బస్‌ కండక్టర్‌ నుంచి ఇండియన్‌ సూపర్‌స్టార్‌గా రజనీ ప్రయాణం స్ఫూర్తిదాయకం. పక్కా కమర్షియల్‌ కథలాంటి జర్నీ. ఇప్పుడు ఈయన ప్రయాణం ఓ సినిమా కాబోతోందని కోలీవుడ్‌ టాక్‌. రజనీ జీవిత కథను బయోపిక్‌గా తీసుకురావాలని తమిళ దర్శకుడు లింగుస్వామి ప్లాన్‌ చేస్తున్నారట. లింగుస్వామి తమిళంలో తెరకెక్కించిన ‘సండై కోళి’, ‘పయ్యా’ (తెలుగులో ‘పందెం కోడి, ఆవారా’) వంటి సినిమాలు తెలుగులోనూ బాగా ఆడిన సంగతి తెలిసిందే. ఇటీవల ఓ సందర్భంలో ‘రజనీ బయోపిక్‌ చేయాలనుంది. రజనీ పాత్రలో ధనుష్‌ యాక్ట్‌ చేస్తే బావుంటుంది’ అని పేర్కొన్నారు లింగుస్వామి. రెండేళ్లుగా లింగుస్వామి కొత్త ప్రాజెక్ట్‌ ఏదీ ప్రకటించలేదు. తలైవా (నాయకుడా అని అర్థం. రజనీని చాలామంది అలానే పిలుస్తారు) రజనీ బయోపిక్‌కి సంబంధించిన కథ మీదే వర్క్‌ జరుగుతుందనే వార్తలు కూడా వస్తున్నాయి.

‘‘గొప్ప స్నేహితుడికి అర్థం విశాల్‌. తనకు నేను చాలా పెద్ద ఫ్యాన్‌ని. పొల్లాచ్చిలో ‘కృష్ణం వందే జగద్గురుమ్‌’ రెక్కీకి వెళ్లినప్పుడు నాకు రూమ్‌ లేకపోవడంతో విశాల్‌ తన రూమ్‌కి తీసుకెళ్లి, బెడ్‌ నాకు ఇచ్చి, నేలపై పడుకోవడానికి రెడీ అయ్యాడు. పురట్చి దళపతి (విప్లవ సేన నాయకుడు) అని విశాల్‌ను తమిళ ప్రేక్షకులు, అభిమానులు పిలుచుకుంటారు. ఆ పేరు పెట్టుకోవడానికి తనకు అర్హత ఉంది’’ అని డైరెక్టర్‌ జాగర్లమూడి క్రిష్‌ అన్నారు. విశాల్‌ హీరోగా, కీర్తీ సురేశ్, వరలక్ష్మి శరత్‌కుమార్‌ హీరోయిన్లుగా ఎన్‌.లింగుస్వామి దర్శకత్వంలో తెరకెక్కిన చిత్రం ‘పందెంకోడి 2’. ‘ఠాగూర్‌’ మధు సమర్పణలో విశాల్, దవళ్‌ జయంతిలాల్‌ గడా, అక్షయ్‌ జయంతి లాల్‌ గడా నిర్మించిన ఈ సినిమా ఈనెల 18న విడుదలవుతోంది. హైదరాబాద్‌లో ప్రీ రిలీజ్‌ ఫంక్షన్‌ నిర్వహించారు. ఈ చిత్రం ట్రైలర్‌ను నటి లక్ష్మీప్రసన్న, ఆడియో సీడీలను క్రిష్‌ విడుదల చేశారు. ఈ వేడుకలో కొంత మంది రైతులకు విశాల్‌ ఆర్థిక సాయం చేశారు. విశాల్‌ మాట్లాడుతూ– ‘‘నాన్న జి.కె.రెడ్డిగారు, అన్నయ్య విక్రమ్‌ కృష్ణగారి వల్లే ఓ నటుడిగా మీ ముందు గర్వంగా నిలబడి ఉన్నా. ‘పందెంకోడి’ ప్రారంభించే ముందు నేను 25 సినిమాలు చేస్తానని అనుకోలేదు. నేను మరో 25 సినిమాలు చేసేలా నా 25వ సినిమా ‘పందెంకోడి 2’ ఉంటుంది. ‘పందెంకోడి 3’ చేయడానికి మళ్లీ 13 ఏళ్లు కాకుండా పదమూడు నెలల్లో ప్రారంభం అవుతుందనే నమ్మకం ఉంది. ఈ సినిమా సమర్పకులు ‘ఠాగూర్‌’ మధుగారు నా తర్వాతి సినిమా నిర్మాత. నా ప్రతి సినిమాకు టికెట్‌పై ఓ రూపాయి రైతులకే ఇచ్చేస్తాను. ఇప్పుడు ప్రతి ఏడాది వంద సినిమాలకు పైగానే రిలీజ్‌ అవుతున్నాయి. ప్రేక్షకుడు కొనే టికెట్‌లో ఒక రూపాయిని ప్రభుత్వమే తీసుకుని రైతులకు ఖర్చుపెడితే బావుంటుంది. రైతులు, నిర్మాతలు ఒకటే. నాకు థియేటర్‌ గుడి.. ప్రేక్షకులే దేవుళ్లు’’ అన్నారు. ‘‘విశాల్, నా కాంబినేషన్‌లో ‘పందెంకోడి 3’ కూడా చేయాలనుకుంటున్నాం’’ అన్నారు లింగుస్వామి. నిర్మాతలు బీవీఎస్‌ఎన్‌ ప్రసాద్, ‘లగడపాటి’ శ్రీధర్, కె.ఎల్‌.దామోదర్‌ ప్రసాద్, రచయిత ఆకుల శివ, కథానాయికలు కీర్తీ సురేశ్, వరలక్ష్మి శరత్‌కుమార్‌ పాల్గొన్నారు. చిత్ర సమర్పకులు ‘ఠాగూర్‌’ మధు మాట్లాడుతూ– ‘‘పందెం కోడి’ చిత్రానికి ఇది పర్ఫెక్ట్‌ సీక్వెల్‌. ఎత్తుకు పై ఎత్తు వేసి విలన్స్‌ని హీరో ఎలా ఢీ కొన్నాడు అన్నదే కథ. జయాపజయాల నుంచి నేర్చుకోకపోతే ఇండస్ట్రీలో ఉండలేం. డిజిటల్‌ కంటెంట్‌తో థియేట్రికల్‌ రెవెన్యూ తగ్గినా డిజిటల్‌ మార్కెట్‌లో వచ్చే రెవెన్యూ దాన్ని బ్యాలెన్స్‌ చేస్తుంది.  విశాల్‌తో తమిళంలో ‘టెంపర్‌’ రీమేక్‌ చేస్తున్నా. నిఖిల్‌తో చేస్తోన్న ‘ముద్ర’ షూటింగ్‌ పూర్తి కాబోతోంది’’ అన్నారు.

‘అభిమన్యుడు’ సినిమాతో మంచి హిట్‌ కొట్టాడు విశాల్‌. మాస్‌ యాక్షన్‌ సినిమాలను చేస్తూ వచ్చిన విశాల్‌.. డిటెక్టివ్‌, అభిమన్యుడు సినిమాలతో రూటు మార్చి సక్సెస్‌ సాధిస్తూ వస్తున్నాడు. ప్రస్తుతం విశాల్‌ వరుస ప్రాజెక్టులతో బిజీగా ఉన్నాడు.  విశాల్‌ కెరీర్‌లో నిలిచిపోయే హిట్‌ ఇచ్చిన సినిమా పందెంకోడి. ఈ చిత్రానికి సీక్వెల్‌ రాబోతన్న విషయం తెలిసిందే. ఆ మధ్య రిలీజ్‌ చేసిన ‘పందెంకోడి 2’ టీజర్‌కు మంచి స్పందన వచ్చింది. తాజాగా ఈ చిత్రం షూటింగ్‌ను కంప్లీట్‌ చేసుకుంది. ఈ మూవీలో మొదటి సాంగ్‌ను రేపు రిలీజ్‌ చేయనున్నారు. కీర్తి సురేష్‌ హీరోయిన్‌గా నటిస్తోన్న ఈ సినిమాలో వరలక్ష్మి ఓ కీలకపాత్రలో నటిస్తున్నారు. లింగుస్వామి దర్శకత్వం వహించిన ఈ సినిమా అక్టోబర్‌ 19న ప్రేక్షకుల ముందుకు రానుంది. విశాల్‌ ‘టెంపర్‌’ తమిళ రీమేక్‌లో నటించనున్న సంగతి తెలిసిందే.  Mass Hero @VishalKOfficial's #Sandakozhi2 / #PandemKodi2 shoot completed #Vishal25@dirlingusamy @KeerthyOfficial @varusarath @VffVishal pic.twitter.com/1Z1Cm7rrMW — BARaju (@baraju_SuperHit) 18 August 2018

‘మహానటి’ సినిమాతో కీర్తి సురేష్‌ నటిగా అందరిని మెప్పించారు. సినీ ప్రముఖులే కాక విమర్శకుల ప్రశంసలను కూడా పొందారు. మహానటి తరువాత ఏ తెలుగు ప్రాజెక్టులను ఓకే చేయని కీర్తి.. తమిళ సినిమాలతో బిజీగా ఉన్నారు.  తమిళంలో విక్రమ్‌, విజయ్‌, విశాల్‌ సినిమాల్లో నటిస్తున్నారు. వీటిలో విశాల్‌ పందెంకోడి 2 అక్టోబర్‌ 18న రాబోతున్న విషయం తెలిసిందే. కీర్తి ఇదే విషయాన్ని చెబుతూ.. ‘నా బర్త్‌డే (అక్టోబర్‌ 17) అయిన వెంటనే ఈ సినిమా రిలీజ్‌ కాబోతోందం’టూ.. హ్యాపిగా నవ్వుతున్న ఎమోజీలను ట్వీట్‌ చేశారు. ఎన్‌ లింగుస్వామి దర్శకత్వంలో రాబోతోన్న ఈ మూవీని విశాల్‌ ఫిల్మ్‌ ఫ్యాక్టరీ, లైకా ప్రొడక్షన్స్‌ సంయుక్తంగా నిర్మిస్తోంది.  #Sandakozhi2 releasing on October 18th! Right after my birthday !!😄 yaaayyyy #neverendingcelebrations @dirlingusamy sir @VishalKOfficial @VffVishal pic.twitter.com/EE49LOzzIm — Keerthy Suresh (@KeerthyOfficial) July 13, 2018

విశాల్‌ పందెంకోడి సినిమాతో తెలుగు ప్రేక్షకులకు దగ్గరయ్యారు. ఇటీవలె వరుస విజయాలతో దూకుడు మీదున్నారు విశాల్‌. గతేడాది వచ్చిన డిటెక్టివ్‌, గత నెల వచ్చిన అభిమన్యుడు వరుసగా విజయవంతమయ్యాయి. తాజాగా మరో సినిమాను విడుదలకు సిద్దం చేశారు ఈ హీరో. దాదాపు పదమూడేళ్ల క్రితం వచ్చిన పందెంకోడి సినిమా విశాల్‌కు మంచి గుర్తింపును తీసుకువచ్చింది. మళ్లీ ఇన్నేళ్ల తరువాత ఈ సినిమాకు సీక్వెల్‌ను రూపొందించారు. ఈ సినిమాలో విశాల్‌కు జోడిగా కీర్తి సురేష్‌ నటిస్తున్నారు. ఎన్‌ లింగుస్వామి డైరెక్షన్‌లో రాబోతున్న ఈ సినిమా అక్టోబర్‌ 18న విడుదల కానున్నట్లు విశాల్‌ తెలిపారు. తెలుగులో ఘన విజయం సాధించిన టెంపర్‌ రీమేక్‌లో విశాల్‌ నటిస్తున్నారు.  Yes finally got the approval fm #Tfpc. #Sandakozhi2 N #pandemkodi2 all set for a grand worldwide release simultaneously in both languages on #oct18th. Pooja holidays.single track soon.#penmedia @LycaProductions @KeerthyOfficial @varusarath @dirlingusam @thisisysr @SonyMusicSouth pic.twitter.com/ZhHbHfyLw5 — Vishal (@VishalKOfficial) July 9, 2018