చైనీస్‌ స్మార్ట్‌ఫోన్‌ దిగ్గజం షావోమి తన లేటెస్ట్‌ బడ్జెట్‌ ఫాబ్లెట్‌ను మార్కెట్లోకి తీసుకొచ్చేసింది. ఎంఐ మ్యాక్స్‌3ను చైనా మార్కెట్‌లోకి ప్రవేశపెడుతున్నట్టు షావోమి ప్రకటించింది. ఎంఐ మ్యాక్స్‌ 2 సక్సెసర్‌గా 14 నెలల తర్వాత ఈ ఫాబ్లెట్‌ను తీసుకొచ్చింది. ఈ ఫాబ్లెట్‌కు 6.9 అంగుళాల ఫుల్‌ హెచ్‌డీ ప్లస్‌ డిస్‌ప్లే, 5500 బ్యాటరీ, డ్యూయల్‌ రియర్‌ కెమెరాలు ప్రత్యేక ఆకర్షణగా ఉన్నాయి. డిస్‌ప్లే నాచ్‌ ఈ హ్యాండ్‌సెట్‌కు లేదు. డార్క్‌ బ్లూ, డ్రీమ్‌ గోల్డ్‌, మెటోరైట్ బ్లాక్ రంగుల్లో ఈ ఫాబ్లెట్‌ను రూపొందించింది.  ఎంఐ మ్యాక్స్‌ 3 ధర, అందుబాటు ఎంఐ మ్యాక్స్‌ 3 చైనాలో 1,699 సీఎన్‌వై(సుమారు రూ.17,300)గా కంపెనీ నిర్ణయించింది. ఇది బేస్‌ వేరియంట్‌ ధర. బేస్‌ వేరియంట్‌కు 4 జీబీ ర్యామ్‌, 64 జీబీ స్టోరేజ్‌ ఉంది. 6 జీబీ ర్యామ్‌, 128 జీబీ ఇన్‌బిల్ట్‌ స్టోరేజ్‌ కలిగిన మరో వేరియంట్‌ ధర 1,999 సీఎన్‌వై(సుమారు రూ.20,400)గా కంపెనీ నిర్ణయించింది. జూలై 20 నుంచి చైనాలో విక్రయానికి రానుంది. ఎంఐ మ్యాక్స్‌ 3 స్పెషిఫికేషన్లు... 6.9 అంగుళాల ఫుల్‌ హెచ్డీ ప్లస్‌ డిస్‌ప్లే క్వాల్‌కామ్‌ ఆక్టా-కోర్‌ స్నాప్‌డ్రాగన్‌ 636 ఎస్‌ఓసీ 4 జీబీ/ 6 జీబీ ర్యామ్‌ వెర్టికల్‌ డ్యూయల్‌ రియర్‌ కెమెరా సెటప్‌ వెనుకవైపు 12 మెగాపిక్సెల్‌ ప్రైమరీ సెన్సార్‌, 5 మెగాపిక్సెల్‌ సెకండరీ సెన్సార్‌ 8 మెగాపిక్సెల్‌ ఫ్రంట్‌ కెమెరా మైక్రో ఎస్డీ కార్డు ద్వారా 256 జీబీ వరకు ఎక్స్‌పాండబుల్‌ మెమరీ డ్యూయల్‌ 4జీ వాయిస్‌ఓవర్‌ ఎల్‌టీఈ సపోర్టు ఫింగర్‌ ప్రింట్‌ సెన్సార్‌ 5500 ఎంఏహెచ్‌ బ్యాటరీ


 చైనాకు చెందిన ప్రముఖ స్మార్ట్‌ఫోన్ల కంపెనీ షియోమి బుధవారం అనూహ్య నిర్ణయాన్ని ప్రకటించింది. తన టాప్‌ ఫ్లాగ్‌షిప్‌ మోడళ్లయిన ఎంఐ నోట్-2, ప్యూచరిస్టిక్‌ ఎం మాక్స్‌ ఫోన్లను భారత్‌లో విడుదల చేయబోమని స్పష్టం చేసింది. అదేవిధంగా నెలకిందట విడుదలైన ఎంఐ 5ఎస్‌ను కూడా భారత్‌లో అమ్మబోమని స్పష్టం చేసింది.
 
 హైఎండ్‌ టెక్నాలజీ, టాప్‌ ఫీచర్లతో కూడిన ఎంఐ నోట్‌-2ను, ప్యూచరిస్టిక్‌ ఎంఐ మాక్స్‌ మోడళ్లను షియోమి బుధవారం చైనాలో విడుదల చేసింది. అయితే, ఎక్కువమొత్తంలో ధర ఉండే తన ఫ్లాగ్‌షిప్‌ మోడళ్లకు భారత్‌లో మార్కెట్‌ చాలా స్పల్పంగా ఉంది. దీనికితోడు భారత్‌లో ఏడాదికి ఒకటే హైఎండ్‌ ఫోన్‌ను విడుదల చేయాలని నిర్ణయం తీసుకోవడంతో ఈ కొత్త మోడళ్లను ఇక్కడ అమ్మడం లేదని కంపెనీ తాజాగా స్పష్టత ఇచ్చింది. షియోమి తాజా నిర్ణయం ఆ కంపెనీ ఫోన్లు ఇష్టపడే భారతీయులకు నిరాశ కలిగించేదే. అయితే, హైఎండ్‌ టెక్నాలజీతో వచ్చిన ఎంఐ-5 ఫోన్‌కు భారత్‌లో పెద్దగా ఆదరణ లభించలేదు. అంతేకాకుండా షియోమి భారత్‌ కన్నా తన ప్రధాన మార్కెట్‌ అయిన చైనాపైనే ఎక్కువ దృష్టి పెట్టాలని నిర్ణయించుకుంది.
 
 ఇతర విదేశీ మార్కెట్ల మీద అంతగా దృష్టి పెట్టడం లేదు. రెండేళ్లుగా భారత్‌ మార్కెట్‌లో ఉన్నా ఫ్లాగ్‌షిప్‌ మోడళ్లకు తమకు పెద్దగా మార్కెట్‌ లేదని, అంతేకాకుండా ఏడాదికి ఒక హైఎండ్‌ ఫోన్‌ను మాత్రమే విడుదల చేయాలన్న నిర్ణయం కారణంగా తమ కొత్త ఫోన్లను భారత్‌కు పంపడం లేదని షియోమి చైనా వ్యవహారాల వైస్‌ ప్రెసిడెంట్‌ హ్యుగో బర్రా వెల్లడించారు. 5.7 అంగుళాల 3డీ టచ్ డిస్ ప్లే.. 23 ఎంపీ బ్యాక్‌ కెమెరా, 12 ఎంపీ ఫ్రంట్ కెమెరాతో అత్యాధునిక ఫీచర్లతో విడుదలైన ఎంఐ నోట్‌-2 ధర చైనా మార్కెట్‌ ప్రకారం సుమారుగా రూ. 27,700 నుంచి రూ. 29,700 మధ్య ఉండే అవకాశముంది.


 ♦ రెండు వేరియంట్లలో ‘మి మ్యాక్స్’..
 ♦ ప్రారంభ ధర రూ.14,999
 ♦ ‘మియి 8’ ఓఎస్‌ను ఆవిష్కరించిన కంపెనీ
 ♦ దీనిద్వారా ఒకే స్మార్ట్‌ఫోన్‌లో 2 వాట్స్‌యాప్ అకౌంట్లు
 
 న్యూఢిల్లీ: చైనా దిగ్గజ మొబైల్ హ్యాండ్‌సెట్స్ తయారీ కంపెనీ ‘షావోమి’ తాజాగా ‘మి మ్యాక్స్’ స్మార్ట్‌ఫోన్‌ను భారత మార్కెట్‌లో ప్రవేశపెట్టింది. కంపెనీ నుంచి వస్తోన్న అతి పెద్ద స్క్రీన్ (6.44 అంగుళాలు) ఉన్న మొబైల్ ఇదే. దీనితోపాటు అప్‌డేటెడ్ ‘మియి 8’ ఆపరేటింగ్ సిస్టమ్‌ను, ‘మి మాగ్జిమస్’ స్మార్ట్‌ఫోన్‌ను కూడా ఆవిష్కరించింది.
  మి మ్యాక్స్: క్వాల్‌కామ్ స్నాప్‌డ్రాగన్ 650, 652 అనే రెండు ప్రాసెసర్ ఆప్షన్లలో లభిస్తుంది. 650 ప్రాసెసర్‌తో 3 జీబీ ర్యామ్, 32 జీబీ మెమరీ వంటి ప్రత్యేకతలను కలిగిన వేరియంట్ ధర రూ. 14,999గా ఉంది. ఇక 652 ప్రాసెసర్‌తో 4 జీబీ ర్యామ్, 128 జీబీ మెమరీ కలిగిన వేరియంట్ ధర రూ.19,999. ఈ ఫోన్‌లో అద్భుతమైన గేమింగ్, మల్టీమీడియా అనుభూతిని కలిగించే అడ్రెనో 510 గ్రాఫిక్స్ చిప్, 4,850 ఎంఏహెచ్ బ్యాటరీ, 16 ఎంపీ రియర్ కెమెరా, 5 ఎంపీ ఫ్రంట్ కెమెరా ఉన్నాయని కంపెనీ తెలిపింది. రెండు వేరియంట్లలో లభ్యమయ్యే ‘మి మ్యాక్స్’ స్మార్ట్‌ఫోన్స్ జూలై 6 నుంచి ‘మి.కామ్’ వెబ్‌సైట్‌లో, ఇతర భాగస్వామ్య వెబ్‌పోర్టల్స్‌లో జూలై 13 నుంచి అందుబాటులోకి వస్తాయి. కంపెనీ వీటి బుకింగ్స్‌ను తన వెబ్‌సైట్‌లో ఇప్పటికే ప్రారంభించింది. ఆండ్రాయిడ్ 6.0 మార్ష్‌మాలో ఆపరేటింగ్ సిస్టమ్ (ఓఎస్)పై పనిచేసే ఈ స్మార్ట్‌ఫోన్లు బంగారం, సిల్వర్, బూడిద రంగుల్లో లభ్యమవుతాయి.
  మియి 8 ఓఎస్: కంపెనీ ‘మి మ్యాక్స్’ స్మార్ట్‌ఫోన్‌తో పాటు పలు కొత్త, అప్‌డేటింగ్ ఫీచర్లతో ‘మియి 8’ ఓఎస్‌ను కూడా ఆవిష్కరించింది. ఇందులో డ్యూయెల్ యాప్స్ (ఒకే స్మార్ట్‌ఫోన్‌తో రెండు వాట్స్‌యాప్, ఫేస్‌బుక్ అకౌంట్లను ఉపయోగించవచ్చు), సెకండ్ స్పేస్ (కంప్యూటర్‌లో పలు యూజర్ అకౌంట్లను ఎలాగైతే పెట్టుకుంటామో అలాగే ఒకే స్మార్ట్‌ఫోన్‌లో రెండు హోమ్‌స్క్రీన్‌లను సెట్ చేసుకోవచ్చు), స్క్రోలింగ్ స్క్రీన్ షాట్స్, క్విక్ బాల్, టీ9 డయలర్ వంటి ఫీచర్లున్నాయని కంపెనీ తెలిపింది. మియి 8 బీటా టెస్టింగ్ జూలై 11న ప్రారంభమవుతుంది. స్టేబుల్ వెర్షన్‌ను ఆగస్ట్ 16 నుంచి అందుబాటులోకి తెస్తారు. సి.మి.కామ్/ఈఎన్.మియి.కామ్ నుంచి మియి 8 బీటా వెర్షన్‌ను డౌన్‌లోడ్ చేసుకోవచ్చు. కంపెనీ ‘మి మాగ్జిమస్’ అనే కొత్త స్మార్ట్‌ఫోన్‌ను కూడా ఆవిష్కరించింది. ఇది వచ్చే ఏడాది మార్కెట్లోకి వస్తుంది.
  మినహాయింపు అక్కర్లేదు..
 సింగిల్ బ్రాండ్ రిటైల్ స్టోర్స్‌కు సంబంధించి విడిభాగాల సమీకరణ నిబంధన నుంచి మినహాయింపు అవసరం లేదని షావోమి పేర్కొంది. సింగిల్ బ్రాండ్ రిటైల్ స్టోర్స్‌ను ఏర్పాటు చేయాలంటే భారత్ నుంచి 30 శాతం వరకూ విడిభాగాలను సమీకరించాలనే నిబంధనను గతంలో ప్రభుత్వం విధించింది. తాము భారత్‌లో విక్రయిస్తున్న స్మార్ట్‌ఫోన్లలో 75 శాతం వరకూ భారత్‌లోనే తయారు చేస్తున్నట్లు కంపెనీ తెలిపింది.  సింగిల్ బ్రాండ్ రిటైల్ స్టోర్ ఏర్పాటు కోసం తాము చేసిన దరఖాస్తు ఇప్పటికీ ప్రభుత్వ పరిశీలనలోనే ఉందన్నారు.
  
  


 ప్రముఖ స్మార్ట్ ఫోన్ల సంస్థ షియోమి తన కొత్త స్మార్ట్ ఫోన్ "మి మ్యాక్స్"ను నేడు భారత మార్కెట్లోకి విడుదలచేయనుంది. అదేవిధంగా ఎమ్ఐయూఐ 8 ను గ్లోబల్ గా లాంచ్ చేయనుంది. న్యూఢిల్లీ ఈవెంట్ గా ఈ ఫోన్లను కంపెనీ ఆవిష్కరించనుంది. షియోమి మి మ్యాక్స్ ను ఈ ఏడాది మేలోనే చైనాలో ఆవిష్కరించింది. 6.44 అంగుళాల ఫుల్ హెచ్ డీ 342పీపీఐ డిస్ ప్లే కల్గిన ఈ స్మార్ట్ ఫోన్ కంపెనీ అన్ని ఫోన్లలో కల్లా అతి పెద్ద స్మార్ట్ ఫోన్. మొత్తం మెటల్ బాడీతో, డార్క్ గ్రే, గోల్డ్, సిల్వర్ రంగుల్లో మి మ్యాక్స్ ను భారత మార్కెట్లోకి తీసుకురాబోతున్నారు.
 
 మి మ్యాక్స్ ను మూడు వేరియంట్లలో చైనాలో ఆవిష్కరించారు.
 1. 3 జీబీ ర్యామ్, 32 జీబీ స్టోరేజ్, 1.8జీహెచ్ జడ్ హెక్సా కోర్ స్నాప్ డ్రాగన్ 650 ప్రాసెసర్.. ధర: దాదాపు రూ.15,000
 3. జీబీ ర్యామ్, 64 జీబీ స్టోరేజ్, 1.8 జీహెచ్ జడ్ ఆక్టా కోర్ స్నాప్ డ్రాగన్ 652 ప్రాసెసర్ .. ధర: దాదాపు రూ.17,000
 3.  4జీబీ ర్యామ్, 128 జీబీ స్టోరేజ్, స్నాప్ డ్రాగన్ 625 ప్రాసెసర్...  ధర: దాదాపు రూ.20,500
 
 అయితే గతంలో మాదిరిగా కేవలం ఒక్క వేరియంట్ నే కంపెనీ భారత్ మార్కెట్లోకి తీసుకొస్తుందని మార్కెట్ వర్గాలు భావిస్తున్నాయి.
 
 షియోమి మి మ్యాక్స్ ఫీచర్లు...
 6.44 అంగుళాల డిస్ ప్లే
 హెక్సా కోర్ ప్రాసెసర్
 1080x1920 పిక్సెల్స్ రెసుల్యూషన్
 ఆండ్రాయిడ్ 6.0.1 ఓఎస్
 3 జీబీ ర్యామ్
 32 జీబీ స్టోరేజ్
 16 మెగాపిక్సెల్ వెనుక కెమెరా
 5 మెగా పిక్సెల్ ముందు కెమెరా
 4850 ఎంఏహెచ్
 డ్యూయల్ సిమ్, 4జీ ఎల్ టీఈ సపోర్టు
 203 గ్రాముల బరువు