడీ చిత్రీకరణ చివరి దశకు చేరుకుంది. రవితేజ అభిమానులకు ఖిలాడీ చిత్ర దర్శకనిర్మాతలు గుడ్‌ న్యూస్‌ చెప్పారు. గురువారం ఖిలాడీ సినిమా తేదిని ప్రకటించారు. ఫిబ్రవరి 11, 2022 ప్రేక్షకుల ముందుకు వస్తున్నట్లుగా పోస్టర్‌ రిలీజ్‌ చేశారు. ఈ పోస్టర్‌లో రవితేజ సిగరెట్‌ తాగుతూ ఘాటైన మాస్‌ గెటప్‌లో దర్శనిమిచ్చాడు.  దర్శకుడు రమేష్ వర్మ కాంబినేషన్‌లో సత్యనారాయణ కోనేరు ఈ చిత్రాన్ని నిర్మిస్తున్నారు. ఈ సినిమాలో రవితేజ సరసన మీనాక్షి చౌదరి, డింపుల్ హయాతి హీరోయిన్లుగా నటిస్తున్నారు.  See you in cinemas 😎 #Khiladi February 11th, 2022. pic.twitter.com/vCW6y3P1Kf — Ravi Teja (@RaviTeja_offl) November 11, 2021 ఇదిలా ఉంటే చిత్రబృందం దూకుడుగా ప్రమోట్ చేస్తోంది. రాక్‌స్టార్ దేవి శ్రీ ప్రసాద్ సంగీతం అందించిన మొదటి రెండు పాటలకు అద్భుతమైన స్పందన వచ్చింది. విడుదల తేదీని ప్రకటించి, ప్రొడక్షన్ పనులు కూడా చివరి దశకు చేరుకున్నందున, మేకర్స్ రాబోయే రోజుల్లో ప్రచారాన్ని పెంచనున్నారు. ఎ స్టూడియోస్‌తో కలిసి బాలీవుడ్ నిర్మాణ సంస్థ పెన్ స్టూడియోస్ నిర్మిస్తున్న ఈ చిత్రంలో రవితేజ పూర్తిగా భిన్నమైన పాత్రను పోషిస్తున్నారు. హవీష్ ప్రొడక్షన్‌లో తెరకెక్కుతున్న ఈ సినిమా స్మార్ట్ ప్లే అనే ట్యాగ్ లైన్‌తో వస్తుంది. చదవండి: గజదొంగ బయోపిక్‌లో రవితేజ..ఎవరీ టైగర్ నాగేశ్వరరావు? ఈ చిత్రానికి సుజిత్ వాసుదేవ్, జికె విష్ణు సినిమాటోగ్రాఫర్‌లు. శ్రీకాంత్ విస్సా, సంగీత దర్శకుడు డిఎస్పీ సోదరుడు సాగర్ డైలాగ్స్ రాశారు. శ్రీమణి సాహిత్యం అందించగా, అమర్ రెడ్డి ఎడిటర్ బాధ్యతలు చేపట్టారు.

ఖిలాడీ యాక్షన్‌ పూర్తయింది.. ఇక పాటలే పాడుకోవాలి. రవితేజ హీరోగా నటిస్తున్న తాజా చిత్రం ‘ఖిలాడీ’. ‘ప్లే స్మార్ట్‌’ అన్నది ట్యాగ్‌ లైన్‌. రమేష్‌ వర్మ దర్శకత్వం వహిస్తున్న ఈ సినిమాలో మీనాక్షి చౌదరి, డింపుల్‌ హయతి హీరోయిన్లుగా నటిస్తున్నారు. డాక్టర్‌ జయంతిలాల్‌ గడ సమర్పణలో ఏ స్టూడియోస్, పెన్‌ స్టూడియోస్‌తో కలసి హవీష్‌ ప్రొడక్షన్‌పై సత్యనారాయణ కోనేరు నిర్మిస్తున్న ఈ చిత్రం టాకీ పార్ట్‌ పూర్తయింది. నిర్మాతలు మాట్లాడుతూ– ‘‘యాక్షన్‌ ఎంటర్‌టైనర్‌గా రూపొందుతోన్న చిత్రమిది. థియేటర్లో ప్రేక్షకులకు థ్రిల్‌ ఇచ్చేందుకు రమేష్‌ వర్మ సిద్ధమవుతున్నారు. ఇటీవల రిలీజ్‌ చేసిన టీజర్‌కి, తొలి పాటకి చాలా మంచి స్పందన వచ్చింది. రెండు పాటలు మినహా టాకీ పార్ట్‌ మొత్తం పూర్తయింది’’ అన్నారు. ఈ చిత్రానికి కెమెరా: సుజిత్‌ వాసుదేవ్, జీకే విష్ణు, ఎగ్జిక్యూటివ్‌ ప్రొడ్యూసర్‌: మురళీకృష్ణ కొడాలి.

మాస్‌ మహారాజ్‌ రవితేజ తాజాగా నటిస్తున్న చిత్రాల్లో ప్రముఖంగా చెప్పుకోవాల్సింది ‘ఖిలాడీ’ మూవీ. ఇప్పటికే షూటింగ్‌ను పూర్తి చేసుకున్న సినిమా నుంచి వచ్చిన ఫస్ట్‌లుక్‌ పోస్టర్‌, టీజర్, ట్రైలర్‌కు మంచి మంచి స్పందన వచ్చింది. ఈ నేపథ్యంలో ఈ మూవీ నుంచి మరో సరికొత్త అప్‌డేట్‌ను ఇవ్వబోతున్నట్లు తాజాగా మేకర్స్‌ ప్రకటించారు. ఈ మూవీలో ఇష్టం అంటూ సాగే మొదటి పాట పూర్తి లిరికల్‌ సాంగ్‌ను రిలీజ్‌ చేయబోతున్నట్లు దర్శకుడు రమేష్‌ వర్మ వెల్లడించారు. వినాయక చవితి కానుకగా సెప్టెంబర్‌ 10న ఫస్ట్‌ సింగిల్‌ పేరుతో ‘ఇష్టం’ లీరికల్‌ సాంగ్‌ను విడుదల చేయబోతోన్న నేపథ్యంలో రేపు(మంగళవారం) ప్రోమో రీలీజ్‌ చేస్తున్నట్లు ఈ సందర్భంగా దర్శకుడు తెలిపారు. చదవండి: ఈ వారం థియేటర్లో, ఓటీటీలో అలరించబోతోన్న చిత్రాలివే! క్రాక్‌ మూవీ తర్వాత ‘రాక్షసుడు’ ఫేం రమేష్‌ వర్మ దర్మకత్వంలో మాస్‌ మహారాజ్‌ నటిస్తున్న సినిమా ఇది. ఇప్పటికే షూటింగ్‌ను పూర్తి చేసుకున్న ఈ మూవీ విడుదల కోవిడ్‌ ఆంక్షల నేపథ్యంలో  వాయిదా పడుతూ వస్తోంది. ప్రస్తుతం మూవీ విడుదలపై ఎలాంటి ఎటువంటి సమాచారం లేదు. అయితే త్వరలోనే దీనిపై ఓ స్పష్టత వచ్చే అవకాశం ఉన్నట్లు సినీ వర్గాల నుంచి సమాచారం. కాగా ఈ చిత్రంలో రవితేజకి జోడిగా మీనాక్షి చౌదరి, డింపుల్‌ హయతి నటిస్తున్నారు. ఇందులో ఆయన ద్విపాత్రాభినయం చేయనుండగా.. దేవి శ్రీ ప్రసాద్‌ సంగీతం అందించనున్నారు. ఎల్ఎల్‌పీ బ్యానర్‌పై సత్యనారాయణ కోనేరు, రమేశ్ వర్మలు సంయుక్తంగా నిర్మించిన ఈ సినిమాలో అర్జున్ సార్జా, ఉన్ని ముకుందన్ ప్రధాన పాత్రలు పోషిస్తున్నారు.  The Promo of First Single #Istam from #Khiladi will be out tomorrow evening! Full song is all set to be released on Sep 10th. Can’t wait to make you all hear this beautiful Melody🎶 #KhiladiFirstSingle pic.twitter.com/Db4OquQ05Y — Ramesh Varma (@DirRameshVarma) September 6, 2021

హీరో రవితేజ, దర్శకుడు రమేశ్‌ వర్మ కాంబినేషన్‌లో రూపొందుతున్న తాజా చిత్రం ‘ఖిలాడి: ప్లే స్మార్ట్‌’. రవితేజ ద్విపాత్రాభినయం చేస్తున్న ఈ చిత్రంలో మీనాక్షీ చౌదరి, డింపుల్‌ హయతి హీరోయిన్లు. ఇప్పటికే ఎక్కువ శాతం షూటింగ్‌ జరుపుకున్న ఈ చిత్రం తాజా షెడ్యూల్‌ సోమవారం ఆరంభం కానుంది. ఈ సందర్భంగా ‘ఖిలాడి’లో ద్విచక్ర వాహనం మీద రయ్‌ రయ్‌మంటూ రవితేజ వెళుతున్న కొత్త పోస్టర్‌ను విడుదల చేశారు. జయంతీ లాల్‌ గడ సమర్పణలో కోనేరు సత్యానారాయణ నిర్మిస్తున్న ఈ సినిమా ఈ ఏడాది మేలో విడుదల కావాల్సింది. కోవిడ్‌ కారణంగా షూటింగ్‌కి బ్రేక్‌ పడింది. 

మాస్‌ మహారాజా రవితేజ కొత్త డైరెక్టర్‌ శరత్‌ మాండవతో ఓ మూవీకి గ్రీన్‌ సిగ్నల్‌ ఇచ్చిన సంగతి తెలిసిందే. ఇటీవల దీనిపై అధికారిక ప్రకటన కూడా వెలువడింది. ఈ సందర్బంగా ఈ మూవీ జూలై 1వ తేదీ నుంచి సెట్స్‌పైకి రానున్నట్లు మేకర్స్‌ పేర్కొన్నారు. ఇదిలా ఉండగా ఈ మూవీకి సంబంధించిన ఓ ఆసక్తికర అప్‌డేట్‌ను రేపు విడుదల చేయబోతున్నట్లు తాజాగా మేకర్స్‌ ప్రకటించారు. రేపు (గురువారం) ఉదయం 10.08 గంటలకు దీనిని నుంచి స్పెషల్‌ అప్‌డేట్‌ను రాబోతుందంటూ తమ ట్వీట్‌లో పేర్కొన్నారు.  కాగా యాక్ష‌న్ థ్రిల్ల‌ర్‌గా తెర‌కెక్క‌నున్న ఈమూవీలో రవితేజ సరసన మ‌జిలీ ఫేం దివ్యాంక కౌశిక్ హీరోయిన్‌గా న‌టిస్తోంది. విరాట‌ప‌ర్వం చిత్రాన్ని నిర్మిస్తున్న సుధాక‌ర్ చెరుకూరి ఈ చిత్రాన్ని తీస్తున్నారు. కోలీవుడ్ కంపోజ‌ర్‌ సామ్ సీఎస్ సంగీత దర్శకుడిగా వ్యవహరించనున్నాడు. ప్ర‌స్తుతం ఖిలాడీ సినిమాతో ర‌వితేజ బిజీగా ఉన్నాడు‌. ర‌మేశ్ వ‌ర్మ దర్శకత్వంలో వస్తున్న ఖిలాడీ ప్రస్తుతం షూటింగ్‌ను శరవేగంగా జరపుకుంటోంది.  Make way for LEADER OF THE PACK #RT68 update tomorrow at 10:08 AM @RaviTeja_offl @itsdivyanshak @directorsarat @sathyaDP @sahisuresh @Cinemainmygenes @SamCSmusic @SLVCinemasOffl pic.twitter.com/bvXR12GKmR — BARaju's Team (@baraju_SuperHit) June 30, 2021

మీనాక్షి చౌదరి ...సొంతూరిలో మొదటి డాక్టరే కాదు.. ఫస్ట్‌ మోడల్‌.. వెరీ ఫస్ట్‌ యాక్టర్‌ కూడా.స్టెత్‌ను వదిలి స్టేజ్‌ను ఎంచుకున్న ఆ డాక్టర్‌ యాక్టర్‌ గురించి..  హర్యానాలోని పంచ్‌కుల గ్రామంలో పుట్టింది. తండ్రి ఆర్మీ ఆఫీసర్‌ కావడంతో క్రమశిక్షణ ఆమె తోబుట్టువైంది. చదువుపై ఉన్న శ్రద్ధ, ఇష్టంతో నేషనల్‌ డెంటల్‌ కాలేజ్‌లో కోర్సు పూర్తి చేసింది.  2017, ప్రపంచ సుందరి విజేత ‘మానుషి చిల్లర్‌’ను చూసి స్ఫూర్తి పొందింది. 2018లో ‘మిస్‌ గ్రాండ్‌ ఇంటర్‌నేషనల్‌’ పోటీలో  రన్నరప్‌గా నిలిచింది.  ‘ఎఫ్‌బీబీ కలర్స్‌ ఫెమినా మిస్‌ ఇండియా హర్యానా 2018’  కిరీటం సాధించింది. వీటితో పాటు ‘మిస్‌ ఇండియా’  టైటిల్‌నూ  గెలుచుకుంది.  మీనాక్షికి స్విమ్మింగ్‌ అంటే చాలా ఇష్టం. రాష్ట్రస్థాయిలో పలు బ్యాడ్మింటన్, స్విమ్మింగ్‌ పోటీల్లో పాల్గొని మంచి క్రీడాకారిణిగా గుర్తింపు తెచ్చుకుంది. ప్రస్తుతం హాట్‌స్టార్‌లో ప్రసారమవుతోన్న ‘అవుట్‌ ఆఫ్‌ లవ్‌’తో వెబ్‌ వీక్షకులను అలరిస్తోంది.  త్వరలో విడుదలవుతోన్న ‘ఖిలాడి’, ‘హిట్‌ 2’, ‘ఇచ్చట వాహనములు నిలుపరాదు’  వంటి తెలుగు సినిమాల్లోనూ  నటిస్తోంది మీనాక్షి. మెడికల్‌ బ్యాక్‌గ్రౌండ్‌ నుంచి వచ్చిన నాకు అందాల పోటీల్లోని ‘ఓన్‌ మేకప్, ఓన్‌ హెయిర్‌ స్టైల్స్‌’ రౌండ్‌ పెద్ద సవాలుగా అనిపించేది.  మొదట్లో మేకప్‌ చేసుకోవడానికి చాలా టైమ్‌ పట్టేది. ఇప్పుడైతే చిటికెలో రెడీ అయిపోతున్నా. – మీనాక్షి చౌదరి

క్రాక్  మూవీతో  సూపర్‌ హిట్ కొట్టిన మాస్ మహరాజా రవితేజ  ప్రస్తుతం ఖిలాడి ' సినిమా చేస్తున్న సంగతి తెలిసిందే . రమేష్ వర్మ దర్శకత్వంలో హవీష్ ప్రొడక్షన్స్ , పెన్ స్టూడియోస్ కలిసి ఈ చిత్రాన్ని నిర్మిస్తుండగా .. యాక్షన్ కింగ్ అర్జుతో పాటు జబర్దస్త్ యాంకర్ అనసూయ భరద్వాజ్ కీలక పాత్రల్లో కనిపించనున్నారు .షెడ్యూల్‌  ప్రకారం ఈ నెల 28 న విడుదల కు సిద్దం చేశారు .ప్రస్తుతం కరోనా సెకెండ్‌ వేవ్‌ కారణంగా వాయిదా వేశారు. అయితే ప్రస్తుత పరిస్థితుల దృష్ట్యా ' ఖిలాడి ' సినిమా ఓటీటీ ప్లాట్ ఫామ్ లో రిలీజ్ కానుందనే న్యూస్ సినీ వర్గాల్లో వినిపిస్తుండగా , ఈ విషయంపై మూవీ మేకర్స్ స్పష్టతనిచ్చారు . రవితేజ సినిమా ఓటీటీలో విడుదల కానుందనే ప్రచారం పూర్తిగా అవాస్తమని , ప్రేక్షకులు ఈ చిత్రాన్ని థియేటర్లో చూసి ఆస్వాదించేలా రూపొందిస్తున్నామని నిర్మాత కోనేరు సత్యనారాయణ వెల్లడించారు . ఇటలీలో తీసిన యాక్షన్ సీక్వెన్స్ హైలైట్ గా నిలుస్తాయని పేర్కొన్నారు . కరోనా పరిస్థితులు సద్దుమణిగిన తర్వాత కొత్త విడుదల తేదీని ప్రకటిస్తామని తెలిపారు . కాగా ఈ చిత్రానికి దేవిశ్రీ ప్రసాద్ సంగీతం అందిస్తున్నారు.ఈ చిత్రంలో మీనాక్షి చౌదరి , డింపుల్ హయాతి హీరోయిన్లుగా నటిస్తున్నారు . (చదవండి:టైసన్‌, అది నువ్వేనా? షాక్‌లో ఫ్యాన్స్‌!)

కరోనా సెకండ్‌ వేవ్‌ ఉధృతంగా ఉండటంతో సినిమాల చిత్రీకరణలే కాదు.. రిలీజ్‌లు వాయిదా పడుతున్నాయి. తాజాగా రవితేజ హీరోగా నటిస్తున్న ‘ఖిలాడి’ సినిమా విడుదల కూడా వాయిదా పడింది. ‘రాక్షసుడు’ ఫేమ్‌ రమేశ్‌ వర్మ పెన్మత్స దర్శకత్వం వహిస్తున్నారు. మీనాక్షీ చౌదరి, డింపుల్‌ హయతి కథానాయికలుగా నటిస్తున్నారు. డా. జయంతీలాల్‌ గడ సమర్పణలో ఏ స్టూడియోస్‌తో కలిసి బాలీవుడ్‌ నిర్మాణ సంస్థ పెన్‌ స్టూడియోస్, హవీష్‌ ప్రొడక్ష¯Œ పై సత్యనారాయణ కోనేరు నిర్మిస్తున్నారు. యాక్షన్‌ ఎంటర్‌టైనర్‌గా రూపొందుతోన్న ఈ చిత్రం ఈ నెల 28న విడుదల కావాల్సి ఉంది. అయితే ప్రస్తుతం నెలకొన్న కోవిడ్‌ పరిస్థితుల కారణంగా వాయిదా వేస్తున్నట్లు చిత్రబృందం పేర్కొంది. ‘‘రవితేజ ద్విపాత్రాభినయం చేస్తున్న చిత్రం ‘ఖిలాడి’. ఇప్పటికే విడుదలైన ఈ సినిమా పోస్టర్స్, టీజర్‌కి మంచి స్పందన వచ్చింది. కరోనా ఉధృతి తగ్గాక కొత్త విడుదల తేదీని ప్రకటిస్తాం’’ అని చిత్రవర్గాలు పేర్కొన్నాయి. ఈ చిత్రానికి సంగీతం: దేవిశ్రీ ప్రసాద్‌.

కథ నచ్చాలే కానీ.. కొత్త దర్శకులకు చాన్స్‌లు ఇవ్వడంలో ఎప్పుడు ముందుంటాడు మాస్‌ మహారాజా రవితేజ. ఇప్పటికే ఆయన చాలా మంది కొత్త దర్శకులను ఇండస్ట్రీకి పరిచయం చేశాడు. ఇంకా చేస్తూనే ఉన్నాడు. ఇటీవల క్రాక్‌ సినిమా విజయం తర్వాత రవితేజ స్పీడ్‌ పెంచాడు. వరుస సినిమాలను పట్టాలెక్కిస్తున్నాడు. ప్రస్తుతం రమేష్‌ వర్మ దర్శకత్వంలో తెరకెక్కుతున్న ‘ఖిలాడి’ మూవీ షూటింగ్‌ చివరి దశకు చేరుకుంది. ఈ సినిమా తర్వాత నక్కిన త్రినాథరావు దర్శకత్వంలో ఓ సినిమా చేయనున్నారు రవితేజ. అలాగే శరత్‌ మండవ దర్శకత్వంలోనూ మరో సినిమా చేయనున్నాడు. వీటితో పాటు డైరెక్టర్‌ మారుతితోనూ మరో చిత్రానికి  చర్చలు జరిగాయనే వార్తలు కొన్నాళ్లుగా వినిపిస్తున్నాయి. అయితే దీనిపై ఇప్పటి వరకు ఎలాంటి ప్రకటన రాలేదు. ఇదిలా ఉంటే.. ప్రస్తుతం రవితేజ మరో యంగ్‌ డైరెక్టర్‌కి గ్రీన్‌ సిగ్నల్‌ ఇచ్చినట్లు ఫిల్మ్‌నగర్‌ టాక్‌ వినిపిస్తుంది. అడివి శేష్‌-మంచు లక్ష్మీ కాంబినేషన్‌లో వచ్చిన ‘దొంగాట’ సినిమాకు దర్శకత్వం వహించిన వంశీకృష్ణ.. ఇటీవల రవితేజకు ఓ కథ వినిపించాడట. స్టోరీ నచ్చడంతో రవితేజ వెంటనే గ్రీన్‌ సిగ్నల్‌ ఇచ్చినట్లు తెలుస్తోంది. ఇందులో రవితేజ సరికొత్త లుక్‌లో కనిపించనున్నట్లు తెలుస్తోంది. ఇంతకు ముందు తాను కమిట్‌ అయిన సినిమాకు పూర్తయ్యాక ఈ మూవీ షూటింగ్‌ ప్రారంభిస్తారట. రవితేజ గ్రీన్‌ సిగ్నల్‌ ఇవ్వడంతో పూర్తి స్క్రిప్ట్‌ని సిద్దం చేసే పనిలో ఉన్నాడట వంశీకృష్ణ. చదవండి: ఆ రోజు రాత్రి ఐశ్వర్య ఇంటికి వెళ్లిన సల్మాన్‌.. దూకి చస్తానని బెదిరించి..

హీరో రవితేజ– దర్శకుడు హరీష్‌ శంకర్‌ మూడోసారి కలసి పని చేయనున్నారా? అంటే అవుననే అంటున్నాయి ఫిల్మ్‌నగర్‌ వర్గాలు. రవితేజ హీరోగా నటించిన ‘షాక్‌’ సినిమాతో దర్శకుడిగా పరిచయమయ్యారు హరీష్‌. ఆ తర్వాత తన రెండో చిత్రం ‘మిరపకాయ్‌’ని కూడా రవితేజతోనే చేశారాయన. తాజాగా వీరి కాంబినేషన్‌లో మరో సినిమాకి సన్నాహాలు జరుగుతున్నాయట. రవితేజ – హరీష్‌ మధ్య కథా చర్చలు కూడా జరిగాయని సమాచారం. ప్రస్తుతం రవితేజ తన సినిమాలతో ఫుల్‌ బిజీగా ఉన్నారు. హరీష్‌ శంకర్‌ కూడా పవన్‌ కల్యాణ్‌ హీరోగా మైత్రీ మూవీస్‌ పతాకంపై ఓ సినిమా చేయనున్నారు. పవన్‌ సినిమా పూర్తి చేసి, గుమ్మడికాయ కొట్టాక రవితేజ సినిమాకి కొబ్బరికాయ కొట్టనున్నారట హరీష్‌ శంకర్‌.  ‘ఖిలాడి’కి బ్రేక్‌ ఇదిలావుండగా, రవితేజ హీరోగా నటిస్తున్న తాజా చిత్రం ‘ఖిలాడి’. ఈ చిత్రదర్శకుడు రమేశ్‌ వర్మ కరోనా బారిన పడ్డారు. ఈ విషయాన్ని ఆయన ట్విట్టర్‌ వేదికగా వెల్లడించారు. ‘‘నాకు కోవిడ్‌ పాజిటివ్‌గా నిర్ధారణ అయింది. దీంతో స్వీయ నిర్భంధంలో ఉన్నాను. దయచేసి అందరూ మాస్క్‌ ధరించండి. అనవసరంగా బయట తిరగకండి.. ఇంట్లోనే క్షేమంగా ఉండండి’ అని పేర్కొన్నారు రమేశ్‌ వర్మ. దీంతో ‘ఖిలాడి’ షూటింగ్‌కి చిన్న బ్రేక్‌ పడ్డట్లే.  చదవండి: కొత్త డైరెక్టర్‌తో రవితేజ

మాస్‌ మహారాజ రవితేజ హీరోగా నటిస్తున్న తాజా చిత్రం ‘ఖిలాడి’. రమేశ్‌ వర్మ దర్శకత్వం వహిస్తున్న ఈ సినిమా మే 28న విడుదల చేసేందుకు చిత్ర యూనిట్‌ ప్లాన్‌ చేస్తుంది. విడుదల తేది దగ్గరపడుతుండటంతో ప్రమోషన్స్‌  స్పీడ్‌ పెంచారు. అందులో భాగంగా తాజాగా ఈ చిత్ర యూనిట్‌ ‘ఖిలాడి’టీజర్‌ని విడుదలచేసింది. ఉగాది కానుకగా విడుదలైన ఈ టీజర్‌ చాలా ఆసక్తికరంగా ఉంది. ఇందులో రవితేజ చాలా స్టైలీష్‌గా కనిపించాడు. ఎలాంటి డైలాగ్స్‌ లేకుండా కేవలం నేపథ్య సంగీతంలోనే ఆసక్తిపెంచేలా టీజర్‌ని తీర్చిదిద్దారు. ‘ఇఫ్‌ యు ప్లే స్మార్ట్‌ విత్‌ అవుట్‌ స్టుపిడ్‌ ఎమోషన్స్‌ యు ఆర్‌ అన్‌స్టాపబుల్‌’ అనే రవితేజ డైలాగ్‌తో టీజర్‌ ముగుస్తుంది. ఈ సినిమాలో రవితేజ సరసన డింపుల్‌ హయాతి, మీనాక్షి చౌదరి హీరోయిన్లుగా కనిపించనున్నారు. దేవిశ్రీ ప్రసాద్‌ సంగీతం అందిస్తున్నాడు. ప్రస్తుతం ఈ సినిమా షూటింగ్‌ శరవేగంగా జరుగుతోంది. చదవండి: జాతిరత్నాలు’పై మంత్రి కేటీఆర్‌ రివ్యూ

‘ఖిలాడి’ స్పీడ్‌కు కరోనా బ్రేక్‌ వేసింది. రవితేజ హీరోగా రమేష్‌ వర్మ దర్శకత్వంలో రూపొందుతున్న సినిమా ‘ఖిలాడి’. ఇందులో డింపుల్‌ హయతి, మీనాక్షీ చౌదరి హీరోయిన్లుగా నటిస్తున్నారు. ఇటీవల ఈ సినిమా షూటింగ్‌ ఇటలీలో మొదలైన సంగతి తెలిసిందే. ఈ ఇటలీ షెడ్యూల్‌ దాదాపు పూర్తయ్యే తరుణంలో చిత్రయూనిట్‌కు ఊహించని షాక్‌ తగిలింది. ఇటలీలో పెరుగుతున్న కరోనా కేసుల దృష్ట్యా అక్కడి ప్రభుత్వం ‘ఖిలాడి’ సినిమా షూటింగ్‌కు అనుమతులను నిలిపివేసిందట. దాంతో చిత్రబృందం అయోమయంలో పడిందని సమాచారం. కొన్ని రోజులు అక్కడే ఉండి షూటింగ్‌ను పూర్తి చేసుకుని వస్తారా? లేక మిగిలిన షూటింగ్‌ను ఇక్కడి లొకేషన్స్‌లో ముగించే ప్లాన్‌  వేసుకుంటారా? అనేది చూడాలి. ఈ సినిమాను మే 28న విడుదల చేయాలనుకుంటున్నారు.