ప్రముఖ సెర్చింజన్‌ దిగ్గజం గూగుల్‌, తన సొంత బ్రాండులో ఫ్లాగ్‌షిప్‌ స్మార్ట్‌ఫోన్లను మార్కెట్‌లోకి విడుదల చేస్తున్న సంగతి తెలిసిందే. పిక్సెల్‌, పిక్సెల్‌ ఎక్స్‌ఎల్‌, పిక్సెల్‌ 2, పిక్సెల్‌ 2 ఎక్స్‌ఎల్‌ పేర్లతో ఇప్పటికే నాలుగు స్మార్ట్‌ఫోన్లను గూగుల్‌ విడుదల చేసింది. తాజాగా మరో ఫ్లాగ్‌షిప్‌ను తెచ్చేందుకు సన్నద్ధమవుతుంది. త్వరలోనే గూగుల్‌ పిక్సెల్‌ 3 ఎక్స్‌ఎల్‌ను గూగుల్‌ మార్కెట్‌లోకి లాంచ్‌ చేస్తుందని తెలిసింది. ఇప్పటికే ఈ స్మార్ట్‌ఫోన్‌కు సంబంధించి పలు వీడియోలు, ఫోటోలు లీకయ్యాయి. ఎక్కువగా లీక్స్‌ అన్నీ వైల్స్‌కామ్‌ మీడియాలో పనిచేసే ఉ‍క్రేయిన్‌ బ్లాగర్‌ షేర్‌ చేశాడు. అయితే అంతటితో ఆగకుండా గూగుల్‌ పిక్సెల్‌ 3 ఎక్స్‌ఎల్‌ స్మార్ట్‌ఫోన్‌ విడుదల కాకముందే విక్రయానికి కూడా వచ్చినట్టు చెప్పేశాడు. అయితే అది ఎలానో తెలుసా? బ్లాక్‌ మార్కెట్‌ ద్వారా.  గూగుల్‌ పిక్సెల్‌ 3 ఎక్స్‌ఎల్‌ హ్యాండ్స్‌-ఆన్‌ వీడియోను కూడా వైల్స్‌కామ్‌ పబ్లిస్‌ చేసింది. ఈ వీడియో టెలిగ్రామ్‌ అకౌంట్‌ వాటర్‌మార్కుతో వచ్చింది. 2000 వేల డాలర్లకు అంటే రూ.1,39,550కు గూగుల్‌ పిక్సెల్‌ 3 ఎక్స్‌ఎల్‌ స్మార్ట్‌ఫోన్‌ అందుబాటులో ఉన్నట్టు పేర్కొంది. గూగుల్‌ పిక్సెల్‌ 2 ఎక్స్‌ఎల్‌ స్మార్ట్‌ఫోన్‌తో పాటు దీన్ని కూడా విక్రయిస్తున్నట్టు వైల్స్‌కామ్‌ చెప్పింది. ఈ స్మార్ట్‌ఫోన్‌ను కొనుగోలు చేయాలనుకునే వారు, అ‍క్కడ ఇచ్చిన టెలిగ్రామ్‌ అకౌంట్‌ హోల్డర్‌తో కనెక్ట్‌ కావాలని సూచించింది. అయితే ఆ అకౌంట్‌ను బ్లర్‌ చేశారు. కేవలం డివైజ్‌ను మాత్రమే కాక, బాక్స్‌ను, గూగుల్‌ పిక్సెల్‌ బడ్స్‌ను ఇది ఆఫర్‌ చేస్తుందని తెలిసింది. అయితే ఇది ఒక స్కామ్‌ అని, కొట్టుకొచ్చి ఈ హ్యాండ్‌సెట్లను విక్రయిస్తున్నారని టెక్‌ వర్గాలు చెబుతున్నాయి. లాంచ్‌ కాకముందే ఈ స్మార్ట్‌ఫోన్‌ బ్లాక్‌మార్కెట్‌లోకి రావడంపై గూగుల్‌ షాకైంది. వెంటనే చర్యలు తీసుకునేందుకు సిద్ధమైంది.

సాక్షి, న్యూఢిల్లీ:  గూగుల్‌ పిక్సెల్‌ 2,  పిక్సెల్‌ 2 ఎక్స్‌ ఎల్‌  ధరలు భారీగా తగ్గాయి.  హాలిడే సీజన్‌ లో పరిమత కాలం ఆఫర్‌ కింద ఈ తగ్గింపును అందిస్తున్నట్టు  గూగుల్‌ శుక్రవారం ప్రకటించింది. క్రెడిట్ కార్డు చెల్లింపుపై  డిసెంబర్‌  31 వరకు క్యాష్‌ బ్యాక్‌ ఆఫర్‌ ఉన్నట్టు తెలిపింది. ఈ ఆఫర్‌ ఫ్లిప్‌కార్ట్‌తో పాటు ఇతర ఆఫ్‌లైన్‌   స్టోర్లలో కూడా అందుబాటులో ఉంటుంది.  పిక్సెల్ 2 64జీబీ,128జీబీ  వేరియంట్లకు  రూ. 11,001పరిమిత కాలం డిస్కౌంట్‌ అందిస్తోంది. పిక్సెల్ 2ఎక్స్‌ఎల్‌ 64జీబీ, 128జీబీ  వేరియంట్లపై రూ. 5.001 తగ్గింపు.  దీంతో పాటు హెచ్‌డీఎఫ్‌సీ భాగస్వామ్యంతో   క్రెడిట్‌ కార్డ్‌ కొనుగోళ్లపై క్యాష్‌బ్యాక్‌ ఆఫర్‌ ఇస్తోంది.   హెచ్‌డీఎఫ్‌సీ క్రెడిట్‌ కార్డు  కొనుగోలు ద్వారా రూ. 8వేల డిస్కౌంట్‌తో  పిక్సెల్ 2 (64జీబీ)  రూ. 41,999కి (ఎంఆర్‌పి రూ.61వేలు)  లభించనుంది.  పిక్సెల్ 2 128జీబీ రూ. 50,999 (అసలు ధర రూ 70,వేలు), పిక్సెల్ 2 ఎ‍క్స్‌ఎల్‌  64  జీబీ రూ. 56,999  (అసలు ధర రూ. 73 వేలు),  అలాగే 128 జీబీ వెర్షన్‌ రూ.65,999 (అసలు ధర రూ.82వేలు) ధరలో అందుబాటులో ఉంటుంది.   కొనుగోలు చేసిన 90 రోజుల్లో  డిస్కౌంట్‌  క్రెడిట్  అవుతుంది.  హెచ్‌డీఎఫ్‌సీ బ్యాంక్ క్రెడిట్ కార్డు లావాదేవీకి మాత్రమే  వర్తించే క్యాష్‌ బ్యాక్‌ ఆ ఫర్ డిసెంబరు 31 వరకు అందుబాటులో ఉంటుందని కంపెనీ   ప్రకటించింది.

గూగుల్‌ ఇటీవల తీసుకొచ్చిన పిక్సెల్‌ 2 ఎక్స్‌ఎల్‌ స్మార్ట్‌ఫోన్‌ ధర తాత్కాలికంగా తగ్గింది. 'బెస్ట్ బై' ఆఫర్‌ కింద గూగుల్‌ పిక్సెల్‌ 2 ఎక్స్‌ఎల్‌ స్మార్ట్‌ఫోన్‌ 64జీబీ వేరియంట్‌ను రూ.64,999కు, 128జీబీ స్టోరేజ్‌ వేరియంట్‌ను రూ.73,999కు గూగుల్‌ అందుబాటులోకి తెచ్చింది. అన్ని అధికారిక ఆఫ్‌లైన్‌ రిటైలర్ల వద్ద నగదు, కార్డు లావాదేవీలకు ఈ ధర అందుబాటులో ఉంటుందని తెలిసింది. డిసెంబర్‌ 31 వరకు బెస్ట్‌ బై ఆఫర్‌ వాలిడ్‌లో ఉంటుంది. గూగుల్‌ పిక్సెల్‌ 2 ఎక్స్‌ఎల్‌పై ధర తగ్గడంతో పాటు, అదనంగా రూ.8000 క్యాష్‌బ్యాక్‌ను అందిస్తుంది. అయితే హెచ్‌డీఎఫ్‌సీ డెబిట్‌ కార్డు కొనుగోలుదారులకు మాత్రమే ఈ క్యాష్‌బ్యాక్‌ వర్తిస్తుంది. అంటే క్యాష్‌బ్యాక్‌తో గూగుల్‌ పిక్సెల్‌ 2 ఎక్స్‌ఎల్‌(64జీబీ వేరియంట్‌) రూ.56,999కు, 128జీబీ మోడల్‌ రూ.65,999కు అందుబాటులోకి వచ్చాయి. అదేవిధంగా హెచ్‌డీఎఫ్‌సీ ఈఎంఐ లావాదేవీలకు రూ.9000 క్యాష్‌బ్యాక్‌ అందిస్తుంది. గూగుల్‌ పిక్సెల్‌ 2 ఎక్స్‌ఎల్‌ కొనుగోలు చేసిన వారికి ఎయిర్‌టెల్‌ స్పెషల్‌ డేటా ఆఫర్‌ చేస్తుంది. ప్రీపెయిడ్‌ రీఛార్జ్‌ రూ.549, పోస్టు పెయిడ్‌ ప్లాన్స్‌ రూ.649, ఆపై మొత్తాలకు ఆరు నెలల పాటు అదనంగా 120జీబీ డేటా అందించనున్నట్టు ఎయిర్‌టెల్‌ ప్రకటించింది. ఈ డేటాను మై ఎయిర్‌టెల్‌ యాప్‌ ద్వారా యాక్టివేట్‌ చేయించుకోవాల్సి ఉంటుంది.  గత వారంలో కూడా గూగుల్‌ పిక్సెల్‌ 2 ఎక్స్‌ఎల్‌ స్మార్ట్‌ఫోన్‌ ధరను ఫ్లిప్‌కార్ట్‌ తగ్గించింది. గూగుల్‌ పిక్సెల్‌ 2 ఎక్స్‌ఎల్‌ 64జీబీ వేరియంట్‌ను రూ.67,999కు, పిక్సెల్‌ 2ను రూ.49,999కు ఫ్లిప్‌కార్ట్‌ ఆఫర్‌ చేసింది.  

భారత్‌లోకి గూగుల్‌ పిక్సెల్‌ 2 ఎక్స్‌ఎల్‌ స్మార్ట్‌ఫోన్‌ అందుబాటులోకి వచ్చింది. ఈ కొత్త స్మార్ట్‌ఫోన్‌ను గూగుల్‌ ఆన్‌లైన్‌ ఎక్స్‌క్లూజివ్‌గా ఫ్లిప్‌కార్ట్‌లో అందిస్తోంది. అదేవిధంగా ఇతర ఆఫ్‌లైన్‌ ఛానల్స్‌ ద్వారా కూడా దీన్ని అందుబాటులోకి తీసుకొచ్చింది. రిలయన్స్‌ డిజిటల్‌, క్రోమా, పూర్వికా, సంగీతా మొబైల్స్‌, విజయ్‌ సేల్స్‌, ఇతర ఆఫ్‌లైన్‌ రిటైల్‌ స్టోర్లలో బుధవారం నుంచి ఈ స్మార్ట్‌ఫోన్‌ను కొనుగోలు చేసుకోవచ్చని గూగుల్‌ తెలిపింది. దీని ధర రూ.73వేల నుంచి ప్రారంభమవుతోంది. 64జీబీ మోడల్‌ ధర రూ.73వేలు కాగ, 128జీబీ మోడల్‌ ధర 82వేల రూపాయలు. హెచ్‌డీఎఫ్‌సీ బ్యాంకు, బజాజ్‌ ఫైనాన్స్‌, ఇతర కంపెనీలకు పలు ఫైనాన్సింగ్‌ ఆఫర్లను కంపెనీ ప్రకటించింది. ఈ ఫోన్‌తో పాటు లాంచ్‌ అయిన పిక్సెల్‌ 2 స్మార్ట్‌ఫోన్‌ ఈ నెల మొదటి నుంచే విక్రయానికి వచ్చిన సంగతి తెలిసిందే. పిక్సెల్‌ 2, పిక్సెల్‌ 2 ఎక్స్‌ఎల్‌ స్మార్ట్‌ఫోన్లు ప్రీ-ఆర్డర్లకు వచ్చినప్పుడు టెలికాం కంపెనీ రిలయన్స్‌ జియో పలు ఆఫర్లను ప్రకటించింది.  గూగుల్‌ పిక్సెల్‌ 2 ఎక్స్‌ఎల్‌ ఫీచర్లు... 6 అంగుళాల క్యూహెచ్‌డీ ప్లస్‌ పీ-ఓలెడ్‌ డిస్‌ప్లే 3డీ కార్నింగ్‌ గొర్రిల్లా గ్లాస్‌ 5 క్వాల్‌కామ్‌ స్నాప్‌డ్రాగన్‌ 835 ఎస్‌ఓసీ 4జీబీ ర్యామ్‌ 64జీబీ, 128జీబీ స్టోరేజ్‌ వేరియంట్లు 3520 ఎంఏహెచ్‌ బ్యాటరీ 12.2 మెగాపిక్సెల్‌ రియర్‌ కెమెరా 8 మెగాపిక్సెల్‌ ఫ్రంట్‌ కెమెరా

గూగుల్‌ కొత్తగా తీసుకొచ్చిన పిక్సెల్‌ 2, పిక్సెల్‌ 2 ఎక్స్‌ఎల్‌ ఫ్లాగ్‌షిప్‌ స్మార్ట్‌ఫోన్ల ప్రీ-ఆర్డర్లు భారత్‌లో రేపటి నుంచి ప్రారంభం కానున్నాయి. ఐఫోన్‌ ఎక్స్‌ ప్రీ-ఆర్డర్లు ప్రారంభం కావడానికి ఒక్కరోజు ముందు గూగుల్‌ వీటి ప్రీ-ఆర్డర్లను చేపడుతోంది. వయా ఫ్లిప్‌కార్ట్‌ ఎక్స్‌క్లూజివ్‌గా వీటిని అందించనున్నారు. గురువారం మధ్యాహ్నం 12 గంటల నుంచి గూగుల్‌ ఫోన్ల ప్రీ-ఆర్డర్లు చేపడుతున్నట్టు ఫ్లిప్‌కార్ట్‌ తెలిపింది. నవంబర్‌ 2 నుంచి పిక్సెల్‌ 2 స్మార్ట్‌ఫోన్‌ను, నవంబర్‌ 15 నుంచి పిక్సెల్‌ 2 ఎక్స్‌ఎల్‌ స్మార్ట్‌ఫోన్‌ను డెలివరీ చేయనున్నట్టు పేర్కొంది. కొన్ని ఎక్స్‌క్లూజివ్‌ ప్రీ-ఆర్డర్‌ ఆఫర్లను ఫ్లిప్‌కార్ట్‌ ప్రవేశపెట్టింది. వీటిలో పిక్సెల్‌ నుంచి అప్‌గ్రేడ్‌ అయిన కొనుగోలుదారులకు 50 శాతం బైబ్యాక్‌ గ్యారెంటీని అందిస్తోంది. హెచ్‌డీఎఫ్‌సీ బ్యాంకు క్రెడిట్‌ కార్డుల ద్వారా ఈఎంఐ లావాదేవీలు జరిపితే రూ.8000 క్యాష్‌బ్యాక్‌ను, ఎంపికచేసిన ఫోన్‌ మోడల్స్‌ ను ఎక్స్చేంజ్‌ చేసి వీటిని కొంటే రూ.5000 తగ్గింపును ఆఫర్‌ చేస్తున్నట్టు ఫ్లిప్‌కార్ట్‌ తెలిపింది. పిక్సెల్‌ 2, పిక్సెల్‌ 2 ఎక్స్‌ఎల్‌లోకి అప్‌గ్రేడ్‌ అయ్యే పిక్సెల్‌, పిక్సెల్‌ ఎక్స్‌ఎల్‌ ఓనర్లకు 50 శాతం బైబ్యాక్‌ గ్యారెంటీ అనేది ఎంతో అద్భుతమైన ఆఫర్‌ అని చెప్పింది. అదేవిధంగా ఫేస్‌బుక్‌లో నిర్వహించే కంటెస్ట్‌లో గెలుపొందిన ఐదుగురు ఎంపికచేసిన విన్నర్లకు గూగుల్‌ కొత్త డేడ్రీమ్‌ వ్యూ వీఆర్‌ హెడ్‌సెట్‌ కూడా ఇవ్వనున్నారు. ఈ కంటెస్ట్‌ను అక్టోబర్‌ 25 వరకు నిర్వహించనున్నారు. గూగుల్‌ టెలికాం ఆపరేటర్లతో కూడా భాగస్వామ్యం ఏర్పరుచుకుంది. ఈ భాగస్వామ్యంలో ఎయిర్‌టెల్‌ ఈ ఫోన్ ప్రీ-ఆర్డర్‌ చేసుకునే కొనుగోలుదారులకు ఆరు నెలల పాటు అదనంగా 120 జీబీ డేటాను అందించనున్నారు. రిలయన్స్‌ జియో యూజర్లైతే ఏకండా మొత్తంగా రూ.14,999 ప్రయోజనాలను పొందనున్నారు. అంటే ఏడాది పాటు అపరిమిత వాయిస్‌ కాలింగ్‌, 750జీబీ డేటా, ఎస్‌ఎంఎస్లు, రూ.9999 విలువైన జియో యాప్స్ వీరికి అందనున్నాయి. రిలయన్స్‌ డిజిటల్‌ స్టోర్‌ ద్వారా పాత ఫోన్‌ను ఎక్స్చేంజ్‌లో కొత్త ఫోన్‌ను కొనుగోలుచేస్తే రూ.5000 అదనపు ఎక్స్చేంజ్‌ బోనస్‌లు కూడా లభ్యం కానున్నాయి. 


 సాక్షి, న్యూఢిల్లీ:  ఎంతో ఆసక్తిగా ఎదురు చూస్తున్న గూగుల్‌  మరో రెండు పిక్సెల్‌  స్మార్ట్‌ఫోన్‌ రిలీజ్‌ డేట్‌  వచ్చేసింది. మేడ్‌  బై గూగుల్‌  వెబ్‌సైట్‌ అందించిన సమాచారం అక్టోబర్‌ 4వ తేదీన  గూగుల్‌  కొత్త పిక్సెల్‌ 2, పిక్సెల్‌  2 ఎక్స్‌ఎల్‌ స్మార్ట్‌పోన్లను  లాంచ్‌ చేయనుంది.  విజయవంతమైన పిక్సెల్, పిక్సెల్ ఎక్స్ ఎల్ స్మార్ట్ ఫోన్లకు సక్సెసర్ గా   వీటిని వినియోగదారులకు అందుబాటులోకి తేనుంది.
 ముఖ్యంగా  ప్రత్యర్థి  మొబైల్‌ దిగ్గజాలు శాంసంగ్‌, ఆపిల్‌  తమ సరికొత్త ఫ్లాగ్‌షిప్‌ స్మార్ట్‌ఫోన్లను లాంచ్‌ చేయడంతో గూగుల్‌ కూడా ఇదే సరైన సమయంగా భావిస్తోంది.  గూగుల్‌ బోస్టన్‌ బిల్‌బోర్డ్‌ ట్వీట్‌ చేసిన వీడియో ప్రకారం  ఈ డివైస్‌లను స్మార్టర్‌ గూగుల్‌ అసిస్టెంట్‌ ఇంటిగ్రేషన్ తో రూపొందించింది  అలాగే  రెండు మోడల్స్‌లోను అల్యూమినియం, గ్లాస్‌ ప్యానెల్‌,  ఫింగర్‌ ప్రింట్‌ సెన్సర్‌, స్టీరియో  స్పీకర్స్‌,  వాటర్‌ ప్రూఫ్‌  తదితర ఫీచర్లతోపాటు.. హెడ్‌ ఫోన్‌జాక్‌ ఉండదని తెలిపింది.
 అంతేకాదు  బ్యాటరీ లైఫ్‌, నిల్వ, ఫోటో క్లారిటీ, ఆటోమేటిక్ అప్‌డే ట్స్,  పెర్‌ఫామెన్స్‌, ఓవర్‌హీట్‌ తదితర అంశాల్లో  గ్రేటర్‌ ఫెర్‌ఫామెన్స్‌ హింట్స్‌ కూడా ఇచ్చేసింది.  వివిధ  స్టోరేజ్ వేరియంట్లతో ఇది లభ్యంకానుందని, దాదాపు  పిక్సెల్‌స్మార్ట్‌ఫోన్‌ ధరకు చేరువలోనే ఈ కొత్త డివైస్‌​ ధర కూడా నిర్ణయించనుందని  అంచనా.ఇ ప్పటికే  సంస్థ ఈ ఈవెంట్‌కు సంబంధించిన ఆహ్వానాలను కూడా మీడియాకు పంపిందట.
 కాగా  గూగుల్ తన సొంత బ్రాండులో గత ఏడాది అక్టోబర్‌4న  పిక్సెల్ స్మార్ట్ ఫోన్లను విడుదల చేసిన సంగతి తెలిసిందే.  సరిగ్గా ఏడాదికి మళ్లీ  కొత్త స్మార్ట్‌ఫోన్లతో  మార్కెట్లో  హల్‌చల్‌ చేయనుంది.
 
  
 
  
 — Droid Life (@droid_life) September 14, 2017