తమిళ సినిమా: సగటు ప్రేక్షకుడికి కావలసినంత వినోదాన్ని పంచి అదే సమయంలో ఆలోసింపజేసే చిత్రంగా బ్రహ్మ.కామ్‌ ఉంటుందని ఆ చిత్ర దర్శకుడు పురుష్‌ విజయ్‌ తెలిపారు. మెలినా కార్తికేయన్‌ నిర్మించిన ఈ చిత్రం లో నకుల్‌ హీరోగా నటించారు. ఆయనకు జంటగా ఆస్నాజవేరి నటించగా సిద్ధార్థ్‌ విపిన్, దర్శకుడు కే.భాగ్యరాజ్, నటి నీతూచంద్ర,కౌశల్య, ముట్టై రాజేంద్రన్‌  ముఖ్య పాత్రలను పోషించారు. ఇటీవలే ఆడియో ఆవిష్కరణ కార్యక్రమాన్ని జరుపుకున్న ఈ చిత్రం ఈ నెల 15వ తేదీన తెరపైకి రావడానికి సిద్ధమవుతోంది.  ఈ సందర్భంగా చిత్ర వివరాలను దర్శకుడు తెలుపుతూ భగవంతుడిని అందరూ ఏదోఒకటి కోరుతూనే ఉంటారన్నారు. అయితే ఆయన సృష్టించిన మనకి ఏమేం చేయాలో ఆయనకు తెలియదా?అనే కాన్సెప్ట్‌తో తెరకెక్కించిన చిత్రం బ్రహ్మ.కామ్‌  అని తెలిపారు. ఇది పూర్తి స్థాయి వినోదంతో కూడిన చిత్రమే అయినా ఆలోచింపజేసే సన్నివేశాలు చాలానే ఉంటాయన్నారు. హీరో నకుల్‌ ఒక యాడ్‌ ఫిలిం డర్శకుడున్నారు. నటి ఆస్నాజవేరి మోడల్‌ అని, సిద్ధార్థ్‌ విపిన్‌ యాడ్‌ కంపెనీ నిర్వాహకుడిగా నటించారని తెలిపారు. నకుల్, సిద్ధార్థ్‌ విపిన్‌లిద్దరూ ఆస్నాజవేరిని ప్రేమిస్తుంటారని చెప్పారు. దర్శకుడు కే.భాగ్యరాజ్‌ దేవుడిగా నటించారన్నారు.దేవుడంటే కిరీటం ధరించి కాకుండా సాధారణ మనిషిలానే కనిపిస్తారని, ఆయన్ని నకుల్‌ ఎప్పుడూ ఎదో ఒకటి అడుగుతూ చేసే గోల ప్రేక్షకులను అలరిస్తుందన్నారు. ఇక నటి నీతూచంద్ర చిత్రంలోనూ నటిగానే నటించి ఒక గ్లామరస్‌ పాత్రలోనూ కనువిందు చేయనున్నారని దర్శకుడు తెలిపారు. చిత్రం ఈ నెల 15న తెరపైకి రానుందని తెలిపారు. 


 ఒక్క అమెరికన్ టీవీ షోతో ప్రియాంకా చోప్రా కెరీర్ ఇప్పుడు పీక్ స్టేజ్‌లోకెళ్లిపోయింది. ఈ టీవీ షో పుణ్యమా అని  ఓ భారతీయ నటి హోర్డింగ్స్ అమెరికాలో వాడవాడలా వెలిశాయి. ఈ షో తర్వాత ప్రియాంకకు హాలీవుడ్ చిత్రాలకు అవకాశం వస్తోంది. ఈవిడగారికి వచ్చిన క్రేజ్ చూసి, ఇప్పుడు హాలీవుడ్‌లో ఏ చిన్న అవకాశం వచ్చినా వదిలిపెట్టకూడదని కొంతమంది బాలీవుడ్ తారలు ఫిక్స్ అయ్యారు. ఆ మాటకొస్తే... ప్రియాంకకు వచ్చినట్లుగా ఏ అమెరికన్ టీవీ షోకి అవకాశం వచ్చినా ఎగిరి గంతేసి ఒప్పేసుకోవాలనుకుంటున్నారు. నీతూచంద్ర కూడా అలానే ఫిక్సయ్యారేమో.. అందుకే ఓ అమెరికన్ టీవీ షో ఒప్పేసుకున్నారు. తెలుగులో ‘గోదావరి’ చిత్రంతో మంచి గుర్తింపు తెచ్చుకున్న నీతు ఆ తర్వాత హిందీ చిత్రాలు చేస్తున్నారు. ఇప్పుడు ఈ హాలీవుడ్ షోతో బిజీ అయిపోయారు. ‘‘ఈ షోలో నాది లీడ్ రోల్. వినోద ప్రధానంగా సాగే షో ఇది. ఇందులో వచ్చే సన్నివేశాలు కడుపుబ్బా నవ్విస్తాయి. నాకిది ఓ మంచి ఎక్స్‌పీరియన్స్’’ అని నీతూ చంద్ర పేర్కొన్నారు.
  


 బాయ్‌ఫ్రెండ్‌తో ఐదేళ్లు సావాసం చేశానంటోంది నటి నీతూచంద్ర. కోలీవుడ్‌లో యావరుం నలమ్, తీరాద విలైయాట్టు పిల్లై, ఆదిభగవాన్ చిత్రాల్లో నటించిన ఈ బ్యూటీపై పలు వదంతులు ప్రచారంలో వున్నాయి. వీటిపై నీతూచంద్రా స్పందిస్తూ తాను తీహార్ భామనని అంది. మాతృభాష భోజ్‌పురి అని చెప్పింది. భోజ్‌పురి భాషా చిత్రాలు అశ్లీలం అనేఅపవాదును తొలగించాలనే తలంపుతో తానే సొంతంగా దేశ్వ అనే చిత్రాన్ని నిర్మించానని తెలిపింది. 
  
  ఆ చిత్రం 8 అంతర్జాతీయ చలన చిత్రోత్సవాల్లో ప్రదర్శితమైనట్లు వివరించింది. అసలు ఇండియన్ మనోరమ చలన చిత్రోత్సవాల్లో ప్రదర్శింపబడిన తొలి భోజ్‌పురి చిత్రం ఇదేనని పేర్కొంది. తనపై  వదంతుల గురించి అడుగుతున్నారని అలాంటివి తాను ఇష్టపడనని అంది. తన భాయ్‌ఫ్రెండ్‌తో ఐదే ళ్లు సావాసం చేశానని, తమ గురించే అలాంటి వదంతులు ప్రచారం అవుతున్నాయని తెలుసని చెప్పింది. తన వరకు ఒక పని అనుకుంటే అందులో పూర్తిగా ఇన్‌వాల్వ్ అవుతానని అంది. ఈ బ్యూటీ బాయ్‌ఫ్రెండ్ అని చెబుతున్న బాలీవుడ్ నటుడు రణదీప్‌హుడాతో మనస్పర్థల కారణంగా విడిపోయిందన్నమాట.