ఎన్టీఆర్‌లో నెగటివ్‌ యాంగిల్‌ ఎలా ఉంటుందో చూపించిన చిత్రం ‘జై లవ కుశ’. ఆ చిత్రంలో ‘జై’ పాత్రలో విలన్‌గా విజృంభించారు ఎన్టీఆర్‌. పాజిటివ్‌ షేడ్స్‌ ఉన్న లవ, కుశలో హీరోయిజం చూపించారు. తాజాగా మరోసారి ఎన్టీఆర్‌ నెగటివ్‌ షేడ్‌ ఉన్న రోల్‌లో కనిపించనున్నారని టాక్‌. అది కూడా హిందీ తెరపై. బాలీవుడ్‌ యశ్‌ రాజ్‌ ఫిలింస్‌ స్పై ఫ్రాంచైజీలోని ‘వార్‌’ సినిమాకు సీక్వెల్‌గా ‘వార్‌ 2’ తెరకెక్కనున్న సంగతి తెలిసిందే. (చదవండి: నాన్న చనిపోయాక అప్పు తీర్చలేక ఆస్తులమ్మేశాం: శివ బాలాజీ ) హృతిక్‌ రోషన్, ఎన్టీఆర్‌ ప్రధాన పాత్రధారులుగా అయాన్‌ ముఖర్జీ దర్శకత్వంలో ఈ చిత్రం తెరకెక్కనుంది. ఇందులో ఎన్టీఆర్‌ పాత్రకు కాస్త నెగటివ్‌ షేడ్స్‌ ఉంటాయని, అలాగే ఆయన పాత్ర నెగటివ్‌గా ఎందుకు మారుతుంది? అనేదానికి ఓ బలమైన కారణం ఉండేలా అయాన్‌ ముఖర్జీ స్క్రిప్ట్‌ను రెడీ చేస్తున్నారని బాలీవుడ్‌ టాక్‌. ఈ చిత్రంలో కథానాయికల పాత్రల కోసం దీపికా పదుకోన్, శర్వరీ వాఘ్‌ల పేర్లు తెరపైకి వచ్చాయి. (చదవండి: పారిపోయి పెళ్లి చేసుకున్న డైరెక్టర్‌, అప్పటి క్షణాలను తలుచుకుంటూ.. ) అత్యంత భారీ బడ్జెట్‌తో ఆదిత్యా చోప్రా ఈ సినిమాను నిర్మించనున్నారు. ఈ ఏడాది చివర్లో రెగ్యులర్‌ షూటింగ్‌ను ఆరంభించాలని అనుకుంటున్నారట. ఇక ప్రస్తుతం దర్శకుడు కొరటాల శివతో సినిమా చేస్తున్నారు ఎన్టీఆర్‌. హైదరాబాద్‌లో ఈ సినిమా షూటింగ్‌ జరుగుతోంది. ఓ యాక్షన్‌ సీక్వెన్స్‌ను చిత్రీకరిస్తున్నారు. వచ్చే ఏడాది ఏప్రిల్‌ 5న ఈ చిత్రం విడుదల కానుంది.

తమిళసినిమా: అందం, అభినయానికి మారు పేరు నటి ఐశ్వర్యారాయ్‌. కథానాయికగా హిందీ, తెలుగు, తమిళం వంటి భాషా చిత్రాల్లో నటించి మేటి నటిగా పేరు తెచ్చుకున్నారు. దర్శకుడు మణిరత్నం కోలీవుడ్‌కు పరిచయం చేసిన నటి ఐశ్వర్యారాయ్‌ అన్న విషయం తెలిసిందే. ఆమె మణిరత్నంను గురువుగా భావిస్తారు. కాగా కథానాయకిగా పరిచయం చేసిన ఆయనే ఐశ్వర్యారాయ్‌ను ఇప్పుడు ప్రతినాయకిగా చూపిస్తూ ఆమెలోని నటిని మరో కోణాన్ని ఆవిష్కరించే ప్రయత్నం చేస్తున్నట్లు తాజా సమాచారం. మణిరత్నం ఏ చిత్రాన్ని చేసినా దాంట్లో ప్రత్యేకత ఖచ్చితంగా ఉంటుంది. అలా తాజాగా ఆయన తెరకెక్కిస్తున్న భారీ చారిత్రాత్మక కథా చిత్రం పొన్నియన్‌ సెల్వన్‌. ఇందులో విక్రమ్, కార్తీ, జయంరవి, జయరాం, ఐశ్వర్యారాయ్, త్రిష వంటి ప్రముఖ తారాగణం నటిస్తున్నారు. మణిరత్నం మద్రాస్‌ టాకీస్‌ సంస్థ, లైకా ప్రొడక్షన్స్‌ సంస్థతో కలిసి నిర్మిస్తున్న ఈ చిత్రానికి ఏఆర్‌ రెహమాన్‌ సంగీతం, రవివర్మ ఛాయాగ్రహణం అందిస్తున్నారు. రెండు భాగాలుగా రూపొందుతున్న ఈ చిత్రం తొలి భాగాన్ని సెప్టెంబర్‌ 30వ తేదీన తమిళం, తెలుగు, హిందీ, మలయాళం, కన్నడం భాషల్లో విడుదల చేయడానికి సన్నాహాలు చేస్తున్నారు. కాగా ఇందులో నటి ఐశ్వర్యారాయ్‌ ద్విపాత్రాభినయం చేస్తున్నట్లు, అందులో ఒకటి ప్రతినాయిక పాత్ర అని తాజాగా సామాజిక మాధ్యమాల్లో ప్రచారం జరుగుతోంది. ఫొటోలు సోషల్‌ మీడియాలో వైరల్‌ అవుతున్నాయి. దీంతో పొన్నియన్‌ సెల్వన్‌ చిత్రంపై అంచనాలు, ఆసక్తి మరింత పెరుగుతున్నాయి.  

Pandya Store Actress Simran Budharup Gets Rape Threats Because Of Role: ఇటీవల అత్యధిక పాపులారిటీ సంపాందించుకున్న షోలలో 'పాండ్యా స్టోర్‌' ఒకటి. ఇందులో రిషితా ద్వివేది పాండ్యా పాత్రను నటి సిమ్రాన్‌ బుధారుప్‌ పోషించింది. అయితే ఈ పాత్ర కారణంగా నిజ జీవితంలో తనకు ఎదురైన బెదిరింపు సంఘటనలను తాజాగా తెలిపింది సిమ్రాన్‌. సోషల్‌ మీడియా వేదికగా తనకు అత్యచారం, చంపేస్తామని బెదిరింపులు వచ్చాయని చెప్పుకొచ్చింది. ఆ బెదిరింపులు తట్టుకోలేక చివరికీ వారిపై ఎఫ్‌ఐఆర్‌ కూడా నమోదు చేశానని ఆవేదన వ్యక్తం చేసింది. ఇటీవల ఇచ్చిన ఓ ఇంటర్వ్యూలో తను ఎదుర్కొన్న బెదిరింపుల గురించి ఆసక్తికర విషయాలు తెలిపింది సిమ్రాన్‌ బుధారుప్‌.  'పాండ్యా సోర్ట్‌ షోలో లీడ్‌ రోల్స్‌ అయిన రవి, దేవ్‌ మధ్య సంబంధాన్ని విడగొట్టే పాత్ర నాది. ఇది చూసిన ప్రేక్షకులు నన్ను దుర్బాషలాడడం మొదలు పెట్టారు. యువకులు, బాలికల సమూహం సోషల్ మీడియాలో అత్యచారం, చావు బెదిరింపులతో వేధించింది. వారు సుమారు 13-14 ఏళ్ల మధ్య వయసు గల పిల్లలే. చదువు కోసమని వారి తల్లిదండ్రులు ఫోన్ల్‌ ఇచ్చారు. కానీ ఆ పిల్లలు మాత్రం తల్లిదండ్రుల నమ్మకాన్ని దుర్వినియోగం చేశారు. వారికి ఏది మంచి ఏది చెడు అనేది తెలియదు. అందుకే వారు ఇలా చేశారు. పరిస్థితులు దిగజారడంతో తప్పలేక పోలీసులకు ఫిర్యాదు ఇచ్చాను. పిల్లలు మంచి, చెడుల మధ్య తేడాను అర్థం చేసుకోలేరు. కాబట్టి వారిని ఎప్పుడూ తల్లిదండ్రులు గమనిస్తూ ఉండాలి.' అని సిమ్రాన్ తెలిపింది.  చదవండి: ముసలిదానివైపోతున్నావ్‌.. అంటూ అనసూయపై కామెంట్లు తెలుగు అబ్బాయిని పెళ్లి చేసుకునేలా ఉన్నావని నాన్న అన్నారు: సాయి పల్లవి ఇప్పుడు నా అప్పులన్నీ తీర్చేస్తా: కమల్‌ హాసన్‌

Samantha Negative Role In Kaathu Vaakula Rendu Kadhal Movie: స్టార్‌ హీరోయిన్‌ సమంత అందం, అభినయంతో సినీ ప్రేక్షకుల్ని మంత్రముగ్ధుల్ని చేస్తుంది. 'ఫ్యామిలీ మ్యాన్‌ 2' హిందీ వెబ్‌ సిరీస్‌కు ముందు గ్లామర్‌ పాత్రలతో అలరించిన సామ్‌ ఈ సిరీస్‌తో తన నటనేంటో నిరూపించింది. ఈ సిరీస్‌తో జాతీయ స్థాయిలో వినపడిన సమంత పేరు ఇంటర్నేషనల్‌ రేంజ్‌కు పాకింది. ఇక నుంచి తాను నటనకు ప్రాధాన్యమున్న ఛాలేంజింగ్‌ రోల్స్‌ చేస్తానని చెప్పిన సంగతి తెలిసిందే. అందుకు తగినట్లుగానే పాత్రలను సెలెక్ట్ చేసుకుంటుంది సామ్‌. హాలీవుడ్‌ మూవీ 'అరెంజ్‌మెంట్స్‌ ఆఫ్‌ లవ్‌' సినిమాలో తాను బై-సెక్సువల్‌ యువతి పాత్ర పోషిస్తున్న విషయాన్ని తానే ప్రకటించింది.  ఇదీ చదవండి: ఏం చేయగలను.. వారిని ఇంతవరకూ చూడలేదు: సమంత అయితే తాజాగా తాను మరో ఛాలేంజింగ్‌ పాత్ర చేస్తున్నట్లు వార్తలు వినిపిస్తున్నాయి. సమంత మరో నెగెటివ్‌ పాత్రలో అలరించనుందట. తమిళ స్టార్‌ హీరో విజయ్ సేతుపతి, అందాల అభినయం నయన తారతో కలిసి సమంత నటిస్తున్న చిత్రం 'కాత్తువాక్కుల రెండు కాదల్‌'. ఇందులో నయన తారకు సమానమైన పాత్రలో సామ్‌ నటించనుందట. విఘ్నేష్‌ శివన్‌ డైరెక్ట్‌ చేస్తున్న ఈ సినిమాలో ఊహించని రీతిలో 'ఖతిజా'గా సామ్‌ నెగెటివ్ షేడ్స్‌లో ఆకట్టుకోనుందని సమాచారం. ఈ పాత్రలో సమంత యాక్టింగ్‌ సూపర్‌గా ఉందని కోలీవుడ్‌ సినీ వర్గాలు గుసగుసలాడుతున్నాయట. విజయ్ సేతుపతి, నయన తార ప్రేమాయణానికి అడ్డుపడి సమంత తన విలనిజంతో కథను మలుపు తిప్పనుందట. అయితే ఈ వార్తల్లో ఎంతవరకూ నిజం ఉందో తెలియాల్సి ఉంది. ఒకవేళ ఇదే నిజమైతే ఇప్పటికే 'ఫ్యామిలీ మ్యాన్‌ 2'లో రాజీగా ఆకట్టుకున్న సామ్‌ ఈ సినిమాలో ఎలాంటి విలనిజం చూపెట్టనుందో వేచి చూడాలి.  ఇదీ చదవండి: 'ఊ అంటావా' సాంగ్‌ పూర్తి వీడియో వచ్చేసింది.. చూశారా !

హీరోయిన్లు రూటు మార్చారు. ఒకప్పుడు గ్లామర్‌కే ప్రాధాన్యమిచ్చే హీరోయిన్స్‌ ఈ మధ్యకాలంలో నటనకే తమ ఫస్ట్‌ ప్రియారిటీ అంటున్నారు. భారీ రెమ్యునరేషన్‌ ఆఫర్‌ చేసినా పాత్ర నచ్చితేనే చేస్తాం అని తెగేసి చెబుతున్నారు. డీ గ్లామరస్‌ లుక్‌లోనూ కనిపించి నటనకే పెద్ద పీట వేస్తాం అంటున్నారు. మరోవైపు మొన్నటి వరకు స్టార్‌ హీరోయిన్లుగా నటించిన భామలు కాస్య వయసు పెరిగాక అక్క, వదిన, తల్లి, ప్రతినాయిక పాత్రలు చేయడానికి కూడా వెనకడుగు వేయడం లేదు. తాజాగా ఈ జాబితాలోకి నటి సిమ్రాన్‌ కూడా వచ్చి చేరారు. ఒకప్పుడు చిరంజీవి, వెంకటేష్, బాలకృష్ణ, నాగార్జున వంటి స్టార్‌ హీరోలతో జత కట్టిన సిమ్రాన్ ఇటీవలె సెకండ్‌ ఇన్నింగ్స్‌ ప్రారంభించింది. ప్రస్తుతం నటనకు ఆస్కారమున్న వైవిధ్యమున్న పాత్రలనే ఎంచుకుంటుంది. తాజాగా కోలీవుడ్‌ స్టార్‌ హీరో కార్తి నటిస్తున్న “సర్దార్” అనే చిత్రంలో నెగిటివ్‌ రోల్‌ చేయనుందనే ప్రచారం జరగుతుంది. దీనిపై త్వరలోనే అధికారిక ప్రకటన రానుందని తెలుస్తోంది. యాక్షన్ థ్రిల్లర్ నేపథ్యంలో సాగనున్న ఈ చిత్రంలో రజిషా విజయన్, రాశి ఖన్నా హీరోయిన్లుగా నటిస్తున్నారు. ఇక సిమ్రాన్‌ పాత్ర ఈ సినిమాలో కీలకంగా మారుతుందని టాక్‌ వినిపిస్తోంది. పిఎస్ మిత్రాన్ దర్శకత్వం వహించనున్న ఈ సినిమా షూటింగ్‌ వచ్చే నెలలో ప్రారంభం కానుందని సమాచారం.  చదవండి : హీరోగా ఎంట్రీ ఇవ్వనున్న జూనియర్‌ ఎన్టీఆర్‌ బావమరిది ఘనంగా శంకర్‌ కూతురి వివాహం, హాజరైన సీఎం

ఆర్ ఎక్స్ 100 సినిమాతో హీరోయిన్‌గా ఎంట్రీ ఇచ్చింది పాయల్‌ రాజ్‌పుత్‌. మొదటి సినిమాతోనే డేరింగ్ స్టెప్‌ తీసుకొని నెగటివ్‌ షేడ్‌లో కనిపించింది. తన అందంతో కుర్రాళ్ల మనసు కొళ్లగొట్టిన ఈ భామ సినిమాల కంటే హాట్‌ ఫోటో షూట్‌లతో యూత్‌లో బాగా క్రేజ్‌ సంపాదించుకుంది. వెంకీమామ, డిస్కో రాజా వంటి సినిమాల్లో నటించినా ఈ అమ్మడికి పెద్దగా అవకాశాలు రాలేదు. అనగనగా ఓ అతిథి సినిమాలో డీ గ్లామర్‌ పాత్రలో కనిపించి మంచి మార్కులు కొట్టేసింది. ఆహాలో రిలీజైన ఈ సినిమా పాజిటివ్‌ టాక్‌ సంపాదించుకున్న పాయల్‌కు మాత్రం పెద్ద సినిమాలేవీ రాలేదు. దీంతో ఇప్పుడు వెబ్‌ సిరీస్‌ చేయడానికి సై అంటుంది ఈ ఢిల్లీ భామ. అంతేకాకుండా ఇందులో నెగిటివ్‌ రోల్‌ చేయనుందట. ఆహాలో రానున్న ‘త్రీ రోజెస్’ అనే వెబ్‌ సిరీస్‌లో పాయల్‌ పాత్ర చాలా ఇంట్రెస్టింగ్‌గా ఉండనున్నట్లు సమాచారం. త్వరలోనే ఈ వెబ్‌ సిరీస్‌ స్ర్టీమింగ్‌ కానుంది. దీంతో మొదటి సినిమాతోనే నెగిటివ్‌ రోల్‌తో హిట్‌ కొట్టిన పాయల్‌ వెబ్‌ సిరీస్‌తోనూ ఆకట్టుకుంటుందా అన్నది చూడాల్సి ఉంది. మొత్తానికి ఈ ముద్దుగుమ్మకు నెగిటివ్‌ షేడ్‌ కలిసొచ్చేలా ఉంది.  చదవండి : పాయల్‌ నెంబర్‌ చెప్పండంటూ ఆమె ప్రియుడికి రిక్వెస్ట్‌

తెలుగింటి అమ్మాయిలా కనిపించే కేరళ కుట్టి పూర్ణ.. ‘అవును’, ‘లడ్డుబాబు’, ‘అవును 2’ వంటి చిత్రాలతో టాలీవుడ్‌లో మంచి గుర్తింపు పొందింది. ప్రస్తుతం నెగిటివ్‌ రోల్‌ చేయడానికి సైతం రెడీ అయిపోయింది. విజయ్‌ కుమార్‌ కొండ దర్శకత్వంలో రాజ్‌ తరుణ్‌ హీరోగా నటించిన సినిమా పవర్ ప్లే.  కోట శ్రీనివాస రావ్‌, ప్రిన్స్‌, అజయ్‌, పూజా రామ్‌చంద్రన్‌ ముఖ్య పాత్రలు పోషించిన ఈ చిత్రంలో పూర్ణ విలన్‌గా నటించింది. మొదటిసారి నెగిటివ్‌ రోల్‌ చేస్తున్న పూర్ణ..ఈ సినిమాలో డ్రగ్స్‌కు బానిసైన వ్యక్తిగా కనపించనున్నారు. సినిమా ప్రమోషన్లలో భాగంగా ఏర్పాటు చేసిన మీడియా సమావేశంలో మాట్లాడిన పూర్ణ..ఈ సినిమాతో తాను కొత్తగా కనిపిస్తానని, మొదటిసారి నెగిటివ్‌ రోల్‌ పోషిస్తున్నట్లు చెప్పింది. ఇందులో డ్రగ్‌ అడిక్ట్‌గా కనిపిస్తానని, ఇందుకోసం చాలా కష్టపడ్డానని, డ్రగ్స్‌ ఎలా తీసుకోవాలో తనకు తెలియక పోవడంతో షూటింగ్‌ సమయంలో కొంత ఇబ్బంది పడ్డానని చెప్పుకొచ్చింది. ఈ సినిమాలో ముక్కుతో డ్రగ్‌ను పీల్చే సన్నివేశాలు ఉంటాయని, అయితే డ్రగ్స్‌ ఎలా తీసుకుంటారో తెలియక ఒక్కోసారి ఆ పౌడర్‌ ముక్కులోకి వెళ్లిపోయేదని తెలిపింది. ఈ క్రమంలో సెట్‌లో ఉన్న ఓ నటుడు డ్రగ్‌ను ఎలా పీల్చాలో నేర్పించాడని, అది చాలా హెల్ప్‌ అయ్యిందని చెప్పింది. థ్రిల్లర్ జానర్‌లో తెరకెక్కిన ఈ సినిమా నేడు (మార్చి5)న విడుదల అయ్యింది. చదవండి : (రియా.. నిన్ను చాలా మిస్సవుతున్నా: సోనం) (మీపై ఎంత ప్రేమ ఉందో మాటల్లో చెప్పలేను!)  

ఇప్పటివరకూ ఎన్నో విభిన్నమైన పాత్రలతో అలరించారు సమంత. తాజాగా తనలోని విలనీ యాంగిల్‌ చూపించడానికి రెడీ అయ్యారు. మనోజ్‌ బాజ్‌పాయ్, ప్రియమణి ముఖ్య పాత్రల్లో రాజ్, డీకే దర్శకత్వం వహించిన వెబ్‌ సిరీస్‌ ‘ఫ్యామిలీ మ్యాన్‌’. ఈ షోకి విపరీతమైన స్పందన లభించింది. సెకండ్‌ సీజన్‌లో సమంత కూడా భాగమయ్యారు. ఇందులో విలన్‌ పాత్రలో నటించారు సమంత. ఆమెది టెర్రరిస్ట్‌ పాత్ర అని తెలిసింది. షూటింగ్‌ పూర్తయింది. తన పాత్రకు సంబంధించిన డబ్బింగ్‌ను గురువారం మొదలుపెట్టారు సమంత. ‘‘ఫ్యామిలీ మ్యాన్‌: సీజన్‌ 2’కు డబ్బింగ్‌ ప్రారంభించాను. సిరీస్‌ చాలా అద్భుతంగా వచ్చింది. ప్రేక్షకులందరూ రెడీగా ఉండండి. మిమ్మల్నందర్నీ ఓ క్రేజీ రైడ్‌కు తీసుకెళ్లనుంది మా ‘ఫ్యామిలీ మ్యాన్‌’ టీమ్‌. ఇలాంటి పాత్రకు నన్ను ఎంచుకున్నందుకు థ్యాంక్యూ రాజ్, డీకే’’ అన్నారు సమంత. త్వరలోనే అమేజాన్‌ ప్రైమ్‌లో ఈ వెబ్‌ సిరీస్‌ స్ట్రీమ్‌ కానుంది. 

ఇన్ని సంవత్సరాలుగా ఐశ్వర్యా రాయ్‌ను రకరకాల పాత్రల్లో చూశాం. అందం, అభినయం బ్యాలెన్స్‌ చేస్తూ  గుర్తుండిపోయే రోల్స్‌ చేశారామె. అయినా నటిగా ఆమె దాహం తీరలేదు. లేటెస్ట్‌గా ఐష్‌ తనలోని కొత్త కోణాన్ని బయటకు తీసుకురానున్నారని తెలిసింది. ఆమె నెగటివ్‌ రోల్‌లో కనిపించనున్నారట. తమిళ ఫేమస్‌ నవల పొన్నియిన్‌ సెల్వన్‌ ఆధారంగా మణిరత్నం ఓ భారీ మల్టీస్టారర్‌ ప్లాన్‌ చేసిన సంగతి తెలిసిందే. విక్రమ్, శింబు, జయం రవి, కార్తీ, నయనతార, అమలా పాల్‌ ముఖ్య పాత్రల్లో నటించనున్నారట. ఇందులో ఐశ్వర్యా రాయ్‌ పాత్రకు నెగటివ్‌ షేడ్స్‌ ఉంటాయని తెలిసింది. అధికార దాహం కలిగిన రాణి పాత్రలో ఐష్‌ నటించనున్నారట. చోళుల సామ్రాజ్యం చుట్టూ ఈ కథ సాగనుంది. ఈ ఏడాది చివర్లో ఈ సినిమా సెట్స్‌ మీదకు వెళ్లనుంది.


 
 యంగ్ టైగర్ ఎన్టీఆర్ ప్రస్తుతం బాబీ దర్శకత్వంలో జై లవకుశ సినిమాలో నటిస్తున్న సంగతి తెలిసిందే. ప్రస్తుతం సెట్స్ మీద ఉన్న ఈ సినిమాలో ఎన్టీఆర్ త్రిపాత్రాభినయం చేస్తున్నాడు. అందులో ఒకటి నెగెటివ్ రోల్ అన్న ప్రచారం జరుగుతోంది. అయితే తాజాగా ఎన్టీఆర్ నెగెటివ్ రోల్ కు సంబంధించిన లుక్ ఇదేనంటూ సోషల్ మీడియాలో కొన్ని ఫోటోలు హల్ చల్ చేస్తున్నాడు. అయితే అవి ఎన్టీఆర్ ఫోటోలు కాదు. అచ్చు ఎన్టీఆర్ లా కనిపిస్తున్న మాస్క్లు.
 
 జై లవకుశ షూటింగ్ ప్రారంభానికి ముందు లార్డ్ ఆఫ్ ద రింగ్స్ ట్రయాలజీకి వర్క్ చేసిన ప్రఖ్యాత హాలీవుడ్ మేకప్ ఆర్టిస్ట్ వాన్స్ గార్ట్ వెల్, ఎన్టీఆర్ కోసం హైదరాబాద్ వచ్చాడు. ఎన్టీఆర్ లుక్ విషయంలో ఎన్నో డిజైన్స్ తరువాత ఫైనల్ గా ఈ లుక్ ను ఫిక్స్ చేశారట. ఇప్పటికే ఈ సినిమాపై భారీ అంచనాలు ఉండగా.. తాజాగా రిలీజ్ అయిన ఫోటోలతో ఆ ఎక్స్పెక్టేషన్స్ మరింత పెరుగుతున్నాయి. ఎన్టీఆర్ ఆర్ట్స్ బ్యానర్ పై కళ్యాణ్ రామ్ నిర్మిస్తున్న ఈ సినిమాను ఆగస్టు 11న రిలీజ్ చేసేందుకు ప్లాన్ చేస్తున్నారు.


 ‘‘నేను హ్యాండ్‌సమ్‌గా ఉన్నాను... నా బాడీ కత్తిలా ఉంది’’ అని చెప్పుకునేవాళ్లు ఎక్కువమందే ఉంటారు. కానీ, ‘నాకున్న లుక్స్‌కీ, నా బాడీ లాంగ్వేజ్‌కీ ఇంత దూరం రావడమే చాలా ఎక్కువ’ అని తమను తాము తక్కువ చేసుకుని చెప్పేవాళ్లు మాత్రం తక్కువమంది ఉంటారు. అల్లు అర్జున్ రెండో కోవకు చెందుతారు. ఆ మధ్య ‘సాక్షి’తో మాట్లాడుతూ.. తాను సుమారుగా ఉంటాననీ, బాడీ లాంగ్వేజ్ అంతంత మాత్రం అని బన్నీ అన్నారు. ఏదో అలా అన్నారు కానీ, ఏ పాత్ర చేస్తే ఆ పాత్రకు తగ్గట్టుగా బాడీ లాంగ్వేజ్ మార్చేసుకోవడం బన్నీ స్టైల్. ‘గంగోత్రి’ నుంచి మొన్నటి ‘సరైనోడు’ వరకూ తీసుకుంటే..
 
 సినిమా సినిమాకీ నటుడిగా ఎదిగిన వైనం, హ్యాండ్‌సమ్‌గా తయారైన వైనం కూడా స్పష్టంగా తెలుస్తుంది. నటుడిగా కూడా భేష్ అనిపించుకున్నారు. హీరోగా పాజిటివ్ షేడ్‌ని మాత్రమే కాదు.. ‘ఆర్య-2’లో నెగటివ్ షేడ్స్‌నీ అద్భుతంగా ఆవిష్కరించారు. విలనీ టచ్ ఉన్న పాత్రలకు కూడా బన్నీ బాగా పనికొస్తారని చెప్పడానికి ‘ఆర్య-2’ ఒక్కటి చాలు. ఇప్పుడు పూర్తి స్థాయి విలన్‌గా తనను చూసే అవకాశం ఉందన్నది ఫిలింనగర్ టాక్. తమిళ దర్శకుడు లింగుస్వామి దర్శకత్వంలో బన్నీ ఓ చిత్రం చేయనున్నారనే వార్త వచ్చిన విషయం తెలిసిందే.
 
 ఈ చిత్రంలో బన్నీ ద్విపాత్రాభినయం చేయనున్నారట. ఒకటి హీరో.. మరోటి విలన్ పాత్ర అని భోగట్టా. ఇప్పటివరకూ మనం చూసిన బన్నీ వేరు.. ఈ సినిమాలో కనిపించబోయే బన్నీ వేరు అని వినికిడి. మరి.. నిజంగానే లింగుస్వామి దర్శకత్వంలో బన్నీ సినిమా ఉంటుందా? ఒకవేళ ఉన్నా హీరో, విలన్.. ఇలా రెండు పాత్రలు చేస్తారా? అనే ప్రశ్నలకు సమాధానం దొరకాలంటే జస్ట్ కొన్ని రోజులు ఆగాల్సిందే.


 వరుసగా 50 కోట్ల సినిమాలతో సంఛలనం సృష్టిస్తున్న స్టార్ హీరో అల్లు అర్జున్ రిస్క్ చేయడానికి రెడీ అవుతున్నాడు. సరైనోడు సినిమాతో భారీ బ్లాక్బస్టర్ సాధించిన బన్నీ, ఇప్పటి వరకు తన నెక్ట్స్ సినిమాను ప్రారంభించలేదు. ప్రస్తుతం ఫ్యామిలీతో కలిసి హాలీడేస్ ఎంజాయ్ చేస్తున్న బన్నీ, అదే సమయంలో తన నెక్ట్స్ సినిమాను ఫైనల్ చేసే ఆలోచనలో ఉన్నాడు.
 
 ఇప్పటికే తమిళ దర్శకుడితో బైలింగ్యువల్ సినిమా ఉంటుదని చెప్పిన అల్లు అర్జున్, లింగుసామి డైరెక్షన్లో ఓ యాక్షన్ డ్రామాలో నటించడానికి రెడీ అవుతున్నాడు. అయితే ఈ సినిమాకు సంబందించి ఓ ఇంట్రస్టింగ్ న్యూస్ టాలీవుడ్ సర్కిల్స్లో వినిపిస్తోంది. సూర్య 24 సినిమా తరహాలో లింగుసామి సినిమాలో అల్లు అర్జున్ హీరోగా, విలన్గా ద్విపాత్రాభినయం చేయనున్నాడట.
 
 ప్రస్తుతానికి అఫీషియల్ ఎనౌన్స్మెంట్ లేకపోయినా దాదాపుగా ఇదే సినిమా కన్ఫామ్ అన్న టాక్ వినిపిస్తోంది. మరి స్టార్ ఇమేజ్ ఉన్న ఫ్యామిలీ నుంచి వచ్చిన బన్నీ నెగెటివ్ రోల్లో నటిస్తే ఫ్యాన్స్ ఎలా రిసీవ్ చేసుకుంటారో చూడాలి.


 ప్రియాంకా చోప్రా మంచి జోరు మీద ఉన్నారు. అమెరికన్ టీవీ సిరీస్ ‘క్వాంటికో’తో విదేశాల్లోనూ పాపులర్ అయిన ఈ బ్యూటీ ఇప్పుడు  ‘బేవాచ్’ అనే హాలీవుడ్ చిత్రంలో నటించడానికి గ్రీన్ సిగ్నల్ ఇచ్చేశారు. ఇందులో ఆమె నెగటివ్ రోల్ చేయనున్నారు. ఒకవైపు హిందీ చిత్రాల్లోనూ నటిస్తున్నారు. ఇంత బిజీగా ఉన్నప్పటికీ నిర్మాతగా ఏకంగా మూడు సినిమాలు ప్రకటించేశారు. ఆ చిత్రాల వివరాలు తెలుసుకుందాం...
  
 ♦ ‘పర్పల్ పెబెల్ పిక్చర్స్’పై ప్రియాంకా చోప్రా వరుసగా సినిమాలు తీయాలనుకుంటున్నారు. ఒక్క భాషకే ఈ సంస్థను పరిమితం చేయాలనుకోవడంలేదామె. స్టార్స్‌తో పాటు నూతన నటీనటులతో కూడా సినిమాలు తీయాలనుకుంటున్నారు. ప్రస్తుతానికి భోజ్‌పురి, పంజాబీ, మరాఠీ భాషల్లో ఒక్కో చిత్రం నిర్మించనున్నారు.
  
  
 ♦ ‘భమ్ భమ్ బోలో రహా హై కాశీ’ పేరుతో భోజ్‌పురి చిత్రం రూపొందనుంది. భోజ్‌పురి సూపర్ స్టార్ నిరాహౌ, ఆమ్రపాలి దూబే జంటగా ఈ చిత్రం రూపొందనుంది. ఓ క్లాసిక్ లవ్‌స్టోరీతో ఈ చిత్రాన్ని తెరకెక్కించనున్నారు. ఈ నెలలోనే చిత్రం షూటింగ్ ప్రారంభం కానుంది. వేసవిలో విడుదల చేయాలనుకుంటున్నారు.
  
 ♦ హిందీ చిత్రం ‘ఫెరారీ కీ సవారీ’ దర్శకుడు రాజేశ్ మపుస్కర్ దర్శకత్వంలో ‘వెంటిలేటర్’ పేరుతో ఓ మరాఠీ చిత్రం నిర్మించనున్నారు. ఇందులో మరాఠీ పరిశ్రమకు చెందిన పలువురు సీనియర్ తారలతో పాటు కొత్త నటీనటులు, రంగస్థల కళాకారులు కూడా నటించనున్నారు. ఫిబ్రవరిలో ఈ చిత్రం షూటింగ్ ప్రారంభించి, వినాయక చవితి సందర్భంగా సెప్టెంబర్‌లో విడుదల చేయడానికి ప్లాన్ చేస్తున్నారు.
  
 ♦ ‘ఏక్ ఓంకార్’ పేరుతో ఓ పంజాబీ చిత్రాన్ని నిర్మించనున్నారు. పంజాబీ పరిశ్రమకు చెందిన ఓ సూపర్ స్టార్‌తో ఈ చిత్రం తీయాలనుకుంటు న్నారు. అంబర్‌దీప్ సింగ్ రాసిన కథతో ఈ చిత్రానికి కరణ్ గులియాని దర్శకత్వం వహించనున్నారు. తన మూలాలను వెతుక్కుంటూ ఇండియా వచ్చే ఓ ఎన్నారై కుర్రాడి కథతో ఈ చిత్రం సాగుతుంది. మార్చిలో చిత్రీకరణ ఆరంభించి, గురునానక్ జయంతి సందర్భంగా నవంబర్‌లో ఈ చిత్రాన్ని విడుదల చేయాలనుకుంటున్నారు.
  
 ♦ ఇలా ఒకేసారి మూడు చిత్రాలు ప్రకటించారంటే ప్రియాంక ఎంత పకడ్బందీగా ప్లాన్ చేసుకున్నారో ఊహించుకోవచ్చు. ఇంకా యాడ్ ఫిలింస్, టీవీ సీరియల్స్ కూడా తీయాలనుకుంటున్నారు ప్రియాంక.