ఉస్మానియా యూనివర్సిటీ: ఉస్మానియా వర్సిటీ పరిధిలో ఈనెల 19 నుంచి డిగ్రీ (రెగ్యులర్‌ కోర్సులు) విద్యార్థులకు పరీక్షలు నిర్వహించనున్నట్లు కంట్రోలర్‌ ప్రొ.శ్రీరామ్‌ వెంకటేశ్‌ మంగళవారం వెల్లడించారు. బీఏ, బీకాం, బీఎస్సీ, బీబీఎం 1, 3, 5 సెమిస్టర్‌ పరీక్షల నిర్వహణకు ఏర్పాట్లు చేస్తున్నట్లు తెలిపారు. పరీక్ష ఫీజు చెల్లింపు గడువు ముగిసినట్లు చెప్పారు. వాయిదా పడిన పరీక్షలు వచ్చే నెలలో..  ఆర్టీసీ కార్మికుల సమ్మె, బంద్‌ కారణంగా అక్టోబర్‌ 17, 18, 19 తేదీల్లో జరగాల్సిన వివిధ డిగ్రీ కోర్సుల బ్యాక్‌లాగ్‌ పరీక్షలు (పాత బ్యాచ్‌) వచ్చే నెల నిర్వహించనున్నట్లు కంట్రోలర్‌ తెలిపారు. సెలవు దినాలైన డిసెంబర్‌ రెండో శనివారం, ఆదివారం ఈ పరీక్షలు ఉంటాయని సూచనప్రాయంగా చెప్పారు. పూర్తి వివరాలకు విద్యార్థులు ఉస్మానియా యూనివర్సిటీ వెబ్‌సైట్‌ చూడాలన్నారు.


 ఏలూరు రూరల్‌: జిల్లా హ్యాండ్‌బాల్‌ బాలికల జట్టు చాంపియ న్‌షిప్‌ సాధించింది. ఈ నెల 11, 12 తేదీల్లో శ్రీకాళహస్తిలో నిర్వహించిన సబ్‌ జూనియర్‌ బాలికల జట్టు రాష్ట్ర స్థాయి పోటీల్లో ప్రథమస్థానంలో నిలిచింది. ఆదివారం ఏలూరు ఇండోర్‌ స్టేడియంలో అభినందన కార్యక్రమం జరిగింది. ఈ సందర్భంగా డీఎస్‌డీఓ ఎస్‌ఏ అజీజ్‌ మాట్లాడుతూ నిరంతర సాధన, పట్టుదలతో జిల్లా బాలికలు చాంపియన్లుగా అవతరించారని కొనియాడారు. జిల్లా బాస్కెట్‌బాల్‌ అసోసియేష న్‌ అధ్యక్షుడు పీఆర్‌ లెని న్‌ మాట్లాడుతూ పోటీల్లో జిల్లా క్రీడాకారులు అద్భుత ప్రతిభ కనబర్చారన్నారు. టోర్నీలో సత్తా చాటిన డి.స్వాతి, పి.మల్లిక, సీహెచ్‌ అనూష, కె.పావని, సీహెచ్‌ దుర్గారాణి, డి.రాశి రాష్ట్ర జట్టుకు ఎంపికయినట్టు కార్యదర్శి టి.కొండలరావు తెలిపారు. వీరు త్వరలో ఉత్తరప్రదేశ్‌లో జరిగే జాతీయ సాయ్థి పోటీల్లో పాల్గొంటారని చెప్పారు. విజేతలతో పాటు శిక్షకులు కె. ప్రసన్నకుమారి, ఆర్‌ రవిమోహ న్‌కుమార్‌లను అభినందించారు.