బుల్లితెర పైనే కాదు వెండితెరపై కూడా అనసూయతో పోటీ పడుతుంది యాంకర్‌ రష్మీ. ఒకవైపు పలు షోలకు యాంకర్‌గా కొనసాగుతూనే.. మరోవైపు సినిమాల్లోనూ దూసుకెళ్తోంది. ఇప్పటికే హీరోయిన్‌గా 'గుంటూరు టాకీస్'తో పాటు రెండు, మూడు చిన్న సినిమాల్లో కూడా నటించింది. తాజాగా ఈ హాట్‌ బ్యూటీకి పెద్ద సినిమాలో నటించే అవకాశం వచ్చింది. ప్రవీణ్‌ సత్తారు దర్శకత్వంలో కింగ్‌ నాగార్జున చేయబోతున్న సినిమాలో రష్మీ గౌతమ్ నటించే అవకాశం దక్కించుకుందనే వార్త ప్రస్తుతం సోషల్ మీడియాలో వైరల్ అవుతోంది.   'వైల్డ్ డాగ్‌' తర్వాత నాగార్జున ప్రవీణ్ సత్తారు దర్శకత్వంలో ఓ సినిమా చేస్తున్న సంగతి తెలిసిందే. కాజల్ అగర్వాల్ హీరోయిన్‌గా నటిస్తోంది. ఇటీవల షూటింగ్ మొదలై కరోనా సెకండ్ వేవ్ కారణంగా నిలిచిపోయింది. త్వరలోనే ఈ మూవీ షూటింగ్‌ తిరి ప్రారంభం కానుంది. ఇందులో రష్మీ గౌతమ్ కీలక పాత్రలో కనిపించబోతుందని తెలుస్తోంది. గతంలో ప్రవీణ్ సత్తారు దర్శకత్వంలో రష్మీ 'గుంటూరు టాకీస్' చేసింది. ఆ పరిచయం కారణంగానే ఆమెకి ఈ సినిమాలో ఛాన్స్ దక్కిందని చెప్పుకుంటున్నారు.   చదవండి: లాక్‌డౌన్‌: తోటపని చేస్తున్న హీరోయిన్‌ పెళ్లి గురించి చర్చించడం లేదు: మెహ్రీన్‌

సినీ బ్యాగ్రౌండ్‌ ఉన్నప్పకీ.. కష్టపడి పైకొస్తున్న హీరో వరణ్‌ తేజ్‌. మెగా హీరోలంతా పక్కా కమర్షియల్‌ సినిమాలను ఎంచుకుంటే.. ఈ మెగా ప్రిన్స్‌ మాత్రం వైవిధ్యమైన సినిమాలను ఎంచుకుంటూ కెరీర్‌లో ముందుకు సాగుతున్నాడు. ప్రస్తుతం ఆయన కొత్త దర్శకుడు కిర‌ణ్ కొర్ర‌పాటి డైరెక్షన్‌లో `గని` సినిమా చేస్తున్నాడు. ఇందులో వరుణ్‌ బాక్సర్‌గా కనిపించబోతున్నాడు. తాజాగా విడుదలైన ఈ మూవీ  టైటిల్‌, మోషన్‌ పోస్టర్‌ సినిమాపై అంచనాలు పెంచాయి. ఈ చిత్రం వచ్చే ఏడాది జూలై 30న విడుదల కాబోతుంది. దీంతో పాటు అనిల్‌ రావిపూడి దర్శకత్వంలో ఎఫ్‌3 సినిమా చేస్తున్నాడు. ఈ రెండు సినిమాలు విడుదలకాకముందే మరో సినిమాని లైన్లో పెట్టాడు ఈ మెగా హీరో. ‘గరుడవేగా’తో ఇండస్ట్రీ హిట్‌ను అందుకున్న ప్రవీణ్‌ సత్తార్‌ దర్శకత్వంలో వరుణ్‌ ఓ సినిమా చేయబోతున్నట్లు ఇండస్ట్రీ టాక్‌. కథ ప్రకారం ఈ మూవీ షూటింగ్‌ మొత్తం లండన్‌లోనే జరగనున్నట్లు సమాచారం. వచ్చే ఏడాది షూటింగ్‌ మొదలు పెట్టనున్నారని టాక్‌. ఇక ఈ సినిమాకు భోగవల్లి ప్రసాద్‌ ప్రొడ్యుసర్‌గా వ్యవహరించనున్నాడు.


 ‘నిత్య జీవితంలో ప్రతి వ్యక్తికీ ఎందరో తారసపడుతూ ఎన్నో సంఘటనలు జరుగుతుంటాయి. అలాంటి కొన్ని అనుభవాల సమాహారమే ఈ సినిమా’’ అని దర్శకుడు ప్రవీణ్ సత్తార్ చెప్పారు. లక్ష్మీ మంచు, నరేష్, ఆమని, కృష్ణుడు, కిశోర్, నాగశౌర్య, అభిజిత్, షామిలి, అమితారావు, రిచాపనయ్, చైతన్యకృష్ణ ముఖ్య తారలుగా చాణక్య బూనేటి నిర్మించిన ‘చందమామ కథలు’ ఈ నెల 25న విడుదల కానుంది. ఈ సందర్భంగా మంగళవారం హైదరాబాద్‌లో ఏర్పాటు చేసిన ప్రెస్‌మీట్‌లో నిర్మాత అనిల్ సుంకర మాట్లాడుతూ -‘‘ఇలాంటి కథతో సినిమా చేయడం మా వల్ల కాదు. ఈ చిత్రం చూశాక అద్భుతమైన సినిమా చూసినట్టనిపించింది. అందుకే ఈ సినిమా విడుదలలో మేం కూడా భాగస్వాములం అయ్యాం’’ అని తెలిపారు. ‘లెజెండ్’ తీసిన నిర్మాత మా సినిమా విడుదల చేయడం ఆనందంగా ఉందని లక్ష్మీ మంచు చెప్పారు. ఈ కార్యక్రమంలో నరేష్, అభిజిత్, కృష్ణుడు, ధర్మేంద్ర తదితరులు మాట్లాడారు.