ఏ విషయంలోనైనా చాలా ఓపెన్‌గా ఉంటాడు మెగా మేనల్లుడు సాయిధరమ్‌ తేజ్‌. తన సినిమా వివరాలతో పాటు వ్యక్తిగత విషయాలను కూడా అందరితో పంచుకుంటాడు. ఇక యాక్సిడెంట్‌ సాయిధరమ్‌ ప్రవర్తనలో చాలా మార్పులు వచ్చాయి. ఉన్నది ఒక్కటే జీవితం.. నవ్వుతూ..నవ్విస్తూ బతకాలని డిసైడ్‌ అయ్యారు. ప్రెస్‌ మీట్స్‌, ఇంటర్వ్వూలోనూ ఇదే విషయాన్ని ఆయన చెబుతున్నారు. జీవితం అంటే కష్టాలు వస్తాయని అని వాటిని ఎదుర్కొని ముందుకు వెళ్లాలని అంటున్నాడు. ఇక తన పెళ్లి విషయంలోనూ చాలా క్లారిటీతో ఉన్నాడు. ఇప్పట్లో పెళ్లి ఆలోచన లేదని, మంచి అమ్మాయి కనిపిస్తే తప్పకుండా చేసుకుంటానని చెబుతున్నాడు. అలాగే గతంలో ఓ అమ్మాయితో బ్రేకప్‌ అయిన విషయం కూడా చెప్పాడు. ఇక తాజాగా ఓ ఇంటర్వ్యూలో తన క్రష్ గురించి, తాను ఇష్టపడ్డ అమ్మాయిల గురించి ఆసక్తికర విషయాలు వెల్లడించారు. (చదవండి: 36 ఏళ్ల వయసులో మళ్లీ మాటలు నేర్పించారు..అమ్మ తర్వాతే ఎవరైనా: సాయి తేజ్‌) ‘ప్రతి ఒక్క రియల్ లైఫ్ లోనూ ఎవరో ఒకరైనా క్రష్ ఉంటారు. నా లైఫ్ లోనూ ఒకరున్నారు. ఒక నటిగా, మనిషిగా అట్రాక్ట్ చేసింది సమంత. రెజీనా, సయామి అంటే కూడా చాలా ఇష్టం. ఎందుకంటే వాళ్లు నా ఫస్ట్‌ హీరోయిన్స్‌. ఇక నా లవ్‌స్టోరీ విషయానికొస్తే.. ఇంటర్‌లో ఉన్నప్పుడు  నా బెస్ట్‌ఫ్రెండ్‌ అయిన ఓ అమ్మాయిని ప్రేమించా. మొదట్లో మేమిద్దరం ప్రాణ స్నేహితులం. కానీ ఆ తర్వాత ప్రేమించుకున్నాం. కట్‌ చేస్తే.. డిగ్రీలో నేనే దగ్గరుండి ఆమెకు పెళ్లి చేశా. ఎందుకంటే అప్పటికీ నా దగ్గర డిగ్రీ పట్టా తప్ప ఏమీ లేదు. అందుకే నా ప్రేమను త్యాగం చేశా(నవ్వూతూ...). ఇక సినిమాల్లోకి వచ్చాక.. .. 'తిక్క' సినిమా హీరోయిన్ లారిస్సా బోనేసి చూసి తొలిచూపులోనే ప్రేమలో పడ్డాను. సాంగ్‌ షూటింగ్‌ సమయంలోనే ఆమెకు ప్రపోజ్‌చేశా. ‘నువ్వంటే నాకు చాలా ఇష్టం. ఒప్పుకుంటే డేటింగ్‌ చేద్దాం’అని డైరెక్ట్‌గా అడిగేశా.  కానీ ఆమె ఇచ్చిన రిప్లైకి నా హార్ట్ బ్రేక్ అయింది. సారీ తేజ్‌.. నాకు ఆల్రెడీ బాయ్‌ఫ్రెండ్‌ ఉన్నాడని చెప్పింది. బాధతో వెళ్లిపోయా. ప్రస్తుతం ‘సోలో బ్రతుకే సో బెటర్‌’ అన్నట్లు బ్రతుకుతున్నా. ఎప్పుడు రాసి పెట్టి ఉంటే అప్పుడు పెళ్లి అవుతుంది’ అని సాయిధరమ్‌ తేజ్‌ చెప్పుకొచ్చారు. 

మెగా మేనల్లుడు సాయిధరమ్‌ తేజ్‌ హీరోయిన్‌ లారిస్సా బొనేసితో ప్రేమలో ఉన్నాడా? గత కొంతకాలంగా వీరిద్దరూ డేటింగ్‌లో ఉన్నారంటూ వార్తలు షికార్లు చేస్తున్న సంగతి తెలిసిందే. లారిస్సా బొనేసి మరెవరో కాదు.. తేజ్‌తో తిక్క సినిమాలో నటించిన హీరోయిన్‌. బ్రెజిలియ‌న్ మోడ‌ల్‌ అయిన లారిస్సా తిక్క మూవీతోనే టాలీవుడ్‌కు పరిచయం అయ్యింది. ఆ సినిమా సమయంలోనే వీరికి మంచి స్నేహం కుదిరింది. ఆపై తేజ్‌పై సోషల్‌ మీడియాలోనే పలు  సందర్భాల్లో తన ప్రేమను వ్యక్తపరిచింది లారిస్సా. తాజాగా శనివారం(అక్టోబర్‌15)న తేజ్‌ పుట్టినరోజు సందర్భంగా లారిస్సా చేసిన ట్వీట్‌కు,తేజ్‌ ఇచ్చిన రిప్లై ఇప్పుడు నెట్టింట వైరల్‌గా మారింది. ‘హ్యాపీ బర్త్‌డే మై తేజు'.. అంటూ లవ్‌ సింబల్‌తో లారిస్సా ట్వీట్‌ చేయగా, దీనికి 'టూ మై డిస్ట్రబన్స్‌' అంటూ తేజ్‌ ఆమెతో కలిసి దిగిన ఓ ఫోటోను షేర్‌ చేశాడు. దీనికి లారిస్సా కూడా ఫరెవర్‌ అంటూ ట్వీట్‌ చేసింది. ఈ ట్వీట్లు చూసిన నెటిజన్లు.. నిజంగానే లవ్‌లో ఉన్నారా అంటూ కామెంట్స్‌ చేస్తున్నారు. అంతేకాకుండా తేజ్‌ బర్త్‌డే రోజే.. నేను ప్రేమలో ఉన్నాను అంటూ లారిస్సా ట్వీట్‌ చేయడం ఈ అనుమానాలకు మరింత బలం చేకూర్చినట్లయ్యింది.  I’m in love . — Larissa Bonesi (@larissabonesi) October 15, 2021 To My disturbance ❤️❤️❤️ pic.twitter.com/Vfc9iTaFEG — Sai Dharam Tej (@IamSaiDharamTej) October 15, 2022 Hahahaha forever and always ! ♥️♥️♥️ https://t.co/136hB5m0TV — Larissa Bonesi (@larissabonesi) October 15, 2022 I just can’t wait to see your smile again .. ♥️🙏🏾 Faith my Teju @IamSaiDharamTej .. Faith !! pic.twitter.com/I7p9j5xj9W — Larissa Bonesi (@larissabonesi) September 22, 2021

ఫోటోషూట్‌ నార్మల్‌గా ఉంటే ఏం బావుంటుంది అనుకున్నారేమో ఈ మధ్యకాలంలో సెలబ్రిటీలు న్యూడ్‌ ఫోటోషూట్స్‌తో హంగామా సృష్టిస్తున్నారు. ఆమధ్య బాలీవుడ్‌ హీరో రణ్‌వీర్‌ సింగ్‌ నగ్న ఫోటోషూట్‌ ఎంతగా వైరల్‌ అయ్యిందో ప్రత్యేకంగా చెప్పాల్సిన పనిలేదు. ఆ తర్వాత కొందరు హీరోలు కూడా దీన్ని ఫాలో అయ్యారు. తాజాగా ఈ ట్రెండ్‌ను అనుసరిస్తూ నగ్నంగా ఫోటోకి ఫోజులిచ్చింది ఓ హీరోయిన్‌. ఆమె ఎవరో కాదు లారిస్సా బోనెసి. ఈ బ్యూటీ పేరు చెప్పగానే టక్కున గుర్తుపట్టడం కష్టమే కానీ తిక్క సినిమా హీరోయిన్‌ అంటే వెంటనే గుర్తుపడతారు. సాయి ధరమ్‌ తేజ్‌తో కలిసి నటించిన ఈ ‍బ్యూటీ హాట్‌ ఫోటోలతో నెట్టింట చేసే రచ్చ అంతా ఇంతా కాదు. తాజాగా ఈ అమ్మడు ఒంటిపై ఒక్క నూలుపోగు కూడా లేకుండా షాకిచ్చింది. దీనికి సంబంధించిన ఫోటోను నెట్టింట షేర్‌ చేస్తూ.. నేను ఒక మిస్టరీలా ఉందామనుకుంటున్నా అంటూ క్యాప్షన్‌ ఇచ్చింది. 

లారిస్సా బొనేసి... 'రాకెట్‌ రాజా', 'నెక్స్ట్‌ ఏంటి?' చిత్రాల్లో హీరోయిన్‌గా నటించి కనువింది చేసిందీ బ్రెజిల్‌ మోడల్‌. సాయిధరమ్‌తేజ్‌తో కలిసి 'తిక్క' సినిమాలోనూ ఆడిపాడింది. ఈ బ్యూటీ అంటే తేజ్‌కు కొంచెం ఇంట్రస్ట్‌ ఎక్కువ. ఈ విషయాన్ని అతడే గతంలో చాలాసార్లు చెప్పాడు. సెట్‌లో తొలిసారి ఆమెను చూసిన వెంటనే మైమరిచిపోయానని, లారిస్సా బొనేసి అంటే ఎంతో ఇష్టమని మనసులోని మాటను బయటపెట్టాడు. ఇదిలా వుంటే త్వరలో హైదరాబాద్‌కు రావాలనుకుంటోందట లారిస్సా బొనేసి. 'చాలా రోజులకు హైదరాబాద్‌ రావాలనిపిస్తోంది. త్వరలోనే వస్తాను' అంటూ ఇటీవలే ట్వీట్‌ చేసింది. ఇంకేముందీ.. సాయిధరమ్‌ తేజ్‌ ఆ ట్వీట్‌ దగ్గర వాలిపోయి ఆమె రాక కోసం తహతహలాడుతున్నట్లుగా రిప్లై ఇచ్చాడు. ఇది చూసిన జనాలు ఊరుకుంటారా? అన్నా వదినొస్తుంది.. దావత్‌ ఇవ్వాలి, అన్నకి పండగే ఐతే అంటూ కామెంట్లు చేస్తున్నారు. మరి లారిస్సా ఎప్పుడొస్తుందో, సాయిధరమ్‌ తేజ్‌ ఆమెను ఎప్పుడు కలుస్తాడో చూడాలి! Thinking of visiting HYD after so long, pretty soon 😬🙊 — Larissa Bonesi (@larissabonesi) July 8, 2021


  - లారిస్సా బొనేసి
 బ్రెజిల్ అమ్మాయి లారిస్సా బొనేసి  తెలుగు తెరపై జిగేల్‌మని మెరిసిపోవాలని కలలుగంటోంది. సాయిధరమ్‌తేజ్ సరసన ‘తిక్క’లో నటించిన ఆమె భవిష్యత్తులో మహేశ్‌బాబు, ప్రభాస్‌లతో కలసి నటించడమే లక్ష్యమంటోంది. తెలుగు చిత్ర పరిశ్రమ చాలా బాగుందనీ, ఇక్కడి ప్రజలు ఆదరిస్తున్న తీరు, చూపుతున్న ప్రేమాభిమానాలు కట్టిపడేశాయని చెబుతోంది.  తెరపై తనను తాను చూసుకొన్నప్పుడు అచ్చం తెలుగమ్మాయిల్లాగే కనిపించానని ఆమె సంతృప్తి వ్యక్తం చేస్తోంది. శ్రీ వెంకటేశ్వర మూవీ క్రియేషన్స పతాకంపై సునీల్‌రెడ్డి దర్శకత్వంలో సి.రోహిన్ కుమార్ రెడ్డి  నిర్మించిన  ‘తిక్క’ ఈ నెల 13న విడుదలతోంది. ఈ సందర్భంగా ‘తిక్క’ అవకాశం, ఆ సినిమా  సెట్లో తనకి ఎదురైన అనుభవాల గురించి, భవిష్యత్తు గురించి  లారిస్సా చెప్పిన విశేషాలు...
  
  నేను బ్రెజిల్ అమ్మాయినైనా ఒక భారతీయ కథ లోనూ, ఒక పాత్రలోనూ నన్ను నేను చూసుకోవడం నాకే ఆశ్చర్యాన్ని కలిగించింది. దర్శకుడు సునీల్‌రెడ్డి చెప్పిన ‘తిక్క’ కథనీ, అందులోని అంజలి పాత్రనీ అర్థం చేసుకొన్నాక నా నిజ జీవితానికి దగ్గరగా ఉందనిపించింది. అందుకే ఈ కథతో, పాత్రతో ఈజీగా రిలేట్ అయ్యా. సినిమా విడుదలయ్యాక తెలుగు ప్రేక్షకులు నన్ను అంజలిగానే గుర్తు పెట్టుకొంటారు. సారుుధరమ్ తేజ్‌తో కలిసి నటించడం చక్కటి అనుభవం. అతను ఓ పెద్దింటి కుర్రాడైనప్పటికీ సెట్లో నడుచుకొనే విధానం, నలుగురితో కలసిపోయే విధానం బాగా నచ్చింది. దర్శకుడు సునీల్‌రెడ్డి వల్లే ఈ చిత్రంలో బాగా నటించ గలిగా. సినిమా పూర్తయ్యేలోపు రఘుబాబు, ముమైత్‌ఖాన్ , మన్నారా చోప్రా... ఇలా అందరితోనూ ఓ బాండింగ్ ఏర్పడింది.
 
   యాడ్ చూసి చాన్స్ ఇచ్చారు
  విదేశాలకి చెందిన అమ్మాయినైనా నా ప్రతిభను నమ్మి అవకాశమిచ్చారు దర్శక-నిర్మాతలు. ఆ నమ్మకానికి తగ్గట్టుగా పనిచేయాలనుకొన్నా. అందుకే ఒక టీచర్‌ని నియమించుకొని మరీ తెలుగు భాషపై పట్టు పెంచుకొనేందుకు ప్రయత్నించా. పధ్నాలుగేళ్ల వయసులోనే మోడలింగ్ రంగంలోకి ప్రవేశించా. అంతర్జాతీయ స్థారుులో పేరు తెచ్చుకొన్నా. ఒక యాడ్‌లో నన్ను చూసిన ‘తిక్క’ దర్శక- నిర్మాతలు ఈ అవకాశాన్నిచ్చారు. సౌత్ ఇండియన్ లుక్‌తో కనిపించడం వల్లే నాకు ఈ అవకాశం వచ్చిందని నమ్ముతున్నా.
  
 అంతా కొత్తే... మోడలింగ్‌తో పోలిస్తే సినిమా ఓ సరికొత్త అనుభూతి ఇచ్చింది. ఒక కథలోని పాత్రలోకి పూర్తిగా ఇన్వాల్వ్ అవ్వాలనే విషయాన్ని సినిమా బాగా నేర్పించింది. తెలియని భాష, తెలియని ప్రాంతం, తెలియని మనుషులు... అంతా కొత్తే. కానీ ‘తిక్క’  బృందం నన్ను వాళ్లలో ఒకరిగా భావించి చేరదీశారు. అందుకే వాళ్లతో జర్నీ ఎంతో ఎమోషనల్‌గా సాగింది. అది తలచుకొంటే ఇప్పుడు కన్నీళ్లొస్తారుు. మా అమ్మానాన్నలకి ఫోన్ చేసి రోజూ ఈ యూనిట్ గురించి చెబుతుండేదాన్ని.
  
  నమస్కారం.. బాగున్నారా...
  ఇదివరకు హిందీలో ‘గో గోవా గాన్’ అనే చిత్రంలో చిన్న పాత్ర చేశా. ఒక భాషకి పరిమితం కావాలనుకోవడం లేదు. తెలుగుతో పాటు కన్నడం, తమిళ పరిశ్రమల్లో అవకాశాలపై కూడా దృష్టి పెట్టా. అయితే తెలుగులో నా అభిమాన కథానాయకులు మహేశ్‌బాబు, ప్రభాస్. వాళ్లిద్దరితో కలసి నటించాలని ఉంది. ఆ అవకాశం కోసం ఎదురు చూస్తున్నా.  ఇద్దరి సినిమాల్నీ నేను చూశా. ప్రస్తుతం నా ఆలోచనంతా తెలుగు భాషపై పట్టు పెంచుకోవడం గురించే. తెలుగులో మాట్లాడేందుకు ప్రయత్నిస్తున్నా. నమస్కారం, బాగున్నారాలాంటి మాటల్ని పలుకుతున్నా. రఘుబాబుగారు వామ్మో అనే మాటని నేర్పించారు.
 
  
  


 ‘‘మొన్నామధ్య ఇంటికి వెళ్లినప్పుడు.. మాటల మధ్యలో నటుడు రఘుబాబు స్టైల్‌లో ‘వామ్మో’ అన్నాను. ఒక క్షణం అందరూ నావంక అదోలా చూశారు. బ్రెజిల్‌లో కూడా తెలుగు మాట్లాడుతున్నానంటే ఈ సినిమా, భాష నాకు ఎంత దగ్గరైందో అర్థం చేసుకోండి’’ అంటున్నారు బ్రెజిలియన్ భామ లారిస్సా బోనెసి. సాయిధరమ్ తేజ్ హీరోగా సునీల్ రెడ్డి దర్శకత్వంలో రోహిణ్ రెడ్డి నిర్మించిన సినిమా ‘తిక్క’. పలు కమర్షియల్ యాడ్స్, ‘గో గోవా గాన్’ వంటి హిందీ సినిమాల్లో చిన్న పాత్రల్లో నటించిన లారిస్సా బోనెసి ‘తిక్క’తో హీరోయిన్‌గా పరిచయమవుతున్నారు. 
  
 ఈ నెల 13న విడుదలవుతున్న ఈ సినిమా గురించి లారిస్సా మాట్లాడుతూ - ‘‘ఐపీయల్‌లో నా యాడ్ చూసిన రోహిణ్ రెడ్డి హీరోయిన్ అంజలి పాత్రలో నటించమని అడిగారు. లవ్లీ, ఎమోషనల్, సెన్సిటివ్ అమ్మాయి. రియల్ లైఫ్‌లో నా క్యారెక్టర్‌కు కాస్త దగ్గరగా ఉంటుంది. సినిమాలో రఘుబాబుతో చిన్న ఫైట్ కూడా చేశాను. షూటింగ్ మొదలవ్వక ముందు తెలుగు ట్యూషన్‌కి వెళ్లాను. మా టీచర్ నన్ను కాఫీ షాపులు, షాపింగ్‌లకు తీసుకు వెళ్లింది. 
  
 ఈ క్రమంలో తెలుగమ్మాయిలు ఎలా ప్రవర్తిస్తారో? నవ్వుతారో? బాధపడతారో? అర్థమైంది. దాంతో పాత్రలో నటించడం సులభమైంది. షూటింగ్‌లో డైలాగులు మర్చిపోతే సాయిధరమ్ తేజ్ హెల్ప్ చేసేవాడు. తెలుగు అర్థమవుతుంది కానీ, ఇంకా మాట్లాడడం రాలేదు. ఈ సినిమా నాకు మంచి గుర్తింపు తెస్తుందనే నమ్మకం ఉంది. మహేశ్‌బాబు, ప్రభాస్‌లతో నటించాలనుంది’’ అన్నారు. 


 ‘‘సినిమా మీద ప్యాషన్ ఉన్న ప్రతి ఒక్కరికీ తిక్క ఉన్నట్లే. ఈ సినిమాలో ఎంత యాక్ష న్ ఉంటుందో అంత కామెడీ ఉంటుంది. ఇందులో నా క్యారెక్టర్ కొత్తగా ఉంటుంది. నా కోసం యువ దర్శకులు మంచి మంచి పాత్రలు రాస్తున్నందుకు సంతోషంగా ఉంది’’ అని ప్రముఖ నటుడు రాజేంద్రప్రసాద్ అన్నారు.
  
  సాయిధరమ్ తేజ్, లారిస్సా బొనేసి జంటగా సునీల్‌రెడ్డి దర్శకత్వంలో రోహిన్ రెడ్డి నిర్మిస్తున్న చిత్రం ‘తిక్క’. ఈ చిత్రం మోషన్ పోస్టర్ విడుదల కార్యక్రమం శనివారం హైదరాబాద్‌లో జరిగింది. ఈ వేడుకలో సాయి ధరమ్‌తేజ్ మాట్లాడుతూ - ‘‘తిక్క సినిమాలో నా  క్యారెక్టర్ టిపికల్‌గా ఉంటుంది.
  
  కుటుంబ సభ్యులతో సినిమా చేసినట్లుంది. తమన్ మంచి సంగీతాన్నిచ్చారు. నా కెరీర్‌లో మంచి సినిమా అవుతుందన్న నమ్మకం ఉంది’’ అన్నారు ‘‘సినిమా ఔట్‌పుట్ బాగా వచ్చింది. సాయి ధరమ్‌తేజ్ వల్లే సినిమా నిర్మాణ రంగంలోకి వచ్చాను. ఆగస్టులో ఈ చిత్రాన్ని విడుదల చేయాలనుకుంటున్నాం’’ అని నిర్మాత రోహిన్ రెడ్డి చెప్పారు. ఈ కార్యక్రమానికి వంశీ పైడిపల్లి అతిథిగా హాజరయ్యారు.