టాలీవుడ్ యువ నటుడు నానికి కలిసోచ్చే కాలం నడుస్తోందని చెప్పవచ్చు. ఆయన నటించిన తెలుగు చిత్రం భలేభలే మగాడివోయ్ చిత్రం సూపర్ హిట్ అయ్యింది. తాజాగా ప్రఖ్యాత దర్శకుడు మణిరత్నం దర్శకత్వంలో నటించే లక్కీచాన్స్ వరించింది. మణిరత్నం ఓ కాదల్ కణ్మణి వంటి విజయవంతమైన చిత్రం తరువాత తదుపరి చిత్రానికి రెడీ అయిన విషయం తెలిసిందే. రొమాంటిక్ ప్రేమ కథా చిత్రంగా ఓ కాదల్ కణ్మణిని తెరపై ఆవిష్కరించిన మణి ఈ సారి మంచి కమర్షియల్ చిత్రాన్ని రూపొందించనున్నారు.
 
 ఇది రివెంజ్ ఇతి వృత్తంతో తెర కెక్కనుందని తెలిసింది. ఇందులో కార్తీ, దుల్కర్ సల్మాన్ హీరోలుగా నటించనున్నట్లు ప్రచారం జరిగింది.అదే విధంగా నిత్యామీనన్, కీర్తీసురేశ్ హీరోయిన్లుగా ఎంపికయ్యారు.అయితే ఇప్పుడీ చిత్రం నుంచి దుల్కర్‌సల్మాన్ వైదొలగడంతో ఆయన పాత్రలో నటించే అరుదైన అవకాశం నానికి వరించింది. ఇటీవల దర్శకుడు మణిరత్నం నానికి ఫోన్ చేసి చెన్నైకి రప్పించి మరీ అవకాశం ఇచ్చారట.
 
 ఈ చిత్రం డిసెంబర్‌లో ప్రారంభం కానుందని సమాచారం. దీన్ని మణిరత్నం ద్విభాషా చిత్రంగా తెరకెక్కించనున్నారన్నది గమనార్హం. ఇంతకు ముందు నాన్‌ఈ చిత్రంతో కోలీవుడ్‌తో విజయాన్ని అందుకున్న నానికి మణిరత్నం ఏ స్థాయి విజయాన్ని అందిస్తారో కొంత కాలం వేసి చూడాల్సిందే.


  ప్రేమకథ నేపథ్యంలో సాగే రొమాంటిక్ ఎంటర్‌టైనర్ ‘ఆమ్లెట్’. సిరాజ్, నాగరాజ్, సౌరభ్, ముఖ్య పాత్రలుగా నటిస్తున్న ఈ చిత్రాన్ని తోట కృష్ణ, మంచాల రమేష్ యాదవ్ నిర్మిస్తున్నారు. ఇ.వి.ఎన్.ఆచారి దర్శకుడు . ఈ సినిమా పాటలను, ప్రచార చిత్రాన్ని  నిర్మాత సి. కల్యాణ్ హైదరాబాద్‌లో ఆవిష్కరించారు. దర్శకుడు మాట్లాడుతూ -‘‘చాలా వైవిధ్యంగా ఈ సినిమాను తెరకెక్కించాం. ఏప్రిల్ రెండో వారంలో సినిమాను విడుదల చేయనున్నాం’’ అని తెలిపారు. ఈ కార్యక్రమంలో వి. సాగర్,తుమ్మలపల్లి రామసత్యనారాయణ, ప్రతాని రామకృష్ణగౌడ్ తదితరులు పాల్గొన్నారు.
  


 వరుణ్‌సందేశ్, వితికాశేరు జంటగా నటించిన రొమాంటిక్ లవ్‌స్టోరీ ‘పడ్డానండి ప్రేమలో మరి’. పాంచజన్య మీడియా ప్రైవేట్ లిమిటెడ్ పతాకంపై నల్లపాటి రామచంద్రప్రసాద్ నిర్మించారు. మహేశ్ ఉప్పుటూరి దర్శకుడు. ప్రేమికుల రోజు సందర్భంగా ఈ నెల 14న ఈ చిత్రాన్ని విడుదలచేస్తున్నారు. ఈ సందర్భంగా వరుణ్‌సందేశ్ మాట్లాడుతూ -‘‘నా ‘హ్యాపీడేస్’, ‘కొత్తబంగారులోకం’ చిత్రాల తరహాలోనే ఇది కూడా మంచి విజయం సాధిస్తుంది’’ అన్నారు. ఈ సినిమాలో ఆకట్టుకునే అంశాలు చాలా ఉన్నాయని దర్శక నిర్మాతలు పేర్కొన్నారు.


  అడుసుమిల్లి శ్రీరామ్, శాలిని, బిందు ముఖ్య తారలుగా సీహెచ్‌వీ సుమన్ దర్శకత్వం వహించనున్న చిత్రం ‘రొమాంటిక్ లవ్‌స్టోరీ’. వి.అశోక్‌కుమార్‌రెడ్డి సమర్పణలో చెరువుపల్లి వెంకట నరేంద్రబాబు ఈ చిత్రాన్ని నిర్మించనున్నారు. రెగ్యులర్ షూటింగ్ వచ్చే వారం మొదలు కానుంది. నిర్మాత మాట్లాడుతూ -‘‘సంగీతదర్శకుడు అమోఘ్ దేశపతి సారథ్యంలో ఇటీవల పాటలను రికార్డ్ చేశాం. ప్రేమ, వినోదం, సెంటిమెంట్ సమాహారంతో సాగే రొమాంటిక్ ఎంటర్‌టైనర్ ఇది’’ అని చెప్పారు


 సుమన్, బిందు, సౌమ్య, సురేఖవాణి ముఖ్య తారలుగా సీహెచ్‌వీ సుమన్ దర్శకత్వం వహిస్తున్న చిత్రం ‘రొమాంటిక్ లవ్‌స్టోరి’. వి.అశోక్‌కుమార్ రెడ్డి సమర్పణలో చెరువుపల్లి వెంకట నరేంద్రబాబు నిర్మిస్తున్నారు. చిత్రసంగీత దర్శ కుడు అమోఘ్ దేశపతి సారథ్యంలో ఈ చిత్రం పాటల రికార్డింగ్ హైదరాబాద్‌లో ప్రారంభమైంది. ఈ సందర్భంగా నిర్మాత మాట్లాడుతూ -‘‘ప్రేమ, వినోదం, సెంటిమెంట్ సమాహారంతో రూపొందిస్తున్న రొమాంటిక్ ఎంటర్‌టైనర్ ఇది. ఈ నెల 14న రెగ్యులర్ షూటింగ్ ప్రారంభిస్తాం’’ అని చెప్పారు. ఈ చిత్రానికి మాటలు-పాటలు: భాషశ్రీ, కెమెరా: సత్యానారాయణ.