ఆస్కార్‌.. ఎంతోమంది కలలు గనే ఈ అవార్డు గతేడాది ఇండియన్‌ సినిమాను వరించింది. దర్శకధీరుడు రాజమౌళి తెరకెక్కించిన ఆర్‌ఆర్‌ఆర్‌ మూవీలో నాటు నాటు పాటకు ఉత్తమ ఒరిజినల్‌ విభాగంలో అకాడమీ పురస్కారం లభించింది. అంతేగాక ఈ సినిమా టీమ్‌ సభ్యులైన జూనియర్‌ ఎన్టీఆర్‌, రామ్‌ చరణ్‌, కీరవాణి, చంద్రబోస్‌, సెంథిల్‌, సాబు శిరిల్‌ గతేడాది అకాడమీ ఆఫ్‌ మోషన్‌ పిక్చర్‌ ఆర్ట్స్‌ అండ్‌ సైన్సెస్‌ (ఏమ్‌పీఏఎస్‌) లో సభ్యత్వం సాధించారు.ఇప్పుడు ఆ జాబితాలో రాజమౌళి దంపతులు చేరారు. దర్శకత్వ కేటగిరీలో జక్కన్న, కాస్ట్యూమ్‌ డిజైనర్‌ లిస్టులో ఆయన భార్య రమా రాజమౌళి అకాడమీలో చేరేందుకు ఆహ్వానం అందుకున్నారు. ఈ ఏడాది అకాడమీ.. 57 దేశాల నుంచి 487 మంది సభ్యులకు ఆహ్వానం పంపింది. వీరిలో భారత్‌ నుంచి రాజమౌళి దంపతులతో పాటు కొరియోగ్రాఫర్‌ ప్రేమ్‌ రక్షిత్‌, బాలీవుడ్‌ నటి షబానా అజ్మీ, సినిమాటోగ్రాఫర్‌ రవి వర్మ, దర్శకనిర్మాత రీమా దాస్‌, నిర్మాత రితేశ్‌ సిద్వానీ తదితరులు ఉన్నారు. సినిమాల విషయానికొస్తే.. రాజమౌళి ప్రస్తుతం మహేశ్‌బాబుతో ఓ సినిమా(#SSMB29) చేస్తున్నాడు. ఇందుకు సంబంధించిన ప్రీ ప్రొడక్షన్‌ పనులు జరుగుతున్నాయి. త్వరలోనే షూటింగ్‌ ప్రారంభించనున్నారు. View this post on Instagram A post shared by The Academy (@theacademy) చదవండి: ప్రియుడితో పెళ్లి.. ట్రోలర్స్‌కు కౌంటరిచ్చిన హీరోయిన్‌!

తెలుగు సినిమా చరిత్ర సృష్టించిన రోజిది. బెస్ట్‌ ఒరిజినల్‌ సాంగ్‌ విభాగంలో ఆర్‌ఆర్‌ఆర్‌ సినిమాలోని నాటునాటు పాటకు ఆస్కార్‌ అవార్డు లభించడంతో ప్రతి భారతీయుడి హృదయం గర్వంతో ఉప్పొంగిపోతుంది. నాటునాటు సాంగ్‌కు ఆస్కార్‌ అవార్డు ప్రకటించగానే డాల్బీ థియేటర్‌ దద్దరిల్లిపోయింది.  రాజమౌళి, ఆయన భార్య రమ సంతోషంతో భావేద్వేగానికి గురయ్యారు. కార్తికేయ దంపతులతో కలిసి గంతులేశారు. రామ్‌చరణ్, ఎన్టీఆర్ ఆలింగనం చేసుకుంటూ తమ సంతోషాన్ని వ్యక్తం చేశారు. మరోవైపు, లైవ్‌లో చూస్తున్న భారతీయులు సైతం ఆనందంతో పులకరించిపోయారు. తెలుగు సినిమా పాట ఆస్కార్‌కు నామినేట్ కావడం, అవార్డు దక్కించుకోవడం ఇదే తొలిసారి. దీంతో తెలుగువాళ్లతో పాటు భారత సినీ అభిమానులు ఆర్‌ఆర్‌ఆర్‌ చిత్ర బృందానికి శుభాకాంక్షలు చెబుతూ సోషల్ మీడియాను హోరెత్తిస్తున్నారు.

‘‘నా దృష్టిలో సినిమా అంటే ఓ దేవాలయం. చిన్నప్పుడు సినిమా చూసేందుకు వెళ్లినప్పుడు పొందిన ఆనందం నాకిప్పటికీ గుర్తుంది’’ అని దర్శకుడు రాజమౌళి అన్నారు. రామ్‌చరణ్, ఎన్టీఆర్‌ హీరోలుగా రాజమౌళి దర్శకత్వంలో తెరకెక్కిన చిత్రం ‘ఆర్‌ఆర్‌ఆర్‌’. డీవీవీ దానయ్య నిర్మించిన ఈ సినిమా గత ఏడాది విడుదలై, బ్లాక్‌బస్టర్‌గా నిలిచింది. ఇప్పటికే ఈ చిత్రం పలు అవార్డులు అందుకుంది.  తాజాగా ఉత్తమ దర్శకుడిగా ‘న్యూయార్క్‌ ఫిల్మ్‌ క్రిటిక్స్‌ సర్కిల్‌’ అవార్డును అందుకున్నారు రాజమౌళి. ఈ సందర్భంగా ఆయన మాట్లా డుతూ– ‘‘ఆర్‌ఆర్‌ఆర్‌’కి ఉత్తమ దర్శకుడి అవార్డును అందుకోవడం సంతోషంగా ఉంది. ప్రతి సీన్‌ని నేను ఓ ప్రేక్షకుడిలా ఊహించుకుని తీస్తాను. ప్రపంచంలోని భారతీయులను ఆకట్టుకోవడం కోసం సినిమాలు తీస్తుంటాను. కానీ, ‘ఆర్‌ఆర్‌ఆర్‌’పై భారతీయులు ఎలాంటి ప్రేమను చూపించారో విదేశీయులు కూడా అలానే చూపించారు. నా సినిమాలకు పని చేసే ముఖ్యమైన వ్యక్తులందరూ నా సొంత కుటుంబ సభ్యులే. నన్ను అత్యున్నత స్థానంలో నిలపడం కోసం వారు కష్టపడుతున్నారు. నేను ఎలాంటి విజయాలు అందుకున్నా నా కుటుంబానికి ఎప్పటికీ రుణపడి ఉంటాను. అలాగే, ‘ఆర్‌ఆర్‌ఆర్‌’ టీమ్, తారక్‌ (ఎన్టీఆర్‌), చరణ్‌ (రామ్‌చరణ్‌)లకు, సినిమా ప్రేమికులకు థ్యాంక్స్‌’’ అన్నారు. కాగా ఈ వేడుకలో రాజమౌళి సతీమణి రమా, వదిన వల్లి, తనయుడు కార్తికేయ, కోడలు పూజ, నిర్మాత శోభు యార్లగడ్డ పాల్గొన్నారు. 

బాహుబలి చిత్రంతో భారత దేశంలోనే నెంబర్ వన్ దర్శకుడిగా పేరు తెచ్చుకున్నాడు దర్శకధీరుడు రాజమౌళి. తన కెరీర్ మొదట్లో పడిన కష్టాల గురించి ఓ విద్యాసంస్థలో జరిగిన ఈవెంట్‌లో జక్కన్న ఓపెన్ అయ్యాడు. తనకు చదువు అంతగా రాలేదని.. తన చిన్నప్పటి నుంచి సినిమా తప్ప మరో ప్రపంచం తెలియదని తెలిపాడు. అయితే తన తండ్రి విజయేంద్ర ప్రసాద్‌ అప్పటికే సినీ ఇండస్ట్రీలో ఉండడంతో అన్ని క్రాఫ్ట్స్‌లోనూ పని చేశానని చెప్పాడు. ఒక దర్శకుడికి అన్ని క్రాఫ్ట్స్‌లోనూ పట్టుండాలనే కసితో అన్నీ నేర్చుకున్నట్లు చెప్పాడు రాజమౌళి. అయితే మద్యలో ఒక టైమ్‌లో తనకు పైసా సంపాదన లేని సమయంలో తన భార్య ర‌మా రాజ‌మౌళి జీతం మీద బతికానని ఆమెనే తనని పోషించిందని ఆయన పేర్కొన్నాడు. అలా చెప్పుకోవడానికి తనకు సిగ్గేయడం లేదని సంతోషంగా ఉందని చెప్పాడు. తాను దర్శకుడు కాకముందు తన పనల్లా పొద్దున్నే భార్య ర‌మాను ఆఫీస్‌లో డ్రాప్ చేసి కధలు, డైలాగ్స్‌ రాసుకోవడం, మళ్ళీ సాయంత్రం ఇంటికి తీసుకు రావడం అని ఇది మా లవ్‌స్టోరీ అని జక్కన్న తన జ్ఞాపకాలను గుర్తు చేసుకున్నారు.  అలాంటి పరిస్థితుల నుంచి ఈ రోజు భారత దేశం గర్వించదగ్గ దర్శకుడిగా మారాడు జక్కన్న. ఇక ప్రస్తుతం రాజమౌళి దర్శకత్వంలో రామ్ చరణ్, ఎన్టీఆర్ హీరోలుగా 'ఆర్ ఆర్ ఆర్' చిత్రం జనవరి 7, 2022న విడుదలకు సిద్దమౌతున్న విషయం తెలిసిందే.

అపజయం ఎరుగని డైరెక్టర్లలో రాజమౌళి ముందుంటారు. ఆయన తెరకెక్కించిన సినిమాలన్నీ బాక్సాఫీస్‌ రికార్డులను తిరగరాశాయి. వంద శాతం సక్సెస్‌ ఫార్ములాతో దూసుకుపోతూ ప్రపంచ వ్యాప్తంగా గుర్తింపు పొందారు. ఇక రాజమౌళితో పాటు ఆయన కుటుంబంలో పలువురు ఇండస్ట్రీకి చెందినవారే. కీరవాణి, విజేంద్ర ప్రసాద్‌, కార్తికేయ.. ఇలా పలువురు ఇండస్ట్రీలో తమకంటూ ప్రత్యేక గుర్తింపు సంపాదించుకున్నారు. ఇక రాజమౌళి భార్య రమా రాజమౌళి ఆయన సినిమాలకు కాస్ట్యూమ్ డిజైనర్‌గా పనిచేస్తున్న సంగతి తెలిసిందే. అయితే ఇటీవలె ఆమె ఫ్రొఫెషన్‌కు సంబంధించి ఓ వార్త సోషల్‌ మీడియాలో తెగ చక్కర్లు కొడుతుంది. రమా రాజమౌళి ఇంతకుముందు న్యూస్‌ రీడర్‌గా పనిచేశారంటూ ఓ వీడియో తెగ వైరల్‌ అవుతుంది. అయితే ఆమె న్యూస్‌ రీడర్‌గా చేసింది కేవలం సీరియల్‌లో ఓ పాత్ర కోసం మాత్రమే. నిజ జీవితంలో ఆమె న్యూస్‌ రీడర్‌గా పనిచేయలేదు. గతంలో ఓ ఛానెల్‌లో అమృతం అనే సీరియల్‌ వచ్చిన సంగతి తెలిసిందే. ఆ సీరియల్‌ అప్పట్లో సూపర్‌ డూపర్‌ హిట్‌. గుణ్ణం గంగరాజు తెరకెక్కించిన ఈ సీరియల్‌లో రాజమౌళి అన్నయ్య కాంచి కూడా నటించారు. ఆయనతో పాటు రాజమౌళి కుటుంబ సభ్యులు కూడా ఈ సీరియల్ కోసం పని చేశారు. అదే సమయంలో రాజమౌళి భార్య రమా రాజమౌళి ఆ సీరియల్‌లో న్యూస్‌ రీడర్‌గా కనిపించారు. ప్రస్తుతం దీనికి సంబంధించిన వీడియో నెట్టింట చక్కర్లు కొడుతుంది.  చదవండి : RRR: ఆర్‌ఆర్‌ఆర్‌ వచ్చేది ఈ అక్టోబరులోనే! RRR Movie: ఫైట్‌ సీన్‌కి కన్నీళ్లొస్తాయి! 

సాక్షి, కాకినాడ : తెలుగు సినీ రంగానికి ప్రపంచవ్యాప్తంగా గుర్తింపు తెచ్చిన ప్రముఖ దర్శకుడు, బాహుబలి సృష్టికర్త  ఎస్.ఎస్. రాజమౌళి ఈ నెల 23న గురువారం కాకినాడ రానున్నారు. రాజమౌళితో పాటు ఆయన భార్య రమా రాజమౌళి, ప్రముఖ సంగీత దర్శకుడు ఎం.ఎం.కీరవాణి, ఆయన భార్య శ్రీవల్లీ కూడా రానున్నారు. 23వ తేదీ సాయంత్రం 4.00 గంటలకు భానుగుడి మహేంద్ర స్వీట్స్ వెనుక శ్రీకన్య ఇన్, శ్రీకన్య ఫంక్షన్ హాలు ప్రారంభోత్సవ కార్యక్రమంలో పాల్గొననున్నారు.వీరితో పాటు మరికొంత మంది వారి కుటుంబ సభ్యులు హాజరు కానున్నారు. బాహుబలి సక్సెస్ తరువాత లాంగ్ గ్యాప్ తీసుకున్న రాజమౌళి త్వరలో తన తదుపరి చిత్రాన్ని ప్రకటించనున్నారు.


 శివగామి అంత పవర్‌ఫుల్‌ మదర్‌ క్యారెక్టర్‌గా మనకు ఎందుకు కనపడుతోంది? ధైర్యం వల్ల... త్యాగం వల్ల... కుటుంబ గౌరవం కోసం పోరాడిన వీర వనిత అవ్వడం వల్ల! రమా రాజమౌళి తన పిల్లలకే కాదు... ‘బాహుబలి’ యూనిట్‌కి ఒక తల్లి. కుటుంబం ఒక రాజ్యం అయితే... ఆవిడ శివగామి. రాజమౌళి జీవితంలో అసలు సిసలైన శివగామి!
 
 ♦ ఏంటండీ... గిన్నెలు, స్టవ్వు, పరుపులు, దుప్పట్లు... ‘బాహుబలి’ పనులు ఎక్కడ జరిగితే ఆ ప్లేస్‌ని ఇంటిలా మార్చేస్తారా?
 రమా రాజమౌళి: (నవ్వుతూ). ఈ సినిమా కోసం నాలుగైదేళ్లు డెడికేట్‌ చేసేశాం. దాదాపు ఇంటికి దూరంగా ఉండాల్సిన పరిస్థితి. అందుకే ఎక్కడ ఉంటే అక్కడ ఇంటి వాతావరణం గుర్తుకొచ్చేలా మార్చేశాం. అలా లేకపోతే ఇది హోటల్, ఇది పోస్ట్‌ ప్రొడక్షన్‌ వర్క్‌ ల్యాబ్, ఇది షూటింగ్‌ స్పాట్‌ అనే ఫీలింగ్‌ మనసులో ఉంటుంది. పైగా నందీ (రాజమౌళి)కి ఇల్లంటే ఇష్టం. బయట ఎక్కువ రోజులు ఉండాల్సి వస్తే, అది ఎంత పెద్ద స్టార్‌ హోటల్‌ అయినా అక్కడి మంచాల మీద మా దుప్పట్లు వేస్తాను. వేరే బెడ్‌షీట్స్‌ అయితే నందీకి నిద్రపట్టదు. నేను ఒకటి రెండు రోజుల గురించి మాట్లాడటం లేదు. పెద్ద పెద్ద షెడ్యూల్స్‌ గురించి చెబుతున్నా. ఈ సినిమా షూటింగ్‌ అప్పుడు ఆర్‌ఎఫ్‌సీలో ఓ గెస్ట్‌ హౌస్‌ని ఇంటిలా మార్చేశాం. ఇంటి స్టాఫ్‌ని తీసుకెళ్లిపోయాం. దాదాపు వంట నేనే చేస్తాను.
 
 ♦  అంత టైమ్‌ మీకుంటుందా? మీరీ సినిమాకి కాస్ట్యూమ్‌ డిజైనర్‌ కదా... ఆ పనులు చూసుకోవాలిగా?
 రమ: నాకు వంట చేయడం ఎప్పుడూ ఇబ్బంది అనిపించలేదు. ఈజీగా, ఫాస్ట్‌గా చేసేస్తా. ఎప్పుడూ పూటకి 20 మందికి వంట చేస్తాను. ఇంట్లో ఉన్నా ఎవరో ఒకరు వస్తుంటారు. లొకేషన్‌కి క్యారియర్‌ పంపాలంటే ఒకరికో ఇద్దరికో పంపలేం కదా. అందుకే ఎప్పుడూ 20, 25 మందికి వండుతుంటాను. తక్కువ వండాలంటే నాకు కష్టమే. హైదరాబాద్‌లో షూటింగ్‌ అంటే నందీకి ఇంటి నుంచే క్యారియర్‌ పంపిస్తాను.
 
 ♦  మీ నందిగారికి నచ్చిన వంటకాలు... అసలు బయట ఫుడ్‌ని ఎంజాయ్‌ చేయరా?
 రమ: ‘ఇది కావాలి’ అని అడగడు. ఏది వండినా తింటాడు. పప్పుచారు, చికెన్‌ కాంబినేషన్‌ని ఇష్టంగా తింటాడు. ఇంటికి దూరంగా ఉన్నప్పుడు ఏదైనా కర్రీ, చారు పెట్టేస్తాను. అలా తినడం తనకూ ఇష్టమే. నందీకి పని తప్ప ఆరోగ్యం మీద ధ్యాస ఉండదు. తన ఆరోగ్యం గురించి నేనే పట్టించుకుంటుంటాను. మేం బయట కూడా తింటాం. సరదాగా లంచ్, డిన్నర్‌ అవీ చేస్తుంటాం. హాలిడే ట్రిప్స్‌కి వెళ్లినప్పుడు మాత్రం బయట ఫుడ్‌ తింటాం.
 
 ♦ ఒకసారి రాజమౌళిగారు పులిహోర కలుపుతున్న ఫొటో ఒకటి బయటికొచ్చింది. ఆయన గరిటె తిప్పుతుంటారా?
 రమ: రాజమౌళికి వంట రాదు. షూటింగ్‌ లేకపోతే వంటింట్లో గట్టు మీద కూర్చుని కబుర్లు చెబుతుంటాడు. ఒకసారి నేను పులిహోర చేస్తుంటే, మొత్తం కలిపాడు. అలాంటి సహాయాలు చేస్తుంటాడు.
 
 ♦   మీ ఇద్దరిలో ఉన్న కామన్‌ పాయింట్స్‌?  
 రమ: ఇద్దరికీ ఫుడ్‌ ఇష్టం. ట్రావెల్‌ చేయడం అంటే బోల్డంత సరదా. కొత్త ప్లేసులు చూడాలనుకుంటాం. ఎడ్వంచరస్‌ ట్రిప్స్‌ అంటే చాలా ఇష్టం. ఇద్దరి ఆలోచనలూ దాదాపు ఒకేలా ఉంటాయి.
 
 ♦ గుడ్‌ హజ్బెండ్‌కి కేరాఫ్‌ అడ్రస్‌ రాజమౌళిగారనొచ్చా?
 రమ: ‘దేర్‌ ఈజ్‌ నో గుడ్, దేర్‌ ఈజ్‌ నో బ్యాడ్‌’. ఎందుకంటే నాకు ఇష్టమైనది ఇంకొకరికి మంచి క్వాలిటీ కాకపోవచ్చు. ఇంకొకరి దృష్టిలో బ్యాడ్‌ క్వాలిటీ నా కోణంలో గుడ్‌ అవ్వొచ్చు. అందుకే మంచి భర్తకి కావాల్సిన క్యాలిటీ ఇదే అని చెప్పలేను. రాజమౌళికి 24 గంటలూ ప్రొఫెషనే. అది చాలామందికి నచ్చకపోవచ్చు. నచ్చకపోయినంత మాత్రాన అది తప్పుకాదు. చెబితే నమ్మరు. ఆయనకు ఒక్క ఫ్రెండ్‌ కూడా లేరు. దానిని మనం నెగిటివ్‌గానూ తీసుకోవచ్చు. పాజిటివ్‌ క్వాలిటీగానూ తీసుకోవచ్చు. మనం చూసే దృష్టికోణాన్ని బట్టి ఉంటుంది. నా వరకు ‘హీ ఈజ్‌ ఏ పర్‌ఫెక్ట్‌ పర్సన్‌’. ఇతరులను బాగా అర్థం చేసుకుంటాడు. కోపం వచ్చినా క్షణికమే. ఎవరి మీద కోపం వస్తే వాళ్లతో కోపంగా మాట్లాడి, వెంటనే వేరేవాళ్లతో మాట్లాడాల్సి వస్తే, మూడ్‌ మార్చుకుంటాడు. అది మంచి లక్షణం.
 
 ♦     ‘బాహుబలి’ లాంటి పెద్ద ప్రాజెక్ట్‌కు మీ ఫ్యామిలీ నాలుగేళ్లు అంకితమైపోతుందని ఊహించారా?    
 రమ: ఇంత పెద్ద ప్రాజెక్ట్‌ చేస్తామని ఊహించలేదు. రాజమౌళికి మహాభారతం అంటే ఇష్టం. ఆ ప్రాజెక్ట్‌ చేయాలనేవాడు. అది కనీసంæఐదేళ్ల ప్రాజెక్ట్‌ అనుకునేదాన్ని. ‘ఇప్పుడు మనకు బాధ్యతలు ఉన్నాయి. ఒక్క ప్రాజెక్ట్‌ మీద అంత టైమ్‌ స్పెండ్‌ చేయలేం. అది రిటైర్‌మెంట్‌ ప్రాజెక్ట్‌ అయితే బెటర్‌’ అనేదాన్ని. తనూ అదే కరెక్ట్‌ అనుకున్నాడు. కానీ ఇప్పుడనిపిస్తోంది. ‘బాహుబలి’నే ఐదేళ్ల ప్రాజెక్ట్‌ అయితే ‘మహాభారతం’కి పదేళ్లు పడుతుందని.
 
 ♦ పది మందికి పైగా మీ కుటుంబ సభ్యులు ‘బాహుబలి’కి పని చేశారు. ‘ఫ్యామిలీ ప్యాకేజ్‌’ అని బయట చాలామంది అంటుంటారు. మీ రెమ్యూనరేషన్‌ ఎంత?
 మిగతా అందరికీ పారితోషికాలు ఉంటాయి. నాకు రాజమౌళి కోసం పని చేయడం ఇష్టం కాబట్టి చేస్తున్నాను. అందుకని పారితోషికం తీసుకోను.
 ♦ అసలు కాస్ట్యూమ్‌ డిజైనర్‌గా మీ కెరీర్‌ ఎలా ప్రారంభమైంది?
 రమ: మొదట్నుంచీ కెరీర్‌లో పెద్ద స్థాయికి ఎదగాలని నేను అనుకోలేదు. అమ్మ చదువుకోమని చెబుతున్నా పట్టించుకునేదాన్ని కాదు. పెళ్లైన తర్వాత కూడా సినిమాల్లో వర్క్‌ చేయాలని కానీ, కాస్ట్యూమ్‌ డిజైనర్‌ అవ్వాలనీ ఆలోచన లేదు. రాజమౌళికి క్యారియర్‌ తీసుకుని షూటింగ్‌ స్పాట్‌కి వెళ్లేదాన్ని. ఆ టైమ్‌లో ‘సింహాద్రి’ షూట్‌ జరుగుతోంది. కాస్ట్యూమ్స్‌లో కొన్ని రాజమౌళికి నచ్చేవి కావు. మార్చి చేయించుకుందామంటే అసలు ప్రాబ్లమ్‌ ఏంటో చెప్పడం తనకు తెలిసేది కాదు. అప్పుడు నేను కలర్‌ కాంబినేషన్‌ విషయంలో సలహాలిచ్చేదాన్ని. అలా నాకు తెలియకుండానే ఇన్వాల్వ్‌ అయ్యాను. సాంగ్స్‌ తీసేటప్పుడు ‘కొంచెం కాస్ట్యూమర్‌తో మాట్లాడవా?’ అని నంది అనేవాడు. దాంతో నేనే వెళ్లి, మెటీరియల్‌ కొని, తీసుకొచ్చేదాన్ని. ‘సింహాద్రి’లోని అన్ని సాంగ్స్‌కు నేనే చేశా. ‘సై’ సిని మా  నుంచి అఫిషియల్‌ అయిపోయా.
 
 ♦ రాజమౌళిగారికి కలర్‌ కాంబినేషన్‌ గురించి ఎంతవరకూ అవగాహన ఉంది?
 రమ: క్యారెక్టర్‌ లుక్‌ గురించి చెబుతారు కానీ, కాస్ట్యూమ్స్‌ ను ఆయన ఊహించలేరు. కలర్‌ మ్యాచింగ్‌ గురించి తనకు పెద్దగా ఐడియా లేదు. కాస్ట్యూమ్‌గా చూసినప్పుడు ఆయనకు అర్థం కాదు. అయితే ఆర్టిస్టులు వేసుకున్న తర్వాత లుక్స్‌కి ఇంప్రెస్‌ అయ్యేవారు.
 
 ♦ సో... రాజమౌళిగారి డ్రెస్సుల సెలక్షనంతా మీదే అన్నమాట...
 రమ: అన్నీ నేనే ఎంపిక చేస్తాను. ఒకరోజైతే నేనేదో పని మీద ఉంటే, తనంతట తాను ఒక డ్రెస్‌ సెలక్ట్‌ చేసుకుని, వేసుకుని వెళ్లాడు. అది రెడ్‌ టీ షర్ట్, రెడ్‌ ప్యాంట్‌. అలా వింత కాంబినేషన్‌లో డ్రెస్సులు వేసుకున్న సందర్భాలున్నాయి. అప్పుడు షూటింగ్‌ బిజీలో అలా చేశాడు. సినిమా జరగనప్పుడు కాస్త మైండ్‌ పెడితే మంచి కాంబినేషన్‌ సెలక్ట్‌ చేసుకోగలడు.
 
 ♦ పెద్ద డైరెక్టర్‌ని అనే గర్వం రాజమౌళిగారికి ఉంటుందా?
 రమ: గర్వం ఉంటుంది. ఆయన ఏం గౌతమ బుద్దుడు కాడు. సెయింట్‌ అసలే కాదు. ఇంత పెద్ద సక్సెస్‌ సాధించిన తర్వాత చిన్నపాటి గర్వం లేకుండా ఎలా ఉంటుంది? రాజమౌళి సక్సెస్‌ చూసి, నాకూ గర్వంగా ఉంటుంది.
 
 ♦  ‘బాహుబలి’ కోట్ల బడ్జెట్‌తో తీసిన మూవీ. పార్ట్‌ 1 పెద్ద సక్సెస్‌ అయింది కాబట్టి ఓకే. లేకపోతే ఏంటి? అనే టెన్షన్‌ ఉండేదా?
 రమ: ఈ సినిమాకి మాత్రమే కాదు. ప్రతి సినిమాకీ నేను ఆందోళన పడతాను. ఇప్పుడు కూడా టెన్షన్‌లో ఉన్నాను. నా భయాన్ని మాటల్లో చెప్పలేను. కడుపు మెలి తిప్పిన ఫీలింగ్‌. కానీ ఎక్కువసేపు ఇదే మూడ్‌లో ఉండను. తర్వాత పక్కకు నెట్టేసి హ్యాపీ మూడ్‌లోకి వచ్చేస్తాను. రాజమౌళి మెదడుకు ఖాళీయే ఉండదు. షూటింగ్‌ చేస్తాడు. ఫుల్‌గా అలసిపోతాడు. హాయిగా నిద్రపోతాడు. అస్సలు భయపడడని కాదు, ఉంటుంది. కానీ నాకున్నంత భయం ఆయనకు ఉండదు. నేనెక్కువగా ఖాళీగా ఉంటాను కదా. అందుకే ఎక్కవగా ఆలోచించి అలా భయపడుతుంటాను.
 
 ♦ ఫైనల్లీ... మీది పెద్ద ఫ్యామిలీ. అందరూ ఎంతో క్లోజ్‌గా ఉంటారు. మీలోని మంచి ‘హోమ్‌ మేకర్‌’ అందరూ కలసి మెలసి ఉండేలా చేస్తుందనుకోవచ్చా?
 రమ: కీరవాణిగారిల్లు, మా ఇంటికి కొంచెం దూరంలో ఉంది. మేం ఐదు కుటుంబాలు ఒకే అపార్ట్‌మెంట్లో ఉంటాం. కుటుంబ సభ్యులంతా కలసి మెలసి ఉండటానికి ఎవరో ఒకరు ఇనిషియేట్‌ తీసుకోవాలి. అది నేనవుతాను. పండగలంటే అందరం కలసి చేసుకోవాల్సిందే. ఆ టైమ్‌లో మేం ఓ 50 మంది వరకూ ఉంటాం. ఒకరి అభిప్రాయాలను మరొకరు గౌరవించినప్పుడు మనస్పర్థలకు తావు ఉండదు.
 – డి.జి. భవాని
 
 ♦ బాహుబలి’ కోసం పని చేసిన మీ కుటుంబ సభ్యుల గురించి?
 రమ:  మా పెద మామగారు శివశక్తి దత్తా, మా పిన మామగారు రామకృష్ణ పాటలు రాశారు. మా మామగారు విజయేంద్రప్రసాద్‌ కథ ఇచ్చారు. కీరవాణిగారు పాటలు ఇచ్చారు. కల్యాణి కోడూరి సౌండ్‌ మిక్సింగ్‌ చేశారు. నేను సై్టలిస్ట్‌గా చేశా. నా సిస్టర్‌ వల్లి లైన్‌ ప్రొడ్యూసర్‌. మా అబ్బాయి కార్తికేయ సెకండ్‌ యూనిట్‌ డైరెక్టర్‌. కీరవాణిగారి పెద్దబ్బాయి భైరవ పాటలు పాడాడు. కీరవాణిగారి రెండో అబ్బాయి శ్రీసింహా అసిస్టెంట్‌ డైరెక్టర్‌గా చేశాడు. రామకృష్ణగారి అబ్బాయి రాజబలి వీఎఫ్‌ఎక్స్‌ డిపార్ట్‌మెంట్‌లో చేశాడు. కల్యాణి కోడూరి అబ్బాయి మయూర్‌ ఒక బిట్‌కి డబ్బింగ్‌ చెప్పాడు. మూడు తరాలు పని చేశాం.
 
 కార్తికేయ బలం అదే!
 ♦ మీ అబ్బాయి కార్తికేయ కూడా డైరెక్టర్‌ అవుతారా?
 రమ:  ‘బాహుబలి’కి కార్తికేయ సెకండ్‌ యూనిట్‌ డైరెక్టర్‌గా చేశాడు. తనకు డైరెక్షన్‌ డిపార్ట్‌మెంట్‌ సూట్‌ కాదు. ప్రొడక్షన్‌లో కెరీర్‌ బిల్డ్‌ చేసుకోవాలనుకుంటున్నాడు. సిచ్యుయేషన్స్‌ని హ్యాండిల్‌ చేయడంలో కార్తికేయ బెస్ట్‌. అదే అతని బలం. డైరెక్టర్‌కు ఉండాల్సినంత ఫోకస్‌ వాడికి లేదు. చాలా కష్టపడతాడు. అయితే స్థిరంగా ఒక చోట కూర్చొని పని చేయలేడు. అయినా సెకండ్‌ యూనిట్‌ డైరెక్టర్‌గా ఎలా చేయగలిగాడంటే రాజమౌళికి ఏం కావాలో కార్తికేయ బాగా అర్థం చేసుకోగలడు.
 తన మనసును కార్తికేయ చదవగలడు. ఈ సినిమా మొత్తం జనాలే. వాళ్లందర్నీ బాగా కంట్రోల్‌ చేశాడు. సెకండ్‌ యూనిట్‌ డైరెక్ట్‌ చేశావు కదా. డైరెక్టర్‌ అవుతావా అనడిగితే... ‘ఇప్పుడింకా క్లారిటీ వచ్చింది. డైరెక్షన్‌లోకి అస్సలు వెళ్లను’ అన్నాడు. నాకేం కావాలో పిల్లలు అది అవ్వాలని ఎప్పుడూ బలవంతపెట్టలేదు, పెట్టను కూడా. కానీ, వాళ్ల బలాబలాలు ఏంటో వాళ్లకు చెబుతుంటాను.
 
 ♦ మీ నాన్న (రాజమౌళి)గారు టోటల్‌గా ‘బాహుబలి’కే డెడికేట్‌ కావడం కోపంగా అనిపించిందా?
 మయూఖ: నాన్నగారు చాలా కష్టపడతారు. రెండు నిమిషాలు టైమ్‌ ఉన్నా నాతో ఆప్యాయంగా మాట్లాడతారు. ఒక పెద్ద ప్రాజెక్ట్‌ చేస్తున్నారని నాకు తెలుసు. అందుకే కోపం లేదు.
 
 ♦ ఇంతకీ అమరేంద్ర బాహుబలిని కట్టప్ప ఎందుకు చంపాడో మీకు తెలుసా?
 మయూఖ: అది మాక్కూడా తెలియదు. నాన్న చెప్పలేదు. స్కూల్లో ఫ్రెండ్స్‌ కూడా ఈ విషయం గురించి అడుగుతుంటారు.
 కుముద్వతి: ఆ విషయం తెలుసుకోవాలని మాకూ ఉంది.
 
 ♦  ప్రభాస్‌ని పరిచయం చేయమని ఫ్రెండ్స్‌ అడుగుతారా?
 కుముద్వతి: ఆటోగ్రాఫ్‌ కావాలని అడిగితే, ప్రభాస్‌ అన్నయ్య దగ్గర సైన్‌ పెట్టించుకు వెళ్లాను. నా ఫ్రెండ్స్‌ చాలా హ్యాపీ ఫీలయ్యారు.
 మయూఖ: నా ఫ్రెండ్‌ యుక్తీకి ప్రభాస్‌ అన్నయ్య అంటే ఇష్టం. ఒకసారి లొకేషన్‌కి తీసుకెళితే ఫొటో దిగింది.
 
 ♦ పెద్దయ్యాక ఏమవ్వాలనుకుంటున్నారు?
 మయూఖ: నాకు సింగర్‌ అవ్వాలని ఉంది. కర్ణాటక మ్యూజిక్‌ నేర్చుకుంటున్నాను. మ్యూజిక్‌లో నాకు మా పెదనాన్న కీరవాణిగారు, హాలివుడ్‌లో ‘రాక్‌మై బ్యాండ్‌’ ఇష్టం.
 కుముద్వతి: ఏమో ఇంకా ఏం డిసైడ్‌ చేసుకోలేదు.
 
 ♦ కీరవాణిగారు ఇటీవల తాను చాలామంది ‘బ్రెయిన్‌లెస్‌ డైరెక్టర్స్‌’తో సినిమాలు చేశానంటూ ఘాటుగా స్పందించడం వెనక ఏదో పెద్ద బాధే ఉండి ఉంటుందనిపిస్తోంది. ఆ బాధ గురించి కుటుంబ సభ్యులతో పంచుకున్నారా?
 రమ:  లేదు. ఏదో ఒక విషయంలో ఆయన ఎక్కువ బాధపడి ఉంటారు. ఆయన జీవితంలో ఎన్నో బరువు, బాధ్యతలను మోసారు అన్న విషయం మర్చిపోకూడదు. ఆయన ఫీలయ్యారు కాబట్టి అలా స్పందించారు. ప్రతి మనిషికీ లోలోపల ఏదో íఫీలింగ్‌ ఉంటుంది. ఆ ఫీలింగ్‌ ఎప్పుడో ఒకసారి బయటకు వస్తుంది. ఇప్పుడు వచ్చింది.
 
 ♦ అంత ఘాటైన వ్యాఖ్యలు చేయడం సరికాదన్నది కొందరి అభిప్రాయం... మరి మీ ఇంట్లో?
 రమ:  మనం చేసే ప్రతి పని అందరికీ నచ్చాలని లేదు. నచ్చవచ్చు, నచ్చకపోవచ్చు. ఎవరేం చేయాలనుకుంటే అది చేస్తే మంచిది. అందుకే ‘ఇది సరి కాదు’ అనే చర్చ మా మధ్య రాదు. మా కుటుంబ సభ్యులకు మేం ఎప్పుడూ సపోర్ట్‌గానే ఉంటాం.
 
 అప్పుడు నాకు మూడేళ్ల వయసుంటుందేమో! ఓ రూపాయి కావాలని అమ్మను అడిగా. సరే, ఇస్తానంది. అప్పుడు మా ఇంట్లో ఓ బ్లూ స్కూటర్‌ ఉండేది. ఎక్కడా మట్టి లేకుండా శుభ్రంగా ఆ స్కూటర్‌ను కడిగి రూపాయి తీసుకోమని చెప్పింది. పెద్దయిన తర్వాత ఆలోచిస్తే... కష్టపడితేనే డబ్బులు వస్తాయని నాకు అర్థమవడానికి అప్పుడలా అమ్మ ప్రాక్టికల్‌గా చూపించిందనిపించింది.
 కుటుంబ విలువలు కాపాడుకోవడానికి కూడా అంతే కష్టపడాలని చెప్పింది. అమ్మ ఎవర్నీ ఎక్కువ.. తక్కువగా చూడదు. ‘మనిషి చేసే ప్రతి పనికి విలువుంటుంది. ఎవర్నీ ఎక్కువ తక్కువగా చూడకూడదు’ అని తను ఆచరించేదే నాకు చెప్పింది. ప్రతి అంశాన్ని డబ్బుతో కాకుండా మానవీయ కోణంలో చూస్తుంది. ఈ రోజు నేనిలా ఉన్నానంటే అమ్మ నేర్పిన విలువలే కారణం. అమ్మను చూసి నేనెంతో నేర్చుకున్నాను.   – ఎస్‌.ఎస్‌. కార్తికేయ
 
 మనిషిని మనిషిగా చూడాలనీ, అందరితో సమానంగా మెలగాలనే గొప్ప గుణాన్ని పెద్దమ్మ దగ్గర్నుంచి నేర్చుకున్నాను. అలాగే, ఫ్యామిలీ లైఫ్‌ను ఎలా మేనేజ్‌ చేయాలనేది పెద్దమ్మ నుంచి నేర్చుకున్నాను. – శ్రీ సింహ
 
 నైతికంగా పెద్దమ్మ నాకు కొండంత అండ. నేను ఉన్నత స్థితికి చేరతానని నాపై కాన్ఫిడెన్స్‌ ఉన్న వ్యక్తుల్లో పెద్దమ్మ ఒకరు. ‘షి వాజ్‌ అండ్‌ ఈజ్‌ ఆల్వేస్‌ దేర్‌ విత్‌ మి’. నేననే కాదు... ఎవరైనా ఏదైనా పని చేస్తుంటే ఎంతో మోరల్‌ సపోర్ట్‌ ఇస్తుంది. పెద్దమ్మ నాకే కాదు... ఎంతోమందికి ఇన్‌స్పిరేషన్‌. – కాలభైరవ