Lavanya Tripathi Happy Birthday Movie Preponed: హీరోయిన్‌ లావణ్య త్రిపాఠి ప్రధాన పాత్రలో నటించిన చిత్రం ‘హ్యాపీ బర్త్‌ డే’. ఈ మూవీకి ‘మత్తు వదలరా’ ఫేమ్‌ రితేష్‌ రానా దర్శకత్వం వహించారు. నవీన్‌ యెర్నేని, రవిశంకర్‌ వై. సమర్పణలో క్లాప్‌ ఎంటర్‌టైన్‌మెంట్, మైత్రీ మూవీ మేకర్స్‌పై చిరంజీవి (చెర్రీ), హేమలత పెదమల్లు నిర్మించారు. ఈ చిత్రం విడుదల తేదీలో మార్పు జరిగింది. ‘హ్యాపీ బర్త్‌ డే’ని తొలుత జులై 15న విడుదల చేయాలనుకున్నారు. అయితే ఓ వారం ముందుగానే అంటే జులై 8న రిలీజ్‌ చేయనున్నట్లు శనివారం చిత్రయూనిట్‌ ప్రకటించింది. ‘‘థ్రిల్లింగ్‌ ఎంటర్‌టైనర్‌గా రూపొందిన చిత్రమిది. సరికొత్త పాత్రలు, విభిన్న కథా నేపథ్యంతో నిర్మించిన మా సినిమా టీజర్‌కి మంచి స్పందన వచ్చింది’’ అని చిత్రబృందం పేర్కొంది. ఈ చిత్రానికి సంగీతం: కాలభైరవ, కెమెరా: సురేష్‌ సారంగం, లైన్‌ ప్రాడ్యూసర్‌: అలేఖ్య పెదమల్లు, ఎగ్జిక్యూటివ్‌ నిర్మాత: బాబా సాయి, చీఫ్‌ ఎగ్జిక్యూటివ్‌ నిర్మాత: బాల సుబ్రమణ్యం కేవీవీ. చదవండి: 9 సార్లు పిల్లలను కోల్పోయిన స్టార్‌ హీరోయిన్‌.. వెబ్‌ స్క్రీన్‌పై బాగా వినిపిస్తున్న ఈ హీరోయిన్‌ గురించి తెలుసా ?

రజనీకాంత్‌, శంకర్‌ల కాంబినేషన్‌లో తెరకెక్కుతున్న 2.ఓ కన్నా ముందుగా కాలా విడుదల కానుందా? ఇందుకు అవుననే బదులు కోలీవుడ్‌ నుంచి వస్తోంది. 2.ఓ, కాలా చిత్రాల కథానాయకుడు సూపర్‌స్టార్‌ రజనీకాంతే అన్న విషయం తెలిసిందే. స్టార్‌ దర్శకుడు శంకర్‌ ఆధునిక సాంకేతిక పరిజ్ఞానంతో వెండితెరపై అద్భుతా లు చూపే ప్రయత్నం 2.ఓ. ఇందులో ఇంగ్లీష్‌ బ్యూటీ ఎమీజాక్సన్‌ నాయకిగా నటించింది. బాలీవుడ్‌ స్టార్‌ అక్షయ్‌కుమార్‌ విలన్‌గా గర్జిస్తున్న ఈ చిత్రానికి సంగీత మాంత్రికుడు ఏఆర్‌.రెహ్మాన్‌ సంగీత బాణీలు కడుతున్నారు. లైకా సంస్థ సుమారు రూ. 450కోట్ల వ్యయంతో తెరకెక్కిస్తున్న చిత్రం 2.ఓ. ఈ చిత్ర విడుదల తేదీ ఇప్పటికే రెండు సార్లు వాయిదా పడింది. ఏప్రిల్‌ 27న విడుదల చేయనున్నట్లు ఇటీవల చిత్ర వర్గాలు వెల్ల డించాయి. అయితే గ్రాఫిక్స్‌ పనులు పూర్తి కాకపోవడంతో 2.ఓ విడుదల మరోసారి వాయిదా పడే అవకాశం ఉందనే ప్రచారం జరుగుతోంది.  ఇక రజనీ నటిస్తున్న మరో చిత్రం కాలా. పా.రంజత్‌ తెరక్కిస్తున్న మరో సంచలన చిత్రం కాలా. కబాలి తరహాలోనే మరోసారి రజనీకాంత్‌ను దర్శకుడు దాదాగా చూపిస్తున్నారు. నటుడు, రజనీకాంత్‌ అల్లుడు ధనుష్‌ తన వండర్‌బార్‌ ఫిలింస్‌ పతాకంపై నిర్మిస్తున్న ఈ చిత్రంలో రజనీకి జంటగా ఈశ్వరీరావు నటిస్తున్నారు. ఈ చిత్రం షూటింగ్‌ పూర్తి చేసుకుని నిర్మాణాంతర కార్యక్రమాలను జరుపుకుంటోంది. రజనీకాంత్‌ ఇటీవలే ఈ చిత్రానికి డబ్బింగ్‌ చెప్పారన్నది గమనార్హం. అత్యంత భారీ బడ్జెట్‌ చిత్రం 2.ఓ తరువాత ఆ క్రేజ్‌ను క్యాష్‌ చేసుకోవాలని కాలా చిత్ర యూనిట్‌ భావించారు. అయితే 2.ఓ విడుదల ఆలస్యం జరుగుతుండటంతో దాన్ని ఓవర్‌టేక్‌ చేసి కాలా చిత్రాన్ని ఏప్రిల్‌ 22న విడుదల చేయడానికి సన్నాహాలు జరుగుతున్నట్లు కోలీవుడ్‌ వర్గాల తాజా సమాచారం.

పవర్ స్టార్ పవన్ కళ్యాణ్ త్రివిక్రమ్ శ్రీనివాస్ దర్శకత్వంలో మరోసారి సినిమా చేస్తున్న సంగతి తెలిసిందే. ఈ కాంబినేషన్ లో రూపొందిన జల్సా, అత్తారింటికి దారేది సినిమాలు మంచి విజయాలు సాదించటంతో తాజా చిత్రంపై భారీ హైప్ క్రియేట్ అయ్యింది. అందుకు తగ్గట్టుగా భారీ బడ్జెట్ తో ప్రతిష్టాత్మకంగా హారికా అండ్ హాసిని క్రియేషన్స్ సంస్థ ఈ చిత్రాన్ని రూపొందిస్తోంది. ప్రస్తుతం నిర్మాణ దశలో ఉన్న ఈ సినిమాకు అజ్ఙాతవాసి అనే టైటిల్ ను పరిశీలిస్తున్నట్టుగా ప్రచారం జరుగుతోంది. ఇటీవల పవన్ పుట్టిన రోజు సందర్భంగా చిత్రయూనిట్ ఓ మ్యూజికల్ టీజర్ ను రిలీజ్ చేసిన చిత్రయూనిట్ సినిమా జనవరి 10న రిలీజ్ చేస్తామని తెలిపారు. అయితే తాజా సమాచారం ప్రకారం ఈ సినిమాను అనుకున్న సమయం కన్నా ఒకరోజు ముందుగానే జనవరి 9 సాయంత్రం పెయిడ్ ప్రీమియర్ షోస్ తో రిలీజ్ చేయాలని భావిస్తున్నారట. ప్రస్తుతానికి అధికారిక సమాచారం లేకపోయినా.. ఫ్యాన్స్ మాత్రం ప్రీమియర్ షోస్ కోసం పట్టుబడుతున్నారని తెలుస్తోంది.


 పవర్ స్టార్ పవన్ కళ్యాణ్ హీరోగా తెరకెక్కుతున్న లేటెస్ట్ సినిమా కాటమరాయుడు. తమిళ సూపర్ హిట్ సినిమా వీరంకు రీమేక్గా తెరకెక్కుతున్న ఈ సినిమాకు గోపాల గోపాల ఫేమ్ డాలీ దర్శకుడు. గబ్బర్సింగ్ సినిమాతో హిట్ పెయిర్గా గుర్తింపు తెచ్చుకున్న పవన్, శృతి హాసన్లు ఈ సినిమాలో మరోసారి జోడి కడుతున్నారు. ఇప్పటికే షూటింగ్ పూర్తి కావచ్చని ఈ సినిమాను మార్చి నెలాఖరున రిలీజ్ చేసేందుకు ప్లాన్ చేస్తున్నారు.
 
 ముందుగా ఈ సినిమాను ఉగాది కానుకగా మార్చి 29న రిలీజ్ చేసేందుకు ప్లాన్ చేశారు. అయితే తాజా సమాచారం ప్రకారం కాటమరాయుడు సినిమాను మరోవారం ముందుగా అంటే మార్చి 24నే రిలీజ్ చేసేందుకు ప్లాన్ చేస్తున్నారట. మార్చి 15 వరకు చాలా మంది పిల్లలకు పరీక్షలు అయిపోతాయన్న ఆలోచనతో సినిమాను ప్రీపోన్ చేసేందుకు రెడీ అవుతున్నారు. ప్రస్తుతానికి అధికారిక ప్రకటన లేకపోయినా.. కాటమరాయుడు ముందే వస్తున్నాడన్న వార్తతో అభిమానులు పండుగ చేసుకుంటున్నారు.