రుక్మిణీ బాయి స్మారక టీటీ
  ఎల్బీ స్టేడియం: రుక్మిణీ బాయి స్మారక ప్రైజ్‌మనీ టేబుల్ టెన్నిస్ టోర్నమెంట్‌లో అండర్-12 బాలుర డబుల్స్ టైటిల్‌ను మితుల్ అగర్వాల్, ఎ.ధనుష్ జోడి (బీవీబీ, జూబ్లీహిల్స్) చేజిక్కించుకుంది. సికింద్రాబాద్ పబ్లిక్ స్కూల్‌లో జరిగిన ఈ టోర్నీ ఫైనల్లో మితుల్-ధనుష్ జోడి 3-0తో వేణు-సుదర్శన్ ద్వయం (గీతాంజలి దేవాశ్రయ్ స్కూల్)పై విజయం సాధించింది. ఈ పోటీల విజేతలకు ఎస్‌బీఐ జన రల్ మేనేజర్ హేమంత్ ట్రోఫీలను అందజేశారు. మిగతా ఫైనల్స్ ఫలితాలు ఇలా ఉన్నాయి.
  
  ఫైనల్స్ ఫలితాలు
  అండర్-12 బాలుర సింగిల్స్: 1. సుదర్శన్ (గీతాంజలి దేవాశ్రయ్ స్కూల్), 2. కేశవన్ కన్న(జీఈపీఎస్). అండర్-12 బాలికల సింగిల్స్: 1. రమ్య(సెయింట్ ఆంథోని స్కూల్), 2. రుచిరల్ (సెయింట్ పాల్స్ హైస్కూల్). అండర్-12 బాలికల డబుల్స్: 1. దేవయాని-భవిత జోడి (గీతాంజలి), 2. కీర్తన, ఇషిత జోడి (రోజరి కాన్వెంట్ స్కూల్).
  


 సాక్షి, హైదరాబాద్: మల్క కొమరయ్య (ఎంకే) ఇంటర్ స్కూల్ క్రికెట్ టోర్నమెంట్‌లో ఆతిథ్య డీపీఎస్ అండర్-13, 15 జట్లు సెమీఫైనల్లోకి ప్రవేశించాయి. అండర్-15 క్వార్టర్ ఫైనల్లో యశవి (25 బంతుల్లో 57) ధాటిగా ఆడటంతో ఢిల్లీ పబ్లిక్ స్కూల్ (డీపీఎస్-నాచారం) 33 పరుగుల తేడాతో సికింద్రాబాద్ పబ్లిక్ స్కూల్‌పై గెలుపొందింది.
 మొదట డీపీఎస్ 12 ఓవర్లలో 5 వికెట్లు కోల్పోయి 127 పరుగులు చేసింది. విపిన్ 26 పరుగులు చేశాడు. తర్వాత సికింద్రాబాద్ పబ్లిక్ స్కూల్ 6 వికెట్లకు 94 పరుగులే చేయగల్గింది. డీపీఎస్ బౌలర్ సూర్య 2 వికెట్లు తీశాడు. అండర్-13 క్వార్టర్స్‌లో డీపీఎస్ 19 పరుగుల తేడాతో గ్లోబల్ ఇండియన్ స్కూల్‌పై గెలిచింది. తొలుత డీపీఎస్ 3 వికెట్లకు 118 పరుగులు చేసింది. అమృత్ (32 బంతుల్లో 51) రాణించాడు. తర్వాత బ్యాటింగ్‌కు దిగిన గ్లోబల్ స్కూల్ 4 వికెట్లకు 99 పరుగులే చేయగల్గింది. విష్ణు 21 బంతుల్లో 32 పరుగులు చేశాడు.