సంగీతప్రియులకు ఓ శుభవార్త. ఇళయరాజాకు ‘పద్మ విభూషణ్‌’ అవార్డు వచ్చిందని ఆనందంలో ఉన్న  ఈ సంగీత జ్ఞాని అభిమానుల ఆనందాన్ని డబుల్‌.. కాదు ట్రిపుల్‌ చేశారు ఆయన తనయులు యువన్‌ శంకర్‌ రాజా, కార్తీక్‌ రాజా. తండ్రి ఇళయరాజాతో కలసి ఈ ఇద్దరూ ఓ సినిమాకి పాటలు సమకూర్చనున్నారు. సోదరుడు కార్తీక్‌ రాజాతో కలిసి యువన్‌ శంకర్‌ రాజా తన సొంత ప్రొడక్షన్‌ హౌస్‌ వైయస్సార్‌ ఫిలింస్‌పై ‘మామనిదన్‌’ అనే సినిమా నిర్మించనున్నారు. ఈ సినిమాకే ముగ్గురూ స్వరాలందిస్తారు. ఇంతకుముందు తండ్రి కంపోజిషన్‌లో తనయులు, తనయుల కంపోజిషన్‌లో తండ్రి పాడినప్పటికీ ముగ్గురూ కలిసి ఓ సినిమాకి పాటలివ్వడం ఇదే తొలిసారి. కచ్చితంగా ట్రిపుల్‌ ట్రీట్‌ అనే చెప్పాలి. శ్రీను రామస్వామి దర్శకత్వం వహించనున్న  ఈ సినిమాలో విజయ్‌ సేతుపతి హీరోగా నటించనున్నారు.

తమిళసినిమా: సంగీతజ్ఞాని ఇళయరాజా, యువన్‌శంకర్‌రాజా,విజయ్‌సేతుపతి కలిస్తే మామనిధన్‌. అర్థమైందను కుంటా. భారతరత్న తరువాత స్థాయి అవార్డు పద్మవిభూషణ్‌ సత్కారాన్ని అందుకోనున్న మేస్ట్రో ఇళయరాజా తాజాగా సంగీత బాణీలు కడుతున్నది ఎవరి చిత్రానికో తెలుసా? ఆయన కొడుకు యువన్‌శంకర్‌రాజా నిర్మించనున్న చిత్రానికే. ఈ క్రేజీ చిత్రానికి మామనిధన్‌ అనే పేరును నిర్ణయించారు. ఇందులో సక్సెస్‌ఫుల్‌ నటుడు విజయ్‌సేతుపతి కథానాయకుడిగా నటించనున్నారన్నది తాజా వార్త. సంగీతజ్ఞాని ఇళయరాజా చాలా కాలం క్రితమే నిర్మాతగా మారి నటుడు కమలహాసన్‌ హీరోగా సింగారవేలన్‌ అనే చిత్రాన్ని నిర్మించారు. తాజాగా ఆయన తనయుడు, ప్రముఖ సంగీతదర్శకుడు యువన్‌శంకర్‌రాజా కూడా ఆయన బాటలోనే పయనిస్తున్నారు. వైఎస్‌ఆర్‌ ప్రొడక్షన్స్‌ పేరుతో చిత్ర నిర్మాణం ప్రారంభించి ఇప్పటికే ప్యార్‌ ప్రేమ కాదల్‌ అనే చిత్రాన్ని నిర్మిస్తున్నారు. హరీష్‌కల్యాణ్, నటి రైజా హీరోహీరోయిన్లుగా నటిస్తున్న ఈ చిత్రానికి ఇలన్‌ దర్శకత్వం వహిస్తున్నారు. యువన్‌నే సంగీత బాధ్యతలను నిర్వహిస్తున్న ఈ చిత్రం సమ్మర్‌ స్పెషల్‌గా విడుదలకు ముస్తాబవుతోంది. యువన్‌ మరో చిత్రానికి రెడీ అయ్యారు. అదే మామనిధన్‌ (మహామనిషి) చిత్రం. ఇందులో విజయ్‌సేతుపతి కథానాయకుడిగా నటించనున్నారు. శీనురామస్వామి దర్శకత్వం వహించనున్నారు. ఇతర వివరాలు వెలువడాల్సి ఉంది. ఈ చిత్రానికి తన తండ్రి ఇళయరాజాకు సంగీత బాధ్యతలు అప్పగించారు. ఇళయరాజా ఇప్పటికే ఈ చిత్రానికి సంగీత బాణీలు కట్టడంతో మునిగిపోయారట. దీని గురించి యువన్‌శంకర్‌రాజా తెలుతూ భారత ప్రభుత్వం పద్మవిభూషణ్‌ అవార్డుతో తన తండ్రి ఇళయరాజాను సత్కరించనున్న నేపథ్యంలో తమ మామనిధన్‌ చిత్రానికి పూర్తి న్యాయం జరిగిందని పేర్కొన్నారు. ఒక కొడుకుగానే కాకుండా అభిమానిగానూ సంగీతదర్శకుడైన తన తండ్రిని చూసి గర్వపడుతున్నానన్నారు. సంగీతంలో ఆయన నుంచి తాను చాలా నేర్చుకున్నానని తెలిపారు. తన సంగీత పయనంలో తన సోదరుడు కార్తీక్‌రాజా సహాయ సహకారం చాలా ఉందని యువన్‌శంకర్‌రాజా అన్నారు.


 తమిళసినిమా:  వరుస విజయాలతో దూసుకుపోతున్న నటుడు విజయ్‌ సేతుపతి. ఆయన మాధవన్‌తో కలిసి నటించిన తాజా చిత్రం విక్రంవేదా మంచి విజయాన్ని అందుకుంది. తాజాగా త్రిషతో కలిసి 96 చిత్రంలో రొమాన్స్‌ చేస్తున్నారు. దర్శకుడు శీనూరామస్వామి, విజయ్‌సేతుపతిలది సక్సెస్‌ఫుల్‌ కాంబినేషన్‌. ఇంకా చెప్పాలంటే తెన్‌మేర్కు పరువకాట్రు చిత్రం తో విజయ్‌సేతుపతిని నటుడిగా నిలబెట్టింది దర్శకుడు శీనూరామస్వామి నే.
 
 ఆ తరువాత ఇడమ్‌ పొరుల్‌ ఏవల్‌ చిత్రం వీరి కాంబినేషన్‌లో తెరకెక్కిం ది. ఈ చిత్రం నిర్మాణం పూర్తి అయినా ఇంకా తెరపైకి రాలేదు. ఆ తరువాత ధర్మదురై చిత్రం చేశారు. ఆ చిత్రం మంచి విజయాన్ని సాధించింది. తాజాగా విజయ్‌సేతుపతిని మామనిధన్‌గా చూపించడానికి దర్శకుడు శీనూరామస్వామి రెడీ అవుతున్నారు. దీని గురించి కొన్ని నెలల క్రితమే వెల్లడించినా, ఆ తరువాత చిత్రానికి సంబంధించిన సమాచారం ఏమీ రాలేదు.
 
 తాజాగా దర్శకుడు శీనూరామస్వామి మామనిధన్‌ చిత్ర వివరాలను తెలుపుతూ ఇది దక్షణ తమిళ ప్రాంతంలో నివశించిన ఒక ప్రముఖ వ్యక్తి ఇతివృత్తంగా తెరకెక్కించనున్నట్లు చెప్పారు. ఇది విజయ్‌సేతుపతిని మరో కోణంలో ఆవిష్కరించే చిత్రంగా ఉంటుందన్నారు. చిత్ర షూటింగ్‌ను అక్టోబరులో ప్రారంభిం చనున్నట్లు తెలిపారు.ఇందులో కథానాయకి, ఇతర తారా గణం, సాంకేతికవర్గం ఎంపిక ప్ర స్తుతం జరుగుతుందని, త్వరలోనే పూర్తి వివరాలను వెల్లడించనున్నట్లు ఆయన చెప్పారు.