హేమ కమిటీ నివేదిక బహిర్గతం అయ్యాక ఒక్కొక్కరూ స్పందిస్తున్నారు. పలు సినీ ఇండస్ట్రీలకు చెందిన నటీమణులు తాము ఎదుర్కొన్న చేదు సంఘటనలను బయటకు చెబుతున్నారు. ఇప్పటికే మలయాళ ఇండస్ట్రీని కుదిపేస్తోన్న క్యాస్టింగ్‌ కౌచ్‌ అన్ని చోట్లా ఉందంటూ ఫిర్యాదులు వస్తూనే ఉన్నాయి. ఈ నేపథ్యంలోనే మరో బుల్లితెర నటి తనకు ఎదురైన లైంగిక వేధింపుల సంఘటనను తాజా ఇంటర్వ్యూలో గుర్తు చేసుకుంది.తన కెరీర్ తొలినాళ్లలో ఓ హిందీ చిత్ర నిర్మాత వేధింపులకు గురి చేశాడని బుల్లితెర నటి శిల్పా షిండే ఆరోపించింది. ఆడిషన్ సమయంలో తనపై బలవంతం చేశాడని ఆమె పంచుకుంది. తాజా ఇంటర్వ్యూలో మాట్లాడుతూ ఈ చేదు సంఘటనను పంచుకుంది. అయితే ఆ వ్యక్తి ఎవరనేది మాత్రం వెల్లడించలేదు. మహిళలపై లైంగిక వేధింపులు అన్ని రంగాల్లో జరుగుతున్నాయని నటి శిల్పా షిండే అన్నారు.శిల్పా షిండే మాట్లాడుతూ..' నేను 1998-99లో రోజుల్లో ఇండస్ట్రీలో కష్టపడుతున్నా. ఇప్పుడు నేను వారి పేర్లు చెప్పడం ఇష్టం లేదు. ఈ దుస్తులు ధరించండి. మీరు ఒక సీన్‌ చేయాల్సి ఉంటుందని చెప్పాడు. కానీ నేను అతను ఇచ్చిన దుస్తులు ధరించలేదు. అంతేకాదు.. ఆ సీన్‌లో అతనే నా బాస్ అని చెప్పాడు. అప్పుడే చాలా అమాయకురాలిని.. అందుకే ఆ సీన్‌కు ఒప్పుకున్నా. కానీ ఆ వ్యక్తి నా మీదికి వచ్చే ప్రయత్నం చేశాడు. దీంతో నేను భయంతో అతన్ని పక్కకు తోసి బయటకు పరుగెత్తా. అక్కడే ఉన్న సెక్యూరిటీ స్టాఫ్ అంతా నన్ను చూశారు. వెంటనే అక్కడి నుంచి వెళ్లమన్నారు' అని చెప్పుకొచ్చింది. కాగా.. భాబీజీ ఘర్ పర్ హైన్ అనే సిట్‌కామ్‌తో శిల్పా షిండే ఫేమ్‌ తెచ్చుకుంది. ప్రస్తుతం ఖత్రోన్ కీ కిలాడీ రియాలిటీ షో సీజన్‌-14లో పాల్గొంటొంది.

ముంబై: హిందీ బిగ్‌బాస్‌ 11వ సీజన్‌ విన్నర్‌ శిల్పా షిండే బంధువు తృప్తి పటేల్‌ షిండే గుండెకు శస్త్ర చికిత్స చేయించుకుంటున్నారు. ఈ క్రమంలో ఆమె క్షేమంగా ఉండాలని ప్రార్థించమని శిల్పా అభిమానులను కోరింది. ఈ మేరకు తృప్తితో కలిసి ఉన్న ఫొటోలను షేర్‌ చేసింది. "అభిమానులే నా దేవుళ్లు. కష్టసుఖాల్లో నా వెంట నిలబడుతున్న అభిమానులకు కృతజ్ఞతలు. నా దగ్గరి బంధువు తృప్తికి నానావతి ఆస్పత్రిలో హార్జ్‌ సర్జరీ జరగబోతుంది. ఆమెకు అంతా మంచి జరగాలని కోరుకోండి" అంటూ ఫ్యాన్స్‌ను అభ్యర్థించింది. (చదవండి: టీవీ నటుడి రెండో పెళ్లి) ఇదిలా వుంటే శిల్పా.. "బాబీ జీ ఘర్‌ పర్‌ హై"లో అనిత బాబీ పాత్రలో ఉత్తమ నటన కనబర్చావంటూ నేహా పెండ్సేను మెచ్చుకుంది. నిజానికి ఆ పాత్రను నటి సౌమ్య టండన్‌ కొన్నేళ్లుగా చేస్తోంది. అయితే ఈ మధ్యే ఆమె సీరియల్‌ నుంచి తప్పుకోవడంతో నేహా కొత్తగా ఆ స్థానంలో అడుగుపెట్టింది.. ఇక అదే సీరియల్‌లో అంగూరి బాబీగా మెప్పించిన శిల్పా సైతం తప్పుకోవడంతో ఆమె స్థానంలో శుభంగి ఆత్రే నటిస్తోంది. శిల్పా లాక్‌డౌన్‌లో "గ్యాంగ్స్‌ ఆఫ్‌ ఫిల్మిస్తాన్‌" అనే కామెడీ షోలోనూ పాల్గొంది. కానీ అది టీవీలో టెలికాస్ట్‌ కాకముందే షో నుంచి తప్పుకోవడం గమనార్హం. (చదవండి: స్నేహితుడిని పెళ్లాడిన బాలీవుడ్‌ సింగర్‌) View this post on Instagram A post shared by Shilpa Shinde (@shilpa_shinde_official)

నటి శిల్పా షిండే సంచలన నిర్ణయం తీసుకున్నారు. స్టార్‌ భారత్‌ కొత్త కామెడీ షో ‘గ్యాంగ్స్‌ ఆఫ్‌ ఫిల్మిస్తాన్’‌ నుంచి తాను తప్పుకుంటున్నట్లు వెల్లడించారు. ఈ షో ఇంకా టీవీలో టెలికాస్ట్‌ కాకముందే శిల్పా షిండే ఈ నిర్ణయం తీసుకోవడం సంచలనంగా మారింది. ‘సాస్‌ బహు ఔర్‌ బేటియాన్’‌ నిర్వహించిన ఒక ప్రత్యేక చాట్‌లో శిల్ప తన నిర్ణయాన్ని వెల్లడించారు. అంతేకాక సునీల్‌ గ్రోవర్‌ వల్లే తాను ఈ షో నుంచి తప్పుకుంటున్నట్లు తెలిపారు. ఈ సందర్భంగా ఆమె మాట్లాడుతూ.. ‘నేను ఇప్పుడు ఇలా ఎందుకు మాట్లాడాల్సి వస్తుంది అంటే.. ఈ షో కోసం నేను ఎంతో కష్టపడ్డాను. ఎంతో హార్డ్‌ వర్క్‌ చేసిన తర్వాత కూడా నన్ను కేవలం బ్యాక్‌గ్రౌండ్‌కే పరిమితం చేస్తున్నారు. అంతేకాక కరోనా సమయంలో కూడా మేం రోజుకు 12-15 గంటల పాటు షూటింగ్‌ చేస్తున్నాము. ఎక్కువ పని గంటలు కష్టపడ్డా కూడా సరైన ప్రతిఫలం లభించడం లేదు’ అన్నారు శిల్పా షిండే. (చదవండి: టీవీల‌కు అతుక్కుపోయే టైమ్ వ‌చ్చేసింది) అంతేకాక ‘గతంలో మాట్లాడలేదు.. కానీ ఇప్పుడు దీని గురించి మాట్లాడక తప్పని పరిస్థితి. మా షిఫ్ట్‌ ప్రతి రోజు ఉదయం 7 గంటలకు మొదలై రాత్రి 11 గంటలకు ముగుస్తుంది. నిర్మాతలు తమ నటులను అర్థం చేసుకోవాలి. మేం పని వాళ్లం కాదు. మీరు నటులను దోపిడీ చేయలేరు’ అన్నారు శిల్పా షిండే. అంతేకాక తాను షో నుంచి తప్పుకోవడానికి సగం కారణం సునీల్‌ గ్రోవరే అన్నారు శిల్పా షిండే. ఆమె మాట్లాడుతూ.. ‘యాభై శాతం నా సమస్య సునీల్‌ గ్రోవర్‌తోనే. ఈ షో ప్రమోషన్‌లో వారు నా పేరు వాడుకున్నారు. కానీ ప్రోమోలో కేవలం సునీల్‌ని మాత్రమే చూపిస్తున్నారు. ఇదే కాదు ప్రతి యాక్ట్‌లో కేవలం సునీల్‌ని మాత్రమే చూపిస్తున్నారు. మాకు కేవలం ఒక లైన్‌ మాత్రమే ఇస్తున్నారు. సునీల్‌కి సూచనలు ఇవ్వడానికి మేం ఇక్కడ లేము’ అన్నారు శిల్పా షిండే. అంతేకాక ఈ షోను కపిల్‌ శర్మ షోతో పోల్చుతూ.. మరిన్ని ఆరోపణలు చేశారు. (చదవండి: నా కుటుంబానికి ఇది క‌ష్ట కాలం: న‌టుడు) ‘కపిల్‌ శర్మ షో చూడండి.. అక్కడ ప్రతి ఒక్కరికి స్పేస్‌ ఉంటుంది. అందరికి సమాన అవకాశం లభిస్తుంది. ఎవరూ ఖాళీగా నిలబడి ఉండరు. ప్రతి ఒక్కరికి స్వంత గుర్తింపు ఉంటుంది. కానీ ఇక్కడ అంతా సునీల్‌ గ్రోవరే. అలాంటప్పుడు వారు షో పేరును ‘సునీల్ గ్రోవర్‌ షో’గా ఎందుకు మార్చకూడదూ’ అంటూ శిల్పా షిండే ప్రశ్నలు కురిపించారు. అంతేకాక తాను తన ఒక్క దాని కోసం మాత్రమే కాక అందరి కోసం మాట్లాడుతున్నాను అన్నారు శిల్పా షిండే. ఇక ఈ ఆరోపణలపై షో నిర్మాతలు ఎలా స్పందిస్తారో చూడాలి. 

‘పాజీ మాట్లాడిన దానిలో తప్పేం ఉంది. మీరు అనవసరంగా ఆయన మాటలను వక్రీకరుస్తున్నారు’ అంటూ బిగ్‌బాస్‌ 11(హిందీ) ఫేం, కాంగ్రెస్‌ నేత శిల్పా షిండే... తమ పార్టీ నాయకుడు, పంజాబ్‌ మంత్రి నవజ్యోత్‌ సింగ్‌ సిద్ధుకు అండగా నిలిచారు. పుల్వామా ఉగ్రదాడి నేపథ్యంలో.. ‘ఉగ్రవాదానికి జాతి, మతం ఉండదు.. ఎవరో చేసిన తప్పునకు దేశాన్ని నిందించడం సరికాదు’ అని సిద్ధు వ్యాఖ్యానించిన సంగతి తెలిసిందే. ఈ క్రమంలో ఆయనపై ఆగ్రహ జ్వాలలు వ్యక్తమయ్యాయి. సోషల్‌ మీడియా వేదికగా సిద్ధు తీరుపై నెటిజన్లు మండిపడ్డారు.(పుల్వామా ఉగ్రదాడి : సిద్ధు వివాదాస్పద వ్యాఖ్యలు) ఈ విషయంపై స్పందించిన శిల్పా షిండే మాట్లాడుతూ... ‘ చట్టపరమైన చర్యలకు సిద్ధమవుతున్నా. నన్ను ట్రోల్‌ చేసిన వాళ్లకు బుద్ధి చెప్తా. పుల్వామా దాడిపై స్పందించిన మహిళా జర్నలిస్టులకు కూడా బెదిరింపులు వచ్చాయి. పాజీ(సిద్ధు)కి మద్దతుగా మాట్లాడినందుకు నాపై అత్యాచారం చేస్తామని బెదిరిస్తున్నారు. నిజానికి ఇటువంటి వ్యక్తులు కూడా ఉగ్రవాదులే. లష్కర్‌, జైషే ఉగ్రవాదుల కంటే వీరు చాలా ప్రమాదకరం. అసలు పాజీ అన్నదాంట్లో తప్పేం ఉంది. ఆయన ఉగ్రవాదానికి మద్దతు ఇవ్వలేదు. శాంతియుత చర్చల ద్వారా సమస్యకు పరిష్కారం కనుగొనాలని చెప్పారు. పాక్‌ ప్రధాని ఇమ్రాన్‌ ఖాన్‌ విమర్శించకుండా ఓ రాజకీయ నాయకుడిగా ఆయన తప్పు చేశారనుకుంటున్నారేమో. కానీ వాళ్లిద్దరు ఏళ్ల తరబడి కలిసి క్రికెట్‌ ఆడిన విషయాన్ని గుర్తు పెట్టుకోవాలి’ అంటూ ఆగ్రహం వ్యక్తం చేశారు. ఇక పాక్‌ నటులపై బాలీవుడ్‌ బ్యాన్‌ విధించడాన్ని శిల్పా షిండే తీవ్రంగా తప్పుబట్టారు. ‘ కపిల్‌ శర్మ షో నుంచి సిద్ధును తొలగించడం, పాకిస్తాన్‌ నటులపై నిషేధం విధించడానికి నేను పూర్తి వ్యతిరేకం. ఉపాధి పొందే హక్కు ప్రతి ఒక్కరికి ఉంటుంది. దానిని తిరస్కరించే హక్కు ఎవరికీ లేదు. ప్రతిభ ఉన్న పాకిస్తాన్‌ నటుల హక్కుల కోసం నేను పోరాడుతా. ఎందుకంటే నేను కూడా ఒకప్పుడు నిషేధం ఎదుర్కొన్నదాన్నే. అందుకే ఆ బాధ ఏంటో నాకు తెలుసు’ అంటూ శిల్పా షిండే చెప్పుకొచ్చా రు. కాగా టీవీ షో ‘బాబీ జీ ఘర్‌ పర్‌ హై’లో అంగూరి బాబీగా ఆదరణ పొందిన శిల్పా బిగ్‌బాస్‌ 11 విన్నర్‌గా నిలిచి మరింత పాపులర్‌ అయ్యారు. ఇక ఇటీవలే ఆమె కాంగ్రెస్‌ పార్టీలో చేరిన సంగతి తెలిసిందే.(కాంగ్రెస్‌లో చేరిన ప్రముఖ టీవీ నటి)

ముంబై : ప్రముఖ టీవీ నటి శిల్పా షిండే కాంగ్రెస్‌ పార్టీలో చేరారు. మహారాష్ట్ర పార్టీ చీఫ్‌ సంజయ్‌ నిరుపమ్‌, సీనియర్‌ నేత చరణ్‌ సింగ్‌ సప్రా సమక్షంలో మంగళవారం ఆమె కాంగ్రెస్‌లో చేరారు. 1999లో టీవీ నటిగా కెరీర్‌ ఆరంభించిన 42 సంవత్సరాల శిల్పా షిండే ప్రముఖ టెలివిజన్‌ షో బాభీతో గుర్తింపు పొందారు. కాగా, ప్రజల్లో ఆదరణ పొందిన టీవీ షో బాబీ జీ ఘర్‌ పర్‌ హైలో అంగూరి బాభీగా ఆమె నటన విశేషంగా ఆకట్టుకుంది. ఇక 2017 అక్టోబర్‌లో బిగ్‌బాస్‌ 11లో పాల్గొన్న షిండే విన్నర్‌గానిలిచింది. కాగా 2014 లోక్‌సభ ఎన్నికల్లో మహారాష్ట్రలోని 48 నియోజకవర్గాల్లో కాంగ్రెస్‌ కేవలం రెండు స్ధానాల్లోనే గెలుపొందింది. రానున్న సార్వత్రిక ఎన్నికల్లో శరద్‌ పవార్‌ నేతృత్వంలోని ఎన్సీపీతో పొత్తు పెట్టుకుని కాంగ్రెస్‌ బరిలో దిగే అవకాశం ఉంది.

భారత్‌లో #మీటూ ఉద్యమం అర్థం లేనిదంటూ టెలివిజన్‌ స్టార్‌, బిగ్‌బాస్‌ విన్నర్‌ శిల్పాషిండే వ్యాఖ్యానించారు. ప్రజలకు వినోదాన్ని అందించే టీవీ, సినీ పరిశ్రమల్లో రేప్‌లు వంటి ఉదంతాలు ఉండవని కొట్టిపారేశారు. పరస్పర అవగాహనతోనే ఇద్దరి వ్యక్తుల మధ్య రిలేషన్‌ ఏర్పడుతుందనీ, దానికి అత్యాచారం అని పేరు పెట్టడం సరికాదని అన్నారు. ‘ప్రమాదం జరిగినప్పుడే స్పందించాలి, ప్రపంచం దృష్టికి తీసుకురావాలి. కానీ, ఘటన జరిగిన చాన్నాళ్లకు ఆ విషయం గురించి మాట్లాడితే అది వివాదమే అవుతుంది’ అని శిల్పా అన్నారు. ‘నిజమే.. మనకు ఎదురైన వేధింపులపై గొంతెత్తి ప్రపంచం దృష్టికి తేవాలంటే చాలా ధైర్యం కావాలి’ అని చెప్పారు. (హౌజ్‌ఫుల్‌ 4 నుంచి నానా ఔట్‌..!) ‘సినిమా, టీవీ పరిశ్రమలు చెడ్డవేం కాదు. అలాగని చాలా మంచివీ కాదు. కానీ, కొందరు కావాలని ఇండస్ట్రీ పేరును చెడగొట్టాలని చూస్తున్నారు. అంటే #మీటూలో వచ్చిన ఆరోపణలతో ఇండస్ట్రీలో పనిచేసేవారంతా తప్పు చేసినట్టేనా’ అని ప్రశ్నించారు. ఇక్కడెవరూ ఎవర్నీ బలవంతం చేయరని అన్నారు. పని ప్రదేశంలో అలాంటి పరిస్థితి ఎదురైనప్పుడు ఒక్కొక్కరు ఒక్కోలా స్పందిస్తారని చెప్పుకొచ్చారు. (#మీటూ: సలోని సంచలన ఆరోపణలు) కాగా, తనుశ్రీ దత్తా నుంచి పలువురు టెక్నీషియన్ల వరకు బాలీవుడ్‌ సెలెబ్రిటీలపై లైంగిక వేధింపుల ఆరోపణలు చేయడంతో భారత్‌లో #మీటూ ఉద్యమం మొదలైన సంగతి తెలిసిందే. ఇప్పటికే ఎంతోమంది మహిళలు తమకు ఎదురైన వేధింపులపై సోషల్‌ మీడియా వేదికగా గళం విప్పుతున్నారు. బాలీవుడ్‌ దర్శకులు సుభాస్‌ ఘాయ్‌, సాజిద్‌ ఖాన్‌, వికాస్‌ బాహల్‌, రజత్‌కపూర్‌, నటులు అలోక్‌నాథ్‌, గాయకుడు కైలాష్‌ఖేర్‌ వంటి వారు లైంగిక వేధింపుల ఆరోపణలు ఎదుర్కొంటున్నారు. (చదవండి : మీటూ : ఆ జెంటిల్‌మ్యాన్‌ ముందుకు వచ్చి మాట్లాడాలి)

సాక్షి, ముంబై : బిగ్‌బాస్‌ 11వ సీజన్‌ పలు వివాదాలకు కారణమైంది. ముఖ్యంగా బుల్లితెర నటి శిల్పా షిండే, హీనాఖాన్‌ల మధ్య గొడవ రోజురోజుకు ముదురుతోంది. బిగ్‌బాస్ 11వ సీజన్‌ విజేతగా శిల్పా షిండే నిలవగా, ఆమె ప్రత్యర్థి, ఫైనలిస్ట్‌ హీనా ఖాన్‌ తీవ్ర నిరాశకు లోనయ్యారు. దీంతో వీరి మధ్య వాగ్వివాదం మొదలై సోషల్ మీడియాలో వీరి అభిమానుల మధ్య వివాదంగా మారింది. ఎంతగా ఉంటే.. నగ్న వీడియోలు బయటపెడతానంటూ ఒకరి అభిమాని మరో నటిని బెదిరింపులకు పాల్పడుతూ.. వేధింపుల పర్వం కొనసాగేలా పరిస్థితి తయారైంది. తాజాగా అదే వివాదం.. ఇటీవల తమ అభిమాన నటి శిల్పాషిండే అశ్లీల వీడియో లీక్ చేస్తామంటూ హీనా ఫ్యాన్స్ బెదిరించడంతో శిల్పా అభిమానులు అలర్ట్ అయ్యారు. అడల్ట్ వెబ్‌సైట్ నుంచి హీనాఖాన్ వీడియో డౌన్‌లోడ్ చేశామని, మంచిపాట జతచేసి సోషల్ మీడియాలో విడుదల చేస్తామంటూ బెదరింపులకు పాల్పడుతున్నారు. హీనా ఫ్యాన్స్ అంటే ఆమె క్లైయింట్స్‌ అని తెలుసుకోండి అంటూ శృతి అనే నెటిజన్ పోస్ట్ చేయడం మళ్లీ అగ్నికి ఆజ్యం పోసినట్లయింది. This is bad 😡.. pls don't do this 🙏 Take this off right away.. pic.twitter.com/GgWxCFNfqi — Ashutosh Shinde (@ShindeAshutosh) 24 April 2018 ఇటీవల శిల్పా షిండే పోర్న్‌క్లిప్ అంటూ హీనా ఖాన్ అభిమాని సోషల్ మీడియాలో పోస్ట్ చేయగా అది వైరల్‌ అయింది. దీంతో వీరి మధ్య అంతరం మరింత పెరిగింది. దీనిపై శిల్పా స్పందిస్తూ.. ఆ వీడియోలో ఉన్నది నేను కాదు, కొందరు వ్యక్తులు పగతో ఇలాంటివి చేస్తున్నారని వ్యాఖ్యానించారు. రియల్ లైఫ్.. రియాల్టీ షో కాదు.. సెలబ్రిటీలను ట్రోల్ చేయడం సాధారణంగా జరుగుతుంది. మనపై కామెంట్లు చేస్తే కొన్ని లక్షల మందికి ఆ విషయం తెలుస్తోంది. అందుకు రియల్ లైఫ్.. రియాల్టీ షో కాదని గుర్తుంచుకుని మెలగడం ఉత్తమమని హీనాఖాన్ ట్వీట్ చేశారు. 

ముంబై : ‘బిగ్‌ బాస్‌ 11’ విజేత శిల్పా షిండే ఇన్‌స్టాగ్రామ్‌ వేదికగా తనతో విరోధం ఉన్న హీనా ఖాన్‌కు అలానే ఆమె ప్రియుడైన రాకీ జైస్వాల్‌కు దిమ్మతిరిగే సమాధానం ఇచ్చారు. ఇన్‌స్టాగ్రామ్‌ వేదికగా ఈ భామ తన ఫొటోతో పాటు తనను ద్వేషించేవారిని ఉద్దేశించి.. ‘నన్ను ద్వేషించేవారిని తిరిగి ద్వేషించేంత సమయం నాకు లేదు, నన్ను ప్రేమించేవారిని ప్రేమించే పనిలో మునిగిపోయాను’ అంటూ ఒక సందేశాన్ని కూడా పోస్ట్‌ చేశారు. అసలేం జరిగిందంటే.. కొన్ని నెలల కిందట ఎవరో సోషల్ మీడియాలో ఒక పోర్న్‌ వీడియో క్లిప్‌ను షేర్‌ చేశారు. ఇక్కడ ఆశ్చర్యం కలిగించే అంశం ఏంటంటే ఆ వీడియోలో ఉన్న యువతికి, శిల్పకు చాలా దగ్గరి పోలికలు ఉన్నాయి. దాంతో అందరూ ఆ వీడియోలో ఉన్న యువతిని శిల్పగా భావించి ఆమెను చాలా అవమానించారు. ఈ విషయం గురించి శిల్ప బిగ్‌బాస్‌ 11 లో ఉన్నప్పుడు కూడా చర్చించారు. ఆ వీడియోలో ఉన్నది తాను కాదని కూడా ఆమె స్పష్టం చేశారు. ఈ విషయంలో ఏర్పడిన గందరగోళాన్ని తొలగించడానికి శిల్ప ఆ వీడియోను తన ట్విటర్‌లో పోస్టు చేశారు. కానీ ఈ విషయంలో ఆమె విమర్శల పాలయ్యారు. ఇది జరిగి చాలా కాలం అవుతుంది. కానీ ప్రస్తుత వివాదానికి కారణం బిగ్‌ బాస్‌ 11 సభ్యుడైన రికీ ఇప్పుడు ఈ విషయాన్ని తన ట్విటర్‌లో ప్రస్తావిస్తూ శిల్పను మరోసారి విమర్శించాడు.  వీడియోలో ఉన్న స్త్రీ అనుమతి లేకుండా నువ్వు వీడియోను ఎలా పోస్టు చేస్తావ్‌,  ఒక సెలబ్రిటీవి అయినా.. ఇంతా బాధ్యతారహితంగా ఎలా ప్రవర్తిస్తావ్‌ అంటూ రికీ ప్రశ్నించారు. అంతేకాక ఆ వీడియోలో ఉన్నది నీవు కానప్పుడు న్యాయపరంగా వెళ్లి పోలీసులకు ఫిర్యాదు చేయాల్సింది తప్ప ఇలా సోషల్‌ మీడియాలో పోర్న్‌ను ప్రచారం చేయడం మంచి పద్ధతి కాదని శిల్పను విమర్శించారు. ఈ సందర్భంగా శిల్ప తనను విమర్శిస్తున్న వారికి చాలా గట్టి సమాధానమే చెప్పింది. తాను చేసిని పనిని విమర్శిస్తున్న వారు, మీడియాలో ఇలాంటి వీడియోలు వైరల్‌ అవుతున్నప్పుడు ఎక్కడికెళ్లారని ప్రశ్నిస్తూ చురకలు అంటించారు.

ముంబై: గెలుపు కంటే గౌరవం పొందడం ముఖ్యమని ప్రముఖ రియాలిటీ షో బిగ్‌బాస్‌ 11వ సీజన్‌లో రన్నరప్‌గా నిలిచిన హినా ఖాన్‌ పేర్కొన్నారు. బిగ్‌బాస్‌ షో ముగిసిన తర్వాత ఆమె మీడియాతో మాట్లాడారు. ఫైనల్‌ వరకు వస్తానని ఊహించలేదని, మధ్యలోనే ఎలిమినేట్‌ అవుతానని అనుకున్నానని తెలిపారు. ‘పోటీలో చివరి వరకు ఉంటానని అనుకోలేదు. టాప్‌-5కు చేరాలని మాత్రమే అనుకునేదాన్ని. పోటీ చాలా ఎక్కువగా ఉంది. కొంత మంది బాగా ఆడి గట్టి పోటీ ఇచ్చారు. ఓటమి, గెలుపు అనేది కాదు. హౌస్‌ లోపల ఉంటూ పోటీపడటం అనేదే పెద్ద విషయం. నేను టాప్‌2లో నిలవడం గొప్ప ఘనతగా భావిస్తున్నాను. మధ్యలోనే వెళ్లిపోతాననుకున్న నాకు ఇది గర్వించే విషయం. అందుకే నాకు నేను అభినందించుకుంటున్నా’ని హినా ఖాన్‌ అన్నారు. చివరివరకు పోరాడాలని బిగ్‌బాస్‌ షో ద్వారా నేర్చుకున్నానని తెలిపారు. ఈ కార్యక్రమంలో పాల్గొన్నందుకు తనకు ఎటువంటి విచారం లేదని, అయితే కొన్నిసార్లు తన మాటలను వక్రీకరించారని వెల్లడించారు. పోటీలో గెలుపోటములు సహజమని, ఎలా ఆడామన్నదే ముఖ్యమని హినా ఖాన్‌ వ్యాఖ్యానించారు. 19 మంది పోటీదారులతో 105 రోజుల పాటు సాగిన బిగ్‌బాస్‌ 11వ సీజన్‌లో బుల్లితెర నటి శిల్పా షిండే(40) విజేతగా నిలిచారు.

సాక్షి, ముంబై : 105 రోజులు, 19 మంది అభ్యర్థులు, వివాదాలు-విమర్శలు.. ఇలా కొనసాగిన బిగ్‌బాస్‌ 11వ సీజన్‌ ముగిసింది. బుల్లితెర నటి శిల్పా షిండే(40) విజేతగా నిలిచారు. బాలీవుడ్ కండల వీరుడు సల్మాన్ హోస్ట్‌గా వ్యవహరించిన ఈ రియాలిటీ షో ఫైనల్ ఎపిసోడ్‌ ఆదివారం రాత్రి వేడుకగా జరిగింది.  ఫైనల్‌లో మొత్తం శిల్ఫా షిండే, వికాస్‌ గుప్తా, హీనా ఖాన్‌, పునీష్‌ శర్మలు నిలిచారు. విజేతగా శిల్పా పేరు ప్రకటించటంతో ఒక్కసారిగా ఆమె భావోద్వేగానికి గురయ్యారు. అనంతరం బిగ్ బాస్ 11వ సీజన్‌ విజేత శిల్పా షిండేకు సల్మాన్ ట్రోఫీ అందించాడు. నిజానికి ఫైనల్‌లో నటి హీనాఖాన్‌ గెలుస్తుందని అంతా భావించారు. కానీ, గత కొన్ని ఎపిసోడ్లుగా హీనా ప్రవర్తన సరిగ్గా లేకపోవటంతో విమర్శలు మొదలయ్యాయి. ఈ క్రమంలోనే మొదటి నుంచి షోలో మంచి ఫెర్‌ఫార్మెన్స్‌ కనబరుస్తున్న శిల్పాను అభిమానులు తమ ఓట్లతో గెలిపించారు. హీనా రన్నరప్‌ తో సరిపెట్టుకుంది. చివరి ఎపిసోడ్‌లో మరో బాలీవుడ్ అగ్ర హీరో అక్షయ్ కుమార్ అతిథిగా విచ్చేసి ఎపిసోడ్‌కు అదనపు ఆకర్షణగా నిలిచారు. అభ్యర్థులందరి రాక.. వారి స్టేజ్‌ ఫెర్‌ ఫార్మెన్స్‌లు, చివరికి సల్మాన్‌ చిందులతో కార్యక్రమం తారాస్థాయికి చేరింది. యూట్యూబ్‌ సింగింగ్‌ సెన్సేషన్‌ ఢించక్‌ పూజతో కలిసి సల్మాన్‌-అక్కీలు చేసిన సందడి అంతా ఇంతా కాదు. ఇక 40 ఏళ్ల శిల్పా షిండే 1999లో బుల్లితెరకు పరిచయం అయ్యారు. స్టార్‌ ఫ్లస్‌లో వచ్చిన సోప్ ఒపేరా భాభి సీరియల్‌లో నెగటివ్‌ రోల్‌తో ఆమె ఆకట్టుకున్నారు. సంజీవని, అమ్రపాలి సీరియళ్లతో మంచి పేరు సంపాదించుకున్న శిల్పా బిగ్‌ బాస్ విజేతగా నిలిచి ట్రోఫీతోపాటు శిల్పా 44లక్షల ప్రైజ్‌మనీ గెలుచుకున్నారు. షో వివరాలు... మహారాష్ట్రలోని లోనావాలో 19,400 చదరపు అడుగుల విస్తీర్ణంలో బిగ్‌బాస్ హౌస్‌ను ఏర్పాటు చేసి చుట్టూ 90 కెమెరాలు అమర్చారు. ఆద్యంతం ఉత్కంఠ భరితంగా సాగిన ఈ షో ప్రేక్షకులకు కావాల్సినంత వినోదాన్ని పంచింది. 


 ‘నేను ఎన్నో ఎదుర్కొన్నాను. నా స్థానంలో ఎవరైనా ఉంటే.. వారు ఆత్మహత్య చేసుకొని ఉండేవారు’ అంటూ ప్రముఖ నటి శిల్పా షిండే ఆవేదన వ్యక్తం చేశారు. 'బాబీజీ ఘర్‌ పర్‌ హై' వెబ్‌ సిరీస్‌తో ఫేమస్‌ అయిన ఆమె ఇటీవల ఆ షో నిర్మాత సంజయ్‌ కోహ్లిపై లైంగిక వేధింపుల కేసు పెట్టిన సంగతి తెలిసిందే. నిర్మాత కోహ్లి తనను లైంగికంగా వేధించాడని, అసభ్యంగా తాకేవాడని ఆమె ఆరోపించగా.. ఈ విషయంలో ఆలస్యంగా ఎందుకు ఫిర్యాదు చేశావంటూ మరో నటి కవితా కౌషిక్‌ మండిపడ్డారు.
 
 తాజాగా కవితా కౌషిక్‌ వ్యాఖ్యలపై శిల్పా స్పందిస్తూ.. ‘ప్రజలు ఎన్నైనా చెప్తారు. నేను డబ్బు కోసమో లేక మరొక దానికోసమో ఇందంతా చేస్తున్నట్టు ప్రజలు అనుకుంటున్నారు. ప్రతి ఒక్కరికీ భిన్నమైన అనుభవాలు ఉంటాయి. నాకు ఎన్నో విషయాలు ఎదురయ్యాయి. వాటిని నాదైన శైలిలో ఎదుర్కొనేందుకు ప్రయత్నించాను.  ఇలాంటి విషయాల (లైంగిక వేధింపుల) గురించి మాట్లాడటం అంత సులభం కాదు. ఇలాంటి విషయాల్లో మౌనంగా ఉండాలని ప్రజలు సలహా ఇస్తారు. ఒకవేళ ఫిర్యాదు చేస్తే ఆలస్యంగా ఎందుకు చేశావని ప్రశ్నిస్తారు. నిజమే నేను ఆలస్యంగా ఫిర్యాదు చేయడం ద్వారా అమ్మాయిలకు తప్పుడు సంకేతాలు ఇచ్చి ఉండొచ్చు.
 
 ఆమె (కవిత) చెప్పింది సరైనదే. ఇలాంటి విషయాల్లో వేచి చూడకూడదు. వెంటనే చెప్పేయాలి. వేచిచూసినా మిమ్మల్నే తప్పుపడతారు. కానీ, అమ్మాయిలకు ఆ సంకోచం ఎప్పుడూ ఉంటుంది.ఘా విషయాలు బయటకు చెప్పడం అంత సులభం కాదు’ అని ఆమె వివరించారు. తాను గత ఏడాదే ’బాబీ ఘర్‌ పర్‌ హై’షో నుంచి తప్పుకున్నానని, సంజయ్‌, అతని భార్య బెనాఫేర్‌ తనను మానసికంగా వేధించారని పేర్కొన్నారు. తనకు రావాల్సిన రెమ్యూనరేషన్‌ రూ. 32 లక్షలను పొందేందుకు ఇప్పటికీ వారితో పోరాడుతున్నట్టు చెప్పారు.


 'బాబీజీ ఘర్‌ పర్‌ హై' నటి శిల్పా షిండే నిర్మాత సంజయ్‌ కోహ్లిపై పోలీసులకు ఫిర్యాదు చేసింది. నిర్మాత కోహ్లి తనను లైంగికంగా వేధించాడని, అసభ్యంగా ప్రవర్తించాడని ముంబైకి సమీపంలోని వాల్వీ నైగావ్‌ పోలీసు స్టేషన్‌లో ఎఫ్‌ఐఆర్‌ నమోదు చేసింది. 'బాబీజీ ఘర్‌ పర్‌ హై' షోతో శిల్పా పాపులర్‌ అయింది. ఆ షో నిర్మాత సంజయ్‌ కోహ్లితో ఆమెకు విభేదాలు ఉన్నట్టు తెలుస్తోంది. షో కాంట్రాక్టులో ఎక్స్‌క్లూజివ్‌ క్లాజ్‌ పెట్టడాన్ని తప్పుబడుతూ.. నిర్మాత తనను మానసికంగా వేధిస్తున్నాడని ఆరోపిస్తూ గత ఏడాది ఆమె షో నుంచి తప్పుకుంది. దీంతో తనకు నష్టం వచ్చిందంటూ రూ. 12.5 కోట్ల దావాను శిల్పాపై నిర్మాత  కోహ్లి వేశారు.
 
 తాజాగా శిల్పా ఇచ్చిన ఫిర్యాదులో.. సంజయ్‌ తరచూ తనతో సన్నిహితంగా వ్యవహరించేందుకు ప్రయత్నించేవాడని, తనను హాట్‌, సెక్సీ అని అసభ్యంగా పిలిచేవాడని పేర్కొంది. తనను ఒకసారి అసభ్యంగా తాకాడని, దాంతో తాను గట్టిగా నో చెప్పానని తెలిపింది. ఈ విషయం గురించి బయట చెప్తే షో నుంచి తీసేస్తానని బెదిరించాడని పేర్కొంది. ఆ తర్వాత రోజు మేకప్‌ రూమ్‌లోకి వచ్చి షోలో కొనసాగాలంటే తనతో శారీరక సంబంధం పెట్టుకోవాలని చెప్పాడని, దీనిని మేకప్‌ మ్యాన్‌ వినడంతో అతన్ని తొలగించాడని తెలిపింది. అయితే, తనపై శిల్పా షిండే పెట్టిన కేసు బూటకమని, ఆమె తప్పుడు ఆరోపణలు తనపై చేస్తున్నారని నిర్మాత సంజయ్‌ కోహ్లి అంటున్నారు.