లాస్ ఏంజెలెస్: తాను ఎవరితో డేటింగ్ చేస్తే మీకెందుకని అమెరికన్ రియాల్టీ టీవీ స్టార్ ఖ్లోయె కర్దాషియన్ ప్రశ్నించింది. వేరే జాతికి చెందిన వ్యక్తితో ప్రేమలో పడితే తప్పేంటని అంది. 'కీపింగ్ అప్ విత్ ది కర్దాషియన్స్' స్టార్ ప్రస్తుతం కెనడా బాస్కెట్ బాల్ ప్లేయర్ ట్రిస్టాన్ థామ్సన్ తో డేటింగ్ చేస్తోంది. వీరి ప్రేమ వ్యవహారంపై పలువురు విమర్శలు గుప్పించారు. నల్లజాతీయుడిని ఎందుకు ప్రేమిస్తున్నావని కెల్ సే వెల్స్ అనే అభిమాని ఏకంగా ఖ్లోయె కర్దాషియన్ కు లేఖ రాశాడు.
 
 దీనిపై ఆమె స్పందిస్తూ... 'ఇంత ప్రధానమైన విషయం గురించి మాట్లాడినందుకు కెల్ సే వెల్స్ కు ధన్యవాదాలు. జాతివివక్ష, జాత్యాంహకారానికి నేను వ్యతిరేకం. వివక్ష ఏ రూపంలో ఉన్నా నేను సమర్థించను. వేరే జాతికి చెందిన వ్యక్తిని ప్రేమించడం తప్పు కాదు. ఇప్పటికీ కొంత మంది ఇలాంటి సంబంధాలను తప్పుబడుతుండడం నాకు ఆశ్చర్యం కలిగిస్తోంది. మనమంతా ఒక్కటే. మనుషులుగా అందరి పట్ల ప్రేమ కలిగివుండాలి. శరీర ఛాయ ఆధారంగా వివక్ష చూపడం తగద'ని ఖ్లోయె కర్దాషియన్ స్పష్టం చేసింది. తన భర్త, బాస్కెట్ బాల్ మాజీ ఆటగాడు లామర్ ఒడోమ్ నుంచి ఆమె విడిపోయిన తర్వాత ట్రిస్టాన్ థామ్సన్ కు కర్దాషియన్ దగ్గరైంది.


 లాస్ ఏంజెలెస్: తానిప్పుడు ఒంటరినని రియాల్టీ టీవీ స్టార్ ఖ్లోయె కర్దాషియన్ పేర్కొంది. ఒంటరి జీవితం బాగుందని ఆమె తెలిపింది. తన భర్త, బాస్కెట్ బాల్ మాజీ ఆటగాడు లామర్ ఒడోమ్ నుంచి ఆమె విడిపోయింది. కర్దాషియన్ తమ్ముడు రాబ్‌.. బ్లాక్ చెనాను పెళ్లి చేసుకుని వేరు కాపురం పెట్టడంతో ఆమె ఒంటరిదైంది.
 
 'ఒంటరి జీవితం నాకెంతో ఇష్టం. ఎందుకంటే సహజంగా నాది ఒంటరి స్వభావం. నాకు నచ్చినట్టుగా సమయం గడుపుతున్నాను. ఇంతకుముందు నా ఇల్లు చాలా సందడిగా ఉండేది. నా తమ్ముడు వెళ్లిపోయిన తర్వాత ఇల్లంతా ఖాళీగా ఉంది. రోజంతా ఇంట్లోనే ఉంటున్నాను. నాకు నేనుగా బయటకు రావాలని, అందర్నీ కలవాలని అనుకుంటున్నా'నని బ్లాగ్ పోస్ట్ లో పేర్కొంది.
 
 తన తమ్ముడు దూరమైనందుకు బాధగా ఉందని చెప్పింది. 'రాబ్, నేను కలిసి సినిమాలు, టీవీ చూసేవాళ్లం. కలిసి భోజనం చేసేవాళ్లం. రోజులో జరిగిన విషయాల గురించి మాట్లాడుకునే వాళ్లం. ఇలాంటివన్నీ కోల్పోయాను. ఒంటరితనాన్ని జయించేందుకు సంగీతం వింటున్నాన'ని కర్దాషియన్ వెల్లడించింది.


 లండన్: రియాల్టీ టీవీ స్టార్ ఖ్లోయె కర్దాషియన్ తన భర్త, బాస్కెట్ బాల్ మాజీ ఆటగాడు లామర్ ఒడోమ్ (36) నుంచి విడిపోవాలని నిర్ణయించుకున్నందుకు ఆమె కుటుంబ సభ్యులు సంతోషం వ్యక్తం చేశారు. 31 ఏళ్ల కర్దాషియన్ భర్త నుంచి విడాకులు కోరుతూ కోర్టుకు దరఖాస్తు చేసుకుంది. కర్దాషియన్ నిర్ణయాన్ని ఆమె కుటుంబ సభ్యులు సమర్థించారు.
 
 కర్దాషియన్ 2009లో లామర్ను వివాహం చేసుకుంది. నాలుగేళ్ల పాటు వీరి బంధం సవ్యంగా సాగినా ఆ తర్వాత విభేదాలు వచ్చాయి. లామర్ డ్రగ్స్కు బానిస కావడంతో పాటు తనను మోసం చేశాడని కర్దాషియన్ ఆరోపించింది. డ్రగ్స్ వ్యసనం నుంచి కోలుకునేందుకు లామర్కు ఆమె సాయం చేసింది. అయితే అతనిలో మార్పు రాకపోవడంతో దూరం కావాలని కర్దాషియన్ నిర్ణయం తీసుకుంది. లామర్ నుంచి విడాకులు తీసుకుంటున్నందుకు ఆమె కుటుంబ సభ్యులందరూ సంతోషంగా ఉన్నారు. ఆమె ఇక నుంచి పూర్తిగా తన కెరీర్పై దృష్టిసారించాలని నిర్ణయించుకుంది.


 లండన్: తనకు విడాకులపై నమ్మకం లేదని రియాల్టీ టీవీ స్టార్ కోల్ కర్దాషియన్ అంటోంది. గతేదాడి భర్త, బాస్కెట్ బాల్ ప్లేయర్ లామర్ ఓడమ్ నుంచి విడాకులు తీసుకున్న విషయం తెలిసిందే. మాదక ద్రవ్యాల కేసులో ప్రధాన నిందితుడిగా దొరికిపోవడం, వ్యభిచార ముఠా లాంటి కేసులలో ఇరుక్కుని తీవ్ర ఇబ్బందుల్లో ఉన్నప్పుడు కర్దాషియన్ మాజీ భర్త లామర్ కు ఎంతో అండగా నిలిచింది. భర్త నుంచి విడాకులు తీసుకోవడం, అతడికి దూరంగా ఉండటం లాంటి విషయాలపై తనకు ఏ మాత్రం విశ్వాసం లేదని చెప్పుకొచ్చింది.
 
 జీవితంలో ఎన్నో ఆటుపోటు ఎదురైనా తట్టుకుని నిలిచానని, ఏదో ఓ క్షణంలో వివాహం తప్పనిసరి అవుతుందని అభిప్రాయపడింది. స్వేచ్ఛ, స్వాతంత్ర్యాలకు దూరంగా ఉంటున్నాననిపిస్తే విడాకులు తీసుకోవడంలో తప్పేంలేదని వివరణ ఇచ్చుకుంది. నాలుగేళ్ల వైవాహిక బంధం తర్వాత 2013లో కొన్ని కారణాల వల్ల భర్తతో విడిపోయానని చెప్పింది. ఇన్ని చెప్పినా భర్త లామర్ తీవ్ర అనారోగ్యంతో ఉన్నప్పుడు ఆయన పట్ల జాగ్రత్తలు తీసుకోవడం తనకు ఇష్టమంటోంది. దేవుడి ముందు ప్రమాణం చేశానని, అందుకే భర్త నుంచి విడిపోయక కూడా తమ బంధానికి అంత విలువిస్తున్నానని చెప్పింది. తనతో పాటు కుటుంభసభ్యులు కష్ట సమయంలో ఉన్నప్పుడు దేవుడిపై నమ్మకం ఉంచానని, అదేవిధంగా భర్త లామర్ ను గతంలోనే కాదు భవిష్యత్తులోనూ కంటికి రెప్పలా కాపాడుకుంటానని వివరించింది.


 లాస్‌ ఏంజిల్స్‌: తమ కుటుంబాన్ని తమ్ముడు రాబ్‌ మోసం చేశాడని ప్రముఖ హాలీవుడ్ టీవీ నటి ఖ్లోయి కర్దాషియన్‌ ఆవేదన చెందుతున్నది. నిన్నటివరకు బ్లాక్ చెనాతో ప్రేమాయణం నడిపిన రాబ్‌ ఇప్పుడు ఆమెను పెళ్లిచేసుకునేందుకు నిశ్చయించాడు. కుటుంబసభ్యులకు కూడా చెప్పకుండా ఆమెతో వివాహ నిశ్చితార్థం చేసుకున్నాడు.
 
 నిజానికి రాబ్ బ్లాక్ చెనాతో ప్రణయ సల్లాపాలు నడుపడం కర్దాషియన్ కుటుంబానికి ఇష్టం లేదు. ప్రస్తుతం అతనితో డేటింగ్ చేస్లున్న బ్లాక్‌ ఒకప్పుడు టైగాతో ప్రేమాయణం నడిపింది. అతని బిడ్డకు తల్లయింది. ప్రస్తుతం టైగా రాబ్ సవతి సోదరి కిలీ జెన్నర్‌ (18)తో డేటింగ్ చేస్తుండగా.. బ్లాక్‌ రాబ్‌తో ప్రేమలో మునిగిపోయింది. ఈ నేపథ్యంలో టైగా మాజీ లవర్‌ బ్లాక్‌తో రాబ్ నిశ్చితార్థం చేసుకోవడం.. కుటుంబాన్ని తీవ్రంగా వెన్నుపోటు పొడవడమేనని ఖ్లోయి భావిస్తోంది. కుటుంబాన్ని ఏమాత్రం గౌరవించని అతని నిశ్చితార్థంపై స్పందించేది లేదని ఆమె స్పష్టం చేసినట్టు సన్నిహిత వర్గాలు తెలిపాయి. కనీసం నిశ్చితార్థ శుభాకాంక్షలు కూడా చెపబోనని ఆమె పేర్కొన్నదట. కర్దాషియన్ కుటుంబసభ్యులైన ఖ్లోయితోపాటు కిమ్‌ కర్దాషియన్‌ కూడా ఈ నిశ్చితార్థం వార్తలపై స్పందించలేదు.


 లాస్‌ఏంజిల్స్‌: హాలీవుడ్ రియాల్టీ స్టార్ ఖోల్‌ కర్దాషియన్‌ తనను వదిలేసిన భర్త లామర్‌ ఒడోమ్‌ పట్ల ఉదార భావాన్ని ప్రదర్శిస్తోంది. నాలుగు నెలల కిందట లామర్‌ నెవెడాలోని ఓ బ్రోతల్ హౌస్‌లో రెడ్‌ హ్యాండెడ్‌గా పట్టుబడటంతో అతనికి విడాకులు ఇవ్వాలని ఖోల్‌ నిర్ణయించింది. విడాకుల ప్రక్రియ కొనసాగుతూ.. ఈ దంపతులు వేరువేరుగా ఉంటున్న సమయంలో లామర్ గత అక్టోబర్‌లో మద్యం, డ్రగ్స్ బారినపడి తీవ్ర అనారోగ్యానికి గురయ్యాడు. దీంతో అతనికి ఆస్పత్రికి తరలించి చికిత్స అందించారు. కొద్దిగా కోలుకోవడంతో అక్కడి నుంచి తరలించి ఓ ప్రైవేటు గృహంలో అతన్ని ఉంచారు. ఈ నేపథ్యంలో తన సొంత ఇంటికి చేరువలో ఉన్న ఓ ఇంటిని లామర్‌ కోసం ఖోల్‌ ఇటీవల లీజుకు తీసుకుంది.
 
 ఈ ఇంటిలోకి లామర్‌ను తరలించి ఆలనాపాలనా చూసుకోవాలని ఖోల్‌ భావిస్తోంది. మాజీ ఎన్‌బీఏ ఆటగాడైన లామర్‌ ప్రస్తుతం ఎలాంటి ఆదాయం సంపాదించే అవకాశం లేదు. ఈ నేపథ్యంలో అతని కోసమే ఖోల్‌ ఈ ఇంటిని తీసుకుందని కుటుంబ వర్గాలు తెలిపాయి. లామర్‌ కోలుకునేలా సపర్యలు చేస్తూ.. శ్రద్ధ తీసుకుంటున్న ఖోల్‌ అతను ఆప్తమిత్రుడని చెప్తుంది. భర్యాభర్తలిద్దరు మళ్లీ కలిసిపోతారా? అన్న విషయాన్ని మాత్రం చెప్పడం లేదు. తమ పిల్లలకు చేరువగా ఉంటాడనే తన ఇంటికి సమీపంలో అతనికో నివాసాన్ని తీసుకున్నట్టు చెప్తోంది.  
  


 లాస్ ఏంజిల్స్: ఇకపై తనకు ఏ బాయ్ ఫ్రెండ్ అవసరం లేదని.. ఒంటరిగానే ఉంటానని రియాల్టీ టీవీ స్టార్ ఖ్లోయీ కర్దాషియాన్ స్పష్టం చేసింది. బాయ్ ఫ్రెండ్ ఫ్రెంచ్ మోంతానాతో డేటింగ్ చేసిన అనంతరం అతనికి దూరంగా ఉంటున్న ఖ్లోయీ.. తాను ప్రస్తుతం ఏ బాయ్ ఫ్రెండ్ ను కోరుకోవటం లేదని తెలిపింది. 
  
 భర్త లామర్ ఓడమ్ తో విభేదాలు తలెత్తడంతో ఎడబాటుకు గురైన ఖ్లోయీ.. అనుకోని పరిస్థితుల్లో మోంతానాకు దగ్గరయ్యానంటోంది.  ఒంటరి జీవితంలో ఎడబాటు కారణంగానే తాను మోంతానాతో డేటింగ్ చేయడానికి ప్రధాన కారణమని పేర్కొంది.  ఫ్రెంచ్ మోంతానాకు వ్యతిరేకంగా చెప్పడానికి ఏమీ లేదంటున్న ఖ్లోయీ. .ఇకపై తాను ఒంటరిగానే ఉంటానని తెలిపింది. ఇదిలా ఉండగా భర్తతో విడాకుల అంశం ఇంకా తుది దశకు రాకపోవడంతో తాను ఇంకా వివాహితనేనని అంటోంది ఈ అమ్మడు.