అర్యాన్ గౌర, మిస్తీ చక్రవర్తి జంటగా నటించిన చిత్రం ‘ఓ సాథియా’. జులై 7న థియేటర్స్‌లో విడుదలైన ఈ సినిమాకు ప్రేక్షకుల నుంచి మంచి స్పందన లభించింది. ముఖ్యంగా యూత్‌ ఆడియన్స్‌ని బాగా ఆకర్షించింది. ఇప్పుడు ఈ చిత్రం అమెజాన్ ప్రైమ్ లో ఆరు భాషల్లో స్ట్రీమింగ్ అవుతుంది. స్ట్రీమింగ్ అవుతుంటున్న మొదటి రోజు నుంచే ఈ చిత్రానికి ఓటీటీ ప్రేక్షకుల నుంచి పాజిటివ్‌ స్పందన వచ్చింది. ఇప్పటికి 50 మిలియన్ మినిట్స్ స్ట్రీమింగ్ తో అన్ స్టాపబుల్ గా నిలించింది.  కేవలం తెలుగు భాషలోనే కాకుండా ఇతర భాషల్లో కూడా మంచి వ్యూస్ సంపాదించుకుంది. ఓ సాథియా కథేంటంటే.. బీటెక్‌ చదువుతున్న అర్జున్‌( ఆర్యన్‌ గౌర), అదే కాలేజీకి చెందిన కీర్తి (మిస్తీ చక్రవర్తి)తో తొలి చూపులోనే ప్రేమలో పడతాడు. అర్జున్‌ అంటే నచ్చని మరో స్టూడెంట్‌ కూడా కీర్తిని ఇష్టపడతాడు. ప్రేమిస్తున్నానని ఆమె వెంటపడుతుంటాడు. అతని టార్చర్‌ నుంచి బయటపడేందుకు అర్జున్‌తో లవ్‌ ఉన్నట్లు అబద్దం చెబుతుంది. అలా అర్జున్‌, కీర్తి బాగా క్లోజ్‌ అవుతారు. ఓ రోజు కిర్తికి ప్రపోజ్‌ చేద్దామని ఆమెకు ఫోన్‌ చేయగా.. స్విచ్ఛాఫ్‌ వస్తుంది. ఇంటికి వెళ్లి చూస్తే తాళం వేసి ఉంటుంది. అసలు కీర్తి ఎక్కడికి వెళ్లింది? ఆమె కోపం పిచ్చొడిలా మారిన అర్జున్‌ తిరిగి ఎలా సాధారణ స్థితిలోకి వచ్చాడు? కీర్తి హైదరాబాద్‌లో ఉంటుందని తెలిసి.. ఆమె చదువుకునే కాలేజీలోనే జాయిన్‌ అయిన అర్జున్‌కు ఎలాంటి పరిస్థితులు ఎదురయ్యాయి? కీర్తి ప్రేమను పొందడం కోసం ఆయన చేసిన ప్రయత్నాలు ఏంటి? చివరకు అర్జున్‌ ఏ స్థితిలో కీర్తిని కలుస్తాడు? మళ్లీ కలిసిన తర్వాత వీరు మళ్లీ ప్రేమించుకుంటారా? అసలు వీరిద్దరిలో ఎవరు, ఎవరిని ప్రేమిస్తున్నారు? అనేదే మిగతా కథ.   

టైటిల్‌: ఓ సాథియా నటీనటులు: ఆర్యన్‌ గౌరా, మిస్తీ చక్రవర్తి, దేవీ ప్రసాద్, కల్పలత, ప్రమోదిని తదితరులు నిర్మాణ సంస్థ: తన్విక–జస్విక క్రియేషన్స్‌ నిర్మాతలు: సుభాశ్‌ కట్టా, చందన కట్టా దర్శకత్వం:దివ్యభావన సంగీతం: విన్నూ వినోద్‌ సినిమాటోగ్రఫీ: ఈజే వేణు విడుదల తేది: జులై 7, 2023 కథేంటంటే బీటెక్‌ చదువుతున్న అర్జున్‌( ఆర్యన్‌ గౌర), అదే కాలేజీకి చెందిన కీర్తి (మిస్తీ చక్రవర్తి)తో తొలి చూపులోనే ప్రేమలో పడతాడు. అర్జున్‌ అంటే నచ్చని మరో స్టూడెంట్‌ కూడా కీర్తిని ఇష్టపడతాడు. ప్రేమిస్తున్నానని ఆమె వెంటపడుతుంటాడు. అతని టార్చర్‌ నుంచి బయటపడేందుకు అర్జున్‌తో లవ్‌ ఉన్నట్లు అబద్దం చెబుతుంది. అలా అర్జున్‌, కీర్తి బాగా క్లోజ్‌ అవుతారు. ఓ రోజు కిర్తికి ప్రపోజ్‌ చేద్దామని ఆమెకు ఫోన్‌ చేయగా.. స్విచ్ఛాఫ్‌ వస్తుంది. ఇంటికి వెళ్లి చూస్తే తాళం వేసి ఉంటుంది. అసలు కీర్తి ఎక్కడికి వెళ్లింది? ఆమె కోపం పిచ్చొడిలా మారిన అర్జున్‌ తిరిగి ఎలా సాధారణ స్థితిలోకి వచ్చాడు? కీర్తి హైదరాబాద్‌లో ఉంటుందని తెలిసి.. ఆమె చదువుకునే కాలేజీలోనే జాయిన్‌ అయిన అర్జున్‌కు ఎలాంటి పరిస్థితులు ఎదురయ్యాయి? కీర్తి ప్రేమను పొందడం కోసం ఆయన చేసిన ప్రయత్నాలు ఏంటి? చివరకు అర్జున్‌ ఏ స్థితిలో కీర్తిని కలుస్తాడు? మళ్లీ కలిసిన తర్వాత వీరు మళ్లీ ప్రేమించుకుంటారా? అసలు వీరిద్దరిలో ఎవరు, ఎవరిని ప్రేమిస్తున్నారు? అనేదే మిగతా కథ.  ఎలా ఉందంటే..  ప్రతి వ్యక్తికి తొలి ప్రేమ అనేది చాలా స్పెషల్‌. ఆ మధుర జ్ఞాపకాలు హృదయాల్లో చిర స్థాయిగా నిలిచిపోతాయి. అప్పట్లో చేసిన అల్లరి, చిలిపి పనులు.. ఎమోషనల్ మూమెంట్స్ ఎప్పటికీ మదిలో మెదులుతూనే ఉంటాయి. సరిగ్గా అదే పాయింట్ తీసుకొని ఈ సినిమాను రూపొందించారు దర్శకురాలు దివ్య భావన. తొలి ప్రేమ అనుభవం ఉన్న ప్రతి ఒక్క వ్యక్తి కనెక్ట్ అయ్యే విధంగా ఆసక్తికర సన్నివేశాలతో ఈ మూవీ రూపొందించారు. దర్శకురాలు ఎంచుకున్న ఈ లవ్‌స్టోరీ పాయింట్‌ కొత్తదని చెప్పలేం. కానీ సున్నితమైన ప్రేమ కథను చాలా సున్నితంగా చూపించారు. ఫస్టాఫ్‌ అంతా కాలేజీ ఎపిసోడ్స్‌లో రొటీన్‌గా సాగుతుంది. మధ్య మధ్యలో వచ్చే పాటలు ఆకట్టుకుంటాయి. ఇక . ఇక సెండాఫ్‌లో కథ సాగదీసినట్లుగా అనిపిస్తుంది. చివరి 15 నిమిషాలు అయితే హృదయాలను హత్తుకుంటాయి. అర్జున్‌, కీర్తిల లవ్‌స్టోరీలోని ట్విస్ట్‌ తెలిశాక.. అంతా ఎమోషనల్‌గా కనెక్ట్‌ అవుతారు. సినిమాలో ఎక్కువగా కొత్తవాళ్లు ఉండడం ఈ సినిమాకు మైనస్‌.  ఎవరెలా చేశారంటే..  ప్రేమించిన అమ్మాయి కోసం ఏదైనా చేసే యువుడు అర్జున్‌గా ఆర్యన్‌ గౌర చక్కగా నటించాడు. కొత్తవాడే అయినా ఎక్కడ తడబడలేదు. అయితే అతని డబ్బింగ్‌ మాత్ర కాస్త ఇబ్బందిగా అనిపించింది. ఇక కీర్తిగా మిస్తీ చక్రవర్తి  తనదైన నటనతో ఆకట్టుకుంది. తెరపై చాలా అందంగా కనిపించింది. చైతన్య గరికపాటి కామెడీ బాగా వర్కౌట్ అయింది. దేవీ ప్రసాద్, అన్నపూర్ణమ్మ, శివన్నారాయణ,, క్రేజి ఖన్నా, బుల్లెట్‌ భాస్కర్, అంబరీష్‌ అప్పాజి తదితరులు తమ పాత్రల పరిధిమేర నటించారు.  ఇక సాంకేతిక విషయానికొస్తే.. విన్నూ వినోద్‌ సంగీతం  బాగుంది. పాటలు వినసొంపుగా, హృదయాలను హత్తుకునేలా ఉన్నాయి. బీజీఎం పర్వాలేదు. డైలాగ్స్‌ బాగున్నాయి.  సినిమాటోగ్రఫీ, ఎడిటర్‌ పనీతీరు పర్వాలేదు. నిర్మాణ విలువలు చాలా ఉన్నతంగా ఉన్నాయి.   

ఆర్యన్  గౌర, మిస్తీ చక్రవర్తి జంటగా నటించిన లవ్‌స్టోరీ ‘ఓ సాథియా’. దివ్య భావన దర్శకత్వంలో చందన కట్టా, సుభాష్‌ కట్టా నిర్మించారు. యూఎఫ్‌ఓ మూవీస్‌ సంస్థ ఈ సినిమాను ఈ నెల 7న విడుదల చేయనుంది. ‘‘లవ్‌స్టోరీలో ఓ డిఫరెంట్‌ యాంగిల్‌ను తీసుకుని ఈ సినిమాను తెరకెక్కించాం. ప్రతి వ్యక్తి జీవితంలో మెమొరబుల్‌గా నిలిచే ఫస్ట్‌ లవ్‌ కాన్సెప్ట్‌తో రూపొందిన ఈ సినిమా ప్రేక్షకులను అలరిస్తుంది’’ అని చిత్ర యూనిట్‌ పేర్కొంది.

ఆర్యన్‌  గౌర, మిస్తీ చక్రవర్తి జంటగా దివ్య భావన దర్శకత్వం వహించిన చిత్రం ‘ఓ సాథియా’. చందన కట్టా, సుభాష్‌ కట్టా నిర్మించిన ఈ చిత్రం జూలై 7న విడుదలవుతోంది. ఈ చిత్రం ట్రైలర్‌ని నిర్మాత కేఎస్‌ రామారావు విడుదల చేసి, ‘‘సినిమా పెద్ద హిట్టవ్వాలి’’ అన్నారు. ‘‘ఆర్యన్‌ గౌర తన గురించి చెప్తుంటే నా తొలి సినిమా కష్టాలు గుర్తొచ్చాయి’’ అన్నారు డైరెక్టర్‌ త్రినాథరావు నక్కిన. ‘‘మా సినిమా చూసి ప్రేక్షకులు చక్కని చిరునవ్వుతో థియేటర్‌ నుంచి బయటికొస్తారు’’ అన్నారు ఆర్యన్‌ గౌర. ‘‘నా గురువు విజయేంద్ర ప్రసాద్‌ గారివల్లే నేను ఇక్కడ ఉన్నాను. సరికొత్త ప్రేమకథగా రూపొందించిన చిత్రం ‘ఓ సాథియా’’ అన్నారు దివ్య భావన. ‘‘మా సినిమా చూశాక అందరికీ తమ తొలి ప్రేమ గుర్తుకొస్తుంది’’ అన్నారు సుభాష్‌ కట్టా.

ఆర్యన్‌గౌరా, మిస్టీ చక్రవర్తి జంటగా నటించిన  ప్రేమకథా చిత్రం ‘ఓ సాథియా’.  ఈ మూవీతో దివ్య భావన దర్శకురాలిగా పరిచయం అవుతున్నారు. చందన కట్టా, సుభాష్‌ కట్టా నిర్మాతలుగా వ్యవహరించారు. అన్ని కార్యక్రమాలు పూర్తి చేసుకున్న ఈ మూవీ జూలై 7న పాన్‌ ఇండియా లెవెల్‌లో భారీగా విడుదల కాబోతోంది. (చదవండి: మెగా ప్రిన్సెస్‌ రాకతో చిరు ఏం చేయబోతున్నాడంటే..?) ఓ సాథియా చిత్రం విడుదల తేది ప్రకటించిన తర్వాత  నిర్మాత సుభాష్‌ మాట్లాడుతూ.. చిన్న సినిమా అయినా పెద్ద బ్యాక్‌అప్‌తో పాన్‌ ఇండియా స్థాయిలో సినిమా విడుదల కావడానికి ముఖ్య కారణం యూఎఫ్‌ఓ( UFO) మూవీస్ సంస్థ ఏపీ, తెలంగాణ వైస్‌ ప్రెసిడెంట్‌  జి.లక్ష్మణ్‌ అని చెప్పారు. ఈ సినిమా కి పాటలు బ్యాక్ బోన్ అని, ఈ సినిమాని పాన్ ఇండియా స్థాయిలో రిలీజ్ చేసేందుకు మేము సపోర్ట్ చేస్తామని ఆయన ముందుకొచ్చినట్లు నిర్మాత సుభాష్ చెప్పారు.    

జీ జాంబి ఫేం ఆర్యాన్ గౌర, మిస్తీ చక్రవర్తి హీరోహీరోయిన్‌గా నటించిన తాజా చిత్రం ‘ఓ సాథియా’. ప్రేమకథలో కూడా ఓ డిఫరెంట్ పాయింట్ టచ్ చేస్తూ ఈ సినిమా తెరకెక్కిస్తున్నారు. తన్విక జశ్విక క్రియేషన్స్ బ్యానర్ మీద చందన కట్టా 'ఓ సాథియా' అనే చిత్రాన్ని నిర్మిస్తుండగా.. దివ్యా భావన దర్శకత్వం వహిస్తున్నారు. ఇప్పటికే షూటింగ్ కంప్లీట్ చేసుకున్న ఈ మూవీ పోస్ట్ ప్రొడక్షన్ కార్యక్రమాలు చివరి దశలో ఉన్నాయి. ఈ నేపథ్యంలో చిత్ర ప్రమోషన్స్ వేగవంతం చేసి తాజాగా ఈ మూవీ ఓ బ్యూటిఫుల్ మెలోడీ సాంగ్ రిలీజ్ చేశారు.  నేల మీద లేనే ఆ మాట నువ్వు చెప్పగానే.. అంటూ సాగిపోతున్న ఈ మెలోడియస్ సాంగ్ యూత్ ఆడియన్స్ కనెక్ట్ అయ్యేలా ఉంది. ప్రేయసిపై ఘాడంగా ప్రేమిస్తున్న ప్రేమికుడి ఫీలింగ్స్ అన్నీ ఈ పాటలో కనిపిస్తున్నాయి. సాంగ్ టేకింగ్, పాటకు తగిన విజువల్స్ అట్రాక్ట్ చేస్తున్నాయి. అనంత శ్రీరామ్ రాసిన లిరిక్స్ పై  వినోద్ కుమార్ (విన్ను) కట్టిన బాణీలు ఈ పాటకు మేజర్ అసెట్ అయ్యాయి. హీరోహీరోయిన్లపై ఎంతో నాచురల్‌గా చిత్రీకరించిన కొన్ని సన్నివేశాలు ఈ సాంగ్ లెవెల్ పెంచేశాయని చెప్పుకోవచ్చు. 

ప్రేమకథా చిత్రాలకు యూత్‌ ఆడియన్స్‌ నుంచి ఎప్పుడూ మంచి రెస్పాన్సే ఉంటుంది. అందుకే మేకర్లు లవ్ స్టోరీలను తెరకెక్కించేందుకు మక్కువ చూపుతుంటారు. ఈ కోవలోకే ఇప్పుడు ఓ సాథియా అనే సినిమా కూడా రాబోతోంది. అయితే ఈ సినిమాకు దర్శకనిర్మాతలిద్దరూ మహిళలే కావడం విశేషం. తన్విక జశ్విక క్రియేషన్స్ బ్యానర్ మీద చందన కట్టా 'ఓ సాథియా' అనే చిత్రాన్ని నిర్మిస్తుండగా.. దివ్యా భావన దర్శకత్వం వహిస్తున్నారు. ‘జీ జాంబీ’ఫేమ్‌ ఆర్యాన్‌ గౌర,  మిస్తీ చక్రవర్తి హీరో హీరోయిన్లుగా నటిస్తున్నారు.  ఈ మూవీ పోస్ట్ ప్రొడక్షన్ కార్యక్రమాలు చివరి దశలోకి వచ్చాయి. త్వరలోనే ఈ సినిమా ప్రేక్షకుల ముందుకు రాబోతోంది. ఈ చిత్రాన్ని త్వరలోనే విడుదల చేసేందుకు సన్నాహాలు చేస్తున్నామని మేకర్లు ప్రకటించారు. ఇప్పటికే ఓ సాథియా నుంచి వచ్చిన ప్రమోషనల్ కంటెంట్‌ సోషల్ మీడియాలో ఎంతగానో ఆదరణను దక్కించుకుంది. త్వరలోనే సినిమా విడుదల తేదిని ప్రకటిస్తామని మేకర్స్‌ తెలిపారు.