న్యూఢిల్లీ: దేశవ్యాప్తంగా సంచలనం సృష్టించిన జెసికా లాల్‌ హత్య కేసులో దోషిగా తేలిన మను శర్మ అలియాస్‌ సిద్ధార్థ్‌‌ వశిష్ట తీహార్‌ జైలు నుంచి విడుదలయ్యాడు. శిక్షాకాల పునః సమీక్ష బోర్డు(సెంటెన్స్‌ రివ్యూ బోర్డు- ఎస్సార్బీ) సిఫార్సు మేరకు.. వివిధ నేరాల్లో శిక్ష అనుభవిస్తున్న దోషులను విడుదల చేసేందుకు ఢిల్లీ లెఫ్టినెంట్‌ గవర్నర్‌ అనుమతినిచ్చారు. ఈ నేపథ్యంలో మను శర్మతో పాటుగా మరో 18 మంది సోమవారం విడుదలయ్యారు. ఇక కరోనా వ్యాప్తి నేపథ్యంలో ఇప్పటికే పెరోల్‌ మీద బయట ఉన్న మను శర్మకు సుదీర్ఘ నిరీక్షణ అనంతరం పూర్తిస్థాయిలో జైలు నుంచి విముక్తి లభించింది. (చదవండి: కరోనా : కొత్త యాప్‌ ప్రారంభించిన ఢిల్లీ సీఎం) కాగా ఓ ప్రైవేటు బార్‌లో పనిచేస్తున్న జెసికా లాల్‌ను 1999లో మను శర్మ అత్యంత దారుణంగా హత్య చేసిన విషయం విదితమే. సమయం మించిపోయిన కారణంగా తనకు మద్యం సర్వ్‌ చేసేందుకు జెసికా నిరాకరించడంతో.. ఆమెను పాయింట్‌ బ్లాంక్‌లో తుపాకీతో కాల్చి చంపాడు. ఈ క్రమంలో పోలీసులు మనుశర్మ మీద కేసు నమోదు చేసి, అరెస్ట్‌ చేశారు. 2006లో నేరం నిరూపితం కావడంతో.. యావజ్జీవ కారాగార శిక్ష విధించారు. 2010లో దిగువ కోర్టు తీర్పును సమర్థిస్తూ సుప్రీంకోర్టు శిక్షను ఖరారు చేసింది. ఆనాటి నుంచి అతడు తీహార్‌ జైల్లో శిక్ష అనుభవిస్తున్నాడు. ఇక గత రెండేళ్లుగా సత్ప్రవర్తనతో మెలుగుతున్న కారణంగా ఉదయం 8 నుంచి సాయంత్రం 6 వరకు బయటకు వెళ్లి పని చేసేందుకు మను శర్మకు అవకాశం లభించింది. దీంతో ఖైదీల పునరావాస కేంద్రంలో అతడు పనిచేస్తున్నాడు.(కరోనా : రాజధాని సరిహద్దులు మూత) ఈ నేపథ్యంలో మనుశర్మలో మార్పు వచ్చిందని భావించిన జెసికా సోదరి సబ్రినా లాల్‌ అతడిని విడుదల చేస్తే తమకెలాంటి అభ్యంతరం లేదని 2018లో జైళ్ల శాఖకు లేఖ రాశారు. ఈ క్రమంలో  ముందస్తుగా తనను విడుదల చేయాలంటూ రెండేళ్ల క్రితం అతడు చేసిన అభ్యర్థనను ఢిల్లీ ప్రభుత్వం తిరస్కరించింది. అత్యంత హేయమైన నేరాల్లో భాగమైన మనుశర్మకు ఈ అవకాశం ఇవ్వబోమని స్పష్టం చేసింది. ఇక అనేక పరిణామాల అతడిని విడుదల చేయాల్సిందిగా ఎస్సార్బీ సూచించడంతో అతడు మూడేళ్ల ముందుగానే బయటకు వచ్చాడు. కాగా మను శర్మ కాంగ్రెస్‌ నేత వినోద్‌ శర్మ కుమారుడన్న సంగతి తెలిసిందే. 

సాక్షి, న్యూఢిల్లీ : దేశవ్యాప్తంగా సంచలనం సృష్టించిన జెసీకా లాల్‌ హత్య కేసులో శిక్ష అనుభవిస్తున్న మను శర్మ ముందస్తుగా తనను విడుదల చేయాలంటూ చేసిన అభ్యర్థనను ఢిల్లీ ప్రభుత్వం నిరాకరించింది. అతడితో పాటుగా ప్రియదర్శిని మట్టూ అనే యువతి హత్య కేసులో నిందితుడైన సంతోష్‌ సింగ్‌, తాండూర్‌ హత్య కేసులో ప్రధాన నిందితుడు సుశీల్‌ శర్మలను కూడా శిక్షా కాలం పూర్తికాకముందే విడుదల చేయలేమని తేల్చి చెప్పింది. ఢిల్లీ హోం మంత్రి సత్యేంద్ర జైన్‌ అధ్యక్షతన సమావేశమైన శిక్షాకాల పునఃసమీక్ష బోర్డు(సెంటెన్స్‌ రివ్యూ బోర్డు- ఎస్సార్బీ) గురువారం సమావేశమైంది. ఇందులో భాగంగా ముందస్తు విడుదల కోసం అప్లై చేసుకున్న 108 మంది ముద్దాయిల దరఖాస్తులను బోర్డు పరిశీలించింది. ఇందులో 86 మంది అభ్యర్థనను తిరస్కరించిన బోర్డు సభ్యులు.. సత్ప్రవర్తన కలిగిన 22 మందిని మాత్రం శిక్షా కాలం కంటే ముందే విడుదల చేసేందుకు ఆమోదం తెలిపారు. అత్యంత హేయమైన నేరాల్లో భాగమైన మనుశర్మ, సంతోష్‌ సింగ్‌, సుశీల్‌ శర్మ వంటి వ్యక్తులను ముందస్తుగా విడుదల చేయడం అంత శ్రేయస్కరం కాదని బోర్డు వ్యాఖ్యానించింది. కాగా జైళ్ల డీజీ అజయ్‌ కశ్యప్‌, హోం సెక్రటరీ మనోజ్‌ పరీదా, ఢిల్లీ పోలీస్‌ జాయింట్‌ కమిషనర్‌, జిల్లా జడ్జి, లా సెక్రటరీ అనూప్‌ తదితరులు ఎస్సార్బీ సభ్యులుగా ఉన్నారు. కాగా ఒక ప్రైవేటు బార్‌లో పనిచేస్తున్న జెసికా లాల్‌ 1999లో హత్యకు గురయ్యారు. జెసికా మరణించిన రోజు మనుశర్మ మాజీ మంత్రి వినోద్‌ శర్మ కుమారుడితో కలిసి ఆమె పనిచేస్తున్న బార్‌కు వెళ్లాడు. ఆ రోజు జెసికాను మద్యం తీసుకురమ్మని మనుశర్మ ఆదేశించాడు. కానీ అప్పటికే సమయం మించిపోవడంతో ఆమె నిరాకరించింది. ఆ కోపంలో జెసికాను పాయింట్‌ బ్లాంక్‌లో తుపాకీతో కాల్చి చంపాడు. దీంతో పోలీసులు మనుశర్మ మీద కేసు నమోదు చేసి, అరెస్ట్‌ చేశారు. అప్పటి నుంచి తీహార్‌ జైల్లో శిక్ష అనుభవిస్తున్నాడు. అయితే అతడిలో మార్పు వచ్చిందని భావించిన జెసికా సోదరి సబ్రినా లాల్‌ అతడిని విడుదల చేస్తే తమకెలాంటి అభ్యంతరం లేదని జైళ్ల శాఖకు లేఖ రాయడం విశేషం.

న్యూఢిల్లీ : దేశవ్యాప్తంగా సంచలనం రేపిన జెసికా లాల్‌ హత్యకేసులో అనూహ్య పరిణామం చోటు చేసుకుంది. ఈ కేసులో దోషిగా నిరూపిం​చబడి యావజ్జీవ కారగార శిక్ష అనుభవిస్తున్న మనుశర్మ(41)ను తాను క్షమిస్తున్నట్లు జెసిక సోదరి సబ్రినా లాల్‌ తెలిపారు. ఇందుకు సంబంధించి ఆమె ఢిల్లీ తీహార్‌ జైలు సంక్షేమ అధికారికి ఒక లేఖ రాశారు. దీనిలో ఆమె మనుశర్మ 12 సంవత్సరాల నుంచి జైలులో ఉన్నాడని, ఈ సమయంలో అతను సేవా సంస్థలకు, జైలులోని ఇతర ఖైదీలకు చాలా సహాయం చేశాడని ఇవన్ని అతడిలో వచ్చిన మార్పును సూచిస్తున్నాయని తెలిపారు. అతడి విడుదల విషయంలో తమకు ఎటువంటి అభ్యంతరం లేదని తెలిపారు. ప్రస్తుతం మనుశర్మ తీహార్‌లోని ఓపెన్‌ జైల్లో ఉంటున్నాడు. జైల్లో సత్ప్రవర్తన చూపిన ఖైదీలను ఓపెన్‌ జైలుకు పంపిస్తామని, అందులో భాగంగానే ఆరు నెలల క్రితం అతడిని అక్కడికి తరలించినట్టు తీహార్‌ జైలు డైరెక్టర్‌ జనరల్‌ అజయ్‌ కశ్యప్‌ తెలిపారు. సబ్రినా లాల్‌ రాసిన లేఖ గురించి మాట్లాడటానికి ఆయన నిరాకరించారు. దాని గురించి తనకు ఎటువంటి సమాచారం తెలియదని తెలిపారు. ప్రస్తుతం సిద్ధార్థ వశిష్ట అలియాస్‌ మనుశర్మ తన పేరు మీద ఒక సంస్థను స్థాపించి ఎటువంటి లాభాపేక్ష లేకుండా ఖైదీలకు, వారి పిల్లలకు పునారావాసం కల్పిస్తున్నారు. ఒక ప్రైవేటు బార్‌లో పనిచేస్తున్న జెసికా లాల్‌ 1999లో హత్యకు గురయ్యారు. జెసిక మరణించిన రోజు మనుశర్మ మాజీ మంత్రి వినోద్‌ శర్మ కుమారుడితో కలిసి ఆమె పనిచేస్తున్న బార్‌కు వెళ్లాడు. ఆ రోజు జెసికను మద్యం తీసుకురమ్మని మనుశర్మ ఆదేశించాడు. కానీ అప్పటికే సమయం మించిపోవడంతో ఆమె నిరాకరించింది. ఆ కోపంలో జెస్సికను పాయింట్‌ బ్లాంక్‌ రెంజ్‌లో తుపాకీతో కాల్చి చంపాడు. పోలీసులు మనుశర్మ మీద కేసు నమోదు చేసి, అరెస్ట్‌ చేశారు. జెస్సికా లాల్‌ (ఫైల్‌ ఫొటో) ట్రయల్‌ కోర్టు అతడిని నిర్దోషిగా ప్రకటించడంతో దేశవ్యాప్తంగా నిరసనలు రేగాయి. దాంతో 2006లో ఈ కేసును ఢిల్లీ హైకోర్టుకు బదిలీ చేశారు. కింది కోర్టులో నిర్లక్ష్యం చేసిన సాక్ష్యాలను పరిశీలించిన తరువాత హైకోర్టు మనుశర్మ నేరం చేశాడని నిర్ధారించి, శిక్ష విధించింది. సుప్రీంకోర్టు ఈ తీర్పును ధ్రువీకరించింది. అప్పటి నుంచి మనుశర్మ జైలు జీవితం గడుపుతున్నారు. జైలులో ప్రత్యేక వసతులు పొందుతున్నారనే ఆరోపణలు కూడా గతంలో వచ్చాయి. అరెస్టైన నాటి నుంచి దాదాపు 15 ఏళ్ల జైలు జీవితంలో మనుశర్మకు మూడుసార్లు పెరోల్‌ లభించింది. 2009లో తన నానమ్మ అంత్యక్రియల్లో పాల్గొనడానికి ఒకసారి, 2011లో తన సోదరుని వివాహానికి హజరుకావడానికి, 2013లో తన మాస్టర్స్‌ డిగ్రీ పరీక్షల నిమిత్తం పెరోల్‌ తీసుకున్నారు.


 ♦ గెలాక్సీ ఏ7, ఏ5 విడుదల
 ♦ 20కి చేరిన మోడళ్ల సంఖ్య
 ♦ కంపెనీ డెరైక్టర్ మను శర్మ
  హైదరాబాద్, బిజినెస్ బ్యూరో: టెక్నాలజీ దిగ్గజం శాంసంగ్ 4జీ విభాగంలో దూకుడు మీద ఉంది. తాజాగా గెలాక్సీ ఏ7, గెలాక్సీ ఏ5 మోడళ్లను హైదరాబాద్ వేదికగా సోమవారం విడుదల చేసింది. దీంతో కంపెనీ భారత్‌లో ప్రవేశపెట్టిన 4జీ మోడళ్ల సంఖ్య 20కి చేరుకుంది. ఈ విభాగంలో సంస్థ మార్కెట్ వాటా 62 శాతానికి ఎగసిందని శాంసంగ్ ఇండియా ఎలక్ట్రానిక్స్ మొబైల్స్ బిజినెస్ డెరైక్టర్ మను శర్మ ఈ సందర్భంగా మీడియాకు తెలిపారు. డిసెంబరు త్రైమాసికంలో భారత్‌కు దిగుమతైన స్మార్ట్‌ఫోన్లలో ఈ మోడళ్ల వాటా 60 శాతముందని చెప్పారు. టెల్కోలు 4జీ సేవలను విస్తరిస్తుండడంతో ఈ మోడళ్ల అమ్మకాలు ఊహించని స్థాయిలో ఉన్నాయని వివరించారు. ప్రస్తుతం భారత్‌లో 55 కోట్ల ఫీచర్, 17 కోట్ల స్మార్ట్‌ఫోన్ వాడకందారులు ఉన్నారు. స్మార్ట్‌ఫోన్లలో 14 కోట్ల మంది 2జీ, 3జీ యూజర్లున్నారు. వీరు 4జీకి అప్‌గ్రేడ్ అవుతున్నారని మను శర్మ తెలిపారు.
 
  ఇవీ ఏ7, ఏ5 ఫీచర్లు..
  గెలాక్సీ ఏ7 మోడల్‌ను 5.5 అంగుళాల స్క్రీన్, 3 జీబీ ర్యామ్, 3,300 ఎంఏహెచ్ బ్యాటరీతో తయారు చేశారు. ధర రూ.33,400 ఉంది. గెలాక్సీ ఏ5ను 5.2 అంగుళాల స్క్రీన్, 2 జీబీ ర్యామ్, 2,900 ఎంఏహెచ్ బ్యాటరీతో డిజైన్ చేశారు. ధర రూ.29,400 ఉంది. రెండు మోడళ్లలోనూ ఫుల్ హెచ్‌డీ సూపర్ అమోలెడ్ డిస్‌ప్లే, లాలీపాప్, 1.6 గిగాహెట్జ్ ఆక్టా కోర్ ప్రాసెసర్, 16 జీబీ ఇంటర్నల్ మెమరీ, 128 జీబీ వరకు సపోర్ట్ చేసే మైక్రో ఎస్‌డీ స్లాట్, 7.3 మిల్లీమీటర్ల మందంతో రూపొందించారు. ఎల్‌ఈడీ ఫ్లాష్‌తో 13 ఎంపీ ఆటోఫోకస్ కెమెరా, 5 ఎంపీ ఫ్రంట్ కెమెరా పొందుపరిచారు. వైడ్ సెల్ఫీ, పామ్ సెల్ఫీ, బ్యూటీ ఫేస్ ఫీచర్ ఉంది. ఫింగర్ స్కానర్, ఫాస్ట్ చార్జింగ్ వంటివి అదనపు హంగులు. 300 ఎంబీపీఎస్ వరకు డౌన్‌లింక్, 50 ఎంబీపీఎస్ వరకు అప్‌లింక్ స్పీడ్ ఉంటుందని కంపెనీ వెల్లడించింది.
  


  ధర రూ. 39,400
  
  బెంగళూరు :  శామ్‌సంగ్ ..ప్రపంచంలోనే అతి పలుచని (5.6 మిల్లీమీటర్లు) ‘గెలాక్సీ ఎస్2’ ట్యాబ్‌ను మార్కెట్‌లో ఆవిష్కరించింది. దీని ధర రూ.39,400. బంగారు, నలుపు, తెలుపు రంగుల్లో లభ్యంకానున్న ఈ ట్యాబ్లెట్లలో 32 జీబీ మెమరీ, 4జీ వంటి ప్రత్యేకతలు ఉన్నాయి. డాక్యుమెంట్లను క్రియేట్, ఎడిట్ చేసుకోవడానికి వీలుగా ఈ ట్యాబ్‌లో మైక్రోసాఫ్ట్ ఆఫీస్ సొల్యూషన్స్ ప్రి-లోడెడ్‌గా వస్తాయి. అలాగే ఎస్2 ట్యాబ్ ద్వారా స్మార్ట్‌ఫోన్, ల్యాప్‌టాప్‌ను కంట్రోల్ చేయవచ్చు. ఎస్2 ట్యాబ్స్ అమ్మకాలు బుధవారం నుంచే ప్రారంభమైనట్లు శామ్‌సంగ్ ఇండియా ఎలక్ట్రానిక్స్ ప్రాడక్ట్ మార్కెటింగ్ డెరైక్టర్ మను శర్మ తెలిపారు.


 న్యూఢిల్లీ: మోడల్ జెసికాలాల్ హత్య కేసులో నింది తుడు మనుశర్మకు ఢిల్లీ హైకోర్టు 15 రోజులపాటు బెయిల్ మంజూరు చేస్తూ మంగళవారం ఉత్తర్వులు జారీ చేసింది. పోస్టుగ్రాడ్యుయేట్ పరీక్షలకు హాజరు కావడానికి పెరోల్ ఇవ్వాలన్న అతని విజ్ఞప్తిని అంగీకరించింది. ఇందుకు కుటుంబ సభ్యుల్లో ఒకరు రూ.50 వేల వ్యక్తిగత బాండు సమర్పించాలని ఆదేశించింది. పెరోల్ సమయంలో ఢిల్లీని విడిచి వెళ ్లకూడదని షరతు విధించింది. జెసికా నివాసం, వాళ్ల కుటుంబ సభ్యులకు దూరంగా ఉండాలని కూడా స్పష్టం చేసింది. తాను ఈ నెల 19 నుంచి 24 వరకు ఇండియన్ ఇన్‌స్టిట్యూట్ ఆప్ హ్యూమన్‌రైట్స్‌లో పరీక్షలు రాయాల్సి ఉందని శర్మ కోర్టుకు సమర్పించిన పిటిషన్లో పేర్కొన్నాడు. దీనికి ఐక్యరాజ్య సమితి గుర్తింపు కూడా ఉందని తెలిపాడు.
  
  జైలులో శర్మ ప్రవర్తన సంతృప్తికరంగా ఉందని, ఈ మేరకు జైలు సూపరింటెండెంట్ కూడా ధ్రువీకరించారని ఇతని న్యాయవాదులు అర్పితా బాత్రా, ఎస్.నంద్రజోగ్ కోర్టుకు విన్నవించారు. ఖైదీల చిన్నారులకు చదువు చెప్పించేందుకు శర్మ తన స్వచ్ఛందసంస్థ సిద్ధార్థ్ వశిష్ట్ చారిటబుల్ ట్రస్ట ద్వారా ఎంతో కృషి చేసి లెఫ్టినెంట్ గవర్నర్ ప్రశంసలు అందుకున్నాడని వివరించారు. అయితే 2009లో శర్మకు పెరోల్ ఇచ్చినప్పుడు ఇతని ప్రవర్తన సక్రమంగా లేనందున, ఈసారి మంజూరు చేయవద్దని పోలీసులు కోరారు. మాజీ కేంద్రమంత్రి వినోద్‌శర్మ కొడుకు అయిన మనుశర్మ 1999లో జెసికాలాల్‌ను రెస్టారెంటులో కాల్చిచంపాడు. దీంతో ఇతనికి యావజ్జీవ శిక్ష విధించారు.
  


 న్యూఢిల్లీ: మోడల్ జెసికాలాల్ హత్య కేసులో నిందితుడు మనుశర్మకు ఢిల్లీ హైకోర్టు 15 రోజులపాటు బెయిల్ మంజూరు చేస్తూ మంగళవారం ఉత్తర్వులు జారీ చేసింది. పోస్టుగ్రాడ్యుయేట్ పరీక్షలకు హాజరు కావడానికి పెరోల్ ఇవ్వాలన్న అతని విజ్ఞప్తిని అంగీకరించింది. ఇందుకు కుటుంబ సభ్యుల్లో ఒకరు రూ.50 వేల వ్యక్తిగత బాండు సమర్పించాలని ఆదేశించింది. పెరోల్ సమయంలో ఢిల్లీని విడిచి వెళ్లకూడదని షరతు విధించింది. జెసికా నివాసం, వాళ్ల కుటుంబ సభ్యులకు దూరంగా ఉండాలని కూడా స్పష్టం చేసింది. తాను ఈ నెల 19 నుంచి 24 వరకు ఇండియన్ ఇన్‌స్టిట్యూట్ ఆప్ హ్యూమన్‌రైట్స్‌లో పరీక్షలు రాయాల్సి ఉందని శర్మ కోర్టుకు సమర్పించిన పిటిషన్లో పేర్కొన్నాడు. దీనికి ఐక్యరాజ్య సమితి గుర్తింపు కూడా ఉందని తెలిపాడు.
  
 జైలులో శర్మ ప్రవర్తన సంతృప్తికరంగా ఉందని, ఈ మేరకు జైలు సూపరింటెండెంట్ కూడా ధ్రువీకరించారని ఇతని న్యాయవాదులు అర్పితా బాత్రా, ఎస్.నంద్రజోగ్ కోర్టుకు విన్నవించారు. ఖైదీల చిన్నారులకు చదువు చెప్పించేందుకు శర్మ తన స్వచ్ఛందసంస్థ సిద్ధార్థ్ వశిష్ట్ చారిటబుల్ ట్రస్ట ద్వారా ఎంతో కృషి చేసి లెఫ్టినెంట్ గవర్నర్ ప్రశంసలు అందుకున్నాడని వివరించారు. అయితే 2009లో శర్మకు పెరోల్ ఇచ్చినప్పుడు ఇతని ప్రవర్తన సక్రమంగా లేనందున, ఈసారి మంజూరు చేయవద్దని పోలీసులు కోరారు. మాజీ కేంద్రమంత్రి వినోద్‌శర్మ కొడుకు అయిన మనుశర్మ 1999లో జెసికాలాల్‌ను రెస్టారెంటులో కాల్చిచంపాడు. దీంతో ఇతనికి యావజ్జీవ శిక్ష విధించారు.