కొందరు సమయపాలన పాటిస్తే మరికొందరేమో సమయానికి రావడం అంటే అదేదో బ్రహ్మ విద్య అన్నట్లుగా ఫీలవుతారు. ఎప్పుడూ చెప్పిన సమయానికంటే ఆలస్యంగానే సెట్‌లో అడుగుపెడతారు. ఈ విషయంలో నటీనటులపై దర్శకనిర్మాతలు లోలోపలే విసుక్కునేవారు. అందరిలాగే కమల్‌ హాసన్‌ (Kamal Haasan) కూడా అదే బాపతు అనుకున్నాను.. కానీ తన అంచనా తప్పని నిరూపించాడంటోంది హీరోయిన్‌ పూనమ్‌ ధిల్లాన్‌.ఎప్పుడంటే అప్పుడు..తాజాగా ఓ ఇంటర్వ్యూలో పూనమ్‌ ధిల్లాన్‌ (Poonam Dhillon) మాట్లాడుతూ.. సెట్‌లో నాకు మొదటిసారి అక్షింతలు పడింది కమల్‌ హాసన్‌ చేతిలోనే! షూటింగ్‌కు ఆలస్యంగా వచ్చానని ఆయన నాపై కోప్పడ్డారు. ముంబైలో 30-45 నిమిషాలు ఆలస్యంగా వస్తే పెద్దగా పట్టించుకునేవారు కాదు. రాజేశ్‌ ఖన్నా, శతృఘ్న సిన్హా వంటి పెద్ద స్టార్స్‌ ఎప్పుడు కావాలంటే అప్పుడు వచ్చేవారు. వాళ్లను చూసి మేము కూడా ఓ అరగంటయినా ఆలస్యంగా సెట్‌కు వచ్చేవాళ్లం.గంట ఆలస్యం తప్పు కాదనుకున్నాఓసారి చెన్నైలో ఉదయం ఏడు గంటలకు షూటింగ్‌కు రమ్మన్నారు. నేను ఎనిమిది గంటలకల్లా అక్కడున్నాను. ఆలస్యం చేశానన్న ఫీలింగ్‌ కూడా నాకు లేదు. అందరికీ గుడ్‌ మార్నింగ్‌ చెప్తుంటే ప్రతి ఒక్కరూ నావంక కోపంగా చూస్తున్నారు. వెంటనే కమల్‌.. పూనమ్‌, నీకోసం ఇక్కడున్న అందరూ ఏడు గంటల నుంచి ఎదురుచూస్తున్నారు. లైట్‌మన్‌, కెమెరామెన్‌.. ఎప్పుడో ఇల్లు వదిలేసి బస్సులోనో, ఆటోలోనో ఇంత దూరం నుంచి వచ్చారు. క్లాస్‌ పీకిన కమల్‌ హాసన్‌ఏడు గంటలకల్లా ఇక్కడుండాలని ఐదింటికంటే ముందే నిద్ర లేచి రెడీ అయుంటారు. నువ్వేమో ఎనిమిదింటికి వస్తావా? అందరినీ ఇలా వెయిట్‌ చేయిస్తావా? ఇది కరెక్ట్‌ కాదు అని సున్నితంగా మందలించాడు. అప్పుడు నేను తప్పు తెలుసుకున్నాను. సౌత్‌లో టెక్నీషియన్లకు కూడా సముచిత స్థానం ఇస్తారు. సాయంత్రం టిఫిన్‌, స్నాక్స్‌ ఏవైనా సరే అందరూ తింటారు. దక్షిణాదిలో టెక్నీషియన్లను ఎంతగానో గౌరవిస్తారు అని చెప్పుకొచ్చింది. పూనమ్‌ ధిల్లాన్‌.. కమల్‌ హాసన్‌తో యే తో కమాల్‌ హో గయా, యాద్‌గర్‌, గెరాఫ్తార్‌ సినిమాలు చేసింది.చదవండి: సౌత్‌లో నా సినిమాలు చూడరు.. మనమేమో వాళ్లవి ఎగబడి చూస్తారు: బాలీవుడ్‌ స్టార్‌

ఈ రోజుల్లో ఎవర్నీ నమ్మేలా లేదు. ఇంటి మనిషైనా, ఇంట్లో పని చేయడానికి వచ్చిన మనుషుల్నైనా నమ్మే రోజులు కావివి! ఇప్పుడిదంతా ఎందుకంటే.. నటి పూనమ్‌ ధిల్లాన్‌ ఎప్పటిలాగే ఆదివారం కూడా పనిపై బయటకు వెళ్లింది. ఆరోజు ఆమె ఇంట్లో దొంగతనం జరిగింది. రూ.35 వేల నగదుతో పాటు 500 డాలర్లు, వజ్రాల కమ్మలు పోయాయి. దొంగతనం జరిగిందని అర్థమవగానే వెంటనే పోలీసులకు సమాచారమిచ్చింది.అది అదునుగా చూసుకుని..పూనమ్‌ ధిల్లాన్‌ (Poonam Dhillon) ఇంటికి రంగులు వేయడానికి వచ్చిన అన్సారీ అనే వ్యక్తి జనవరి 6న ఈ చోరీ చేసినట్లు పోలీసులు గుర్తించారు. కప్‌బోర్డుకు తాళం వేసి లేకపోవడంతో దాన్ని గమనించి డబ్బు దొంగిలించాడని పేర్కొన్నారు. అప్పటికే అతడు 9 వేల రూపాయలతో ఫ్రెండ్స్‌తో పార్టీ చేసుకున్నాడు. తన దగ్గరున్న రూ.25 వేల నగదు, 500 డాలర్లను, వజ్రపు ఇయర్‌ రింగ్స్‌ను పోలీసులు నటికి తిరిగి అప్పగించారు.దొంగతనాన్ని పసిగట్టిఈ ఘటన గురించి పూనమ్‌ మాట్లాడుతూ.. ఇంటికి పెయిటింగ్‌ వంటి చిన్న పనులు చేయిస్తున్నాను. అందుకోసం ముగ్గుర్ని మాట్లాడుకున్నాం. ఆ పనులన్నీ మా సిబ్బంది దగ్గరుండి చూసుకుంటున్నారు. చోరీ జరిగే సమయంలో మేమెవరం ఇంట్లో లేము. కానీ మా అబ్బాయి ఇంటికి వచ్చి చూసేసరికి దొంగతనం జరిగిందని పసిగట్టాడు. (చదవండి: ఆ రోజు ఏది తినాలపిస్తే అది తింటా.. తాగుతా...: నాగార్జున)షాకయ్యా: పూనమ్‌వెంటనే అలర్ట్‌ అయి ఆలస్యం చేయకుండా పోలీసులకు సమాచారమిచ్చాము. అందువల్లే నా డబ్బు, జ్యువెలరీ మళ్లీ నా చేతికి అందింది. ఈ సంఘటన వల్ల నేను షాక్‌లోకి వెళ్లిపోయాను. ఒకరు మనింట్లో దర్జాగా ప్రవేశించి వస్తువులు దొంగిలిస్తారా? ఇంత ఘోరంగా ఉంటారా? ఇలా చాలామంది ఇళ్లలో జరుగుతందని తెలుసుకుని మరింత షాకయ్యాను అని చెప్పుకొచ్చింది.ఎవరీ పూనమ్‌ ధిల్లాన్‌పూనమ్‌ ధిల్లాన్‌.. 1978లో మిస్‌ యంగ్‌ ఇండియా కిరీటం అందుకుని సెన్సేషన్‌ అయింది. అప్పుడామెను చూసిన యశ్‌ చోప్రా మొదటగా త్రిశూల్‌లో గపూచి గపూచి గమ్‌ గమ్‌ అనే పాటకు సెలక్ట్‌ చేశాడు. తన స్కిల్స్‌ మెచ్చిన అతడు నూరీ సినిమాలో హీరోయిన్‌గా తీసుకున్నాడు. అటు పాట, ఇటు సినిమా రెండూ బ్లాక్‌బస్టర్‌ కావడంతో పూనమ్‌కు వరుస అవకాశాలు వచ్చిపడ్డాయి.సినిమాఏ వాదా రహా, రొమాన్స్‌, కసమ్‌, తేరీ కసమ్‌, రెడ్‌ రోజ్‌, దర్ద్‌, నిషాన్‌, జమానా, 13B వంటి పలు చిత్రాల్లో నటించింది. బెంగాలీ భాషలో న్యాయ్‌ దందా, కన్నడలో యుద్ధ కాండ, తమిళంలో యావరుమ్‌ నాళం మూవీతో మెప్పించింది. తెలుగులో ఇష్టం అనే సినిమాతో ఆకట్టుకుంది. హిందీ బిగ్‌బాస్‌ మూడో సీజన్‌లో పాల్గొన్న పూనమ్‌ సెకండ్‌ రన్నరప్‌గా నిలిచింది. ఈ హీరోయిన్‌ బిగ్‌బాస్‌ కంటెస్టెంట్‌ కూడా!మొదట్లో హీరోయిన్‌గా మెప్పించిన పూనమ్‌ సెకండ్‌ ఇన్నింగ్స్‌లో బుల్లితెర నటిగా అలరించింది. డాక్టర్‌ కాబోయి హీరోయిన్‌ అయినవారిలో పూనమ్‌ ఒకరు. ఈమె వ్యక్తిగత విషయానికి వస్తే నిర్మాత అశోక్‌ టకేరియాను 1988లో పెళ్లాడింది. వీరికి కూతురు పలోమా, కుమారుడు అన్మోల్‌ సంతానం. 1997లో పూనమ్‌ దంపతులు విడాకులు తీసుకున్నారు. పిల్లల బాధ్యతల్ని పూనమ్‌ తీసుకుంది.చదవండి: స్నేహితుడు పోయిన దుఃఖంలో నటుడు.. 'ఆ వెధవ ఆత్మకు శాంతి లభించొద్దంటూ నటి శాపనార్థాలు

Paloma Dhillon Rajveer Deol Debut In Rajshri Productions: బాలీవుడ్‌ ఇండస్ట్రీలో సెలబ్రిటీల వారసులు వెండితెరపై ఎంట్రీ ఇవ్వడం సాధారణమే. ఇటీవలే బాలీవుడ్‌ బిగ్‌ ఫ్యామిలీస్‌ వారసులు అగస్త్యా నంద (అమితాబ్‌ బచ్చన్‌ మనవడు), ఖుషీ కపూర్‌ (బోనీ కపూర్‌-దివంగత నటి శ్రీదేవిల చిన్న కుమార్తె), సుహానా ఖాన్‌ (షారుక్‌ ఖాన్‌ కుమార్తె) నటిస్తున్న తొలి వెబ్‌ ఫిల్మ్‌ ‘ద ఆర్చీస్‌’ పోస్టర్‌ విడుదలైంది. తాజాగా మరో స్టార్‌ హీరో తనయుడు, నటి కుమార్తె వెండితెరపై ఎంట్రీ ఇవ్వబోతున్నారు. ధర్మేంద్ర మనవడు, సన్నీ డియోల్ కుమారుడు రాజ్‌వీర్‌ డియోల్‌ హీరోగా ప్రముఖ నిర్మాణ సంస్థ రాజశ్రీ ప్రొడక్షన్‌లో ఒక సినిమా తెరకెక్కనుంది.  ఇందులో హీరోయిన్‌గా ప్రముఖ నటి పూనమ్ దిల్లాన్‌, నిర్మాత అశోక్‌ థకేరియా కుమార్తె పలోమా దిల్లాన్‌ తెరంగేట్రం చేయనుంది. వీరిద్దరికి ఇదే డెబ్యూ మూవీ కానుంది. అంతేకాకుండా ఈ చిత్రంతో డైరెక్టర్‌ సూరజ్‌ బర్జాత్యా కుమారుడు అవినీష్‌ ఎస్‌ బర్జాత్యా దర్శకుడిగా పరిచయం కానున్నాడు. రాజశ్రీ ప్రొడక్షన్‌లో 59వ చిత్రంగా వస్తున్న ఈ సినిమా షూటింగ్‌ ముంబైలో జులైలో ప్రారంభం కానుంది. కాగా మోడ్రన్‌ సంబంధాలను చూపిస్తూ లావిష్‌ డెస్టినేషన్‌ వెడ్డింగ్‌ కథతో రానుంది ఈ మూవీ.  చదవండి: బాలీవుడ్‌ బిగ్‌ స్టార్స్‌ వారసులంతా ఒకే ఫ్రేమ్‌లో..     var request = 'https://www.sakshi.com/knowwidget/kwstr_4331451957.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });


 టీవీక్షణం: వెండితెర మీద వెలిగిన గ్లామర్ డాల్స్ అంతా ఇప్పుడు సీరియళ్ల ద్వారా సెకెండ్ ఇన్నింగ్స్ మొదలు పెడుతోన్న సంగతి తెలిసిందే కదా! పూనమ్ థిల్లాన్, పద్మినీ కొల్హాపురి, భాగ్యశ్రీ తదితరులంతా బిజీ క్యారెక్టర్ ఆర్టిస్టులు అయిపోయారు. వారి తోవలోనే అడుగులు వేస్తోంది అనితారాజ్. ‘ప్రేమ్‌గీత్’ చిత్రంతో వెండితెర మీద తొలిసారి కనిపించిన ఈ నటీమణి... ఎనభైల్లో యువతకు నిద్రపట్టకుండా చేసింది తన అందంతో. కెరీర్ కొనసాగిస్తూనే 1986లో దర్శకుడు సునీల్ హింగోరానీని పెళ్లాడింది. 2012 వరకూ నటించినా ఆ తర్వాత కొన్నాళ్ల పాటు కనిపించలేదు. కొంత గ్యాప్ తర్వాత అనిల్‌కపూర్ నిర్మించి, నటించిన ‘24’ టెలివిజన్ సిరీస్‌తో రీ ఎంట్రీ ఇచ్చింది.
  
  ప్రస్తుతం ‘తుమ్హారీ పాఖీ’ సీరియల్‌లో హీరోకి తల్లిగా నటిస్తోంది. అయితే సినిమాల్లో క్లిక్ అయినట్టుగా సీరియల్స్‌లో అనిత క్లిక్ కాలేదని కచ్చితంగా చెప్పవచ్చు. దానికి కారణం... ఆమె గ్లామర్ బాగా తగ్గడమే. పూనమ్ థిల్లాన్‌నే తీసుకోండి. లావుగా అయినా కూడా ఇప్పటికీ గ్లామర్ చెక్కు చెదరలేదు. కానీ అనిత అలా లేదు. వయసు మీద పడినదానిలా కనిపిస్తోంది. దానికి తోడు ఆమె ఎంచుకుంటోన్న పాత్రలకు మరీ ఎక్కువ ప్రాధాన్యత కానీ, నటనకు ఆస్కారంగానీ ఉండటం లేదు. దానివల్ల మిగతా వారికంటే ఆమె కాస్త వెనుకబడుతోందనే చెప్పాలి!