దుబాయ్‌: ఐపీఎల్‌ లక్షలాది మంది అభిమానుల నిరీక్షణకు తెరదించింది. 436 రోజుల సుదీర్ఘ విరామం తర్వాత ఎంఎస్‌ ధోని మైదానంలోకి అడుగుపెట్టాడు. తన గడ్డం స్టయిల్‌ను కాస్త మార్చుకొని, గతం కంటే భిన్నంగా ఫిట్‌గా కనిపించాడు. ఆయన ఫిట్‌నెస్‌, హెయిర్‌ స్టైల్‌ సరికొత్తగా కనిపించాయి. అయితే.. తొలి మ్యాచ్‌లో చెన్నై సూపర్‌ కింగ్స్‌ టాస్‌ గెలిచిన తర్వాత ధోని భార్య సాక్షిసింగ్‌.. ధోని చేతిలో మైక్‌ ఉన్న ఓ ఫొటోను తన ఇన్‌స్టాగ్రామ్‌లో షేర్‌ చేసింది. ఈ పోస్ట్‌లో 'ఎంత అందంగా ఉన్నాడో' అంటూ రాసుకొచ్చింది.  (సింగం స్టైల్‌లో.. ధోని న్యూలుక్) సీఎస్‌కే టాస్ గెలిచి బౌలింగ్ ఎంచుకున్న తరువాత.. లాక్‌డౌన్‌లో క్రికెట్‌కు దూరంగా ఉన్న సమయాన్ని ఎలా ఉపయోగించుకున్నారంటూ ధోనిని మాజీ క్రికెటర్‌ మురళీ కార్తీక్ అడిగాడు. సమాధానంగా లాక్‌డౌన్‌లో స్వేచ్చగా, ఎక్కువ సమయం కుటుంబ సభ్యులతోనే గడిపినట్లు చెప్పుకొచ్చారు. లాక్‌డౌన్‌ సమయాన్ని బాగా ఉపయోగించుకున్నందుకు మిగతా టీమ్‌ సభ్యులను కూడా అభినందించారు.  (ముంబైపై విజయంతో ధోని కొత్త చరిత్ర) ఆగస్టు 15న అంతర్జాతీయ క్రికెట్‌ నుంచి రిటైర్మెంట్‌ ప్రకటించిన తర్వాత ధోనికి ఇదే మొదటి మ్యాచ్‌. అయితే ధోనికి ఈ మ్యాచ్‌లో పెద్దగా బ్యాట్‌తో పనిచెప్పే అవసరం రాకపోయినప్పటికీ, బౌలింగ్‌ మార్పులు, ఫీల్డింగ్‌లో చాలా పదునుగా కనిపించాడు. అయితే, సెప్టెంబర్‌ 22న షార్జా క్రికెట్‌ స్టేడియంలో రాజస్థాన్‌ రాయల్స్‌తో జరగనున్న తదుపరి మ్యాచ్‌లో తన నుంచి ఓ భారీ ఇన్సింగ్స్‌ను సీఎస్‌కే అభిమానులు ఆశిస్తున్నారు.  

హైదరాబాద్‌: కరోనా లాక్‌డౌన్‌ కారణంగా క్రికెట్‌ టోర్నీలు నిలిచిపోవడంతో భారత ఆటగాళ్లు ఇంటికే పరిమితమయ్యారు. అయితే ‌ మైదానంలో తమ ఫ్యాన్స్ మిస్సవుతున్న వినోదాన్ని సోషల్‌ మీడియా వేదికగా అందించే ప్రయత్నం చేస్తున్నారు. లైవ్‌ వీడియో చాట్‌, ఆన్‌లైన్‌ ఇంటర్వ్యూలతో ఫ్యాన్స్‌కు కావాల్సిన వినోదపు విందును భారత క్రికెటర్లు అందిస్తున్నారు. అయితే ప్రస్తుతం భారత క్రికెట్‌లో అత్యంత చర్చనీయాంశమైన ఆటగాడు ఎంఎస్‌ ధోని.  ఐపీఎల్‌, టీ20 ప్రపంచకప్‌ విషయాలు ప్రస్తావనకు వచ్చిన ప్రతీసారి ధోని భవిత్యంపై అందరూ చర్చిస్తున్నారు. అంతేకాకుండా ఈ మధ్య ధోని రిటైర్మెంట్‌ తీసకున్నాడనే వార్తతో పాటు, ట్విటర్‌లో హ్యాష్‌ ట్యాగ్‌ కూడా ట్రెండ్‌ అయింది. (ధోని.. నా హెలికాప్టర్‌ షాట్లు చూడు!) అయినప్పటికీ ఈ వార్తలపై ధోని స్పందించలేదు. అసలు సోషల్‌ మీడియాలో ఓ పోస్ట్‌ పెట్టక కొన్ని నెలలు కావస్తుంది. అయితే ధోని సోషల్‌ మీడియాకు ఎందుకు దూరంగా ఉంటున్నారనే ప్రశ్నకు ధోని సతీమణి సాక్షి బదులిచ్చారు.  సోషల్‌ మీడియాలో చాలా ఆక్టీవ్‌గా ఉండే సాక్షి ఐపీఎల్‌ ఫ్రాంచైజీ చెన్నై సూపర్ కింగ్స్ ప్రజెంటర్ రూపా రమణి నిర్వహించిన లైవ్ సెషన్‌లో పాల్గొని పలు ఆసక్తికర విషయాలను వెల్లడించారు. ఈ క్రమంలో ధోని సోషల్‌ మీడియాకు దూరంగా ఉండటానికి గల కారణాలను తెలిపారు.  ‘కరోనా నేపథ్యంలో ప్రభుత్వం విధించిన నిబంధనలు పాటించాలని ప్రధాని నరేంద్ర మోదీ సూచించడంతోనే ధోని సోషల్‌ మీడియాకు దూరంగా ఉంటున్నారు. దేశంలో ప్రధానికి మించిన వారు ఎవరు లేరని భావించి సోషల్ మీడియా వేదికగా ఏం మాట్లాడటంలేదు. కరోనాపై వీడియోలు చేయాలని ధోనీపై చాలా మంది ఒత్తిడి చేశారు. కానీ వాటన్నింటిని ధోని సున్నితంగా తిరస్కరించారు. ధోనిపై మీకున్న ప్రేమను అర్థం చేసుకోగలను కానీ అతను సోషల్‌ మీడియాను చాలా తక్కువగా వాడతారు. అతని ప్రొఫైల్‌ చూస్తే మీకే అర్థమవుతుంది’ అని సాక్షి వివరించారు. ఇక లాక్‌డౌన్‌ సమయంలో రాంచీలోని తన ఫామ్‌హౌస్‌లో కుటుంబంతో కలిసి ధోని సరదాగా గడుపుతున్నాడు. ధోని, కూతురు జీవాకు సంబంధించిన పలు ఫన్నీ వీడియోలను సాక్షి ఇన్‌స్టాలో షేర్‌ చేస్తున్న విషయం తెలిసిందే. (‘ధోనిని మిస్సవుతున్నా.. మళ్లీ ఆ రోజులు రావాలి’) Listen to @SaakshiSRawat spill the beans on Mahi’s absence from social media. Also hear what they’ve planned to do post the lockdown.❤️😇#Sakshi #MSDhoni @ChennaiIPL pic.twitter.com/XTSQV6AwvV — MS Dhoni Fans Official (@msdfansofficial) June 4, 2020

రాంచీ: టీమిండియా మాజీ సారథి ఎంఎస్‌ ధోని మరో సారి తన కూతురు జీవాతో కలిసి జాలీగా బైక్‌పై తిరిగాడు. కరోనా లాక్‌డౌన్‌ సమయాన్ని రాంచీలోని ఫామ్‌హౌస్‌లో తన కుటుంబంతో కలిసి ధోని ఎంజాయ్‌ చేస్తున్న విషయం తెలిసిందే. తాజాగా జీవాతో బైక్‌పై ధోని చక్కర్లు కొడుతున్న వీడియో ఒకటి సోషల్‌ మీడియాలో వైరల్‌ అవుతోంది. ధోని సతీమణి సాక్షి ఇన్‌స్టాగ్రామ్ లైవ్ సెషన్‌లో ఉండగా.. ధోనీ బైక్‌పై వచ్చాడు.  సాక్షి దగ్గర ఉన్న జీవాని బైక్‌పై ముందు కూర్చోబెట్టుకుని తీసుకెళ్లి ఫామ్‌హౌస్‌లో తిరగడం.. ఇదంతా లైవ్‌ సెషన్‌లో కనిపిస్తుంటుంది. ఆ వీడియోను ఐపీఎల్‌ ఫ్రాంచైజీ చెన్నై సూపర్‌ కింగ్స్‌ ఇన్‌స్టాలో షేర్‌ చేసింది. (వికెట్‌ కీపర్‌గా గిల్‌క్రిస్ట్‌.. ధోనికి నో చాన్స్‌!) ధోనికి బైక్‌ రైడ్‌ అంటే ఎంత ఇష్టమో ప్రత్యేకంగా చెప్పక్కర్లేదు. రాంచీ వీధుల్లో అర్దరాత్రులు తన స్నేహితులతో కలిసి తిరగడం ఎంతో ఇష్టమని గతంలో పేర్కొన్న విషయం తెలిసిందే. ఇక తన పాత, కొత్త బైక్‌లతో రాంచీలోని ఫామ్‌హౌస్‌లో ఓ గ్యారేజీనే ఏర్పాటు చేశాడు. అంతేకాకుండా ఈ లాక్‌డౌన్‌లో తన పాత బైక్‌లకు ధోనినే స్వయంగ మరమ్మత్తులు చేస్తున్నానడని సాక్షి తెలిపారు. ఇక ఇలా ఫామ్‌హౌస్‌లో జీవా, ధోనిలు బైక్‌పై చక్కర్లు కొట్టడం ఇదే తొలి సారి కాదు. గతంలో కూడా వీరిద్దరు బైక్‌పై తిరుగుతున్న వీడియోనో సాక్షి తన ఇన్‌స్టాలో అభిమానులతో పంచుకున్న సంగతి తెలిసిందే. (ధోని రిటైర్మెంట్‌పై సాక్షి ట్వీట్‌.. డిలీట్‌) View this post on Instagram When 'crazy lightning' and 'happiness' are rolled into one! 😍 #VaaMaaMinnal #ThalaDharisanam VC: @sakshisingh_r A post shared by Chennai Super Kings (@chennaiipl) on Jun 2, 2020 at 7:09am PDT View this post on Instagram ❤️ A post shared by Sakshi Singh Dhoni (@sakshisingh_r) on Apr 26, 2020 at 7:46am PDT

ముంబై: టీమిండియా మాజీ సారథి ఎంఎస్‌ ధోని రిటైర్మెంట్‌పై చర్చ మరోసారి పతాక స్థాయికి చేరుకుంది. ఇంగ్లండ్‌ వేదికగా జరిగిన వన్డే ప్రపంచకప్‌-2019 అనంతరం ధోని ఇప్పటివరకు టీమిండియా జెర్సీ ధరించలేదు. దీంతో అప్పటినుంచి ఈ జార్ఖండ్‌ డైనమెట్‌ రిటైర్మెంట్‌పై చర్చ ప్రారంభమైంది. ఐపీఎల్‌లో అతడి ప్రదర్శన ఆధారంగా తిరిగి జట్టులోకి వచ్చే అవకాశం ఉందని అందరూ భావించారు. కానీ కరోనా లాక్‌డౌన్‌ కారణంగా ఈ క్యాష్‌ రిచ్‌ లీగ్‌ టోర్నీ వాయిదా పడుతూ వస్తోంది. అయితే బుధవారం ధోని రిటైర్మెంట్‌ తీసుకున్నాడనే వార్త సోషల్‌ మీడియాలో తెగ హల్‌చల్‌ చేసింది. అంతేకాకుండా #dhoniretire అనే హ్యాష్‌ ట్యాగ్‌ కూడా ట్విటర్‌లో తెగ ట్రెండ్‌ అయింది. దీంతో అతడి అభిమానులు గందరగోళానికి గురయ్యారు.  అయితే ఈ వార్తలను ధోని సతీమణి సాక్షి సింగ్‌ రావత్‌తో పాటు అతడి సన్నిహితులు కొట్టిపారేశారు. ఈ క్రమంలో ధోని రిటైర్మెంట్‌పై సాక్షి చేసిన ట్వీట్‌ వివాదస్పదమైంది. ‘అవన్నీ పుకార్లు. లాక్‌డౌన్‌ కారణంగా ప్రజల మానసిక స్థితి దెబ్బతిన్నది అని నాకు అర్ధమవుతుంది’ అంటూ ట్వీట్‌ చేశారు. దీనిపై పలువురు అభ్యంతరం తెలపడంతో వెంటనే ఆ ట్వీట్‌ను సాక్షి తొలగించారు. అయితే అప్పటికే ఆ ట్వీట్‌ సామాజిక మాధ్యమాల్లో తెగ వైరల్‌ అయింది. గతంలో ధోని రిటైర్మెంట్‌పై సాక్షి కూల్‌గానే సమాధానమిచ్చారని, తరుచూ ఇలాంటి వార్తలు వస్తుండటంతో పూర్తిగా సహనం కోల్పోయి కోపంలో అలా ట్వీట్‌ చేశారని ధోని కుటుంబ సన్నిహితులు పేర్కొంటున్నారు.  చదవండి: దడదడలాడించిన చమిందా వాస్‌ 'ధోని ప్లాన్‌ మాకు కప్పును తెచ్చిపెట్టింది'

కరోనా కట్టడిలో భాగంగా లాక్‌డౌన్‌ విధించడంతో సామాన్యులతో పాటుగా సినీ, క్రీడా ప్రముఖులు కూడా ఇళ్లకే పరిమితమైన సంగతి తెలిసిందే. ఈ సమయాన్ని సెలబ్రిటీలు వారి కుటుంబ సభ్యులతో కలిసి సరదాగా గడపటానికి ఉపయోగిస్తున్నారు. అందుకు సంబంధించి విశేషాలను సోషల్‌ మీడియా ద్వారా తమ అభిమానులతో పంచుకుంటున్నారు. భారత క్రికెట్‌ జట్టు మాజీ సారథి ఎంఎస్‌ ధోని కూడా తన సతీమణి సాక్షి సింగ్‌, కుమార్తె జీవాలతో కలిసి రాంచీలోని ఫామ్‌ హౌస్‌లో ఉంటూ ఎంజాయ్‌ చేస్తున్నారు. ముఖ్యంగా జీవాను బైక్‌పై ఎక్కించుకుని ఇంటి పరిసరాల్లోనే రౌండ్‌లు కొడుతున్నారు.  తాజాగా ధోని తన కుమార్తెను బైక్‌ ఎక్కించుకుని గార్డెన్‌లో చక్కర్లు కొడుతున్న వీడియోను సాక్షి తన ఇన్‌స్ట్రాగ్రామ్‌లో పోస్ట్‌ చేశారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది. ఈ వీడియో చూసిన అభిమానులు తెగ సంబరపడిపోతున్నారు. ధోని ఇల్లు.. ఒక డ్రీమ్‌ హోమ్‌లా ఉందని పలువురు నెటిజన్లు కామెంట్లు చేస్తున్నారు. మరి కొందరు సాక్షిని కూడా ధోని బైక్‌ ఎక్కించుకోవాలని సరదాగా కామెంట్లు చేస్తున్నారు. కాగా, ఇటీవల ఇన్‌స్టాగ్రామ్‌ లైవ్‌లో కూడా జీవాను ధోని బైక్‌పై ఎక్కించుకుని గార్డెన్‌లో చక్కర్లు కొడుతున్న దృశ్యాలను సాక్షి.. అభిమానులకు షేర్‌ చేసిన సంగతి తెలిసిందే. చదవండి : ఇటలీలో క్రీడా శిక్షణకు గ్రీన్‌ సిగ్నల్‌..


 న్యూఢిల్లీ : టీమిండియా కెప్టెన్ మహేంద్ర సింగ్ ధోనీ ముద్దుల పట్టి 'జివా' తొలి ఫోటో సామాజిక వెబ్సైట్లలో హల్ చల్ చేస్తోంది. ధోనీ సతీమణి సాక్షి గత నెల 6వ తేదీన గుర్గావ్‌లోని ప్రైవేట్ ఆస్పత్రిలో ఆడపిల్లకు జన్మనిచ్చిన విషయం తెలిసిందే.  నెలరోజులకు ముందే... బుజ్జిపాప 'జివా' ఫోటోను సాక్షి తన ట్విట్టర్లో మార్చి 2వ తేదీన పోస్ట్ చేసింది.
 
 ఆ ఫోటోలో జివా...అమ్మ చేతిని మృదువుగా పట్టుకుని ఉంది. జివా అనేది పర్షియన్ భాషకు చెందిన పదం. ఈ పదానికి అర్థం 'అందం'. సాక్షి సింగ్ ...తన గారాల పట్టి ఫోటో పోస్ట్ చేసి ...ఆ ఫోటో కింద 'Bundle of JoY!! అంటూ రాసింది. కాగా సాక్షి మాత్రం తన చిన్నారితో ఆడుకుంటూ ఎంజాయ్ చేస్తుంటే ...ధోనీ మాత్రం వరల్డ్ కప్ టోర్నమెంట్లో బిజీగా ఉన్నాడు. కూతురు పుట్టినా... మన కెప్టెన్ మాత్రం ముందు ఆట... తర్వాతే ఏదైనా అన్న విషయం తెలిసిందే. 2010లో ధోనీ సాక్షిని ప్రేమ వివాహం చేసుకున్నాడు.


 గుర్గావ్: వన్డే ప్రపంచ కప్ ముందు టీమిండియా కెప్టెన్ మహేంద్ర సింగ్ ధోనీకి ప్రమోషన్ లభించింది. ఈ ప్రమోషన్ కెరీర్లో కాదండోయ్.. నిజ జీవితంలో. ధోనీ తండ్రయ్యాడు. శుక్రవారం రాత్రి ఇక్కడి ఓ ప్రైవేట్ ఆస్పత్రిలో ధోనీ భార్య సాక్షి సింగ్ రావత్ ఆడబిడ్డకు జన్మనిచ్చింది.  ధోనీ, సాక్షి దంపతులకిది మొదటి సంతానం. బిడ్డ బరువు 3.7 కిలోలు. తల్లీబిడ్డ ఇద్దరూ క్షేమంగా ఉన్నారని వైద్యులు చెప్పారు. 2010లో ధోనీ సాక్షిని వివాహం చేసుకున్నాడు.
 
 ధోనీ ప్రస్తుతం ఆస్ట్రేలియాలో ఉంటున్నాడు. త్వరలో జరిగే వన్డే ప్రపంచ కప్ కోసం ధోనీ సమాయత్తమవుతున్నాడు. కాగా ధోనీ తన ముద్దుల కుమార్తెను చూసేందుకు త్వరలో వీలు చూసుకుని భారత్కు వచ్చే అవకాశముంది.