మైసూరు: మైసూరు మేయర్‌ పదవి నాకు రాకపోవడానికి ముఖ్య కారణం తాను సీఎం యడియూరప్ప బంధువు కావడమే కావచ్చని బీజేపీ కార్పొరేటర్‌ సునందా ఫాలనేత్ర అన్నారు. గురువారం ఆమె నివాసంలో మీడియాతో మాట్లాడారు. బుధవారం మేయర్‌ ఎన్నికలో ఆమె ఓడిపోయి కన్నీరు పెట్టుకోవడం తెలిసిందే. ఇప్పుడు కూడా మళ్లీ కంటనీరు పెట్టుకునే మీడియాతో మాట్లాడారు. 25 ఏళ్లుగా ప్రజా సేవలో ఉన్నా. నాకు ఈ పదవి రావాల్సింది. ఇలా ఓడిపోవడం చాలా బాధ కలిగింది. నాకు పదవి రాకుండా ఎన్నో కుట్రలు జరిగాయి. నేను మేయర్‌ కావాలని సీఎం యడియూరప్ప ఎంతో కృషి చేశారు. సీఎం బంధువు కావడంతో కొందరు కావాలనే ఓడించారు అని వాపోయారు. మరోవైపు మైసూర్‌ కార్పొరేటర్‌గా ఆమె రాజీనామా చేశారు. బీజేపీ తన మేయర్ అభ్యర్థిగా సునంద పలనేత్రను పోటీలో నిలిపింది. తమకు జేడీఎస్‌ మద్దతు అందిస్తుందని పార్టీ నాయకులంతా పూర్తి ఆశలు పెట్టుకున్నారు. కానీ జేడీఎస్‌ కాంగ్రెస్ పార్టీతో చేతులు కలిపడంతో చివరికి జేడీఎస్‌ కార్పొరేటర్ రుక్మిణి మడేగౌడ మేయర్‌గా, కాంగ్రెస్‌కు చెందిన అన్వర్ బేగ్ డిప్యూటీ మేయర్‌గా ఎన్నికయ్యారు .. కొత్త మేయర్‌కు పాత కేసు సమస్య  కొత్త మేయర్‌ రుక్మిణి మాదేగౌడ గత ఎన్నికల సమయంలో ఆస్తుల వివరాలను సమర్పించలేదని ఆమె ప్రత్యర్థి రజిని అణ్ణయ్య గతంలో మైసూరు జిల్లా కోర్టులో కేసు వేశారు. విచారించిన కోర్టు రుక్మిణి ఎన్నికను రద్దు చేసి రజినిని కార్పొరేటర్‌గా ప్రకటించాలని తీర్పు చెప్పింది. అయితే రుక్మిణి హైకోర్టుకు వెళ్లి స్టే తెచ్చుకున్నారు. కేసును తిరగతోడాలని రజిని ప్రయత్నాల్లో ఉన్నారు. ఈ కేసు గురువారం హైకోర్టులో విచారణకు వచ్చింది. తగిన ఆధారాలను సమర్పించాలని రజినిని జడ్జి ఆదేశించారు. చదవండి: భార్య మేయరైతే.. ఆనందాన్ని ఆపడం ఎవరితరం?

ఒంగోలు టౌన్‌: ఒంగోలు నగర పాలక సంస్థ తొలి మేయర్‌ పదవి ఏ వర్గాన్ని వరించనుందోనన్న చర్చ నగరంలో నడుస్తోంది. తొలిసారిగా కార్పొరేషన్‌కు ఎన్నికల నేపథ్యంలో కార్పొరేటర్ల పదువులు ఎవరికి రిజర్వ్‌ అవుతాయోనన్న చర్చ కూడా జరుగుతోంది. ఒంగోలు మేయర్‌ పదవితో పాటు 50 కార్పొరేటర్ల పదవులు కూడా ఏ వర్గానికి దక్కుతాయోనన్న ఉంత్కంఠ నాయకుల్లో నెలకొంది. ఒంగోలు నగరం మునిసిపాలిటీ నుంచి నగర పాలక సంస్థగా రూపాంతరం చెందిన తర్వాత తొలిసారి ఎన్నికలు జరగనున్న నేపథ్యంలో అటు రాజకీయ పార్టీలు, ఇటు ప్రజల్లో ఆసక్తి నెలకొంది. స్థానిక సంస్థలకు ఎన్నికలు నిర్వహించేందుకు రాష్ట్ర ఎన్నికల సంఘం సన్నద్ధమవుతోంది. ఒంగోలు నగర పాలక సంస్థ గురించి ఒక్క ఒంగోలులోనే కాకుండా జిల్లా వ్యాప్తంగా రాజకీయ పార్టీలు, ప్రజల దృష్టి ఇటువైపు ఉండటం గమనార్హం. మేయర్‌ పదవితో పాటు కార్పొరేటర్ల రిజర్వేషన్లను కూడా డైరెక్టర్‌ ఆఫ్‌ మునిసిపల్‌ అడ్మినిస్ట్రేషన్‌ ప్రకటించనున్నారు. అక్కడి నుంచి ప్రకటన వచ్చిన తర్వాత దాన్ని నోటిఫై చేస్తూ నగర పాలక సంస్థ పబ్లికేషన్‌ చేయనుంది.   ఒంగోలుది ఘన చరిత్ర ఒంగోలు నగరానికి సుదీర్ఘ చరిత్ర ఉంది. 1876లో ఒంగోలు మునిసిపాలిటీగా ఆవిర్భవించింది. అనేక మంది మునిసిపల్‌ చైర్మన్లుగా వ్యవహరించారు. 2009లో చివరి మునిసిపల్‌ చైర్మన్‌గా బాపట్ల హనుమంతురావు వ్యవహరించారు. ఆ తర్వాత వివిధ కారణాలతో ఒంగోలుకు ఎన్నికలు లేకుండాపోయాయి. ఒంగోలు పట్టణ జనాభా పెరిగి పోవడం.. అదే సమయంలో నగర పాలక సంస్థలు ప్రతిపాదనలోకి రావడంతో ఒంగోలును 2012 జనవరి 25వ తేదీన నగర పాలక సంస్థగా అప్పటి సీఎం కిరణ్‌కుమార్‌రెడ్డి ప్రభుత్వం ప్రకటించింది. ఒంగోలును నగర పాలక సంస్థగా ప్రకటించే సమయంలో చుట్టూ ఉన్న 12 గ్రామాలను కూడా ఒంగోలు నగర పాలక సంస్థలో విలీనం చేశారు. అయితే మూడు గ్రామాలకు చెందిన వారు తమను ఒంగోలు నగర పాలక సంస్థలో విలీనం చేయడాన్ని సవాల్‌ చేస్తూ హైకోర్టును ఆశ్రయించడంతో విలీన ప్రక్రియకు బ్రేక్‌ పడింది. ఆ మూడు గ్రామాలను తొలగించి మిగిలిన తొమ్మిది గ్రామాలతో ఒంగోలు నగర పాలక సంస్థ ఏర్పాటు చేస్తూ గజిట్‌ నోటిఫికేషన్‌ ప్రకటించారు. త్రోవగుంట, కొప్పోలు, గుత్తికొండవారిపాలెం, పేర్నమిట్ట, వెంగముక్కపాలెం, పెల్లూరు, చెరువుకొమ్ముపాలెం, ఎన్‌. అగ్రహారం, గుడిమెళ్లపాడు గ్రామ పంచాయతీలు ఒంగోలు నగర పాలక సంస్థలో విలీనమయ్యాయి. నగరాన్ని మొత్తం 50 డివిజన్లుగా విభజించారు. 2011 జనాభా లెక్కల ప్రకారం ఒంగోలులో 2 లక్షల 51 వేల మంది జనాభా ఉండగా ప్రస్తుతం ఆ సంఖ్య 2 లక్షల 80 వేలకు చేరుకొంది.  2005లో చివరి ఎన్నికలు ఒంగోలు మునిసిపాలిటీగా ఉన్న సమయంలో చివరిసారిగా 2005 జూన్‌లో ఎన్నికలు జరిగాయి. ఐదేళ్లపాటు అప్పటి కౌన్సిల్‌ కొనసాగింది. ఆ తర్వాత మునిసిపల్‌ ఎన్నికలు జరగకుండా వాయిదా వేస్తూ వచ్చారు. రెండేళ్లపాటు ఎన్నికలు జరపకుండా అప్పటి ప్రభుత్వం కాలయాపన చేసింది. 2012 జనవరి 25వ తేదీ రాష్ట్రంలోని పలు మునిసిపాలిటీలను నగర పాలక సంస్థలుగా అప్‌గ్రేడ్‌ చేశారు. ఆ జాబితాలో ఒంగోలు కూడా ఉంది. ఒంగోలు నగర పాలక సంస్థ అయిన తర్వాత తొలిసారిగా మేయర్‌ ఎన్నికలు జరగాల్సి ఉంది. ఆ ఎన్నికల కోసం అన్ని రాజకీయ పార్టీలతో పాటు నగర ప్రజలు కూడా ఎంతో ఆసక్తిగా ఎదురు చూశారు. గత తెలుగుదేశం ప్రభుత్వం మునిసిపాలిటీలు, నగర పాలక సంస్థలకు ఎన్నికలు జరపాలంటేనే భయపడి వాయిదా వేసుకుంటూ వచ్చింది. చివరకు తెలుగుదేశం ఐదేళ్ల పాలనలో స్థానిక సంస్థలైన మునిసిపాలిటీలు, నగర పాలక సంస్థలకు ఎన్నికలు జరగకుండానే పోయాయి.  లక్షా 81 వేల 558 మంది ఓటర్లు ఒంగోలు నగర పాలక సంస్థకు ఎప్పుడు ఎన్నికల ప్రకటన వచ్చినా వాటిని నిర్వహించేందుకు యంత్రాంగం సన్నద్ధంగా ఉంది. ఇటీవల ఒంగోలు నగర పాలక సంస్థకు సంబంధించి ఓటర్ల తుది జాబితాను ప్రకటించారు. మొత్తం లక్షా 81 వేల 558 మంది ఓటర్లుగా తేలారు. వారిలో 93951 మంది మహిళలు ఉండగా 87 వేల 573 మంది పురుషులు ఉన్నారు. మిగిలిన వారు థర్డ్‌ జండర్‌. అంతకు ముందుగానే 50 డివిజన్లకు సంబంధించి డివిజన్ల వారీగా ఎస్సీ, ఎస్టీ, బీసీ, మహిళా ఓటర్లు ఎంతమంది ఉన్నారో ప్రకటించారు. ఈ నేపథ్యంలో ఎన్నికల వేడి రాజుకోవడంతో ఏ వర్గానికి ఏ పదవి రిజర్వ్‌ అవుతుందోనన్న చర్చ సర్వత్రా నెలకొంది.

సాక్షి,  కరీంనగర్‌ : కరీంనగర్‌ కార్పొరేషన్‌ మేయర్‌గా 33వ డివిజన్‌ కార్పొరేటర్‌ యాదగిరి సునిల్‌రావును, డెప్యూటీ మేయర్‌గా 37వ డివిజన్‌ కార్పొరేటర్‌ చల్లా స్వరూపరాణిని ఎన్నుకున్నారు. కరీంనగర్‌ కార్పొరేషన్‌లో గెలిచిన కార్పొరేటర్ల ప్రమాణ స్వీకారం అనంతరం మేయర్‌ డెప్యూటీ మేయర్‌ ఎన్నికకు కార్పొరేషన్‌ అధికారులు అన్ని ఏర్పాట్లు చేశారు. రెండురోజులక్రితం క్యాంపునకు వెళ్లిన టీఆర్‌ఎస్‌ కార్పొరేటర్లు బుధవారం ఉదయమే కరీంనగర్‌ చేరుకుని శ్వేత హోటల్‌లో  పార్టీ సమావేశం నిర్వహించారు. మేయర్‌ , డెప్యూటీ మేయర్‌ ఎన్నికపై అవగాహన కల్పించారు. ఉదయం 11 గంటల సమయంలో టీఆర్‌ఎస్‌ కార్పొరేటర్లు ర్యాలీగా కార్పొరేషన్‌ కార్యాలయానికి  తరలివచ్చారు. అనంతరం బీజేపీ, ఎంఐఎం కార్పొరేటర్లు సమావేశం మందిరానికి చేరుకున్నారు. కరీంనగర్‌ జేసీ శ్యాంప్రసాద్‌లాల్‌ తెలుగు అక్షరమాల ప్రకారం వరుస క్రమంలో కార్పొరేటర్లతో ప్రమాణ స్వీకారం చేయించారు. ఉదయం 11 గంటలకు ప్రారంభమైన ప్రమాణ స్వీకార కార్యక్రమం 11.55 గంటలకు ముగిసింది. అనంతరం జేసీ 12.30 గంటలకు మేయర్, డెప్యూటీ మేయర్‌ ఎన్నికను ప్రకటించారు. బీజేపీ కార్పొరేటర్లు సమావేశం నుంచి వెళ్లిపోయారు. టీఆర్‌ఎస్, ఇటీవల పార్టీలో చేరిన ఇండిపెండెంట్లు, ఏఐఎఫ్‌బీ, ఎంఐఎం కార్పొరేటర్లు హాల్‌లో ఉండిపోయారు.   ఏకగ్రీవ ఎన్నిక... కరీంనగర్‌ కార్పొరేషన్‌ మేయర్‌ 12.30 గంటలకు ఎన్నిక ప్రారంభించారు. ఎన్నికకు రాష్ట్ర బీసీ సంక్షేమ, పౌరసరఫరాశాఖ మంత్రి గంగుల కమలాకర్, మానకొండూరు ఎమ్మెల్యే రసమయి బాలకిషన్‌ హాజరయ్యారు. మేయర్‌ ఎన్నికకు టీఆర్‌ఎస్‌ కార్పొరేటర్లు 33 మంది, ఇండింపెండెట్లు, ఏఐఎఫ్‌బీ నుంచి గెలిచి టీఆర్‌ఎస్‌లో చేరిన ఏడుగురు, ఆరుగురు ఎంఐఎం కార్పొరేటర్లతో కలిపి 46 మందితోపాటు ఇద్దరు ఎక్స్‌ ఆఫిషియో సభ్యులుగా మంత్రి గంగుల, ఎమ్మెల్యే రసమయి హాజరు కావడంతో సంఖ్య 48కు చేరింది. కోరం సరిపోవడంతో మేయర్‌ ఎన్నిక నిర్వహించారు. మేయర్‌ స్థానానికి యాదగిరి సునిల్‌రావును 3వ డివిజన్‌ కార్పొరేటర్‌ కంసాల శ్రీనివాస్‌ ప్రతిపాదించగా 23వ డివిజన్‌ కార్పొరేటర్‌ ఆర్ష కిరణ్మయి బలపరిచారు. టీఆర్‌ఎస్‌ అధిష్టానం సునిల్‌రావుకు బీ–ఫాం ఇవ్వడంతోపాటు విప్‌ జారీ చేసింది. ఎవరూ కూడా పోటీలో లేకపోవడంతో సునిల్‌రావును మేయర్‌గా ఏకగ్రీవంగా ఎన్నుకైనట్లు జేసీ శ్యాంప్రసాద్‌లాల్‌ ప్రకటించారు. అనంతరం డెప్యూటీ మేయర్‌గా చల్లా స్వరూపరాణిని 9వ డివిజన్‌ కార్పొరేటర్‌ ఐలేందర్‌యాదవ్‌ ప్రతిపాదించగా,18వ డివిజన్‌ కార్పొరేటర్‌ సుదగోని మాధవి బలపరిచారు. పోటీలో ఎవరూ లేకపోవడంతో ఏకగ్రీవం అయినట్లు జేసీ ప్రకటించారు. అనంతరం మేయర్, డెప్యూటీ మేయర్‌లను జేసీ, మున్సిపల్‌ కమిషనర్‌ వేణుగోపాల్‌రెడ్డి పుష్పగుచ్ఛం అందించి అభినందించారు. మంత్రి గంగుల కమలాకర్, ఎమ్మెల్సీ నారదాసు లక్ష్మన్, మానకొండూర్‌ ఎమ్మెల్యే రసమయి బాలకిషన్‌ కూడా అభినందించారు.   నీతివంతమైన పాలన అందించాలి కరీంనగర్‌ కార్పొరేషన్‌ పరిధిలోని ఓటర్లు, ప్రజలు ఎంతో నమ్మకంతో టీఆర్‌ఎస్‌కు పట్టంకట్టారని వారి నమ్మకాన్ని నిలబెట్టుకోవాలని మేయర్, డెప్యూటీ మేయర్‌కు మంత్రి సూచించారు. నీతివంతమైన పాలన అందించాలని కోరారు. మేయర్, డెప్యూటీ మేయర్, 60 మంది కార్పొరేటర్ల వేర్వేరుకాదని అంతా ఒకటేనని సమన్వయంతో కరీంనగర్‌ను మరింత అభివృద్ధి చేయాలని కోరారు. ఇంటింటింకీ మంచినీటిని అందించడానికి చర్యలు తీసుకోవాలని, ఎన్నికల్లో ఇచ్చిన హామీని నెరవేర్చాలని తెలిపారు.  ప్రమాణ స్వీకార సమయంలో పలువురు కార్పొరేటర్లు తడబడ్డారు. ఆకుల పద్మ, కొలిపాక అంజయ్య ఇబ్బందిపడ్డారు. మూడుసార్లు ప్రమాణస్వీకారం చేసిన ఎడ్ల సరిత కూడా ప్రమాణ స్వీకారం చేసే సమయంలో ప్రమాణపత్రం చదువుతూ తడబడ్డారు. ఐదుసార్లు గెలిచిన నేతికుంట యాదయ్య, జయలక్ష్మి, రాపర్తి విజయ కూడా తడబడుతూ ప్రమాణపత్రాన్ని చదివారు. 38వ డివిజన్‌ కార్పొరేటర్‌ కచ్చు రవి ప్రమాణస్వీకారం చేసిన తర్వాత జై భారత్‌మాతా అంటూ, 49వ డివిజన్‌ కార్పొరేటర్‌ కమల్‌జిత్‌ కౌర్‌ జై తెలంగాణ అంటూ నినాదాలు చేశారు.  నమ్మకాన్ని నిలబెట్టుకుంటాం ప్రజలు ఎంతో నమ్మకంతో పట్టం కట్టారని వారి నమ్మకాన్ని నిలబెట్టుకుంటామని మేయర్‌ సునిల్‌రావు తెలిపారు. ప్రజలకు మెరుగైన సేవలందించడానికి అధిక ప్రాధాన్యత ఇస్తామని మేయర్‌గా తన ఎన్నికకు కృషి చేసిన ప్రణాళిక సంఘం ఉపాధ్యక్షుడు వినోద్‌కుమార్, మంత్రి గంగుల కమలాకర్, సహకరించిన కార్పొరేటర్లకు ప్రత్యేక కృతజ్ఞతలు తెలిపారు. కరీంనగర్‌ : ప్రథమ పౌరుడి ఎంపికలో టీఆర్‌ఎస్‌ అధిష్టానం సీనియారిటీకే ప్రాధాన్యత ఇచ్చింది. కరీంనగర్‌ మేయర్‌గా యాదగిరి సునీల్‌రావును పార్టీ నిర్ణయించింది. కౌన్సిలర్, కార్పొరేటర్‌గా నాలుగుసార్లు ఎన్నికైన 33వ వార్డు కార్పొరేటర్‌ సునీల్‌రావుకే ప్రథమ పౌరుడి హోదా ఇవ్వాలని ముఖ్యమంత్రి కేసీఆర్‌ నిర్ణయించారు. మేయర్‌ స్థానం కోసం పోటీ పడ్డ 56వ వార్డు కార్పొరేటర్‌ వంగపెల్లి రాజేందర్‌రావును అధిష్టానం బుజ్జగించింది. హైదరాబాద్‌లో మంత్రి గంగుల కమలాకర్‌ మంగళవారం సాయంత్రం సునీల్‌రావు, రాజేందర్‌రావులతో సమావేశమై సీఎం కేసీఆర్‌ మేయర్‌గా సునీల్‌రావును ఎంపిక చేసిన విషయాన్ని వెల్లడించారు. రాజేందర్‌రావుకు భవిష్యత్తులో మంచి అవకాశం కల్పించే హామీ ఇచ్చినట్లు చెప్పారని సమాచారం. కాగా, ముఖ్యమంత్రి కేసీఆర్‌ కూడా రాజేందర్‌రావుతో ఫోన్‌లో మాట్లాడారు

సాక్షి ప్రతినిధి, కరీంనగర్‌: కరీంనగర్‌ మేయర్‌ పీఠం విషయంలో ఎట్టకేలకు ఉత్కంఠ ముగిసింది. వెలమ సామాజిక వర్గానికి చెందిన యాదగిరి సునీల్‌రావుకు మేయర్‌ అధ్యక్ష పదవి దక్కింది. జనరల్‌ కేటగిరీలో రిజర్వు అయిన కరీంనగర్‌ మేయర్‌ స్థానాన్ని దక్కించుకునేందుకు పలువురు కార్పొరేటర్లు ప్రయత్నించినప్పటికీ...  సునీల్‌రావు, రాజేందర్‌రావు మధ్యనే చివరి వరకూ పోటీ నెలకొంది. అయితే అధిష్టానం సునీల్‌ రావు వైపే మొగ్గు చూపింది. (కరీంనగర్‌ పైనా గులాబీ జెండా) కాగా కరీంనగర్‌ జిల్లా నుంచి ఎమ్మెల్యే, ఎమ్మెల్సీ, జిల్లా పరిషత్‌ చైర్మన్‌ వంటి ముఖ్యమైన స్థానాలన్నీ బీసీ, ఎస్సీ సామాజిక వర్గాల వారే ఉన్నారు. జిల్లాలో ఉన్నత వర్గానికి ప్రాతినిధ్యం లేకుండా పోయింది. గతంలో ఎంపీగా ఉన్న బోయినపల్లి వినోద్‌కుమార్‌ గత ఎన్నికల్లో ఓటమి చెందగా ప్రస్తుతం ఆయన ప్రణాళిక సంఘం ఉపాధ్యక్షుడిగా వ్యవహరిస్తున్నారు. ఈ నేపథ్యంలో కరీంనగర్‌ మేయర్‌గా వెలమ సామాజిక వర్గానికి చెందిన కార్పొరేటర్‌ను ఎన్నుకోవాలని ఇప్పటికే నిర్ణయించిన విషయం తెలిసిందే. ఈ ఎన్నికల్లో టీఆర్‌ఎస్‌ 33 కార్పోరేషన్లను కైవసం చేసుకున్న విషయం తెలిసిందే. (ప్రముఖులకు షాకిచ్చిన మున్సిపల్‌ ఎన్నికలు..) సునీల్‌ రావుకే దక్కిన పీఠం కార్పొరేషన్‌ ఎన్నికల్లో 33వ డివిజన్‌ నుంచి పోటీ చేసిన యాదగిరి సునీల్‌రావు భారీ మెజా రిటీతో విజయం సాధించారు. ఆయన కరీంనగర్‌ కార్పొరేషన్‌ నుంచి కౌన్సిలర్‌గా, కార్పొరేటర్‌గా నాలుగుసార్లు విజయం సాధించారు. మంత్రి గంగుల కమలాకర్‌కు సమకాలీకుడైన సునీల్‌రావుకు ప్రణాళికాసంఘం వైస్‌ చైర్మన్‌ వినోద్‌కుమార్‌తో సాన్నిహిత్యం ఉంది.  ఇక అదే సమయంలో మంత్రి గంగుల చిన్ననాటి స్నేహితుడైన వంగపల్లి రాజేందర్‌ రావు కూడా రాజకీయాల్లోకి ప్రవేశించి తొలిసారి 56వ డివిజన్‌ నుంచి కార్పొరేటర్‌గా విజయం సాధించారు. ఆయన పోటీ చేస్తున్నప్పటి నుంచే మేయర్‌ స్థానం రాజేందర్‌కే అనే ప్రచారం జరిగింది. గత అనుభవాల దృష్ట్యా మంత్రి గంగుల  రాజేందర్‌రావుకే ప్రాధాన్యత ఇస్తారని పార్టీ నేతలు భావించారు. అయితే నిర్ణయాధికారం అధిష్టానం చేతుల్లోకి వెళ్లడంతో బుధవారం ఉదయం వరకు ఈ సస్పెన్స్‌ కొనసాగింది. ఆఖరికి పార్టీ అధినాయకత్వం సునీల్‌ రావు పేరును ఖరారు చేసింది. నేడు మేయర్‌ ఎన్నిక.. డిప్యూటీ మేయర్‌గా చల్లా స్వరూపరాణి కరీంనగర్‌ నగర పాలక మండలికి ఎన్నికైన సభ్యుల ప్రమాణ స్వీకారం బుధవారం మునిసిపల్‌ కార్యాలయం సమావేశ మందిరంలో జరిగింది. ఉదయం 11 గంటలకు సభ్యుల ప్రమాణ స్వీకారం అనంతరం 12.30 గంటలకు ప్రత్యేక సమావేశం ఏర్పాటు చేసి మేయర్, డిప్యూటీ మేయర్‌లను లాంఛనంగా ఎన్నుకున్నారు.

చెన్నై,టీ.నగర్‌: పార్టీ ఆదేశిస్తే చెన్నై మేయర్‌ ఎన్నికల్లో పోటీ చేస్తానని డీఎంకే యువజన విభాగం కార్యదర్శి, నటుడు ఉదయనిధి స్టాలిన్‌ వెల్లడించారు. ఉదయనిధి స్టాలిన్‌ నటిస్తున్న చిత్రం సైకో. మిష్కిన్‌ దర్శకత్వం వహిస్తున్న ఈ చిత్రాన్ని డబుల్‌ మీనింగ్‌ ప్రొడక్షన్స్‌ ఆధ్వర్యంలో అరుళ్‌మొళి మాణిక్కం నిర్మిస్తున్నారు. ఈ సందర్భంగా ఉదయనిధి స్టాలిన్‌ విలేకరులతో మాట్లాడుతూ.. సైకో చిత్రనిర్మాణ సమయంలో పగటిపూట పార్లమెంటు ఎన్నికల ప్రచారం, రాత్రి చిత్రం షూటింగ్స్‌ జరిగాయన్నారు. పెరియార్‌ గురించి వివాదాస్పద వ్యాఖ్యల విషయంలో రజనీ క్షమాపణ చెప్పేది లేదని వెల్లడించినట్లు విలేకరులు ప్రశ్నించారు. దీనిపై ఆయన స్పందిస్తూ..అది ఆయన అభిప్రాయమని, దీన్ని డీఎంకే అధ్యక్షుడు ఖండించినట్లు తెలిపారు. చెన్నై మేయర్‌ ఎన్నికల్లో పోటీ చేస్తారా? అని ప్రశ్నించగా పార్టీ అదేశిస్తే చేస్తానన్నారు.

‘ఎదుటవారిని వేలెత్తి చూపేటప్పుడు మిగిలిన నాలుగు వేళ్లూ మనవైపు చూపిస్తాయన్న సంగతి తెలుసుకోకుండా మాట్లాడితే ఎలా? ఆయనేమన్నా సత్య హరిశ్చంద్రుడా? తనకు కావాల్సిన పనులను అధికారులపై ఒత్తిడి తెచ్చి మరీ చేయించుకుంటారు. ఎదుటివారు తమ పనులు చేయించుకుంటే హడావుడి చేస్తారు. మమ్మల్ని కూడా ప్రజలే ఎన్నుకున్నారు. మేమంతా ఆయనను నాయకుడిగా ఎన్నుకున్నాం. అంతమాత్రాన నేను మోనార్క్‌ అనుకోవడం సరికాదు. నోటిదూలతో అధికారులను, తోటి ప్రజాప్రతినిధులను ఇష్టమొచ్చినట్లు మాట్లాడితే ఎవరికైనా అహం దెబ్బతింటుంది. ఈ విషయం తెలుసు కోనంతకాలం ఇంటా బయట ఇబ్బందులు ఎదుర్కోక తప్పదు.’ – మేయర్‌ కోనేరు శ్రీధర్‌పై స్వపక్ష కార్పొరేటర్లు ధ్వజమెత్తుతున్న తీరిది.. అమరావతిబ్యూరో/భవానీపురం (విజయవాడ పశ్చిమ): మేయర్‌ కోనేరు శ్రీధర్‌ను ఆ పదవి నుంచి తప్పించాలనే ప్రయత్నాలు మమ్మురమయ్యాయి. స్వపక్ష కార్పొరేటర్లే ఆయన వ్యవహార శైలిపై విసిగి కుర్చీ నుంచి దింపేందుకు రంగం సిద్ధం చేస్తున్నారు. వీరి వెనుక ఎమ్మెల్యే గద్దె, మరో ఎమ్మెల్యేతో పాటు ఎమ్మెల్సీలు ఉండడంతో అతి త్వరలోనే కోనేరుకు పదవీ గండం ఉంటుందని ఆ పార్టీ నేతలే బహిరంగంగా చెబుతున్నారు. నేడు ఎంపీ కేశినేనితో భేటీ మేయర్‌ కోనేరు వ్యవహారశైలిపై దాదాపు 30 మంది కార్పొరేటర్లు ఆదివారం రాత్రి ఎమ్మెల్సీ, టీడీపీ నగర అధ్యక్షుడు బుద్ధా వెంకన్న దగ్గర పంచాయితీ పెట్టిన సంగతి తెలిసిందే. అయితే, ఆయన సమస్యను సీఎం దృష్టికి తీసుకువెళ్తానని చెప్పి వారందరినీ బుజ్జగించినట్లు తెలిసింది. దీంతో వారందరూ సోమవారం ఎంపీ కేశినేని శ్రీనివాస్‌ (నాని) దగ్గరకు వెళదామనుకుంటే ఆయన అందుబాటులో లేక మంగళవారం భేటీ అవ్వాలని నిర్ణయించుకున్నారు. గద్దెతో వైరమే ముసలానికి కారణమా? గతంలో కూడా మేయర్‌ను ఆ సీటు నుంచి తప్పించాలని స్వపక్ష కార్పొరేటర్లు మూకుమ్మడిగా తిరుగుబాటు చేసిన సంగతి తెలిసిందే. ఈ నేపథ్యంలో ఎంపీ నాని చొరవతో ఆ గొడవ సద్దుమణిగింది. అదే సమస్య మళ్లీ పునరావృత్తం కావడంతో  పార్టీ అధిష్టానానికి తలనొప్పిగా తయారైంది. ఎమ్మెల్యే గద్దె రామ్మోహన్‌ కీలక అనుచరుడి హోటల్‌పై అనధికారికంగా ఫ్లోర్‌ వేయించటం, దానిని మేయర్‌ కూలగొట్టించడంతో ముసలం ప్రారంభమైంది. మేయర్‌ వ్యవహారశైలి నచ్చక ఆత్కూరి రవికుమార్, నజీర్‌ హుస్సేన్‌ ఆధ్వర్యంలో అసమ్మతి కార్పొరేటర్లందరూ ఒకచోట సమావేశమయ్యారు. ఇప్పటికి రెండుసార్లు మేయర్‌పై అధిష్టానానికి ఫిర్యాదు చేసినా పట్టించుకోకపోవడంతో ఏం చెయ్యాలనే దానిపై మల్లగుల్లాలు పడ్డారు. టీడీపీ కార్పొరేటర్లు చెన్నుపాటి గాంధీ, జాస్తి సాంబశివరావు వీరందరి వెనుకా ఉండి చక్రం తిప్పుతున్నట్లు తెలుస్తోంది. ఇద్దరూ సీనియర్‌ కార్పొరేటర్లు కావడంతో మిగిలినవారు వారి అడుగుజాడల్లో ముందుకు వెళ్తున్నారు. ఎంపీ నానితో భేటీ అయ్యాక మేయర్‌ వ్యవహారం ముదిరి పాకాన పడుతుందా.. టీ కప్పులో తుపాన్‌ మాదిరిగా తేలిపోతుందో వేచి చూడాలి. ఆరోపణలు అనేకం.. అందరినీ తప్పపడుతున్న ఆయనేమన్నా సత్య హరిశ్చంద్రుడా.. అంటున్నారు అసమ్మతి కార్పొరేటర్లు. కృష్ణా పుష్కరాల సమయంలో కొన్ని కాంట్రాక్టు పనులను ఆయన భార్య నిర్వహిస్తున్న కేఎంకే సంస్థ ద్వారా చేయించారు. ఇద్దరు కాంట్రాక్టర్లను బినామీలుగా పెట్టి మరికొన్ని పుష్కర పనులు చేపట్టారు. ఈ పనులు చేసి ఏడాదిన్నర గడిచినా బిల్లులు పూర్తిస్థాయిలో రాక కొందరు, అసలేమీ రాక మరికొందరు కాళ్లరిగేలా తిరుగుతూ నానా ఇబ్బందులు పడుతున్నారు. మేయర్‌ మాత్రం బినామీల పేర్లతో చేయించిన పనుల బిల్లులను సంబంధిత అధికారులపై ఒత్తిడి తీసుకువచ్చి పూర్తిగా తీసేసుకున్నారు. ఈ విషయంలోనే అకౌంట్స్‌ సెక్షన్‌ అధికారిని పక్కకు తప్పించిన ఘనత కూడా మేయర్‌దేనన్న ఆరోపణలున్నాయి. ఇంజినీరింగ్‌ సెక్షన్‌లో చీఫ్‌ ఇంజినీర్‌ దగ్గర కంప్యూటర్‌ ఆపరేటర్‌ గోపాలకృష్ణ తన పనుల విషయంలో అడ్డం వస్తున్నాడని మేయర్‌ ఆగ్రహించి అతడిని కూడా తప్పించారు. త్వరలో మేయర్‌ కొడుకు పెళ్లికి మున్సిపల్‌ కాంట్రాక్టర్ల ద్వారా భారీగా నిధులు సమీకరించి ఆటోనగర్‌లోని ఒక ప్రైవేట్‌ స్థలంలో భారీ ఎత్తున పెళ్లి ఏర్పాట్లు చేస్తున్నట్లు సమాచారం. అందులో భాగంగానే ఎర్రమట్టి తోలించి, రోలర్‌పెట్టి తొక్కించి చదును చేయించారన్న ఆరోపణలు చేస్తున్నారు. మేయరే కోనేరు శ్రీధర్‌ అవినీతికి పాల్పడుతూ మిగిలినవారిని తప్పుపట్టడాన్ని వారంతా ప్రశ్నిస్తున్నారు.


 ♦ పైచేయి కోసం పదునెక్కిన వ్యూహాలు
 ♦ కార్పొరేషన్‌ కిరీటంపై ఎమ్మెల్యే కొండబాబు కన్ను
 ♦ తన చెప్పుచేతల్లో ఉండే కార్పొరేటర్‌కు పట్టం కట్టేందుకు యత్నాలు
 ♦ ఎమ్మెల్యే చెప్పినవారికిస్తే నియంతృత్వానికి     దారితీస్తుందని ప్రత్యర్థుల యోచన
 ♦ అడ్డుకునేందుకు వ్యూహాత్మకంగా పావులు  
 ♦ డిప్యూటీపై గురిపెట్టిన రూరల్‌ ఎమ్మెల్యే అనంతలక్ష్మి
 ♦  సీల్డ్‌ కవర్‌ ద్వారా వెల్లడించే యోచనలో అధిష్టానం
 
 సాక్షి ప్రతినిధి, కాకినాడ : కాకినాడ కార్పొరేషన్‌ మేయర్‌ ఎన్నిక దగ్గరపడుతున్నకొద్దీ టీడీపీలో ఆధిపత్య పోరు మరింత అధికమవుతోంది. ఇప్పుడా పదవి కోసం నలుగురు పోటీ పడుతున్నారు. అధిష్టానం పెట్టిన షరతులకు రేసులో ఉన్న వారంతా సై అంటున్నారు. డిమాండ్లన్నీ నెరవేర్చేందుకు రెఢీ అవుతున్నారు. దీంతో ఎవర్నెత్తిన కిరీటం పెట్టాలన్న దానిపై తర్జనభర్జన పడుతున్నారు. ఇప్పటికే ప్రతిపాదిత కార్పొరేటర్లపై సర్వే చేసినా ఇంకా స్పష్టత రాలేదు. మరోవైపు ఆశావహుల వెనక ఒక్కో మంత్రి, ఒక్కో ఎమ్మెల్యే ఉండి ఎవరికి వారే పావులు కదుపుతున్నారు. ఇందులో ఎవరిది పైచేయి అవుతుందో తెలియదు గానీ టీడీపీలో మాత్రం మేయర్‌ లొల్లి జోరందుకుంది. డిప్యూటీ మేయర్‌ పదవికి కూడా టీడీపీ నేతలు పట్టు బిగించారు. మేయర్‌ పదవిని అర్బన్‌కిస్తే, డిప్యూటీ మేయర్‌ను రూరల్‌కు ఇవ్వాలని ఎమ్మెల్యే పిల్లి అనంతలక్ష్మి డిమాండ్‌ చేస్తున్నారు.   
 
 డిమాండ్లకు వెరవని ఆశావహులు...
 రాకరాక అవకాశం వచ్చింది. భవిష్యత్తులో ఆదాయ అవకాశాలు మెండుగా ఉన్నాయి. ఈ నేపథ్యంలో వచ్చిన అవకాశాన్ని వదులుకోకూడదనే అభిప్రాయంతో ఆశావహులంతా ఉన్నారు. అధిష్టానం ఎన్ని రూ. కోట్లకు బేరం పెట్టినా, ఎన్ని షరతులు పెట్టినా తలాడించేందుకు ఆశావహులంతా సిద్ధమయ్యారు. ప్రస్తుతం రేసులో 38వ డివిజన్‌ కార్పొరేటర్‌ మాకినీడి శేçషుకుమారి, 28వ డివిజన్‌ కార్పొరేటర్‌ సుంకర పావని, 40వ డివిజన్‌ కార్పొరేటర్‌ సుంకర శివప్రసన్న, 8వ డివిజన్‌ కార్పొరేటర్‌ అడ్డూరి వరలక్ష్మి ఉన్నారు.
 
 తాజాగా ఐదో పేరు ప్రస్తావనకు వచ్చింది. 45వ డివిజన్‌ కార్పొరేటర్‌ కర్రి శైలజ తాజాగా తెరపైకి రావడంతో  ప్రాధాన్యత సంతరించుకుంది.   
 వ్యూహ, ప్రతి వ్యూహాల్లో...
 రేసులో ప్రధానంగా ఉన్న మాకినీడి శేషుకుమారి వెనుక మంత్రి నారాయణ ఉండగా, సుంకరి శివప్రసన్న వెనక మంత్రి యనమల, సుంకరి పావని వెనక ఎంపీ తోట నర్సింహం, పలువురు ఎమ్మెల్యేలు, అడ్డూరి వరలక్ష్మి వెనక ఎమ్మెల్యే వనమాడి వెంకటేశ్వరరావు(కొండబాబు) ఉన్నారు. మంత్రి నారాయణ ప్రతిపాదిస్తున్న వ్యక్తికి మేయర్‌ పదవి దక్కితే స్థానికంగా తమ ఆటలు సాగవని, నారాయణ డైరెక్షన్లోనే పాలన జరుగుతుంద అభిప్రాయంతో శేçషుకుమారి అభ్యర్థిత్వాన్ని జిల్లా నేతలు వ్యతిరేకిస్తున్నట్టు సమాచారం.
 ♦ సుంకరి పావనికిస్తే నగరంలో తనకేమాత్రం విలువ ఉండదని, తన ఆధిపత్యానికి గండి పడుతుందని, ఇతర నేతల పెత్తనం ఎక్కువైపోతుందని, రాజకీయంగా తనకు ఇబ్బందులొస్తాయన్న ఉద్దేశంతో ఎమ్మెల్యే కొండబాబు అడ్డు తగులుతున్నట్టు పార్టీలో పెద్ద ఎత్తున ప్రచారం జరుగుతోంది.
 
 ♦ సుంకరి శివప్రసన్న విషయంలో మంత్రి యనమల తీవ్రంగా ప్రయత్నిస్తున్నప్పటికీ సామాజిక వర్గ వివాదం తలెత్తుతుందని, యనమల ఆధిపత్యం నగరంలో ఎక్కువవుతుందనే కోణంలో ప్రత్యర్థులు పావులు కదుపుతున్నారు. ముఖ్యంగా సామాజిక వర్గ అంశాన్ని ప్రస్తావించి పక్కన పెట్టే ప్రయత్నాలు జరుగుతున్నాయి.  
 
 ♦ అడ్డూరి వరలక్ష్మి విషయంలో ఎమ్మెల్యే వెంకటేశ్వరరావు తీవ్రంగా ప్రయత్నిస్తున్నారు. ఇదే జరిగితే ఎమ్మెల్యే నియంతృత్వ పోకడ మరింత ఎక్కువవుతుందన్న భావనలో మిగిలిన వర్గాలున్నాయి. ఇలా ఒకరినొకరు అంతర్గతంగా దెబ్బకొట్టుకునే ప్రయత్నాలు చేస్తూనే మరోవైపు తమకు కావల్సిన కార్పొరేటర్‌ను మేయర్‌ పీఠంపై కూర్చోపెట్టేందుకు ఎత్తులకు పై ఎత్తులు వేస్తున్నారు.   
 
 డిప్యూటీపై పిల్లి అనంతలక్ష్మి పట్టు...
 నేతలంతా మేయర్‌ పీఠంపై పట్టుబడుతుండగా రూరల్‌ ఎమ్మెల్యే పిల్లి అనంతలక్ష్మి మాత్రం డిప్యూటీపై దృష్టి సారించారు. మేయర్‌ పదవిని అర్బన్‌కిస్తే...డిప్యూటీ పదవిని రూరల్‌కు ఇవ్వాలన్న డిమాండ్‌ను తెరపైకి తీసుకొచ్చారు. అది కూడా తాను సూచించిన వ్యక్తికే ఇవ్వాలని కోరుతున్నారు. ఇప్పటికే అధిష్టానం దృష్టికి తీసుకెళ్లినట్టు తెలిసింది. దీంతో డిప్యూటీపై కూడా అధిష్టానం ఏకపక్షంగా నిర్ణయం తీసుకోలేని పరిస్థితి నెలకుంది.


 జీహెచ్ఎంసీ ఎన్నికల్లో సొంతంగా అధికారం చేపట్టేందుకు కావల్సిన మెజారిటీని సాధిస్తున్న టీఆర్ఎస్.. ఇక తమ మేయర్ అభ్యర్థి ఎవరన్న విషయాన్ని మాత్రం ఇంకా వెల్లడించాల్సి ఉంది. కాంగ్రెస్ లాంటి పార్టీలు ముందుగా తమ మేయర్ అభ్యర్థులను ప్రకటించినా, టీఆర్ఎస్ మాత్రం ఆ దిశగా ఎలాంటి ప్రకటన చేయలేదు. అయితే.. ప్రధానంగా మాత్రం చర్లపల్లి డివిజన్ నుంచి పోటీ చేసిన బొంతు రామ్మోహన్, బంజారాహిల్స్ డివిజన్ నుంచి పోటీ చేసిన ఎంపీ కే.కేశవరావు కూతురు గద్వాల విజయలక్ష్మిల మధ్యే ప్రధానంగా పోటీ ఉన్నట్లు తెలుస్తోంది.
 బొంతు రామ్మోహన్ ముందు నుంచి పార్టీలో చురుగ్గా వ్యవహరించారు. నగరం మొత్తం ఏదోలా తన పేరు వినిపించేలా కార్యక్రమాలు నిర్వహించారు. అలాగే.. కాంగ్రెస్‌ పార్టీలో కీలక పాత్ర పోషించి, అక్కడి నుంచి టీఆర్ఎస్‌కు వచ్చిన సీనియర్ నాయకుడు కె. కేశవరావు కుమార్తె విజయలక్ష్మి బంజారాహిల్స్ నుంచి పోటీ చేశారు. ఆమెకు కూడా సముచిత స్థానం ఇవ్వచ్చనే వాదన వినిపించింది. దీంతో ప్రధానంగా మేయర్ పదవి కోసం ఎక్కువ పోటీ బొంతు రామ్మోహన్, విజయలక్ష్మిల మధ్యే ఉంటుందని తెలుస్తోంది.
 
 మాదాపూర్ డివిజన్ నుంచి గెలిచిన జగదీశ్వర్‌ గౌడ్ పేరు కూడా ఓ దశలో వినిపించింది. అయితే ఆయన ఇటీవలే కాంగ్రెస్ పార్టీ నుంచి టీఆర్ఎస్‌లో చేరారు. మాదాపూర్ నుంచి ఆయన, హఫీజ్‌పేట నుంచి ఆయన భార్య పూజిత కార్పొరేటర్లుగా పోటీ చేశారు.
 
 తాము గెలిస్తే మాజీ మంత్రి ముఖేష్ గౌడ్ కుమారుడు విక్రమ్ గౌడ్ మేయర్ అవుతారని కాంగ్రెస్ పార్టీ ప్రకటించినా.. జాంబాగ్ డివిజన్ నుంచి పోటీ చేసిన విక్రమ్‌గౌడే ఓడిపోయారు.