హ‌రికృష్ణ‌, అక్షిత జంట‌గా జొన్నల‌గ‌డ్డ శ్రీనివాస‌రావు ద‌ర్శక‌త్వంలో తెరకెక్కిన రొమాంటిక్‌ యాక్షన్‌ ఎంటర్‌టైనర్‌ ప్రేమెంత పనిచేసే నారాయణ.  జెఎస్ఆర్ మూవీస్ ప‌తాకంపై సావిత్రి ఈ సినిమా  ఈనెల 22న విడుద‌లై మంచి టాక్ ను సొంతం చేసుకుంది. ఈ సంద‌ర్భంగా చిత్రయూనిట్ మీడియా సమావేశం ఏర్పాటు చేశారు. హీరో హ‌రికృష్ణ మాట్లాడుతూ, ‘తొలి షోతోనే సినిమాకు మంచి టాక్ వ‌చ్చింది. ప్రేక్షకుల ఆద‌ర‌ణ బాగుంది. మంచి రివ్యూలు వ‌చ్చాయి. అంతా హ‌రి బాగా చేసాడంటే చాలా సంతోషంగా అనిపిస్తుంది. న‌ట‌న‌, డాన్సులు, డైలాగులు బాగా చెప్పాడ‌ని క్రిటిక్స్ నుంచి సైతం ప్రశంస‌లు ద‌క్కాయి. మొద‌టి సినిమాతోనే పాజిటివ్ టాక్  తెచ్చుకున్నందుకు సంతోషంగా ఉంది. ఇలాంటి సినిమాకు మ‌రిన్ని థియేట‌ర్లు దొరికితే బాగుండేది’ అన్నారు. ద‌ర్శకుడు జొన్నల‌గ‌డ్డ శ్రీనివాస‌రావు మాట్లాడుతూ ‘ ఎదురు లేని మ‌నిషి, మా అన్నయ్య బంగారం, బంగారు బాబు, జ‌గ‌ప‌తి ఇలా చాలా సినిమాలను డైరెక్ట్ చేసాను. స్టార్ హీరోలు నాగార్జున‌, జ‌గ‌ప‌తిబాబు, బాల‌కృష్ణ, రాజ‌శేఖ‌ర్, శ్రీకాంత్ గారితో చేసాను. కో డైరెక్టర్‌గా ఎన్నో సినిమాల‌కు ప‌నిచేసిన అనుభ‌వం ఉంది. కానీ ఈ క‌థ కొత్త వాళ్లతో చేస్తేనే బాగుంటుంద‌ని చేసా. అందుకే మా అబ్బాయిని హీరోగా పరిచయం చేసా. సినిమా చూసిన వారంతా హ‌రి బాగా చేసాడ‌ని ఫోన్లు చేసి చెబుతున్నారు. ఇండ‌స్ర్టీలో ఉన్న స‌న్నిహితులు కూడా హ‌రి డాన్సులు, ఫైట్లు, యాక్టింగ్ చ‌క్కగా చేసాడ‌ని మెచ్చుకున్నారు. ప్రేక్షకుల ఆద‌ర‌ణ ఎంతో బాగుంది. క్రిటిక్స్ సైతం ప్రశంసించారు. కానీ ఒక‌టే అసంతృప్తి... థియేట‌ర్లు ఎక్కువ‌గా దొరికి ఉంటే బాగుండేది. థియేట‌ర్లు పెంచుతార‌ని ఆశిస్తున్నా. అంత అనుభవం ఉన్నా థియేట‌ర్లు సంపాదించుకోలేక‌పోయాన‌నే బాధ ఉంది’ అని అన్నారు. హీరోయిన్‌ అక్షిత మాట్లాడుతూ, ‘మా న‌మ్మకాన్ని ప్రేక్షకులు నిల‌బెట్టారు. అందుకు ప్రత్యేకంగా కృత‌జ్ఞత‌లు. సినిమాకు మంచి రివ్యూలు వ‌చ్చాయి. కొత్త వాళ్లని ఇలాగే ఆద‌రించాల‌ని కోరుకుంటున్నా’ అన్నారు.

టైటిల్‌ : ప్రేమెంత ప‌నిచేసే నారాయ‌ణ‌ న‌టీన‌టులు: హ‌రికృష్ణ‌, అక్షిత‌, ఝాన్సీ, గంగారావు, రాహుల్ బొకాడియా త‌దిత‌రులు  ద‌ర్శ‌క‌త్వం:  జొన్న‌ల గ‌డ్డ శ్రీనివాస‌రావు నిర్మాత‌:  సావిత్రి జొన్న‌ల‌గ‌డ్డ‌ సంగీతం:  యాజ‌మాన్య‌ ద‌ర్శ‌కుడు జొన్న‌ల‌గ‌డ్డ శ్రీనివాసరావు త‌న‌యుడు హ‌రికృష్ణ క‌థానాయ‌కుడిగా ` ప్రేమెంత ప‌నిచేసే నారాయ‌ణ‌` ప‌రిచ‌యం  అవుతున్నారు.  రిలీజ్ కు ముందు సినిమా టీజ‌ర్, ట్రైల‌ర్ మంచి బజ్ ను క్రియేట్ చేసాయి. మ్యూజిక‌ల్ గా హిట్ అవ్వ‌డంతో విష‌యం ఉన్న సినిమా అని అంచ‌నాలు మ‌రింత పెరిగాయి. దీనికి తోడు రిలీజ్ విష‌యంలో అల్లు అర‌వింద్ కూడా తోడవ్వటం హాట్ టాపిక్ అయింది. మ‌రి ఆ అంచ‌నాల‌ను సినిమా అందుకుందా?  లేదా? అన్నది ఓ సారి చూద్దాం..  క‌థ‌: హ‌రికృష్ణ‌( హ‌రి) ఓ అనాధ‌. బత‌కు పోరాటంలో  హ‌రికి మ‌రో మ‌గ్గురు స్నేహితులు తోడ‌వుతారు. ముగ్గురు  ఓ పెద్దాయ‌న (బాబాయ్) వ‌ద్ద ప‌నికి కుదురుతారు. హ‌రి తొలి చూపులోనే శిరీష‌(అక్షిత‌)ను ప్రేమిస్తాడు. ప్రేమ కోసం వెంట‌ప‌డి చివ‌రికి శిరీష ప్రేమ‌ను పొందుతాడు. శిరీష త‌ల్లి ఓ పెద్దింట్లో ప‌నిమ‌నిషి. ఆమె గ‌య్యాలి. ప్రేమ‌గీమా అంటే జాన్తా న‌య్ అనే టైపు. అమె కో త‌మ్ముడు. అత‌ని రూపంలో హ‌రి ప్రేమ‌కు అడ్డంకులు ఏర్ప‌డ‌తాయి. వాట‌న్నింటినీ జ‌యించే క్రమంలో మేయ‌ర్ రాజేశ్వ‌రీ (జాన్సీ) నుంచి ప్రేమ జంట‌కు ప్రాణాపాయం ఏర్ప‌డుతుంది. మ‌రి ఆ ప్ర‌మాదానికి అస‌లు కార‌ణం ఎవ‌రు? హ‌రి ప్రేమించిన అమ్మాయిని ద‌క్కిచుకోవ‌డం కోసం ఎలాంటి సాహ‌సాలు చేసాడు? అందుకు హ‌రి స్నేహితులు ఎన్ని ర‌కాలుగా ఇబ్బంది ప‌డ్డారు.. అన్న‌ది తెర‌పైనే చూడాలి.  న‌టీన‌టులు: హీరో హ‌రికృష్ణ కు డెబ్యూ మూవీ అయిన‌ప్ప‌టికీ..ఆ ఫియ‌ర్ ఎక్క‌డా క‌నిపించ‌లేదు. రెండు, మూడు సినిమాలు చేసిన అనుభ‌వం ఉన్న న‌టుడిలా ఎక్స్ ప్రెష‌న్స్ అన్నింటిని బాగా క్యారీ చేసాడు. యాక్టింగ్ లో మంచి ఈజ్ ఉంది. కెమెరా ఫియ‌ర్  క‌నిపించ‌లేదు. ఇక డాన్సులైతే ఇర‌గ‌దీసాడు. అత‌ని ఎన‌ర్జీకి త‌గ్గ పాట‌లు కుద‌ర‌డంతో  ట్యాలెంట్  మొత్తం చూపించాడు. మంచి క‌థ‌లు ప‌డితే ప్యూచ‌ర్ లో పెద్ద స్టార్ అవుతాడ‌న‌డంలో ఎలాంటి సందేహం లేదు.  హీరోయిన్ అక్షిత కూడా ఇప్పుడిప్పుడే టాలీవుడ్ ఎదుగుతోంది. ఆమె కెరీర్ కి ఈ సినిమా ప్ల‌స్ అవుతుంది. న‌ట‌న‌కు ఆస్కారం ఉన్న పుల్ లెంగ్త్ రోల్ లో న‌టించింది. హీరో  స్నేహితుల పాత్ర‌లు బాగున్నాయి. మేయ‌ర్ పాత్ర‌లో  ఝాన్సీ  న‌ట‌న బాగుంది. మిగ‌తా పాత్ర‌లు కూడా క‌థ‌కు త‌గ్గ‌ట్టు చ‌క్క‌గా కుదిరాయి. విశ్లేషణ: ప‌్రేమ క‌థ‌ల‌ను ఒక్కో ద‌ర్శ‌కుడు ఒక్కో స్టైల్లో చెబుతాడు. డైరెక్ట‌ర్ ఎవ‌రైనా.. ప్రేమ‌లో ఘాడ‌త‌ను బ‌ట్టే సినిమా హిట్టు ఫట్టు అన్న‌ది డిసైడ్ అవుతుంది. అమ్మాయి-అబ్బాయి మ‌ధ్య ప్రేమ  పుట్ట‌డానికి కార‌ణాలేవి ఉండ‌వు. ఎక్క‌డైనా లవ్‌ ఎట్‌ ఫ‌స్ట్ సైట్ అన్న‌దే కాన్సెప్ట్. అయితే ఆ క‌థ‌ను ఆస‌క్తిక‌రంగా మ‌ల‌చ‌డమే ద‌ర్శ‌కుడి ప‌నితనానికి స‌వాల్. ఆ విష‌యంలో ద‌ర్శ‌కుడు జొన్న‌ల‌గ‌డ్డ నూటికి నూరుశాతం స‌క్సెస్ అయ్యాడని చెప్పుకోవచ్చు. హీరో, హీరోయిన్ వెంట ప‌డే స‌న్నివేశాలు రొటీన్ గా ఉన్న‌ప్ప‌టికీ య‌వ‌త‌ను ఆక‌ట్టుకుంటాయి. న‌లుగురు స్నేహితుల మ‌ధ్య కామెడీని పండించే అవ‌కాశం ఉన్నా.. ద‌ర్శ‌కుడు ఆ ఛాన్స్ తీసుకోకుండా ప్రేమ‌కు సంబంధించిన స‌న్నివేశాల‌నే నమ్ముకున్నాడు. ద్వితియార్థంలో క‌థ‌ను మ‌రింత ర‌క్తి క‌ట్టించాడు. ప్రేమ‌ను ద‌క్కించుకోవ‌డం కోసం హీరో ప‌డే పాట్లు మొద‌ల‌వుతాయి. ప్రేమికురాలి ప్రాణ‌మా? ప‌్రేమ కావాలా? అన్న స‌న్నివేశం ఎదురైన‌ప్పుడు హీరో న‌లిగిపోయే స‌న్నివేశం బాగుంది. స్నేహితుల పాత్ర‌ల‌కు ద‌ర్శ‌కుడు అంతే వెయిట్  ఇచ్చాడు. ప్రారంభం నుంచి చివ‌రి వ‌ర‌కూ ఆ పాత్ర‌ల‌కు హీరోతో పాటు స‌మాన భారాన్ని మోసారు. హీరోయిన్ త‌ల్లి పాత్ర అగ్రెసివ్గా ఉంటుంది. క‌థ‌లో ఎక్క‌డా అస‌భ్య క‌ర సన్నివేశాలు, అడ‌ల్ట్ కంటెంట్ ఎక్క‌డా ఉండ‌దు. క్లైమాక్స్ లో ఆ మ‌ధ్య సంచ‌ల‌నం రేపిన మిర్యాల గూడ ఘటనను ఉద్దేశించిన‌ట్లు  అనిపిస్తుంది. ప్రేమ‌కు కులం లేదు. మ‌తం లేదు. ప్రాంతం లేదు. ప్రేమ మిస్ట‌రీ కాకూడ‌దు. అది ఓ చ‌రిత్ర అవ్వాలిని హీరో చెప్పే డైలాగులు బాగున్నాయి. ప్రేమించ‌డానికి అమ్మాయి ఉంటే స‌రిపోదు. ఆ ప్రేమ‌ను పొందాలంటే మంచి స్నేహితులు కూడా అవ‌స‌ర‌మని సినిమా చెప్పింది. ప్రేమ‌లో భావోద్వేగాల‌ను తెర‌పై చ‌క్క‌గా ఆవిష్క‌రించారు. ఓవ‌రాల్గా ఈ సినిమా ప్రేమికుల‌ను మెప్పించే అవకాశం ఉంది. మేకింగ్ ప‌రంగా సినిమా బాగుంది. స్ర్కీన్ ప్లే కూడా బాగుంది. సినిమాటోగ్ర‌ఫీ, కొరియోగ్ర‌పీ అన్ని చ‌క్క‌గా కుదిరాయి. వ‌న‌మాలి, గోస‌ల రాంబాబు సాహిత్యం బాగుంది. యాజ‌మాన్య సంగీతం బాగుంది. నిర్మాణ విలువ‌లు బాగున్నాయి. ప్లస్‌ పాయింట్స్‌ : హీరో హీరోయిన్ల నటన సంగీతం మైనస్‌ పాయింట్స్‌ : రొటీన్‌ కథ

దర్శకుడు జొన్నలగడ్డ శ్రీనివాసరావు తనయుడు హరికృష్ణ హీరోగా పరిచయం అవుతున్న చిత్రం ‘ప్రేమెంత పనిచేసె నారాయణ’. అక్షిత కథానాయికగా నటించారు. ఝాన్సీ కీలక పాత్ర చేశారు. జొన్నలగడ్డ శ్రీనివాసరావు దర్శకత్వంలో సావిత్రి జొన్నలగడ్డ నిర్మించిన ఈ చిత్రం ఈ నెల 22న విడుదల కానుంది. హైదరాబాద్‌లో జరిగిన ప్రీ–రిలీజ్‌ వేడుకలో ముఖ్య అతిథిగా వచ్చిన నటుడు శ్రీకాంత్‌ ఈ సినిమా సంగీత దర్శకుడు యాజమాన్యకు తొలి జ్ఞాపికను అందజేశారు. అనంతరం శ్రీకాంత్‌ మాట్లాడుతూ– ‘‘శ్రీనివాసరావుకు సినిమాలు తప్ప వేరే ప్రపంచం తెలీదు. ఆయన తనయుడు హరిని హీరోగా పరిచయం చేస్తూ, తనే ఈ సినిమా అన్ని బాధ్యతలను తీసుకుని శ్రమించారు. హరి బాగా హార్డ్‌వర్క్‌ చేస్తాడు. భవిష్యత్‌లో స్టార్‌ అవుతాడు’’ అన్నారు. ‘‘కథను నమ్మి చేసిన చిత్రమిది. ఈ కథకి కొందరు ఇచ్చిన సలహాలు నచ్చలేదు.. అందుకే నేను తీయాలనుకున్నది తీసాను. హిందీ డబ్బింగ్‌ రైట్స్‌కు కూడా మంచి ధర దక్కింది. ఈ సినిమాకు ఎంతో సపోర్ట్‌ చేస్తున్న నిర్మాత అల్లు అరవింద్‌గారి సహకారం మర్చిపోలేనిది’’ అన్నారు జొన్నలగడ్డ శ్రీనివాసరావు. ‘‘ప్రేమకు కొత్త అర్థం చెప్పే చిత్రమిది. స్నేహం విలువను చాటిచెప్పే కథ’’ అన్నారు హరికృష్ణ. రచయిత మరుదూరి రాజా, నటుడు కాశీవిశ్వనాథ్, హీరోయిన్‌ అక్షిత మాట్లాడారు.

తన కుమారుడు హరికృష్ణ జొన్నలగడ్డను హీరోగా పరిచయం చేస్తూ దర్శకుడు జొన్నలగడ్డ శ్రీనివాసరావు తెరకెక్కిస్తున్న చిత్రం ‘ప్రేమెంత ప‌నిచేసె నారాయ‌ణ‌’. జొన్నలగడ్డ శ్రీనివాసరావు.. నాగార్జున హీరోగా ఎదురులేని మనిషి సినిమాతో డైరెక్టర్ మంచి గుర్తింపు తెచ్చుకున్న సంగతి తెలిసిందే. హరికృష్ణ, అక్షిత జంటగా నటిస్తున్న ఈ చిత్రాన్ని భాగ్యల‌క్ష్మి స‌మ‌ర్పణ‌లో జె.ఎస్. ఆర్ మూవీస్ ప‌తాకంపై సావిత్రి జొన్నలగడ్డ నిర్మిస్తున్నారు. అన్ని ప‌నులు పూర్తి చేసుకున్న ఈ సినిమాను ఫిబ్రవరి 22న రిలీజ్ చేసేందుకు రెడీ అవుతున్నారు చిత్రయూనిట్‌. ఈ సంద‌ర్భంగా ఈ చిత్రం ప్రీ రిలీజ్‌ ఫంక్షన్‌ ఆదివారం హైదరాబాద్‌లో సినీ ప్రముఖల సమక్షంలో ఘనంగా జరిగింది. ఈ కార్యక్రమానికి ముఖ్య అతిథిగా హాజరైన ప్రముఖ నటుడు శ్రీకాంత్‌ సంగీత దర్శకుడు యాజమాన్యకు తొలి జ్ఞాపికను అందజేశారు. అనంతరం శ్రీకాంత్‌ మాట్లాడుతూ.. ‘శ్రీనివాసరావు చాలా సంవత్సరాలుగా నాకు తెలుసు. ఆయనకు సినిమా తప్ప మరో ప్రపంచం లేదు. వాళ్ల అబ్బాయిని హీరోగా పరిచయం చేస్తూ.. అన్ని బాధ్యతలను తీసుకుని ఎన్ని కష్టాలు ఎదురైనా ప్యాషన్‌తో శ్రమించాడు. హరిలో మంచి జిల్‌ ఉంది. సినిమా కోసం చాలా కష్టపడ్డాడు. భవిష్యత్తులో మంచి స్టార్‌ అవుతాడ’ని అన్నారు. కాశీ విశ్వనాథ్‌ మాట్లాడుతూ.. ‘శ్రీనివాసరావు గత చిత్రాల్లో నేను నటించాను. నచ్చావులే తర్వాత అలాంటి మంచి పాత్ర ఈ సినిమాలో దొరికింది. ఆ సినిమా కన్నా ఈ చిత్రం పెద్ద సక్సెస్‌ కావాల’ని కోరారు. మరుదూరి రాజా మాట్లాడుతూ.. హరిలో మంచి ఫైర్‌ ఉందన్నారు. మంచి కథతో హరి హీరోగా పరిచయం అవుతున్నాడని తెలిపారు. హీరో, ఝాన్సీ పాత్రల మధ్య సవాల్‌తో ఈ కథ నడుస్తుందని పేర్కొన్నారు. సినిమా కోసం తండ్రీ కొడుకులిద్దరూ ఎంతగానో కష్టపడ్డారని చెప్పారు.  హరికృష్ణ మాట్లాడుతూ.. రెగ్యూలర్‌ లవ్‌ స్టోరీలకు భిన్నంగా ఈ చిత్రం ఉంటుందని అన్నారు. ఈ చిత్రాన్ని ప్రేక్షకులు ఆదరించాలని కోరారు. ప్రేమ అంటే అమ్మాయి, అబ్బాయి ఉంటే సరిపోతుందని అనుకుంటారు.. కానీ స్నేహితుడు లేకపోతే ప్రేమ లేదని చెప్పే సినిమా ఇది అని తెలిపారు. దర్శకనిర్మాతలు తల్లిదండ్రులైనా చాలా ప్రొఫెషనల్‌గా వ్యవహరించారని పేర్కొన్నారు. హీరోయిన్‌ అక్షిత మాట్లాడుతూ.. ఈ సినిమా చాలా రియలిస్టిక్‌గా ఉంటుందని అన్నారు. చాలా సన్నివేశాలు ఎమోషన్‌తో నడుస్తాయని తెలిపారు. దర్శకుడు జొన్నలగడ్డ శ్రీనివాసరావు మాట్లాడుతూ.. ‘సీనియర్‌ ఎన్టీఆర్‌ నటించిన మేజర్‌ చంద్రకాంత్‌తో పాటు చాలా సినిమాలకు నేను పనిచేసాను. తర్వాత కొన్ని సినిమాలకు దర్శకత్వం వహించాను. సినిమా బాగా వచ్చిందని నమ్ముతున్నాను. అల్లు అరవింద్‌ మా సినిమాకు ఎంతగానో సపోర్ట్‌ చేస్తున్నారు. ఈ నెల 22న చిత్రం ప్రేక్షకుల మందుకు రానుంద’ని తెలిపారు.

హ‌రికృష్ణ జొన్నల‌గ‌డ్డ‌, అక్షిత జంట‌గా న‌టిస్తోన్న రొమాంటిక్‌ యాక్షన్‌ ఎంటర్‌టైనర్‌ ‘ప్రేమెంత ప‌నిచేసె నారాయ‌ణ‌’. భాగ్యల‌క్ష్మి స‌మ‌ర్పణ‌లో జె.ఎస్. ఆర్ మూవీస్ ప‌తాకంపై సావిత్రి జొన్నలగడ్డ ఈ సినిమానునిర్మిస్తున్నారు. నాగార్జున హీరోగా ఎదురులేని మనిషి సినిమాతో డైరెక్టర్ మంచి గుర్తింపు తెచ్చుకున్న  జొన్నల‌గడ్డ శ్రీనివాస‌రావు ఈ సినిమాకు దర్శకుడు. అన్ని ప‌నులు పూర్తి చేసుకుని ఈ సినిమాను ఫిబ్రవరి 22న రిలీజ్ చేసేందుకు రెడీ అవుతున్నారు చిత్రయూనిట్‌. ఈ సంద‌ర్భంగా చిత్ర ద‌ర్శకుడు జొన్నల‌గ‌డ్డ శ్రీనివాస‌రావు మాట్లాడుతూ.. ‘సినీ ప‌రిశ్రమ‌లో 30 ఏళ్ల నుంచి ఉంటున్నాను. చాలా మంది పెద్ద  హీరోల సినిమాల‌కు ప‌నిచేసాను. ద‌ర్శకుడిగా నాకిది తొమ్మిద‌వ సినిమా. క‌థ వైవిధ్యంగా ఉంద‌నే నా కుమారుడిని ఈ సినిమా తో హీరోగా ప‌రిచ‌యం చేస్తున్నా. రెగ్యుల‌ర్ ల‌వ్ స్టోరీల‌కు భిన్నంగా ఉంటుంది. క్లైమాక్స్ ఆద్యంతం ఆస‌క్తిక‌రంగా సాగుతుంది. ఇండ‌స్ట్రీ పెద్దల సహ‌కారం, సూచ‌న‌ల‌తో ఫిబ్రవరి 22వ తేదిన రిలీజ్ డేట్ గా ఫిక్స్ చేసాం. అన్ని వ‌ర్గాల ప్రేక్షకుల‌కు న‌చ్చే సినిమా ఇది’ అని అన్నారు. హీరో హ‌రికృష్ణ మాట్లాడుతూ, ‘అన్నీ జ‌న‌రేష‌న్ల‌కు క‌నెక్ట్ అయ్యే ప్రేమ‌క‌థా చిత్రమిది.  సినిమా చూస్తే ఓ కొత్త క‌థ‌ను చూస్తున్నామ‌నే అనుభూతి క‌లుగుతుంది. సినిమా చాలా బాగా వ‌చ్చింది. మా సినిమాకు మీడియా కూడా మంచి ప‌బ్లిసీటీ ఇచ్చింది. త‌ప్పకుండా విజ‌యం సాధిస్తాం’ అన్నారు.

‘ప్రేమెంత పనిచేసే నారాయణ’ అనే పాట ఎంత ఫేమస్సో అందరికీ తెలుసు. ఇప్పుడు అదే టైటిల్‌తో ఓ సినిమా తెరకెక్కింది. హరికృష్ణ జొన్నలగడ్డ, అక్షిత జంటగా నటించారు. భాగ్యలక్ష్మీ సమర్పణలో జె.ఆర్‌.యస్‌ మూవీస్‌ పతాకంపై జొన్నలగడ్డ శ్రీనివాసరావు దర్శకత్వంలో ఈ చిత్రాన్ని సావిత్రి జొన్నలగడ్డ నిర్మించారు. అన్ని కార్యక్రమాలు పూర్తి చేసుకున్న ఈ చిత్రం అక్టోబర్‌ 5న రిలీజ్‌ కానుంది. జొన్నలగడ్డ శ్రీనివాసరావు మాట్లాడుతూ– ‘‘దర్శకునిగా నాకిది తొమ్మిదో చిత్రం. పెద్ద హీరోలతో సినిమాలు చేశాను. ఈ కథ వైవిధ్యంగా ఉండటంతో నా కుమారుడిని హీరోగా పరిచయం చేస్తున్నాను. ఇలాంటి పాయింట్‌ ఇంతవరకూ ఏ డైరెక్టర్‌ టచ్‌ చేయలేదు. క్లైమాక్స్‌ సీన్స్‌కు ప్రేక్షకులు ఖచ్చితంగా క్లాప్స్‌ కొడతారు’’ అన్నారు. ‘‘అన్ని జనరేషన్స్‌కు కనెక్ట్‌ అయ్యే ప్రేమ కథ ఇది. సినిమా చూస్తున్నంత సేపు ఓ కొత్త కథను చూస్తున్నామనే ఫీలింగ్‌ కలుగుతుంది. ప్రేమలో బాధను ఈ సినిమా తెలియచేస్తుంది. ప్రేమికులైతే ఇలాంటి అనుభవాలు మన జీవితంలో కూడా ఉన్నాయనుకుంటారు. కథలో చాలా ట్విస్టులుంటాయి. తప్పకుండా  విజయం సాధిస్తాం’’ అన్నారు హీరో హరికృష్ణ.

హ‌రికృష్ణ జొన్నల‌గ‌డ్డ‌, అక్షిత జంట‌గా న‌టిస్తోన్న చిత్రం ‘ప్రేమెంత ప‌నిచేసే నారాయ‌ణ‌’. జొన్నల‌గడ్డ శ్రీనివాస‌రావు ద‌ర్శక‌త్వంలో సావిత్రి జొన్నల‌గ‌డ్డ నిర్మిస్తున్న ఈ సినిమా అన్ని కార్యక్రమాలు పూర్తిచేసుకుని అక్టోబ‌ర్ 5న సినిమా రిలీజ్ కు రెడీ అవుతోంది. ఈ సంద‌ర్భంగా చిత్ర ద‌ర్శకుడు జొన్నల‌గ‌డ్డ శ్రీనివాస‌రావు మాట్లాడుతూ, ‘సినీ ప‌రిశ్రమ‌లో 30 ఏళ్ల నుంచి ఉంటున్నాను. చాలా మంది పెద్ద  హీరోల సినిమాల‌కు ప‌నిచేసాను. ద‌ర్శకుడిగా నాకిది తొమ్మిద‌వ సినిమా. క‌థ వైవిథ్యంగా ఉంద‌నే నా కుమారుడిని ఈ సినిమాతో హీరోగా ప‌రిచ‌యం చేస్తున్నా. రెగ్యుల‌ర్ ల‌వ్ స్టోరీల‌కు భిన్నంగా ఉంటుంది. క్లైమాక్స్ ఆద్యంతం ఆస‌క్తిక‌రంగా సాగుతుంది’ అన్నారు. హీరో హ‌రికృష్ణ మాట్లాడుతూ, ‘అన్నీ జ‌న‌రేష‌న్స్‌కు క‌నెక్ట్ అయ్యే ప్రేమ‌క‌థా చిత్రమిది.  సినిమా చూస్తున్నంత సేపు ఓ కొత్త క‌థ‌ను చూస్తున్నామ‌నే అనుభూతి క‌లుగుతుంది. ప్రేమలో బాధ‌ను సినిమా తెలియ‌జేస్తుంది.  ప్రేమికులైతే ఇలాంటి అనుభ‌వాలు మ‌న జీవ‌తంలో కూడా ఉన్నాయనుకుంటారు. కథ‌లో చాలా ట్విస్టులుంటాయి. సినిమా చాలా బాగా వ‌చ్చింది. త‌ప్పకుండా విజ‌యం సాధిస్తామన్న నమ్మకం ఉంది’ అన్నారు. ఈ కార్యక్రమంలో యూనిట్ స‌భ్యులు, చిత్ర నిర్మాత సావిత్రి జొన్నల‌గ‌డ్డ త‌దిత‌రులు పాల్గొన్నారు.