పట్నా: లోక్ సభ ఎన్నికలు సమీపిస్తున్న వేళ.. ఎన్డీయే కూటమిలోని లోక్‌జనశక్తి పార్టీ (రామ్‌ విలాస్‌)(LJP)కి ఎదురుదెబ్బ తగిలింది.  పార్టీకి  షాకిస్తూ పలువురు నేతలు రాజీనామా చేశారు. ఎన్నికల్లో పోటీ చేసేందుకు ఆసక్తి కబర్చిన 22 మంది నేతలకు  టికెట్‌ లభించకపోవటంతో వారంతా రాజీనామా బాటపట్టారు. రాష్ట్ర మాజీ మంత్రి, జాతీయ ఉపాధ్యక్షురాలు రేణు కుష్వాహ, మాజీ ఎమ్మెల్యే, జాతీయ ప్రధాన కార్యదర్శి సతీష్ కుమార్, ఉపాధ్యక్షుడు సంజయ్ సింగ్, సంస్థాగత కార్యదర్శి రవీంద్ర సింగ్ రాజీనామా చేశారు.  అదేవిధంగా  వారి మద్దతుదారులు పెద్దఎత్తున రాజీనామాలను రాష్ట్ర అధ్యక్షుడు రాజు తివారీకి పంపించారు. శాంభవీ చౌదరీ( సమస్తిపూర్‌), రాజేశ్‌ వర్మ (ఖాగారియా), వీణా దేవి ( వైశాలీ) వంటి నేతలకు టికెట్లు కేటాయించటంపై రాజీనామా చేసిన నేతలు ఆగ్రహం వ్యక్తం చేశారు. వారికి చిరాగ్ పాశ్వాన్‌, అతని సన్నిహితులు... డబ్బులకు పార్టీ టికెట్లు అమ్ముకున్నారని మండిపడ్డారు. అయితే ఈ సీట్లలో అభ్యర్థులను ఎంపిక చేసే ​సమయంలో సీనియర్‌ నేతల అభిప్రాయలు తీసుకోలేదని కార్యకర్తల్లో చర్చ జరుగుతోంది. ఇక.. నామినేషన్ల ప్రక్రియ సమయంలో తమ నేతలకు టికెట్‌ కేటాయించకుండా పక్కనపెట్టడంపై పార్టీ కార్యకర్తలు తీవ్రంగా ఆగ్రహం వ్యక్తం చేశారు. ఎన్డీయే కూటమి పొత్తులో భాగంగా ఎల్‌జేపీకి బీజేపీ ఐదు సీట్ల కేటాయించిన విషయం తెలిసిందే. కీలకమైన హాజీపూర్‌ స్థానంలో చిరాగ్‌ పాశ్వాన్‌ పోటీ చేస్తున్నారు. అదేవిధంగా చిరాగ్‌ బంధువు అరుణ్‌ భార్తి జాముయి స్థానంలో బరిలోకి దిగుతున్నారు.  రాష్ట్ర మంత్రి, జేడీ(యూ) సీనియర్‌ నేత అశోక్‌ చౌదరీ కుమార్తె ఈ శంభవీ చౌదరీ. ఆమె తొలిసారి పార్లమెంట్‌లో ఎన్నికల్లో పోటి చేసి తన అదృష్టం పరిక్షించుకోబోతున్నారు. అయితే ఆమెకు అక్కడి బ్రాహ్మణ, భూమిహార్స్‌ సామాజిక వర్గాల మద్దతు ఉండటం గమనార్హం​. మెజార్టీ దళీతల ఒటర్లు సైతం ఆమెకు మద్దతు ఇవ్వనున్నారు. మరోవైపు... వీణా దేవీ మళ్లీ వైశాలీ సీటు దక్కించుకున్నారు. ఆమె 2019లో అభివక్త ఎల్‌జేపీ నుంచి ఎంపీగా గెలుపొందారు. అనంతరం చీలిక వర్గంలో పశుపతి కుమార్‌ పరాస్‌ వైపు మద్దతు పలికినా..  తర్వాత రామ్‌ విలాస్‌ పాశ్వాన్ కుటుంబం మీద గౌరవంతో చిరాగ్‌ వైపే ఉండటం గమనార్హం. ఇక.. గత 2019 ఎన్నికలో  ఎల్‌జేపీ మొత్తం ఆరుస్థానాల్లో విజయం సాధించింది. హాజీపూర్‌, వైశాలీ, సమస్తీపూర్‌, జాముయి. నావాదాలో ఎల్‌జేపీ గెలుపొందింది. సీట్ల పంపకంలో భాగంగా నావాదా సీటు బీజేపీకి దక్కింది. అయితే, రాజీనామా చేసిన ఎల్‌జేపీ నేతలంతా ప్రతిపక్షాల ఇండియా కూటమిలో మద్దతు ఇవ్వనున్నట్ల ఊహాగానాలు వస్తున్నాయి.

న్యూఢిల్లీ/పట్నా: ‘‘ఈరోజు నా తల్లి, నేను ఒంటరిగా పోరాడుతున్నాం. నా బలం బిహార్‌ ప్రజలే. మీ మద్దతు కారణంగానే ఇదంతా సాధ్యమమవుతోంది. నేను సింహం బిడ్డను. నన్ను ఎంతగా దెబ్బకొట్టాలని చూసినా... ఎవరికీ, ఎప్పటికీ భయపడను. మీరే నా ధైర్యం’’ అంటూ లోక్‌ జనశక్తి పార్టీ ఎంపీ, దివంగత కేంద్ర మంత్రి రామ్‌ విలాస్‌ పాశ్వాన్‌ తనయుడు చిరాగ్‌ పాశ్వాన్‌ భావోద్వేగానికి లోనయ్యారు. కుటుంబ సభ్యులు అనుకున్న వారు నట్టేట ముంచినప్పటికీ, ప్రజల అండతో తిరిగి పుంజుకుంటానని పేర్కొన్నారు. రామ్‌ విలాస్‌ పాశ్వాన్‌ జయంతి సందర్భంగా చిరాగ్‌ పాశ్వాన్‌ సోమవారం.. ‘‘పాశ్వాన్‌’’ పుస్తకాన్ని ఢిల్లీలో ఆవిష్కరించారు.  ఈ సందర్భంగా ఆయన మాట్లాడుతూ... ‘‘ఈరోజు మా బాబాయ్‌ నాకు అండగా నిలబడతారని ఆశించా. కానీ అది జరుగలేదు. మరేం ఫర్వాలేదు. అంకితభావం, కఠిన శ్రమతోనే గుర్తింపు దక్కుతుందని నాన్న చెప్పేవారు. ఆయన మాటలే నాకు స్ఫూర్తి. నేను నాన్నగారి బాటనే ఎంచుకున్నాను’’ అని ఉద్వేగపూరితంగా మాట్లాడారు. అదే విధంగా బాబాయ్‌ పశుపతి పరాస్‌తో విభేదాల గురించి ప్రస్తావిస్తూ... ‘‘కొంత మంది కుటుంబ సభ్యులే మమ్మల్ని మోసం చేశారు. కానీ.. ఎంతో శక్తివంతమైన మా ప్రజాకుటుంబం మాతోనే ఉంది. సొంతం అనుకున్న వాళ్లు మోసం చేయవచ్చేమో కానీ.. ఈ విస్త్రృత కుటుంబం మాత్రం నాతోనే ఉంటుందని బలంగా నమ్ముతున్నా’’ చిరాగ్‌ పాశ్వాన్‌ పేర్కొన్నారు. ఇక హాజీపూర్‌ నుంచి ఆశీర్వాద్‌ యాత్ర ప్రారంభిస్తానని ఈ సందర్భంగా ఆయన చెప్పారు. కాగా హాజీపూర్‌ ఎంపీ పశుపతి పరాస్‌ ఎల్జేపీలో తిరుగుబాటు లేననెత్తి ఎల్జేపీ జాతీయాధ్యక్ష పదవి దక్కించుకోవడంతో పాటు పార్లమెంటరీ నేతగా ఎన్నికైన విషయం తెలిసిందే. ఈ క్రమంలో ఆయన నియోజకవర్గం నుంచే చిరాగ్‌ యాత్ర మొదలుపెట్టడం గమనార్హం.    #WATCH | LJP leader Chirag Paswan breaks down during the book launch of his late father Ram Vilas Paswan, on his birth anniversary. He says, "I am the son of a lion, will never be scared, no matter how much people try to break us..." pic.twitter.com/rh6qC5v53y — ANI (@ANI) July 5, 2021


  న్యూఢిల్లీ: లోక్‌సభ ఎన్నికల్లో బీజేపీ, రామ్‌విలాస్ పాశ్వాన్ నేతృత్వంలోని లోక్ జనశక్తి పార్టీ(ఎల్జేపీ) మధ్య పొత్తు ఖరారైనట్లు తెలుస్తోంది. బీజేపీతో కలసి ఎన్నికల్లో పోటీ చేయాలని తమ పార్టీ నిర్ణయం తీసుకుందని ఎల్జేపీ సీనియర్ నేత, మాజీ ఎంపీ సూరజ్‌భన్ తెలిపారు. ఆదివారమిక్కడ పాశ్వాన్ ఇంట్లో జరిగిన ఎల్జేపీ నేతల సమావేశం అనంతరం సూరజ్‌భన్ విలేకర్లతో మాట్లాడారు. బీజేపీతో పొత్తుపై త్వరలో అధికార ప్రకటన ఉంటుందని, బీహార్‌లో ఏ పార్టీ ఎన్ని సీట్లలో పోటీ చేసేదీ అందులో వెల్లడిస్తామని అన్నారు. దీనిపై పాశ్వాన్ త్వరలోనే బీజేపీ చీఫ్  రాజ్‌నాథ్ సింగ్‌ను కలుసుకుంటారని చెప్పారు. అయితే కమలనాథులతో పొత్తుపై ఇంకా నిర్ణయం తీసుకోలేదని ఎల్జేపీ ప్రధాన కార్యదర్శి అబ్దుల్ ఖాలిక్ పేర్కొన్నారు. తమ పార్టీ పార్లమెంటరీ బోర్డు మాత్రమే దీనిపై నిర్ణయం తీసుకోగలదన్నారు. పాశ్వాన్ తనయుడు చిరాగ్ కూడా ఇదే విధంగా స్పందించారు. కాగా, గుజరాత్ అల్లర్లకు నిరసగా 2002లో ఎన్డీఏ కూటమి నుంచి బయటకొచ్చిన పాశ్వాన్ నరేంద్ర మోడీని ప్రధాని అభ్యర్థిగా ప్రకటించిన బీజేపీతో ఎలా పెట్టుకోగలరని విలేకర్లు అడగ్గా సూరజ్‌భన్ స్పందించారు.
  
  ‘మోడీకి కోర్టులే క్లీన్‌చిట్ ఇచ్చాక ఇక ఏదైనా అనేందుకు మేమెవరం?’ అని అన్నారు. గతంలో యూపీఏలో జట్టుకట్టిన పాశ్వా న్, ఆర్జెడీ నేత లాలూ ప్రసాద్ యాదవ్‌లు కాంగ్రెస్ చీఫ్ సోనియాతో పొత్తుపై చర్చలు జరిపినప్పటికీ సీట్ల పంపిణీలో తకరారు వచ్చింది. ఎల్జేపీతో పొత్తుకు యత్నించి విఫలమైన కాంగ్రెస్ కక్ష తీర్చుకోవడానికి పాశ్వాన్‌ను ఓ స్కామ్ సాకుతో వేధించేందుకు సీబీఐని దుర్వినియోగం చేస్తోందని బీజేపీ ఆరోపిస్తోంది. కాగా, బీహార్‌లో బీజేపీ, రాష్ట్రీయ లోక్ సమతా పార్టీలు పొత్తు పెట్టుకున్నాయి.