స్టార్‌ హీరోయిన్‌ సమంత అనారోగ్య పరిస్థితిని తెలుసుకొని ఇండస్ట్రీ ఉలిక్కిపడింది. కొంతకాలంగా మయోసైటిస్‌ అనే అరుదైన వ్యాధితో బాధపడుతున్నట్లు స్వయంగా సమంత వెల్లడించిన సంగతి తెలిసిందే.ఎప్పుడూ యాక్టివ్‌గా కనిపించే సామ్‌ ఇలా అనారోగ్యం బారిన పడటం, కోలుకోవడానికి తాను అనుకున్న దానికంటే ఎక్కువ సమయమే పడుతుందంటూ ఆమె ఎమోషనల్‌ పోస్ట్‌ చేయడంతో సినీ తారలు సహా నెటిజన్లు షాక్‌కి గురయ్యారు. ఈ క్రమంలో గ్లామర్‌ ఇండస్ట్రీ వెనుక అందాలు మాత్రమే కాదు.. అరుదైన వ్యాధులతో ఇబ్బందులు పడుతున్న హీరోయిన్స్‌ బోలెడంత మంది ఉన్నారు. మరి ఆ హీరోయిన్స్‌ గురించి ఓసారి తెలుసుకుందాం. ఇలియానా దేవదాస్‌ సినిమాతో టాలీవుడ్‌కు పరిచయమై గోవా బ్యూటీ ఇలియానా. తొలి సినిమాతోనే గ్లామరస్‌ బ్యూటీగా క్రేజ్‌ సంపాదించుకున్న ఇల్లూ బేబీ టాలీవుడ్‌ టాప్‌ హీరోలతో నటించింది. ఒకానొక దశలో సౌత్ ఇండియాలో అత్యధిక రెమ్యూనరేషన్ తీసుకున్న హీరోయిన్‌గా కూడా నిలిచింది. అయితే బాయ్‌ఫ్రెండ్‌తో బ్రేకప్‌ తర్వాత కొంతకాలం సినిమాలకు గుడ్‌బై చెప్పిన ఇలియానా తనకు  డిస్‌మార్ఫిక్ బాడీ డిజార్డర్ ఉందని స్వయంగా పేర్కొంది. ఇదొక మానసిక వ్యాధి. దీనికి ప్రత్యేకంగా చికిత్స అంటూ లేదు కానీ డాక్టర్ల సూచనతో దీన్నుంచి కొంత వరకు ఉపశమనం పొందొచ్చట. అనుష్క శర్మ బాలీవుడ్‌ బ్యూటీ అనుష్క శర్మ తాను యాంగ్జైటీతో పోరాడుతున్నట్లు పలు సందర్భాల్లో చెప్పుకొచ్చొంది.ఈ విషయాన్ని సోషల్ మీడియా ద్వారా పలు సందర్భాల్లో అనుష్క శర్మ అభిమానులతో పంచుకుంది.  సోనమ్‌ కపూర్‌ స్టార్‌ కిడ్‌గా బాలీవుడ్‌లోకి అడుగుపెట్టింది సోనమ్‌ కపూర్‌. హీరోయిన్‌గా ఎంట్రీ ఇచ్చిన కొంతకాలానికే సూపర్‌ క్రేజ్‌ను దక్కించుకున్న సోనమ్‌ డయాబెటీస్‌తో ఇబ్బంది పడుతుందట. అయితే ఈ విషయాన్ని ఓపెన్‌గా చెప్పడానికి ఆమె ఏమీ భయపడలేదు.  నయనతార లేడీ సూపర్‌స్టార్‌గా పేరు సంపాదిచుకున్న తమిళ స్టార్‌ హీరోయిన్‌ నయనతార. ఆమెకి స్కిన్‌ ఎలర్జీ ఉందట. మూవీ షూటింగ్స్‌లో భాగంగా తరుచూ మేకప్‌లు వేసుకోవాల్సి రావడంతో స్కిన్‌ ఎలర్జీ వచ్చినట్లు నయన్‌ ఓ సందర్భంలో చెప్పుకొచ్చింది. దీంతో కొన్ని జాగ్రత్తలు వాడుతూ మేకప్‌ని వేసుకోవడానికి ప్రత్యేకమైన టీమ్‌ను ఆమె నియమించుకుంది. దీంతో పాటు ఫుడ్‌ విషయంలోనూ చాలా జాగ్రత్తలు పాటిస్తుందట నయన్‌. ఎప్పుడైనా సరే కూల్ ఐటమ్స్ ఏం తిన్నా వెంటనే ఆమె స్కిన్ టోన్ మారిపోవడం,, స్కిన్ పై రాషస్ రావడం వంటివి జరుగుతుంటాయట. ఇప్పటికీ దీన్ని అధిగమించేందుకు పలు జాగ్రత్తలు తీసుకుంటుందట. దీపికా పదుకొణె బాలీవుడ్‌ స్టార్‌ హీరోయిన్‌గా కొనసాగుతున్న దీపికా పదుకొణె కొన్నాళ్ల పాటు డిప్రెషన​్‌తో పోరాడినట్లు స్వయంగా ఆమె వెల్లడించింది. దీన్నుంచి బయటపడలేక చాలాసార్లు సూసైడ్‌ చేసుకోవాలనుకున్నట్లు దీపికా బహిరంగంగానే చెప్పింది. ఎక్కువ డిప్రెషన్‌కు లోనైతే హార్ట్‌బీట్‌ ఒకసారిగా పెరిగి అస్వస్థతకు గురవుతుందట.ఇప్పటికీ రెగ్యులర్‌గా డాక్టర్స్‌తో టచ్‌లో ఉంటానని ఈ బ్యూటీ తెలిపింది.  పరిణితీ చోప్రా ప్రియాంక చోప్రా సోదరిగా ఎంట్రీ ఇచ్చిన బాలీవుడ్‌ ‍బ్యూటీ పరిణితీ చోప్రా. అయితే అక్క సపోర్ట్‌ లేకుండానే తనకంటూ ప్రత్యేక ఇమేజ్‌ను సొంతం చేసుకున్న పరిణితీ కొంతకాలంగా డిప్రెషన్‌తో బాధపడుతుందట. ఈ సమస్యను అధిగమించేందుకు తరుచూ డాక్టర్స్‌ని కలుస్తానని స్వయంగా ఆమె వెల్లడించింది.  సమంత ఏమాయ చేశావే సినిమాతో తెలుగు ప్రేక్షకులకు పరిచయమైన సమంత అతి తక్కువ కాలంలోనే స్టార్‌ హీరోయిన్‌గా ఎదిగింది. తెలుగు, తమిళంలో ఎనలేని స్టార్‌డమ్‌ను సొంతం చేసుకున్న సామ్‌ సోషల్‌ మీడియాలోనూ యాక్టివ్‌గా ఉంటూ నిత్యం అభిమానులతో టచ్‌లో ఉండేది. అయితే కొంత​కాలంగా సోషల్‌ మీడియాకు బ్రేక్‌ ఇచ్చిన సామ్‌ తాను మయోసైటిస్‌ అనే అరుదైన వ్యాధితో బాధపడుతున్నట్లు చెప్పి అందరికి షాక్‌ ఇచ్చింది. కోలుకోవడానికి తాను అనుకున్నదానికంటే ఎక్కువ సమయమే పడుతుందని ప్రస్తుతం దీనికి సంబంధించిన ట్రీట్‌మెంట్‌ తీసుకుంటున్నట్లు తెలిపింది. 

Parineeti Chopra Collects Plastic Waste While Scuba Diving: బాలీవుడ్‌లో తనకంటూ ప్రత్యేకమైన గుర్తింపు తెచ్చుకుంది ముద్దుగుమ్మ పరిణీతి చోప్రా. వరుస సినిమాలతో బిజీగా ఉన్న ఈ అమ్మడు తాజాగా నెటిజన్ల ప్రశంసలు పొందుతుంది. స్కూబా డైవింగ్‌ అంటే ఇష్టమున్న పరిణీతి చోప్రా డైవింగ్ చేస్తూ ఓ మంచి పని చేసింది. స్కూబా డైవింగ్ చేస్తూ సముద్రంలోని చెత్తను సేకరించింది. ఈ చెత్తను సేకరించే వీడియోను సోషల్‌ మీడియాలో 'సరదాగా డైవింగ్ చేశాను. అలాగే చెత్తను సేకరించడం వల్ల ఓ మంచి పని చేయగలిగా. సముద్రాన్ని క్లీన్‌ చేయడానికి నాతో చేరండి' అనే క్యాప్షన్‌తో షేర్‌ చేసింది. ప్రస్తుతం ఈ వీడియో నెట్టింట చక్కర్లు కొడుతోంది.  ఈ వీడియో వైరల్‌ కావడంతో చెత్త సేకరించిన పరిణీతి చోప్రాపై నెటిజన్లు ప్రశంసలు కురిపిస్తున్నారు. 'పరిణీతి మీరు చాలా గొప్ప పని చేస్తున్నారు', 'మిమ్మల్ని చూస్తే గర్వంగా ఉంది', 'సూపర్‌', 'సూపర్‌ స్టార్స్ కూడా ఇలాంటి పనులు చేసి భూమిని రక్షించేలా అందరికీ అవగాహన కల్పించాలి' అంటూ పలు రకాలుగా కామెంట్స్ చేస్తున్నారు.  చదవండి: థియేటర్‌లో అందరిముందే ఏడ్చేసిన సదా.. వీడియో వైరల్‌ ఆ హీరోలా ఎఫైర్స్‌ లేవు.. కానీ ప్రేమలో దెబ్బతిన్నా: అడవి శేష్‌ సైలెంట్‌గా తమిళ హీరోను పెళ్లాడిన తెలుగు హీరోయిన్‌.. View this post on Instagram A post shared by Parineeti Chopra (@parineetichopra)

‘సందీప్‌ ఔర్‌ పింకీ’ అంటే ఎవరైనా ఏమనుకుంటారు? సందీప్‌ అబ్బాయి పేరు, పింకీ అమ్మాయి పేరు అనే కదా. కానీ ఇక్కడ తారుమారు అయ్యాయి. సందీప్‌ అంటే అమ్మాయి.. పింకీ అంటే అబ్బాయి. అసలు విషయంలోకి వస్తే... అర్జున్‌ కపూర్, పరిణీతీ చోప్రా జంటగా ‘సందీప్‌ ఔర్‌ పింకీ ఫరార్‌’ అనే చిత్రం రూపొందుతోంది. ఈ చిత్రం ఫస్ట్‌ లుక్‌ని విడుదల చేశారు. ఈ నెలలోనే సినిమాని విడుదల చేయాలనుకుంటున్నారు. ఇక పేర్లు గురించి చెప్పాలంటే.. అర్జున్‌ కపూర్‌ పాత్ర పేరు ‘పింకీ దహియా’. పరిణీతి పాత్ర పేరు ‘సందీప్‌ కౌర్‌’. దిబాకర్‌ బెనర్జీ దర్శకత్వంలో ఆదిత్యా చోప్రా నిర్మించిన ఈ చిత్రం ఈ నెల 20న విడుదల కానుంది. 

హీరోయిన్‌ను ఫిక్స్‌ చేయకుండానే రాజమౌళి తాజా మల్టీస్టారర్‌ చిత్రం సెకండ్‌ షెడ్యూల్‌ కూడా స్టార్ట్‌ చేశారు. అయితే ఈ సినిమాలో హీరోయిన్‌ను కన్‌ఫార్మ్‌ చేశారన్నది తాజా సమాచారం. ఎన్టీఆర్, రామ్‌చరణ్‌లతో రాజమౌళి తెరకెక్కిస్తున్న భారీ మల్టీస్టారర్‌ చిత్రం ‘ఆర్‌ఆర్‌ఆర్‌’ (వర్కింగ్‌ టైటిల్‌). డీవీవీ దానయ్య నిర్మిస్తున్నారు. ఈ హీరోల సరసన యాక్ట్‌ చేస్తున్నారంటూ చాలా మంది పేర్లే వినిపించాయి. ఇప్పుడీ సినిమాలో ఓ హీరోయిన్‌గా బాలీవుడ్‌ భామ పరిణీతీ చోప్రాను పరిగణిస్తున్నట్టు సమాచారం. పరిణీతితో కథా చర్చలన్నీ పూర్తయ్యాయని, పారితోషికం విషయంలోనే డిస్కషన్స్‌ నడుస్తున్నట్లు టాక్‌. ఈ సినిమా కోసం ఎక్కువ రోజులు డేట్స్‌ను కేటాయించనున్నారట పరిణితి. ఈ చిత్రంలో మరో హీరోయిన్‌గా కీర్తీ సురేశ్, ముఖ్య పాత్రలో తమిళ దర్శకుడు సముద్రఖని నటించనున్నారు. ఈ ఏడాది చివరలోపు షూటింగ్‌ పూర్తి చేసుకోనున్న ఈ చిత్రం వచ్చే ఏడాదిలో రిలీజ్‌ కానుంది. ఈ చిత్రానికి సంగీతం: కీరవాణి, కెమెరా: సెంథిల్‌.

‘ఇష్క్‌ జాదే’ సినిమాతో బాలీవుడ్‌కు ఎంట్రీ ఇచ్చారు అర్జున్‌ కపూర్, పరిణీతీ చోప్రా. తాజాగా ‘నమస్తే లండన్‌’ సినిమాలో కలసి యాక్ట్‌ చేశారు. అయితే త్వరలోనే ఈ ఇద్దరూ ప్రొడ్యూసర్స్‌గా మారనున్నారట. ప్రస్తుతానికి సొంతంగా ప్రొడక్షన్‌ కంపెనీ స్టార్ట్‌ చేసే ప్లాన్‌ వేస్తున్నారు. దానికి సంబంధించిన పనులను కూడా మొదలెట్టారని బాలీవుడ్‌ టాక్‌. అర్జున్‌ కపూర్‌ తాత సురీందర్‌ కపూర్, తండ్రి బోనీ కపూర్‌ ఆల్రెడీ బడా ప్రొడ్యూసర్స్‌. అయితే తన ఆలోచనలకు తగ్గ సినిమాలను నిర్మించాలనే ఉద్దేశంతో ఈ యంగ్‌ హీరో సొంత ప్రొడక్షన్‌ హౌస్‌ స్టార్ట్‌ చేస్తున్నాడట. అలాగే పరిణీతీ చోప్రా తన కజిన్‌ ప్రియాంకలానే నిర్మాతలా మారాలనుకున్నారట. ఒకేసారి హీరో హీరోయిన్‌గా కెరీర్‌ స్టార్ట్‌ చేసిన ఈ ఇద్దరూ ఒకేసారి నిర్మాణ రంగంలోకి ప్రవేశించాలనుకోవడం విశేషం. అన్నట్లు.. ఈ ఇద్దరూ లవ్‌లో ఉన్నారని టాక్‌.

ట్రెండీగా ఉండాలంటే... ‘‘ఇదివరకు ఎన్నడూ ప్రయత్నించని పని చేయాలనుకున్నాను. రుచికా సలహా మేరకు ఇలా ట్రెండీగా తయారయ్యాను. అయితే నెటిజన్లు ట్రోల్‌ చేస్తున్నట్లుగా నేను వాడింది ఎరుపు రంగు కాదు. అది బర్గండీ. ఏది ఏమైనా ఇష్టమైన హెయిర్‌ సై్టల్‌ మెయింటెయిన్‌ చేయాలంటే ఎవరికైనా చాలా ఓపిక ఉండాలి. ఈరోజు నాకు ఆ ఓపిక వచ్చేసింది’’ – పరిణీతి చోప్రా బాలీవుడ్‌ నటి హాకీపై పంజాబీ ముద్ర ‘‘ఆసియా క్రీడల్లో దాయాది పాకి స్తాన్‌ను మట్టి కరి పించిన భారత్‌ హాకీ జట్టుకి అభినంద నలు. కాంస్య పతకాన్ని సాధించిన ఈ జట్టులో ఎనిమిది మంది క్రీడాకారులు పంజాబ్‌కు చెందిన వారు కావడం మాకెంతో గర్వకారణం’’ – కెప్టెన్‌ అమరీందర్‌ సింగ్‌ పంజాబ్‌ ముఖ్యమంత్రి కెప్టెన్‌ వైఫ్‌ ‘భార్యా భర్తలు కెప్టెన్‌లుగా నడుపు తున్న విమానంలో ప్రయాణిస్తున్నాం. వాళ్లిద్దరూ ప్రయాణం మధ్యలో ఎలాంటి గొడవ పెట్టుకోకూడదని కోరుకుంటున్నాను. ఈరోజు భార్య ఫస్ట్‌ కెప్టెన్‌అయితే బహుశా గొడవ ఉండకపోవచ్చు’’ – సాక్షి సింగ్, టీమిండియా మాజీ కెప్టెన్‌ «ధోనీ సతీమణి శిఖరస్థాయి ప్రదర్శన ‘‘కొన్ని ఇన్నింగ్స్‌లు ఉన్నత స్థానానికి తీసుకెళతాయి. అలాంటిదే పుజారా ఇన్నింగ్స్‌. ఇషాంత్, బుమ్రాలను కలుపుకుని పుజారా 75 పరుగులు  జత చేయడం క్రికెట్‌ ప్రేమికులకు చాలా రోజులు గుర్తుండిపోతుంది. ఇక ఇప్పుడు రాణించడం భారత బౌలర్ల వంతు’’ – వీరేంద్ర సెహ్వాగ్‌ టీమిండియా మాజీ క్రికెటర్‌ ఇంటి ముంగిటకు తపాలా ‘‘భారత్‌ తపాలా బ్యాంకులు గ్రామీణ ప్రజలకు ఒక వరం. ఇక నుంచి గ్రామీణ ప్రాంత ప్రజలు బ్యాంకుల చుట్టూ తిరగ నక్కర్లేదు. తపాలా బ్యాంకే వారి ఇంటి ముంగిటకు వస్తుంది. పోస్టుమ్యాన్‌ ఇల్లిల్లు తిరుగుతూ ఆర్థిక సేవలు అందిస్తాడు. ఒకప్పుడు తపాలా శాఖను నిర్వహించిన వ్యక్తిగా నేను గత స్మృతుల్లో తేలియాడుతున్నాను. –  రవిశంకర్‌ ప్రసాద్, కేంద్ర సమాచార ప్రసార శాఖ మంత్రి


 కొలంబో: భారత యువ ఆల్‌రౌండర్‌ హర్దిక్‌ పాండ్యా బాలీవుడ్‌ నటి పరిణితి చోప్రాతో జరిపిన ట్విట్టర్‌ చాటింగ్‌పై నెటిజన్లు మండిపడుతున్నారు. ఫస్ట్‌ ఆటపై దృష్టి సారించు అంటూ సోషల్‌ మీడియా వేదికగా చురకలంటిస్తున్నారు. ఇటీవల ఓ సైకిల్ ఫోటోను పోస్ట్ చేసిన పరిణితి.. అమేజింగ్ పార్టనర్‌తో ఫర్‌ఫెక్ట్ ప్రయాణం కోరుకుంటున్నట్లు... ఓ సందేశం ఉంచారు. దీనికి వెంటనే స్పందించిన క్రికెటర్‌ హర్ధిక్ బహుశా ఇది బాలీవుడ్‌ క్రికెట్ లింకులో రెండోదేమో అంటూ ఓ రిప్లై ఇచ్చారు. 
  
 దీనికి పరిణితి తానేం సమాధానం చెప్పలేనంటూ దాటవేశారు. దీంతో పరిణితి చోప్రా-క్రికెటర్‌ హర్థిక్ పాండ్యాల మధ్య ఏదో నడుస్తుందంటూ కొన్ని రోజులుగా పుకార్లు పుట్టుకొచ్చాయి. వీరిద్దరూ డేటింగ్ లో ఉన్నారని, ప్రేమాయణం నడుస్తుందంటూ బాలీవుడ్ మీడియా కథనాలు కూడా రాసేసింది. వ్యవహారం బాగా ముదిరిపోవటంతో పరిణితి ఓ ట్విట్టర్ వీడియోలో తన సందేశం ఉంచారు. జియోమీ కొత్త ఫోన్‌ 5ఎక్స్‌ ప్రచారంలో భాగంగానే తాను పార్టనర్‌ ట్వీట్‌ చేసినట్లు క్లారిటీ ఇచ్చారు.
  
 అయితే ఇప్పుడిప్పుడే జట్టులో కుదురుకుంటున్న పాండ్యాకు ఇదంతా అవసరమా అని ఆటపై దృష్టి సారిస్తే బాగుంటుందని ట్వీటర్‌ వేదికగా క్రికెట్‌ అభిమానులు హితవు పలుకుతున్నారు. ఇప్పటికే తన హెయిర్‌స్టైల్‌పై మాజీ క్రికెటర్‌ గవాస్కర్‌ సెటైర్లు వేయగా తాజా పరిణామం మరింత చర్చనీయాంశమైంది. లంక పర్యటనలో టెస్టుల్లో ఆరంగేట్రం చేసిన పాండ్యా సెంచరీతో రాణించిన విషయం తెలిసిందే.  ఈ సెంచరీ అనంతరం సెలక్టర్‌ ఎమ్మెస్కే ప్రసాద్‌ త్వరలోనే మరో కపిల్‌దేవ్‌ను చూసే రోజులు వచ్చాయి అంటూ పాండ్యాను ఆకాశానికెత్తారు. ఇక పాండ్యా 7 సిక్సులతో ఈసెంచరీ చేయడం విశేషం. చివరి వన్డేకు దూరమైన పాండ్యా చివరి ఏకైక టీ20 మ్యాచ్‌కు జట్టులోకి రానున్నారు.
  
 
 bhai NO hai click me ,cricket pe dhyan do 2019me apsehi ummide hai,is bar to bach gaye paki
 — kiran patil (@kirankpatil18) 3 September 2017
 
 Bhai focous on your game.otherwise you will loose everything you gained.
 — Bireswar Mishra (@alex_bireswar) 3 September 2017